VOAL

VOAL

Please Wait ...
0%

Afër detit afër mbretit – Të mirat e ujit të kripur për organizmin

By | July 14, 2018

Komentet

Pse shtoni në peshë edhe kur hani pak – Këshillat që duhet të ndiqni

Kosi pa yndyrë dhe i zënë në shtëpi është i pasur me kalçium, kalium dhe proteina.

Disa persona janë të predispozuar që të vuajnë nga ngadalësimi i metabolizmit, pra i tretjes.

Në raste të tilla, zgjidhja e duhur është të riedukoni trupin tuaj për të tretur më thjeshtë dhe lehtë ushqimet që konsumoni.

Këta persona, gjatë stinës së dimrit shtojnë më shumë peshë se të tjerët edhe pse mund të hanë më pak.

Pasojat e një metabolizmi të ngadalësuar janë të shumta, duke filluar nga fryrja e deri tek gjendrat tiroide debele.

Një pasojë tjetër e tretjes së avashtë është dhe grumbullimi i lëngjeve të tepërta në zonat e barkut dhe këmbëve.

Për këta persona, por dhe të tjerët që kanë shtuar peshë gjatë dimrit, mund të ndjekin këshillat që AgroWeb.org ju sugjeron.

Mjafton të ndiqni hapat për shtatë ditë dhe do të shikoni një lehtësim në sistemin tretës.

Sapo të zgjoheni nga gjumi

Dietologët dhe specialistët e ushqimit vazhdojnë të nënvizojnë rëndësinë e pirjes së ujit me stomakun bosh.

Pirja e një gote me ujë sapo organizmi është zgjuar, i jep trupit hidratimin e duhur si dhe nuk ju lejon që të hani shumë.

Dhe pse uji nuk mendohet një ushqim, në stomak ai zë një pjesë të volumit të tij, që do të mbushej me ushqim.

Mëngjesi duhet të jetë i mbushur me antioksidantë

Nëse metabolizmi është i ngadaltë, duhet t’i jepni një “alarm zgjimi” sidomos në mëngjes.

Ju mund të konsumoni një filxhan me çaj trëndafili, tre feta buke pa maja, kos natyral duke e shoqëruar me një kivi dhe tre bajame.

Mes vakteve kryesore

Një pikë e rëndësishme është të durosh tundimit të ëmbëlsirave.

Të gjithë dietologët sugjerojnë që të konsumohen ushqime nga natyra.

Mund të konsumoni 100 g rrush të bardh apo të zi, ose një frut të stinës, me tre bajame.

Ose provoni të hani pak kos me fara kungulli plot omega 3.

Në drekë kini kujdes nivelin e jodit

Dreka është pjesa më e rëndësishme e ditës për të plotësuar përqindjen më të madhe të vlerave ushqyese.

Prandaj AgroWeb.org ju këshillon që të konsumoni ushqimet e duhura, por pa rënduar organizmin.

Mund të provoni oriz dhe majdanoz të gatuar me vaj ulliri, limon dhe piper të kuq ose djegës.

Ose supë me patate, presh dhe pak gjizë të shoqëruar me sallatë me rukola dhe domate.

Kur ju kaplon lodhja e mesditës

Më e mira për të ndihmuar tretjen është pastrimi i mëlçisë nga helmet që ka mbledhur gjatë ditës.

Shafrani i Indisë ose tumerik i tretur në një gotë me ujë, arrin jo vetëm largimin e helmeve por dhe eliminimin e yndyrnave dhe nxit djegien e kalorive.

Shafranin e Indisë e gjeni në markete ose në pikat ku shiten erëzat

Për të shuar urinë

Frutat janë miqtë tuaj më të mirë, dhe për një sistem tretës në formë janë thelbësore.

Mund të provoni të hani një mollë të ndarë ne feta e të spërkatur me pak pluhur xhenxhefili ose kanellë.

Darka duhet ngrënë me armiqtë

Vakti i fundit të ditës duhet të jetë dhe më i lehti, si dhe duhet konsumuar para orës 19:00.

Perimet e ziera me avull janë dhe zgjidhja perfekte e një dake të lehtë e plot vlera.

Mjafton që të mos e ekzagjeroni me sasinë, dhe mund të konsumoni çdo perime që preferoni.

Ose në dëshironi mund të përgatisni një sallatë me spinaq dhe me pak fileto pule me vaj ulliri. /AgroWeb.org

Shkaqet kur kolla përkeqësohet gjatë natës – Mënyrat për qetësimin e saj

Lëngjet e ngrohta dhe kurat natyrale zbusin dhe hollojnë sekrecionet dhe lehtësojnë kollitjen.

Kolla është një nga simptomat mbizotëruese të gripit dhe të ftohurës.

Shërimi i këtyre dy problemeve shëndetësore kërkon një regjim të shëndetshëm me lëngje dhe ushqime të pasura me vitamina, medikamente të caktuara dhe shumë pushim.

Në fakt, gjumi dhe pushimi i japin trupit kohën që i nevojitet për të luftuar infeksionet.

Por, nëse kolla vazhdon ditë e natë, pushimi dhe gjumi duket i pamundur.

Gjatë natës, kolla ka tendencën të përkeqësohet dhe e bën të pamundur fjetjen dhe rikuperimin e energjive.

Përse Kolla Përkeqësohet Gjatë Natës?

Arsyet përse kollitja bëhet më e ashpër gjatë natës janë të shumëta por lehtësisht të shpjegueshme.

