Ministri i Brendshëm Saimir Tahiri thotë se Prokuroria vërtetoi gënjeshtrat e policit në arrati, ndërsa e lidh atë me opozitën.

Ministri reagoi në rrjetin social Facebook, ku aty mori edhe një përgjigje nga Dritan Zagani, i cili thuhet se ndodhet në Zvicër. Zagani tha se eksponentë të policisë janë të lidhur me trafikun e drogës.

“Tani që prokuroria vërtetoi gënjeshtrat e policit në arrati, SHQUP-it i humbi edhe llumi i rrenave. Ky është nga ato rastet kur gënjeshtra të përplaset në fytyrë, e shqupistave u është nxirë faqja tashmë.

Politika qe ndërtohet mbi të vërteta, ka vlerë gjithmonë. Gënjeshtra është grykëse, nuk ngop kurrë. Kjo vlen dhe për shqupistat”, shkruan ministri.

Por në reagim, Zagani thotë se ministrin po e njohin të gjithë tashmë për punën e tij.

“Po ore të drejt ke…por vetëm ne atë rreshtin e tretë se sa i përket atyre dy rreshtave të parë nuk na the gjë, ti harron s’ka më budallenj që t’i hanë këto gjëra kaq të trasha…po si të kam premtuar do shihemi bashkë para drejtësisë rri pa merak se nuk do rri në arrati dhe shumë…

Sa për gënjeshtar s’kam ca të them se arrij dot atë nivel që ke ti..pastaj dhe gjithë bota po të njeh nga fjalët e tua me shumë se nga ca kam thënë unë…dhe të mendosh qe ajo qe kam thënë është aq pak në krahasim me atë që ti je”, shkruan ai./Dita

Partia për Drejtësi, Integrim dhe Unitet duhet të përfaqësohet me një ministër në kabinetin Rama.

Kështu kryetari i PDIU, Shpëtim Idrizi, gjatë një interviste dhënë për emisionin “Oktapod”, ka theksuar se posti i ministrit i takon kësaj partie, e cila është forcë e katërt parlamentare.

Sipas tij, ky propozim ka qenë pjesë e marrëveshjes me Edi Ramën, marrëveshje që Idrizi e cilëson “të dizenjuar”, por jo të nënshkruar.

Kryetari i PDIU u shpreh se gjithsesi, partia e tij nuk do të presë çfarë do të japë Rama, por do të vijojë rolin e saj në Kuvend.

Idrizi vuri në dukje se në performancën e qeverisë ka një diferencë të madhe, mes asaj që është premtuar dhe asaj që është sot realitet.

Kreu i partisë së çamëve, konfirmoi se tentoi para zgjedhjeve të 2013-ës, të krijojë një pol të tretë me Metën, për t’u “ruajtur” nga ndonjë marrëveshje PS-PD.

Lidhur me reformën në drejtësi, Idrizi tha se edhe partia që ai drejton, ka paraqitur disa propozime, të cilat u janë bashkangjitur sugjerimeve të maxhorancës.

Duke shpjeguar këto sugjerime, Idrizi tha se njëri prej tyre ka të bëjë me zgjedhjen e presidentit.

Nëse zgjedhja e kreut të shtetit dështon të arrihet në 2 raundet e para me konsensus, atëherë ai të zgjidhet nga populli.

Një tjetër sugjerim i PDIU, lidhet me emigrantët, të cilët sipas Idrizit, duhet të kenë zonat e veta zgjedhore, pra edhe deputetë të vetët në parlamentin shqiptar.

“Reforma në drejtësi është hapi i detyruar për Shqipërinë për të bërë hapa përpara në integrimin evropian”. Kështu deklaron ambasadori britanik në intervistën për TemA Tv. Ai thekson se miratimi i reformës në drejtësi nuk mjafton, por zbatimi i ligjit është vendimtar për ecjen përpara drejt integrimit. Ambasadori britanik flet për frikën e politikës nga reforma në drejtësi dhe lidhjen e saj korruptive me gjyqsorin. Cannon thekson se reforma në drejtësi kërkon debat publik por edhe koha për ta realizuar këtë është e kufizuar. Për dekrminalizimin ai thekson se është një çështje politike dhe jo ligjore. Kjo do të thotë se nuk ka nevojë për një ligj për të pastruar politikën, mjafton që të inkriminuarit të mos kandidaohen për poste publike. Vlerësimi për ligjin e pronave, për 100 gjyqtarët e korruptuar, për artikujt në mediat britanike për Shqipërinë, për reformat e qeverisë si dhe për rolin e opozitës në këto dy vite, ndiqni intervistën ekskluzive të ambasadorit Nicolas Cannon në TemA Tv.

Zoti Ambasador! Reforma në drejtësi është çështja kryesore që po dominon skënën e debateve politike për muajt e fundit. Po e nis me një citim tuajin që lidhet me korrupsionin në sistemin gjyqsor.Ju jeni shprehur se: “Brenda gjyqësorit ka një kastë gjyqtarësh të korruptuar që veprojnë në grupe dhe nën dritën e diellit, e për këtë krenohen, duke blerë e shitur drejtësi. Janë rreth 100 të tillë në gjyqësorin shqiptar, një hetim i fortë në këto kushte është bërë i pashmangshëm”. A mund të na thoni më shumë, si nga vjen ky informacion për këta 100 gjyqtar, nga kush është hartuar lista?

Nicolas Cannon: Qartësisht nuk është roli i ambasadës të kryejë hetime apo të hartojë lista të tilla. Ky vlerësim vjen nga një sërë bisedash brenda sistemit gjyqësor. Mirëpo, askush nuk më ka thënë që ky vlerësim është i pasaktë dhe mendoj se ka një konsensus që kjo është një nga format e problemit me të cilin shqiptarët por edhe ndërkombëtarët përballen sa i përket sistemit gjyqësor.

Përgjatë 25 viteve, sistemi i drejtësisë ka vepruar brenda “gardhit” të tij, në të njëjtën mënyrë edhe politika. Janë dy pushtete të cilat parimisht janë të pavarur nga njëri-tjetri por që duket se ka pasur varësi të vazhdueshme mes tyre, madje një marrëveshje mes tyre për të mos cënuar asnjëra palë tjetren. Përmes kësaj marrëvshje është prodhuar kaq shumë korrupsion sa sot jemi në një situatë kur perceptimi për drejtësinë është: “një sistem i kalbur në korrupsion”. Sa mendoni se politika dhe drejtësia do të bashkëverpojnë për të thyer muret e korrupsionit që po e mbajnë peng zhvillimin e Shqipërisë?

Nicolas Cannon:Unë mendoj se ka padyshim një lidhje mes korrupsionit në sistemin politik dhe atij në gjyqësor. Këtu e kam fjalën jo vetëm për korrupsionin në kuptimin e tij më të qartë, por edhe për shkëmbimin e influencave në të dyja drejtimet. Kjo është diçka që duhet të ndryshojë dhe ju keni të drejtë kur thoni se është shumë e vështirë ta shkëputësh këtë lidhje pasi ka njerëz në të dyja anët që duan ta përdorin për interesat e veta. Unë mendoj se pa reformën në drejtësi, Shqipëria nuk mund të përparojë më tutje si përsa i takon zhvillimit kombëtar, por edhe anëtarësimit në Bashkimin Evropian. Deri më tash, vendi e ka patur të mundur të ecë përpara deri në një farë mase, por tanimë Shqipërisë vërtetë i nevojitet një gjyqësor i pavaruar dhe i çliruar nga kapja politike dhe kjo është koha e duhur për t’i adresuar këto probleme.

Tashmë ka një draft të ekspertëve të nivelit të lartë si dhe opinionet e ekpsertëve të dy partive, PS dhe LSI. Do të jetë Komisioni i Venecias i cili do të japë opinionet përfundimtare për këtë material. Ju e keni ndjekur me siguri ecurinë e këtij drafti. Ju duket se është më i miri i mundshëm për të çuar deri në fund reformën në drejtësi në Shqipëri?

Nicolas Cannon:Mendoj se ky është një draft shumë i mirë, është një dokument i plotë. Disa nga ekspertët më të mirë ligjorë në Shqipëri, të asistuar edhe nga misionet e huaja si për shembull OPDAT i Shteteve të Bashkuara dhe Euralius i BE-së kanë punuar për një kohë të gjatë për hartimin e tij. Gjithashtu ka patur komente shumë interesante e të vlefshme nga opozita dhe nga Ministria e Drejtësisë dhe natyrisht edhe nga vetë Komisioni i Venecias. Kështu, ndonëse nuk ka asnjë reformë që të jetë e përsosur, në tërësinë e këtyre komenteve mendoj se ka material të mjaftueshëm për ta vendosur këtë reformë në drejtimin e duhur. Por si me çdo reformë tjetër, çelësi është zbatimi. Pra, nuk është thjesht çështje e miratimin të legjislacionit të duhur e më pas të harrohet; ajo duhet të zbatohet dhe të kthehet në realitet ligjor e politik.

Zoti Aambasador! Duket se ka pasur dhe ka përpjekje për ta zvarritur reformën në drejtësi pasi mungon konsensusi politik ndërkohë që ka zëra nga politika se pa konsesnsus nuk do të ketë reform në drejtësi. Mendoni se ka pjesë të politikës që i tremben kësaj refome. Në fund të fundit sa besoni ju se kjo reform në drejtësi do të mund të të shkojë deri në ndëshkimin e njerzve me profil të lartë politike në Shqipëri?

Nicolas Cannon:Është e vërtetë që klasa politike ka shfaqur shqetësime në lidhje me këtë reformë. Disa prej tyre janë shqetësime të ligjshme, ndërsa të tjera pasqyrojnë interesa personale. Ka dy teori rreth këtij procesi. E para është që ekspertët shqiptarë dhe ata të huaj janë në një pozicion më të mirë për të hartuar dokumentin ideal. Mirëpo, është po ashtu e vërtetë se një reformë kushtetuese duhet t’i nënshtrohet debatit politik. Pra, është e arsyeshme që palët të dëshirojnë të thonë fjalën e tyre sa i përket funksimit të reformës. Është një debat i ligjshëm. Nga njëra anë ka njerëz që mendojnë se duke qenë se kjo është një reformë e rëndësishme duhet t’i kushtojmë kohën e duhur diskutimit të saj. Por nga ana tjetër, së pari duhet ruajtur ritmi i reformës; me të ngadalësuar apo ndaluar ritmin, atëherë do të jetë shumë e vështirë për t’ia rinisur punës sërish. Së dyti, ka kufizime që lidhen me ciklin politik; është shumë e vështirë të diskutosh për çështje të një rëndësie të tillë gjatë një periudhe zgjedhore. Vetë cikli zgjedhor imponon një lloj ritmi dhe ambicieje për miratimin e reformës në drejtësi brenda verës së këtij viti, çka krijon një presion kohor. Për ndërmarrjen e reformave të këtyre përmasave sigurisht që nevojitet një përfshirje e debat sa më i gjerë i mundshëm. Duhet thënë se që nga fillimet e saj, kjo ka qenë një reformë parlamentare, pra e hapur ndaj të gjitha palëve. Thënë kjo, një reformë nuk duhet bllokuar për arsye politike që nuk kanë të bëjnë me vetë reformën. Shqipëria ka një historik bllokimi apo vonimi reformash për arsye që nuk kanë lidhje me vetë reformat, por që kanë të bëjnë me interesa më të gjera partiake.

