VOAL

Please Wait ...
0%

Daçiç: Dialogu me Kosovën do vazhdojë kur të zbardhet vrasja e Ivanoviçit

BEOGRAD – Ministri i Punëve të Jashtme të Serbisë, Ivica Daçiç, tha sot se dialogu mes Prishtinës dhe Beogradit do të vazhdojë atëherë kur pala serbe do të marrë informacione konkrete mbi zbardhjen e vrasjes së liderit të SDP-së, Oliver Ivanoviç ne Mitrovicë.

“Vrasja e liderit të SDP-së, Oliver Ivanovic, është një kërcënim për stabilitetin në rajon dhe vazhdimin e dialogut për normalizimin e marrëdhënieve mes Prishtinës dhe Beogradit” tha Daçiç.

Kreu i diplomacisë serbe shtoi se presin nga Prishtina zyrtare dhe nga autoritetet ndërkombëtare prezente në Kosovë zbardhjen sa më të shpejtë të krimit të kryer në veri të Mitrovicës.

“Pala jonë është e përkushtuar në dialog, por ne nuk do t’i vazhdojmë këto bisedime pa pranuar informacion konkret lidhur me krimin e ndodhur”-shtoi Daçiç, njofton Lajmi.net.

Daçiq foli edhe për anëtarësimin e Serbisë në Bashkimin Evropian, duke thënë që një gjë e tillë potencialisht do të ndodhë në vitin 2025 dhe kjo është gjë e mirë për shtetin serb.

“Pasuri të fshehura, dëshmitarë të rinj e biseda telefonike”, provat e reja që po kërkohen për Saimir Tahirin

TIRANE- Gazetari investigativ, Artan Hoxha ka zbardhur sot vendimin e Gjykatës së Krimeve të Rënda që zgjati hetimet me tre muaj për ish-ministrin e Brendshëm, Saimir Tahiri, pas kërkesës së Prokurorisë së Krimeve të Rënda.

I ftuar në rubrikën “Opinion” në studion e lajmeve në News 24, Hoxha tha se vendimi për zgjatjen e hetimit është marrë që më 17 janar, por publikohet sot, bën me dije “BalkanWeb”.

Gazetari sqaroi se: “Hetimet janë zgjatur për shkak se prokuroria i ka kërkuar material shtesë prokurorisë së Katanias në Itali dhe autoriteteve policore greke për lëvizjet e Tahirit dhe personave të rrethit të ngushtë të tij, të cilët kanë hyrë dhe kanë dalë në territorin grek”, në një kohë që as mbrojtja e Tahirit nuk e ka ankimuar vendimin në gjykatë, duke i lënë mundësi prokurorisë të hetojë edhe për tre muaj.

Sipas tij, hetimet për ish-ministrin Tahiri, i dyshuar për lidhjet me të akuzuarit Habilaj për trafik ndërkombëtar droge do zgjasin deri më 17 prill, ndërsa Prokuroria do të duhet t’i drejtohet sërish gjykatës nëse do të zgjasë hetimet përtej këtij afati.

Sipas Hoxhës, “Prokuroria ka kërkuar ndër të tjera ekspertizë vendase dhe të huaj, për të siguruar informacione të rëndësishme në lidhje me komunikimet elektronike dhe telefonike që Tahiri dhe personat e dyshuar kanë kryer me njëri-tjetrin duke përdorur edhe programe elektronike të vështira për tu gjurmuar”,- sqaroi ai.

Mes të tjerash, siç bëri të ditur gazetari, policia ka përpiluar një listë të re të dëshmitarëve të cilët do të merren në pyetje për të dhënë informacion në lidhje me veprimet e kryera nga Tahiri dhe personat e dyshuar për trafik ndërkombëtar narkotikësh.

Po ashtu, në zgjatjen e hetimeve prokuroria ka deklaruar se është duke hetuar dhe duke kryer verifikime në lidhje me pasuritë e fshehura apo të kaluara në emër të personave të tjerë, të cilat janë përfituar nga trafiku ndërkombëtar i narkotikëve”,- sqaroi gazetari për “BalkanWeb”.

VENDIMI
1-Dërgimi i kërkesave për ndihmë juridike në Republikën e Italisë dhe Greqisë
2-Kryerja e ekspertimeve kompjuterike për disa mjete komunikimi
3-Analizimi i të dhënave të përfituara nga komunikimet telefonike
4-Marrje deklarime personave, dëshmitarë të rinj
5-Kryerja e verifikimeve pasurore dhe veprimeve të tjera që mund të dalin nga dinamika e hetimeve
(Për këtë shkak zgjatet me tre muaj afati i hetimit për procedimin nr. 134)

Emrat, zgjidhen me short anëtarët e KLP dhe KLGJ

Nënkomisioni Ad Hoc për KLGJ dhe KLP zgjodhi me short anëtarët për këto dy institucione.

 

Sipas hedhjes së shortit u zgjidhën 10 anëtarët për KLGJ dhe KLP. Pesë anëtarët jo gjyqtarë për KLGJ u zgjodhën Arben Vani, Sokol Lamaj, Erjon Muharemaj, Ilir Panda dhe Altinn Hazizaj.

Ndërsa 5 anëtarët jo prokurorë për KLP u zgjodhën Kozma Jano, Floreta Gjini, Enejda Sema, Mirela Bogdani dhe Alfred Balla.

Këta kandidatë do ti përcillen kryetarit të Kuvendit dhe më pas emrat e tyre do të kalojnë në Parlament për votim.

Nga ana e saj opozita nëpërmjet deputetit Oerd Bylykbashi tha se mes këtyre kandidatëve ka nga ata që u përjashtuan nga ONM.

Anëtarët nga radhët e Avokatisë që do të jenë pjesë e listës të KLGJ

1-Arben Vani

2-Sokol Lamaj

Nga trupa e Pedagogëve për anëtarë të KLGJ

1-Erjon Muharemaj

2-Ilir Panda

Nga radhët e Shoqërisë Civile për anëtarë të KLGJ

1-Altin Hazizaj

Dy anëtarët e KLP nga trupa e avokatëve:

1-Kozma Jano

2-Floreta Gjini

Dy anëtarët e KLP nga trupa e profesoratit

1-Enejda Sema

2-Mirela Bogdani

Anëtari i KLP nga Shoqëria Civile

1-Alfred Balla

Lista me 10 anëtarët e KLGJ dhe KLP do t’i kalojë për miratim Parlamentit, ku do të duhen 94 vota për miratimin e tyre.

4.5 milionë euro pasuri, Nasim Haradinaj ka edhe 476 hektarë tokë të padeklaruar

Është raportuar se pasuria e Nasim Haradinajt kapte mbi 4.5 milionë euro për nënkryetarin e veteranëve, e ku vlerën më të lartë kishte pasuria e marrë nga privatizimi i tokave, shkruan gazetametro.net.

Bëhej fjalë për 220 hektarë të privatizuar në vitin 2009 në Pejë, e që i kishte blerë 257 mijë e 500 euro në tërësi. Këtë pronë, Haradinaj e kishte vlerësuar me 4.4 milionë euro vlerë.

Por, kjo duket se nuk është e gjitha, pasi nga një raport të Agjencisë Kosovare për Privatizim të siguruar nga Gazeta Metro, kuptohet se kjo nuk ishte prona e parë që Haradinaj kishte privatizuar.

Sipas raportit, në po të njëjtin vit, nënkryetari i veteranëve kishte privatizuar edhe 476 hektarë në Rakoc të Gjakovës, të cilët i kishte blerë 817 mijë e 661 euro

Këtë privatizim, për dallim nga ai tjetri, nuk mund ta gjeni në formularët e deklarimit të pasurisë në Agjencinë Kundër Korrupsionit. Haradinaj nuk e ka deklaruar këtë se pronë, që i bie të jetë dyfshim më e madhe nga ajo e para.

Meqë Haradinaj nuk e ka deklaruar, mund të kuptohet se prona nuk ka ndonjë çmim për të kuptuar sa është vlera reale e tokës që ai fshehu, por pronën e privatizuar më herët ai e kishte llogaritur me 20 mijë euro për hektarë, e që rezulton që nëse llogaritet edhe toka e fshehur me këtë çmim, ai nuk ka deklaruar edhe 9 milionë e 520 mijë euro.

Metro ka biseduar me Nasim Haradinajn. I pyetur se a ka privatizuar ndonjë tokë tjetër përveç asaj që ka deklaruar në AKK, Haradinaj ka thënë prerazi ‘Jo’. Mirëpo, më pas kur Metro i ka treguar një raport që ka siguruar nga APK, Haradinaj ka thënë se ka aplikuar në dy konkurset, mirëpo toka tjetër sipas tij ka qenë e dy ortakëve të tij.

‘Shiqo, kjo nuk është në emrin tim, por ne ishim tre shokë që kemi privatizuar së bashku. Këtë pjesë(220 hektarët) kam pasur mundësi me privatizu unë’, ka thënë Haradinaj për Metron.

Më pas, Haradinaj ka përmendur edhe një emër si pronar të tokës së dytë të privatizuar, por ani pse ai thoshte se ishin shokë dhe bashkëpunëtorë, ai nuk ka asnjë kontakt me të, duke u arsyetuar se ‘ai jeton në Amerikë’.

‘Ne kemi qenë tre shokë që kemi punuar së bashku, dhe toka në Rakoc është e blerë nga Veton Rrustem Binakaj’, ka shtuar ai.

Haradinaj madje ka kritikuar edhe mediat. Sipas tij, ai ka deklaruar pasurinë, e ata që po shkruajnë për të jo, ‘ani pse janë më të pasur’.

Ndryshe, Haradinaj ishte kritikuar se me ngulmimin e tij për shfuqizimin e Speciales po rrezikonte izolimin e Kosovës ndërkohë që disa nga familjarët e tij po jetonin në Suedi.

Puigdemont kandidat për president të Katalonjës

VOAL – Presidenti i Parlamentit katalan, Roger Torrent, shpalli se do të paraqesë emrin e Carles Puigdemont si kandidat për president të Katalonjës.

Emri i Puigdemont, i mbështetur nga fronti indipendentist që e ka shumicën absolute, është emri i vetëm që është lakuar gjatë konsultimeve mes grupeve politike ditëve të fundit, ka saktësuar Torrent. Sesioni i zgjedhjes së presidentit të ri katalan është parashikuar brenda 31 janarit.

Presidenti i deritanishëm, në azil në Bruksel, ka arritur të hënën në Kopenaghen për  të marrë pjesë në një debat në Universitet. Gjykata Supreme spanjolle ka refuzuar kërkesën për të riaktivizuar mandatin e arrestit evropian ndaj politikanit. Kryeministri Mariano Rajoy ka kërcënuar se do të vazhdojë ta zgjasë mbikqyrjen e Kataonjës nëse Puigdemont do të jetë në mërgim.

Lideri indipendentist, i cili duhet ta formojë qeverinë e re katalane, ka thënëse do të “qeverise nga Brukseli, por jo nga burgu”.

Politikani italian Nicoletti, kryetari i ri i APKE-së

Sesioni dimëror i Asamblesë së Përgjithshme të Këshillit të Evropës të vitit 2018 (APKE) u mblodh me kryesimin e letonezit Boriss Cilevics si anëtari më i moshuar, ku u zgjodh kryetari i ri i APKE-së

STRASBURG – Anëtari i Partisë Demokratike Italiane (PD), Michele Nicoletti, është zgjedhur kryetari i Asamblesë Parlamentare të Këshillit të Evropës (APKE).

Sesioni dimëror i Asamblesë së Përgjithshme të vitit 2018 të APKE-së u mblodh me kryesimin e letonezit Boriss Cilevics si anëtari më i moshuar, ku u zgjodh kryetari i APKE-së.

Parlamentari italian Nicoletti i cili ishte kandidati i vetëm u shpall kryetar pa asnjë votim. Ai në fjalimin e parë të tij si kryetar i APKE-së shprehu falënderimet për gjithë ata që kanë mbështetur kandidimin e tij.

Kryetari i ri 61 vjeçar i APKE-së gjithashtu njihet edhe me profesionin e tij si profesor i filozofisë politike. aa

Identiteti shqiptar përballë tjetrit në veprën e Kadaresë

Identitetit shqiptar përmes letërsisë së Ismail Kadaresë, tjetri që vjen nga Perëndimi, tjetri që vjen nga Lindja, tjetri – brenda botës shqiptare, tjetri – fqinjët në veprën e Kadaresë dhe “From Other, to Mother” – duke kapërcyer tjetërsinë.

Akademia e Shkencave, Seksioni i Shkencave Shoqërore dhe Albanologjike organizon ligjëratën nga prof. dr. Ke Jing (Beijing Foreign Studies University) ditën e hënë, më 22 janar 2018, ora 11:00, tek salla “Aleks Buda”.

 

Ajo është studiuese albanologe dhe ballkanologe. Studimet universitare i ka përfunduar në Universitetin e Prishtinës për gjuhë dhe letërsi shqipe.

Në vitin 2013 mbrojti disertacionin në Universitetin e Louiswille-it në SHBA, me studimin monografik “The Four Others in I. Kadare’s Works”, botuar nga shtëpia botuese universitare më 2014.

Prof. dr. Ke Jing ka drejtuar për disa vite me radhë katedrën e gjuhës shqipe në Universitetin e Studimeve Ndërkombëtare në Pekin (BFSU), e cila është qendra më e rëndësishme e albanofonëve në Kinë.

Studimet e prof. dr. Ke Jing kanë karakter antropologjik dhe krahasimtar në rrafsh ndërballkanik dhe në rrafshe të tjera. Artikujt e botuar prej saj kanë të bëjnë me identitetin historik dhe kulturor të shqiptarëve, vështruar përmes veprës së I. Kadaresë.

Në mënyrë të veçantë, ajo është e interesuar për raportet midis vetes dhe tjetrit. Kjo çështje i ka dhënë mundësi asaj të bashkojë kompetencat në formim si albanologe e ballkanologe. Si shefe e katedrës së gjuhës shqipe dhe si drejtore e Drejtorisë së Marrëdhënieve me Jashtë, detyrë që e ushtron prej tri vjetësh, prof. dr. Ke Jing ka inkurajuar fuqizimin e albanologjisë në BFSU.

Nisma e fundme e saj njihet me emrin “Shqip plus”, që ka kuptimin përmes shqipes drejt gjuhëve të tjera të Ballkanit. Prof. dr. Ke Jing drejton shkollën e doktoratës në studimet albanistike në BFSU dhe projektet themelore të saj: botimi e përkthimi rreth 25 titujve nga letërsia shqipe në gjuhën kineze dhe botimi i një fjalori prej 45 mijë fjalësh shqip-kinezisht dhe kinezisht-shqip.

JURIA
Vlerësimi i jurisë së çmimeve shkencore kombëtare për studimin monografik “The Four Others in Kadare’s Works”. Libri “Katër të tjerë në veprën e Kadaresë” është i pari studim i thelluar monografik kushtuar veprës letrare të Ismail Kadaresë nga pikëvështrimi i institucioneve akademike dhe universitare kineze. Vepra u kushtohet raporteve të vetes me tjetrin në historinë e popullit shqiptar, përmes një shqyrtimi në rrafsh antropologjik, letrar e kulturor.

Studimi, duke iu referuar tipologjisë së identiteteve të pranishme në veprën e I. Kadaresë dhe stereotipave tradicionalë ballkanikë i përgjigjet pyetjes se cili është perceptimi i autorit për të huajin, spikat ndërlikimet historike në procesin e formimit të identitetit shqiptar në kushtet e trysnive të shumanshme të brendshme e të jashtme, rishqyrton në mënyrë kritike raportet midis përbërëseve gjuhësore, historike, kulturore dhe fetare në procesin e vetidentifikimit kombëtar shqiptar, duke iu referuar edhe polemikave të dekadave të fundme dhe duke sjellë kontribute origjinale për një lexim ndryshe të veprës letrare të I. Kadaresë.

LDK braktis mbledhjen e Kryesisë së Kuvendit për shkak të Speciales

Avdullah Hoti

 

 

Kryetari i Grupit Parlamentar të Lidhjes Demokratike të Kosovës, Avdullah Hoti, ka dalë nga mbledhja e Kryesisë së Kuvendit që po mbahet sot, pasi që sipas tij, aty po diskutohej për shfuqizimin e Ligjit për Gjykatën Speciale.