Një prej tyre është qëndrimi që ndikon në akumulimin dhe rrugëtimin drejt fytit të sekrecioneve të trasha.

Për këtë arsye, ekspertët sugjerojnë fjetjen me kokën ngritur, mundësisht me dy jastekë, kur jeni me kollë.

Ky pozicion do të pengojë mbledhjen e sekrecioneve në fyt.

Sipas të dhënave të AgroWeb.org, një arsye tjetër është ambienti i brendshëm tepër i thatë.

Ajri i thatë mund të përkeqësojë situatën me fytin dhe hundën.

Ajri duhet të jetë i lagësht që të merrni frymë lirisht.

Bëni një avull me ujë të ngrohtë përpara gjumit.

Mbushni një enë me ujë të nxehtë dhe hidhni gjethe menteje ose nenexhiku ose pika vaji esencial nëse keni.

Me një peshqir mbi kokë nuhasni avullin që del prej enës.

Ose mbani në dhomë një enë me ujë të nxehtë dhe gjethe ekualipti ose me disa pika vaj esencial.

Vajin esencial e gjeni në farmaci.

Sidoqoftë, kolla është e rëndësishme për shërimin.

Nëpërmjet saj, trupi arrin të nxjerrë toksinat dhe të pastrojë rrugët e frymëmarrjes.

Si Të Mbani Nën Kontroll Kollën E Thatë Gjatë Natës

Në rastet kur kollitja nuk ju lë të merrni frymë, ju duhet të siguroheni që të merrni disa masa për të mundësuar pushimin e dëshiruar.

Pini sa më shumë lëngje përgjatë mbrëmjes dhe përpara se të shtriheni për të fjetur.

Lëngjet e ngrohta zbusin dhe hollojnë sekrecionet dhe lehtësojnë kollitjen.

Nëse kolla juaj zgjat më shumë se 7 ditë, atëherë AgroWeb.org rekomandon të shkoni tek mjeku dhe bëni një kontroll.

Nëse kolla zgjat mbi dy javë, atëherë ju mund të jeni prekur nga bronshiti, azma ose pneumonia.

Shurupi i Mjaltit me Vaj Ulliri dhe Limon

Për përgatitjen e shurupit, nxehni për 2-3 minuta në një enë metalike lëngun e shtrydhur të një limoni mesatar.

Hiqeni nga zjarri dhe kalojeni lëngun në një tas, duke shtuar një lugë gjelle vaj ulliri ekstra të virgjër dhe një gjysmë gote çaji me mjaltë, pra rreth 100 ml.

Përzijini mirë të gjithë përbërësit së bashku. Më pas kalojeni masën e përftuar në kavanoz qelqi të sterilizuar dhe ruajeni në frigorifer.

Merrni një ose dy lugë çaji për të kuruar kollën sa herë që ju bezdis dhe një tjetër lugë para gjumit.

Llixhat e Bënjës së Përmetit – Shëruese për reumatizmën, stomakun, lëkurën

E shndërruar në një pikë të mirëfilltë e turizmit shëndetësor, zona e Bënjës së Përmetit pikun e frekuentimit të saj e ka gjatë sezonit të verës.

Një nga arsyet kryesore përse nga viti në vit zona e Bënjës së Përmetit po njeh një frekuentim të gjerë vizitorësh jo vetëm nga i gjithë vendi por edhe jashtë tij janë burimet ujore termale.

Vlerat e tyre kurative dhe shëruese të disa sëmundjeve çmohen si të jashtëzakonshme e madje shumë specialist i cilësojnë këto burime si më të mirat që gjenden në Evropë.

E shndërruar në një pikë të mirëfilltë e turizmit shëndetësor, zona e Bënjës së Përmetit pikun e frekuentimit të saj e ka gjatë sezonit të verës.

Ujërat termominerale të Bënjës janë të studiuara nga pikëpamja analitiko-shkencore dhe përmbajtja e tyre kimike.

Studiuesit të cilëve i vlerësojnë ato si burime sulfate, me përmbajtje të lartë sode bikarbonate.

Sipas tyre këto burime janë të veçanta, jo vetëm se janë ujëra të nxehta, por ato kanë në përmbajtje substanca minerale të tretura, që u japin veti terapeutike.

Sëmundjet që Trajtohen

Burimet termale të Bënjës janë një fenomen vërtetë i rrallë natyror.

Të gjitha burimet kryesore me ujëra termominerale sulfurore ndodhen shumë afër me njëri-tjetrin, në një gjatësi që nuk shkon më shumë se një kilometër dhe të gjitha këto rrethana krijojnë kushte për investime me interes.

Sipas të dhënave të AgroWeb.org ujërat me bazë sulfurorë kanë efekte shumë të larta kuruese sidomos për reumatizmën.

Në Bënjë të Përmetit ndodhen katër burime termale që trajtojnë problemet e reumatizmës dhe dy të tjera, një për të gjitha problemet e lëkurës si dhe një tjetër për shëndetin e stomakut.

Ujërat me bazë sulfurorë kanë efekte shumë të larta kuruese sidomos për reumatizmën.

Konkretisht, në Bënjë të Përmetit ndodhen katër burime termale që trajtojnë problemet e reumatizmës dhe dy të tjera, një për të gjitha problemet e lëkurës si dhe një tjetër për shëndetin e stomakut.

Më Të Mirat Në Evropë

Burimet e ujërave termale të Bënjës, apo siç quhen ndryshe Banjat e Bënjës, gjenden 14 kilometra larg qytetit jugor të Përmetit në komunën Petran, vetëm 3 kilometra larg nga vendi ku lumi Vjosa bashkohet me përroin e Lëngaricës.

