Një grup i studentëve me fishkëllima e kanë kundërshtuar fjalimi e ish-kryetarit të Gjykatës Kushtetuese të Kosovës, Enver Hasani, duke e quajtur shkelës të Kushtetutës.

Studentët janë tërhequr zvarrë nga pjesëtarët e sigurimit dhe asnjë nga panelistët nuk ka reaguar.

Studentët janë larguar nga salla dhe seminari po vazhdon me fjalimin e ish-kryetarit të Gjykatës Kushtetuese, Enver Hasanit.

Një profesor e ka kundërshtuar duke thënë se nuk është në rregull që studentët të trajtohen në këtë mënyrë.

KosovaPress mëson se studentët janë aktivistë të Lëvizjes Studentore për Barazi – Studim Kritikë Veprim.

Vetëm edhe disa orë na ndajnë nga ngjarja e pazakont (deri tani) e “inaugurimit ceremonial” një ditë më pas në sheshin kryesor të Prishitnës.
Mbase për një president unifikues, të zgjedhur nga vota e popullit, të dashur dhe të përkushtuar ndaj qytetarëve të vendit, të pranuar nga të gjitha subjektet politike në vend do të ishte shprehje e natyrshme, mirëpo meqënse kjo nuk po vjen si shprehje e vullnetit të shumicës së qytetarëve, e paraqet të kundërtën, antipodin e vullnetit qytetar.
Inaugurimi në shesh, përveqse provokim dhe sprovë për opozitën e “bashkuar”, është një test i radhës (i fundit) për elektoratin rugovian.
Përderisa, elektorati rugovian deri me tani në forma të ndryshme ka shprehur pakënaqësinë e vet lidhur me zgjedhjen e Thaçit president, tani e ka momentin e shprehjes së pakënaqësisë përmes protestave të fuqishme në shesh me 8 Prill 2016.
Elektorati rugovian i LDK-së, si dhe ai i shpërndar i nëpër parti tjera shkaku i zhgënjimit në udhëheqjen aktuale të LDK-së, e kanë edhe një motiv shtesë për të protestuar kësaj radhe, kur dihet që ditëve të fundit, presidenti në ardhje ka paraljmëruar largimin e të vetmit simbol të mbetur të presidentit historik Ibrahim Rugova-logon apo siq ishte në përdorimin praktik “Vula e Presidentit të Kosovës” me stemën e flamurit dardan.
Presidenti në ardhje i shtetit të Kosovës Hashim Thaçi, ka paralajmëruar hapur se dëshiron të zhbëjë gjithçka rugoviane. Pasi ia doli me sukses ta pengojë që të bëhet flamur shtetëror flamuri dardan, Pas djegëjes së flamujve dardan (me urdhërat e Hashim Thaçit) nga një grup huliganësh, të vendosur nga komuna e Prishtinës në 28 nëntorin e vitit 2005, kur shoqata e quajtur e invalidëve të luftës, që realisht në krye të saj përmbledhë pikërisht fundrrinat e SHIK-ut dhe PDK-së, dhe më pas me heqjen e fotografisë së Rugovës nga Jakup Krasniqi në hollin e Kuvendit të Republikës së Kosovës,…tani heqja e vulës së presidentit paraqet aktin e fundit të eliminimit të simboleve kombëtare nga institucionet e vendit.
Ajo, që kishte mbetur në përdorim, vula e Presidentit, duket të jetë e papërballueshme për Hashim Thaçin që të hedh firmë në një vend ku ekziston paralelisht apo mbi të vula e Ibrahim Rugovës.
Kështu, katërçipërisht dhe në mënyrën më besnike shpërfaqet karakteri i “Gjarpërit” me rastin e dhurimit të buqetës me lule, bijës së presidentit Rugova, Teuta Rugovës me rastin e zgjedhje president në parlamentin e cunguar të Kosovës (pa prezencën e opozitës), njëherit kjo e vërteton thenjën që e përdora ditë më parë në një shkrim; “Gjarpëri helmon edhe kur nuk kafshon”!
Nëse edhe tani hesht opozita, hesht shoqëria civile, heshtin elektorati rugovian me rastin e inaugurimit të një presidenti antikushtetues, njeriun e  dështimeve të njëpasnjëshme, përçarësin dhe rrënuesin e vlerave kombëtare,…atëherë përveqse përballjes me moralin e dyfisht politik, do të kthehemi shumë hapa mbrapa në raport me ndryshimet pozitive në vend.
Qytetarëve të vendit do t’iu mbesin vetëm dy rrugë; heshtja përballë të keqës apo largimi nga vendi. E për fatin e keq, ka gjasa të ndodhë kjo e e dyta, e largimit masiv të popullatës shqiptare nga Kosova, dëshirë kjo dhe prapaskenë e armiqëve të Kosovës.
Mbase nuk është krejtësisht i rastësishëm deklarimi i fundit kryeministrit kukull Isa Mustafa; “Së shpejti qytetarët e Kosovës do të levizim (ikin) lirshëm drejt vendeve të BE-së…!
Sigurisht, se jami më i mirë për qytetarët e vendit do të ishte; zhvillimi ekonomik, hapja e vendeve të reja të punës, luftimi i korrupsionit, përmirësimi i sistemit shëndetësor, arsimor dhe juridik, etj,…si kushte të domosdoshme për jetë normale, e jo ikjen nga shteti i tyre.
Në inagurimin e Thaçit president, të drejtën morale të pjesmarrjes e kanë të gjithë njerëzit e dështuar, servilët dhe puthadorët e pushteteve, argatët besnik të dy figuarave më të dështuara politike në vend, tandemit fatkeq për vendin Thaçi-Mustafa.
Do të ishte e tepët të përmendja dështimet e tyre në qeverisjen e vendit, ngase janë të njohura për opinionin e gjërë publik si në Kosovë ashtu në mbarë trojet etnike dhe diasporë.
Hashim Thaçin  në postin e “Presidentit” e solli LDK-ja e katapultuar nga strukturat mafioze së bashku me listën “Serbska”. Pra, nuk është president i zgjidhur por i blerë me shantazhe, kerrcnime dhe ryshfete të deputetëve të LDK-së nga ana e liderit të tyre,…këtë ë vërtetë të pamohueshme e thotë numri i votave në kuvend, nga 50 të raundit të parë në 73 të raundit e tretë të votimit!
Levizja e vogël më vetulla nga ana e Thaçit, ishte e mjaftueshme për liderin e LDK-së Isa  Mustafa, që të vrapoj si i tërbuar pas deputetëve ,…që askush deri më sot nuk e di koston e atyre votave të blera nën masat e  shtetrrethimit policor!
Ku janë elektorati dardan, ku është ajo LDK-ja rugoviane që po e thonë se janë duke ndjekë rrugën rugoviane, parimet dhe filozofinë e tij politike,…ku janë strukur dardanët, rugovianët, e madje anti-isistat, sepse  e tërë kjo heshtje që po ndodh, s’është gjë tjetër pos pajtim dhe nënshtrim ndaj strukturave antikombëtare të instaluara LDK dhe institucionet e vendit tonë në përgjithësi..

