VOAL

Please Wait ...
0%

Emisioni ‘Okruzenje’ – Rama dhe Vuçiç, duet televiziv më 27 gusht

By | August 8, 2015

Komentet

A do të ishte Adem Jashari milioner i korruptuar po të ishte gjallë? (Ky është shkrimi për të cilin u dhunua Parim Olluri)

E keni menduar ndonjëherë se si do të ndiheshit nëse dikush do t’iu thoshte se, nëse Adem Jashari do të ishte gjallë, do të ishte një biznesmen i fuqishëm i pasluftës. Do të thoshte se komandanti legjendar do të ishte edhe pronar i Z-Mobile, kompanisë që u përfol shumë për përfshirje në afera korruptive. Ose edhe më keq – nëse sarkazma e bashkëbiseduesit tuaj nuk do të përfundonte me kaq, por do të përfshinte edhe heronjtë tjerë të UÇK-së.

Do të thoshte se Hamëz Jashari do të ishte një nga pronarët më të mëdhenj të fabrikave të privatizuara nëpërmjet aferave korruptive. Apo do të thoshte se, nëse Zahir Pajaziti do të mbetej gjallë, do të ishte pronar i Hotel Grand-it.

Bashkëbiseduesi juaj do të vazhdonte me cinizëm duke thënë se, nëse Fehmi Lladrovci, një prej komandantëve të rrallë që fliste në gjuhën angleze kur intervistohej nga mediet e huaja, do të ishte një prej abuzuesve më të mëdhenj të donacioneve ndërkombëtare.

Po ashtu, cinizmi do të përlyente edhe Luan Haradinajn, duke thënë se ai po të ishte gjallë do të përfitonte nga kompanitë që kontrollojnë importin e disa produkteve në Kosovë Sigurisht, nuk do ta lejoni bashkëbiseduesin që ta vazhdonte sarkazmin e tij. Edhe unë do ta bëja të njëjtën. Madje, do t’i mirëkuptoja edhe ata që e shqyrtojnë seriozisht përleshjen fizike me bashkëbiseduesin cinik. Por, pse të gjithë ndihemi të poshtëruar dhe të fyer kur dikush ironizon me heronjtë e UÇK-së?

Përgjigja është shumë e lehtë. Është e vetmja organizatë që meriton respektin e gjithë neve. Nëse nuk do të ishte UÇK-ja, edhe unë nuk do ta kisha mundësinë që ta shkruaja këtë artikull. Secili nga ne kontribuuam që UÇK-ja të dalë fitimtare përballë regjimit të Millosheviqit.

Për këtë arsye, për të gjithë ne ajo mbetet e shenjtë. Për këtë arsye, të gjithë duhet ta mbrojmë UÇK-në kur ajo sulmohet vrazhdë nga ish-anëtarët e saj, të shndërruar në biznesmenë të korruptuar të pasluftës. Duhet ta sqaroj se pse për mua ishte e rëndësishme që ta nisja në këtë formë sarkastike këtë shkrim. Këtë e bëra për të treguar se sa fyese për UÇK-në tingëllon përfshirja e ish-komandantëve të saj në biznese të dyshimta.

Nëse tingëllon fyese për UÇK-në ndërlidhja e heronjve të vdekur me biznese, është ende me fyese që “heronjtë” e gjallë e kanë bërë realitet këtë ironi. Ata e kanë fyer UÇK-në, duke qenë pronar të bizneseve të ngritura nëpërmjet kriminalitetit.

Kjo është arsyeja se ju nuk duhet t’i mbroni verbërisht ish-komandantët e korruptuar të UÇK-së. Ata, komandantët e korruptuar, e kanë fyer UÇK-në duke u përfshirë në biznese e përfitime të mëdha të dyshimta. Janë bërë shumëfish më të pasur sesa ne dhe nuk mërziten që bashkëluftëtarët e tyre të dikurshëm nuk kanë para për t’i mbajtur me bukë fëmijët e tyre.

Disa herë ne si shoqëri kemi diskutuar se kush ishin ata që hodhën baltë përgjatë viteve mbi shenjtërinë e UÇK-së. Ata që kanë kritikuar e kritikojnë komandantët e korruptuar, janë mbrojtësit më të mëdhenj të UÇK-së.

Baltë-hedhësit e vetëm janë ish-komandantët e korruptuar. Të mos keqkuptohemi – nuk po i referohem të gjithë komandantëve të mbetur gjallë. Po i referohem vetëm atyre që krijuan pasuri milionëshe nëpërmjet rrugëve të dyshimta. Po e sqaroj këtë pasi që një status i imi lidhur me këtë temë u keqkuptua nga shumë miq të mi. Shkak për reagim ishte deklarata e deputetit Labinot Tahiri që pohoi se “po të mos ishin komandantët, nuk do të flitej shqip në Kuvend”.

Shkrova se e vërteta do të ishte ndryshe. Në fakt, nuk do flitej shqip në Kuvend, po të mos kishin qenë dëshmorët e heronjtë e UÇK. Por, edhe në mesin e të gjallëve ka komandantë që kanë kontribuar për çlirim.

Por, një pjesë e madhe e tyre që zyrtarisht qenë komandantë gjatë luftës, më të fuqishëm e më dinamikë janë treguar pasluftës. Kanë frikësuar njerëzit duke u thirrur në emër të UÇK-së. Në këtë mënyrë kanë përfituar terren për bizneset e tyre të paligjshme.

Është fyese për UÇK-në kur e sheh që Sami Lushtaku akuzohet se i ka bërë presion drejtorit të një ndërmarrjeje publike që të vendoste në favor të kompanisë “Security Code”. Është fyese për UÇK-në kur e sheh që familja e komandant Rexhep Selimit ka krijuar një perandori biznesi. Është fyese për UÇK-në kur e sheh që familja e drejtorit politik të UÇK-së, Hashim Thaçit, ka krijuar një perandori të pafundme biznesi.

Është fyese për UÇK-në kur e sheh se familjarët e komandat Sylejman Selimit janë përfshirë në një privatizim të dyshimtë. Është fyese për UÇK-në kur e sheh se ish-drejtori i Shërbimit Informativ të UÇK-së, Kadri Veseli dhe familjarët e tij menaxhojnë një kompani private që ka përfituar në mënyrë të dyshimtë tenderë nga zyra e Hashim Thaçit.

Këta ish-drejtues të UÇK-së nuk janë të vetmit që kanë ngritur biznese të dyshimta. Janë me dhjetëra ish-komandantë të UÇK-së që janë korruptuar deri në fyt dhe kanë mbushur gushën me paratë që u takojnë qytetarëve të Kosovës.

Komandantët e korruptuar të UÇK-së duhet të luftohen nga kjo shoqëri për ditë. Ia kemi borxh UÇK-së së lavdishme këtë betejë. Duhet të rebelohemi kundër tyre, e jo t’i amnistojmë krimet financiare të tyre dhe krimin më të madh që e kanë bërë – baltosjen e UÇK-së.