“Në pikën e tretë u diskutua për shfuqizimin e Ligjit për Dhomat e Specializuara. Ne e lëshuam mbledhjen sepse kjo çështje është e dëmshme dhe rrezikon marrëdhëniet me ndërkombëtarët”, deklaroi Hoti para mediave në Kuvendin e Kosovës.

Hoti theksoi se LDK-ja, vazhdon të mbajë qëndrim kundër kësaj nisme.

Kryesia e Kuvendit gjatë javës së kaluar nuk ka arritur ta shqyrtojë kërkesën e 43 deputetëve për shfuqizimin e Ligjit për Dhomat e Specializuara, përkatësisht të Gjykatës Speciale.

Një gjë e tillë nuk ndodhi për shkak të mungesës së kuorumit për punë, që është shkaktuar me mungesën e anëtarëve të saj në mbledhje.

Kur nuk sundon ligji, mbisundon anarkia! – Nga Florim Zeqa

 

Për politikanët kosovarë, gënjeshtra dhe mashtrimi janë shndërruar në çelës të suksesit, ndërsa hajnia në çelës të pasurimit të tyre. Përveç këtyre pasioneve, politikanët kosovarë janë pajtuar edhe me turpin si dukuri të zakontë në jetën e tyre. Kur vjedhin e mashtrojnë nuk ndihen të turpëruar, madje as kur tradhtojnë njëri-tjetrin dhe elektoratin e tyre nuk u skuqet fare fytyra!
Me këto metoda antihumane të veprimit, politikanët e ditëve të sotme i kanë sjellë shumë të mira materiale vetes, familjeve dhe farefisit të gjerë të tyre, duke filluar nga postet e privilegjet e pushtetit e deri te pasurimi i skajshëm.
Në anën tjetër, për fat të keq në mesin e popullatës edhe pse tashmë jemi të lirë, ende ekziston psikologjia e robit dhe nënshtrimit. Të gjithë ata, që në një mënyrë apo tjetër e ndajnë mendjen e të qëndruarit besnikë ndaj pushteteve antipopullore, s’janë gjë tjetër veçse robër dhe të nënshtruarit e të gjitha pushteteve në Kosovë, nga koha e regjimit titist, millosheviqian e deri te ky i ditëve të sotme, i cili nuk dallon aspak dhe për asgjë nga pushtetet e pasluftës në Kosovë.
Si pasojë e kësaj, përvjetori i 10 i pavarësisë, shtetin e Kosovës e gjenë përpara sfidës më të madhe dhe më të rrezikshme që nga paslufta, e cila përveq kthimit prapa në pikën zero, të vitit 1999, rrezikon ri-kthimin nën Rezolutën 1244 të KS të OKB-së, e cila e njehë Kosovën pjesë integrale të Serbisë, duke rrezikuar seriozisht të arrituren më të madhe kombëtare në shekullin e fundit-Republikën e Kosovës, e arritur kjo e përbashkët me miqt ndërkombëtar.

Me qeveritarët pa vizion, shteti drejt vdekjes “klinike”

Shtetit tonë nuk i mjaftuan 19 vjet nga paslufta dhe 10 vjet nga njohja ndërkombëtare për të ndërtuar institucione kredibile, zhvillim ekonomik, mirëqenie qytetare dhe stabilitet politik
Në rrethana normale, çdo vendi të dalë nga një luftë çlirimtare do t’i mjaftonin më pak se pesë vite për t’u konsoliduar në të gjithë mekanizmat shtetërorë, do t’i mjaftonin më pak se dhjetë vite për zhvillim të qëndrueshëm dhe stabilitet ekonomik.
Ndodhë kështu pasi të fortët e politikës e diktojnë ligjin dhe drejtësinë në vend, për të mbetur gjithnjë të paprekshëm nga drejtësia, edhe përkundër shkeljeve dhe abuzimeve serike me institucionet shtetërore, deri në shkeljen e aktit më të lartë juridik në vend-Kushtetutës së Republikës së Kosovës. Për ironi të faktit, shkelësit e Kushtetutës në vend të ndëshkimit, shpërblehen me poste në institucionet më të larta të shtetit!
Targën e shkatërrimit të shtetit e bartin ata që e kanë pushtetin në dorë e jo të nëpërkëmburit e tyre, ndërsa si gjithnjë çmimin e paguajnë qytetarët e vendit, shtresat më të rrezikuara të popullatës, të varfrit dhe pensionistët me të ardhurat më të ulëta jo vetëm në rajon, ndoshta në tërë globin, pasi ekzistojnë vetëm dhjetëra shtete me gjendje katastrofale të qeverisjes siç është Kosova.
Mungesa e vizionit politik e liderëve shtetërorë në njërën anë, krimi i organizuar dhe korrupsioni në anën tjetër janë bërë pengesa serioze të ecjes së shtetit dhe mirëqenies qytetare.
Vetëm një klasë e re politike, me vizion të qartë, me ide të shëndosha dhe projekte konkrete zhvillimore mund ta çojë përpara shtetin, në të kundërtën, me këtë klasë politike të papërgjegjshme dhe servile ndaj ndërkombëtarëve mund t’i kalojmë edhe 19 vite të tjera me kriza dhe skandale politike të llojit të njëjtë, në agoni, në mjerim social, pa shpresë për ardhmëri, drejt vdekjes “klinike” të shtetit, me qytetarë të heshtur që u ngjajnë të sëmurëve në gjendje “kome”…!
Vetëm lëvizja progresive e qytetarëve është shpëtim për vendin. Qytetarët aktivë në jetën shoqërore janë burim shprese dhe ardhmërie për vendin e tyre, ndërsa pasiviteti qytetar e shndërron shtetin në një moçal, ku as bretkosat nuk mbijetojnë.

Bashkësia ndërkombëtare duhet të dëshmojë prezencën e saj në Kosovë

Edhe përkundër prezencës së fuqishme ndërkombëtare në Kosovë, të mekanizmave politikë (BE dhe SHBA), ushtarako-policorë (KFOR dhe EULEX) dhe shërbimeve të shumta të intelegjencës, Kosovës së sotme të mbushur përplotë prapaskena dhe padrejtësi, po i mungon vetëm prezenca e jashtëtokësorve (UFFO-ve) për të plotësuar mozaikun e një vendi krejtësisht jashtligjorë.
E thashë pikërisht kështu, për faktin se edhe përkundër gjithë mekanizmave ndërkombëtar të sundimit të ligjit, që afro 19 vite rresht në vend të drejtësisë sundon vetëm anarkia!
Ndodhë kështu pasi të fortët e politikës dhe nëntoka kriminale e bëjnë ligjin dhe “drejtësinë” në Kosovë.
Do t’u hyja në hak sikur të përmendja emrat e ndonjërit prej politikanëve, prokurorëve apo gjykatësve, pasi e gjithë skena politike dhe ajo e drejtësisë është bërë përafërsisht e njëjtë.
Pavarësisht cili subjekt politikë vjen në pushtet, asnjëri nga politikanët, prokurorët dhe gjykatësit nuk i mbrojnë interesat e qytetarëve. Secili në mënyrën dhe stilin e vet mundohet të shkëputë diçka nga pasuria publike dhe tenderomania e bizneseve të pista për t’u pasuruar në mënyrë të jashtligjshme brenda një mandati politik ose më pak se kaq!
Përfundimisht ka ardhur koha, që edhe bashkësia ndërkombëtare e instaluar në Kosovë të dëshmojë vetën se është e përkushtuar për sundim të ligjit dhe për qasje të barabartë të qytetarëve para drejtësisë, për zhvillim ekonomik dhe mirëqënje të popullatës në përgjithësi, në të kundërtën, në një të ardhme të afërt në Kosovë më shumë do të kemi pushtetarë se sa qytetarë, ku ndoshta edhe UFFO-t do të zbresin për ta bërë Kosovën një vend 100 % jashtëligjorë!
Këtë shkrim dëshiroj ta përfundoj me një tënje të Gore Vidal: “Politika përbëhet nga dy fjalë, ‘poli’, e cila është fjalë greke dhe do të thotë ‘shumë’ dhe ‘tik’, një lloj insekti gjakpirës” (Gore Vidal).


“Pasuri të fshehura, dëshmitarë të rinj e biseda telefonike”, provat e reja që po kërkohen për Saimir Tahirin

TIRANE- Gazetari investigativ, Artan Hoxha ka zbardhur sot vendimin e Gjykatës së Krimeve të Rënda që zgjati hetimet me tre muaj për ish-ministrin e Brendshëm, Saimir Tahiri, pas kërkesës së Prokurorisë së Krimeve të Rënda.

I ftuar në rubrikën “Opinion” në studion e lajmeve në News 24, Hoxha tha se vendimi për zgjatjen e hetimit është marrë që më 17 janar, por publikohet sot, bën me dije “BalkanWeb”.

Gazetari sqaroi se: “Hetimet janë zgjatur për shkak se prokuroria i ka kërkuar material shtesë prokurorisë së Katanias në Itali dhe autoriteteve policore greke për lëvizjet e Tahirit dhe personave të rrethit të ngushtë të tij, të cilët kanë hyrë dhe kanë dalë në territorin grek”, në një kohë që as mbrojtja e Tahirit nuk e ka ankimuar vendimin në gjykatë, duke i lënë mundësi prokurorisë të hetojë edhe për tre muaj.

Sipas tij, hetimet për ish-ministrin Tahiri, i dyshuar për lidhjet me të akuzuarit Habilaj për trafik ndërkombëtar droge do zgjasin deri më 17 prill, ndërsa Prokuroria do të duhet t’i drejtohet sërish gjykatës nëse do të zgjasë hetimet përtej këtij afati.

Sipas Hoxhës, “Prokuroria ka kërkuar ndër të tjera ekspertizë vendase dhe të huaj, për të siguruar informacione të rëndësishme në lidhje me komunikimet elektronike dhe telefonike që Tahiri dhe personat e dyshuar kanë kryer me njëri-tjetrin duke përdorur edhe programe elektronike të vështira për tu gjurmuar”,- sqaroi ai.

Mes të tjerash, siç bëri të ditur gazetari, policia ka përpiluar një listë të re të dëshmitarëve të cilët do të merren në pyetje për të dhënë informacion në lidhje me veprimet e kryera nga Tahiri dhe personat e dyshuar për trafik ndërkombëtar narkotikësh.

Po ashtu, në zgjatjen e hetimeve prokuroria ka deklaruar se është duke hetuar dhe duke kryer verifikime në lidhje me pasuritë e fshehura apo të kaluara në emër të personave të tjerë, të cilat janë përfituar nga trafiku ndërkombëtar i narkotikëve”,- sqaroi gazetari për “BalkanWeb”.

VENDIMI
1-Dërgimi i kërkesave për ndihmë juridike në Republikën e Italisë dhe Greqisë
2-Kryerja e ekspertimeve kompjuterike për disa mjete komunikimi
3-Analizimi i të dhënave të përfituara nga komunikimet telefonike
4-Marrje deklarime personave, dëshmitarë të rinj
5-Kryerja e verifikimeve pasurore dhe veprimeve të tjera që mund të dalin nga dinamika e hetimeve
(Për këtë shkak zgjatet me tre muaj afati i hetimit për procedimin nr. 134)

Emrat, zgjidhen me short anëtarët e KLP dhe KLGJ

Nënkomisioni Ad Hoc për KLGJ dhe KLP zgjodhi me short anëtarët për këto dy institucione.

 

Sipas hedhjes së shortit u zgjidhën 10 anëtarët për KLGJ dhe KLP. Pesë anëtarët jo gjyqtarë për KLGJ u zgjodhën Arben Vani, Sokol Lamaj, Erjon Muharemaj, Ilir Panda dhe Altinn Hazizaj.

Ndërsa 5 anëtarët jo prokurorë për KLP u zgjodhën Kozma Jano, Floreta Gjini, Enejda Sema, Mirela Bogdani dhe Alfred Balla.

Këta kandidatë do ti përcillen kryetarit të Kuvendit dhe më pas emrat e tyre do të kalojnë në Parlament për votim.

Nga ana e saj opozita nëpërmjet deputetit Oerd Bylykbashi tha se mes këtyre kandidatëve ka nga ata që u përjashtuan nga ONM.

Anëtarët nga radhët e Avokatisë që do të jenë pjesë e listës të KLGJ

1-Arben Vani

2-Sokol Lamaj

Nga trupa e Pedagogëve për anëtarë të KLGJ

1-Erjon Muharemaj

2-Ilir Panda

Nga radhët e Shoqërisë Civile për anëtarë të KLGJ

1-Altin Hazizaj

Dy anëtarët e KLP nga trupa e avokatëve:

1-Kozma Jano

2-Floreta Gjini

Dy anëtarët e KLP nga trupa e profesoratit

1-Enejda Sema

2-Mirela Bogdani

Anëtari i KLP nga Shoqëria Civile

1-Alfred Balla

Lista me 10 anëtarët e KLGJ dhe KLP do t’i kalojë për miratim Parlamentit, ku do të duhen 94 vota për miratimin e tyre.

Identiteti shqiptar përballë tjetrit në veprën e Kadaresë

Identitetit shqiptar përmes letërsisë së Ismail Kadaresë, tjetri që vjen nga Perëndimi, tjetri që vjen nga Lindja, tjetri – brenda botës shqiptare, tjetri – fqinjët në veprën e Kadaresë dhe “From Other, to Mother” – duke kapërcyer tjetërsinë.

Akademia e Shkencave, Seksioni i Shkencave Shoqërore dhe Albanologjike organizon ligjëratën nga prof. dr. Ke Jing (Beijing Foreign Studies University) ditën e hënë, më 22 janar 2018, ora 11:00, tek salla “Aleks Buda”.

 

Ajo është studiuese albanologe dhe ballkanologe. Studimet universitare i ka përfunduar në Universitetin e Prishtinës për gjuhë dhe letërsi shqipe.

Në vitin 2013 mbrojti disertacionin në Universitetin e Louiswille-it në SHBA, me studimin monografik “The Four Others in I. Kadare’s Works”, botuar nga shtëpia botuese universitare më 2014.

Prof. dr. Ke Jing ka drejtuar për disa vite me radhë katedrën e gjuhës shqipe në Universitetin e Studimeve Ndërkombëtare në Pekin (BFSU), e cila është qendra më e rëndësishme e albanofonëve në Kinë.

Studimet e prof. dr. Ke Jing kanë karakter antropologjik dhe krahasimtar në rrafsh ndërballkanik dhe në rrafshe të tjera. Artikujt e botuar prej saj kanë të bëjnë me identitetin historik dhe kulturor të shqiptarëve, vështruar përmes veprës së I. Kadaresë.

Në mënyrë të veçantë, ajo është e interesuar për raportet midis vetes dhe tjetrit. Kjo çështje i ka dhënë mundësi asaj të bashkojë kompetencat në formim si albanologe e ballkanologe. Si shefe e katedrës së gjuhës shqipe dhe si drejtore e Drejtorisë së Marrëdhënieve me Jashtë, detyrë që e ushtron prej tri vjetësh, prof. dr. Ke Jing ka inkurajuar fuqizimin e albanologjisë në BFSU.

Nisma e fundme e saj njihet me emrin “Shqip plus”, që ka kuptimin përmes shqipes drejt gjuhëve të tjera të Ballkanit. Prof. dr. Ke Jing drejton shkollën e doktoratës në studimet albanistike në BFSU dhe projektet themelore të saj: botimi e përkthimi rreth 25 titujve nga letërsia shqipe në gjuhën kineze dhe botimi i një fjalori prej 45 mijë fjalësh shqip-kinezisht dhe kinezisht-shqip.

JURIA
Vlerësimi i jurisë së çmimeve shkencore kombëtare për studimin monografik “The Four Others in Kadare’s Works”. Libri “Katër të tjerë në veprën e Kadaresë” është i pari studim i thelluar monografik kushtuar veprës letrare të Ismail Kadaresë nga pikëvështrimi i institucioneve akademike dhe universitare kineze. Vepra u kushtohet raporteve të vetes me tjetrin në historinë e popullit shqiptar, përmes një shqyrtimi në rrafsh antropologjik, letrar e kulturor.

Studimi, duke iu referuar tipologjisë së identiteteve të pranishme në veprën e I. Kadaresë dhe stereotipave tradicionalë ballkanikë i përgjigjet pyetjes se cili është perceptimi i autorit për të huajin, spikat ndërlikimet historike në procesin e formimit të identitetit shqiptar në kushtet e trysnive të shumanshme të brendshme e të jashtme, rishqyrton në mënyrë kritike raportet midis përbërëseve gjuhësore, historike, kulturore dhe fetare në procesin e vetidentifikimit kombëtar shqiptar, duke iu referuar edhe polemikave të dekadave të fundme dhe duke sjellë kontribute origjinale për një lexim ndryshe të veprës letrare të I. Kadaresë.