Kanë kaluar pesë vite prej 21 janarit, dita kur u vranë në shesh katër protestues, në protestën kundër qeverisë së athershme. Ata për të cilët u organizua ajo protest janë sot në mazhorancë, ata të cilët akuzohen se urdhëruan vrajsen e katër protestuesve janë në parlament. Pra të gjtiha palët janë mjaft komod në politikë të qetë duke drejtuar vendin dhe askush nuk ka marrë përsipër vrajesn e katër qytetarëve. Kjo çështje është product I mungesës së drejtësisë në Shqipëri dhe ata që do të duhet ta bëjnë reformën në drejtësi janë të implikuar edhe në këtë ngjarje..?

Nicolas Cannon:Ajo çka ndodhi më 21 janar ishte një ndër ngjarjet më tronditëse dhe tragjike në historinë e vonë të Shqipërisë dhe është e rëndësishme që hetimi t’i shkojë ngjarjeve deri në fund, për të kuptuar si ndodhi, për të zbuluar personat përgjegjës dhe pastaj për të ndërmarrë veprimet e duhura. Është e rëndësishme pjesërisht sepse familjarët e atyre që humbën jetën, me të drejtë kërkojnë që drejtësia të vihet në vend për të dashurit e tyre. Por hetimi i çështjes është i rëndësishëm gjithashtu për të garantuar që ngjarje të tilla të mos ndodhin më. Këto ngjarje mund të shamngen vetëm nëse çështjes i shkohet deri në fund, nëse ka një hetim rigoroz dhe nëse përcaktohet përgjegjësia për çka ndodhi. Edhe pas pesë vitesh, 21 janari mbetet një ngjarje aktuale, e cila duhet adresuar në kohë.

Britania e Madhe ka asistuar Shqipërinë në procesin e reformimit të drejtësisë përmes fondacionit “Slyn” dhe Ambasadës. Sa efekte pozitive ka sjellë kjo asistencë e juaja për drejtësinë në Shqipëri?

Nicolas Cannon:Mendoj se ky ka qenë një input pozitiv, të cilin ne jemi krenarë që e kemi mundësuar. Ne kemi kontribuuar në trajnimin e juristëve, në punën e shkollës së Magjistraturës, në reformën e profesioneve të lira ligjore dhe të Gjykatës së Lartë. Por thelbi i këtij procesi tani është reformimi i thellë dhe i plotë i vetë gjyqësorit. Ne kemi dhënë një kontribut modest në të. Por unë mendoj se përfundimi i suksesshëm i reformës në drejtësi do të garantojë mundësi për reformim në të gjitha nivelet, do të përmirësojë standardet në të gjitha nivelet e degët e ndryshme të profesioneve juridike.

Ndërkohë, kriminalizimi i politikës është një ndër problemet e mëdha me të cilat është përballur politika shqiptare kryesisht këto dy vitet e fundit. Sa besoni se ligji për dekriminalizimin do ta pastrojë politikën dhe administratën?

Nicolas Cannon:Legjislacioni në lidhje me këtë është një hap në drejtimin e duhur. Më është dukur gjithnjë i pavend fakti që persona të dënuar për krime të rënda janë për shembull, në krye të bashkive. Por ligji në vetvete nuk mendoj se është zgjidhja; ky është më së shumti një problem politik dhe jo ligjor. Mendoj se problemi me kriminalizimin e politikës do të zgjidhet kur partitë të mos propozojnë më kandidatë me rekorde kriminale. Dhe ky është një vendim politik- nuk lypset një ligj për të mos e bërë këtë. Në mënyrë të ngjashme, edhe zgjedhësit nuk duhet të votojnë më për kandidatë të tillë. Si shtetas shqiptarë, në rast se ju ofrohet një kandidat me rekorde kriminale, ju nuk keni pse votoni për të. Pra, në një kuptim është një çështje politike më shumë sesa ligjore. Dhe është një çështje qëndrimesh shoqërore dhe partiake. Mendoj se problemi i kriminializimit të politikës në Shqipëri do të zbehet me ndryshimin e qëndrimeve shoqërore e partiake.

Zoti Ambasador! Një ndër problemet thelbësore të Shqipërisë në këto 25 vite, është çështja e pazgjidhur e pronave. Ju shpesh jeni shprehur për domosdoshmërinë e zgjidhjes së këtij problemi. Tashmë ka një ligj të miratuar nga Kuvendi. Nëse jeni në dijeni ju duket se ky ligj e zgjidh çështjen e pronave në Shqipëri, për t’i hapur më pas rrugë investimeve të huaja përfshi këtu edhe ato britanike?

Nicolas Cannon:Nuk jam i sigurt që ky ligj do sjellë zgjidhjen përfundimtare të problemit të pronave, e cila është një çështje shumë e ndërlikuar dhe e vështirë, trashëguar nga diktatura dhe që nuk është adresuar asnjëherë në mënyrë të mirëfilltë. Megjithatë kjo çështje është thelbësore për thithjen e investimeve të huaja në vend, kryesisht në fusha si turizmi. Fakti që kjo çështje po shqyrtohet dhe se legjislacioni në lidhje me të po ecën përpara është pozitiv, por mbeten ende gjëra për t’u bërë; ligje dhe institucione të tjera, implementimi por mbi të gjitha një seri vendimesh të drejta në këtë fushë. Kjo do të kishte një efekt shumë të madh në tërheqjen e investimeve të huaja në sektorë kyç si turizmi dhe bujqësia.

A janë rritur investimet britanike në Shqipëri gjatë këtyre dy viteve apo ka ndodhur e kundërta?

Nicolas Cannon:Investimet tona nuk janë rritur ashtu siç do të kishim shpresuar. Investimet e kompanive ekzistuese në vend nuk janë rritur siç do të donim dhe ne nuk kemi investitorë të rinj në tregun shqiptar. Flas veçanërisht për sektorin e turizmit, ku investitorët britanikë janë tepër aktivë në Greqi dhe Malin e Zi, por jo në Shqipëri. Arsyeja për këtë mendoj se janë shqetësimet e lidhura me sundimin e ligjit. Një pjesë e këtyre shqetësimeve janë perceptime të padrejta, por pjesa tjetër janë shqetësime të mirëfillta. Dhe ky nuk është problem vetëm për investimet britanike, por për ato të huaja në përgjithësi. Gjenerimi i rritjes ekonomike duke u bazuar vetëm në investimet e brendshme nuk do të jetë i lehtë. Për ta arritur nivele realiste rritjeje duhet vendosur një regjim që i nxit investimet e huaja. Mënyra më e mirë për të tërhequr investimet e huaja janë kompanitë që janë tashmë këtu. Pra nëse ato hasin vështirësi me qeverinë, me ligjin kjo gjë ndikon për keq në investitorët e ardhshëm. është shumë e rëndësishme që bizneset që punojnë këtu të trajtohen në mënyrë të drejtë nga qeveria e gjykatat. Mbi të gjitha është e rëndësishme që të trajtohen në mënyrë të parashikueshme; mjedisi i paparashikueshëm është gjëja që investitorët pëlqejnë më pak dhe një nga problemet tuaja më të mëdha.

Mediat britanike kanë shkruar dje rreth një teme delikate siç është ajo e financimit të ISIS duke aluduar për përfshirje të Shqipërisë në këtë proces. Konkretisht Dayli Mirror kishte një një artikull mbi kanabisin e Lazaratit i cili shkon për financimin e xhihadistëve. Besoni ju se mafia shqiptare është përfshirë në rrjetin e xhihadistëve. Ka të dhëna për këtë?

Nicolas Cannon:Gazetarët që përgatitën artikullin e “Daily Mirror” nuk kanë kërkuar informacione nga ambasada jonë apo nga autoritete të tjera britanike. Nëse do të na kishin pyetur, do t’u kishim thënë se ne nuk dimë të ketë një lidhje ndërmjet trafikimit të narkotikëve dhe ekstremizmit fetar këtu në Shqipëri. Sigurisht, ne nuk kemi monopol mbi informacionin, por shumë prej të dhënave në artikull dukej se i referoheshin komentuesve maqedonas. Nuk jam i sigurt nëse këto burime kanë tagrin e duhur për të komentuar mbi këto çështje në Shqipëri në mënyrë të saktë. Jam në dijeni të reagimeve të Ministrit Tahiri dhe Drejtorit të Policisë Çako, të cilët i kanë përgënjeshtruar këto thënie dhe deklaratat e ngjashme në shtypin italian në mënyrë të vendosur. Shqipëria është një vend i vështirë dhe nuk është e lehtë për gazetarët të fluturojnë nga Londra dhe të kuptojnë gjithçka në dy ditë. Mendoj se kjo ka qenë ajo çka ndodhur në këtë rast.

Ka disa fusha në të cilat qeveria Shqiptare po bashkëpunon me qeverinë Britanike . Nga përvoja e deritanishme e këtij bashkëpunimi, mund të kemi mendimin tuaj se sa efeketive ju duket kjo qeveri në përpjekjet për të realizuar reformat për të cilat u votua më 23 qershor. Sa besoni ju se Edi Rama është një kryeministër reformator?

Nicolas Cannon:Mendoj se qeveria ka një mandat të fortë reformash. Programi zgjedhor i qeverisë ishte më së shumti një program reformash, jo më kot i quajtur “Rilindje”. është e qartë që publiku pret nga qeveria të ndërmarrë reforma. Është gjithashtu e qartë se ka patur reforma të mirëfillta në një sërë fushash të rëndësishme për shembull reforma në arsimin e lartë, ajo e qeverisjes vendore, aksioni kundër informalitetit. Unë i shoh këto si reforma autentike dhe jo kozmetike. Sigurisht shumë mbetet ende për t’u bërë dhe ka një numër sfidash me të cilat qeveria përballet në shumë fusha, ndër to më e madhja reforma në drejtësi. Padyshim, çdo qeveri duhet të veprojë brenda kufijve të saj- një qeveri mund të ndërmarrë vetëm një numër të caktuar nismash ligjore apo buxheti veçanërisht në një vend si Shqipëria. Por sigurisht, nuk mund të mohoj qëllimin për të kryer reforma dhe mendoj se janë kryer reforma autentike.

Si e vlerësoni ju aktivitetin e opozitës të drejtuar nga z.Lulzim Basha dhe çfar ka ndryshuar sipas jush bnë drejtimine kësaj partie me ndryshimine liderëve?

Nicolas Cannon:Ne duhet të kuptojmë që nuk është e lehtë të jesh në opozitë, veçanërisht pas një humbjeje si ajo e vitit 2013. Të drejtosh një parti opozitare është një punë frustruese dhe e vështirë, duhet kohë për të reaguar, për të nxjerrë mësime e rimarrë veten nga një humbje zgjedhore. Çdo vend, çdo demokraci funksionale ka nevojë për një opozitë. Tre funksionet kryesore të opozitës janë, së pari të kritikojë gabimet e qeverisë. Çdo qeveri bën gabime dhe është detyra e opozitës ta kritikojë. Së dyti, një opozitë duhet të ofrojë politika alternative dhe së fundmi, të jetë e gatshme të ofrojnë një qeveri tjetër, kur të vijë koha e zgjedhjeve. Unë mendoj se zoti Basha ka qenë shumë energjik në kritikat ndaj qeverisë. Ai ka marrë mësime të rënda nga zgjedhjet parlamentare të 2013 dhe ato lokale të 2015. Duhet parë nëse në 18 muajt në vazhdim do të mund të ofrojë një paketë politikash alternative tërheqëse për publikun. Përtej kësaj, duhet parë nëse ai do ta paraqesë PD-në dhe aleatët e saj si një qeverisje alternative. Kjo besoj se është sfida me të cilën ai përballet dhe çka është interesante në arenën politike shqiptare gjatë muajve në vazhdim.

