Kryetari i Partisë Demokratike, Sali Berisha është shprehur se 3 vite më parë Kryeministri Edi Rama fshiu fotot e tij nga ekspozita e 100 vjetorit të marrëdhënieve me SHBA-të.

Por Berisha thekson se sot, kreu i qeverisë Edi Rama ka zhdukur nga rrjetet sociale të gjitha imazhet me djalin e George Soros, Alex Soros, ndërsa ky i fundit vijon t’i ketë.

Kryedemokrati ka publikuar një video nga rrjetet sociale të Alex Soros dhe Kryeministrit, ku tregon fshirjen e imazheve nga Instagram-i zyrtar i Ramës.

“Kukulla e Xhorxh Soros heq të gjitha fotot me Aleks Soros në instagram! Megjithatë, Aleks vijon ti ketë ato”, shkroi Berisha krahas videos.

Ndërsa në një tjetër postim, kreu i PD-së u shpreh se: “Tre vite më parë Edi Rama dhe Yuri Kim fshinë të gjitha fotot e mia nga ekspozita e 100 vjetorit të marrëdhënieve me SHBA-të. Sot Edi Rama ka fshirë të gjitha fotot e tij me Alex Soros dhe Yuri Kim nga rrjetet sociale. “Woke culture (kultura e fshirjes) miq”. gsh