Kreu i Këshillit Kombëtar të Partisë Demokratike Edi Paloka ka komentuar me një shënim në facebook vizitën e protestës së deputetëve të opozitës në Strasburg.

“PD po përvijohet edhe një herë tek institucionet ndërkombëtare si shpresa e vetme për rikthimin dhe mbrojtjen e vlerave të demokracisë. Besimi në disa raste i tronditur, jo për faj të demokrateve por luftës paprecedent që i është bërë dhe po i bëhet opozitës, po rikthehet i plotë”, shkruan Paloka në postimin e tij.

Mesazhi:

Përpara Parlamentit Evropian, për tu dëgjuar!

Shqipëria nuk mund të lihet nën diktaturën e një burracaku të kontrolluar nga krimi për hir të “stabilitetit” .

Disa personazhe të korruptuar me paratë e narkotrafikut që shpërndan Rama ndër ta, nuk përfaqësojnë institucionet ndërkombëtare, jo ato për të cilat liria e demokracia janë vlera themelore, e tek të cilët ne besojmë.

PD po përvijohet edhe një herë tek institucionet ndërkombëtare si shpresa e vetme për rikthimin dhe mbrojtjen e vlerave të demokracisë. Besimi ne disa raste i tronditur, jo për faj të demokrateve por luftës paprecedent që i është bërë dhe po i bëhet opozitës, po rikthehet i plotë. Zullumi këputet duke u trashur dhe arrestimet e burgosjet politike duke filluar nga lideri i opozitës Sali Berisha, e kanë këputur zullumin e Ramës edhe tek institucionet demokratike! sn