Kanë kaluar 25 vite dhe politika shqiptare vazhdon të jetë e njëjta, agresive, konfliktuale, larg bashkëpunimit në funsksion të interesave të vendit. A keni një mesazh për klasën politike shqiptare zoti Ambasador?

Nicolas Cannon:Së pari, do të thoja që konflikti politik nuk është domosdoshmërisht një gjë e keqe; po të keni ndjekur politikën britanike do të keni vënë re se ka më shumë konfrontim. Së dyti, në politikën shqiptare shpeshherë ka më shumë konsensus nga sa njerëzit mendojnë. Për shembull nëse konsideroni qëndrimet e klasës politike shqiptare në lidhje me anëtarësimin në BE, në lidhje me NATO-n apo me rolin e Shqipërisë në rajon ka një konsensus të gjerë nëpër të gjithë spektrin politik. Ndonëse për të nuk flitet shpesh, konsensusi ekziston dhe kjo përbën një aspekt pozitiv të politikës shqiptare krahasur disa vende të tjera në rajon.

Nuk është detyra ime t’i jap mësime klasës politike, por do të bëja dy sugjerime. Së pari, akuzat dhe deklaratat për korrupsion dhe krime bëhen shumë lehtë në këtë vend. Nëse një politikan realisht mendon se njëri nga rivalët e tij është i korruptuar, sigurisht që ai ka të drejtë të ngrejë zërin për këtë gjë. Por mendoj se përdorimi rutinë e i përditshëm i akuzave për përfshirje në aktivitete kriminale, i degradon standardet politike dhe nivelin e retorikës politike. Kjo gjithashtu shkakton zhgënjimin e publikut me demokracinë parlamentare, çka nuk është në interesin e askujt. Pra, ndoshta njerëzit duhet të tregohen disi më të kujdesshëm në përdorimin e kësaj retorike. Së dyti, në shumë vende disa çështje për të cilat kërkohet një konsensus i mirëfilltë ndërpartiak, janë larg debateve politike. Këto çështje kanë të bëjnë kryesisht me forcat e armatosura, sigurinë kombëtare ose në vendet para aderimit rreth anëtarësimit në BE. Mendoj se ndonjëherë në Shqipëri, debati rreth këtyre çështjeve ka qenë i padobishëm për vendin në tërësi. Mendoj se politikanët duhet të përpiqen të identifikojnë disa cështjesh të tilla, që nuk janë subjekt i diskutimeve politike partiake, rreth të cilave të mund të bashkohen për hir të interesit të përgjithshëm të publikut. Për shembull hapja e bisedimeve për anëtarësimin në BE është një çështje e tillë dhe them se të gjitha partitë duhet të kërkojnë konsensus në lidhje me të. Për hir të interesit kombëtar mendoj se duhen lënë mënjanë kritikat apo përpjekjet për të fituar kredi politike nga këto çështje.

Voal Prokurori i Përgjithshëm, Adriatik Llalla, ka deklaruar ditën e djeshme se pas trafikut të drogës fshihen njerëz të veshur me pushtet. Gjatë analizës së punës një vjeçare të prokurorive në Veri të vendit në Shkodër, Llalla u shpreh se në zonat malore mbetet evident problemi i kultivimit të lëndëve narkotike. “Nga informacioni që administrojmë, rezulton se në Qarkun e Shkodrës, kryesisht në zonat malore, mbetet problematike evidentimi i kultivuesve të lëndës narkotike. Pavarësisht operacioneve periodike policore, nuk janë zbuluar personat përgjegjës për këto vepra penale. Do të kërkoj nga ju që të shqyrtoni çdo informacion dhe të zhvilloni hetime proaktive për këto raste, me qëllim zbulimin e autorëve, por edhe të personave zyrtarë që mund t’i mbështesin”, theksoi Prokurori i Përgjithshëm.

Droga dhe ISIS

Kreu i organit të akuzës u përgjigj edhe për shkrimet në mediat angleze dhe italiane, që konstatonin se kultivuesit e kanabisit financojnë edhe grupin terrorist të ISIS. Llalla tha se konstatimet nuk janë të vërteta. Ai u shpreh se materialet nuk janë të shërbimeve sekrete të shteteve evropiane. Raportimet e medieve ndërkombëtare, ai thjeshtë i cilësoi si hamendje të disa medieve periferike të vendit. “Këto nuk janë materiale të shërbimeve sekrete të shteteve europiane, por këto që përmendëm edhe pak ditë me parë nga Gjirokastra. Kjo është një hamendje mediatike e disa mediave periferike vendase. Në Shqipëri nuk ka në asnjë mënyrë, element terrorist ose që prodhimi i kanabisit të përdoret për qëllime terroriste”, theksoi Llalla. /Sot

Të rinjtë shqiptarë kanë arsimim me cilësi të ulët dhe kjo sjell pasoja në përballjen me tregun e punës.

Banka Botërore vërejti në një prezantim të fundit se të rinjtë shqiptare janë analfabetë funksionale në rreth 60 %, nivel ky më i lartë se në Rajon dhe padyshim edhe në vendet e tjera të BE.

Në Rajon analfabetët në matematikë janë me përqindje të lartë në Malin e Zi, më pak se 60%, në Bullgari analfabetizmi në shkencat ekzakte është 42 %, në Rumani 40%, në Serbi rreth 39 %, në Greqi 38%, ndërsa mesatarja e vendeve të zhvilluara për këtë tregues është rreth 14 për qind.

Banka Botërore ka vërejtur fitimet të ulëta për arsimin e mesëm. Niveli i pagës është i lartë për arsimin universitar krahasuar me arsimin fillor (50%), por arsimi i mesëm nuk ka përfitim në tregun lokal të punës, për shkak edhe të emigracionit të lartë.

Shqipëria ka numrin më të lartë të firmave në vendet e EJL-së (36 për qind), që raportojnë se forca e punës nuk zotëron aftësitë që ato kërkojnë.

Ndër tjera BB vëren se ka pabarazi në aksesin në arsimim, duke e kufizuar mundësinë për shumë njerëz. Të rriturit e rinj romë kanë rreth katër vite shkollim mesatarisht, krahasuar me mesataren prej 10 vitesh të fqinjëve të tyre joromë.

Ndërkohë që në shumë vende të botës, përmirësimet e qëndrueshme në tregjet e punës nxitën uljen e varfërisë dhe mirëqenien e përbashkët.

Të ardhurat nga puna përbëjnë gjysmën e të ardhurave të përgjithshme familjare, tregjet e punës luajnë rol të kufizuar në uljen e varfërisë.

Banka Botërore vëren se, cilësia e punësimit është e ulët, ndërsa shumica punojnë në bujqësi me produktivitet të ulët dhe si punëtorë familjarë të papaguar.

Monitor

Gjyqtari i Tiranës Artan Gjermeni do të hetohet nga Prokuroria për disa episode, lidhur me “vetëplagosjen” e tij disa ditëve më parë. Gjermeni do të hetohet edhe për deklarim të rremë për këtë ngjarje, shkruan sot gazeta ‘Shqip’.

Deri tani, gjyqtari nuk ka dhënë asnjë detaj dhe nuk ka bërë asnjë kallëzim në polici, duke thënë se u vetëplagos me llamarinën e garazhit poshtë pallatit të tij. Por, nga verifikimet e policisë, kjo gjë nuk rezulton të ketë ndodhur, pasi nuk u gjetën shenja gjaku në garazhin ku pretendon se u plagos. Nga ana tjetër, njolla gjaku u gjetën në makinën e tij tip Smart me të cilën shkoi në spital për t’u mjekuar.

Po ashtu, policia i gjeti në të njëjtën makinë një zarf me 20 mijë Euro, dhe për këtë çështje po verifikohet për korrupsion. Akuza po heton gjyqtarin Artan Gjermeni edhe për plagosje, pasi në një video të kamerave të sigurisë që tashmë është sekuestruar, duket Gjermeni që konfliktohet me dy persona në rrugën e Elbasanit.

Identiteti i këtyre personave nuk dihet dhe nuk ka asnjë të dhënë tjetër rreth kësaj video. Gjyqtari nuk ka bërë asnjë denoncim për këtë gjë, pasi dëshiron që kjo ngjarje të mbyllet dhe mos të hetohet, edhe pse mbetet shumë enigmatike.

TIRANE- Partia Demokratike akuzoi sot mazhorancën se ka refuzuar projekt-rezolutën për nderimin e figurës së ish-presidentit të Kosovës, Ibrahim Rugova. Në një deklaratë drejtuar mediave, selia blu pohoi se refuzimi është bërë nga kryetarja e Komisionit të Jashtëm, Arta Dade.

“Mazhoranca refuzon të kalojë Projekt-Rezolutën “Për nderimin dhe mirënjohjen e thellë nga Republika e Shqipërisë për figurën e Presidentit Ibrahim Rugova”. Kryetarja e Komisionit të Jashtëm, Arta Dade ka refuzuar ta marrë në shqyrtim siç u propozua në seance plenare.”, citohet në reagim.

Ndër të tjera PD deklaron se: “Partia Demokratike në përkujtim të rolit dhe figurës së Presidentit Ibrahim Rugova, kërkon vendosjen në një nga sheshet kryesore të qytetit të Tiranës, të shtatores së Presidentit Ibrahim Rugova”.

BALLA: SHTATORJA E RUGOVËS NË TIRANË, NË NJË MOMENT TJETËR
Maxhoranca parlamentare, edhe pse rrëzoi sot projekt-rezolutën e opozitës për vendosjen e shtatores së ish presidentit të Kosovës, Ibrahim Rugova në Tiranë, premtoi përmbushjen e kësaj kërkese në një moment tjetër, duke e konsideruar ditën e sotme, (që përkon me 5-vjetorin e ngjarjeve të 21 janarit 2011), jo të përshtatshme për marrjen e një vendimi të tillë.

Sipas nënkryetarit të grupit parlamentar të Partisë Socialiste, Taulant Balla, opozita qëllimisht e solli këtë kërkesë në Kuvend në një ditë si kjo, pasi kërkon t’i fshihet përgjegjësisë për vrasjen e katër demostruesve në bulevard, pesë vitë më parë.

Pasi vlerësoi lart figurën dhe rolin e presidentit të ndjerë, Ibrahim Rugova si projektuesi i pavarësisë së Kosovës, Balla deklaroi se kërkesa e opozitës për vendosjen e shtatores së tij në kryeqytetin simbol të kombit shqiptar, do të realizohet me rastin e ditëlindjes së Rugovës.

Në emër të Partisë Socialiste, Balla gjithashtu përshëndeti edhe vendimin e sotëm të Parlamentit Europian për nënshkrimin e MSA-së me Kosovën.

Deputeti i Partisë Socialiste, Ben Blushi në fjalën e mbajtur sot në Kuvend hoqi një paralele mes 14 shtatorit 1998 dhe 21 janarit 2011. Blushi tha se, ndihet i tronditur nga diskutimet e opozitës për ngjarjen ku mbetën të vrarë katër protestues në bulevardin “Dëshmorët e Kombit”.

Ai kujtoi se në të dy raste si në mazhorancë dhe në opozitë, Partia Demokratike zgjodhi t’i zgjidhte çështjet me armë. Blushi tha se kjo vjen për shkak se PD vepron me Kanun.