Lavdinë e UÇK-së nuk duhet ta lëmë në duart e  këtyre abuzuesve, që ata të vendosin se kur duhet reaguar e kur duhet zhvatur në emër të saj. UÇK-ja mbrohet më së miri nga qytetarët. Komandantët e korruptuar nuk e mbrojnë atë. Ata ende dëshirojnë të përfitojnë prej saj.

Shaban Murati: Populli më guximtar në botë nuk ka prokurorë, gjykatës, politikanë, gazetarë as të rij guximtarë

VOAL – Diplomati i shquar i karrierës Shaban Murati, në një postim në faqen e tij në facebook, shpreh shqetësimin se si populli ynë, ‘më guximtari në botë’, nuk ka prokurorë, gjykatës, politikanë, gazetarë as të rij guximtarë, por ka vetëm të ashtuquajtur guximtarë që zbatojnë skllevërisht urdhërat e eprorëve të tyre:

Ja statusi i plotë:

 

Këshilla për miqtë:

Si shpjegohet që populli më guximtar në botë nuk ka prokurorë guximtarë, gjykatës guximtarë, politikanë guximtarë, gazetarë guximtarë, madje as të rij guximtarë?
Natyrisht nuk quhet guximtar, ai që vë guximin në shërbim të atij që ka sipër.

FOTO: Vullnetarët shqiptaro-amerikanë u japin ndihmë qytetarëve gjatë Luftës së Parë Botërore

Ambasada e SHBA-ve në Tiranë ka postuar një fotografi ku dallohen vullnetarë shqiptaro-amerikanë të Kryqit të Kuq që u japin ndihmë qytetarëve gjatë Luftës së Parë Botërore.

Fotografia është marrë nga biblioteka e Kongresit amerikan, ndërsa nuk tregohet vendi se ku është bërë.

Sulmohet drejtori i Insajderit gazetari Parim Olluri dhe bashkëshortja e tij

Persona të panjohur sulmuan të mërkurën mbrëma gazetarin Parim Olluri, drejtor i gazetës në internet Insajderi.

Asociacioni i Gazetarëve të Kosovës tha se sulmi ndodhi afër banesës së tij në Prishtinë. Gazetari Olluri dhe bashkëshortja e tij janë trajtuar me lëndime të lehta në spitalet e Prishtinës.

Policia ka hapur hetimet por nuk ka dhënë ndonjë hollësi rreth autorëve apo motiveve të mundshme të sulmit.

Gazeta në internet “Insajderi”, trajton shpesh çështje që lidhen me korrupsionin.

Sulmi u dënua nga Asociacioni i Gazetarëve të Kosovës i cili u bëri thirrje organeve të rendit për ndriçimin sa më të shpejtë të rastit, duke nënvizuar se “sulmet e tilla, në themel dëmtojnë lirinë e shprehjes dhe të medies.”

Shoqatat e gazetarëve në Kosovë kanë regjistruar dhjetëra raste të sulmeve e kërcënimeve ndaj punonjësve të medias.

Raporti i fundit i organizatës ndërkombëtare, Freedom House e radhitë Kosovën në mesin e vendeve me liri të pjesshme.

Fjalimi i plotë i ambasadores Vlora Çitaku në Këshillin e Sigurimit

Ambasadorja kosovare në Uashington, Vlora Çitaku mbajti fjalim në mbledhjen e sotme të Këshillit të sigurimit.

Fjalimin e saj të plotë mund të lexoni këtu:

“I nderuari Zotëri President, Të nderuar anëtarë të Këshillit të Sigurimit, I nderuar përfaqësues special i Sekretarit Gjeneral, Zonja dhe Zotërinj.

Jam e kënaqur që jam këtu dhe që iu shoh çdo tre muaj, por më lejoni t’ua rikujtoj pse jemi ne këtu. Me datën 10 Qershor të vitit 1999, rezoluta 1244 ishte adaptuar për qëllim që të zgjidhte situatën humanitare shumë të rëndë që mbizotëronte në Kosovë, dhe të garantonte kthim të sigurt të gjithë refugjatëve në shtëpitë e tyre, pas pasojave të një lufte të tmerrshme dhe një spastrimi etnik. Ju lutem tentoni dhe lexojeni përsëri UNSC 1244 (1999) vetëm për një moment, dhe ju do të humbisni teksa flasim për shtetin që më nuk ekziston – ish Jugosllavinë.

Përderisa UNMIK-u ishte vendosur për një periudhë prej 12 muajve, vazhdoi dhe jo as 12 vite, por edhe sot pas 18 viteve ne jemi këtu shkaku i kësaj rezolute – e cila meqë ra fjala nuk kërkon nga Sekretari Gjeneral të raportojë në Misionin e Përkohshëm të Administratës së Kombeve të Bashkuara çdo tre muaj. Prandaj le ta mbajmë këtë reale dhe le t’i sjellim fund UNMIK-ut. Kohërat kanë ndryshuar qysh nga viti 1999. Kosova sot është e lirë dhe një shtet sovran.

Nuk ka asnjë nevojë për UNMIK-un që të jetë i pranishëm, pasi nuk ka asnjë rol, asnjë funksion, përveç disa iniciativave të vetë-zbuluara, që po formohen për të justifikuar ekzistencën e tyre. Më shumë se 36.5 milionë dollarë shpenzohen çdo vit për të mbajtur një mision, mandati i të cilit ka marrë fund para 4 viteve. Imagjinojeni zonja dhe zotërinj, miliona refugjatë rreth e rreth botës, në numrin më të madh qysh nga Lufta e Dytë Botërore – 65 milionë prej tyre, jam e sigurt që milionat e UNMIK-ut mund të vendosen në përdorim më të drejtë.

Është e dhimbshme të harxhosh paratë e taksapaguesve për projekte të pamenduara dhe ripërtëritëse. Në vend që të zvogëlojnë buxhetin e UNMIK-ut dhe të rikthejnë fondet e pashpenzuara për misionet shumë të nevojshme të mbajtjes së paqes, UNMIK-u i investon në panele solare permanente, në një ndërtesë të marrë me qera.

Shtetet anëtare duhet të veprojnë në këtë që është përmendur shumë herë në këtë dhomë të respektuar, në zvogëlimin e misioneve në shumë nivele, dhe sjelljen e tyre drejt fundit. Për më tepër, në një kohë kur bota përballet me sfida dhe kriza serioze në të gjitha kontinentet, ne vijmë këtu dhe marrim kohën tuaj të çmuar, vetëm pse fqinji ynë verior insiston në një maskaradë. Muajin e kaluar liderët e Ballkanit perëndimor u takuan në Trieste për të diskutuar marrëdhëniet ekonomike mes shteteve tona. Tani, në takimet dhe forumet në Berlin, Kosova është një anëtar i barabartë.