Ariela Murati dhe Aldison Belulaj: Ja si nisi njohja e dy të rinjve që përfundoi në tragjedi

Nje krim pasioni tronditi kryeqytetin kete te diele, ku nje 23 vjeçar qelloi me arme zjarri dhe e la te vdekur vajzen qe dashuronte, 21 vjece. Ngjarja ndodhi pak para ores 15:00 prane Fakultetit te Mjekesise. Djali ka qëlluar edhe veten po me armën e zjarrit dhe ndodhet në reanimacion në gjendje të rëndë.

Sipas policise, paraprakisht dyshohet se shkak per ngjarjen e rende ishte kerkesa per lidhje, e refuzuar nga vajza.

Burimet thanë se Aldison Belulaj, dhe Ariela Murati, ishin nga fshati Zharrëz i Patosit, dhe te dy kishin mbaruar studimet në gjimnazin ‘Sotir Kapo’, ne Zharrez.

Mesohet se qe prej kohes se gjimnazit, djali kishte ndjere per vajzen te cilen e kishte ndjekur edhe ne Tirane. Ne historine e tyre kishin nderhyre edhe familjarët e vajzës te cilet i kishin kërkuar 23 vjeçarit që të mos e ngacmonte më vajzën e tyre, pasi ishte kthyer i bezdisshëm.

Djali madje i kishte vajtur edhe ne shtepi vajzes por familja e saj nuk ka qene dakord dhe i kane kerkuar te heqe dore nga kjo kerkese. Edhe vajza e ka refuzuar ne vijimesi, por i riu nuk ishte bindur per kete gje, raporton Panorama.

Belulaj njihej si djale i urte dhe jo problematik, e se fundmi kishte nisur edhe pune si infermier, ndersa vajza ishte studente ekselente ne Fakultetin e Drejtesise ne Tirane dhe jetonte ne shtepi me qera.

Te dy te rinjte kane qene nxenes shume te mire ne shkolle.

Nënë e bir u gjetën të djegur dhe me shenja dhune, shoqërohen në polici kunata dhe vajzat e mitura

Pas raportimit se në dy trupat e gjetur të karbonizuar nga zjarri u gjetën shenja dhune, burime për “Panorama” bëjnë me dije se është shoqëruar në polici kunata, nusja e vëllait të viktimës dhe dy vajzat e saj të mitura.

 

Ngjarja tragjike e ndodhur mesnatën e djeshmë në Vlorë ku nëna dhe djali humbën jetën nga një zjarr që përfshiu banesën, duket se ka marrë një rrjedhë tjetër, ajo e një vrasje të qëllimtë.

Burime për “Neës 24” thonë se në dy trupat e djegur janë gjetur shenja dhune. Djalit i janë gjetur shenja në kokë e ndërsa nënës së tij në qafë.

Po ashtu të njëjtat burime thonë se po bëhet një ekzaminim mjeko-ligjor më i thelluar për të zbuluar nëse janë vrarë para se banesës ti vihej zjarri nëna dhe djali i saj 43 vjeç.

Të tjera detaje janë zbardhur nga ngjarja tragjike që i mori jetën nënë e bir në qytetin e Vlorës pak pas mesnatës së mbrëmshme.

Një nga të afërmit e dy personave ka treguar për “News 24” se si u gjetën trupat e pa jetë të shkrumbuar nga zjarri.

“I gjetëm dy trupat e karbonizuar, në trupin e Novruzit u gjet edhe një cigare,” ka deklaruar ai duke shprehur gjithashtu situatën tragjike në momentin e kontrollit në banesën e djegur.

Burime për “Panorama” bëjnë me dije se viktimat janë identifikuar si Selkie dhe Novruz Hoxhallari, nënë e bir.

Ngjarja ka ndodhur në një banesë një katëshe në afërsi të zonës së pyjores, pranë “Pyllit të Sodës” rreth orës 4 të mëngjesit. Në banesë ndodhej nëna 73 vjeç dhe djali i saj 43 vjeç.

zjarri vlore

Viktimat janë me origjinë nga Korça, e ndërsa nga hetimet paraprake dyshohet se zjarri ka ardhur si pasojë e një cigareje të ndezur ose një zjarri të mundshëm për tu ngrohur.

zjarri vlore

Të dy trupat janë shkrumbuar, e ndërsa policia po heton rrethanat dhe shkaqet e kësaj tragjedie.

ka

Njoftimi i policisë
Vlorë Informacion paraprak Më datë 21.01.2018, rreth orës 04:20, në lagjen ”1 Maji”, në një banesë ka rënë zjarr e për pasojë janë djegur dhe kanë ndëruar jetë dy shtetas. Nga veprimet e para të kryera nga grupi hetimor dyshohet se zjarri në banesë mund të jetë shkakëtuar aksidentalisht , ku për pasojë janë djegur e kanë ndëruar jetë nënë e bir, shtetasit S.H., rreth 73 vjeçe dhe N.H., rreth 43 vjeç. Trupat e pajetë janë transportuar në morgun e Spitalit Rajonal Vlorë. Grupi hetimor po vijon punën për zbardhjen e plotë të rrethanave të ngjarjes.

zjarr vlore

“Të gjithë jeni vrasës, jeni që mos qofshi”, Rama iu përgjigjet mallkimeve për 21 Janarin

Kryeministri Rama iu përgjigj sot të gjitha akuzave dhe mallkimeve, siç i quajti ai, të qytetarëve që presin ndëshkimin e fajtorëve të 21 Janarit, por edhe të atyre prokurorëve e gjyqtarëve që në 27 vjet janë korruptuar.

 

Në një fjalim të mbajtur para familjeve të viktimave të 21 Janarit ai tha se sot, ndryshe nga 27 vjet më parë, nuk është më sistemi i drejtësisë popullore, por shteti i së drejtës.

PJESE NGA FJALA E RAMËS

Kur vjen fjala te drejtësia ky padurim artikulim si një spazëm e dhimbshme. Nuk po shohim asgjë, është fjalia që e përmbledh atë. Krejt kuptueshëm vigjilja e 21 janarit e bëjnë lënguese spazmën. Pse nuk i fut në burg, jeni të gjithë vrasës, jeni të gjithë hajdutë, jeni që mos qofshi dhe shto ujë akuzash e shto mjell mallkimesh. Përballë shpërthimit të zëshëm mund të arrish të dyshosh që këta njerëz nuk e kanë marrë vesh ende ndryshimin e sistemit në Shqipëri, nga sistemi i drejtësisë popullore në shtetin e së drejtës.

Sot kemi jo vetëm një popull që aspiron drejtësinë dhe e pret atë me padurim, por edhe një palë njerëzish të motivuar, politikanësh që shumicës qeverisëse që kanë të gjithë durimin për ta çuar deri në fund shkatërrimin e botës që u ka nxirë jetën kaq shumë shqiptarëve.

A ka humbur drejtësia? Drejtësia pas viteve të diktaturës ka qenë një humbëse e madhe sa herë që padrejtësia e parasë ka qenë palë e interesuar në proces. Sidoqoftë drejtësia ka humbur beteja, por jo luftën.

Sot njerëzit e sfilitur nga ndjenja e drejtësisë që nuk vjen kërkojnë padurim skalpin e fajtorëve, kërkojnë larjen e një hesapi të madh pas një cerek shekulli.

Rinis dialogu Shqipëri -Greqi, Bushati dhe Kotzias takohen në ditën e tretë. Çfarë pritet

Kanë rinisur bisedimet mes dy vendeve  Shqipëri dhe Greqi pas dy ditës dialogu mes dy ministrave të jashtëm të dy vendeve.

Ministri Bushati dhe homologu i tij janë takuar paraditen e sotme rreth orës 10:00 për të përfunduar dialogun e nisur dy ditë më parë.

Një ditë më parë në një deklaratë për mediat Bushati tha se diskutimet janë të vështira, pasi shtrihen në një periudhë të gjatë historie. Ai tha se gjatë ditës së sotme është bërë progres, ndërsa theksoi se temat e diskutimit nuk janë sekret.

“Këto janë diskutime jo të lehta, sa i përket faktit që tematika është e gjerë, e shtrirë në kohë në 70 vjet histori. Mund t’ju them që edhe në Korçë kemi bërë progres të qenë- sishëm. Nesër do të jetë gjithashtu një ditë e rëndësishme për vijimin e bisedimeve. Nuk ka asgjë sekrete, sepse temat janë thënë nga të dyja palët.

Jemi në procesin e shtjellimit të mëtejshëm të argumenteve dhe shpresoj edhe drejt zgjidhjeve konkrete”, tha Bushati. Diskutimet, edhe në ditën e dytë të tyre, janë zhvilluar në një hotel të njohur të qytetit të Korçës, ndërsa asnjë informacion nuk rrjedh nga salla “hermetike” e hotelit.

“Panorama” mëson se në përfundim të ditës së tretë të bisedimeve, do të ketë një deklaratë të përbashkët zyrtare për rezultatet e tyre, aq sa do ta lejojë gjuha diplomatike që Bushati dhe Kotzias do përdorin.

Zjarr në një banesë në Vlorë, dy të vdekur

Nga informacionet e Policisë së Shqipërisë mësohet se në një banesë në lagjen “1 Maji” të Vlorës ka rënë zjarr, ku për pasojë janë djegur dhe kanë ndërruar jetë dy shtetas, nëna dhe djali i saj

VLORË/TIRANË – Si pasojë e zjarrit në një banesë në qytetin e Vlorës kanë humbur jetën dy persona.

Nga informacionet e Policisë së Shqipërisë mësohet se në një banesë në lagjen “1 Maji” të Vlorës ka rënë zjarr, ku për pasojë janë djegur dhe kanë ndërruar jetë dy shtetas, nëna dhe djali i saj.

“Nga veprimet e para të kryera nga grupi hetimor dyshohet se zjarri në banesë mund të jetë shkaktuar aksidentalisht, ku janë djegur e kanë ndërruar jetë nëna dhe djali i saj, shtetasit S.H., rreth 73 vjeçe dhe N.H., rreth 43 vjeç”, thuhet në një njoftim publikuar sot nga Drejtoria e Përgjithshme e Policisë së Shqipërisë.

Sipas policisë, po vijojnë hetimet për zbardhjen e plotë të rrethanave të ngjarjes. aa

BLUSHI: PËRSE TËRHIQEM NGA DREJTIMI LIBRËS.

Kur ftova shume njerez ti bashkoheshin idese se Libras kam premtuar se Libra nuk do ishte kurre partia ime.
Ka ardhur koha qe kete premtim ta mbaj duke u terhequr nga drejtimi i Libras, partise qe krijova me shpresen se Shqiperia do fitonte nje instrument lirije qe nuk e kishte njohur.
Sot me vjen mire te kujtoj, se si dhe sa shpejt u kthye Libra ne nje mjet te jashtezakonshem njerezish te zakonshem.
Diten e pare isha nje, kur e vendosem ishim 10, kur e themeluam ishim 100, kur e shpallem 1500, kur e rregjistruam si parti 3000, kur votuam se brendshmi 4000, kur shkuam ne zgjedhje 8 mije dhe kur dolem nga zgjedhjet 20 mije. E gjitha kjo ndodhi vetem ne shtate muaj nga Nentori 2016 deri ne Qershor 2017.
Shpejtesia ishte aq e madhe saqe rruga here pas here nuk dukej, cka i beri disa te ndalojne dhe disa te shkojne deri ne fund te hutuar dhe te lodhur.
Si ne cdo aventure edhe ne paguam cmimin e njohur te se panjohures.
Megjithe pasionin njerezor qe investoi, Libra nuk arriti dot te bindte shume shqiptare te ndaheshin nga dyqani, nga dhuna nga shemtia, ligesia dhe kotesia e partive te vjetra.
Ne nje gare te pandershme zgjedhore pasi u masakrua, dhe u grabit ne menyre te organizuar Libra u rendit partia e peste ne Shqiperi por padyshim e para, si partia me e varfer, me e drejte dhe me e denje.
Libra ishte ne opozite me te gjitha partite dhe ne zgjedhje ishte opozita e vetme e Qeverise dhe e Opozites.
Libra eshte partia e vetme ne Shqiperi,qe nuk ka bere asnje dem,nuk ka bere asnje krim,nuk ka futur asnjeri ne pune,nuk ka hequr asked nga puna dhe nuk I ka marre kujt asnje cent.
Mijera shqiptare qe e ngriten dhe e votuan duhet te jene sot krenare se krijuan dicka qe, nese nuk u dha dot gje, te pakten nuk u mori asnje gje.
Libra ishte dhe mbeti e lire nga cdo borxh.
Mua personalisht Libra me ndihmoi ti njihja me mire shqiptarët dhe pa dyshim dhe veten time.
Nuk kam sot asnje droje te them se Libra me provoi dicka per te cilen dyshoja. Shqiptaret nuk e duan opoziten. Ata i besojne me shume te djeshmes se te nesermes. E vjetra i qeteson,e reja i shqeteson. Ate qe ishte e cmojne, ate qe vjen e nencmojne. Une e kuptoj kete zakon, pavaresisht se nuk e mirekuptoj.
Shqiptarët duan te jene gjithnje me te fortet dhe jo me te drejtet, duke menduar se cka eshte e forte eshte edhe e drejte dhe cka eshte e drejte eshte gjithnje e dobet.
Zgjedhjet e fundit ishin nje zhgenjim per mua kur pashe se si shume qytete votuan banditet dhe grabitesit duke u krenuar me zgjedhjen e tyre.
Nuk me ka habitur kurre aftesia e vendit tone per te prodhuar njerez te ligj, por nevoja per ti mbrojtur ata me vota me shqeteson.
E keqja qe mbrohet nga populli me vota kthehet ne menyre jetese dhe behet edhe me e keqe duke u kthyer ne norme.
Prandaj kam vendosur ta heq perkohesisht politiken nga artet e mia. Politika, sic njihet dhe ushtrohet sot ne Shqiperi,nuk me jep me shije dhe as motiv dhe une nuk bej gjera te cilat nuk i besoj.
E dua shume Libra per ta demtuar me kete mungese besimi, prandaj kam vendosur te terhiqem nga drejtimi i saj.
Duke falenderuar te gjithe ata miq brenda dhe jashte Libra qe me mbeshteten, jam I bindur se ka burra dhe gra, te cilet me pasion dhe me besim do hapin rruget qe deri tani duken te mbyllura.

Faleminderit

Ben Blushi.

4.5 milionë euro pasuri, Nasim Haradinaj ka edhe 476 hektarë tokë të padeklaruar

Është raportuar se pasuria e Nasim Haradinajt kapte mbi 4.5 milionë euro për nënkryetarin e veteranëve, e ku vlerën më të lartë kishte pasuria e marrë nga privatizimi i tokave, shkruan gazetametro.net.

Bëhej fjalë për 220 hektarë të privatizuar në vitin 2009 në Pejë, e që i kishte blerë 257 mijë e 500 euro në tërësi. Këtë pronë, Haradinaj e kishte vlerësuar me 4.4 milionë euro vlerë.

Por, kjo duket se nuk është e gjitha, pasi nga një raport të Agjencisë Kosovare për Privatizim të siguruar nga Gazeta Metro, kuptohet se kjo nuk ishte prona e parë që Haradinaj kishte privatizuar.

Sipas raportit, në po të njëjtin vit, nënkryetari i veteranëve kishte privatizuar edhe 476 hektarë në Rakoc të Gjakovës, të cilët i kishte blerë 817 mijë e 661 euro

Këtë privatizim, për dallim nga ai tjetri, nuk mund ta gjeni në formularët e deklarimit të pasurisë në Agjencinë Kundër Korrupsionit. Haradinaj nuk e ka deklaruar këtë se pronë, që i bie të jetë dyfshim më e madhe nga ajo e para.

Meqë Haradinaj nuk e ka deklaruar, mund të kuptohet se prona nuk ka ndonjë çmim për të kuptuar sa është vlera reale e tokës që ai fshehu, por pronën e privatizuar më herët ai e kishte llogaritur me 20 mijë euro për hektarë, e që rezulton që nëse llogaritet edhe toka e fshehur me këtë çmim, ai nuk ka deklaruar edhe 9 milionë e 520 mijë euro.