E veçanta e tyre është se këto janë burime të hapura në natyrë.

Sipas të dhënave të AgroWeb.org temperatura e këtyre ujërave është, 26 32 gradë celius.

Temperatura e ujërave varion 26­32°C./AgroWeb.org

Tetë gabimet që bëni kur hani mëngjes – Çfarë duhet të shmangni

Mungesa e kohës dhe ritmi i shfrenuar i ditës mund t’ju lërë pak mundësi për të ngrënë mëngjes.

Mëngjesi është vakti më i rëndësishëm i ditës.

Ushqimet që hamë në mëngjes do të përcaktojnë mbarëvajtjen e gjjithë ditës por kanë një ndikim afatgjatë në shëndet.

Për të marrë përfitimet maksimale të këtij vakti, AgroWeb.org ju këshillon të shmangni duhet të shmangni 8 gabimet e mëposhtme.

Mungesa E Vëmendjes Tek Ushqimi

Mungesa e kohës dhe ritmi i shfrenuar i ditës mund t’ju lërë pak mundësi për të ngrënë mëngjes.

Ngrënia në këmbë, shpejt e shpejtë ose nëpër shkallë mund të shuajë urinë përkohësisht.

Nëse nuk e keni mendjen në sasinë dhe llojin e ushqimit do të hani pa kriter por do të rrisni rrezikun e mbipeshës dhe sëmundjeve të zemrës.

Mungesa E Proteinës

Në shumicën e kohës, vakti i mëngjesit është i pasur me karbohidrate.

Ky është një fillim i gabuar i ditës sepse mëngjesi i mirë duhet të jetë i pasur me proteina.

AgroWeb.org ju këshillon se proteina gjendet tek vezët, gjiza, djathi, tërshëra dhe kosi.

E Bardha E Vezës

E bardha e vezës mund të ketë pak kalori dhe proteinë, por e verdha është plot me amino acide omega-3 dhe antioksidantë që ushqejnë trupin dhe e mbrojnë atë nga radikalet e lira.

Mangësi Në Racion

Ngrënia e një vakti të pasur dhe të ekuilibruar në ushqyes është i rëndësishëm për gjithë ditën.

Ekspertët thonë se është më mirë të hani racione të bollshme në mëngjes se në darkë.

Studimet thonë se një vakt i bollshëm me proteina ndihmon në menaxhimin e diabetit të tipit 2.

Më Pak Yndyrë

Nëse keni vendosur të qëndroni larg yndyrnave, duhet të dini se kjo ju bën më shumë të shtoni në peshë.

Jo të gjitha yndyrnat janë të këqija. Mëngjesi ideal duhet të jetë i balancuar me yndyrna të shëndetshme dhe proteinë.

Ato i gjeni tek avokadi, farat chia, veza e plotë dhe gjalpi i kikirikut.

Mëngjesi I Vonë

Nëse e shtyni mëngjesin më vonë pasi të keni bërë dush, veshur e dalë nga shtëpia, atëherë nuk jeni në rrugë të mbarë.

Mëngjesi duhet ngrënë deri një orë pas zgjimit.

Studimet, të cilave i referohet AgroWeb.org thonë se njerëzit që hanë një mëngjes të pasur me proteina rreth orës 06:00 deri në 09:45 kanë më pak gjasa të shtojnë në peshë se ata që hanë mëngjes pas orës 10.

Drithërat Direkt Nga Kutia

Drithërat e mëngjesit janë të mbushura me sheqer.

Sasia e shëndetshme e tyre është një filxhan çaji, por nëse i hidhni ato direkt nga kutia do të hani më shumë.

Kafeja Para Bukës

Pirja e kafesë me stomak bosh rrit prodhimin e aciditetit në stomak.

Njerëzit që kanë një stomak të ndjeshëm mund të vuajnë nga tretja problematike, urthi dhe problemet me zorrët.

Prandaj rekomandohet që kafeja të pihet pas ngrënies.

Mënyrat e duhura si të dalloni nëse mishi që blini është i freskët

Mish i Gatuar.

Të dhënat e Organizatës së Kombeve të Bashkuara për Bujqësinë dhe Ushqimin të cituara nga revista Monitor, tregojnë se në vendin tonë konsumi i mishit për frymë arrin në 44 kg në një vit.

Niveli i konsumit të mishit në vendet e Bashkimit Europian përllogaritet në 64 kg/frymë në vit.

Të dhënat e AgroWeb.org tregojnë se pothuajse 90% e mishit të përpunuar në Shqipëri importohet.

Prodhimi i mishit është i përqëndruar në qarqet e Fierit (16%), Elbasanit (15%), Tiranës (10%) dhe Korçës (9%), të cilat së bashku përbëjnë më shumë se gjysmën e prodhimit të përgjithshëm.

Përveç larmishmërisë së produkteve shtazore në markete, thuajse në çdo lagje gjen një kasap që reklamon produkte të freskëta e të sigurta për konsumatorin.

Konsumatori përballet me dy zgjedhje: të besojë atë që i serviret ose të kontrollojë cilësinë e produktit që blen.

Në këtë artikull të AgroWeb.org do të mësoni për teknikat e duhura që ju ndihmojnë të dalloni freskinë e mishit të preferuar.

Si Të Dalloni Nëse Mishi Është I Freskët

Përpara se të hapni kuletën për të paguar mishin të cilit ia keni vënë syrin sigurohuni që ai plotëson disa prej karakteristikave të përshkruara më poshtë.

