Protestat kundër qeverisë dhe kryeministrit Edi Rama kanë hyrë këtë të premte në ditën e 69-të, ndërsa qytetarët vijojnë të mblidhen çdo mbrëmje në bulevard, duke kërkuar largimin e kryeministrit dhe hetimin e tij nga SPAK.

Prej 68 ditësh, protestuesit kanë shprehur vendosmërinë për të vijuar aksionin qytetar, duke deklaruar se nuk do të tërhiqen deri në dorëheqjen e Edi Ramës.
Në ditën e 69-të, qytetarët pritet të dalin sërish në rrugë, ndërsa protesta pritet të shoqërohet me marshim dhe thirrje kundër qeverisë.

Ndër sloganet që pritet të dëgjohen janë: “Rama në burg, Berisha në burg”, “Shqipëria kërkon revolucion”, “Ju erdhi fundi”, “Edi Rama, jep dorëheqjen”, “Atdheu nuk shitet” dhe “Bashkimi bën fuqinë”.
Protestuesit kanë paralajmëruar gjithashtu përshkallëzim të aksionit, përfshirë bllokimin e rrugëve, nëse kërkesat e tyre nuk merren në konsideratë.

Organizatorët dhe qytetarët pjesëmarrës kanë bërë të ditur se protesta do të vijojë edhe në ditët në vazhdim, duke përsëritur kërkesën për dorëheqjen e kryeministrit dhe hetimin e tij nga SPAK. BW

Pas një marshimi të gjatë në rrugët e kryeqytetit dhe me një pjesëmarrje masive të qytetarëve, është mbyllur protesta e mbrëmshme.

Qytetarët janë shprehur të vendosur se nuk do të dorëzohen dhe se revolta do të vazhdojë deri në dorëheqjen e panegociueshme të Ramës.

Në mbyllje të marshimit, aktivistët theksuan se tashmë po ndjekin një tjetër mënyrë të mbylljes së protestës dhe se çdo natë do të ketë një destinacion të ri për ta përmbyllur protestës. Gjithashtu u theksua se kjo protestë që tashmë vijon prej 68 ditësh, ‘ka nevojë për përshkallëzim”, duke paralajmëruar edhe bllokim rrugësh.

“Çdo natë marshimin do e mbyllim në rrugë të ndryshme, Dhe do bllokojmë çdo rrugë të Tiranës. Kjo protestë ka nevojë për përshkallëzim”, tha një prej aktivistëve.

Marshimi vijoi me thirrjet “Rama në burg Berisha në burg”, Shqipëria kërkon revolucion”, “Ju erdhi fundi”, Edi Rama jepe dorëheqjen”, “Atdheu nuk shitet”, “bashkimi bën fuqinë”.

Protestuesit kanë bërë të ditur se protestat do të vijojnë edhe në ditët në vazhdim. gsh

(Rama, Koçiu, Ibrahimaj, Yzeiri, Salla, Balla, Gonxhe në reklamat vip)

Prej Korrikut 2026 deri në Shtator 2027 qeveria e Rilindjes Socialiste ka projektuar ngritjen e deri në 125 veprimtarive ‘private’ ku shteti merr përsipër edhe humbjet prej tyre në masën 70 %.

Kush nuk do të ishin ata/ato “sipërmarrës të guximshëm” që nuk do t’i pranonin këto kushte (!).

Por pyetjet që shtrohen janë:

1- mbi ç’territor dhe në cilat objekte fizike pronash këto aktivitete biznesi do të ndërtoheshin dhe do të zhvilloheshin?

2- si vepron konkurrenca në ekonominë dhe tregun e lirë?

3- a merren parasysh risku dhe falimentimi?

4-kush përfiton nga përzgjedhja?

etj… ndërsa më kryesorja është se çfarë duan qeveritarët në këto promovime në një kohë kur digjitalizimi dhe format njohëse si tryezat teknike dhe panairet lëvizëse në çdo qytet do të zbulonin lirshëm interesimin, kontaktin dhe bashkëveprimin e njerëzve dhe bizneseve pa ombrellën e influencës politike.