Mundësitë që edhe Kosova të jetë pjesëmarrëse në festivalin më të madh të këngës në Evropë “Eurovision” po ofrohen. Kjo, pasi që Kosova është thirrur që të jetë pjesë e komunitetit të Eurovisionit.

Ky është edhe lajmi që ka dhënë sot drejtori i Radio Televizionit të Kosovës, Mentor Shala. Në një konferencë të përbashkët me fituesen e sivjetme të festivalit të Radio Televizionit Shqiptar, Eneda Tarifa, Shala shpreson se vitin e ardhshëm edhe Kosova të ngjitet në skenën e Eurovisionit.

“Përmes bashkëpunimit që e kemi me Radio Televizionin Shqiptar, ju e dini që shumë këngëtarë nga Kosova kanë marr pjesë në Festivalin e Këngës në Shqipëri, ka pas edhe raste kur këngëtarë nga Kosova, përmes Festivalit Shqiptar kanë shkuar dhe kanë marr pjesë në Eurovizon, e kemi edhe rastin e Rona Nishliut… Nuk është definitiv, por neve na kanë ftuar që të marrim pjesë në komunitetin e Eurovisionit. Këtë vit do të vendoset se a do të mundet Kosova të jetë pjesëmarrëse vitin e ardhshëm në Eurovision”, tha Shala, raporton kp.

E ndryshe nga entuziazmi i drejtorit Shala, përfaqësuesja e Shqipërisë Eneda Tarifa as këtë vit nuk ka shpresë që Shqipëria të rrëmbejë trofeun.

Tarifaj nuk ka dyshime në talentin e saj dhe cilësinë e këngës, por thotë se është e pamundur me mjetet financiare që kanë dhe situatën politike.