Së pari, mishi i freskët zë një kore të lehtë me nuancë rozë të çelët.

Së dyti, prekeni mishin me gisht dhe më pas vëreni nëse mishi do të kthehet në gjendjen fillestare.

Nëse kjo ndodh, mishi është i freskët ndërsa gishti është i thatë.

Nëse prisni mish të freskët, ai nuk do të ngjitet në duar.

Mishi që nxjerr lëngje pasi të pritet sapo është nxjerrë nga frigoriferi për tu shkrirë ose nuk është i freskët.

Dhjami tek mishi i freskët është i butë, me ngjyrë kremi dhe përmbajtje të njëtrajtshme.

Nëse dhjami është i verdhë, atëherë me siguri mishi nuk është i freskët.

Mishi i freskët dallohet edhe nga pjesët e muskujve dhe tendinave që veshin kockat.

Sa ma fort të jenë copat të lidhura me njëra tjetrën, aq më i freskët është mishi.

Ngjyra është një tjetër aspekt i freskisë.

Mishi i i viçit kur është i freskët ka ngjyrë të kuqe. Mishi i lopës ka ngjyrë të përier mes rozës dhe grisë.

Mishi i deles ka një ngjyrë të kuqe me nuancë të kafenjtë ndërsa mishi i derrit dhe gicit ka një ndërthurje mes rozës dhe të bardhës.

Aroma e mishit të freskët mund të dallohet vetën në temperaturë ambienti pasi keni prerë një copë me thike.

Aroma e mishit të lopës është shumë specifike por e butë ndërkohë që kur gatuhet aroma ndizet.

Aroma e mishit të zier të derrit është e ëmbël ndërsa mishi i zier i deles të kujton një gjellë të mirë e super të shijshme me mish.

Mishi i një deleje të vjetëruar ka një aromë të pakëndshme që ndihet shumë kur zihet.

Mishi i lopës që ka qëndruar gjatë në frigorifer ka një aromë karakteristike vjetërsie.

Mishi i ngrirë nuk ka kurrfarë arome.

Çfarë të bëni kur digjni gjuhën duke ngrënë – Këshilla dhe trajtime natyrale

Gjuha e fryrë me kokrriza të vogla mund t’ju ndërhyjë edhe në shijimin e ushqimeve.

Të paktën një herë në jetë çdo njeri i rritur ka përjetuar djegie të gjuhës.

Me siguri ju kujtohen të gjitha herët që jeni munduar të pini shpejt një filxhan kafeje apo çaji dhe jeni djegur.

Djegia e gjuhës megjithëse nuk futet tek dhimbjet e padurueshme mund te shkaktojë një ndjesi të bezdisshme gjatë gjithë ditës.

Gjuha e fryrë me kokrriza të vogla mund t’ju ndërhyjë edhe në shijimin e ushqimeve.

Prandaj AgroWeb.org në këtë artikull ju tregon disa mënyra të thjeshta se si t’a largoni shpejt këtë ndjesi.

Çfarë duhet të bëni menjëherë pasi keni djegur gjuhen

Nëse digjni gjuhen duke ngrënë gjëja më e mirë që mund të bëni është që menjeherë ta nxirrni me kujdes nga goja ushqimin që po konsumoni.

Kjo rekomandohet për të mos e lejuar më këtë ushqim të veprojë mbi zonën e djegur.

Kjo, pasi djegia mund të përfshijë gjuhën, gojën dhe ezofagun kur ju përtypni një ushqim shumë të nxehtë.

Kjo metodë funksionon për të mos e përkeqësuar gjendjen  në momentin e parë.

Ndërsa për të kuruar plotësisht djegien ndiqni hapat më poshtë.

Trajtimet

Është e rëndësishme të mbani të djegurën të pastër.

Kjo mund të bëhet duke shpëlarë gojën me ujë dhe kripë çdo ditë.

AgroWeb.org gjithashtu ju rekomandon të konsumoni pije të ftohta si uji me akull, qumështi apo kosi i ftohtë.

Në këtë mënyrë zona e djegur do të mpihet dhe nuk do t’ju shkaktojë më bezdisje.

Një tjetër metodë është lyerja e gjuhës me mjaltë për të trajtuar zonën e lënduar.

Çfarë nuk duhet të bëni absolutisht pasi keni djegur gjuhën

Nëse keni djegur gjuhën mundohuni të evitoni sa më shumë ushqimet dhe lëngjet  e nxehta, ushqimet pikante apo ushqime që përmbajnë shumë aciditet.

Edhe cigarja mund të jetë një acaruese e plagës së djegies në shumë raste.

Gjithashtu evitoni larjen e gjuhës me furçë derisa të ndjeni që është shëruar.

Kur duhet të shkoni tek mjeku

Kur përjetoni djegie të gjuhës do të thotë se janë djegur qelizat që e rrethojnë atë dhe duhen dy deri në tre ditë deri në shërimin total.

Nëse djegia dhe dhimbja zgjat më shumë se kaq atëhere është mirë që të konsultoheni me mjekun.

Pasi kjo është një shenjë që djegia mund të jetë më serioze dhe të dëmtojë nervat e gjuhës tuaj./AgroWeb.org

Domatet Zemërkau – Autentiket shqiptare, plot vlera për shëndetin

Domatet zemërkau janë padyshim nga produktet më të veçanta ndër fruta-perimet e kultivuara në Shqipëri.