Kur takohemi në Berlin, Vienë apo Paris, Serbia dhe Kosova ndajnë tavolinën e njëjtë si të barabartë, si dy shtete. Flamuri ynë duke qëndruar pranë flamurit të tyre nuk është problem për Serbinë. Pyetja është, pse ata insistojnë në këtë asimetri, në këtë format këtu? Pse kjo ndarje në gjysmë po tolerohet, kur është e çartë se po keqpërdorohet për të projektuar një imazh që nuk është i njëjtë me realitetin? Në fakt, a mund të supozoni çfarë do të ndodhte nesër po të mos mbahej takimi sot? Më lejoni të ju tregoj, asgjë nuk do të ndodhte. Unë e di këtë, kolegët e mi nga Beogradi e dinë këtë, të gjithë e dimë këtë.

Nuk e shoh këtë vetëm të panevojshme, por gjithashtu të papërgjegjshme nga ana jonë, të vijmë këtu dhe t’iu shqetësojmë me debate të panevojshme, në një kohë kur vëmendja kërkohet në sfida dhe probleme reale, ku Kombet e Bashkuara kanë një rol të rëndësishëm. Kosova në ndërkohë, me 11 Qershor mbajti për herë të tretë qysh prej pavarësisë zgjedhjet demokratike, dhe këto ishin zgjedhjet më të suksesshme, më konkurruese dhe më paqësore.

Dalja në zgjedhje ishte e lartë sidomos në komunitetin serb. Vëzhguesin ndërkombëtarë kanë vlerësuar se zgjedhjet parlamentare të Kosovës kanë përmbushur standardet ndërkombëtare, me përjashtim të Kosovës veriore, ku liderët lokalë serb përballeshin me presion e kërcënime, shpesh nga vetë shteti serb. Si në të gjithë proceset demokratike, ne jemi në fazën e krijimit të qeverisë, dhe teksa ne po flasim sot, seanca konstituive parlamentare po vazhdon takimin për të mbërritur kuorumin që të zgjedhë organizmin dhe parlamentin e shtetit. Pavarësisht nga dallimet dhe mospajtimet, të gjitha partitë politikë në Kosovë ndajnë qëllimin e njëjtë, atë të integrimeve Euro-Atlantike, në këtë mund të jeni të sigurt.

Teksa rrugët tona drejtë Bashkimit Evropian janë mbyllur me hyrjen në fuqi të SAA, tani ne jemi të fokusuar më shumë se kurrë në nisjen e një procesi për Partneritet dhe Paqe me Nato-n. Në këtë kontekst institucionet kosovare kanë punuar shumë, së bashku me partnerët tanë për të përmbyllur procesin e transformimit të Forcave të Sigurisë, në Forca të Armatosura.

Ne për një kohë shumë të gjatë kemi qenë konsumatorë të sigurisë, ne besojmë që është koha jonë për të përmbushur detyrën tonë prej sovrani dhe të themelojmë forcat tona të armatosura, por gjithashtu të kontribuojmë edhe në infrastrukturën regjionale dhe ndërkombëtare të sigurisë. Sfidat me të cilat përballemi sot janë të pakufishme, dhe ato kërkojnë që ne të punojmë së bashku, krah për krah. Kosova nuk mund të lejojë të jetë një vëzhgues i qetë, ne dëshirojmë të jemi pjesëmarrës dhe kontribuues aktivë. Ne i jemi falënderues Zëvëndës-Presidentit Pence për deklaratën e tij para dy javëve në Podgoricë, në samitin e Kartës së Adriatikut, ku ai shumë qartë e artikuloi përkrahjen e Shteteve të Bashkuara për anëtarësim në këtë organizatë. Ne do të bëjmë gjithçka nga ana jonë që t’i bindim qytetarët serb të Kosovës se ushtria e Kosovës është edhe ushtri e tyre, dhe nuk ka asgjë se pse të frikësohen. Është kënaqësia ime tu informoj se kemi filluar të korrim frytet e përpjekjeve tona.

Muajin e kaluar me datë 7 Korrik, Forcat e Sigurisë së Kosovës kanë organizuar ceremoninë për diplomimin e 61 kadetëve të rinj, 58 serbë të Kosovës dhe 3 Malazezë të Kosovës. Sot ata janë anëtarë aktiv të FSK-së, duke shërbyer në të gjitha njësitë e FSK-së. Përderisa ne do të flasim me banorët tonë serb duke iu drejtuar të gjitha shqetësimeve të tyre, ne nuk do të lejojmë askënd ta ketë fuqinë e veto-s mbi këtë proces.

Gjatë muajve të kaluar, ne jemi përballur me një qëndrim shumë agresiv dhe jokonstruktiv të fqinjëve tonë nga veriu. Në vend që të normalizojnë lidhjet, Serbia ka krijuar pengesa të panevojshme në forume të ndryshme rajonale dhe ndërkombëtare. Mos të përmendim shkeljen mbi implementimin e marrëveshjes së Brukselit, disa prej të cilave janë bllokuar tërësisht, si në energji, drejtësi dhe njohjen e diplomave. Të tjera janë penguar në faza të ndryshme të implementimin si marrëveshja mbi kadastër, mbrojtja civile, revitalizimi i urës në Mitrovicë, revitalizimi i rrugës kryesore në Mitrovicën e Veriut, çmontimin e plotë të strukturave paralele që janë në Kosovë e të tjera. Sabotimet vazhdojnë, dhe gjëja që brengos më së shumti është dualizmi i Serbisë në implementim, teksa vazhdon të pretendojë se po implementon marrëveshjen, dhe vazhdon të përkrahë strukturat paralele në Kosovë, duke përfshirë edhe komunat ilegale në veri dhe pjesë tjera të Kosovës.

Ne gjithmonë flasim për normalizimin, por normalizimi nuk mund të jetë i njëanshëm. Normalizimi dhe pajtimi nuk mund të arrihen duke harxhuar të vërtetën dhe drejtësinë.

Një nga veprimet e fundit të turpshme të Serbisë ishte ndalimi i vizitës së ish-presidentes Atifete Jahjaga në Beograd për të qenë pjesë e një ngjarje, që kishte për qëllim që t’i jepte shtytje dialogut mes dy shteteve. Zonja Jahjaga do të ishte pjesëmarrëse e një promovimi të librit, që përmban dëshmi nga gra të torturuara dhe dhunuara gjatë luftës në Kosovë në vitet 1998-1999. Pranimi i së vërtetës për krimet e luftës në Kosovë është mënyra e vetme se si dy shoqëritë mund të lëvizin para. Pasi presidentja Jahjaga nuk kishte mundur të lexonte fjalimin e saj në Beograd, unë dua ta lexoj një pjesë të tij këtu: “Historitë e prezantuara në libër nuk janë vetëm histori torture dhe abuzimi, ato janë histori të një torture më mizore. Këto janë histori se si dhunimi është përdorur si vegël e luftës, këto janë histori të një vërtete që tentohet të fshihet e të groposet.

Ndër vite, unë kam takuar me qindra të mbijetuar të sulmeve seksuale gjatë luftës, në pjesë të ndryshme të vendit tim. Me kujdes e durim, kam dëgjuar të gjitha historitë e tyre, kam qarë me ata që kanë pasur nevojë të qaj me ta, dhe kam qëndruar e fortë për ata që kanë pasur nevojë të jem e fortë. Kam dëgjuar histori për një femër nga regjioni i Drenicës e cila ishte dhunuar nga shumë persona të paramilitarëve serb për 6 muaj të tërë.

Kam folur me një grua në Gjakovë trupi i të cilës ishte gjymtuar gjatë kohës që ajo ishte dhunuar. Së fundmi kam takuar një fëmijë të një të dhunuare nga lufta, e cila ka vdekur pa pranuar drejtësinë që ka shpresuar për shumë e shumë vite. Vërtet shpresoj që ta lexoni këtë libër, ndajeni me shokët dhe familjen, kërkoni nga qeveria juaj të dënojë keqbërësit, dhe thërritni për pajtim me fqinjët tuaj. Nuk duhet të lejojmë askënd të na mbajë peng të së kaluarës.

Viktimat e këtyre krimeve nuk do të mund të gjejnë paqe përveç nëse kriminelët që i kanë bërë ato sillen para drejtësisë. Ky është një parakusht për një paqe të gjatë, marrëdhënia të mira fqinjësore dhe të ardhme të qëndrueshme për gjeneratat e ardhshme. E ardhmja e vendeve tona qëndron në duar tona, le të jetë një e ardhme e pajtimit dhe paqes” Zonja dhe zotërinj Në dy ditët e fundit një debat i ri ka nisur në Serbi, një nisur nga presidenti serb duke kërkuar një “marrëveshje historike” mes Serbisë dhe Kosovës, duke thirrur për një kompromis.

Propozimi i Ahtisarit ishte një kompromis i vështirë dhe i dhimbshëm, tani befasisht kompromisi është bërë situata jonë? Kjo nuk do të qëndrojë. Duke rishikuar idetë për zgjidhje përreth vijave etnike është e rrezikshme për tërë rajonin. Nëse refuzojmë multi-kulturizimin dhe diversitetin etnik mes dy shteteve tona, midis dy kufijve tonë, atëherë si mendojmë ne të ekzistojmë së bashku me Bashkimin Evropian, në një botë të pavarur dhe të lidhur. Më lejoni t’ua them qartë dhe me zë të lartë, Kosova nuk është projekt i përkoshëm, Kosova është këtu të qëndrojë përgjithmonë. Normalizimi dhe pajtimi nuk mund të arrihen përmes ndarjes dhe nënshtrimit. Zonja dhe zotërinj Ky debat nuk mjafton për të treguar si është Kosova sot, Kosova është një vend në zhvillim ku të rinjtë tonë dallohen në fusha të ndryshme çdo ditë. Muajin e kaluar gjashtë nga të rinjtë tonë, tre vajza dhe tre djem ndërtuan veturën e parë elektrike evropiane në Gjakovë, Ky shembull i jashtëzakonshëm i talentit nuk na bën vetëm ne krenarë për të rinjtë që kemi, por ata përmes zbulimeve të tyre po edukojnë pjesën tjetër për një ndërgjegjësim për të përdorur veturat elektrike dhe për të zvogëluar ndotjen e ajrit dhe zhurmën e trafikut.

“E ardhmja nuk është e shurdhër” për kosovarët, ashtu sugjeron edhe ngjarja më e madhe kulturore, Dokufest. Dokufest morri pjesë javën e kaluar në vendin e bukur të Prizrenit. Kosova nuk ka shkollë filmi, por është nikoqire e një nga festivaleve më të mira të Dokumentarit dhe Filmit në botë. Kjo është prova më e mirë për të treguar potencialin që po rritet çdo vit, duke sjellë njerëzit së bashku, duke punuar jo vetëm me producentët dhe artistët më të mirë nga rajoni, por edhe nga e gjithë bota – duke sjellë Kosovën aty ku i takon. Ju faleminderit”

Çitaku në Këshillin e Sigurimit: UNMIK të largohet, nga 2009’ta ka shpenzuar kot 400 milionë dollarë

Ambasadorja e Kosovës në SHBA, Vlora Çitaku ka kërkuar nga Këshilli i Sigurimit të Organizatës së Kombeve të Bashkuara, largimin e misionit të UNMIK-ut në Kosovë.

Sipas saj, nuk ka asnjë nevojë që UNMIK të jetë ende në Kosovë. Thekson se të njëjtët nuk kanë ndonjë funksion, transmeton Express.

“Sot pas 18 vitesh ende jemi këtu për shkak të kësaj rezolute e cila nuk kërkon nga sekretari i jashtëm që të marr raporte nga UNMIKU çdo tre muaj, të bëhemi realist dhe ta përfundojmë këtë mision të UNMIK-ut.

Nuk ka kurrfarë nevoje që UNMIK të jetë i pranishëm, sepse s’ka kurrfarë funksioni pos disa iniciativave të vetëshpikura”, është shprehur ajo, teksa aktualisht po flitet rreth raportit për Kosovën.

Ajo ka folur edhe për buxhetin që UNMIK e ka harxhuar në Kosovë. Ambasadorja thekson se sa i përket vetëm buxhetit, mbi 400 milionë dollarë janë shpenzuar nga viti 2009 për të mbajtur një mision  i cili sipas saj, ka përfunduar shumë vjet më parë.

Dorëhiqen ministrat teknikë

Tre muaj pas marrëveshjes “Rama-Basha”, ministrat teknikë të Partisë Demokratike bënë aktin formal të largimit nga Qeveria “Rama”, në të cilën u përfshinë si pjesë e marrëveshjes për të monitoruar nga afër sjelljen e administratës në zgjedhje dhe për të garantuar standardin e tyre.

Partia Demoratike thotë se ky nuk është një objektiv i arritur, sepse sipas kreut të saj Lulzim Basha, Edi Rama i kishte blerë zgjedhjet përpara arritjes së marrëveshjes.

Megjithatë, ministrat teknikë qëndruan në detyrë edhe gati dy muaj pas zgjedhjeve për të hartuar raportin për standardin e zgjedhjeve.

Top Channel mësoi se raporti ka përfunduar dhe menjëherë pas tij, ministrat kanë dorëzuar zyrtarisht dorëheqjet. Për ta bërë këtë, ata nuk i ka penguar mungesa e kryeministrit për shkak të pushimeve, sepse as zëvendëskryeministrja dhe as ministrat teknikë nuk u takuan asnjëherë këto 3 muaj me kreun e qeverisë ku bënin pjesë.

Hallka lidhëse ishte Sekretari i Përgjithshëm i Kryeministrisë, nëpërmjet të cilit kalonin vendimet dhe kryhej komunikimi për funksionimin e tyre. Përpara se të jepnin dorëheqjen, disa prej ministrave teknikë i kishin kaluar më parë kompetencat te zëvendësministrat përkatës: ministri i Brendshëm, i Shëndetësisë dhe ajo e Financave.

Por me përfundimin e raportit për zgjedhjet, duke dhënë dorëheqjen, përfaqësuesit e Partisë Demokratike në Qeverinë “Rama” rrëzojnë çdo tezë për një bashkëqeverisje Rama-Basha, për të cilën kreu i opozitës është sulmuar edhe nga kritikët e tij brenda Partisë Demokratike.

Mikullovci i bindet PAN-it, cakton seancën më 24 gusht

Kryesuesi i takimit konsultativ mes partive politike, ka thënë se e caktojnë seancën konsultative javën e ardhshme, më 24 gusht nga ora 10:00.

Sipas Mikullovcit ky vendim nuk erdhi vetëm si kërkesë e koalicionit PAN, por pas konsultimeve dhe pajtimit edhe me përfaqësuesit e tjetër të partive politike.

“Sekretari i kuvendit t`i ftoj deputetët për vazhdimin e seancës me 24 gusht”, tha Mikullovci, në përfundim të takimit.

Ndryshe, Koalicioni PAN përmes Enver Hoxhajt, në mbledhjen konsultative të së mërkurës, ka kërkuar që seanca e radhës kur ky koalicion do të marrë pjesë do të duhej të mbahej më 24 gusht, të enjten e ardhshme.

Më 15 gusht 2012 u nda nga jeta Arbën Xhaferi, udhëheqës i shqiptarëve të Maqedonisë

Arbën Xhaferi u lind më 24 janar 1948 në Tetovë. Shkollën fillore dhe gjimnazin e kreu në vendlindje, kurse studimet në degën e filozofisë i kreu në Universitetin e Beogradit.

Qysh si student u dënua me burg për bindjet e tij politike, organizimin dhe pjesëmarrjen në demonstratat e Tetovës të vitit 1968, për çka u detyrua të kërkojë strehim më të sigurt dhe punë në Prishtinë.

Nga viti 1975 deri në vitin 1990 punoi në Radiotelevizionin e Prishtinës si redaktor përgjegjës i programit të kulturës. Gjatë kësaj periudhe punoi si analist në të përjavshmet “Koha” të Veton Surroit dhe “Forum” të Adem Demaçi, si dhe në disa media të tjera shqiptare dhe të huaja.

Në vitin 1993, Arbën Xhaferi u kthye në vendlindje, për ta vazhduar veprimtarinë e tij intelektuale dhe politike. Në vitin 1994 u zgjodh kryetar i Partisë për Prosperitet Demokratik të Shqiptarëve (PPDSH).

Gjatë konfliktit të armatosur të vitit 2001, Arbën Xhaferi dha një kontribut të veçantë, sidomos për nënshkrimin e Marrëveshjes së Prizrenit dhe arritjen e Marrëveshjes së Ohrit. Qasja konstruktive e Xhaferit në atë kohë u përkrah nga faktori ndërkombëtar, duke e legjitimuar luftën e shqiptarëve dhe nisur kështu bisedimet që përfunduan me Marrëveshjen e Ohrit, për ndërrimin e konceptit monocentrik të shtetit.

Pas drejtimit të sukseshëm të Partisë Demokratike Shqiptare për gati një dekadë, në zgjedhjet e parlamentare të 15 shtatorit të vitit 2002 Xhaferi kaloi në opozitë, por postin e kryetarit të partisë (PDSH) e mbajti deri në vitin 2007.

Ai u dallua si politikan i zgjuar dhe intelektual i përmasave kombëtare, i cili la pas vetes një numër të konsiderueshëm shkrimesh publicistike, analiza dhe vështrime politike, intervista, artikuj dhe studime të tjera, të cilat shquhen për thellësinë e mendimit dhe qasjen intelektuale.

Mes tjerash, Arbën Xhaferi dha një kontribut të çmuar edhe për Universitetin e Tetovës dhe afirmimin e tij, duke u bërë pjesë e pandarë e drejtuesve të këtij universiteti, me nënshkrimin e aktit për fillimin e punës së tij, më 17 dhjetor 1994, si dhe pjesëmarrjen në delegacionet e përfaqësuesve të partive politike, asociacioneve jopolitike dhe drejtuesve të Universitetit në Shtetet e Bashkuara të Amerikës, në shkurt të vitit 1995 dhe qershor të vitit 1996, me çka u sigurua përkrahje e gjerë nga SHBA, OKB dhe institucionet tjera relevante ndërkombëtare.

Arbën Xhaferi ka publikuar dy vepra, “PDSH-ja jo në letër”, dhe “Sfidat e Demokracisë në Shtetet Multietnike”.

Arbën Xhaferi ndërroi jetë në Tetovë, më 15 gusht 2012.

* * *Përshkrimi i fotografive nga angazhimi i Arbën Xhaferit për përkrahjen dhe afirmimin e Universitetit të Tetovës:

1. Delegacioni i përfaqësuesve shqiptarë në Nju Jork, qershor 1996: Arbën Xhaferi (PPDSH), Iljaz Halimi (PDP), Myqereme Rusi (LGSH), Shirley Cloyes DioGuardi (LQSHA) dhe veprimtarë të tjerë shqiptarë në SHBA.

2. Ushtruesi i detyrës Rektor i UT-së, Prof. dr. Agni Dika, Arbën Xhaferi (PPDSH) dhe Faik Lita, veprimtar shqiptar në SHBA.

3. Arbën Xhaferi dhe Arben Rusi (në radhën e parë), Prof. dr. Fadil Sulejmani dhe Prof. dr. Agni Dika (në radhën e dytë) dhe pjesëmarrës të tjerë, me rastin e nënshkrimit të aktit për fillimin e punës së UT-së, më 15 dhjetor 1994, në Tetovë.4. Portret i Arbën Xhaferit në kohën kur ishte lider i PDSH-së./Abdulla Memeti/

Foto histori: Ismail Qemali dhe Hasan Prishtina gjatë vizitës në Vjenë

 

VJENE, 1913: Mysafirët shqiptarë Vjenë: Nga e majta në të djathtë: Ismail Qemal Beu, President i Qeverisë së Përkohshme Shqiptare; Qazim Qemal Beu, djali i tij më i madh dhe Hasan Beu Prishtina, prijësi i shquar shqiptar.

Kështu shkruhet poshtë fotos së botuar në Vjenë më 1913, gjatë një vizite zyrtare të themeluesve të shtetit shqiptar në Vjenë, kryeqytetin e Perandorisë Austro-Hungareze.

 

Shqiptarja 12 vjeçare Tringa Jakupi fiton çmimin e madh Little Queen World 2017 Grand Prixe

 

Ne qytetin e Burgasit ne Bullgari u zhvilluan dy gara nderkombetare te bukurise dhe talenteve per femije. Ne keto dy gara nderkombetare moren pjese femije nga shtete te ndryshme te botes : Singapor ,South Afrika ,Hungaria ,Bullgaria ,Rusia e tj .Ne mesin e tyre ishte edhe bukuroshja 12 vjecare nga Prishtina Tringa Jakupi e cila perfaqesoi Kosoven dhe Shqiperine .Ajo me bukurine e saj natyrore ,me prezantimin e tradites shqiptare fitoi supercmimin e madhe te gares nderkombetare : Little Queen World 2017 Grand Price .ajo tashme do te jete Imazh i gares boterore per vitin 2017 dhe vitin tjeter ajo do te konkuroje per supercmimin me te madh te kesaj gare nderkombetare si Ambasador e Botes 2018 .Per Botapres ajo thote : Jam e lumtur dhe shume emocionuar per kete cmim te madh ,lumturia ime eshte me e madhe qe perfaqesova Kosoven dhe Shqiperine .

Faleminderit dy presidenteve te garave boterore te bukurise dhe talenteve per femije Yordan Bachvarov dhe Desislav Koprivski dhe shume faleminderit per Drejtoreshen Sidrita Sadikaj e cila fitoi cmimin emadh Best Director Nacional 2017 .embelsiren per ne fund .

Faleminderit mami Emine Jakupi per kujdesin qe tregove per mua dhe per cmimin qe fitove si Gruaja me humane

Bukuroshja Kosovare Tringa Jakupi Little Queen World 2017

Pasuritë marramendëse që bënë anëtarët e Gjykatës së Lartë brenda vitit 2016

Anëtari i Gjykatës së Lartë, Guxim Zenelaj, gjatë vitit 2016, ka deklaruar në deklaratën e pasurisë 18 apartamente të reja dhe tre njësi ndërtimore në Ishull Shëngjin, Lezhë. Si burim për krijimin e pasurive të paluajtshme, gjyqtari referon një kontratë me një kompani të caktuar, por nuk ka të dhëna se sa është vlera e kontratës si dhe për burimin e parave që mbulojnë vlerën e kontratës.

Sipas deklaratës së pasurisë që po publikon Shqiptarja.com, apartamentet janë me sipërfaqe: 292 m2, 62 m2, 67 m2, 54 m2, 60 m2, 51 m2, 54 m2, 66 m2, 59 m2, 55 m2, 54 m2, 55 m2, 67 m2, 51 m2, 54 m2, 55 m2 etj. Anëtari i Gjykatës së Lartë, Guxim Zenelaj, për vitin 2016, deklaron edhe tre pasuri e paluajtshme, njësi në Ishull Shëngjin, Lezhë, me sipërfaqe 16 m2, 15 m2 dhe 218.06 m2.

Ai thotë se ka dy sipërfaqe trualli 1941 m2, në Ishull Shëngjin. Gjyqtari sqaron se vlera e blerjes së truallit është 16 000 euro. Këto para burojnë nga pjesa e shitjes së shtëpisë në Rr. Don Bosko, me vlerë 55 mijë euro. Po gjatë viti 2016, gjyqtari deklaron 30 mijë euro të ardhura nga dhënia me qira e një lokali dhe ambienteve për banim në Shëngjin.

Artan Broci, anëtar i Gjykatës së Lartë, deklaron dy llogari në emër të bashkëshortes me vlerë 207 mijë euro dhe 7 500 000 lekë, bashkë me rreth 50 mijë USD të ardhura, vetëm në vitin 2016, nga puna si notere e saj. Artan Broci deklaron 10 mijë euro të ardhura nga qiratë për vitin 2016, 1 500 000 lekë kontratë për ndërtimin e një shtëpie në Shkodër, bashkimin e dy pasurive të paluajtshme duket formuar një apartament 143 m2 si dhe shkërbimin e një sipërfaqe 65.7 m2 me një shtetas, duket krijuar një tjetër apartament 157 m2.

Gjyqtari me karburant
Anëtari i Gjykatës së Lartë, Shkëlzen Selimi, për vitin 2016 deklaron 51 mijë euro të ardhura nga dhënia me qira e një karburanti, në pronësi të tij dhe të bashkëshortes. Po gjatë këtij viti, gjyqtari thotë se ka kursyes 447 758 lekë nga paga e tij dhe e bashkëshortes, e cila punon si gjyqtare.

Ndërkaq, kryetari i Gjykatës së Lartë, Xhezair Zaganjori, deklaron disa rroga nga punët paralele që ka bërë. Zaganjori deklaron 2 017 000 lekë të ardhura nga paga si kryetar i Gjykatës së Lartë dhe anëtar i KLD, 1 191 000 lekë të ardhura nga mësimdhënia dhe udhëheqja e doktoraturave në Fakultetin e Drejtësisë, Shkollën e Magjistraturës dhe Institutin për Studime Evropiane, 263 540 lekë të ardhura nga mësimdhënia dhe udhëheqja shkencore në Universitetin Luarasi, 298 euro dhe 155 000 lekë të ardhura nga bashkëpunimi me fondacionin Hanns Seidel dhe Institutin e Studimeve Politike në Tiranë.

Kryetari i Gjykatës së Lartë deklaron gjithashtu 1 764 000 lekë të ardhura nga qiraja e një bodrumi dhe kati të parë.

Evelina Qirjako, llogari të pazakonta
Llogari të pazakonta bankare deklaron edhe Evelina Qirjako, anëtare e Gjykatës së Lartë. Zonja deklaron një llogari me vlerë 153 mijë euro, pakësuar gjatë vitit 2016 me 64 euro dhe llogari bankare me vlerë 196 mijë, shtuar gjatë vitit 2016 me 987 euro.

Gjyqtarja deklaron gjithashtu llogari me vlerë 56 mijë euro pakësuar me 41 814 euro, llogari 22 mijë euro, pakësuar gjatë vitit 2016 po me 22 mijë euro, llogari rrjedhëse 2 201 euro, pakësuar me 2 201 euro, llogari 13 919 euro, pakësuar me 9 113 euro, llogari rrjedhëse 373 euro, pakësuar me 373 euro, llogari rrjedhëse, 320 282 lekë, pakësuar me 320 282 lekë, llogari rrjedhëse, 2 508 USD, pakësuar me 2 508 USD etj. Gjatë vitit 2016, zonja thotë se ka shitur një apartament me sipërfaqe 67 m2, me vlerë 22 mijë euro. Anëtarja e Gjykatës së Lartë duket se ka edhe pasuri të tjera të paluajtshme, pasi nga dhënia me qira e pronave, vetëm për vitin 2016, deklaron 40 mijë euro si dhe 2 958 000 lekë të ardhura nga dhënia me qira e ambienteve.

Pasuritë e anëtarëve të Gjykatës së Lartë në 2016

Guxim Zenelaj, anëtar i Gjykatës së Lartë, pasuria për 2016

Apartament në Ishull Shëngjin, Lezhë, me sipërfaqe 292.62 m2, burimi i krijimit: Kontrata e sipërmarrjes…

Apartament në Ishull Shëngjin, Lezhë, me sipërfaqe 62 m2.

Apartament në Ishull Shëngjin, Lezhë, me sipërfaqe 67.35 m2.

Apartament në Ishull Shëngjin, Lezhë, me sipërfaqe 54.46 m2.

Apartament në Ishull Shëngjin, Lezhë, me sipërfaqe 60.36 m2.

Apartament në Ishull Shëngjin, Lezhë, me sipërfaqe 51.35 m2.

Apartament në Ishull Shëngjin, Lezhë, me sipërfaqe 54.46 m2.

Apartament në Ishull Shëngjin, Lezhë, me sipërfaqe 66.58 m2.