“Ne nuk do të fitojmë”, tha Tarifa

Megjithatë ajo e sheh si një mundësi të mirë pjesëmarrjen në këtë festival të këngës dhe finalen e cilëson si fitore.

Votimi këtë vit në këtë festival do të jetë ndryshe, pasi që dhjetë të parët që janë votuar nga publiku do të hyjnë në kualifikim për t’u votuar nga shtetet pjesëmarrëse.

Drejtori Gjeneral i TVSH-së, Martin Leka, i cili ishte bashkë në konferencë me Trafiajn dhe Shalën, tha se nuk mund të shmanget natyra e votimit në këtë festival të këngës dhe nuk mund të shmanget vendi se ku ta ka caktuar natyra.

“Ne nuk mund të shmangim votimet që tashmë ju i dini në Eurovizion, nuk mund të shmangin dhe nuk mund të ndryshojmë vendin ku na ka caktuar natyra, sepse ne do të bëjmë më të mirën të mundshme, për të gjithë shqiptarët dhe jo më kot unë e kam bërë traditë që festivali i këngës në Eurovizion të fillojë pikërisht nga Kosova. Fillon nga Kosova për një mijë arsye ndër të cilat janë rrënjët e Kombit Shqiptar, i cili nëse do të bashkohet një ditë që padyshim është bashkuar do të bashkohet me këngën”, tha Leka.

Këtë vit Eurosong do të mbahet në Stockholm të Suedisë dhe do të jetë nga data 12 deri në 14 maj. Ndryshe, kënga përfaqësuese e Shqipërisë është punuar nga producentë të cilët kanë punuar edhe me këngëtarë të njohur siç janë Adele, Jessie J.

Në momentin kur kryetari i Kosovës, Hashim Thaçi po mbante fjalimin pas betimit si President, në dritaret e Kuvendit të Kosovës u hodhën gurë, krisma e të cilave u dëgjua gjatë seancës.

Nuk dihen aktorët e hedhjes me gurë e opozita më herët kishte deklaruar se nuk do të pengonte betimin e Thaçit kryetar, por nuk përjashtonte aksione simbolike kundër tij. kd

PRISHTINE- Presidenti i ri i Kosovës, Hashim Thaçi pritet të japë sot betimin para Kuvendit të Kosovës. Seanca solemne ishte thirrur të mbahet në orën 11:00. Kjo seancë po bojkotohet nga tri partitë opozitare.

Thaçi do ta pasojë në postin e shefit të shtetit presidenten, Atifete Jahjaga. Në këtë ceremoni, sipas Kushtetutës së Kosovës, presidenti betohet se do të angazhohet me gjithë fuqinë e tij për ruajtjen e pavarësisë, sovranitetit dhe integritetit territorial të Republikës së Kosovës. Presidenti betohet po ashtu se do të sigurojë liritë dhe të drejtat njerëzore e qytetare, respektimin dhe mbrojtjen e Kushtetutës dhe ligjeve, ruajtjen e paqes dhe mirëqenies së të gjithë qytetarëve të Republikës së Kosovës, shkruan tg.

Me dhënien e betimit nuk do të përmbyllet ceremonia e inaugurimit të presidentit të ri të Kosovës.
Të premten, më 8 prill, në sheshin ‘Skënderbeu’, që gjendet pranë objekteve të Kuvendit dhe Qeverisë së Kosovës, do të organizohet një ceremoni festive solemne, në të cilën do të shënohet dorëzim – pranimi i detyrës nga presidentja Atifete Jahjaga te presidenti i ri Thaçi, ku presidenti i ri do të mbajë edhe fjalimin inaugurues, raporton Evropa e Lirë.

Nga Kabineti i Thaçit është konfirmuar se në këtë ceremoni janë ftuar si pjesëmarrës, përfaqësues të Kosovës dhe mysafirë nga një numër i madh i vendeve të botës. “Janë ftuar 1,000 personalitete nga Kosova, përfaqësues të institucioneve qeveritare, të institucioneve shtetërore, nga bota e akademisë, artit, kulturës, sportit. Janë ftuar mysafirë nga rajoni dhe nga e tërë bota, nga shtetet me të cilat kemi marrëdhënie bilaterale, por kemi edhe mysafirë nga shtetet të cilat, ndonëse ende nuk e kanë njohur Kosovën, e përkrahin atë”, ka thënë Ardian Arifaj, këshilltar i presidentit Thaçi. Zyra e presidentit të zgjedhur të Kosovës ka njoftuar se deri më tash 50 vende, delegacionet e të cilave janë ftuar në ceremoninë inauguruese të presidentit të ri të Kosovës, tashmë e kanë konfirmuar ardhjen në këtë ceremoni.