Më tej, deputeti i PS-së theksoi se e sheh 21 Janarin si ditën e fitores të të gjithë qeverive mbi popullin e vet. Kjo tha Blushi ka shkurtuar listën e protestuesve pasi kanë frikë se mund të vriten.

Blushi e mbylli fjalën e tij duke thënë se, beson se nuk do të ketë drejtësi për këtë ngjarje pasi sot për sot në Shqipëri është e pamundur që populli të fitojë një gjyq ndaj qeverisë së vet.

Pjesë me shkurtime nga fjala e Ben Blushit:

Nuk jam i vetmi që jam shokuar nga ato që kam dëgjuar për 21 Janarin. Pushteti mbrohet me armë kur sulmohet me armë.

Në 20 vjet kam qenë dy herë në bulevard kur ka pasur të shtëna. Një herë më 14 shtator 1998 dhe 21 janar 2011.

Në të dy rastet armët i kishit ju. Unë u pyes sot ca ishte 14 shtatori? A ishte grusht shteti?

Me kë jeni ju me 14 Shtatorin apo 21 Janarin? Thoni që më 21 Janar ju sulmuan, po më 14 shtator kush sulmoi?

Në të dy rastet jeni në krahun e gabuar, si në opozitë dhe në pushtet.

Kjo është zgjidhja juaj historikisht. Sa herë vjen puna për të ndarë diçka ju jeni në krahun e armës. E dini pse? Sepse i shkoni Kanunit!

Ka ardhur koha për të bërë një lavazh shpirtëror që dhuna dhe arma nuk është një instrument për të zgjidhur problemet tona.

Duke mos pranuar që keni vrarë Aleksin, Hekuranin, Faikun dhe Ziverin, i keni vrarë dyfish.

Ju keni ngjallur dyshimin se në Shqipëri në qoftë se proteston kundër qeverisë edhe mund të vritesh.

Ju shkurtuat lisën e njerëzve që mund të reagojnë kundër qeverisë.

E dini çfarë do të bënin këta katër burra? Do të kishin arsye për të protestuar sërish sot. Por, nuk mundet se janë vrarë.

21 Janari është shumë më kaq sa themi ne. Kemi shkurtuar numrin e protestuesve. E kemi kthyer në një ditë aleate me çdo qeveri.

21 Janari në fakt, mund ta them me ironi, por nuk është ironike kjo që do të them, mund të shpallet si “dita e fitores së çdo qeveri kundër popullit të vet”.

Kjo është arsyeja se pse nuk kam besim se për 21 janarin të ketë drejtësi, pasi sot për sot në Shqipëri është fatkeqësisht e pamundur që populli të fitojë një gjyq ndaj qeverisë së vet dhe kjo është çështja.

Një punonjës i Shërbimit Informativ shtetëror ka bashkëpunuar me Ilir Memushajn për atentatin e Fierit, ku mbeti i vdekur Denis Kasaj dhe u plagosën Klemend Kastrati dhe Elton Margariti.

Sipas informacioneve të dhëna nga drejtori i Përgjithshëm i Krimit të Organizuar dhe kreu i Prokurorisë së Krimeve të Renda, Blerim Tominaj, punonjësi i SHISH-it i dha informacion Ilir Memushajt se ku ndodhej treshja që u sulmua me armë në Levan të Fierit.

Në këtë mënyrë, për punonjësin e SHISH-it, të identifikuar si Florian Bushi është lëshuar një urdhërarrest për bashkëpunim në krimin që i mori jetën Denis Kasajt.

Ai është arrestuar disa orë pasi doli urdhërarresti. Në fakt, ashtu sikurse ka thënë edhe në Polici, Ilir Memushaj kishte për objektiv Klemend Kastratin dhe jo Denis Kasajn.

Kastati dhe Margariti kanë mbetur të plagosur nga atentati që tronditi Fierin. Ky është një rast i paprecedentë, kur një punonjës i SHISH-it bëhet bashkëpunëtor në vrasje.

Çipa foli edhe për vrasjet në Fier dhe Vlorë, si edhe për rrëmbimin e Gazmend Çollakut në Durrës. Sipas Çipës, vrasja e Çollakut nuk ka lidhje me Fierin dhe Vlorën dhe as me tre personat e arrestuar si vrasës me pagesë.

Ai tha se tre të arrestuarit në Manëz, nuk ishin vrasës me pagesë. Objektivi që ata kishin është marrë në mbrojtje nga Policia.

Ministri i Punëve të Jashtme në Shqipëri Ditmir Bushati do të jetë mikpritës i dy homologëve të tij Paolo Gentiloni nga Italia dhe Ivica Daçiçi nga Serbia, në kuadër të Trilateralit Shqipëri-Itali-Serbi.

Kjo nismë u iniciua më shumë se një vit më parë dhe vijon takimin e parë trepalësh në nivel Ministrash të Punëve të Jashtme mes Shqipërisë, Italisë dhe Serbisë, të zhvilluar në Romë, më 23 janar 2015.

Ky takim synon shkëmbimin e pikëpamjeve dhe diskutimin e një sërë çështjesh të rëndësishme si për vendet tona ashtu edhe për rajonin dhe me gjerë, transmeton KosovaPress.

“Ecuria e procesit të integrimit evropian dhe intensifikimi i bashkëpunimit rajonal, në frymën e procesit të Berlinit dhe duke pasur parasysh Konferencat e Ballkanit Perëndimor në Paris 2016 dhe Romë 2017, si edhe çështje që kanë të bëjnë me sfidat e përbashkëta që po përballemi sot, do të jenë në fokus të këtij takimi të rëndësishëm, objektiv parësor i të cilit do të jetë përforcimi i urave të komunikimit konstruktiv mbi baza mirëkuptimi”, thuhet në një komunikatë për media.

Gj atë takimit, Ministrat e Jashtëm të Shqipërisë, Italisë dhe Serbisë, do të diskutojnë projekte të përbashkëta konkrete, me interes të ndërsjellë, në fushat e ekonomisë, infrastrukturës, energjisë, turizmit, arsimit, kulturës, bashkëpunimit rinor etj., duke u fokusuar në identifikimin e metodologjive të reja për realizimin konkret të tyre, por edhe në zgjerimin e mëtejshëm të nismave rajonale.

Takimi trilateral do të paraprihet nga takime të veçanta të Ministrit të jashtëm Bushati me Ministrat Gentiloni dhe Daçiq./KosovaPress/

Agjenda

Takimit i II-të Trepalësh: Shqipëri – Itali – Serbi

E Mërkurë, 20 Janar 2016

Ora 10:00 – 10:55- Takim bilateral ndërmjet Ministrit të Punëve të Jashtme të Republikës së Shqipërisë, SH.T.Z. Ditmir Bushati dhe Zëvendëskryeministrit dhe Ministrit të Punëve të Jashtme të Republikës Italiane, Sh.T.Z Paolo Gentiloni me prezencën e d y delegacioneve; Vendi: Ministria e Punëve të Jashtme.

Ora 11:05 – 11:55 – Takim bilateral midis Ministrit të Punëve të Jashtme të Republikës së Shqipërisë, SH.T.Z. Ditmir Bushati dhe Zëvendëskryeministrit dhe Ministrit të Punëve të Jashtme të Republikës së Serbisë, Sh.T.Z. Ivica Dacić, me prezencën e dy delegacioneve. Vendi: Ministria e Punëve të Jashtme

Ora 13:00 – Drekë pune Trepalëshe: Shqipëri – Itali – Serbi. Vendi: Pallati i Brigadave – Salla Skënderbej

Ora 15:00 – Konferencë e përbashkët për shtyp, Ministri Bushati prezanton rezultatet e takimit, pasuar nga pyetje dhe përgjigje. Vendi: Holli i Pallatit të Brigadave.

Drejtori i OSHEE Adrian Çela, duke folur gjatë një prej ceremonive për prezantimin e suksesit të fushatës së qeverisë për energjinë elektrike. Foto: LSA / GENT SHKULLAKU

Gjatë vitit të fundit në mënyrë të përsëritur OSHEE ka shpallur suksese të njëpasnjëshme në njoftimet e saj për shtyp, në deklaratat e drejtorit të përgjithshëm Ardian Çela apo në deklaratat e kryeministri Edi Rama.

Megjithatë, një dokument i vetë kompanisë i siguruar nga BIRN përmes një kërkese për të drejtë informimi, tregon se rritja reale e të ardhurave është së paku dy herë më e ulët se sa është pretenduar nga kompania dhe qeveria.

Për periudhën janar-nëntor 2015, OSHEE deklaroi se kishte realizuar të ardhura në masën 59.4 miliardë lekë, me rritje prej 16.5 miliardë lekësh krahasuar me të njejtën periudhë të vitit të kaluar.

Por në dhjetor 2015, një shkresë e dërguar nga Ministria e Energjisë dhe Industrisë te Enti Rregullator i Energjisë, ERE, tregon se në fakt, të ardhurat e pritshme për të gjithë vitin 2015 nga OSHEE janë 54.2 miliardë lekë, plot 5.2 miliardë lekë ose 37 milionë euro më pak se sa qe pretenduar nga OSHEE se kishte arkëtuar për periudhën janar – nëntor.

Në mënyrë të ngjashme, në vitin 2015, rritja e të ardhurave në krahasim me vitin 2014 rezulton 7 miliardë lekë, dy herë më e vogël ser rritja prej 16.5 miliardë lekësh e deklaruar nga kompania. Ndryshe nga sa deklaroi Çela për rritje të të ardhurave në masën 40 për qind, në shënimin e tabelës së dorëzuar te ERE ka një shënim ku shkruhet se “të ardhurat e vitit 2015 pritet të jenë rreth 15% më të larta se ato të vitit 2014”.

Të dhënat e zbuluara nga BIRN ngrenë pikëpyetje jo vetëm në përdorimin nga ana e OSHEE dhe e drejtuesve të saj të të dhënave të rreme për ta ushqyer publikun me sukseke imagjinare, por edhe mbi vetë fushatën kundër vjedhjes së energjise elektrike të udhëhequr nga kryeminisitri Edi Rama.

Qeveria aktuale nisi në tetor të vitit 2014 një fushatë të gjerë arrestimesh të qytetarëve nën akuzën e vjedhjes së energjisë elektrike, fushatë që dërgoi në burg disa mijëra qytetarë, me raste, për arsye aspak bindëse ose për shkak të abuzimeve nga ana e vetë kompanisë.

Të dhënat e siguruara nga BIRN tregojnë se së paku 2,600 shqiptarë janë arrestuar për vjedhje të energjisë elektrike. Numri i stërmadh i të arrestuarve shkaktoi një mbipopullim të burgjeve ndërsa qeveria u akuzua për shkelje masive tëtë drejtave të njeriut.

Qeveria u vu gjithashtu nën kritika për shkak se, ndërsa qytetarët e thjeshtë u burgosën në masë, ajo nuk pranoi të hetojë dyshimet për shkelje të rënda në procedurat e tenderimit të energjisë elektrike apo aspekte të tjera të menaxhimit të OSHEE, dyshime që u ngritën nga një numër i madh aktorësh, përfshirë Autoritetin e Konkurrencës, Kontrollin e Lartë të Shtetit apo opozitën politike. KLSH, psh, në një raport të detajuar mbi punën e OSHEE gjatë vitit 2014, zbuloi 9.7 milionë euro dëme të shkaktuara në bilancin e kompanisë vetëm nga procedurat e paligjshme të prokurimit të energjisë elektrike. Ish-administratori i kompanisë, Arben Seferi, u kallëzua në prokurori.