Për ta argumentuar mund të tregojmë se që nga muaji Prill kur kryeministri Rama e hodhi këtë ide që nisi zyrtarisht më 6 Korrik (kur protesta ishte në Ditën e 37-të), deri në fillim të muajit Gusht janë propaganduar nga ATSH dhe mediat pranë qeverisë rreth 50 lajme/veprimtari. Titulljt “Dyfisho Sipërmarrjen Tënde” janë të njëjtë jo vetëm në çdo faqe interneti të ministrive, por edhe më gjerësisht në media ku mbiemrat që shquhen veç Ramës janë Koçiu, Ibrahimaj, Yzeiri, Salla, Balla, Gonxhe*…

Shkak për ta paraqitur këtë frymë propagande u bë një video e publikuar nga  Ministrja e Ekonomisë dhe Inovacionit, Delina Ibrahimaj e cila e promovoi nismën me një subjekt të optikës ku shprehej se do t’ja kalonte fjalën sipërmarrëses e cila nuk tha asgjë veç se pohoi se çfarë Ibrahimaj vazhdonte të tregonte:-“Në biznesin “Europtik”, pata kënaqësinë të bisedoj me Jonidën për rrugëtimin e saj si sipërmarrëse, sfidat që ka kapërcyer ndër vite dhe planet për zgjerimin e mëtejshëm të aktivitetit. Nga një dyqan i vogël i hapur në vitin 2012, Europtik është shndërruar në një biznes të konsoliduar që përfaqëson disa nga markat më të njohura ndërkombëtare të syzeve dhe synon të zgjerohet edhe jashtë Tiranës”.

Përfundimin e nxjerr në këtë rast fjala popullore “Shkoi për vetulla dhe nxjerr sytë”.

Çfarë është ky përdorim i njerëzve në këtë mënyrë?!

Arsyeja me sa shohim është prania e elitës së Rilindjes Socialiste me ‘statusin’ e bamirëses dhe kreditorit ekonomik në shkëmbim të votës që lipset në raundet e ardhshme zgjedhore. “Dyfisho Sipërmarrjen Tënde” nënkupton patronazhimin ekonomik  për të ndikuar në kapitalin politik monopartiak, tashmë vetëm të një grushti njerëzish në pushtet që kanë në duar buxhetin e taksa paguesve, luajnë skemën dhe thellojnë borxhin.

Një krahasim interesant do të ishte edhe rrafshi i dyshimit apo ai i besueshmërisë në raport me nismat e guximshme që ndërmerr qeverisja.

Pra a kanë të drejtë njerëzit të dyshojnë?

Patjetër!

Rezultatet flasin dhe kanë dhënë me dhjetra raste nga një mandat në tjetrin.

Transparenca mungon.

Korrupsioni është thelluar.

Drejtësia është tejngopur me ndalime dhe pezullime individësh deri në nivelet më të larta të shtetit, por ende mbetet duar lidhur e nuk ‘ndjek paranë’ e kamufluar edhe me të tilla skema si programe politike.

Pra një ekonomi me 14.5 miliardë borxhe dhe me guximin e 70% të mbulimit të dështimit ose rrezikut për falimentim, ka mundësinë që të bëjë fushata promovuese dhe reklamat falas nga vip-at e qeverisë nuk ka se si kjo skemë të mos ngjallë dyshime.

Ku shkojnë paratë?

Kujtoni Diellën, AKSHI-n, Durana-n, Inceneratorët, Sterilizimin, etj. për të kuptuar se si kjo qeverisje e nisur para 5 vitesh me 5 shtylla drejt BE-së 2030, por tani “po mbahet” vetëm me njërën, shtyllën e fundit, atë të korrupsionit (pastrimit të parave dhe narkotrafikut).

