Sot punon me heshtjen në politikë, në media  e kudo ku ushtron influencë dhe lutet që situatat e jashtëzakonshme të mos t’i ndodhin rreth e rrotull.

Viti i Ri 2026 nuk filloi i tillë ndërkombëtarisht.

SHBA ekstradoi fundjavën e kaluar me një aksion të zbatimit të ligjit dhe të mbështetur ushtarakisht, narkotrafikantin më të kërkuar në hemisferën perëndimore Nikolas Maduro që mbante pushtetin me vota të grabitura dhe i këshilluar prej vitesh dhe intensivisht muajt e fundit për cenimin e sigurisë kombëtare dhe të interesave te SHBA në hemisferën perëndimore.

Viti i Ri nuk filloi i tillë edhe kombëtarisht.

Përveç heshtjes së mazhorancës, por që flet vetëm me gjuhën e propagandës për të zbehur motivimin e popullsisë për nisjen e revoltave, media zyrtare vazhdon dhe hedh shifra mbi turizmin “12 milion ne 2025”, flet për Shqipërinë si Maldivet e Evropës, por edhe më tallëse luan me shifrat e INSTAT-it sipas të cilit janë kthyer në vend rreth 20% e popullsisë nga emigracioni në 12 vitet e fundit(?!).

Një manipulim!

Flitet edhe për një lider piktor si Rama të cilit bojërat ende duket se nuk i kanë mbaruar për t’u kamufluar (maskuar) me to, se po e çon Shqipërinë në Evropë deri në 2030-ën.

E vërtetë!

Dhe po e shpie si modeli i parti-shtetit, i pushtetit të  korruptuar dhe si vendi më i varfër, pa furnizim me ujë, pa energji dhe me infrastrukturë që rrënohet nga vjedhja dhe reshjet.

Dhe mbi të gjitha sot në Ditën e Ujit të Bekuar, Shqipëria duket si një vend i namun dhe një territor ku përmbyten qytete e fshatra dhe madje dhe burgje të sigurisë së lartë.

Kush përgjigjet dhe kush duhet dalë përpara përgjegjësisë sepse nuk vazhdohet dot më me shpërthime dhe shkarkime të kontrolluara.

Ngrehina dhe sistemi i Rilindjes Socialiste po rrezohet.

Gjithçka mund të ndreqet vetëm duke thëne të vërtetën dhe duke vendosur drejtësi.

Mbahet peng sepse Rama i bëri pengesë dhe i shpalli njëkohësisht një sulm drejtësisë në çështjet më të përfolura siç janë thirrja nga SPAK e zv/kryeministres Balluku dhe grupit të strukturuar kriminal në AKSHI-n, ku edhe pse prezumimi i pafajësisë nënkupton hapjen rrugë për hetimet Rama ka ndërhyre me “dominonë e fundit” duke e paraqitur veten palë.

Shumë kujt i kujtohet më parë kur përgjegjësitë ai i quante individuale dhe të pambrojtshme në raport me masat përballe drejtësisë apo edhe pozicioni i preferuar për të mos komentuar për cilëndo çështje, ku si zgjidhje e krizave korruptive shihej ndryshimi i kabinetit qeveritar.

Tryeza nuk ka më gurë dominoje Zoti Rama…

Por shumë po shihet se dominotë rreth e qark teje kanë rënë…

Shihet se dominotë rreth e qark Ramës kanë …

Nuk po shohim ende Dopjo Gjashtën…

Ajo të ka mbetur në dorë!