Nga bahçet e kopshtet e shtëpive private e deri tek tek fermat e vogla, domatet zemërkau si qëmoti edhe sot të mrekullojnë me shijen e tyre të freskët.

Një prodhim tërësisht me farë autentike shqiptare, domatet zemërkau janë padyshim nga produktet më të veçanta ndër fruta-perimet e kultivuara në Shqipëri.

Me shije dhe aromë unike, me tul të plotë e natyrale domatet zemërkau të prodhuara kryesisht në kopshtet private apo edhe në parcela të vogla nësera e ferma mbeten më të preferuarat e shqiptarëve.

Specialistët thonë për AgroWeb.org se shija dhe vlerat e domates së vendit, përfshirë dhe atë të varietetit zemërkau janë të një niveli shumë të lartë, falë edhe kushteve klimaterike relativisht të ngrohta në Shqipëri.

Domatet zemërkau kanë një shije të lehtë. Ato shijojnë shumë, sidomos nëse konsumohen sapo këputen nga pema e tyre, kjo pasi ato janë delikate dhe zbuten brenda dy apo tre ditëve.

Kjo është edhe arsyeja përse këto lloj domatesh krahasuar me domatet e tjera tradicionale prodhohen në sasi të limituara dhe nuk gjenden masivisht në tregje.

Aktualisht, domatet zemërkau gjenden në  tregjet e fshatarëve  por edhe në tregjet e fruta perimeve pavarësisht se sasia e tyre është e limituar.

Domatet shqiptare më të kërkuarat në tregjet evropiane dhe jo vetëm

Domatet shqiptare janë shumë të kërkuara në eksport. Ato shkojnë kudo, deri ne Rusi. Nëse do t’i referohemi sasisë së produkteve të eksportuara, perimet dhe frutat janë mbretëreshat e tokave tona. Shqipëria eksporton në vit mbi 52 mijë ton perime, nga të cilat 34 mijë ton domate.

Interes në rritje për perimet e freskëta Made in Albania po tregojnë tregjet lindore, si Bullgaria, Serbia, Bosnja, Kroacia dhe Hungaria.

Por sipas të dhënave të AgroWeb.org, edhe Gjermania, Italia, Hollanda e Franca janë tepër të interesuara për të blerë prodhimet tona të freskëta. Kryesisht domaten, por edhe perime të tjera, duke i ofruar sektorit të bujqësisë një domethënie më të madhe për rolin që ka në ekonominë tonë.

Tregu i Bashkimit Evropian paguan shumë më mirë sesa tregjet rajonale për njësi prodhimi.

Vlerat e domates

Domatet përfshirë edhe ato zemërkau janë të njohura për përmbajtjen e lartë të antioksidantëve.

Vetë pigmenti karotenoid është sipas shkencëtarëve tepër i rëndësishëm për shëndetin e kockave.

Domatet janë një burim i jashtëzakonshëm i Vitaminës C dhe Vitaminës K.

Ajo është bujare në përmbajtjen e potasit, magnezit, fibrave, vitaminës A, B6, folatit, Vitaminës E, fosforit, kromit, proteinave, zinkut dhe hekurit.

Domatet të bëjnë mirë për zemrën, ulin kolesterolin dhe trigliceridet.

Studime të shumta, të cilave u referohet AgroWeb.org kanë treguar që domatja është e shkëlqyer në mbrojtjen e zemrës. Jo vetëm prej vlerave antioksidante por edhe për faktin që rregullon yndyrnat në qarkullimin e gjakut.

Dëmtimi i nervave – Tetë shenjat që nuk duhen neglizhuar

Diabeti është shkaktari kryesor i dëmtimit të këtyre nervave.

Trupi i njeriut përshkohet nga miliarda nerva.

Shumica prej tyre janë periferikë dhe kanë një funksion primar: shpërndarjen dhe transmetimin e mesazheve e sinjaleve në tru dhe në shtyllën kurrizore.

Kur gjithçka shkon siç duhet, truri merr të gjithë informacionin për të cilin ka nevojë që mundësojnë lëvizjen e muskujve, njohjen e dhimbjes dhe funksionin e organeve.

Kur këto nerva dëmtohen atëherë ecja është e vështirë, dhimbja e fortë dhe rreziku është i lartë.

Diabeti është shkaktari kryesor i dëmtimit të këtyre nervave.

Megjithatë  nuk përjashtohet as trauma (e shkaktuar nga një aksident) plakja, mungesa e vitaminave, ekspozimi ndaj toksinave, hepatitis C, dhe sëmundje imunitare.

Sipas të dhënave të AgroWeb.org, kjo sëmundje zhvillohet ngadalë, që do të thotë se njeriu mund ta kurojë atë përpara se të përkeqësohet.

Ndonëse diagnostikimi nuk është gjithmonë i thjeshtë, simptomat e kësaj sëmundjeje janë një këmbanë alarmi që nuk duhen injoruar.

Mpirje, Therje, Djegie

Nëse vëreni mpirje, therje ose djegie të këmbëve dhe duarve duhet të dini që kjo ndodh nga kompresimi i nervave ndijorë gjatë gjumit.

Këto simptoma janë të përkohshme, por nëse zgjasin shumë gjatë, AgroWeb.org ju sugjeron të shkoni tek mjeku.

Vështirësi Në Lëvizje

Dëmtimi i nervave motorikë shkakton dobësi, vështirësi në lëvizje ose paralizë, thonë ekspertët.

Vështirësia në lëvizje mund të jetë një shenjë paralajmëruese e një infarkti ndaj sigurohuni që të shkoni tek mjeku sa më parë.