Metro ka biseduar me Nasim Haradinajn. I pyetur se a ka privatizuar ndonjë tokë tjetër përveç asaj që ka deklaruar në AKK, Haradinaj ka thënë prerazi ‘Jo’. Mirëpo, më pas kur Metro i ka treguar një raport që ka siguruar nga APK, Haradinaj ka thënë se ka aplikuar në dy konkurset, mirëpo toka tjetër sipas tij ka qenë e dy ortakëve të tij.

‘Shiqo, kjo nuk është në emrin tim, por ne ishim tre shokë që kemi privatizuar së bashku. Këtë pjesë(220 hektarët) kam pasur mundësi me privatizu unë’, ka thënë Haradinaj për Metron.

Më pas, Haradinaj ka përmendur edhe një emër si pronar të tokës së dytë të privatizuar, por ani pse ai thoshte se ishin shokë dhe bashkëpunëtorë, ai nuk ka asnjë kontakt me të, duke u arsyetuar se ‘ai jeton në Amerikë’.

‘Ne kemi qenë tre shokë që kemi punuar së bashku, dhe toka në Rakoc është e blerë nga Veton Rrustem Binakaj’, ka shtuar ai.

Haradinaj madje ka kritikuar edhe mediat. Sipas tij, ai ka deklaruar pasurinë, e ata që po shkruajnë për të jo, ‘ani pse janë më të pasur’.

Ndryshe, Haradinaj ishte kritikuar se me ngulmimin e tij për shfuqizimin e Speciales po rrezikonte izolimin e Kosovës ndërkohë që disa nga familjarët e tij po jetonin në Suedi.

LDK braktis mbledhjen e Kryesisë së Kuvendit për shkak të Speciales

Avdullah Hoti

 

 

Kryetari i Grupit Parlamentar të Lidhjes Demokratike të Kosovës, Avdullah Hoti, ka dalë nga mbledhja e Kryesisë së Kuvendit që po mbahet sot, pasi që sipas tij, aty po diskutohej për shfuqizimin e Ligjit për Gjykatën Speciale.

“Në pikën e tretë u diskutua për shfuqizimin e Ligjit për Dhomat e Specializuara. Ne e lëshuam mbledhjen sepse kjo çështje është e dëmshme dhe rrezikon marrëdhëniet me ndërkombëtarët”, deklaroi Hoti para mediave në Kuvendin e Kosovës.

Hoti theksoi se LDK-ja, vazhdon të mbajë qëndrim kundër kësaj nisme.

Kryesia e Kuvendit gjatë javës së kaluar nuk ka arritur ta shqyrtojë kërkesën e 43 deputetëve për shfuqizimin e Ligjit për Dhomat e Specializuara, përkatësisht të Gjykatës Speciale.

Një gjë e tillë nuk ndodhi për shkak të mungesës së kuorumit për punë, që është shkaktuar me mungesën e anëtarëve të saj në mbledhje.

Kur nuk sundon ligji, mbisundon anarkia! – Nga Florim Zeqa

 

Për politikanët kosovarë, gënjeshtra dhe mashtrimi janë shndërruar në çelës të suksesit, ndërsa hajnia në çelës të pasurimit të tyre. Përveç këtyre pasioneve, politikanët kosovarë janë pajtuar edhe me turpin si dukuri të zakontë në jetën e tyre. Kur vjedhin e mashtrojnë nuk ndihen të turpëruar, madje as kur tradhtojnë njëri-tjetrin dhe elektoratin e tyre nuk u skuqet fare fytyra!
Me këto metoda antihumane të veprimit, politikanët e ditëve të sotme i kanë sjellë shumë të mira materiale vetes, familjeve dhe farefisit të gjerë të tyre, duke filluar nga postet e privilegjet e pushtetit e deri te pasurimi i skajshëm.
Në anën tjetër, për fat të keq në mesin e popullatës edhe pse tashmë jemi të lirë, ende ekziston psikologjia e robit dhe nënshtrimit. Të gjithë ata, që në një mënyrë apo tjetër e ndajnë mendjen e të qëndruarit besnikë ndaj pushteteve antipopullore, s’janë gjë tjetër veçse robër dhe të nënshtruarit e të gjitha pushteteve në Kosovë, nga koha e regjimit titist, millosheviqian e deri te ky i ditëve të sotme, i cili nuk dallon aspak dhe për asgjë nga pushtetet e pasluftës në Kosovë.
Si pasojë e kësaj, përvjetori i 10 i pavarësisë, shtetin e Kosovës e gjenë përpara sfidës më të madhe dhe më të rrezikshme që nga paslufta, e cila përveq kthimit prapa në pikën zero, të vitit 1999, rrezikon ri-kthimin nën Rezolutën 1244 të KS të OKB-së, e cila e njehë Kosovën pjesë integrale të Serbisë, duke rrezikuar seriozisht të arrituren më të madhe kombëtare në shekullin e fundit-Republikën e Kosovës, e arritur kjo e përbashkët me miqt ndërkombëtar.

Me qeveritarët pa vizion, shteti drejt vdekjes “klinike”

Shtetit tonë nuk i mjaftuan 19 vjet nga paslufta dhe 10 vjet nga njohja ndërkombëtare për të ndërtuar institucione kredibile, zhvillim ekonomik, mirëqenie qytetare dhe stabilitet politik
Në rrethana normale, çdo vendi të dalë nga një luftë çlirimtare do t’i mjaftonin më pak se pesë vite për t’u konsoliduar në të gjithë mekanizmat shtetërorë, do t’i mjaftonin më pak se dhjetë vite për zhvillim të qëndrueshëm dhe stabilitet ekonomik.
Ndodhë kështu pasi të fortët e politikës e diktojnë ligjin dhe drejtësinë në vend, për të mbetur gjithnjë të paprekshëm nga drejtësia, edhe përkundër shkeljeve dhe abuzimeve serike me institucionet shtetërore, deri në shkeljen e aktit më të lartë juridik në vend-Kushtetutës së Republikës së Kosovës. Për ironi të faktit, shkelësit e Kushtetutës në vend të ndëshkimit, shpërblehen me poste në institucionet më të larta të shtetit!
Targën e shkatërrimit të shtetit e bartin ata që e kanë pushtetin në dorë e jo të nëpërkëmburit e tyre, ndërsa si gjithnjë çmimin e paguajnë qytetarët e vendit, shtresat më të rrezikuara të popullatës, të varfrit dhe pensionistët me të ardhurat më të ulëta jo vetëm në rajon, ndoshta në tërë globin, pasi ekzistojnë vetëm dhjetëra shtete me gjendje katastrofale të qeverisjes siç është Kosova.
Mungesa e vizionit politik e liderëve shtetërorë në njërën anë, krimi i organizuar dhe korrupsioni në anën tjetër janë bërë pengesa serioze të ecjes së shtetit dhe mirëqenies qytetare.
Vetëm një klasë e re politike, me vizion të qartë, me ide të shëndosha dhe projekte konkrete zhvillimore mund ta çojë përpara shtetin, në të kundërtën, me këtë klasë politike të papërgjegjshme dhe servile ndaj ndërkombëtarëve mund t’i kalojmë edhe 19 vite të tjera me kriza dhe skandale politike të llojit të njëjtë, në agoni, në mjerim social, pa shpresë për ardhmëri, drejt vdekjes “klinike” të shtetit, me qytetarë të heshtur që u ngjajnë të sëmurëve në gjendje “kome”…!
Vetëm lëvizja progresive e qytetarëve është shpëtim për vendin. Qytetarët aktivë në jetën shoqërore janë burim shprese dhe ardhmërie për vendin e tyre, ndërsa pasiviteti qytetar e shndërron shtetin në një moçal, ku as bretkosat nuk mbijetojnë.

Bashkësia ndërkombëtare duhet të dëshmojë prezencën e saj në Kosovë

Edhe përkundër prezencës së fuqishme ndërkombëtare në Kosovë, të mekanizmave politikë (BE dhe SHBA), ushtarako-policorë (KFOR dhe EULEX) dhe shërbimeve të shumta të intelegjencës, Kosovës së sotme të mbushur përplotë prapaskena dhe padrejtësi, po i mungon vetëm prezenca e jashtëtokësorve (UFFO-ve) për të plotësuar mozaikun e një vendi krejtësisht jashtligjorë.
E thashë pikërisht kështu, për faktin se edhe përkundër gjithë mekanizmave ndërkombëtar të sundimit të ligjit, që afro 19 vite rresht në vend të drejtësisë sundon vetëm anarkia!
Ndodhë kështu pasi të fortët e politikës dhe nëntoka kriminale e bëjnë ligjin dhe “drejtësinë” në Kosovë.
Do t’u hyja në hak sikur të përmendja emrat e ndonjërit prej politikanëve, prokurorëve apo gjykatësve, pasi e gjithë skena politike dhe ajo e drejtësisë është bërë përafërsisht e njëjtë.
Pavarësisht cili subjekt politikë vjen në pushtet, asnjëri nga politikanët, prokurorët dhe gjykatësit nuk i mbrojnë interesat e qytetarëve. Secili në mënyrën dhe stilin e vet mundohet të shkëputë diçka nga pasuria publike dhe tenderomania e bizneseve të pista për t’u pasuruar në mënyrë të jashtligjshme brenda një mandati politik ose më pak se kaq!
Përfundimisht ka ardhur koha, që edhe bashkësia ndërkombëtare e instaluar në Kosovë të dëshmojë vetën se është e përkushtuar për sundim të ligjit dhe për qasje të barabartë të qytetarëve para drejtësisë, për zhvillim ekonomik dhe mirëqënje të popullatës në përgjithësi, në të kundërtën, në një të ardhme të afërt në Kosovë më shumë do të kemi pushtetarë se sa qytetarë, ku ndoshta edhe UFFO-t do të zbresin për ta bërë Kosovën një vend 100 % jashtëligjorë!
Këtë shkrim dëshiroj ta përfundoj me një tënje të Gore Vidal: “Politika përbëhet nga dy fjalë, ‘poli’, e cila është fjalë greke dhe do të thotë ‘shumë’ dhe ‘tik’, një lloj insekti gjakpirës” (Gore Vidal).

Lëvizja Vetëvendosje ka nisur zgjedhjet e brendshme

Albin Kurti (Foto nga arkivi)

Lëvizja Vetëvendosje ka nisur sot zgjedhjet e brendshme. Për kryetar të Lëvizjes Vetëvendosje është paraqitur vetëm një kandidaturë, ajo e Albin Kurtit. Vendvotimet në Kosovë janë hapur në orën 10 dhe procesi i votimit do të zgjasë deri në orën 19.

Më pas Komisioni Zgjedhor i Përgjithshëm i këtij subjekti, do të fillojë numërimin e votave dhe pritet të shpallë rezultatin preliminar.

Muajt e fundit, Lëvizja Vetëvendosje është përballur me probleme të shumta të brendshme. Ky subjekt është ndarë në dy taborre, ata që kanë përkrahur kandidaturën e Albin Kurtit për kryetar të këtij subjekti dhe ata që e kanë kundërshtuar kandidimin e tij për këtë pozitë.

Drejtues të strukturave të larta të kësaj partie, kanë dhënë dorëheqje, përfshirë këtu edhe kryetarin e saj, Visar Ymerin dhe nënkryetarin, Dardan Sejdiu, si dhe një numër tjetër të anëtarëve të Lëvizjes Vetëvendosje, të cilët aktualisht janë edhe deputetë në Kuvendin e Kosovës.

Vuçiç në Mitrovicë shkon me të birin!

 

Vuçiçi: Do të shkëmbejmë informacione për vrasjen e Ivanoviçit

Presidenti i Serbisë, Aleksandër Vuçiçi, ka porositur në Kosovë se Serbia do të japë gjithçka nga vetja për ta ruajtur paqen, se do të bëjë gjithçka që mospajtimet shumëshekullore me shqiptarët të zgjidhen, që të sigurohet paqe dhe siguri e qëndrueshme për të gjitha familjet serbe dhe shqiptare.
Ai e ka bërë këtë deklaratë para Manastirit në Banjska, ku edhe e ka nisur vizitën e tij në Kosovë.
Vuçiq i ka porositur serbët e Kosovës se duhet të mbesin dhe mbijetojnë në vatrat e tyre, duke thënë se për këtë do t’i ndihmojë shteti i Serbisë.
“Nuk guxohet që të jemi më pak në territorin, në vendin ku kemi jetuar gjithmonë dhe për këtë arsye, si shtet do të luftojmë në të gjitha mënyrat”, ka thënë Vuçiq.
Ai ka theksuar se qëllimi i vizitës së tij në Kosovë është që të bisedojë me serbët edhe për sigurinë, pas vrasjes së Oliver Ivanoviçit, si dhe për atë se cilat organe ua garantojnë sigurinë.
“Të shohim se si dhe në cilën mënyrë do t’i zhvillojnë hetimet. Ne do të shkëmbejmë informacione, sepse po shoh që po flasin për shkëmbim të informacioneve edhe pse kemi kërkuar që të marrim pjesë në hetime. Por, do të presim, jo rrëfimet për gazeta, por rezultatet përfundimtare të hetimeve. Të shohim se a do të sjellin hetimet deri te kryerësit e krimit të neveritshëm në Mitrovicë ose jo. Nëse kjo nuk ndodhë, atëherë mjaft gjëra do t’i kemi të qarta”, ka thënë Vuçiq.
Ai ka shtuar se është e nevojshme gjetja e moduseve të reja që ruajtjasigurisë dhe paqes së serbëve të bëhet më e qartë.
Vuçiq theksoi se është e rëndësishme edhe gjetja e mekanizmave të ri në luftën kundër kriminalitetit dhe korrupsionit në radhët e veta.
Ai ka shtuar se Qeveria e Serbisë ka investuar mjaft në renovimin e kishave në Kosovë dhe se do të vazhdojë ta bëj këtë edhe më tej. Gjithashtu, ai e ka cilësuar të rëndësishme që të përfundojë projekti i vendbanimit banesor “Lugina e diellit’.
Peshkopi Teodosije, me këtë rast, ka thënë se vizita e Vuçiqit është mjaft e rëndësishme dhe se për serbët në Kosovë është e pamundur mbijetesa pa shtetin e Serbisë.
Ndryshe, presidenti i Serbisë, Aleksander Vuçiq, në Kosovë po qëndron për vizitë njëditore. Presidenti serb, me eskortën e tij, ka hyrë në Kosovë, përmes pikës kufitare në Jarinjë.
Vizita e Vuçiqit në Kosovë pason katër ditë pas vrasjes së Oliver Ivanoviqit, siç ka paralajmëruar ai, për të biseduar me serbët.
Pas vizitës në Manastirin në Basnjska, Vuçiq do të udhëtojë përnë Mitrovicën veriore,në Fakultetin e shkencave teknike për të mbajtur një takim të mbyllur, ku do të bisedojë me përfaqësuesit politik dhe institucional të serbëve të Kosovës.
Ndonëse në agjendën e tij nuk është paralajmëruar, pritet që Vuçiq të vendosë kurorë para zyrës së Iniciativës qytetare “Liri, Demokraci, Drejtësi”, aty ku është vrarë lideri i këtij subjekti politik, Oliver Ivanoviq.
Më pas, është paraparë që Vuçiq të udhëtoj për në pjesën qendrore të Kosovës, në Graçanicë dhe Llapna Sellë, ku do të bisedojë me banorët lokal.
Siç ka konfirmuar për Radion Evropa e Lirë shefi i operativës i Policisë së Kosovës për rajonin e veriut, Zheljko Bojiq, policiado të zbatojë planin operativ të veçantë, me rastin e vizitës së presidentit serb.
Me urdhër të Drejtorisë kryesore të policisë, policia rajonale e veriut ka hartuar planin operativ për këtë vizitë, për zbatimin e të cilit është paraparë angazhimi i një numri të madh të pjesëtarëve të policisë, ka thënë Bojiq.
Ndonëse më herët ishte paralajmëruar që Vuçiq do të qëndrojë dy ditë në Kosovë, ai do ta përfundojë vizitën të shtunën, pas takimit me qytetarët lokal në Llapna Sellë.
Kjo është vizita e shtatë e Vuçiqit në Kosovë në pesë vitet e fundit, ndërkaq e para në cilësinë e presidentit të Serbisë.

