I ftuar tek ‘Kafe Shqeto’, SyriTv përballë ‘shënjestrës’ së pyetjeve të drejtpërdrejta të gazetarit Flavio Qarri ishte ftuar i riu Arti Tamburi, GjenerataZ i cili mori pjesë në takimin e organizuar në Michigan të Edi Ramës me diasporën. Ky takim ishte organizuar në masa të forta sigurie nën drejtimin e Pjerin Ndreut, kryebashkiakut të Lezhës, një ish kryepolici, e megjithatë Arti Tamburi i dha një mësim shumë të kultivuar kryeministrit, duke zbuluar realitetin që ai e fsheh përpara kamerave, por që tashmë as nuk mund të fshihet më dhe as mund të mbulohet. Arti Tamburi, përfaqëson brezin e ri, të edukuar, me një formim të shkëlqyer dhe me një ndërgjegjësim të lartë e shqetësim për atë që po ndodh në Shqipëri.

Disa thekse nga intervista e Arti Tamburit:

“Realisht ishte vizita e kryetarit të PS-së dhe një manifestim me strukturat partiake patronazhiste atje. Është ironia e ironive që një diasporë që ka përfituar kaq shumë nga liria amerikane të mundohet të instalojë në dheun amerikan një miniaturë të narkodiktaturës” thotë Tamburi në intervistën me video me emisionin ‘Kafe Shqeto’ në Syri Tv.

“Kryeministri ishte me një staf të plotë ministrash, kryebashkiakë, media e lirë nuk u lejua madje dhe ato pamje janë bërë me një vështirësi të madhe. Ishte një ambient shumë policor e patronazhist. Gjithçka ishte e kontrolluar. Pyetjet me sfond kritik nuk lejoheshin” thotë Tamburi për gazetarin Flavio Qarri. 

“Edi Rama përherë ka qenë 100% fasadë e zero përqind substancë, por sot është fasadë e mykur dhe nuk është koha për t’i dhënë patericën por për t’i dhënë shkelmin përfundimtar”

Për ta ndjekur të plotë intevistën klikoni në linkun më poshtë: