Duke publikuar si deklaratën fillestare ashtu edhe atë të një dite më parë, gazetarja Isa Soares nxori në pah mungesën e transparencës në komunikimin zyrtar të Kryeministrit në një media ndërkombëtare.

Kjo nuk është më çështje interpretimi, por një problem që po ekspozohet hapur nga vetë mediat më të mëdha në botë.

Ndërkohë, modeli i reagimit mbetet i pandryshuar: shmangie përgjegjësie, sulme dhe bullizem ndaj gazetarëve, blogerëve dhe qytetarëve protestues, dhe një gjuhë arrogante që tenton të delegjitimojë çdo zë kritik.

E njëjta sjellje reflektohet edhe te një pjesë e madhe e deputetëve dhe ministrave — një kulturë politike e vjetruar, e ashpër dhe joprofesionale, që nuk përfaqëson standardet që kërkon shoqëria sot.

Sot diaspora mblidhet sërish në Tiranë. Autokolona nga e gjithë Europa dhe Shqipëria, dhe mijëra qytetarë që bashkohen nga çdo formë e mundshme.

Kjo nuk është më thjesht protestë. Është një kërkesë e qartë për të vërtetën, transparencën dhe përgjegjësinë. Ky sistem aktual duhet shembur sa me pare.

Sot zëri i qytetarëve duhet të dëgjohet më fort se kurrë. Bashkohu me ne ne oren 19:00. Vendin tone e bejme ne!🫶🏼