Apartament në Ishull Shëngjin, Lezhë, me sipërfaqe 59 m2.

Apartament në Ishull Shëngjin, Lezhë, me sipërfaqe 55 m2.

Apartament në Ishull Shëngjin, Lezhë, me sipërfaqe 54.46 m2.

Apartament në Ishull Shëngjin, Lezhë, me sipërfaqe 55 m2.

Apartament në Ishull Shëngjin, Lezhë, me sipërfaqe 67.36 m2.

Apartament në Ishull Shëngjin, Lezhë, me sipërfaqe 51.35 m2.

Apartament në Ishull Shëngjin, Lezhë, me sipërfaqe 54.46 m2.

Apartament në Ishull Shëngjin, Lezhë, me sipërfaqe 55 m2.

Apartament në Ishull Shëngjin, Lezhë, me sipërfaqe 54.46 m2.

Apartament në Ishull Shëngjin, Lezhë, me sipërfaqe 61 m2.

Pasuri e paluajtshme, njësi në Ishull Shëngjin, Lezhë, me sipërfaqe 16 m2

Pasuri e paluajtshme, njësi në Ishull Shëngjin, Lezhë, me sipërfaqe 15 m2

Pasuri e paluajtshme, njësi në Ishull Shëngjin, Lezhë, 218.06 m2. Origjina e kësaj pasurie: Kontratë datë 14.09.2007. Janë dy sipërfaqe trualli 1941 m2, në Ishull Shëngjin, Lezhë. Vlera e blerjes së truallit 16 000 euro. Burimi i krijimit: Pjesë e shitjes së shtëpisë në Rr. Don Bosko, me çmim shitje 55 mijë euro.Paga dhe shpërblime si gjyqtar, 1 566 456 lekë.

Pensioni i nënës, 1 22 676 lekë.

Qira për objektin lokale dhe ambiente banimi në Shëngjin, 30 mijë euro

Kredi bankare në vitin 2014, në shumën 130 mijë euro, detyrimin i mbetur 119 870 euro.

Xhezair Zaganjori, kryetar i Gjykatës së Lartë, pasuria për 2016  
Të ardhura nga qiraja, bodrum plus kati i parë, 1 764 000 lekë.

Interesa nga depozitat, 104 972 lekë.

Shtesë në llogarinë në euro, 10 210 euro.

Interesa vjetore nga shuma e investuar në obligacion, 243 695 lekë.

Kalim në llogarinë e djalit në Gjermani, për studime, 13 700 euro.

Paga si kryetar i Gjykatës së Lartë dhe anëtar i KLD, 2 017 000 lekë.

Të ardhura të bashkëshortes si notere, 1 543 000 lekë.

Mësimdhënie dhe udhëheqje master dhe doktorature në Fakultetin e Drejtësisë, Shkollën e Magjistraturës dhe Institutin për Studime Evropiane, 1 191 000 lekë.

Mësimdhënie dhe udhëheqje shkencore në Universitetin Luarasi, 263 540 lekë.

Të ardhura nga bashkëpunimi me fondacionin Hanns Seidel dhe Institutin e Studimeve Politike në Tiranë, 298 euro dhe 155 000 lekë.

Të ardhura nga shitja e librit, 191 100 lekë.

Gjendja e kartave të kreditit, 291 000 lekë, 169 000 lekë.

Llogari bankare e bashkëshortes, 7 924 lekë, 27 000 lekë, 800 lekë.

Të ardhura nga botimi i librit, 380 euro.

Renis Zganjori, djali, llogari bankare, 7 291 euro.

Paga vjetore në Agjencinë e Sigurimit të Depozitave, 1 439 489 lekë.

Të ardhura nga Universiteti i Tiranës dhe Universiteti Luarasi, 34 608 lekë dhe 556 144 lekë.

Të ardhura nga dhënia me qira e apartamentit në Durrës, 1 281 euro.
Evelina Qirjako, anëtare e Gjykatës së Lartë, pasuria për 2016
Shitur apartament me sipërfaqe 67 m2, 22 mijë euro.

Të ardhura nga paga, 1 566 456 lekë.

Pagesë nga fondacioni ‘Slym Foundations’, 354 euro.

Të gjitha pagesat e qirave të pronave, 40 mijë euro.

Të gjitha pagesat e qirave nga bankat, 2 958 000 lekë.

Interesat bankare të të gjitha llogarive bankare, 991 euro dhe 9 022 lekë.

Kontrata me shoqërisë…, gjendja e detyrimit të mbetur 15 750 euro.

Detyrime të pashlyera ndaj shoqërisë…, 76 mijë euro.

Shtim në llogarinë rrjedhëse, 6 938 euro.

Pakësim likuiditeti, 38 euro.

Pakësim likuiditeti, 64 euro, gjendja në fillim të 2016, 153 mijë euro.

Shtesë likuiditeti, 2 726 050 lekë.

Interesa nga depozitat, 9 022 lekë.

Pakësim likuiditeti, 325 274 lekë.

Pakësim likuiditeti, 22 mijë euro, gjendja në fillim të 2016, 22 mijë euro.

Pakësim likuiditeti, 41 814 euro, gjendja në fillim të 2016, 56 mijë euro.

Pakësim likuiditeti, 749 lekë.

Pakësim likuiditeti, 189 912 lekë, gjendja në fillim të 2016, 189 912 lekë.

Shtesë në likuiditet vetëm pjesë interesit, 987 euro, gjendja në fillim të 2016, 196 mijë euro.

Pakësim likuiditeti në masën 8 166 euro, gjendja në fillim të 2016, 8 169 euro.

Pakësim likuiditeti në masën 991 euro, gjendja në 1 janar 2016, 991 euro.

Llogari rrjedhëse, 67 123 lekë, pakësuar me 67 123 lekë.

Llogari 3 261 USD, pakësim me 4 USD.

Llogari rrjedhëse, 2 201 euro, pakësuar me 2 201 euro.

Llogari rrjedhëse, 13 919 euro, pakësuar me 9 113 euro.

Llogari rrjedhëse, 373 euro, pakësuar me 373 euro.

Llogari rrjedhëse, 320 282 lekë, pakësuar me 320 282 lekë.

Llogari rrjedhëse, 2 508 USD, pakësuar me 2 508 USD.

Llogari rrjedhëse në franga zvicerane, 17.25 CHF, pakësuar me 17.25 CHF.

Artan Broci, anëtar i Gjykatës së Lartë, pasuria për 2016
Llogari e bashkëshortes, 207 mijë euro dhe 7 500 000 lekë, sipas udhëzimit të Ministrisë së Drejtësisë dhe Ministrisë së Financave.

Bashkuar pasuria, shtesa anësore kati i parë me sipërfaqe 65.7 m2, me apartamentin ekzistues me sipërfaqe 78.11 m2, krijuar apartament me sipërfaqe 143 m2.

Kontratë për shkëmbimin pa shpërblim të shtesës anësore me sipërfaqe 65.7 m2, në katin e dytë, me shtetasin… Kjo pasuri i është bashkuar apartamentit ekzistues me sipërfaqe 92 m2, duke krijuar një apartament 157 m2.