Hashim Thaçi është zgjedhur në postin e presidentit nga Kuvendi i Kosovës në një seancë plot përplasje e tensione politike me partitë opozitare. Megjithatë, në të njëjtën seancë, të mbajtur më 26 shkurt, pas votimit të tretë, Thaçi siguroi 71 vota nga 120 deputetë sa ka Kuvendi. Paraprakisht, ai ishte kryetar i Partisë Demokratike të Kosovës, si dhe mbante postin e zëvendëskryeministrit dhe Ministrit të Jashtëm në Qeverinë e Kosovës. Por, nga momenti i zgjedhjes së tij President, ai ka dhënë dorëheqje nga të gjitha postet tjera publike.

Aleanca për Ardhmërinë e Kosovës ka njoftuar se disa aktivistë të saj gjatë mbrëmjes të së mërkurës në disa qytete të vendin kanë vendosur disa posterë kundër Hashim Thaçit.

Sipas një njoftimi të AAK-së, aktivistët e saj përmes këtyre posterëve kanë kundërshtuar betimin e Hashim Thaçit për president, transmeton “zeri.info”.

Njoftimi i plotë:

Aktivistë të AAK-së, mbrëmë ka ndërmarrë një aktivitet simbolik, me të cilën e ka kundërshtuar inaugurimin e sotëm të Hashim Thaçit president.

Ata kanë vendosur disa posterë, në vende publike në të gjitha qytetet e Kosovës,  me këto përmbajtje;

1. Hashim Thaçi, arkitekt i kapjes së shtetit, tash President;

2. Hashim Thaçi, imazhi i krimit dhe korrupsionit, President- A durohet kjo;

3. Thaçi, i luajti gurët e kufinit, presidentët ndërrohen e kufini jo;

AAK, ka kundërshtuar votimin e Thaçit President, duke e konsideruar atë faktor përçarës dhe largë përsonit që do të mund të identifikohej me një president të unitetit.

Kryetari i Aleancës për Ardhmërinë e Kosovës, Ramush Haradinaj në një intervistë për gazetën “Zëri” ka folur për dallimet ndërmjet partisë së tij dhe “Vetëvendosjes”

“Tani mendoj se opozita, në këtë rast Aleanca, “Vetëvendosja” dhe “Nisma”, kanë bërë diçka tepër të mirë për vendin. Kur Kosova është ndodhur në një disbalancë shumë të madhe, pra një koalicion shumë i madh qeverisës me më shumë se 2/3, të cilin koalicion nuk e kemi pasur ndonjëherë më parë, ne kemi ftuar edhe qytetarët që ta krijojnë balancën, pra opozita që ishte në Parlament plus qytetarët dhe e kemi krijuar një balancë të temave në kundërshtim dhe rezultat i kësaj dy tema, t’i quaj ashtu, janë të ndërprera, përkatësisht Bashkësia e Komunave pas vendimit të Gjykatës Kushtetuese, por edhe Demarkacioni nuk është ende i ratifikuar në Kuvend. Çka më tutje? Në opozitë Aleanca është parti e qendrës së djathtë, duke u bazuar në këtë e ka zhvilluar një vizion të veten si e mendon Kosovën, si i sheh temat qeverisëse veç e veç, si e sheh angazhimin e Kosovës në planin e brendshëm dhe të jashtëm. Pra, këto janë vizionet tona, të cilat ne nuk përtojmë t’u ofrohemi për partneritet, por nuk i dorëzojmë në një vizion të një partneri tjetër. Pra ky është dallimi, ne nuk jemi ofruar që tërë vizionin tonë që e kemi ndërtuar nëpër vite ta dorëzojmë”, ka thënë ai.

Zëri: Zotëri Haradinaj, kemi pasur disa përplasje mes opozitës, përkatësisht mes jush dhe zyrtarëve të “Vetëvendosjes”, a vazhdoni të jeni të bashkuar në kauzat tuaja të bëra publike?

