BIBLIO – JETË- Poezi nga RUZHDI GOLE

November 9, 2025

Moikomi

ngjit zbret një kreshtë

hyn e del vjeshtë,

.

asnjëherë s’borëton thëllimët,

.

deti nuk i shkoi njëherë

ta shoh tek ajo varrezë

dhe po shkoj

atje s’i gjen

as shpresë

as  rimë.

.

Moikomit

perëndimeve

në fresk të ftohtë

natyra po ia mbjell

të gjitha mençuritë

ajme, veç lamtumira

.

jo lamtumira, kahera, kozmos.

.

Poetin, në verë, ku ta gjejmë ?

Moikomi hyn në biblio – jetë

gjithandej sa zbret qiejt.

.

Përhera shtëpia e tij më e re

është një hartë lundruese

tekst valë – valë drite

.

për të lexuar shkëmbenj shpella

shteg shenjë këtu atje afër tej

tek të gjitha mbishkrimet.

.

Ne, pranverën tjetër do të takohemi

ende trishtuar gjys’paqtë në paqe,

Moikomi ngjit e zbret kreshtë

dhe ndër më të mëdhenjtë

është më mendjevogëli

për kurora harqe.

• twitter

  Follow
• facebook
• linkedin

Fjalë kyçe: RUZHDI GOLE