Janë ca pragmatistë me demek që u digjet shpirti për Kosovën –

Janë t’Kosovës, shpirtërat e mjerë binjakë me opozitën – që llogaria u shkon me e bë shkaktar Albin Kurtin për rrjedhat e situatës deri këtu –

Janë gati me i çu në gijotinë

Albinin, Vjosën e Donikën, që e përfaqësojnë aq denjësisht Kosovën si brënda sovranitetit shtetëror ashtu në metropolet në Perëndim,

Prej shkurtit e deri sot maxhoranca në Kuvendin e Kosovës ka respektuar procedurat ligjore dhe vendimet e Gjykatës Kushtetuese, e cila nga ana e saj i di shumë mirë afatet dhe konseguencat e vonesave –

Historia moderne e Kosovës është konfiguruar me kontributin e popullit të Dardanisë

për ndryshimet thelbësore në skenën politike –

Albin Kurtin, Vjosa Osmanin, Donika Gërvallën nuk i sollën në pushtet soji i pragmatistëve por vota e Sovranit –

Sovrani voton për një Kosovë demokratike,

e demokracia nuk bën kompromis me standartet e nuk pranon me bashkëqeveris me të korruptuar –

me opozitën, që me autodestruktivizmin e saj i bën selfi vetes –

e Kosova i sheh se me cilët ka të bëjë –

Në fakt Kosova i njeh mirë dhe i ka ndëshkuar e ua ka vendosur kapelën sipas kokës që kanë

Këta 26 vjet Kosova ka shku në mënyrë të vijueshme në zgjedhje –

dhe Sovrani me votë gjithmonë i ka bo katharsis klasës politike të Kosovës,

duke i nxjerrë nga loja elitat e vjetëruara e duke sjellë elitat e reja

Albini, Vjosa, Donika janë elita e re që nuk pranojnë të bashkëqeverisin duke vënë në një balancë shtetin e Kosovës me grykësinë për pushtet të aleancave të konsumuara shterrshëm nga pabesitë ndaj Sovranit –

Elita e re e Kosovës është krijuar nga Sovrani –

e tash i bjen përgjeshmëria rishtas Sovranit të Kosovës me vendosë,

Lavdi popullit të Kosovës që nuk gabon sa herë voton!