Haradinaj: Partneriteti dhe solidariteti ynë si opozitë e bashkuar, filloi me ministrin Jabllanoviq, i cili kishte fyer nënat gjakovare, kur protestuam dhe ne të gjithë e ndiejmë të nevojshëm të jemi bashkë në atë rast. Pastaj e kemi forcuar këtë partneritet me Ligjin për “Trepçën” dhe së fundmi me marrëveshjet për Bashkësinë e Komunave me shumicë Serbe në Kosovë dhe Marrëveshjen për shënimin e kufirit me Malin e Zi. Në të gjitha këto zhvillime jemi bashkë, Në temat për të ardhmen, çka kishim mundur ne së bashku t’ia ofrojmë Kosovës si alternativë e përbashkët ose si opsion i përbashkët, kemi dallimet tona.  /Zëri/

PRISHTINE – Ish-prokurorja e Kosovës, Vahide Badivuku është dënuar me 3 vjet burgim.

Badivuku, e cila të enjten qau teksa po e jepte fjalën përfundimtare në Gjykatën Themelore të Prishtinës, është dënuar për veprën penale për marrje ryshfeti dhe keqpërdorim të detyrës zyrtare.

Veç dënimit me 3 vjet burgim, ajo është dënuar edhe me 5.000 euro gjobë, raporton “Koha Ditore”. Badivukut i është ndaluar edhe ushtrimi i detyrës zyrtare për 3 vjet.

Kujtojmë se Vahide Badivuku, prokurorja e krimeve të rënda, është arrestuar më 23 gusht të vitit të kaluar.

Badivuku është arrestuar nga prokuroria speciale e Kosovës me dyshimin për keqpërdorim të detyrës zyrtare dhe krim të organizuar.

Ajo ishte prokurore e rastit Gani Geci, të dyshimtë për një vrasje. Badivuku është zënë në flagrancë duke marrë ryshfet.

Shyqyri Syla, kryeprokuror ne Prokurorinë Publike të Qarkut në Mitrovicë, e ka konfirmuar këtë.

Prokuroria pati deklaruar asokohe se e pandehura V.B., është arrestuar nën dyshimin se ka marrë ryshfet për t’i liruar disa vetura të sekuestruara, në një lëndë penale, të cilën ajo e ka pasur në hetime. V.B. ka kërkuar ryshfet në shumën prej 22.000 euro (njëzetedymijë euro) përmes ndërmjetësuesve dhe pas dorëzimit të shumës në fjalë, si prokurore e rastit ka përpiluar kërkesën për lirim të automjeteve.

“Mbrëmë gjatë kontrollit në pikë kalimin kufitar në Merdare, është kontrolluar e pandehura V.B. dhe në çantën e saj janë gjetur shuma prej 5.000 euro, të cilat janë pjesë e 22.000 eurove të pranuara ryshfet”, pati thënë Prokuroria në njoftimin për arrestimin e saj.

Në seancën e së enjtes të Kuvendit të Kosovës do të ketë vetëm një pikë në rendit e ditës, betimi i Hashim Thaçit si president i vendit.