Dhimbje Në Këmbë

Dhimbjet e forta, ndjesia e therjes në fundshpinë që shpërndahet vetëm në njërën këmbë, nënkupton dëmtimin e nervit shiatik.

Sipas të dhënave të AgroWeb.org, nervi shiatik mund të dëmtohet nga hernia diskale ose nga diabeti.

Ngathtësi Dhe Plogështi  

Nëse krejt papritur vëreni se rrëzoheni shpesh, jeni të ngathët dhe nuk qëndroni në këmbë, atëherë duhet të dini se kjo ndodh nga dëmtimi i nervave.

Ngathtësia është gjithashtu simptomë e sëmundjeve nervore siç është Parkinsoni.

Urinim i Shpeshtë

Dëmtimi i nervave nënkupton se fshikëza e urinës merr informacionin e gabuar.

Kjo shoqërohet me dëshirën në rritje për të shkuar në banjë.

Njerëzit që vuajnë nga diabeti janë më të prekur nga ky problem.

Dhimbje Të Papritura Koke

Nëse prekeni nga dhimbje koke të papritura por shumë të forta, atëherë duhet të dini që kjo vjen si pasojë e dëmtimit të nervave të qafës.

Ky problem zgjidhet nëpërmjet një injeksioni që bllokon përkohësisht nervin përgjegjës që transmeton sinjalin e dhimbjes.

Djersitja e Tepërt

Djersitja e tepërt mund të jetë tregues i dëmtimit të nervave që dërgojnë informacion nga gjëndrat e djersës tek truri.

Ndjesi Minimale Të Dhimbjes

Nervat ndijorë i tregojnë trurit nëse diçka është e rrezikshme dhe nuk duhet prekur.

Nëse këto nerva janë dëmtuar, ju mund të shihni sobën ndezur por truri nuk e percepton rrezikun e nxehtësisë.

Kështu jeni më të rrezikuar nga djegia ose diçka tjetër.

Nëse vëreni se keni pësuar një lëndim të tillë nga përdorimi i sobës, enëve të kuzhinës e të tjerë, atëherë vizitohuni tek një mjek./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

Dhimbjet e muskujve të kraharorit – Çfarë i shkakton dhe si trajtohen

Dhimbja e Muskujve.

Dhimbjet e kraharorit janë gjithnjë shumë të frikshme dhe shqetësuese pasi mund të lidhen me probleme të zemrës.

Nga ana tjetër kur ndjeni shtrëngime në anën e kundërt të zemrës, shkaqet mund të mos jenë gjithnjë aq shqetësuese, por gjithsesi duhen kuruar.

AgroWeb.org në këtë artikull ju shpjegon disa nga shkaqet më të zakonshme që j’ua shkaktojnë këtë parehati.

Këto dhimbje mund të variojnë që nga dëmtimet e kraharorit, infeksionet apo probleme me organet e brendëshme.

Më poshtë gjeni të listuara disa nga shkaqet kryesore që e provokojnë këtë gjendje.

Dëmtimet e kraharorit

Dëmtimet e brinjëve apo të zonës së gjoksit mund të jenë nga më të dhimbshmet, në varësi të shkallës së dëmtimit.

Nëse keni përjetuar trauma të forta fizike si rënie apo përplasje të forta kjo me siguri do t’ju shkaktojë probleme.

Edhe kollitjet e fuqishme në shumë raste krijojnë dhimbje ose djegie brenda në kraharor.

Gjithashtu personat që kanë kryer operacione në ate zonë herë pas here mund të ndjejnë dhimbje të plagës.

Trajtimet

Trajtimet për këto dëmtime variojnë sigurisht nga masa e dhimbjes dhe dëmit të shkaktuar në trup.

Kur bëhet fjalë për dëmtime apo djegie të vogla të kraharorit, ato mund të trajtohen fare lehtë në shtëpi.

Mjafton të merrni pak akull dhe ta aplikoni në zonën nga ku vjen dhimbja për 20 minuta.

Kjo metodë do të ndihmojë në qetësimin e kësaj pjese të trupit dhe do të largojë ndjesinë e dhimbjes.

Në rastet kur dhimbja është akoma e fortë dhe shkakton vështirësi në frymëmarrje, atëherë është e rendësishme të shkoni tek mjeku.

Tërheqja muskulare

Është e mundur që muskujt e kraharorit të tërhiqen dhe të shkaktojnë dhimbje të mëdha.

Kjo varet edhe nga muskuli që dëmtohet për këtë shkak dhimbja mund të shfaqet vetëm në një anë.

Këto dhimbje mund të shkaktohen nga ngritja e peshave të mëdha gjatë punës apo ngritja e peshave në palestër.

Trajtimet

Tërheqjet muskulare zakonisht qetësohen kur pushoni.

Një ndihmesë mund të jetë aplikimi i akullit në zonën ku ndjeni dhimbje dhe qëndrimi shtrirë.

Gjithashtu qetësuesit natyralë si çaji i kamomilit mund të ndihmojë në zvogëlimin simptomave.

Cikli menstrual

Tek femrat një nga arsyet e provokimit të dhimbjeve të zonës së kraharorit dhe barkut është cilki  i përmuajshëm menstrual.

Fluksi i madh i hormoneve që shfaqen gjatë ciklit mund të shkaktojnë fryrje të kraharorit dhe ngurtësim të tij.

Trajtimet

Një nga këshillat që AgroWeb.org ju jep për këtë simptomë është të konsumoni shumë ujë në mënyrë që të relaksoni kraharorin.