Vuçiçi po viziton Kosovën

Vizita e presidentit të Serbisë Aleksandër Vuçiç në Manastirin Banjsa në Kosovë

 

Presidenti i Serbisë, Aleksandër Vuçiq, ka arritur në Kosovë, ku do të qëndrojë për vizitë njëditore. Presidenti serb, me eskortën e tij, ka hyrë në Kosovë, përmes pikës kufitare në Jarinjë, rreth orës 10 e 45 minuta.

Vizita e Vuçiqit në Kosovë pason katër ditë pas vrasjes së Oliver Ivanoviçit, siç ka paralajmëruar ai, për të biseduar me serbët.

Sipas planit të vizitës është paraparë që Vuçiq, fillimisht po qëndron në veri të Kosovës, ku po viziton Manastirin e Banjskës,e më pas do të qëndrojë në Fakultetin e Shkencave Teknike në Mitrovicën veriore, në një takim të mbyllur, do të bisedojë me përfaqësuesit politik dhe institucional të serbëve të Kosovës.

Vuçiq në Manastirin e Banjskës

Ndonëse në agjendën e tij nuk është paralajmëruar, pritet që Vuçiq të vendosë kurorë para zyrës së Iniciativës qytetare “Liri, Demokraci, Drejtësi”, aty ku është vrarë lideri i këtij subjekti politik, Oliver Ivanoviq.

Më pas, është paraparë që Vuçiq të udhëtojë për në pjesën qendrore të Kosovës, në Graçanicë dhe Llapna Sellë, ku do të bisedojë me banorët lokal.

Siç ka konfirmuar për Radion Evropa e Lirë shefi i operativës i Policisë së Kosovës për rajonin e veriut, Zheljko Bojiq, policia do të zbatojë planin operativ të veçantë, me rastin e vizitës së presidentit serb.

​Me urdhër të Drejtorisë kryesore të policisë, policia rajonale e veriut ka hartuar planin operativ për këtë vizitë, për zbatimin e të cilit është paraparë angazhimi i një numri të madh të pjesëtarëve të policisë, ka thënë Bojiq.

Ndonëse më herët ishte paralajmëruar që Vuçiq do të qëndroj dy ditë në Kosovë, ai do ta përfundojë vizitën të shtunën, pas takimit me qytetarët lokal në Llapna Sellë.

Kjo është vizita e shtatë e Vuçiqit në Kosovë në pesë vitet e fundit, ndërkaq e para në cilësinë e presidentit të Serbisë.

Vrasja e Ivanoviçit, Vuçiçi hyn në Kosovë. Zbardhet axhenda

MITROVICE- Presidenti i Serbisë ka shkuar sot për një vizitë në Kosovë. Mësohet se Vuçiç ka shkuar në Mitrovicën e Veriut, duke marrë shkas nga vrasja e liderit serb, Oliver Ivanoviç.

Siç raportojnë mediat kosovare mësohet se Vuçiç rreth orës 10:30 ai vizitoi manastirin Banjska, ndërsa në orën 11:30 do të ketë takim me përfaqësuesit serbë në Fakultetin Teknik në Mitrovicën e Veriut. Raportohet se më pas presidenti serb rreth orës 17:00 të pasdites do të ketë takime me qytetarë në Llapnasellë.

Kujtojmë se Oliver Ivanoviç u vra pak ditë më parë në veri të Mitrovicës para zyrës së tij, ndërsa vrasësit dhe motivet e krimit ende nuk dihen.

Autoritetet në Kosovë nuk kanë plan të veçantë për vizitën e Vuçiçit

Autoritetet e rendit në Kosovës, thanë për Radion Evropa e Lirë, nuk kanë ndonjë plan të veçantë lidhur me vizitën e Presidentit të Serbisë Aleksandër Vuçiç në Kosovë.

“Policia e Kosovës si çdo herë e bënë përgatitjen e planit operacional për të ofruar siguri në të gjitha rastet e vizitave të gjitha delegacioneve të shteteve të huaja në Kosovë”, tha Baki Kelani zëdhënës i policisë.

Presidenti serb do të qëndrojë të shtunën në Kosovë, ku sipas njoftimeve nga kabineti i tij, ai në veri të Kosovës do të takohet me përfaqësuesit politikë të serbëve kurse në pjesën qendrore, në Llapna Sellë do të zhvillojë një bashkëbisedim me qytetarët.

Ministria e Punëve të Jashtme të Kosovës thotë se ka miratuar më 17 janar kërkesën që Vuçiçi të vizitojë Kosovën.

Gjyla Çeliku: Në qytetin e Alfabetit po na mallkojnë edhe në gjuhën shqip!

Miratimi i ligjit të gjuhës shqipe ka vënë në lëvizje segmentët ekstremistë në Maqedoni, që kvazhdojnë t’i mallkojnë, kërcënojnë dhe diskriminojnë shqiptarët jo vetëm në maqedonisht por edhe në gjuhën shqipe, sikur shihni edhe në foton e mëposhtëme, ku nëpër muret e ndërtesave shkruhet në maqedonisht dhe shqip “Vdekje për Shqiptarët!”

Ka reaguar edhe opinionistja nga Maqedonia, Gjyla Çeliku në rrjetin social, duke postuar fotografinë që mbart shkrimnin antishqiptar e cila shkruan si më poshtë:

“Kryesorja filloi zbatimi i gjuhës në vendet me shumicë shqiptare, në Qytetin e Alfabetit, me mallkim edhe në gjuhën shqipe.

Faleminderit që respektoni ligjin dhe ju garantoj që ne s’jemi trembur edhe kur veç maqedonisht na keni mallkuar,

e tash me mallkim shqip e marrim si “mallkim me respekt për autoktonitetin tonë”.”

 

Thirrje naziste të maqedonasve, tani edhe shqip (FOTO)

Ka pushtuar rrjetet sociale një foto nga qyteti i Manastirit, ku në një mur shkruan “Vdekje për shqiptarët”.

Grafiti është shkruar në dy gjuhë, si ironi për ligjin për përdorimin e gjuhëve në Maqedoni.

Thirrjet naziste në Maqedoni po marrin hov në Maqedoni, pas miratimit të ligjit për gjuhët, si nëpërmes grafiteve ashtu edhe nëpërmes intelektualëve maqedonas./lajm

Presidenti Ivanov nuk do ta nënshkruajë ligjin për gjuhët

Presidenti maqedonas Gjorgje Ivanov ka bërë të ditur sot se nuk do ta nënshkruaj ligjin për gjuhët të cilin e miratoi parlamenti i Maqedonisë para një jave. Duke iu drejtuar opinionit publik përmes një mesazhi, ai theksoi se arësyetimin ia ka dërguar parlamentit, ndërsa u bëri thirrje ligjvënësve që t’i rishikojnë vërejtjet e tij.
“Ligji u miratua pa një debat publik, pa konsultuar ekspertët dhe pa opozitën”, thekson presidenti maqedonas duke shtuar se ligji po ashtu u miratua pa një direktivë të Bashkimit Evropian.Presidenti Ivanov shkruan më tej se në punën e tij gjithmonë ka respektuar Kushtetutën dhe interesat e qytetarëve të vendit. Ai vlerëson se miratimi i ligjit synonte arritjen e pikëve politike nga parti të caktuara.

Qëndrimi i zotit Ivanov ndaj këtij ligji ishte i njohur. Edhe në paraqitjen e fundvitit para deputetëve ai pati theksuar se “Maqedonia do të bëhej shteti i parë evropian i cili i parashtron kushte vetëvetes të cilat ashkush, nuk i kërkonte”.
Zoti Ivanov, i cili po ushtron mandatin e dytë si president, i propozuar dhe mbështetur nga partia konservatore VMRO-DPMNE, thotë se ligji për gjuhët instalon një paralelizëm në të gjitha organet e pushtetit dhe bën bllokimin e tyre, ndërsa ekziston rreziku, sipas tij, për ripërkufizimin e Kushtetutës që do të cënonte bashkimin, sovranitetin dhe integritetin tokësor të Maqedonisë.
Ndërkaq në një reagim të qeverisë së Maqedonisë thuhet se ligji ishte miratuar në mënyrë të duhur sipas procedurave të parashikuara në parlament dhe në pajtim me amendamentin 5 të Kushtetutës së Maqedonisë.
“Opozita kishte të gjitha mundësitë që përmes amendamenteve të marrë pjesë në përmirësimin e ligjit, por opozita vetë mori vendim për të mos marrë pjesë në procesin politik për ligjin e gjuhëve”, thuhet në një komunikatë të qeverisë, ndërsa theksohet më tej se “nëse një qytetar ndjen nevojë të flasë në gjuhën e tij amtare, me këtë përfitojnë të gjithë qytetarët dhe Republika e Maqedonisë. Me këtë ligj e avancojmë përdorimin e gjuhëve të gjitha komuniteteve në vend”, nënvizon qeveria.
Ligji në veçanti avanconte gjuhën shqipe e cila do të mund të përdorej në institucione të larta shtetërore dhe publike ku nuk kishte zënë vend deri tash.
Pas vendimit të presidentit Ivanov, i takon parlamentit që të vendosë në një lexim të tretë, ku sipas pritshmërive, ligji do të miratohet edhe një herë, pa pasur nevojë për të debatuar më mbi të.

Incident në Shkup, rrahje masive mes tifozëve maqedonas dhe atyre shqiptarë

SHKUP- Një incident në një ndeshje basketbolli ka ndodhur në Shkup mes disa tifozëve maqedonas dhe një grupi shqiptarësh. Ngjarja ndodhi gjatë ditës së djeshme.

Ina shkruan se incidenti ndodhi gjatë ndeshjes mes ekipit të Pelisterit nga Manastiri dhe tifozët e ekipit të Shkupit.

Siç bëjnë të ditur nga MPB-ja, rasti ka ndodhur në sallën e sportit “Shaban Twrstena”, pas përfundimit të ndeshjes. Një tifoz ka hedhur një petardë në drejtim të lojtarëve mysafir, që ka nxitur reagimin e tyre, duke hedhur me një shishe plastike ndaj tifozëve. Kjo ka bërë që tifozët të sulmojnë lojtarët e Pelisterit. Gjatë tentimit për të parandaluar rrahjen, janë lënduar dy policë.

Maqedoni, emetohet pulla postare me portretin e Skënderbeut

Posta e Maqedonisë ka emetuar pullën me portretin e heroit kombëtar Gjergj Kastrioti Skënderbeu në 550 vjetorin e vdekjes.

Ambasadori shqiptar në Maqedoni, Fatos Reka, ka bërë të ditur këtë lajm përmes një postimi në rrjetin social Twitter.

“Posta e Maqedonisë ka emetuar pullën postare për të nderuar 550 vjetorin e vdekjes së heroit kombëtar shqiptar Gjergj Kastrioti Skënderbeu”, shkruan Reka.

Heroi ynë kombëtar, që bën krenar çdo shqiptar, u bë pjesë e historisë si një nga gjeneralët dhe strategët më të mëdhenj të kohës.

Ndonëse kishte me vete një ushtri të vogël, ai mundi të përballonte dhe të shkatërronte taborret e ushtrisë osmane, më të organizuarat e kohës, si një burrë i madh shteti, që udhëhoqi luftën kundër pushtuesit osman. Skënderbeu shënoi një kthesë vendimtare në zhvillimin politik të vendit dhe në forcimin e vetëdijes kombëtare.

Publikohet emri i ri dhe detajet e marrëveshjes Maqedoni-Greqi

Janë publikuar detaje të marrëveshjes që pritet të nënshkruhet mes Maqedonisë dhe Greqisë për çështjen e emrit. 

Në një dokument që ka siguruar portali Infoshqip thuhet se emri i ri do të jetë Republika e Maqedonisë së Re, ndërsa versioni i shkurtuar do të jetë Maqedonia e Re.

Në dokument përfshihen edhe zgjidhjet për çështjet me kishën, gjuhën dhe identitetin.

—-Emri: Republika e Maqedonisë së Re
—Emri i shkurtuar: Maqedonia e Re
—-Gjuha: Maqedonishtja moderne
—-Nacionaliteti: Maqedonas/ Maqedonasit e ri
—-Kisha: Kisha e Re Ortodokse Maqedonase
—-Identiteti: Maqedonas (për Maqedonasit), Maqedonasit Etnikë (për ndërkombëtarët) Sllavomaqedonasit ( për Grekët)
—-Identiteti i Maqedonasve të Greqisë: Maqedonasit e Greqisë (për Maqedonasit dhe ndërkombëtarët) Maqedonas (për Grekët).

Tërmete të fuqishme goditën Maqedoninë – vetëm dëme materiale

Mbrëmë vonë, pas orës 23:00, janë regjistruar një seri tërmetesh të cilat vijnë nga rajoni epiqendror i Dojranit, por më i fuqishmi me intensitet prej VI-VII ballëve sipas Shkallës evropiane makrosizmike, ishte në mëngjes në orën 5 e 24 minuta.

Siç informon Observatori sizmologjik pranë Fakultetit matematiko-natyror në Shkup, këtë tërmet në 145 kilometra në juglindje të Shkupit, me magnitudë prej 4,8 ballëve sipas Rihterit, më së shumti e ka ndjerë popullata në Dojran.

Në Gjevgjeli, Vallandovë dhe Strumicë intensiteti ishte VI ballë, ndërsa në Kavadar, Radovish dhe Berovë V ballë.

Tërmeti është ndjerë edhe nga popullata e Greqisë fqinje dhe Bullgarisë, ndërsa ka shkaktuar dëme në ndërtimet në vendet e banuara në afërsi me epiqendrën.

Shkup, protestuesit kërkojnë zbardhjen e “rasteve të montuara”

“Këto procese dhe të gjitha të tjerat që kanë ndodhur nga krijimi i Maqedonisë kanë prapavijë të qartë etnike dhe politike”, theksoi Pollozhani

SHKUP – Nën organizim të disa organizatave joqeveritare dhe familjarëve të të akuzuarve në rastin “Lagja e Trimave”, dhjetëra qytetarë shqiptarë u tubuan në sheshin “Skënderbe” në Shkup për të shprehur revoltën e tyre kundër vendimit gjyqësor të shkallës së parë për rastin në fjalë.

Organizatorët të cilët ishin tubuar me moton “Të thajmë lot dhe të shërojmë plagë” kërkuan që rasti “Lagja e Trimave” të rikualifikohet dhe të kthehet në rigjykim, për shkak të siç thonë organizatorët, dhjetëra shkeljeve procedurale.

Kryetar i Shoqatës së të burgosurve dhe të përndjekurve politik në Maqedoni, Shpëtim Pollozhani, i cili është njëri nga organizatorët e tubimit, para të pranishmëve deklaroi se do të vazhdojnë të protestojnë derisa të përmirësohen “gabimet e shtetit” lidhur me këtë rast, duke përfshirë edhe rastet e tjera ku janë dënuar shqiptarët.

“Këto procese dhe të gjitha të tjerat që kanë ndodhur nga krijimi i Maqedonisë kanë prapavijë të qartë etnike dhe politike”, theksoi Pollozhani, sipas të cilit, në shumë raste ku janë dënuar shqiptarët “vendimi është shqiptuar me motive politike”.

Pas fjalimeve të disa organizatorëve dhe pjesëmarrësve në protestë, protestuesit marshuan deri para ndërtesës së Gjykatës së Apelit – Shkup, e cila ishte e rrethuar me forca policore të sigurisë. Pas disa minutave brohoritjesh para ndërtesës së Gjykatës së Apelit, protestuesit u shpërndanë në mënyrë të qetë.

Në fillim të muajit nëntor të këtij viti, Gjykata Penale e Shkupit shqiptoi aktvendimin për 37 të akuzuarit të grupit të armatosur të Kumanovës për ngjarjet e vitit 2015 në “Lagjen e Trimave”. Tetë të akuzuar u dënuan me burg të përjetshëm, katër të tjerë u shpallën të pafajshëm, ndërsa pjesa tjetër morën dënime prej 12 deri në 40 vjet burg.

Të dënuarit u akuzuan për veprën penale “organizim terrorist” dhe “terrorizëm”. Prej të akuzuarve të cilët u ngarkuan me veprën penale “organizim terrorist” dhe “terrorizëm”, 16 janë shtetas të Kosovës, një shtetas i Shqipërisë, një shtetas i Gjermanisë, ndërsa pjesa tjerët janë shqiptarë nga Maqedonia.