Deklaratës së Ministrit të Punës dhe Mirëqenjes Sociale, zotit Abrashi; “keqpërdoruesit më të mëdhenjë të pensioneve janë të gjithë pensionistët e jashtëm që marrin pensione atje edhe këtu…”, dëshiroj t’i përgjigjem si mërgimtar e jo si analist politik.
Në vend të kësaj deklarate skandaloze, ministri Abrashi ishte dashur të mendoj ndonjë veprim ndryshe për të nderuar mundin, djersën dhe gjakun e mërgimtarëve për lirinë që sot po e gëzojmë.
Në mos materialisht, së paku simbolikisht ishte dasht të nderoj me mirënjohje të gjithë pensionistët e mërgatës sonë, për mundin dhe dashurinë, paratë dhe mallin që kurrë s’e kursyen për vendlindjen, për vendin ku u lindën e rritën. Ata apo bijtë e tyre lanë gjymtyrët e trupit dhe dhanë më të shtrenjtën-jetën e tyre për lirinë e Kosovës.
Si pjestar i mërgatës së viteve të ’90-ta, me përgjegjësinë me të madhe deklaroj se, ndihmat e mërgimtarëve ndaj atdheut të tyre, nuk kanë munguar asnjëherë, para, gjatë dhe pas luftës,…atë botë, shefi i jauj zoti Abrashi dhe Qeverisë aktuale të Republikës së Kosovës, Isa Mustafa ishte Ministër i Financave në Qeverinë në ekzlil apo siq i thonin ndryshe “Qeveria e Bukoshit”,…ishte grumbulluesi më i madhë i parave (djersës) së mërgimtarëve.
Eshtë tepër e ndjeshme për secilin mërgimtar të atyre viteve, kur dëgjon një Ministër të Qeverisë së Isa Mustafës sot (PDK-LDK) të merret me “mashtruesit” nga Diaspora, që gjoja Kosovës po ia dëmtojkan buxhetin, ngase  po marrkan pensione moshe edhe pse nuk jetojnë në Kosovë!
Nëse nuk e din zoti Abrashi, le ta pyet shefin e tij , me siguri do t’i tregon cili ishte premtimi i Qeverisë në ekzil ndaj mërgimtarëve (pensionistëve të sotëm) në prag të maxi aksionit “Hua për Republikën e Kosovës”.
Secilit mërgimtar varësisht prej shumave, ju kishin shpërndar “Bona Fiskal”, të quajtur ndryshe “hua për shtetin” në vlerë nga 1000 DM e tutje, nën premtimin, se pas çlirimit secili që jepë sot për shtetin, nesër në Kosovën e lirë do të ketë mundësinë e tërheqjes së këtyre parave në Bankat e shtetit!
Pavarësisht atij premtimi, deri më sot, asnjë mërgimtari nuk i ka shkuar mendja të kërkoj një gjë të tillë nga shteti, jo pse nuk e meritojnë,…por, për arsyen tjetër, se kjo ishte më e pakta që dhanë për shtetin në krahasim me ata që dhanë më të shtrenjtën-jetën e tyre për lirinë e vendit.
Asnjëri nga mërgimtarët nuk jemi duke kërkuar dëmshpërblim nga shteti, por jemi duke kërkuar trajtim dinjitoz e jo plaçkitje të organizuar duke filluar nga pikat kufitare e deri tek nxjerrja e dokumenteve zyrtale (haraçi qeveritar), e aq më pak mërgimtarët nuk i meritojnë fyerjet e llojit të tillë çfarë i ra ndërmend zotit ministër Abrashi.
Zoti ministër, neopensionistët nga mërgata nuk janë dëmtuesit e buxhetit të shtetit, as keqpërdoruesit e pensioneve siq i quani ju! Me bindjen më të thellë ju themë, të gjithë ata që i gëzojnë ato pak mjete nga shteti për të cilin dhanë aq shumë gjatë jetës së tyre në mërgim,…ato mjete nuk i shfrytëzojnë vet, por ua ndajnë vllëzërve të tyre me gjendje të vështirë socio-ekonomike, që i sollët ju me keqqeverisjen tetvjeqare në shtetin e lirë dhe të pavarur.
Andaj, ju zoti ministër Abrashi, me deklaratën tuaj skandaloze keni fyer jo vetëm pensionistët, por qindëramijëra mërgimtar kudo nëpër botë,…keni prekur thellë në ndjenjat e tyre shpirtërore.
Unë, që po ua shkruaj këta rreshta, nuk jam pensionist dhe as që jam në fazën e pensionimit,…edhe 15 vite, nëse jam gjallë për ta pritur atë ditë, ju dhe qeveria e juaj as që do të përmendeni që keni ekzistuar ndonjëherë, do të vijnë njerëz më të mençur dhe më përgjegjshëm se ju!
Por, tani do të ishte në nderin e juaj, t’iu kërkoni falje të gjithë mërgimtarëve, e në veqanti pensionistëve të apostrofuar në deklaratën tuaj, në të kundërtën, pasardhësit e juaj do ta gjejnë të shkruar diku me shkronja të zeza emrin tuaj dhe qeverisjes së i përkisni.
Sipas asaj që ministri Abrashi e thotë, se buxhetin e Qeverisë së Kosovës po e dëmtuakan pensionistët e diasporës?!
Po harron, ose nuk e din ministri, se pikërisht këta pensionistët e sotëm e mbajtën gjallë jetë institucionale në Kosovë për një dekadë rresht, e ndihmoi çlirimin e vendit dhe rindërtimin e pasluftës,….me ndarjen e kafshatës së tyre, e ndihmuan një popullatë të tërë në Kosovë për të mos u gjunjëzuar para varfërisë dhe dorëzuar para regjimit okupues serbosllav.
Mbase në fillimvitet e ’90-ta, ju zoti ministër keni qenë në moshën e fëmijërisë, ndoshta keni qenë të pasur e nuk e keni djerë peshën e varfërisë,…prandaj nëse nuk keni ndëgjuar për aksionin humanitar të vitit 1990 në Kosovë të titulluar; “Familja ndihmonë famijlen”, pas largimit të puntorëve me dhunë nga vendet e punës, e në veqanti nga gjiganti ekonomik “Trepça”, ku u rrezikuan nga varfëria ekstreme mijëra familje Mitrovicase,….ishin paratë e neopensionistëve nga mërgata që ushqyen dhe mbajten gjallë familjet në qytetin tuaj dhe mbarë Kosovën, jo për një muaj të vetëm por për disa vite rresht.
Kam edhe dhjetëra shembuj të tjerë që mund t’iu ilustroj për kontributin e vazhdueshëm të pensionistëve të po ua “dëmtojnë” buxhetin e shtetit, por hapsira mediatike nuk më lejon të shkoj tutje i nderuari ministër.
Pensionistët e diasporës, siq i quani ju zoti ministër Abrashi bashkatdhetarët, nuk kanë shtëpi tjetër pos Republikës së Kosovës, në shtetët përëndimore kanë qënë, janë dhe do të jenë përherë banor të përkohshëm të atyre vendeve.
Andaj, askush nuk e ka të drejtën ta përjashtoi mërgatën nga shtëpia e vet, në këtë rast, as ju zoti ministër Abrashi.
Tërheqja e asaj deklarate skandaloze dhe kërkimfalja ndaj mërgimtarëve të pensionuar me qendrim të përjetshëm në atdheun e tyre, përveqse akt moral, do të ishte edhe satisfaksion shpirtëror për ta.
Nëse vërtetë, ju ministërAbrashi dëshironi ta gjejë adresën e vërtetë të keqpërdorimeve dhe dëmtimit të buxhetit të shtetit, mund ta kërkoni duke filluar nga fondet e përiudhës së ludtës (tek 3 %-shi dhe fondi “Vendlindja thërret”) e deri tek korrupsioni i lartë qeveritar, akterët e të cilëve sot janë milionerë dhe multimilonier në Kosovën e varfër.
Dhe s’ka si të mos u vjen zhgënjimi i madh mërgimtarëve nga paradoksi, kur i shohin së bashku bartësit e këtyre dy fondeve të dyshimta, jo duke akuzuar njëri-tjetrin si më parë, por duke bashkëqeverisur (zhvatur buxhetin e shtetit) prapë në kurriz të populli të varfër.
Mbase ju ministër Abrashi, nuk e keni provuar në lëkurën tuaj, e të qënurit mërgimtar. Çdo pikë djerse e mërgimtarit është pikë gjaku e derdhur në dheun e huaj. Andaj keqpërdorimi i djersës së mërgimtarëve është i barabart me keqpërdorimin e gjakut të dëshmorëve.
Në asnjë rrëthanë, keqpërdorues të buxhetit të shtetit nuk mund të bëhen ata që kanë dhënë gjithçka për lirinë dhe pavarësinë e vendit, por është e kundërta, keqpërdorues dhe zhvatës të buxhetit të shtetit janë një pjesë e konsiderueshme e pushtetarëve aktual dhe argatët e tyre, që kurrë nuk kanë dhënë asgjë për lirinë e shtetit të tyre.
Prandaj, zoti ministër Abrashi, leni të qetë pensionistët nga mërgata, mos tentoni t’i privoni nga një e drejt, sa e ligjshme po aq edhe e natyrshme, leni t’i kalojnë të lumtura vitet e fundit të jetës së tyre, ashtu siq e meritojnë në shtetin për të cilin punuan dhe kontribuan gjatë gjithë jetës së tyre, në vendlindjen e tyre, aty ku e gjejnë prehjen më të qetë.