E ndërsa Protesta Qytetare për Dorëheqjen e kryeministrit Rama për keqmenaxhim dhe korrupsion, pikërisht me burimet e natyrës, cilësisë së ujit dhe ajrit, mbarështimin e pyjeve, ruajten e gjallesës dhe Zonave të Mbrojtura Mjedisore, vijon me Ditën e 68 kuptohet qartazi se projekte si DTS, PPP, “Paketa e Maleve” e të tjera shpikje të politikave rilindase janë në dobi të pasurimit të elitës, klientelës së tyre dhe korrupsionit për të cilat drejtësia i ka plotësisht gjurmët dhe mjetet për ta ndalur.

_______

*DTS-“Dyfisho Sipërmarrjen Tënde”

*Sipas ministrit Gonxhe- Program që nis me paketën e parë prej 250 milionë eurosh dhe mund të mundësojë financime deri në 1 miliard euro.

Parashikon gjithashtu mbështetje për hartimin e biznesplaneve, asistencë teknike nga ekspertë, konsulencë për projektet e investimit dhe orientim gjatë procesit të aplikimit.

6 Gusht, 2026

Për 68 ditë me radhë, në mbarë vendin po zhvillohen protesta masive kundër kryeministrit Edi Rama. Protestuesit kërkojnë njëzëri largimin e tij nga detyra.
Ata janë shprehur të vendosur se kërkesa për dorëheqjen e kryeministrit është e panegociueshme, duke paralajmëruar se protestat do të vazhdojnë deri në realizimin e këtij qëllimi.

Sot shënohet dita e 68 e protestave, ndërsa qytetarët pritet të mblidhen sërish për të përsëritur thirrjen e tyre për dorëheqjen e kryeministrit.
Qytetarët kërkojnë dorëheqjen e kryeministrit Rama dhe qeveri teknike 12-mujore, po ashtu hetimin e kryeministrit Edi Rama nga SPAK.

Protestuesit akuzojnë qeverinë, kryeministrin Edi Rama për keqqeverisje e korrupsion ndërsa shprehen të vendosur se duhet të largohet nga qeveria. bw

Shpenzimet e ulëta publike për shëndetësinë në Shqipëri nuk ndikojnë vetëm te cilësia e shërbimit, por edhe te jetëgjatësia e qytetarëve dhe zhvillimi ekonomik i vendit. Ky është përfundimi i një raporti të përgatitur nga ekspertë ndërkombëtarë për llogari të Dhomës Amerikane të Tregtisë, i cili paralajmëron se nënfinancimi i sektorit po sjell pasoja të rënda si në shëndetin e popullsisë, ashtu edhe në ekonomi.

Sipas raportit, mijëra shqiptarë humbin jetën para kohe për shkak të nivelit të ulët të investimeve publike në sistemin shëndetësor. Përveç kostos njerëzore, dokumenti vlerëson se barra e sëmundjeve ul produktivitetin e forcës së punës, frenon inovacionin dhe shkakton humbje të konsiderueshme ekonomike.

Në vitin e kaluar, shpenzimet publike për shëndetësinë në Shqipëri ishin mesatarisht 330 euro për banor, një nivel rreth pesë herë më i ulët se në vendet e ngjashme të rajonit dhe dhjetë herë më i ulët se mesatarja e Bashkimit Evropian.

Ekspertët argumentojnë se rritja e fondeve publike për rimbursimin e barnave, zgjerimin e aksesit në terapi bashkëkohore dhe forcimin e programeve të depistimit dhe diagnostikimit të hershëm të sëmundjeve do të sillte përfitime të konsiderueshme. Sipas tyre, nëse Shqipëria do t’i afrohej niveleve të financimit të vendeve të rajonit, ekonomia mund të gjeneronte mbi 560 milionë euro prodhim shtesë çdo vit.

Raporti rekomandon që qeveria të ndërmarrë një plan gradual për ta çuar financimin publik të shëndetësisë në 4% të Prodhimit të Brendshëm Bruto deri në vitin 2030, nga 2.9% që është aktualisht.