Kujtojmë se më 9 dhe 10 maj të vitit 2015, në “Lagjen e Trimave” në Kumanovë, një grup i armatosur u përlesh me forcat e sigurisë maqedonase. Gjatë përleshjeve u vranë tetë policë të forcave speciale të Ministrisë së Punëve të Brendshme dhe 40 të tjerë u plagosën. Në përleshje, po ashtu u vranë edhe dhjetë pjesëtarë të grupit të armatosur. aa

Maqedoni: “Aleanca për Shqiptarët” do të qëndrojë në koalicion

Aleanca për Shqiptarët (ASH) nuk do ta braktisë koalicionin qeveritar të Maqedonisë. Kështu bëri të ditur të dielën kryetari i partisë shqiptare, Ziadin Sela pas një takimi disa orësh me anëtarët e ASH-së në Gostivar.

Drejtuesit e kësaj partie kanë qenë mjaft kritik ndaj qeverisë së kryeministrit Zoran Zaev pasi ai nuk deshi që ministrinë e Shëndetësisë t’ia lërë ASH-së që prej zgjedhjeve lokale kur Arben Taravari e la postin e ministrit për atë të kryetarit të komunës së Gostivarit.

Zoti Zaev tashmë ka dërguar në parlament propozimin për ministër të ri të Shëndetësisë që është këshilltari i tij aktual, kirurugu Venko Filipçe.

Ndërkaq, zoti Sela megjithatë u tha gazetarëve pas takimit se shpresonte që me kryeministrin Zaev të takohet përsëri për të biseduar rreth kushteve të qëndrimit në koalicionin qeveritar.

“Ne – tha z. Sela – kemi vendosur të jemi pjesë e qeverisë për realizimin e programit që u është premtuar votuesve. Kemi premtuar se do t’i zhbllokojmë proceset, se ligji për gjuhën shqipe do të miratohet dhe se do të hapen rastet e montuara gjyqësore”.

Aleanca për Shqiptarët aktualisht ka vetëm dy deputetë, pasi Vesel Mehmeti i njërit fraksion të Rilindjes Demokratike Kombëtare që bënte pjesë në ASH, vendosi të veprojë më vete.

ASH-ja kishte postin e ministrit të Shendëtësisë, tre zëvendës-ministra dhe zyrtarë e drejtorë të tjerë në poste të larta qeveritare e publike. Kryeministri Zaev i ofroi z. Sela një post të ri në shkëmbim të shëndetësisë, atë të zv.kryeministrit për reforma, një gjë që drejtuesi shqiptar e cilësoi me ironi si “zëvendës-kryeministër për byrek që do t’ia kalonte menjëherë BDI-së”.

Sidoqoftë, Ziadin Sela konsiderohet si mjaft meritor për formimin e qeverisë së Zoran Zaevit, me që ai në asnjë mënyrë nuk deshi një koalicion qeveritar me VMRO-DPMNE-në, e cila kishte fituar numrin më të madh të ligjvënësve në parlament nga zgjedhjet e dhjetorit të kaluar. Votat e ASH-së në parlament ishin vendimtare për qeverinë e re.

Por tash, të paktën tre deputetë janë shkëputur nga koalicioni i VMRO-së dhe kanë dhënë shenja afërsie me politikat e qeverisë, duke bërë kështu që rëndësia e votave të ASH-së në parlament të mos jetë më jetike, ndërsa nga ana tjetër, të paktën sipas spekullimeve, Partia Demokratike Shqiptare ka treguar gatishmëri për të hyrë në koalicinin qeveritar të drejtuar nga Lidhja Social Demokratike.

Daçiç: Dialogu me Kosovën do vazhdojë kur të zbardhet vrasja e Ivanoviçit

BEOGRAD – Ministri i Punëve të Jashtme të Serbisë, Ivica Daçiç, tha sot se dialogu mes Prishtinës dhe Beogradit do të vazhdojë atëherë kur pala serbe do të marrë informacione konkrete mbi zbardhjen e vrasjes së liderit të SDP-së, Oliver Ivanoviç ne Mitrovicë.

“Vrasja e liderit të SDP-së, Oliver Ivanovic, është një kërcënim për stabilitetin në rajon dhe vazhdimin e dialogut për normalizimin e marrëdhënieve mes Prishtinës dhe Beogradit” tha Daçiç.

Kreu i diplomacisë serbe shtoi se presin nga Prishtina zyrtare dhe nga autoritetet ndërkombëtare prezente në Kosovë zbardhjen sa më të shpejtë të krimit të kryer në veri të Mitrovicës.

“Pala jonë është e përkushtuar në dialog, por ne nuk do t’i vazhdojmë këto bisedime pa pranuar informacion konkret lidhur me krimin e ndodhur”-shtoi Daçiç, njofton Lajmi.net.

Daçiq foli edhe për anëtarësimin e Serbisë në Bashkimin Evropian, duke thënë që një gjë e tillë potencialisht do të ndodhë në vitin 2025 dhe kjo është gjë e mirë për shtetin serb.

Aksident trafiku në Turqi, 11 të vdekur dhe 44 të plagosur

Të paktën 11 persona e kanë humbur jetën ndërsa 44 të tjerë janë plagosur në një aksident trafiku në Eskisehir të Turqisë qendrore

ESKISEHIR – Të paktën 11 persona e kanë humbur jetën ndërsa 44 të tjerë janë plagosur në një aksident trafiku në Eskisehir të Turqisë qendrore.

Sipas informacioneve shoferi i autobusit, nga shkaqe ende të panjohura është përplasur me pemët përskaj rrugës. Në autobus ndodheshin pasagjerët të cilët nga Ankaraja udhëtonin për në Bursa.

Guvernatori i Eskisehir-it, Ozdemir Cakacak dhe shefi i policisë Engin Dinc vizituan udhëtarët e shtruar në spital. Cakacak konfirmoi se në këtë tragjedi 11 persona humbën jetën.

Ai tha se të lënduarit nuk kanë plagë serioze dhe se kryesisht bëhet fjalë për fraktura. Guvernatori u dërgoi ngushëllime familjeve të viktimave ndërsa të plagosurve u dëshiroi shërim të shpejtë. aa

“Vdekje e shqiptarëve”, nisin kërcënime ndaj shqiptarëve në Serbi, pas vrasjes së Ivanoviçit

Lidhja e Social Demokratëve të Vojvodinës sot e dënoi me forcë grafitet anti-shqiptare të shënuara në një ndërtesë private në Crvenkë, në pronësi të një personi me kombësi shqiptare.

Grafitet përmbajnë mesazhe kërcënuese si shenjë hakmarrë për vrasjen e Oliver Jovanoviç duke shkruar “Vdekje për shqiptarët”, në murin e një furre të bukës në pronësi të një shqiptari në Crvenkë.

Oliver Ivanoviç varroset në Beograd Oliver Ivanoviç

Familja e Ivanoviçit, gruaja Milena dhe vëllai Miroslav, nga ora 10:00 morën ngushëllime para kortezhit në Varrezat e reja, ku prej mbrëmë u ekspozua arkivoli me kufomën e Ivanoviçit me ç’rast qytetarët i shprehnin nderime

BEOGRAD – Në prani të disa mijëra njerëzve në Alenë e qytetarëve të shquar në Varrezat e Reja në Beograd u varros udhëheqësi i Nismës Qytetare “Liri, Demokraci, Drejtësi”, Oliver Ivanoviç, i cili para dy ditëve u vra në veri të Mitrovicës në Kosovë.

Familja e Ivanoviçit, gruaja Milena dhe vëllai Miroslav, nga ora 10:00, morën ngushëllime para kortezhit në Varrezat e reja, ku prej mbrëmë u ekspozua arkivoli me kufomën e Ivanoviçit , me ç’rast qytetarët i shprehnin nderime.

Peshkopi i Rashkës-Prizrenit Teodosije tha se Ivanoviç nuk e ka drejtuar gishtin e tij tek njerëzit, por ai ka folur për problemet që duhet të zgjidhen së bashku dhe se “çështja e Kosovës nuk ishte çështje politike, por një çështje se si të përmirësohet jeta në jug dhe në veri të Ibrit” dhe se atë jo rrallë herë e respektuan edhe shqiptarët.

“Oliver qëndron me ne si një simbol i vendosmërisë sonë për të qenë vetë, luftën për të vërtetën dhe drejtësinë”, tha peshkopi Teodosije.

Në mesin e të pranishmëve ishin shumë miq dhe bashkëpunëtorë të afërt të Ivanoviçit. Delegacionin e Qeverisë së Serbisë e kryesonte kryeministrja Ana Brnabiç.

Ivanoviç është vrarë më 16 janar para zyrës së Nismës Qytetare “Liri, Demokraci, Drejtësi” në Mitrovicë. aa

Gjenerali serb: Pas vrasjes së Ivanoviçit nuk qëndron faktori shqiptar

Gjenerali Miomir Stojanoviç, ish-drejtori i Agjencisë Ushtarake të Sigurisë Serbe dhe ish-kryetari i Komitetit Parlamentar për Kontrollin e Shërbimeve të Sigurisë, ka vlerësuar se pas vrasjes së politikanit serb në veri të Mitrovicës, Oliver Ivanoviç, me siguri nuk qëndron faktori shqiptar, ka deklaruar Stojanoviq për mediet serbe

“Vlerësimi im se pas kësaj vrasjeje nuk qëndron faktori shqiptar, pasi që ata kanë mundur ta vrasin kur kanë dashur, por nuk e kanë bërë një gjë të tillë. Mendimi im është që kjo është vrasje me motive politike ose pjesë e grupeve kriminale në veri të Kosovës”, ka deklaruar Stojanoviq, transmeton “Zëri”.

Vrasjen me motive politike ky i fundit e ka sqaruar se kjo ka ndodhur në kohën kur kanë rifilluar bisedimet për Kosovën në Bruksel, ndërsa Ivanoviq ka qenë “shumë i respektueshëm mes komunitetit serb në Kosovë”.

Serbia kërcënoi Kosovën me ushtri, ja si përgjigjet KFOR

Vrasja e kryetarit të Iniciativës Qytetare “Liria, Demokracia, Drejtësia” (SDP) Oliver Ivanoviç, ka ngritur shumë reagime dhe tensione ndërmjet Kosovës dhe Serbisë.

Mes shumë deklaratave dhe reagimeve, Ministri i Mbrojtjes së Serbisë, Aleksandër Vulin, ka dhënë një mesazh të qartë për zhvillimet e fundit në vend duke thënë se ushtria e Serbisë është e gatshme të reagojë ndaj çfarëdo kërcënimi për qytetarëve serbë kudo që jetojnë.

“Ushtria e Serbisë është e gatshme të mbrojë çdo pjesë të territorit tonë dhe jemi mjaft të organizuar dhe të përgatitur për të gjithë qytetarët e Serbisë dhe i sigurojmë se paqja dhe stabiliteti i vendit tonë nuk mund të rrezikohet, nëse ushtria serbe është këtu”, ka thënë të mërkurën Vulin.

E nga ana tjetër, deklarata e Vulinit nuk është shqetësuese për forcën ushtarake të vetme që ofron paqe dhe siguri në vend, KFRO-in.

Zëdhënësi i KFOR-it, Vincenzo Grasso, në një përgjigje për portalin ‘arbresh.info’ lidhur me deklaratën e Aleksandër Vulinit ka thënë se KFOR-i vazhdon të garantojë një mjedis të sigurt dhe të lirë për të gjithë qytetarët e Kosovës.

“KFOR vazhdon të garantojë një mjedis të sigurt dhe të garantojë një liri të lëvizjes nëpër Kosovë, nën dispozitat e rezolutës së OKB-së 1244 për të gjithë qytetarët e të gjitha etniteteve. KFOR mbetet vigjilent, dhe duke punuar në bashkëpunim të ngushtë me organizatat vendëse dhe ndërkombëtare të sigurisë”, thotë në përgjigje Grasso.

Portali “arbresh.info” i ka dërguar pyetje edhe Forcës së Sigurisë së Kosovës për deklaratat e shefit të ushtrisë serbe, por Ibrahim Shala, drejtor i Departamentit për Marrëdhënie më Publikun në Ministrinë e Forcës së Sigurisë ka thënë se FSK nuk është përgjegjëse për ruajtjen e sigurisë dhe rendit.

“Përgjegjës për ruajtjen e rendit dhe sigurisë në Kosovë është Policia e Kosovës dhe KFOR-i”, ka thënë shkurt Shala.

E Drejtori i Policisë së Kosovës, Shpend Maxhuni ka thënë të martën për media se Policia e Kosovës është duke e hetuar më përkushtim të madh vrasjen e politikanit serb në Kosovë.

“Policia e Kosovës me përkushtimin më të madh do të bëjë çdo gjë në mundësitë dhe kapacitetet tona për ta zbardhur këtë rast”, ka thënë Maxhuni.

Kujtojmë se Oliver Ivanoviq u qëllua për vdekje të martën rreth orës 8:10 minuta para selisë së partisë së tij, Iniciativa Qytetare. Sipas autopsisë ai u qëllua në pjesë e sipërme të trupit me gjashtë plumba nga një pistoletë e tipit Zastava M70A, prodhim serb. Trupi i Ivanoviqit u gjet nga një fqinj që ishte duke shkuar në dyqan. Nga hetimet e deri tanishme ende nuk dihet kush janë autorët e kësaj vrasje.

Media kroate: Ivanoviçin ja pse e vrau shërbimi sekret serb

Vrasja e Oliver Ivanoviçit, liderit të Iniciativës Qytetare «Liri, demokraci, drejtësi» e ka tronditur me themel Serbinë e Kosovën, por i ka shqetësuar edhe të gjitha shtetet përreth, të cilat dëshmojnë për tensione të përditshme të ndërsjella të dy vendeve, shkruan portali kroat Dnevno.hr.

Ivanovicin e likuiduar, prokuroria e Kosovës e ka akuzuar për krime lufte mbi popullatën civile në Kosovë, të bëra në vitin 1999 e 2000, duke e paraqitur si komandues të formacioneve paramilitare.

I vrari «i ngacmonte» të tjerët për krime lufte

Dhe deri sa faji i kosovarëve për shumëkënd imponohet si e vetmja përgjigje e arsyeshme në pyetjen se «kush është vrasësi», ndërsa lufta parashihet si rrjedhë logjike, një burim i informuar mirë portalit tonë i ka zbuluar anën tjetër të tregimit.

«Nuk do të ketë kurrfarë pasojash e as që do të ndodhë kurrfarë lufte ndërmjet Serbisë e Kosovës. Është krejtësisht e sigurt se e ka likuiduar shërbimi sekret dhe se Serbia e ka miratuar këtë. Ivanoviqi, në fakt, është shkolluar në Zagreb dhe ka qenë bashkëpunëtor i KOS-it (shërbimit sekret të Armatës Popullore Jugosllave), ndërsa nuk është fshehtësi se ka qenë njeri i besueshëm i Aleksandar Vasileviqit, shefit të shërbimit të KOS-it. Vështirë është të shitet tregimi se shërbimet sekrete nuk kanë ditur se kjo do të ndodhë. Serbia zyrtare vrasjen e Ivanoviqit heshtazi e ka lejuar dhe, nëse nuk ngrihet shumë zhurmë e mediave, për këtë që pasnesër nuk do të flasë më askush». Teoria e burimit të portalit Dnevno.hr mbështetjen e mundshme e ka në faktin se vetëm dy ditë para atentatit, CIA sigurisht e informuar, ka dhënë paralajmërim alarmuese për Kosovën, me të cilin  ka tërhequr vërejtjen për terrorizëm të mundshëm dhe dhunë të motivuar politikisht, e cila paraqitet anembanë vendit.

Është vrarë për të ndaluar bisedimet për njohje? «Serbët nuk e kanë të panjohur ta heqin qafe cilindo politikan të tyre, i cili nuk u shkon për shtati. Ne kemi shërbim jashtëzakonisht të fortë të inteligjencës dhe të paralajmërimit. Kreu i ynë politik është i vetëdijshëm se duhet ta njohim Kosovën… Meqë Ivanoviqi me aktgjykimin për krime nuk u ka pëlqyer kosovarëve, ka qenë zgjidhje ideale për likuidim, me të cilin Serbia do ta drejtonte gishtin kah Kosova. Thjesht, kanë kërkuar mënyrë për t’i ndaluar bisedimet…».   Mbi urgjencën e zgjidhjes së situatës kosovare-serbe, këto ditë kanë bërë të ditur edhe mediat serbe. «Amerikanët tashmë po i humbasin nervat, sepse dëshirojnë ta mbyllin tregimin mbi Kosovën si shtet i pavarur me pranimin në OKB, gjë që pushteti aktual i Beogradit është dashur ta përfundojë në vitin 2015. Tash do të bëjnë gjithçka që të marrin atë që kanë planifikuar, sepse për shkak të premtimeve të kreut shtetëror serb se do të përfundojnë me Kosovën e kanë mbështetur Aleksandar Vuçiqin dhe pushtetin e tij, duke i mbyllur sytë para shuarjes së opozitës dhe censurën e mediave».