Si duket, projektet, eksperimentet ose “planimetritë e reja” imperiale, koloniale ose gjysëmkolonialiste nga ana e “instruktorëve” ose “arkitektëve” të ndryshëm vendorë ose ndërkombëtar mbi ngritjen dhe projektimin e “popujve artificial “ose johistorik, edhe sot e kësaj dite ndodhën në fuqi ?! Mbi ” kthimin e sofistikuar” të Serbisë në Kosovë ose të Kosovës ne Serbi- sidomos. Kjo sipas ” idealeve” dhe ” vizioneve planetare , kosmopolitike, multinacionale dhe internacionaliste” të Moskës, Brukselit dhe Uashingtonit. Ndonëse, në kordinim dhe harmoni të plotë logjistike, konspirative, dekonspirative dhe komplotiste, gjegjësishtë, me aprovimin ose miratimin ekstern ose eksplikativë të të ashquajturit “lidershipit shtetërorë, nacional ose politikë” në Kosovë dhe gjithandej. Duke t´i rikujtuar në këtë vorbullë  “Traktatin e Shën Stefanit” dhe  “revizionet” e njohura koloniale dhe imperialiste – kundër shqiptarëve dhe në favor të serbëve dhe popujve të tjerë sllavë në “Kongresin e Berlinit” me 1878 etj.  Apo, mos ndofta edhe ” Europe and the People Without History”  ( “Evropa dhe popujt pa hisori ose johistorik”) ose ” Europe and the Colonial Ecquality” ( ” Evropa dhe baraspesha kolonialiste”) …???!!!