Nën presion për të treguar se fushata e tyre e dhunës po jepte rezultat, përgjatë të gjithë vitit 2015, OSHEE bëri një numër të lartë deklaratash publike mbi sukseset e arritura, të cilat sot rezultojnë vetëm pjesërisht të vërteta.

Gënjeshtrat e përsëritura

Më 14 janar 2015, Drejtori i Përgjithshëm i OSHEE Adrian Çela, deklaroi me bujë në një ceremoni të posaçme të organizuar nga qeveria, në prani të kryeministrit dhe një numri ministrash se OSHEE kishte arkëtuar 49.1 miliard në vitin 2014, plot 100 milion dollarë më shumë se në vitin 2013.

Për shkak se OSHEE është kompania që i mbledh të ardhurat dhe njëkohësisht, përpilon statistikat për energjinë, deklarata të tilla janë të paverifikueshme në mënyrë të pavarur në kohën kur ato kryhen. Në janar 2015, askush nuk mund të vinte të dyshim këto shifra.

Por në qershor 2015, OSHEE dorëzoi në Qendrën Kombëtare të Regjistrimit bilancin e saj fiskal të vitit 2014. Bilanci thotë se të ardhurat totale të kompanisë qenë 47.2 miliardë lekë për vitin 2014, d.m.th, 1.9 miliardë lekë (13.5 milionë euro) më pak se sa shifrat e deklaruara në konferencën e janarit.

Në korrik 2015, Operatori i Shpërndarjes së Energjisë Elektrike deklaroi se kishte shënuar një rekord historik për sa i përket nivelit të ulët të humbjeve dhe një rekord gjithashtu historik për sa i përket arkëtimeve. Sipas deklaratës, arkëtimet në gjashtëmujorin e parë arritën 34.3 miliardë lekë, 50 për qind më shumë se sa në të njëjtën periudhë të vitit 2014 dhe 82 për qind më shumë se sa në vitin 2013.

Në tetor, administratori Ardian Çela shkoi më tutje: “Në 9-Mujorin e vitit 2015 janë arkëtuar 500 milion USD. Thënë ndryshe, janë 150 milion [dollarë] më shumë se një vit më parë dhe 200 milion [dollarë] më shumë se në vitin 2013”, deklaroi ai, në një fjalim të mbajtur në një ceremoni me rastin e njëvjetorit të nisjes së operacionit të burgosjeve në masë.

Pas deklaratës së tetorit, BIRN iu drejtua OSHEE me një seri pyetjesh për të qartësuar situatën. Mes të tjerash, BIRN pyeti OSHEE-në se çfarë nënkuptonte ajo me arkëtime dhe çfarë kursi këmbimi kishte përdorur administratori Çela kur i deklaroi shifrat e të ardhurave në dollarë.

Në një përgjigje të gjatë dhe jo shpjeguese, OSHEE i tha BIRN se për periudhën janar-shtator 2015, kompania kishte arkëtuar 49.7 miliardë lekë, shifër të cilën Çela e pati përkthyer për konveniencë në 500 milionë USD, pavarësisht se kursi i këmbimit në atë kohë qe 1 USD = me 125 lekë. Nëse do të përdorej kursi i vërtetë, Çela duhej të deklaronte se të ardhurat e kompanisë qenë 400 milionë USD dhe jo 500 milionë. (Kliko këtu për të parë përgjigjet e OSHEE).

Lojë fjalësh

Përgjatë viteve ERE ka krijuar një seri indikatorësh për të matur gjendjen e sistemit elektroenergjetik. Problemi është se mënyra e të shprehurit në deklaratat publike të OSHEE gjatë vitit 2015 duket se ka tendencën t’i deformojë konceptet e ERE duke përdorur termat tjetër për tjetër dhe duke reduktuar mundësinë për të kuptuar se si po ecin me të vërtetë punët në menaxhimin e sistemit.

Këto janë indikatorë teknikë. Ato dallojnë nga treguesit financiarë të cilët hartohen në bazë të parimeve ligjore të kontabilitetit. Në bilanc, të ardhurat përfshijnë arkëtimet faktike plus arkëtimet e pritshme nga faturat e lëshuara dhe të papaguara. Anasjelltas, te shpenzimet përfshihen jo vetëm paratë e paguara, por edhe detyrimet e krijuara ende të pashlyera. Efikasiteti i punës së një administrate zakonisht shikohet duke parë humbjet neto në rrjet, normën e arkëtimeve mbi faturat korrente dhe mbledhjen e detyrimeve të prapambetura.

Administratori Çela përdori fjalën “arkëtime” për të dhënat e 9-mujorit, ndërsa në përgjigjen për BIRN, OSHEE bëri të ditur se me këtë term ajo nënkuptonte “detyrime” të krijuara nga faturat e lëshuara. Ky është një dallim i madh për shkak se energjia e faturuar është një shumë teorike, një pjesë e të cilës ka gjasa që nuk do të mblidhet kurrë ndërsa me “arkëtime” në terminologjinë e krijuar nga ERE, nënkuptohen paratë aktualisht të mbledhura nga faturat e lëshuara.

Nga përgjigjja e OSHEE për BIRN rezulton se për periudhën janar-shtator 2015, kompania ka rritur faturimet të shprehura me kWh me 4.92 për qind në krahasim me të njëjtën periudhë të vitit 2014. Për të njëjtën periudhë, ajo deklaron se ka rritur arkëtimet për faturat korrente me 38 për qind. OSHEE thotë se rritja më e lartë e të ardhurave në krahasim me faturimet vjen si pasojë e rritjes së të ardhurave nga konsumatorët jofamiljarë, mbi të cilët, çmimet u rritën ndjeshëm gjatë vitit 2015. Megjithatë, deklaratat publike të OSHEE nuk përputhen me dokumentin e dorëzuar te Enti Rregullator i Energjisë. Diferenca është në rendin e dhjetëramilionë eurove.

Përgjatë viteve, gazetarët janë mësuar me deklaratat e zyrtarëve të ndryshëm të sistemit elektroenergjetik apo të qeverisë ku termat përdoren në mënyrëjokorrekte, dukshëm për të krijuar në publik përshtypjen e një suksesi të madh. Në vitin 2008 psh, pararendësi i kompanisë aktuale, OSSH, deklaroi një “sukses historik” me humbje në nivelin 34 % të energjisë së hedhur në rrjet. Por një hetim i mëvonshëm nga CEZ zbuloi se 3 për qind e energjisë së deklaruar të shitur përbëhej në fakt nga faturime që OSHEE ia kishte bërë vetë OSHEE si konsum i brendshëm, gjë që nuk qe e vërtetë.

Të dhëna të paaudituara

Pavarësisht shifrave të fryra me tepri në deklaratat publike të OSHEE dhe të zyrtarëve të ndryshëm të qeverisë, të dhënat që OSHEE ka dorëzuar në ERE për vitin 2015 tregojnë një rezultat shumë pozitiv, ku kompania për herë të parë rezulton me fitime të konsiderueshme për të cilat është bërë nga subjektet më të mëdha të tatimit mbi fitimin.

Sipas të dhënave, të ardhurat e kompanisë qenë 54.2 miliardë lekë për vitin 2015, me rritje prej 7 miliardë lekësh (50 milionë euro) më shumë se sa në vitin 2014. Por suksesi më i madh rezulton se ka ardhur nga krahu i shpenzimeve. OSHEE deklaron se pati shpenzime prej 45.3 miliardë lekësh, plot 6.5 miliardë lekë më pak se sa në vitin 2014. Shpenzimet janë reduktuar në të gjitha zërat, përfshirë shpenzimet për blerjen e energjisë elektrike dhe shpenzimet operative. Kombinimi i shpenzimeve më të ulëta me të ardhurat më të larta kanë krijuar një fitim neto prej 8.9 miliardë lekësh, nga humbjet prej 4.5 miliardësh të vitit 2014.

Problemi është se këto janë të dhëna të paaudituara, gjë që do të thotë se vërtetësia e tyre nuk është e certifikuar në mënyrë të pavarur. OSHEE nuk ka qenë në gjendje të sigurojë bilanc të audituar me sukses në vitet 2013 dhe 2014 për shkak se kompanitë e punësuara si auditues të pavarur kanë gjetur parregullsi në mbajtjen e llogarive dhe pretendime konfliktuale. Në mungesë të një bilanci tëaudituar, rezultati financiar i kompanisë është i dyshimtë.

Terminologjia

Enti Rregullator i Energjisë, i cili raporton çdo vit në Kuvend dhe i publikon raportet në faqen e vet të internetit, përdor këto terma bazë për sistemin elektroenergjetik:

Energjia e furnizuar – do të thotë energjia e hedhur në rrjet e matur me kilovatorë (kWh).

Energjia e faturuar – do të thotë totali i faturave të lëshuara nga OSHEE e shprehur në lekë.

Energjia e arkëtuar – do të thotë sasia e faturave realisht të arkëtuara nga ato fatura që OSHEE ka lëshuar.

Arkëtime korrente –është ajo pjesë e arkëtimeve të faturave të vitit korrent. Ky është një tregues i krijuar për të dalluar efikasitetin e mbledhjes së faturave të lëshuara këtë vit nga pagesat e faturave të lëshuara nga vitet e mëparshme.

Arkëtime të vjetra – është ajo pjesë e arkëtimeve për faturat e lëshuara në një periudhë të mëhershme.

Gazmend Dervishi, Dritan Nikolli dhe Bruno Shehu janë tre personat që policia ka vënë sot në pranga pasi kishin planifikuar të kryenin një atentat për të ekzekutuar një person në fshatin Manëz të Durrësit.

Por ndaj kujt kishin planifikuar atentat ata?
Burimet thanë për Panorama se në fshatin Manëz janë dy fise të cilat kanë një konflikt të hapur me njëri¬tjetrin prej vitesh.
Njëri prej këtyre fiseve dyshohet të ketë thirrur, porositur dhe paguar vrasjen e një personi të fisit tjetër me të cilin kanë konflikt.
Por Policia zyrtarisht thotë: “Në thelb është një konflikt midis dy grupeve kriminale për prishje të pazareve në fushën e lëndëve narkotike dhe lidhet më një tentative vrasje midis tyre”.
Sot tre personat e paguar, kishin vendosur të kryenin krimin, dhe policia i ka kapur në flagrancë, teksa këta po qëndronin në gatishmëri.
Mësohet se në momentin e arrestimit, këtyre personave iu janë gjetur një armë automatike dhe 30 fishekë, 2 maska, 3 doreza dhe dy bidona me benzinë.
Kur kanë pikasur praninë e policisë, ata kanë braktisur automjetin dhe kanë vrapur më këmbë e janë futur në tokat bujqësore në Manëz.
Policia i ka arrestuar në një terren shumë të vëshirë pasi kanë tentuar të futen në pyll.
Ata po mbaheshin prej një jave nën vëzhgim nga policia e cila kishte marrë informacione për një ngjarje kriminale të lidhur me këtë grup

Ja pse nuk duan t’i ndërpritet mandati Kryeprokurorit

Partia Demokratike dhe Lëvizja Socialiste për Integrim ndajnë një qëndrim të përbashkët kur vjen fjala te mandati i Prokurorit të Përgjithshëm, Adriatik Llalla.

Dy ish-aleatët mendojnë se Adriatik Llalla duhet të vazhdojë punën edhe pas reformës në drejtësi dhe për këtë thonë se mbështeten tek opinionet e Komisionit të Venecias.