A është kjo vrasje zgjidhje të cilën e ka miratuar vetë Aleksandar Vuçiqi për t’iu shmangur njohjes së Kosovës, sigurisht se kurrë nuk do të merret vesh. Mirëpo, se si i është drejtuar në mënyrë dramatike publikut  ka zbuluar më shumë se sa është dashur. Vuçiqi, në fakt, ka shprehur dëshirën që Serbia t’i bëjë hetimet, ka premtuar zbulimin e vrasësit dhe i ka qëruar hesapet me të gjithë ata të cilët «kanë marrë guximin të mendojnë se ai personalisht ka ndonjë lidhje me këtë».

Dialogplus

Ekzekutimi i Ivanoviçit – Serbia ka informacione sekrete për vrasësin

Drejtori i Policisë serbe, Vladimir Rebiq, ka thënë se ende nuk kanë përgjigje nga EULEX-i dhe UNIMK-u lidhur me kërkesën e Serbisë për të përfshirë autoritetet në hetimin e vrasjes së Oliver Ivanoviçit.

“Pronari i makinës së djegur në Mitrovicë është një serb nga Austria, i cili ka kohë që ka vdekur”, ka thënë Rebiq për RTS, raporton B92.

Rebiq ka theksuar se ky informacion është i saktë pasi e kanë marrë konfirmimin e policisë austriake, duke shtuar se janë duke bërë përpjekje të gjendet blerësi i fundit i automjetit.

Sipas tij, autoritetet serbe kanë disa njohuri që tregojnë për ekzekutuesit e mundshëm të vrasjes së Oliver Ivanoviqit.

“Ne kemi informacion lidhur me pronarin e këtij automjeti dhe jemi duke u përpjekur të mbledhim informacione të tjera. Nuk mund të tregoj më shumë detaje pasi do të rrezikohet hetimi”, ka thënë drejtori i Policisë serbe, raporton Express.

Ai ka thënë se Ministria e Brendshme dhe BIA janë duke mbledhur informata dhe prova që do të çojnë deri të kryesit e veprës dhe krijuesi i këtij krimi.

“Unë besoj në policinë serbe dhe në BIA, në sajë të burimeve njerëzore dhe materiale ne do të jemi në gjendje të gjejmë kryesin dhe atë që e ka urdhëruar këtë vrasje”, ka përfunduar Rebiq. Oliver Ivanoviq u vra mëngjesin e së martës në Mitrovicën veriore.

B92: Vuçiçi do të kalojë të shtunën e të dielën në Kosovë

VOAL – Në faqen e tij në internet, radiotelevizioni B92, njofton se presidenti Vuçiç do të kalojë të shtunën dhe të dielën në Kosovë, lajmin e ka bërë të ditur të martën kabineti i presidentit serb.

Vuçiçi, sipas B92, do të vizitojë Mitrovicën, Graçanicën dhe Llapja Sellën të shtunën në mbrëmje, në mënyrë që të qëndrojë e të bisdojë me serbët në Kosovë.

B92 njofton se më herët të martën Vuçiçi tha se vrasja e politikanit serb Oliver Ivanoviç në veri të Kosovës ishte një akt terrorist dhe Serbia do ta trajtojë si akt terrorist.

Sipas B92, Vuçiçi njoftoi se Serbia iu ka kërkuar EULEX-it dhe UNMIK-ut të marrë pjesë në hetimin në territorin e Kosovës.

Administrata Trump mbush një vit

Më 20 janar, Presidenti Donald Trump shënoi vitin e tij të parë në detyrë. Viti i parë i Presidentit Trump ishte plot ngjarje dhe shumë i ndryshëm nga çdo president tjetër në historinë politike amerikane të dekadave të fundit. Viti 2018 mund të ofrojë pak a shumë të njëjtën gjë. Korrespondenti i Zërit të Amerikës Jim Malone na jep këtë vështrim.

Presidenti i 45-të i Amerikës e nisi me një fillim të guximshëm.

“Duke filluar nga kjo ditë do të jetë vetëm Amerika e para, Amerika e para,” tha ai.

Pa humbur kohë, ai filloi punën për të shfuqizuar urdhrat ekzekutivë të paraardhësit të tij Barak Obama dhe plotësoi vendin e mbetur bosh në Gjykatën e Lartë.

Fitorja e tij më e madhe, një ligj gjithëpërfshirës për shkurtimin e taksave erdhi në dhjetor, pas 11 muajsh në detyrë.

“Pra, ja ky këtu është ligji dhe ne jemi shumë krenarë që ia dolëm. Do të jetë diçka e jashtëzakonshme për popullin amerikan; do të jetë fantastike për ekonominë,” tha Presidenti Trump.

Miratimi i ligjit për taksat mund të ndihmojë republikanët në zgjedhjet e mesmandatit në nëntor të këtij viti, thotë analisti John Fortier:

“Republikanët arritën ta miratojnë ligjin për taksat, një ligj i rëndësishëm. Kjo për ta ishte një arritje e madhe, që i ka vënë në udhë më të mirë”.

Viti i parë për Presidentin Trump ishte me shumë pengesa, siç ishte dështimi i përpjekjeve për të shfuqizuar ligjin shëndetësor të Presidentit Obama, shpërthimet e shumta në Twitter dhe, nganjëherë, retorika fyese, siç ishin komentet e fundit vulgare për Haitin dhe vendet afrikane.

Kjo nxiti zemërimin e demokratëve, si senatori Cory Booker:

“Këto fjalë nuk treten si mjegulla në ajër. Ato ngjisin, kthehen në helm dhe janë pasaportë për fanatizëm dhe urrejtje në vendin tonë”.

Stili polemik dhe ndonjëherë polarizues i zotit Trump vazhdon ta dëmtojë atë në sondazhe, pavarësisht nga ekonomia e fortë, thotë analisti John Hudak:

“Mendoj se njerëzit e gjykojnë zotin Trump nga shumë aspekte, jo thjesht nga ekonomia dhe kjo shpjegon vlerësimin e tij të ulët në sondazhe.”

Niveli historikisht i ulët i vlerësimit për presidentin Trump mund t’u japë dorë demokratëve të marrin më shumë vende në zgjedhjet e mesmandatit për Kongres, thotë analisti Larry Sabato.

“Kur vjen vala, uji të merr me vete dhe nuk bën dallim mes atyre që e identifikojnë veten me një president jopopullor dhe atyre që u përpoqën të mbajnë distancë me të.”

Për vitin 2018, zoti Trump shpreson se një ekonomi e fortë do të përmirësojë sondazhet në favor të tij.

Por, mundësia e humbjeve në zgjedhjet e nëntorit dhe hetimet për çështjen e Rusisë që nuk po njohin fund, mund ta bëjnë vitin e dytë të Presidentit Trump edhe më sfidues se i pari.

E ardhmja e lëvizjes #MeToo

Aktivistet feministe amerikane nga i gjithë spektri politik po parashikojnë një vit trazirash në 2018-ën, pas akuzave për sulme seksuale të profilit të lartë, të cilat diskredituan figura të shquara në botën e argëtimit, biznesit dhe politikës.

Në prag të një vjetorit të marshimit të grave më 21 janar, të cilin disa e kanë cilësuar si katalizatorin kryesor për ndryshimet që përmirësuan jetën e grave në vitin 2017, aktivistet thonë se lëvizja #Metoo, ndërsa vazhdon, është në rrezik të fragmentohet.

“Nëse historia është një udhëzues, viti 2018 do të jetë shumë i çrregullt”, tha feministja Jennifer Baumgardner në një intervistë të kohëve të fundit për shërbimin shqip të Zërit të Amerikës. “Historikisht, kur ka një rritje të madhe të feminizmit, ajo shoqërohet me shpejtësi nga ndarjet dhe ballkanizimet”.

Megjithëse zonja Baumgardner mirëpret klimën e re në të cilën gratë ndjehen të lira të flasin për ngacmimet seksuale, “Unë mendoj se shumë nga këto raste që po përbëjnë lajm, duken shumë të pasinqerta për mua, sepse ato po shpërndahen për qëllime partiake”, tha zonja Baumgardner , ish-redaktore e revistës feministe të majtë dhe producente e dokumentarit me ndikim të vitit 2013 “Ishte Përdhunim”.

Temperaturat e ulëta në SHBA, dallgë të mëdha dhe plazhe të ngrira në Çikago

Stuhia e borës dhe temperaturat e ulëta ndikojnë negativisht në jetën e banorëve në verilindje të SHBA-së

ÇIKAGO – Moti me stuhi ka shkaktuar ngritjen dallgëve edhe në disa metra në zonën e Çikagos në SHBA.

Temperaturat e ulëta çuan në ngrirjen e pjesshme të parkut të plazhit Whihala. Stuhitë e borës dhe temperaturat e ulëta kanë një ndikim negativ në jetën e banorëve në verilindje të SHBA-së.

Më shumë se 100 mijë njerëz në verilindje të vendit kanë mbetur pa energji elektrike. Mbi 3.000 fluturime janë anuluar për shkak të stuhisë së madhe në ditët e kaluara. Gjithashtu edhe në aeroportin JFK të New Yorkut fluturimet u anuluan. Fluturimet në aeroportin JFK në New York u pezulluan gjithashtu.

Për shkak të motit të ftohtë, në gjashtë ditët e fundit jetën e kanë humbur 17 persona. aa

“Shutdown” në SHBA – asnjë marrëveshje për financimin e administratës federale e bllokim i aktiviteteve jo të domosdoshme

VOAL – Senati i SHBA, me një shumicë të vogël repulikane, nuk e ka miratuar ligjin e financimit, duke shkaktuar kështu “shutdown”-in, bllokimin e aktiviteteve jo të domosdoshme të administratës federale për mungesë fondesh. Votimi është përmbyllur 50-49. Për ta miratuar ligjin duheshin 60 vota. Kjo ndodh ditën kur presidenti Trump bën vitin e parë në drejtimin e Shteteve të Bashkuara.

Për miratimin e tekstit, demokratët kërkonin konfirmimin e përkujdesjes ndaj ‘dreamers’, të rinjve emigrantë që kanë ardhur në moshë të vogël me prindërit klandestinë.

Demokratët shpallen në një komunikatë të Shtëpisë së Bardhë përgjegjës të situatës bllokuese, ndërsa demokratët thonë se faji bie mbi Donald Trumpin,  i cili javën e shkuar kishte refuzuar një propozim bipartizan për të dalë nga ngërçi, pavarësisht takimeve ku dukej se po gjendej një spirale për rrugëdalje.

Për SHBA nuk janë të reja sitata të tilla. Herën e fundit shutdown ndodhi më 2013 me presidentin Barack Obama.

Sekretari Mattis bëri të njohur strategjinë e re të mbrojtjes

Sekretari amerikan i Mbrojtjes Jim Mattis thotë se Shtetet e Bashkuara po humbasin avantazhin ushtarak ndaj Kinës dhe Rusisë, duke vënë theksin tek sfidat kryesore të forcave të armatosura amerikane.

Konkurenca e fuqive të mëdha, jo terrorizmi, është tashmë fokusi kryesor i sigurisë kombëtare të SHBA“, – tha zoti Mattis të premten, pasi prezantoi në Uashington atë pjesë të Strategjisë të Mbrojtjes Kombëtare të administratës Trump që nuk përmban informacion të klasifikuar.

Dokumenti akuzon Kinën për “ekonomi grabitqare që ka për qëllim të frikësojë fqinjët” dhe se ka ndërtuar e pajisur ushtarakisht ishuj të rremë në Detin e Kinës Jugore.

Dokumenti pohon se Rusia ka shkelur kufijtë fqinjë dhe se po kërkon të shkatërrojë NATO-n me qëllimin “për të ndryshuar në favor të saj strukturat e sigurisë dhe ato ekonomike të Evropës dhe t[ Lindjes së Mesme“.

Zoti Mattis foli gjithashtu për “regjime mashtruese” të tilla si Koreja e Veriut dhe Irani që po vazhdojnë siç tha ai “veprimet që kërcënojnë stabilitetin rajonal, madje edhe atë botëror” ndërsa “shtypin popullin e tyre”.

Terrorizmi, që konsiderohej prioritet kryesor në fushën ushtarake në dy administratat e mëparshme, është ende një shqetësim për Shtetet e Bashkuara pavarësisht nga rënia fizikisht e kalifatit të Shtetit Islamik në Irak dhe Siri.

Në Strategjinë Kombëtare të Mbrotjes udhëzohet se Shtetet e Bashkuara do të vazhdojnë të mohojnë “parajsat” terroriste anembanë globit, ndërsa modernizojnë ushtrinë në një mënyrë që është “e përshtatshme për kohën”.

Sipas dokumentit përpjekjet për modernizim do të përqëndrohen tek kapacitetet bërthamore, sistemet e mbrojtjes me raketa, hapësira, përfshirë ato virtuale.

Zoti Mattis tha gjithashtu se Departamenti i Mbrojtjes do të përqëndrohet tek puna me aleatët, të cilët “mbajnë pjesën e tyre të barabartë” të barrës për sigurinë, gjatë ndërtimit të partneriteteve të reja anembanë globit.

Forca në rritje ekonomike e demokracive dhe partnerëve të sotëm dikton se duhet të bëjnë më shumë” tha ai.

Sekretari i Mbrojtjes Mattis tha se që proceset ushtarake amerikane duhet të jenë “miqësore ndaj aleatëve” dhe të gatshëm të ndikohen nga miqtë besnikë të Amerikës.

Jo të gjitha idetë e mira vijnë nga vendi me më shumë aeroplanmbajtës”, tha ai.

Presidenti Trump iu drejtua aktivistëve në Marshimin Vjetor për Jetën

Presidenti Donald Trump tha në një fjalim që mbajti të premten në një tubim të aktivistëve që morën pjesën në Marshimin Vjetor për Jetën, se administrata e tij “do ta mbrojë gjithmonë të drejtën e parë të Deklaratës së Pavarësisë, që është e drejta për jetën.”

Zoti Trump u foli aktivistëve përmes videos, nga Kopështi i Trëndalifilave i Shtëpisë së Bardhë, i rrethuar nga pjesëmarrës në aktivitetet kundër abortit.

Ai tha, “E ardhmja e Amerikës do të mbushet me të mira, paqe, gëzim, dinjitet dhe jetë për çdo fëmijë të zotit.”

Më parë, të premten, Presidenti Trump e shpalli 19 janarin “Dita Kombëtare e Shenjtërisë së Jetës”.

Shtëpia e Bardhë lëshoi një deklaratë, ku thuhej se Departamenti i Shëndetësisë dhe Shërbimeve Njerëzore do të propozojë kufizimin e fondeve të taksapaguesve, që ato të mos përdoren nga grupe që mbështesin politika, apo praktika diskriminuese; për të mbrojtur amerikanët që kanë besime fetare dhe morale, që lidhen me disa shërbime të kujdesit shëndetësor” dhe për të pranuar se Amerikanët nuk duhen diskriminuar për besimet e tyre fetare, apo morale kur marrin shërbime të tilla të kujdesit shëndetësor.

Në takim foli edhe nënpresidenti Mike Pence, i cili njihet prej vitesh si mbështetës i Lëvizjes për Jetën. Ai e cilësoi Donald Trumpin si “presidentin më pro-jetës në historinë amerikane.”

Aktivistët kundër abortit shpresojnë se administrata Trump do t’i mbështesë përpjekjet e tyre për ta nxjerrë abortin jashtë ligjit.