Kjo dhimbje mund të zgjasë një apo dy javë dhe zakonisht qetësohet me kohën.

Në çdo rast nëse dhimbjet që përjetoni janë të forta AgroWeb.org ju këshillon të konsultoheni gjithnjë me mjekun tuaj.

Si të kujdeseni për të patur kocka të forta në çdo moshë

Kujdesi për Shëndetin e Kockave.

Kocka të forta dhe trup në formë janë dy elementë kryesorë të një jetese të shëndetshme.

Me kalimin e moshës, njeriu humbet gjithnjë e më shumë nga dendësia kockore.

Një gjë e tillë mund të nxisë ose përshpejtojë sëmundjen e osteoporozës e cila manifestohet me fraktura që më pas shkaktojnë paaftësi fizike tek njeriu.

Lajmi i mirë sipas ekspertëve të AgroWeb.org është se osteoporoza apo reumatizma nuk është një pjesë e pandashme e plakjes dhe nëpërmjet disa hapave të caktuar, njeriu mund të mbajë kockat të shëndetshme e të forta.

Në këtë artikull të AgroWeb.org do të mësoni gjithçka ju nevojitet që të përkujdeseni për kockat pavarësisht moshës.

Kalçiumi dhe Vitamina D

Kalçiumi është shumë i rëndësishëm për kockat ndërsa vitamina D ndihmon në përthithjen maksimale të tij.

Këto ushqyes përbëjnë shtyllat kryesore të një skeleti të shëndetshëm e të fortë.

Ekspertët rekomandojnë që të rriturit të marrin 1 000 mg kalçium në ditë ndërsa gratë pas menopauzës duhet të marrin 1 200 mg kalçium në ditë.

Sa i përket vitaminës D, të rriturit kanë nevojë për 600 njësi ndërsa të moshuarit mbi 70 vjeç kanë nevojë për 800 njësi.

Ushqyerja e Duhur

Kalçiumi dhe vitamina D nuk janë të mjaftueshme për ruajtjen e shëndetit të kockave.

Roli i tyre plotësohet falë ushqyerjes së duhur me fruta, perime, arrorë, fara, yndyrna të shëndetshme e drithëra të plota.

Përpos tyre, ekspertët e AgroWeb.org rekomandojnë shmangien e ushqimeve të përpunuara dhe përzgjedhjen e sa më shumë drithërave të plota.

Këto të fundit janë shumë të pasur me ushqyes të dobishëm për kockat.

Sa i përket perimeve, rekomandohet që të zgjidhni nga të gjith ngjyrat, që nga barishtet e gjelbra deri tek specat e kuq.

Një regjim shumëngjyrësh garanton ushqyes të larmishëm për kockat.

Aktiviteti Fizik

Aktiviteti fizik është shumë i rëndësishëm për shëndetin e kockave.

Ushtrimet më efikase janë ato që përfshijnë peshat por jo tepër të rënda.

Njerëzit që kanë pësuar fraktura duhet të shmangin kërcimin, ngjitjen e shkallëve, kërcimin e të tjerë.

Zakonet e përditshme që shkatërrojnë shëndetin e dhëmbëve

Kafe Ekspres.

Dhëmbët janë kockat më të forta të trupit njerëzor.

Përveçse luajnë një rol kryesor në përtypjen e ushqimit, janë shumë të rëndësishme edhe në proçesin e të folurit.

Këto kocka të forta janë pjesë e trupit tuaj për gjithë jetën prandaj kujdesi ndaj tyre duhet të jetë maksimal.

Gjithsesi ndonëse janë të fortë, egziston edhe rreziku që të konsumohen shpejt.

AgroWeb.org në këtë artikull ju tregon disa nga zakonet tuaja të përditëshme që po ju konsumojnë dhe prishin dhëmbët.

Kërcitja e dhëmbëve

Kërcitja e dhëmbëve apo fërkimi i tyre me njëra tjetrën mund t’i dëmtojë ato.

Kjo simptomë më së shumti shkaktohet nga stresi dhe kryesisht gjatë gjumit.

Është e vështirë të kontrollohet pasi trupi nuk e kupton se çfarë po bën kur fle.

Ndaj mundohuni të kujdeseni për dhëmbët tuaj gjatë ditës duke evituar konsumimin e ushqimeve të forta.

Një tjetër mënyrë është të përdorni një protezë mbrojtëse për dhëmbët të cilën mund t’a merni tek dentist juaj apo në farmaci.

Përtypja e akullit

Ndjesia e përtypjes se akullit mund të jetë shumë e pëlqyeshme në ditët e nxehta të verës për ju, po jo për dhëmbët tuaj.

Megjithëse është vetëm ujë në një gjendje të ngurtë dhe i padëmshëm për trupin, tek dhëmbët mund të ketë një efekt tjetër.

Duke qënë të dyja substanca të forta ato përplasen me njëra tjetrën dhe shkaktojnë konsumimin edhe plasaritjen e dhëmbëve.

Ndaj herën tjetër që doni të përtypni akull kujtohuni për dëmin e madh që i shkakton dhëmbëve tuaj.

Karamelet e vogla

Karamelet, si ato të buta ashtu edhe të fortat megjithëse janë të vogla në sasi janë njësoj të dëmshme për dhëmbët.

Shumica e karameleve që shiten në supermarket janë të mbushura me sheqer ndaj përtypja e tyre mund të jetë fatale për dhëmbët.

Sheqeri mbetet për një kohë të gjatë në gojën tuaj duke dëmtuar sipërfaqen e dhëmbëve.