Reforma në Drejtësi, ishte ajo që i zbuloi më pranë njëra-tjetrës nga sa mendohej. Mes pikave të shumta ku bashkohen PD dhe LSI është edhe ajo mbi mandatin e Prokurorit të Përgjithshëm.

Ndërkohë që drafti zyrtar i ekspertëve të thirrur nga Fatmir Xhafaj parashikon një ndërprerje të punës së Adriatik Llallës, demokratët dhe lësëistët kanë tjetër mendim.

Partia Demokratike e mbështet arsyetimin e saj për të lejuar që kryeprokurori të përfundojë mandatin, në faktin se edhe vetë Komisioni i Venecias, në sugjerimet e tij drejtuar Tiranës, vëren se zëvendësimi i menjëhershëm i Adriatik Llallës nuk është i domosdoshëm. Ajo që kërkon Venecia është pavarësia e institucionit.

Nga ana tjetër edhe Lëvizja Socialiste për Integrim ruan të njëjtin arsyetim. Të kontaktuar nga ABC News, zyrtarë të lartë të LSI shpjeguan se qëndrimi i tyre për mos ndërprerjen e mandateve, nuk ka të bëjë vetëm më kryeprokurorin Llalla, por me të gjitha organet kushtetuese.

Një tjetër zyrtar i LSI-së sqaroi se për çështjen e mosndërprerjes së mandateve të drejtuesve është shprehur vetë Komisioni i Venecias, ndërsa shtoi se Lëvizja Socialiste për Integrim i qëndron opinioneve të juristëve përtej Adriatikut.

Qëndrimi i përbashkët për mosndërprerjen e mandatit të kryeprokurorit Llalla është parë nga analistët si një tjetër provë e një afrimi politik mes PD-së dhe LSI-së. Por dy partitë mbeten të ndara, brenda kuadrit të Reformën në Drejtësi, kur vjen fjala e roli i ministrit të Drejtësisë.

Ndërkohë që demokratët kërkojnë një reduktim të influencës në sistem përmes njeriut të Qeverisë, lësëistët janë për një rol më aktiv të të ministrit të Drejtësisë, i cili në këtë ekzekutiv vjen nga partia e tyre. /abcnews/

Një tjetër denoncim ka mbërritur në adresë të Kryeministrit Rama. Ish-Kryeministri Berisha, ka shkruar në Facebook se Rama disa ditë më parë ka rrahur në zyrën e Kryeministrisë zv/kreun e Qeverisë, Niko Peleshi.

Sipas Berishës, ky informacion ka ardhur nga denoncimet që i mbërrijnë në postën elektronike. Berisha e krahason Kryeministrin Rama me diktatorin e Ugandës në vitet ’70, Idi Amin Dadah, i cili ka qenë kampion boksi dhe rrihte ministrat e tij.

 Statusi në Facebook i ish-Kryeministrit Berisha

Qytetari dixhital informon rrahjen para pak ditesh nga Edvin Kristaq Rama, ne zyren e tij, te zevendesit te tij Niko Peleshi. Uganda ne vitet 70 ka patur nje diktator qe quhej Idi Amin Dadah, i cili kishte qene dhe kampion boksi. Ai u be famoz edhe per rrahjen qe u bente ministrave te tij ne zyre apo mbledhje te kabinetit.

Agresiviteti ne momente te caktuara i Edi Rames eshte i njohur nga te gjithe. Ai eshte akuzuar publikisht per shfaqje agresiviteti ndaj familjareve, bashkepunetorve dhe zyrtareve ne Bashki dhe ne kryeministri. Thuhet se kjo e Peleshit nuk eshte hera e pare. Po ju rikujtoj te dashur miq ketu fjalet qe u perhapen ne mbare Tiranen per shtrimin ne dajak brenda ne seline e PS te nje udheheqesi kryesor te PS sepse Rama dyshoi se familjaret e tij ndihmuan ne fitoren e z. Luzim Basha ne Bashkine e Tiranes.

Gjithashtu dihet se rrahje me grushta dhe me nxirje te forte te syrit pati dhe Tahiri ne muajin gusht por atehere u tha se nuk e rrahu vet Rama, por Gysi i Rames sepse Saje qorri gjeti lidhje te Gysit me grupin e droges te Ajet Sules ne Durres dhe Rama i tregoi Gysit per informacionin e Tahirit, gje qe Gysi e kuptoi si leje per te shtruar ne dajak Tahirin! sb

“Mirëmëngjes z Berisha Info e sigurt, i gjati ka ka goditur Peleshin ne zyrë para pak ditësh… Dhe nuk është e para herë…Nuk e di kush mund ta nxjerrë në ndonjë portal apo faqe FB… kete informacion, se mediat nuk e japin nga frika,ju lutem me ruani anonimatin se..me shume respekt per ju G.V”

Ish-Presidenti Alfred Moisiu ka kritikuar zvarritjet për realizimin e reformës në drejtësi dhe thotë se klasa politike shqiptare nuk është e përshtatshme për integrimin e Shqipërisë në Bashkimin Europian. Në një intervistë për gazetën ‘Shqiptarja.com’, Moisiu shprehet se Parlamenti duhet t’i votojë të gjitha rekomandimet e Komisionit të Venecias, pasi është politika që ka shkatërruar drejtësinë.

“Nuk po them ndonjë gjë të re, se drejtësinë në këtë derexhe e ka çuar politika, nisur nga qëllimi për të mbrojtur veten si dhe për të vazhduar me mentalitetin e vjetër, që për çdo gjë vendos partia”, tha Alfred Moisiu.

Ish-Presidenti theksoi gjithashtu se Presidenti duhet të zgjidhet nga populli e nuk duhet të ishte lënë jashtë kësaj reforme. Sa i përket gjyqtarëve, ai tha se është kundër shkarkimit të tyre, por pasuria e tyre duhet të verifikohet dhe të kalojë në skaner. Kurse për rolin e prokurorëve, ish-Presidenti Moisiu e cilësoi si tepër thelbësore, duke dhënë edhe një shembull simbolik se ministrave duhet t’u hyjë frika nga prokurorët.

“Kur isha në detyrë në bisedë me prokurorin komentoja, se kur një ministër takohet me të duhet t’i hyjnë të dridhurat, në kuptimin simbolik, se prokurori kur bën zullume nuk të fal dhe të nxjerr para përgjegjësisë ligjore. Pra, kështu duhet të jenë prokurorët tanë”, thotë ndër të tjera ish-Presidenti Moisiu për gazetën ‘Shqiptarja.com’.

“Edi Rama ka shpenzuar qindra milionë lekë të taksapaguesve shqiptarë për të blerë 8 faqe reklamash në revistën më të shtrenjtë në botë, The Economist, për një artikull-reklamë që thur lëvdata për të, por që në krye tregon se është shkrim i paguar”, u shpreh sekretarja e Marrdhënieve me Publikun në Partinë Demokratike.

TIRANË – Gjatë 24 orëve të fundit në Shqipëri ka mbizotëruar mot me vranësira dhe reshje, ku në lartësitë mbi 700 metra mbi nivelin e detit ka patur reshje bore. Si pasojë e motit të keq, në disa akse rrugore ka patur probleme për qarkullimin e automjeteve në Dibër, Elbasan, Shkodër, etj, ndërsa shumë fshatra kanë mbetur të bllokuar dhe pa energji elektrike.
Sipas të dhënave zyrtare nga Ministria e Brendshme e Shqipërisë, në Qarkun Kukës moti në të gjithë qarkun, ka qenë me reshje shiu dhe dëbore, të shoqëruara me erëra të fuqishme, ndërsa temperaturat e regjistruara janë -4 deri në 5 gradë celsius.

Ndërkohë dëbora ka zbardhur edhe Malin e Dajtit në Qarkun e Tiranës, ku është shfrytëzuar nga shumë qytetarë dhe pushues për të kaluar fundjavën.

Në disa segmente të Rrugës se Kombit trashësia e dëborës është 45 cm, por sipas autoriteteve mbi rrugë nuk ka dëbore sepse 8 borëpastrueset janë vazhdimisht në punë.

Gjithashtu reshje dëbore ka patur edhe në qarkun e Dibrës, Elbasanit, Korçës, Lezhës dhe Beratit, ndërsa meteorologët parashikojnë një mot të acartë edhe në ditët në vijim.

Ministria e Brendshme ka bërë të ditur se përfaqësuesit e emergjencave civile të bashkive po monitorojnë situatën dhe janë në gatishmëri për evakuimin e familjeve, në qoftë se do të rrezikohen nga përmbytjet.

Gazetari investigativ Artan Hoxha që bëri publike përgjimet tek Zululand ka shpjeguar se Fevziu nuk dinte gjë për atë që ai kishte sjellë në emision ndërsa për Bazen dhe Bushatin është shprehur sot në rrjetin social si më poshtë:

…nje koleg I njohur shkruante sot se ishte i shqetesuar pasi edhe pse e kishte marre me dore dosjen e prokurorise, nuk po e gjente dot ate gjysmen e fletes ku ndodhej transkripti i pergjimit te telefonates se kryer me 22.06.2009 saktesisht 6 dite para zgjedhjeve, mes nje biznesmeni ne hetim dhe nje politikani te rendesishem….
pas tij kete dyshim per vertetesine e pergjimit te prokurorise e ngrinte ne nivelin e “duhur”, e kush tjeter vec Lapsit….
Koleg, nje sugjerim, mos u ngutni, merreni me qetesi e dashuri, se ben vaki qe te mos u kene dhene “qellimisht” dosjen e duhur, ose fare “qellimisht” gjate shfletimit me shpejtesi duhet ta keni kaluar pa dashje faqen e duhur….
Sa per sqarim po u nis nje kopje te origjinalit me firme e vule te prokurorise, te miratuar me pas dhe nga Gjykata. “Ekspertet” kete radhe e kane pak problem ta nxjerrin proven “te padegjueshme paster ne audio dhe te pashikueshme qarte ne vidio”…
Sms e pergjuar ndodhet ne fundin e faqes se pare dhe e theksuar me shkronja te zeza nga prokuroria

Artan Hoxha tek Zululand

Gazetari Artan Hoxha ka shpjeguar përse i publikoi në këto moment përgjimet e Kastriot Ismailajt në komunikimin që ai kishte me numrin e celularit të Ilir Metës, në vitin 2008. I ftuar në emisionin Zululand të Mustafa Nanos ai tha se nuk kishte patur mundësi t’i publikonte më parë, pasi nuk ishte ftuar më herët në Opinion. “Një nga skekulimet që bëhet është pse në këtë moment. Tani më ftoi Fevziu, nuk kisha ku ta nxirrja”, tha gazetari i cili drejton një emision të tijin në News 24, të titulluar “Xhungël”.Hoxha u shpreh gjithashtu se Fevziu nuk dinte gjë se ai do t’i publikonte përgjimet në emisionin ku ishte ftuar të fliste pikërisht për përgjimet. “Fevziu nuk e dinte fare. Nuk e kam vënë në dijeni, sepse nuk kisha besim, se pot a dinte do të më lejonte ta nxirrja. E pyeta vetëm nëse ishte live emisioni”, tha Hoxha në emisionin Zululand. Në Opinion Hoxha ka publikuar disa herë dokumenta e madje edhe video që lidhen me cështjen DIA dhe me Ilir Metën.