Kur në krye të pushtetit katapultohen njerëzit e pa integritet, njerëzit pa bekgraund, edhe i gjithë sistemi funksionin më defekte të mëdha.Kosova është mbytur në diletantizem, duke filluar nga ai kulturor , e kështu zingjirë në çdo hallkë të sistemit.Ngado që sillemi rreth nesh  do të ndeshemi më njerëz jo  të shkolluar, të pa përvojë, e të cilët në këto  poste  kanë ardhur më lidhje të partive  kryesore politike , apo  drejtëpërdrejtë nga njerëzit në pushtet.Si në institucione shkollore, në administratë publike, në ente shëndetësore , në organet e drejtësisë dhe gjyqësor, i kemi njerëzit të cilët janë punësuar sipas këtyre direktivave  si në komunizëm . Nuk është aspak çudi pse kemi nivelin e lartë të krimit të organizuar dhe  të korrupcionit.Pas luftës ndodhën afër 1500 vrasje , disa nga ato edhe për motive politike. Ndodhën  vrasje edhe mbrenda  lokaleve policore, që rrallë ndodhë në ndonjë shtet demokratik. U vodhën  dhomat e dëshmive në Prishtinë dhe në Pejë, dhe  asgjë askujt si ndodhi. Këto gjëra mund të ndodhin në Kosovë dhe ndoshta në Kolumbi. U uzurpuan prona shoqërore, u bë privatizmi i tipt profiteresk duke i lënë punëtoret në rrugë  etj,  të cilat lidhën më njerëzit e kësaj kaste politike.  Shumë kritika nga mediat e shkruara dhe elektronike po shigjetohen kundër këtij pushteti të korruptuar dhe e gjithë kjo po konsiderohet vetëm  zhurmë mediatike, e asgjë më shumë . Këta sylësh politik  nuk po merziten fare  as për humbje  të territorit të Kosovës nga Serbia hegjemoniste.Krejt pas luftën  udhëheqësit më të lartë serb u futën në Kosovë sa herë që deshtën  si në bashqe të babës. I fundit që e bëri këtë punë ishte Aleksandar Vuqiq, i cili sillej si të ishte  edhe kryeminister i Kosovës.Veriu i Kosovës unë për vete kam harruar së kur është vizituar nga ndonjë zyrtarë i lartë i Prishtinës.Nuk po vizitohet veriu , së këta  politikanë janë hapur pas hajnive dhe pas pushtetit  duke harruar shtetin. Serbia secilën ditë e më shumë po e fut ndikimin politik në Kosovë.Elita politike përditë na shesin kopalla së gjendja na qenka e mirë, duke tentuar që tu qesin hi syve opinionit , për dështimet e tyre që nuk  po kan të ndalur.Ky diletantizem politik pa mëshirshem po na qonë në degradim , duke rrënuar edhe ato pak vlera shoqërore që kan mbetur …

Presidenti amerikan, Barack Obama ka rikonfirmuar përkushtimin e SHBA-ve për sigurinë e Turqisë, gjatë një takimi mbrëmë me presidentin turk, Recep Tayyip Erdogan.

Shtëpia e Bardhë tha se të dy liderët kanë diskutuar gjithashtu për përpjekjet e të dyja vendeve në luftimin e grupit ekstremist, Shteti Islamik.

Shtëpia e Bardhë gjithashtu njoftoi se Obama i shprehu ngushëllime Erdoganit për personat e vrarë gjatë një sulmi në Diarbakir, gjatë ditës së djeshme.

Turqia njoftoi të enjten se shtatë zyrtarë policorë u vranë dhe më shumë se 20 të tjerë u plagosën, kur shpërtheu një bombë që kishte në shënjestër një veturë policie.

Në një deklaratë të lëshuar sot, zyra presidenciale e Turqisë tha se të dyja vendet diskutuan për një bashkëpunim reciprok në zgjidhjen e krizës së migrantëve, si dhe në luftimin e grupit eksremist, Shteti Islamik.