Për realizimin e këtij objektivi do të nevojiteshin 457 milionë euro financime shtesë. Nga kjo shumë, 287 milionë euro do të përdoreshin për zgjerimin e rimbursimit të ilaçeve, terapive moderne dhe programeve parandaluese, ndërsa pjesa tjetër do të investohej në kujdesin shëndetësor parësor, mbështetjen për personelin mjekësor, mirëmbajtjen e infrastrukturës dhe investimet në dixhitalizim.

Autorët e raportit theksojnë se kjo nuk duhet parë si një barrë për buxhetin, por si një investim me kthim të lartë ekonomik, pasi përmirësimi i shëndetit të popullsisë ndikon drejtpërdrejt në rritjen e produktivitetit dhe zhvillimin ekonomik.

Edhe Organizata Botërore e Shëndetësisë vlerëson se vendet që shpenzojnë më pak se 3% të Prodhimit të Brendshëm Bruto për shëndetësinë janë ato që përfitojnë më shumë nga rritja e investimeve në këtë sektor.

Megjithatë, raporti evidenton se parashikimet e Programit Buxhetor Afatmesëm tregojnë një ulje të mëtejshme të peshës së shpenzimeve publike për shëndetësinë në raport me ekonominë. Sipas autorëve, kjo qasje rrezikon të thellojë kostot sociale dhe ekonomike, në një kohë kur kërkohet rritje e investimeve në shëndetësi. bw

Për 67 ditë me radhë mbahen protesta masive në vend kundër kryeministrit Edi Rama. Shqiptarët njëzëri kërkojnë largimin e kryeministrit.
Ata janë shprehur të vendosur se kërkesa për dorëheqje është e panegociueshme duke paralajmëruar se revoltat do të vazhdojnë deri në largimin e tij.

Edhe këtë të mërkurë qytetarët do të mbushin sërish sheshin para Kryeministrisë për të kërkuar dorëheqjen e Ramës dhe hetimin e tij, gjithashtu edhe të politikanëve të tjerë të korruptuar, që sipas tyre janë përgjegjës për plagët sociale me të cilat përballet vendi, si emigrimi apo varfëria ekstreme

Në javët në vijim pritet të mbahen protesta të mëdha kombëtare me pjesëmarrjen masive të diasporës. bw

Në një kohë kur rezistenca për dorëheqjen e kryeministrit Rama ka hyrë në ditën e 66, ylli i muzikës pop, Dua Lipa dhe shkrimtarja Lea Ypi kanë inkurajuar qytetarët që të vazhdojnë të protestojnë.

Në episodin e radhës të podcast-it Service95 Book Club, dyshja ka ndalur vëmendjen te lëvizjet qytetare në Shqipëri dhe mesazhi që ato përcjellin për përballjen me apatinë politike.

Dua Lipa ka komentuar një nga sloganet e forta të protestës: “Shqipëria nuk shitet”, dhe i është përgjigjur një prej komentuesve të programit i cili ngre pyetjen: “Si mund të shmangim lodhjen nga protestat?”, duke nxitur kështu një diskutim të thellë mbi lëvizjet qytetare në Shqipëri.

Gjatë podcastit, Lea Ypi shprehet se “është e rëndësishme ta shohim demokracinë si diçka që jeton edhe përmes këtyre rasteve të protestës, dhe jo ta reduktojmë demokracinë thjesht në pjesëmarrje në zgjedhje”.