Voal – Papa Françesku pati takimin tradicional si çdo fillim viti me ambasadorët e akredituar pranë Selisë së Shenjtë, në sallën Regia të Pallatit apostolik të Vatikanit. Pasi Shenjteria e Tij Papa Françesku mbajti Fjalen e shkelqyer para Trupit Diplomatik, ai u takua dhe u përshëndet me perfaqesues te vendeve te ndryshme te botes, ambasadore, krerë misionesh.

Papa Françesku u takua edhe me të ngarkuarin me punë të Republikës të Shqipërisë pranë Selisë së Shenjtë z.Visar Zhiti dhe zonjën e tij.

Papa Françesku bisedoi me z.Zhiti për Shqiperinë, për viziten e tij nê Tiranë. Z.Zhiti i dhuroi edhe disa libra të tij. Biseda ishte shumë e ngrohtë, ashtu si shihet edhe në foto

Vatikani dhe vetë Papa Françesku ka shprehur shqetësimin për mos përfaqësimin e Shqipërisë në Vatikan në rang ambasadori, ndërkohë që e ka dhënë aprovimin e z.Zhiti që kur ai u emërua nga kryeministri i Shqipërisë.

Zoti Visar Zhiti vazhdon të kryejë detyrën e përfaqësuesit diplomatik te Shqipërisë ne Vatikan si i ngarkuar me punë pas refuzimit qe presidenti i Republikës  Bujar Nishani i beri kandidaturës së tij për ambasador.

Visar Zhiti eshte nje nga intelektualet e shquar të vendit, shkrimtar dhe ish i burgosur politik i diktaturës komuniste.

Me pare ia ka punuar ne shërbimin diplomatik ne ambasadën tone ne Rome dhe ne Ministrinë e Jashtme ne Tiranë.

Ai ishte për pak kohe edhe ministër i Kulturës Rinisë dhe Turizmit në qeverinë Berisha ne vitin 2013 .

Foto e z. Zhiti me zonjën e tij dhe me Papa Fançeskun është bërë nga gazeta zyrtare e Vatikanit “L’osservatore Romana”.

Ambasadorët Lu e Vlahutin sonte në mbrëmje kanë zhvilluar një takim prej afro dy orësh me Kryeministrin Rama.

Ambasadorët i ka çuar në zyrë tema më e nxehtë dhe intensive e momentit: Reforma në Drejtësi.

Nuk dihet ende se çfarë i kanë kërkuar Ambasadorët Kryeministrit, por ajo që duket është presioni i ndërkombëtarëve për realizimin e reformës.

Takimi i Ramës me dy ambasadorët vjen pas dështimit të takimit të sotëm me kreun e Kuvendit dhe LSI-së, Ilir Meta.

Lëvizja Socialiste për Integrim ka mbledhur kryesinë e saj. Gjatë fjalës së tij, kreu i kësaj partie Ilir Meta tha se, LSI-ja që në fillim të nisjes së koalicionit ka qenë me objektivin për bërjen e reformave të mëdha për vendin dhe këto reforma për ti bërë me konsensus.

Në fjalën e tij Meta e vuri theksin tek reforma në drejtësi.

“Rekomandimet e Komisionit të Venecias janë të qarta për të gjithë ata që janë profesionistë e të paanshëm. Për të gjithë ata që duan të luajnë, ne këto sugjerime do t’ja japim publikut në mënyrë që në fund ata të gjykojnë me vëmendje, të kthejnë dhe pse jo me cdo gjë tjetër të gjithë ata që bëhen pengesë për këtë reformë”, u shpreh gjatë fjalës së tij kreu i LSI-së.

Nuk u kuptua qartë se për kë e kishte mesazhin kreu i LSI-së, Ilir Meta, pasi fjalën e tij e nisi duke sulmuar opozitën. Meta sot u duk si një peng i kryeministrit Edi Rama në fillimin e fjalimit të tij dhe një shantazhues me referndum ose zgjedhje të parakoshme në fund të fjalës së tij, shkruan Syri.net

Fjala e plotë e Ilir Metës:

“Çështja më madhore për LSI mbetet kurorëzimi me sukses i reformës në drejtësi. Në fillim të këtij mandati qeverisë LSI-ja ishte e pozicionuar qartë në interes të kryesores së reformave të mëdha të shtetit që duhet të bëhen me në konsensus të gjerë politik kemi qenë të bindur se dialogu politik dhe konsensusi janë të domokratike për reformën administrative që përfuindoi me sukses LSI-së kërkoi me forcë garancinë e bashkëpunimit me PD-në si opozitën kryesore, e cila për fat të keq u vetëpërjashtua. PD-ja paragjykoi se mazhoranca e kishte ndërtuar procesin si një farsë.

Pavarësisht ne i dhamë të gjithë kohën e duhur duke shtyrë afatin e këtij komisioni që ajo të përfshihej. 5 variante iu dhanë PD duke iu lutur që të zgjidhte një prej tyre. Jo tha PD, ne do paraqesim variantin tonë. Për reformën në drejtësi, me të njëjtin standard kemi qenë e jemi të pozicioar në kërkim për arritjen e konsensusit. Kom venecias sugjeron qartë hartimin e amendamene kushtetuese nëpërmjet një dialogu konsensual. LSI mbetet e bidur se konsensus në parlament është i domosdoshëm jo thjesht si çështje numrash, por si bashkim vullneti i forcave parlamentare.  Kemi vendosur prej kohësh dhe kemi nisur procesin e reformës në parlament. Tani që ekspertët kanë dhënë kontributin e tyre është koha e celjes së dialogut politik parlamentar me qëllim arritjen me një dokument përfundimtar të certifikuar nga Komisioni i Venecias. Është detyra jonë si LSI dhe mazhorancë të krijojmë hapësirën për opzitën që të jetë substancialisht e përfshirë në dialog dhe të kontribuojë.

Është një detyrim i opozitës të kontribuojë në këtë dialog me profesionalizëm dhe jo populizëm me zgjidhje të qëndrueshme. Përfshirja e opozitës na motivoi që ta vendosnim në Parlament përmes komisionit të posacëm parlamentar. Jemi shpresëplotë që sic kemi arritur vendime konsensusale, edhe për këtë reformë bazike do të arrijmë me këmbëngulje një zgjidhje konsensuale me një dokument të shumëpranuar. Duhet të biem dakort fillimisht për ato cështje që na bashkojnë. Për çështjet që ndahemi, të gjejmë zgjidhjet e duhura  me këmbëngulje dhe pa u lodhur. Për LSI diskutimi dhe debati intensiv e transparent është një bindje e pandryshuar. Vetëm qëndrimi parimor do na udhëheqë në vendimmarrjen tonë politike. Vendi është përballur edhe më parë me vendime të nxituara. Prandaj është e rëndësishme që ky proces të mos jetë përjashtues, por gjithëpërfshirës dhe të marrë në konsideratë punën e deritanishme dhe dialogun konstruktiv të palëve kontribuese. Politika e faktit të kryer provon ndarje dhe shpikje faktorësh. LSI beson se me vullnet të mirë kemi mundësi më të mirë për të arritur aq më shpejt konsensusin e domosdoshëm dhe për të mbyllur një proces jetik.

Me këtë rast dua të shpreh dhe njëherë vullnetin tim si kryetar i LSI dhe si kryetar i Kuvendit, për të punuar natë e ditë bashkë me ministrin e Drejtësisë, anëtarin tonë në komisionin parlamentar, Spartak Braho, ekspertët tanë, ekspertët e deritanishëm, ekspertët ndërkombëtarë e faktorët politikë në mënyrë që të shterojëm çdo hendek që na ndan për të arritur konsensusin për t’i dhënë besueshmërinë kësaj reforme që të jetë reformë e besueshme e të gëzojë mbështetjen e publikut të gjerë”.

Gazetari i News24 nxjerr dokumentat e organit të akuzës dhe bisedat e përgjuara gjatë hetimit të biznesmenit Kastriot Ismailaj, mes tyre dhe mesazhe e komunikime me kreun e LSI-së Ilir Meta

Armand Mero

Që prej vitit 2008 biznesmeni Katriot Ismailaj ishte nën hetim nga prokuroria nën dyshimin e pastrimit të parave. Në rrugë zyrtare telefoni i tij ishte vënë në përgjim. Sipas dokumentave të publikuar mbrëmë në studion e emisionit “Opinion”, në Tv Klan, nga gazetari I Neës24 Artan Hoxha, gjatë përgjimeve janë regjistruar dhe bisedat e tij me kryetarin e LSI-së Ilir Meta: “Ekziston në transkriptimin e bërë nga organi i akuzës, nga bisedat e përgjuara, dhe biseda që janë kryer mes biznesmenit në fjalë dhe një politikani, që në rastin konkret e në bazë të numrit të telefonit të afishuar aty, është kryetari aktual i parlamentit Ilir Meta”.

Sipas gazetarit Hoxha ka biseda të bëra pak ditë para zgjedhjeve të qershorit 2009: “Janë kërkuar shifra të tilla të mëdha parash në prag të zgjedhjeve dhe po ashtu është influencuar që kanidatë për deputetë në disa zona të vendit, të ndihmohen duke marrë tregti bankare, në banka të nivelit të dytë, për të përballuar fushatën zgjedhore të qershorit 2009. Në datën 22 qershor të atij viti ku kërkohet sipas mesazhit “Nesër në darkë duhet të takohemi patjetër. Më duhen 200 mijë patjetër. Mos harro”.

Zoti Meta nuk e ka fshehur se ka patur njohje me biznesmenin duke saktësuar, pikërisht pak ditë më parë, se nuk mund të ishte në dijeni të aktivitetit të tij, sikundër dhe të biznesmenëve të tjerë me të cilët ka njohje. Ndërsa në parlament, në rastin e debatit për cështjen e CEZ, ai tha se Ismailaj nuk i kishte kërkuar asnjë herë favore dhe se ai nuk i kishte bërë favore atij.

Normalisht përgjimi i njerëzve me imunitet është i ndaluar, pa një autorizim të vecantë, por duket se në këtë rast prokuroria ka vlerësuar se bisedat me zotin Meta kanë dalë nga regjistrimi i biznesmenit nën hetim.

Në fund të vitit 2010 cëshja ndaj Kastriot Ismailajt u mbyll. “Kur është pushuar hetimi, kishte ndryshuar situate. Zoti Meta nuk ishte më në opozitës, por ishte pjesë e rëndësishme e qeverisë Berisha-Meta, pas zgjedhjevetë 2009-ës, ishte zëvendëskryeministër. Ndërkohë biznesmeni i cili ishte nën hetim Ismailaj, kishte krijuar kompaninë DIA dhe kishte lidhur marrëveshjen me kompaninë CEZ, për të mbledhur borxhet”, nënvizon Hoxha.

Sipas prokurorit të cështjes Gentjan Osmani, i cili sot drejton njësinë Task Forcë Antikorrupsion pranë prokurorisë së krimeve të Rënda, pavarësisht se ekzistonin dyshimet për pastrim parash, nuk kish qenë e mundur gjetja e provave. Në 2015 hetimi do të rihapet për të kërkuar pikërisht provat e munguara, ndërkohë që biznesmeni Ismailaj kishte hedhur në gjyq shtetin shqiptar për cështjen CEZ-DIA duke kërkuar 135 milion euro.

Gazetari Hoxha thotë se dokumentat që ai disponon janë zyrtare: “Janë të gjitha dokumenta zyrtare, që publikohen pasi janë vendime të prokurorisë dhe nuk janë dokumente Top Sekret, publikimi i të cilave mund të përbënte problem”.