Pijet me gaz

Sheqeri tek karamelet nuk është i vetmi armik i dhëmbëve edhe pijet me gaz përmbajnë një sasi të madhe ëmbëlsuesish.

Pijet me gaz janë të mbushura edhe me acide të tjera si ai fosforik dhe citric të cilët dobësojnë pjesën e jashtëme të dhëmbëve tuaj.

Edhe pijet e kësaj familje që janë dietike megjithëse nuk përmbajnë sheqer kanë sasi të mëdha acidesh të dëmshme.

Hapja e sendeve të forta me dhëmbë

Për shpejtësi apo komoditet shpeshherë hapja e sendeve si ushqimet e paketuara, ilaçet apo tapat e shisheve bëhet me dhëmbë.

Kjo është mënyra më e keqe se si mund t’i trajtoni dhëmbët tuaj, pasi forca e ushtruar mund të shkaktojë shumë dëmtime.

Dhëmbët mund të thyhen, plasariten dhe rrënja mund të dobësohet.

Konsumi i kafes

Ngjyra e errët e kafës dhe aciditeti mund të shkaktojë zverdhje të dhëmbëve nëse e konsumoni për një kohë të gjatë.

Fatmirësisht është një ndër njollat më të lehta për t’u hequr mjafton të shkoni rregullisht tek dentist.

Pirja e duhanit

Cigaret gjithashtu njësoj si kafja kanë tendencën të zverdhin dhëmbët dhe të shkaktojnë sëmundje të tjera të tyre.

Përveçse shkatërron dhëmbët, nikotina mund të shkaktojnë edhe probleme në të gjithë gojën dhe buzët.

Një arsye më shumë për të vendosur që duhet të hiqni cigaren./AgroWeb.org

Si të ngjyrosni vezët në mënyrë natyrale – Metoda e lehtë pa kimikate

Vezë të Ngjyrosura me Ngjyra Natyrale.

Ndër traditat më të dashura për fëmijë e të rritur është edhe ngjyrosja e vezëve shumëngjyrëshe.

Kjo traditë ka një origjinë shumë antike dhe zakonisht përdoret në raste festash, por jo vetëm.

Në Romën e lashtë vezët ngjyroseshin të kuqe si një ogur fatsjellës dhe si shenjë e fertilitetit.

Gjatë viteve  mënyrat e ngjyrosjes së tyre kanë ndryshuar dhe sofistikuar.

Tashmë mund t’i gjeni shumëngjyrëshe në çdo kohë, por gjithashtu mund t’i përgatisni edhe vetë.

Në këtë artikull AgroWeb.org ju tregon disa mënyra të lehta e natyrale se si të ngjyrosni në shtëpi vezët tuaja.

Kjo metodë natyrale ju lejon të përgatisni vezë të bukura dhe shumë të sigurta për t’u ngrënë pa pasur nevojën e përdorimit të ngjyruesve me kimikate.

Si të përgatisni vezët e ngjyrosura

Përgatitja dhe ngjyrosja e vezëve është një proçes që do të kryhet njëkohësisht si më poshtë.

Ngjyrosja e vezëve në mënyrë natyrale bëhët pikërisht në proçesin e zierjes së tyre.

Për t’i përgatitur ato, zgjidhni sasinë e vezëve që doni të ngjyrosni dhe vendosini në një tenxhere të madhe.

Mbusheni tenxheren me rreth 1 litër ujë dhe vëreni në zjarr për t’u zier.

Vezët duhet t’i zieni për 12 minuta ose derisa të shikoni që kanë marrë ngjyrën e dëshiruar.

Gjithsesi kujdesuni të mos i zieni shumë në mënyrë që të mos prishen.

Pasi të zgjidhni sasinë e vezëve filloni të zgjidhni mes perimeve çajrave apo erëzave me ngjyra që keni në shtëpi.

Më saktësisht do të gjeni më poshtë përbërësit përkatës për çdo ngjyrë.

Të verdha

Për vezë të verdha hidhni në tenxhere teksa ato ziejnë 2-3 lugë gjelle turmerik dhe përziejini mirë.

Jeshile

Ngjyrosja e vezëve jeshile përfitohet nga spinaqi apo majdanozi, mund të zgjidhni një tufë sa dora për t’a hedhur në tenxhere.

Të kuqe

Vezë të kuqe ose rozë mund t’i përfitoni nga lakra e kuqe të cilën mjafton t’a lini të zihet bashkë me vezët.

Hidhni në tenxhere 2-3 gjethe të mëdha lakër.

Portokalli

Për vezë portokalli përdorni disa fletë lëkurë qepe, pak a shumë lëkurën e një ose dy qepësh.

Një tjetër mënyrë është edhe ajo me specin e kuq të bluar duke hedhur 2-3 lugë gjelle në texhere.

Kafe

Për të përfituar vezë kafe mund të përdorni  kakao apo kafe të bluar.

Mjafton të hidhni 2-3 lugë dhe ta përzieni me kujdes në ujë.

Këshilla gjatë zierjes

Një këshillë e mirë është t’i lyeni pak me uthull para se t’i zeni  ndërsa menjëherë pas zierjes lyejini me vaj ulliri.

Ky proçes do t’i bëjë ato të shkëlqejnë gjatë gjithë kohës.

Për ta bërë ngjyrën të zgjasë më shumë shtojini vezëve pasi përbërësit të kenë lëshuar ngjyrë edhe një lugë çaji uthull.

Kjo do të fiksojë ngjyrën e vezëve tuaja.