Qeveria e SHBA-së përballet me mbyllje

Qeveria e Shteteve të Bashkuara, mesnatën e 19 janarit (sipas kohës lokale), përballet me mbyllje, nëse demokratët dhe republikanët nuk arrijnë marrëveshje për ligjin e financimit.
Dhoma e Përfaqësuesve, një ditë më herët, e ka miratuar një ligj për të zgjatur fondet deri më 16 shkurt.
Në Senat, megjithatë, demokratët kanë thënë se do ta pengojnë legjislacionin, nëse nuk negociohet marrëveshja për mbrojtjen nga dëbimi të rreth 700,000 emigrantëve që kanë arritur në SHBA si fëmijë dhe kanë qëndruar atje ilegalisht.
Shtëpia e Bardhë njoftoi se presidenti Donald Trump nuk do të shkojë në Floridë për fundjavë, siç ka qenë e planifikuar, nëse nuk miratohet ligji i financimit.
Nëse mbyllet qeveria, shërbimet jetësore, si inspektimi i ushqimeve, kontrollimi i sigurisë në aeroporte dhe zbatimi i ligjit federal do të vazhdojnë.
Punonjësit federalë, megjithatë, nuk do të paguhen.

Presidenti Trump viziton Pentagonin për të shprehur mbështetjen për ushtrinë

Presidenti Donald Trump kritikoi Kongresin për mënyrën lidhur me buxhetin dhe paralajmëroi se një mbyllje e mundshme e qeverisë do të kishte pasoja “shumë negative” për ushtrinë.

Një masë për financimin e përkohshëm të qeverisë, skadon të premten në darkë, duke sjellë mbylljen e qeverisë të shtunën nëse republikanët dhe demokratët në kongres nuk bien dakord.

“Negociatat për buxhetin duhet të menaxhohen ndryshe. Nëse për çfarëdolloj arsyeje, qeveria mbyllet, do të ishte gjëja më e keqe që do t’i ndodhte ushtrisë sonë”, tha ai gjatë një vizite në Pentagon.

Zëdhënësja e Pentagonit, Dana White i tha Zërit të Amerikës se “fokusi kryesor i vizitës së Presidentit ishte diskutimi i pasojave të mbylljes së mundshme të qeverisë dhe masave për financimin e përkohshëm, tek Departamenti i Mbrojtjes”.

Ajo tha gjithashtu se presidenti dhe nënpresidenti do të flisnin me Sekretarin e Mbrojtjes, Jim Mattis për Strategjinë Kombëtare të Mbrojtjes që ky i fundit do t’ia paraqesë publikut të premten.

Presidenti Trump tha të enjten se ai kishte shkuar në Pentagon për të shprehur mbështetjen për ushtrinë, që siç tha ai do të kishte pasoja të konsiderueshme pa fondet e nevojshme.

Ai shtoi se vendi kishte nevojë për një ushtri të fortë “ndoshta më shumë se asnjëherë tjetër në të kaluarën”.

Trumpi ‘tërbohet’, nxjerr nga zyra gazetarin e CNN

Presidenti amerikan Donald Trump behet serish lajm ne media me sjelljen e tij. Kete radhe ka nxjerre jashte nga Zyra Ovale e Shtëpisë së Bardhë reporterin e CNN, Jim Acosta. Mediat e huaja qe transmetojne lajmin bejne me dije se gjithcka ndodhi gjatë një konference për media, ku Trump u përplas me gazetarin.

Ai këmbëngulte në pyetjet që kishin të bënin me deklaratat raciste të Trump ndaj shteteve të varfra.

“A keni thënë që doni që në Amerikë të vijnë njerëz nga Norvegjia? A është kjo e vërtetë?”, pyeste Acosta me këmbëngulje.

Trump reagoi me pergjigje te prere: ‘dua që njerëzit të vijnë në Amerikë nga çdo shtet’.

Megjithatë, gazetari i CNN nuk u ndal dhe e pyeti sërish nëse ai ka dëshirë që në Amerikë të vijnë njerëz me ngjyrë nga vende të ndryshme.

Këtu Trump shpërtheu dhe e urdhëroi gazetarin të dilte jashtë. I drejtoi gishtin dhe i tha: Jashte…

Por nderhyri stafi i tij. Gazetari nuk e ka lene me kaq, por ka komentuar ne Twitter gjithe sa ndodhi.

Puigdemont kandidat për president të Katalonjës

VOAL – Presidenti i Parlamentit katalan, Roger Torrent, shpalli se do të paraqesë emrin e Carles Puigdemont si kandidat për president të Katalonjës.

Emri i Puigdemont, i mbështetur nga fronti indipendentist që e ka shumicën absolute, është emri i vetëm që është lakuar gjatë konsultimeve mes grupeve politike ditëve të fundit, ka saktësuar Torrent. Sesioni i zgjedhjes së presidentit të ri katalan është parashikuar brenda 31 janarit.

Presidenti i deritanishëm, në azil në Bruksel, ka arritur të hënën në Kopenaghen për  të marrë pjesë në një debat në Universitet. Gjykata Supreme spanjolle ka refuzuar kërkesën për të riaktivizuar mandatin e arrestit evropian ndaj politikanit. Kryeministri Mariano Rajoy ka kërcënuar se do të vazhdojë ta zgjasë mbikqyrjen e Kataonjës nëse Puigdemont do të jetë në mërgim.

Lideri indipendentist, i cili duhet ta formojë qeverinë e re katalane, ka thënëse do të “qeverise nga Brukseli, por jo nga burgu”.

Politikani italian Nicoletti, kryetari i ri i APKE-së

Sesioni dimëror i Asamblesë së Përgjithshme të Këshillit të Evropës të vitit 2018 (APKE) u mblodh me kryesimin e letonezit Boriss Cilevics si anëtari më i moshuar, ku u zgjodh kryetari i ri i APKE-së

STRASBURG – Anëtari i Partisë Demokratike Italiane (PD), Michele Nicoletti, është zgjedhur kryetari i Asamblesë Parlamentare të Këshillit të Evropës (APKE).

Sesioni dimëror i Asamblesë së Përgjithshme të vitit 2018 të APKE-së u mblodh me kryesimin e letonezit Boriss Cilevics si anëtari më i moshuar, ku u zgjodh kryetari i APKE-së.

Parlamentari italian Nicoletti i cili ishte kandidati i vetëm u shpall kryetar pa asnjë votim. Ai në fjalimin e parë të tij si kryetar i APKE-së shprehu falënderimet për gjithë ata që kanë mbështetur kandidimin e tij.

Kryetari i ri 61 vjeçar i APKE-së gjithashtu njihet edhe me profesionin e tij si profesor i filozofisë politike. aa

Austri, mbahet vallëzimi tradicional i luleve në Vjenë

Fillimisht për dekorim u përdorën orhidetë në ngjyra të ndryshme si dhe tulipanë, trëndafila, karafilë dhe zambakë

VJENË – Në praninë e një numri të madh të qytetarëve në sallën Rathaus të kryeqytetit austriak Vjenë, u mbajt vallëzimi i 96-të i luleve.

Vallëzimi i sivjemë u mbajt nën moton “loja e ngjyrave”, kurse brendia e bashkisë së qytetit ishte dekoruar me lule të llojllojshme.

Ngjyrat kryesore të luleve janë e verdhë e çelët, e bardhë, kaltër e çelët dhe rozë. Fillimisht për dekorim u përdorën orhidetë me ngjyra të ndryshme si dhe tulipanë, trëndafila, karafilë dhe zambakë. aa

Evropë: Nëntë vetë kanë humbur jetën nga stuhia Friederike

Nëntë vetë, përfshirë dy zjarrfikës, janë vrarë nga stuhia e djeshme në pjesën veriore të Evropës, e cila e ka bllokuar edhe trafikun ajror dhe hekurudhor.
Nga stuhia kanë vdekur gjashtë vetë në Gjermani, dy holandezë dhe një person në Blegjikë.
Kjo stuhi me emrin, Friederike, i ka dëmtuar edhe shkollat dhe objektet e tjera në shtetin lindor gjerman, Thueringia, raporton agjencia AFP.
Policia gjermane tha se shpejtësia e erës në disa rajone, kishte arritur edhe 203 kilometra në orë.

Moti me stuhi dhe reshje shkakton 6 viktima dhe shumë dëme në Evropën Veriore

VOAL – Moti me stuhi, që po mbretëron nga e mërkura në shtete të ndryshme të Evropës Veriore, ka shkaktuar deri tani dy viktima në Hollandë, tre në Gjermani dhe një në Belgjikë. Shumë dëme kanë pasur transportet dhe popullsia.

Në Gjermani, për shkak të uraganit “Friederike”, trafiku hekurudhor i linjave të largëta është ndërprerë në gjithë territori. Ndërkohë janë të ndaluar të gjithë trenat në Vestfalinë e Sipërme Renane dhe në Saksoninë e Ulët.

Në gjendje alarmi është edhe Belgjika, Irlanda e Veriut, Skocia, Anglia Veriore transportet janë vështirësuar për shkak të borës. Shkollat janë mbyllur në shumë zona.

Stuhi të fuqishme në Holandë, shikoni si i përplas era njerëzit në tokë (VIDEO)

AMSTERDAM – Stuhi të fuqishme kanë mbërthyer Holandën këto ditë duke shkaktuar kaos në shumë qytete.

Madje edhe aeroporti i Amsterdamit ka pezulluar të gjitha fluturimet, po ashtu edhe shërbimi hekurudhor është jashtë funksionit.

Instituti Mbretëror i Meteorologjisë Holandeze lëshoi një kod të kuq, paralajmërimi më i ashpër i motit, për pjesë të mëdha të vendit të enjten dhe tha se fuqia e erës arriti në 140kph.

Gjithashtu zyrtarët u kanë bërë thirrje njerëzve të qëndrojnë nëpër shtëpi. Videot e mëposhtme tregojnë se si i ka marrë era njerëzit në rrugë.

Juncker: Të gjitha kontestet kufitare në Ballkan duhet të zgjidhen

“Pranimi në Bashkimin Evropian nuk është gjë e lehtë”, ka thënë sot presidenti i Komisionit Evropian, Jean-Claude Juncker.
Zoti Juncker, duke folur në seancën plenare të Parlamentit Evropian në Strasburg, theksoi se “dëshiron tu tregojë shteteve në Ballkan se cilat janë pritjet” e Bashkimit Evropian nga vendet e Balkanit Perëndimor.
Në këtë kuadër ai theksoi:
“Hyrja në Bashkimin Evropian nuk është gjë e lehtë. Ajo nuk bie nga qielli. Duhet të punohet për këtë gjë. Po ashtu, dëshiroj të them në mënyrën më miqësore: të gjitha kontestet kufitare, të cilat ekzistojnë ndërmjet vendeve të Ballkanit Perëndimor, duhet të zgjidhen para anëtarësimit”, tha Jean-Claude Juncker, i cili në fund të muajit shkurt dhe fillim të marsit e viziton rajonin e Ballkanit Perëndimor.

Mogherini bisedë telefonike me presidentët Thaçi dhe Vuçiç

Përfaqësuesja e Lartë e BE-së, Mogherini u bëri thirrje të gjitha palëve të tregojnë qetësi dhe përmbajtje si dhe të lejojnë sundimin e ligjit dhe drejtësinë për të marrë rrugën e saj

PRISHTINË – Përfaqësuesja e lartë e Bashkimit Evropian (BE) për Punë të Jashtme dhe Politikë të Sigurisë dhe zv/presidente e Komisionit Evropian, Federica Mogherini ka zhvilluar bisedë telefonike me presidentin e Kosovës dhe atë të Serbisë, Hashim Thaçi dhe Aleksandër Vuçiç, pas vrasjes së liderit të serbëve të veriut, Oliver Ivanoviç.

Përmes një deklarate në faqen zyrtare të BE-së, thuhet se Mogherini fuqishëm ka dënuar vrasjen dhe se shpreh ngushëllimet e saj për familjen dhe miqtë e Ivanoviçit.

“Ajo theksoi shpresën se autoritetet kompetente të sundimit të ligjit të Kosovës nuk do të kursejnë asnjë përpjekje për të gjetur autorët dhe për të sjell ato para drejtësisë pa u vonuar. Misioni i Bashkimit Evropian për Sundimin e Ligjit, EULEX, do të mbështesë autoritetet në përputhje me mandatin e saj”, thuhet në faqen zyrtare të BE-së.

Mogherini u bëri thirrje të gjitha palëve të tregojnë qetësi dhe përmbajtje si dhe të lejojnë sundimin e ligjit dhe drejtësinë për të marrë rrugën e saj.

Kujtojmë se Ivanoviç u vra sot me armë para zyrës së tij në veri të Mitrovicës.

“Misionet ndërkombëtare në Kosovë dënojnë vrasjen e Oliver Ivanoviçit”

Lidhur me vrasjen e liderin të serbëve të veriut kanë reaguar edhe përfaqësuesit e misioneve të huaja në Kosovë, duke e dënuar të njëjtin.

Shefi i misionit të OSBE-së në Kosovë, Jan Braathu, është shprehur se është i tronditur dhe thellë i pikëlluar pas lajmit për vrasjen e Ivanoviçit në Mitrovicën e Veriut.

“Ai ka qenë një nga përfaqësuesit më të shquar të serbëve të Kosovës për pothuajse dy dekada. Ka treguar angazhim të palodhshëm në të mirë të komunitetit të tij dhe ka qenë bashkëbisedues i vlerësuar në Kosovë,” ka thënë Braathu, njofton misioni i OSBE-së në Kosovë.

Sipas Braathu-t, vrasja e Ivanoviçit është thellësisht shqetësuese.

“E kam pasur privilegjin që ta njoh personalisht për vite dhe gjithmonë e kam admiruar intelektin, qetësinë dhe përkushtimin e tij. Të shohësh vrasjen e një politikani me gjakftohtësi në vitin 2018 në Kosovë është mendim shqetësues. E dënoj në mënyrën më të fuqishme këtë akt mizor dhe i ftoj zbatuesit e ligjit, por edhe akterët tjerë, që të bëjnë gjithçka që munden për t’i sjellë kryerësit para drejtësisë. Ky do të jetë test i rëndësishëm për sundimin e ligjit në Kosovë”, ka theksuar Braathu.

Ndërkaq edhe përfaqësuesi Special i Sekretarit të Përgjithshëm dhe Shef i UNMIK-ut (Misioni i Organizatës së Kombeve të Bashkuara në Kosovë), Zahir Tanin, dënon ashpër vrasjen e Oliver Ivanoviçit.

Në një komunikatë nga zyra për media e UNMIK-ut thuhet se “Ai beson që organet hetuese do të punojnë shpejtë dhe në mënyrë efektive, duke siguruar që të gjitha agjencitë ndërkombëtare në terren janë të gatshme për të mbështetur autoritetet në çfarëdo mënyre që mund të ndihmojnë në kapjen e shpejtë të atyre që janë përgjegjës për këtë krim. Shpreh ngushëllimet e mia të sinqerta dhe ato të gjithë familjes së OKB-së, familjes dhe miqëve të Ivanoviç”.

Gjithashtu edhe ambasadori SHBA-ve në Kosovë, Greg Delawie, ka dënuar në mënyrën më të fuqishme të mundshme vrasjen e Ivanoviçit mëngjesin e sotëm.

“U bëj thirrje të gjitha institucioneve të drejtësisë në Kosovë, veçanërisht tash që policia, prokurorët dhe gjykatat janë të integruara, të hetojnë këtë incident shpejtë dhe në mënyrë profesionale dhe të nxjerrin autorët para drejtësisë. Nxisim të gjitha palët që të shmangin retorikën e rrezikshme, të jenë të qetë në këtë kohë të ndjeshme dhe të ripërkushtohen për të vazhduar punën drejtë normalizimit të marrëdhënieve dhe përmirësimit të jetëve të qytetarëve të Kosovës dhe Serbisë”, ka porositur Delawie, njofton ambasada e SHBA-ve në Kosovë. aa

Vitin e kaluar mbi 15 mijë fëmijë të pashoqëruar arritën në Itali

Në kumtesën e organizatës “Save the Children” thuhet se kjo shifër në vitin 2016 ishte 25.840

ROMË – Më shumë se 15.730 fëmijë të pashoqëruar vitin e kaluar kanë mbërritur në Itali përmes detit, bën të ditur organizata “Save the Children”.

Nga organizata thonë se fëmijët kanë ardhur në Itali të vetëm, pa shoqërues të anëtarëve të familjes ose mbikëqyrjen e një të rrituri.

Më tej theksohet se kjo shifër në vitin 2016 ishte 25.840.

Po ashtu në deklaratë thuhet se më shumë se 380 fëmijë presin për strehim në Itali dhe se për 79 prej tyre nuk është gjetur strehim, pavarësisht se kërkesat e tyre u miratuan.

Ndërkaq, 151 fëmijë presin për miratim nuk dihet identiteti i 154 fëmijëve të tjerë.