Lidhur më këtë cështje nuk patur asnjë prononcim. Zyra e shtypit e kryetarit të Parlamentit e pyetur nga Zëri i Amerikës, tha se nuk ka asnjë koment apo reagim.

Akoma Shqiperia nuk ka ambasador në Vatikan. Seksioni në shqip i Radio Vatikanit raporton se në fjalimin tradicional drejtuar ambasadorëve të akredituar pranë Selisë së Shenjtë në sallën Regia të Pallatit apostolik të Vatikanit, Papa Françesku nënvizoi me kënaqësi se, gjatë vitit të kaluar, numri i ambasadorëve rezidentë në Romë është rritur më tej.

Radio Vatikani organi zyrtar i selisë së shenjtë shpreh shqetësimin për mospërfaqësimin e Shqipërisë në nivel ambasadori në Vatikan. “Vendi i shqiponjave”, siç e quajti Papa Françesku, Shqipërinë, gjatë vizitës së tij historike në Tiranë, më 21 shtator 2014, ende nuk përfaqësohet pranë Selisë së Shenjtë me një ambasador. Radio Vatikani thote se ambasadori i fundit i Shqipërisë pranë Vatikanit është larguar prej muajsh dhe Visar Zhiti i emëruar nga kryeministri Rama si ambasador pranë Selisë së Shenjtë, vijon të mbetet i ngarkuar me punë.

Shqipëria ka vendosur marrëdhënie diplomatike me Selinë e Shenjtë më 7 shtator 1991, në rangun e Nunciaturës Apostolike për Vatikanin e të Ambasadës për Shqipërinë .

Ne vendin me fuqinë më të madhe në botë, ku falen presidentët më të mëdhenj të globit, Shqiperia e vogël nuk emëron si ambasador një njeri të madh si Visar Zhiti.

“Atje në shtëpinë e prindërve të mi në fshat, në kodrën që  të  drejton kah mali i Moravës, gjendet një tunel, një tip vendstrehimi për kohë lufte, i ndërtuar në kohën kur Shqipëria ishte e izoluar dhe e rrethuar me vetveten sfidonte rrezikun e madh botëror.  Sot, janë ende në modë bunkerët dhe kërpudhat. Them të kultivoj ca kërpudha aty brenda, pasi trustin e lulelakrës e ka përkufizuar qartë Brehti, tek Arturo Ui….

Sigurisht që nuk do të mungojë ajri i pastër i Moravës, ku herë pas here do të ngjitem për të  lexuar Njeriun e natyrës, së  Rusoit,  për të kuptuar qytetarin shqiptar të shekullit të XXI….Nuk besoj që ky status të lexohet si ‘ arrati, agjitacion dhe propagandë apo sabotim’.

Pas publikimit të statusit tim të lartpërmendur nga mediat shqiptare online, gazetarja Sh. M, e gazetës Shqip, mu drejtua pikërisht me këtë pyetje që unë po e sjell më poshtë. Pas pyetjes të saj në atë mbrëmje i dhashë këtë përgjigje të shkurtër.”

Sh. M.- Prej disa orësh në mediat sociale qarkullon lajmi se jeni shkarkuar nga detyra. MAS pretendon zyrtarisht se motivacioni që e çoi DAR Tiranë në marrjen e këtij vendimi, është fakti që ju nuk jeni paraqitur në mësim as dy javë përpara se të publikonit letrën drejtuar kryeministrit Rama dhe as dy muaj pas publikimit të saj. Burime zyrtare në këtë institucion pretendojnë se iu është komunikuar vazhdimisht që duhet të ktheheni në shkollë, por që sipas tyre nuk kanë marrë asnjëherë përgjigje nga ju, shkaku që çoi në shkarkimin tuaj nga detyra, në shkollën “Qemal Stafa”.

Ku konsiston e vërteta? Pse ky vendim për largimin tuaj nga puna, pas një jete përvojë në arsim?

E. K : Pyetjes  tuaj në lidhje me vendimin për largimin tim nga puna pas një përvoje në arsim duhet ti përgjigjen drejtuesit e Institucioneve të Arsimit në Shqipëri. Mbase ju si media duhet të bëni investigimin tuaj, në shërbim të së vërtetës.

Sot e shoh të arsyeshme ti përgjigjem pyetjeve të shumta që mund të kenë mediat për këtë çështje.

MAS sipas referencës që jep paska pretendimin se unë nuk jam paraqitur në punë dy javë para publikimit të letrës drejtuar kryeministrit dhe publikut. Letra është publikuar në datën 25.11.2015. Unë nuk jam paraqitur në punë në datën 23.11.2015, dhe po atë ditë kam njoftuar  Institucionin të merrte masa për zëvendësimin e orëve të mia mësimore, për të mos pasur kosto mungesa ime tek nxënësit. Ndërkohë kisha një problem shëndetësor dhe isha me raport mjekësor, të cilin  ju mund ta verifikoni në shërbimin e mjekut të familjes. Data 23 dhe 25 krijojnë një diferencë prej dy ditësh, jo dy javësh.

Në letrën time publike i kam kërkuar institucioneve ta lexojnë dhe po atje kam shkruar se nuk i kthehesha ushtrimit të detyrës deri sa prej atij institucioni të larosheshin drejtuesit të cilët nuk krijonin thjesht një shqetësim personal por një shqetësim publik.

Kam pritur që të ketë reagim zyrtar dhe publik, gjë që nuk ndodhi. Duke cituar titullaren në intervistën e saj në TV News 24, të dt. 26. 11. 2015 ajo pretendon se nuk ka dijeni për gjëra të cilat unë I kisha bërë publike, madje ajo thekson se është e ofenduar prej letrës sime, ndërkohë që  isha një mësuese me vlerësim shumë mirë nga drejtoria e shkollës. Për më tepër më prisnin të kthehesha në punë ditën e hënë, ndërsa shkolla fillonte ditën e martë për shkak të pushimeve të festave të Nëntorit.
Në fund të intervistës ajo u shpreh për dosjet e diktaturës. Po ju sqaroj edhe një herë, unë nuk kthehesha në punë deri ditën që do të largoheshin individët që përmendja si shembull konkret në atë letër zyrtare, e përveç kësaj unë nuk mund të kthehesha në institucion integriteti i të cilit po vihej në dyshim pikërisht prej drejtuesve të tij.

Ajo thotë në media që nuk ka dijeni! Unë kam një pyetje publike për të, të njëjtën pyetje që i kam ndërtuar në mëngjesin e ditës së hënë, dt 2. 11.2015, së cilës ajo nuk pati kohë apo dëshirë të përgjigjej.

Në datën 1.11.2015, në orën 21:01, ditën e diel, në telefonin tim mbërriti pikërisht ky mesazh: ‘Nesër, të dielën, brenda orës 10 të sjellësh në shkollë të gjitha dokumentet që u kemi kërkuar të gjithë mësueseve ku ju jeni nga të vetmet që nuk jeni treguar korrekte, duke na penguar si drejtori për të kryer detyrat.’

Si e kisha penguar unë institucionin?

Cila ishte karta ime e performancës ne lidhje me korrektesën për të cilën akuzohesha po nga drejtoria?

Dhe cilat ishin këto dokumente që duhej ti dorëzoja në ditën e diel, e cila ishte ditë pushimi?

Përse një mesazh i tillë më dërgohej në emër të drejtorisë së gjimnazit në mbrëmje vonë?

Cili ishte qëndrimi zyrtar i drejtuesve për këtë çështje të cilën duhej të ma sqaronte me shkrim, dhe përse ajo asnjëherë nuk iu përgjigj zyrtarisht kërkesës që i bëra unë?

Po atë ditë, pas mbarimit të mësimit në turnin e paradites, unë isha duke fotokopjuar në Sekretarinë e shkollës disa dokumente pune që na ishin kërkuar ti plotësonim e dorëzonim brenda ditës. Bashkëdrejtuesi i institucionit, dërguesi i mesazhit që citova më lart, nuk e pati aspak problem të shkelte të gjitha rregullat e etikës, duke më ulëritur në fytyrë në mes të kolegëve që prisnin radhën për të përdorur fotokopjen, në mënyrën më banale të mundshme, ( ndërsa tymi i duhanit po i përzihej me alkoolin që kishte konsumuar).

Sa herë kishte njoftuar drejtoria, prindërit e gjimnazistëve që konsumonin duhan duke i kujtuar gjobat që duhet të paguanin sipas ligjit anti – duhan, dhe përse asnjëherë kjo drejtori nuk I kujtoi nëndrejtorit të Institucionit zyrtarisht se ai po shkelte të njëjtin ligj që e thyenin minorenët? Përse qytetarët shqiptarë nuk ishin të barabartë përballë ligjit?

Me çfarë morali ky staf drejtues, pasi thyente ligjet e shtetit, iu kujtonte zyrtarisht ligjet e shtetit komunitetit dhe gjimnazistëve të Shkollës ‘Qemal Stafa’?

Pse ky staf kishte fuqi të mbyllte derën e shkollës para orës 8:00 dhe linte për gjashtë orë të tëra jashtë shkollës gjimnazistët duke na kërkuar të vendosnim 6 mungesa ditore ndërsa nxënësit ishin lënë jashtë derës po prej nesh?

Bazuar në cilin ligj të Republikës së Shqipërisë ky anëtar i stafit drejtues ngrinte zërin dhe fyente brenda institucionit komunitetin të cilit duhej ti shërbehej? Për atë se çfarë bënte ky individ brenda zyrës së tij me nxënësit apo prindërit e tyre nuk mundem të flas unë. Kjo u takon atyre!

Nëse drejtoria nuk ka dijeni, le ti kthehet dokumenteve të punës, mbledhjeve me protokoll të mbajtura nga sekretaria, po ashtu edhe bllokut të shënimeve të individit në fjalë apo edhe dokumenteve të saj zyrtare dhe jozyrtare. Unë po i sjell në vëmendje vetëm një dokument zyrtar, raportin e drejtorisë së shkollës për këshillin pedagogjik i cili ishte analiza e punës një vjeçare të institucionit. Isha e listuar në vendin e parë për mungesa në punë, ndërsa kisha munguar rreth dy javë të plota në një vit për arsye serioze të shëndetit, dhe këto ky dokument  nuk e specifikonte aspak.

Pas kësaj, në fund të mbledhjes, nëndrejtori , u ngrit dhe me zë të lartë tha: Në këtë shkollë ka mësues që e marrin rrogën kot! Ndërsa ai fyente mësues të caktuar, titullarja e pa shqetësuar për këtë akuzë publike të bashkëdrejtuesit jo vetëm që heshti, por as që mbajti qëndrim zyrtar, për ta përgënjeshtruar me kartën e performancës të mësuesve, të cilët ai nënkuptonte apo akuzonte.

Sot unë e kam përsëri të njëjtën pyetje: Cilët janë mësuesit që e marrin rrogën kot duke i shkaktuar një dëm kaq të madh Gjimnazit ‘Qemal Stafa’ , buxhetit të shtetit dhe taksapaguesve shqiptarë?

Këto pyetje kanë mbetur pa përgjigje. Dikush duhet ti përgjigjet zyrtarisht pyetjeve të mia. Dhe para se ti përgjigjet le të marrë kohën e duhur. Kështu do ti shërbehej jo vetëm së vërtetës, për çka unë citoj në letrën time publike, por do të krijohej mundësia që ngjarje të tilla të merrnin një herë e përgjithmonë fund në arsimin shqiptar të vitit 2016. Shqetësimi im është nuk është personal, por publik.