Vatikani ka publikuar një dokument të ri doktrinar ku nënvizohet se seksualiteti brenda martesës është një dimension i rëndësishëm i marrëdhënies bashkëshortore dhe se roli i tij nuk kufizohet vetëm te riprodhimi.

Në qëndrimin zyrtar, Selia e Shenjtë vlerëson monogaminë dhe lidhjen e qëndrueshme mes bashkëshortëve, duke theksuar se marrëdhëniet intime shërbejnë si shprehje e dashurisë dhe unitetit. Dokumenti thekson se akti seksual duhet “të mbetet i hapur ndaj mundësisë së krijimit të jetës”, por saktëson se kjo nuk nënkupton që çdo marrëdhënie intime duhet të ketë si qëllim sjelljen në jetë të një fëmije.

Ky formulim shihet si një sqarim i rëndësishëm i pozicionit të Kishës mbi rolin e seksualitetit në martesë dhe mënyrën se si ai lidhet me jetën familjare, dashurinë dhe përgjegjësinë e bashkëshortëve./RV