Kreu i “Shqipëria Bëhet”, Adriatik Lapaj ka akuzuar qeverinë se nuk ka reflektuar për problematikat e ngritura së fundmi edhe në protestën qytetare që për më shumë se tre muaj kërkon dorëheqjen e Edi Ramës.

I ftuar në studion e News24, ai denoncoi se çdo ditë nga buxheti paguhen 35 mijë euro për inceneratorin e Tiranës që nuk ekziston.

Po ashtu ai solli edhe shembullin e një tenderi në AKSHI, që sipas tij rreth një javë më parë iu dha Ermal Beqirit, të arrestuar në Francë.

“Nuk ka reflektuar aspak, përkundrazi. Sot që flasim janë paguar 35 mijë euro nga buxheti për inceneratorin e Tiranës që nuk ekzistojnë. Cdo ditë paguhen 35 mijë euro. Para një jave u shpall fitues në një tender të AKSHI-t, Ermal Beqiraj që është në kërkim për abuzime dhe keqtrajtim të buxhetit në vlera 220 mln euro dhe është i arrestuar në Francë. S’ka një javë i dhanë tenderin e radhës, në vlerën 20 e ca mln lekë”, tha Lapaj.

Teksa komentoi nisëm e kryeministrit Rama për atë që ai e ka quajtur “Besa”, Lapaj tha se është qesharake që të përdoret një fjalë kaq e shenjtë, duke theksuar se qeveria tenton ti hedhe hi syve shqiptarëve.

“Jo që nuk ka reflektim por Mundohen të na hedhin hi syve. Dokumenti Besa është qesharake, me vjen keq që një fjalë kaq e shenjtë për popullin tonë e kthejnë qesharake. Nuk nevojë për Besë nga qeveria, kemi nevojë për shërbime”, deklaroi ndër të tjera Lapaj.