Në aktualitetin që po jetohet në Shqipëri,

sot ka nga ata

që kanë besuar tek Edvin Rama,

por nuk besojnë më

dhe dalin publikisht e shqiptojnë qendrimin e tyre!

Ne nuk duhet t’ju kërkojmë llogari përse, qysh e si

apo t’ju kundërvihemi

sepse sot të jesh figurë publike

e të shprehesh publikisht t’i thuash Edvinit nuk të besoj më

kërkon guxim qytetar!

Aq më tepër kur opozita politike për 13 vjet veç na zhgënjeu.

Ne protestojmë jo për riciklime partish

por për Shqipërinë tonë të shtrenjtë

që të jetë për ne shqiptarët

Mëmëdhè dhe Atdhè –

Me shtet të së drejtës –

Që të na garantohet jeta me punë të ndershme e me dinjitet

Dhe jo të jetë më vendi:

që ta rrjepin e ta gëzojnë mes lluksit e privilegjeve

me elitën skllave dhe mediat konformiste që e shkelin lirinë e shenjtë të fjalës

për 35 vjet

e njëjta klasë politike

si gangrenë e kancer

me në majë krye të keqen

Edvin Ramën.

Është imperative duhet ta bëjmë out!

Por kujdes!

Jo duke e zëvendësuar të keqen e madhe me një më të vogël

Por duke sjellë në krye më të mirët,

me meritokraci,

vlerë që kjo klasë politike e ka varrosur

duke favorizuar

veç patronazhistët, militantucët, mediokrët, grabitësit dhe të gjunjëzuarit

që për karierën e lluksin e tyre:

I thonë po padrejtësisë

I thonë po shtetit të kapur

I thonë po Njëshit,

si shkëmbim me kolltukun e deputetit, postin publik të pamerituar, dekoratat që kanë vlerën e copave të teneqeve;

I thonë po apokalipsit kriminal

që po na shpopullon Atdheun!

Vendin duhet ta drejtojnë:

Ata që e duan Shqipërinë dhe Shqiptarët

Jo si lejfenë partish

Por si qytetarë të barabartë

duke iu përkushtuar shtresës vulnerabël,

fëmijëve,

pensionistëve,

atyre që sot politika u ka dhënë vetëm një shans:

të vdesin të përçmuar,

sepse nuk janë klientë të familjes së madhe që ka uzurpuar shtetin dhe pushtetin,

nuk janë puthadorë, nuk janë oligarkë e trafikantë

por janë shqiptarë të ndershëm që për 40 vite punë

marrin pension 80-200 Euro

që mjaftojnë veç për ta dekompozuar qënien shqiptare!

Për Shqipërinë që ëndërruam 35 vjet më parë,

kur ishim të rinj

e protestonim për liri e demokraci

e kishim moshën

e fëmijëve tanë

që sot i japin dritë e frymë

protestës së Revolucionit Flamingo !

Prandaj kauza jonë është hyjnore!

Ne që dështuam t’ju japim fëmijëve tanë Atdheun që merituan!

Tani duhet t’i mbështesim ata

për Shqipërinë,

shtëpinë tonë të përbashkët

me detrat, lumenjtë, liqenet, pyjet me florën e faunën,

me pelikanin kaçurel, flamingot, breshkat, me rërën e mëndafshtë, shkëmbinjtë kryeneçë të bregdetit magjepës,

me malet, me Alpet dhe personazhet e Eposit të Kreshnikëve që fshihen pyjeve të moçëm sa jeta…

Por e para e të parave:

me shtetin e së drejtës

që nuk lejon askënd

Të na e shesi Atdheun!