Dua Lipa: Do të doja t’ua kaloja fjalën në këtë moment lexuesve të Service95, sepse kam disa pyetje nga ata për të ndarë. Kjo pyetje lidhet me protestat “Shqipëria nuk shitet”, dhe thotë: “Si mund të shmangim lodhjen nga protestat?” – Cassidy

Lea Ypi: Mendoj se është e rëndësishme ta shohim demokracinë si diçka që jeton edhe përmes këtyre rasteve të protestës, dhe jo ta reduktojmë demokracinë thjesht në pjesëmarrje në zgjedhje, jo ta reduktojmë te elitat ekzistuese, dhe të mos mendojmë se e kemi kryer detyrën thjesht në atë ditë kur kemi shkuar dhe kemi zgjedhur një përfaqësues në vend të një tjetri. Dhe të kuptojmë se në këto raste, protestat mund të jenë gjithashtu krijuese. Ato mund të gjenerojnë ide, mund të gjenerojnë projekte, dhe…

Dua Lipa: Po.

Lea Ypi: Për mua, është shumë përcaktuese t’i përmbahemi kësaj dhe të mos i dorëzohemi apatisë e cinizmit. Dhe këtu, në fillim, njerëzit po këndonin, po kërcenin dhe po u shpërndanin lule policisë, kështu që ishte thjesht një mënyrë vërtet ndryshe për të bërë një protestë…

Dua Lipa: Po, për të protestuar.

Lea Ypi: …të cilën e ndjeva se ishte vërtet frymëzuese dhe mund të shërbente si shembull se si vendet e tjera duhet t’u përgjigjen elitave të tyre dhe t’i përgjigjen kësaj kapjeje oligarkike të politikës.

Për 66 ditë me radhë, në mbarë vendin po zhvillohen protesta masive kundër kryeministrit Edi Rama. Protestuesit kërkojnë njëzëri largimin e tij nga detyra.

Ata janë shprehur të vendosur se kërkesa për dorëheqjen e kryeministrit është e panegociueshme, duke paralajmëruar se protestat do të vazhdojnë deri në realizimin e këtij qëllimi.

Sot shënohet dita e 66-të e protestave, ndërsa qytetarët pritet të mblidhen sërish për të përsëritur thirrjen e tyre për dorëheqjen e kryeministrit.
Qytetarët kërkojnë dorëheqjen e kryeministrit Rama dhe qeveri teknike 12-mujore, po ashtu hetimin e kryeministrit Edi Rama nga SPAK. bw

Protesta popullore nuk do të ndalet as gjatë muajit gusht, pavarësisht temperaturave të larta, kurse në shtator do të zbatohet një strategji e re me kërkesa të njëjta, ku numrat do të rriten së tepërmi dhe kryeministri Edi Rama nuk do ketë pushime të qeta.

Kështu u shpreh aktivisti Erjon Murataj sot në studion e televizionit News24, duke komentuar aktualitetin politik, protestën qytetare, reformën territoriale dhe çështje të tjera që prekin Shqipërinë.

“Kemi parë zbutje të gjuhës së Ramës si pasojë e protestave. Kuvendi një nga instrumentet e nismës së protestës popullore. Protesta qytetare e ka vrarë frikën. Është një detyrim që ia kemi brezave dhe qytetarëve tanë. Protesta është detyrë e çdo qytetari që kërkon një Shqipëri ndryshe”, tha ai mes të tjerash.

Duke komentuar strategjinë e protestës gjatë muajit gusht dhe shtator, Murataj nënvizoi se bërthama e revoltës ka mbetur në shesh pavarësisht vapës, kurse në shtator do të ketë lëvizje më të mëdha.

“Unë mendoj se organizimi tani ka nisur edhe për muajin shtator, i grupuar apo jo, por secili po punon për diçka më të madhe në shtator. Organizimi i protestës do ndryshojë, por kërkesa do mbetet e njëjtë. Nuk do të thotë se nuk do vijojë edhe në gusht, por kufizohet edhe për shkak të temperaturave të larta, por dallohet qartë se ka vendosmëri të qartë dhe numrat do jenë në rritje. Protesta ka faktuar se e ruan bërthamën e saj dhe thirrja mbetet e njëjtë”, vijoi ai.

Murataj paralajmëroi se kryeministri nuk do të ketë pushime të qeta verore, teksa denoncoi edhe planin e kreut të mazhorancës për të kapur reformën territoriale, bashkitë dhe deri te Prokurori i Përgjithshëm.

“E kam thënë dhe e them se Rama nuk është i qetë dhe nuk do ketë pushime të qeta. Ende nuk është bërë lajm, por Rama po fut duart edhe te Prokurori i Përgjithshëm dhe kjo rezonon me frikën e madhe që ai ka për shtatorin. Reforma Territoriale i përgjigjet nevojës ë Ramës për të administruar politikisht territorin dhe jo për shtetbërje. Kryebashkiakët që nuk dalin në protestat për reformën territoriale janë servila të kryeministrit Rama dhe lëpirës të tij. Financat do përqendrohen në qytetet e mëdha dhe ky është problem, kryebashkiaku i Elbasanit nuk mund të kujdeset për nevojat e banorëve të Shalës. Po kështu edhe në Belsh dhe zona të tjera. Jo vetëm Bashkitë nuk duhet të shkrihen, por duhet të rikthehen edhe Komunat”, tha Murataj.

Në fund Murataj falënderoi edhe televizionin “News24” si të vetmen “dritare shprese” për protestën dhe qytetarët shqiptarë, që pasqyron me realitet atë që po ndodh, por edhe hallet e qytetarëve.

Protesta kundër qeverisë hyn sot në ditën e saj të 65-të, duke shënuar mbi dy muaj mobilizim të pandërprerë në rrugët e Tiranës. Edhe këtë mbrëmje, qytetarët pritet të mblidhen para godinës së Kryeministrisë për të vijuar protestën e përditshme, e cila, sipas organizatorëve, do të vazhdojë deri në largimin e kryeministrit Edi Rama.

Ajo që nisi si një reagim ndaj zhvillimeve në Zvërnec është shndërruar në një lëvizje qytetare më të gjerë, me protesta të përditshme kundër qeverisë dhe asaj që organizatorët e cilësojnë si “kastë politike”. Për më shumë se dy muaj, tubimet janë shoqëruar me marshime në rrugët kryesore të kryeqytetit dhe me thirrje të vazhdueshme për ndryshim politik.

Në protestën e një dite më parë, aktivistët deklaruan se nuk do të tërhiqen nga kauza e tyre. Ata përsëritën kërkesën për dorëheqjen e kryeministrit, ndërsa u shprehën se pakënaqësia qytetare po zgjerohet edhe në qytete të tjera të vendit për shkak të reformës së re territoriale, që sipas propozimit të mazhorancës pritet shkrirja e 15 bashkive.

Si çdo mbrëmje, edhe sot protesta pritet të nisë me fjalime para Kryeministrisë dhe të pasohet nga një marshim në rrugët e Tiranës. Organizatorët kanë bërë të ditur se mobilizimi do të vijojë çdo ditë deri në përmbushjen e kërkesave të tyre, duke theksuar se protesta nuk do të ndalet. bw

Lëvizja qytetare që kërkon dorëheqjen e kryeministrit Edi Rama dhe largimin e qeverisë vijon edhe këtë të diel, me protestën e radhës që pritet të nisë në orën 19:00 në sheshin “Skënbderbej”, në Tiranë.

Tubimi i sotëm shënon ditën e 64-të radhazi të mobilizimit, ndërsa organizatorët bëjnë thirrje për pjesëmarrje masive dhe vazhdimin e protestave deri në realizimin e kërkesave të tyre.

Gjatë protestës së 63-të, mijëra qytetarë marshuan në rrugët e kryeqytetit, duke shprehur pakënaqësinë ndaj qeverisë përmes pankartave dhe sloganeve të ndryshme. Mes thirrjeve të dëgjuara ishin: “O milet, Rama ka siklet”, “Rama f*ck you” dhe “140 deputet, Parlament analfabet”.

Protestës iu bashkuan edhe përfaqësues të diasporës, të cilët kërkuan fundin e sistemit aktual politik, dorëheqjen e kryeministrit Edi Rama. bw