Kontratë për ndërtim shtëpie në Shkodër, 1 500 000 lekë.

Të ardhura nga puna e bashkëshortes si notere në Tiranë, 5 273 388 lekë.

Të ardhura nga qiraja e lokalit, 10 mijë euro.

Të ardhura nga qiraja e zyrës, 840 000 lekë.

Interesa të obligacioneve katërvjeçare, 283 982 lekë.

Fond pensioni vullnetar, 91 409 lekë.

Interesa të obligacionit dyvjeçar, 170 600 lekë.

Interesa nga llogaria e depozitës, 9 707 lekë.

Llogari bankare, 160 913 lekë.

Llogari bankare, 198 597 lekë.

Llogari bankare, 460 320 lekë.

Llogari i djalit Arlind Broci, 46 891 lekë.

Llogari i djalit Arlind Broci, 134 036 lekë

Llogari rrjedhëse e bashkëshortes si notere, 252 550 lekë.

Llogari e bashkëshortes, 895 469 lekë.

Interesa nga depozita plus e fëmijës së mitur, 9 903 lekë.

Paga si anëtar i Gjykatës së Lartë, 1 566 462 lekë.

Honorare dhe dieta si anëtar i Këshillit të Lartë të Drejtësisë, 102 000 lekë dhe 34 008 lekë.

Të ardhura si anëtar i Komitetit Disiplinor i Dhomës së Avokatisë si përfaqësues i KLD, 306 000 lekë.

Paga e djalit Arlind Broci pranë Albcontroll Tiranë, 994 053 lekë.

Tom Ndreca, anëtar i Gjykatës së Lartë, pasuria për 2016
Pakësim i gjendjes cash, 4 000 000 lekë, burimi nga kursimet familjare në vite.

Paga vjetore si gjyqtar, 1 566 462 lekë.

Kristina Ndreca, bashkëshortja, të ardhura nga mësimdhënia, Universiteti Politeknik i Tiranës, 149 250 lekë.

Erion Ndreca, paga nga Ministria e Drejtësisë, 837 408 lekë.

Erind Ndreca, paga vjetore nga ZVRPP Tiranë, 611 449 lekë.

Kristina Ndreca, bashkëshortja, depozitë bankare, 3 000 000 lekë.

Erind Ndreca, depozitë bankare, 1 000 000 lekë.

Shkëlzen Selimi, anëtar i Gjykatës së Lartë, pasuria për 2016
Kursim nga të ardhurat e qerasë së karburantit, bashkëpronar në ½ pjesë me bashkëshorten, 51 mijë euro. Kursim nga paga e tij dhe e bashkëshortes, 447 758 lekë.

Llogari në emër të djalit, çelur nga Bashkia e Tiranës për rezultate të shkëlqyera, 27 000 lekë.

Llogari në emër të vajzës, çelur nga Bashkia e Tiranës për rezultate të shkëlqyera, 27 000 lekë.

Të ardhura nga paga si gjyqtar, 1 566 459 lekë.

Të ardhura të bashkëshortes si gjyqtare, 1 219 060 lekë.

Medi Bici, anëtar i Gjykatës së Lartë, pasuria për 2016
Shtesa në llogarinë rrjedhëse, 1 421 660 lekë.

Depozitë bankare, 1 065 lekë.

Të ardhura nga paga si anëtar i Gjykatës së Lartë, 1 566 456 lekë.

Të ardhura nga paga e djalit si jurist pranë Drejtorisë së Përgjithshme të Buxhetit në Ministrinë e Financave, 55 792 lekë.

Të ardhura nga paga e djalit si specialist pranë Bankës së Shqipërisë, 957 498 lekë.

Majlinda Andrea, anëtare e Gjykatës së Lartë, e dënuar për korrupsion, pasuria për 2016
Interesa nga depozitat, 270 lekë.

Gjendja e llogarisë rrjedhëse, 38 909 lekë.

Gjendja e llogarisë rrjedhëse, 3153 226 lekë.

Gjendja e llogarisë rrjedhëse, 5 492 lekë.

Paga si gjyqtare, 848 993 lekë.

Paga e bashkëshortit si këshilltar në Kuvendin e Shqipërisë, 562 201 lekë.

Paga e djalit si administrator i shoqërisë, ‘GRANITIIMPORT-AL’, 1 147 330 lekë.

Kredi bankare për blerje apartamenti në Sarandë, marrë në 2007, 123 mijë euro, shlyer 1 485 euro.

Hua e marrë nga bashkëshorti, 50 mijë euro.

Edmond Islamaj, anëtar i Gjykatës së Lartë, pasuria për 2016
Depozitë kursimi 20 mijë euro, paratë janë krijuar nga kursimet ndër vite.

Kartë krediti, me limit 200 000 lekë.

Të ardhura nga paga si anëtar i Gjykatës së Lartë, 1 566 462 euro.

Të ardhura nga interesat bankare të depozitës, 11 611 lekë.

Llogari, depozitë kursimesh, 15 mijë euro, Burimi i krijimit: Krijuar nga të ardhurat familjare.

Kartë krediti, me limit 300 000 lekë.

Artan Zeneli, anëtar i Gjykatës së Lartë, pasuria për 2016
Gjendja e llogarive personale, 54 138 euro.

Llogari bankare, 8 618 lekë.

Llogari bankare, 20 mijë euro, të ardhura nga qiratë.

Gjendja e llogarive të bashkëshortes, 9 497 euro, 1 564 633 lekë, 160 952 lekë.

Fond investimi, gjendja, 6 720 900 lekë.

Fond pensioni vullnetar, 1 983 307 lekë.

Të ardhura nga paga, 1 566 562 lekë.

Të ardhura si anëtar i ZABGJ, 42 782 lekë.

Të ardhura nga paga e bashkëshortes pranë bankës… 4 901 733 lekë.

Të ardhura nga qiraja sipas kontratë… 20 400 euro.

Kredi e deklaruar pranë bankës… gjendja e detyrimit të mbetur 104 908 euro.

Kredi e deklaruar më parë, shlyer totalisht, 4 207 euro.

Arjana Fullani, anëtare e Gjykatës së Lartë, pasuria për 2016
Kontratë për dhënien me qira të apartamentit, 420 000 lekë.

Zgjidhur marrëveshje e shërbimit teknik me shoqërinë…

Pasuri e dhënë me qira në datat 09.12.2016, nuk është bërë asnjë pagesë deri në 31.12.2016.

Shtesë në llogari bankare, 42 mijë euro.

Pakësim në llogarinë bankare, 4 128 766 lekë.

Shtim në llogarinë bankare, 6 139 536 lekë.

Gjendje cash 200 000 lekë.

Të ardhura nga paga, 1 566 456 lekë.

Të ardhura nga interesat bankare, 37 216 lekë.

Të ardhura nga interesat e bonove të thesarit, 624 750 lekë.

Të ardhura të bashkëshortit, 6 092 865 lekë dhe 14 092 euro.

Të ardhura nga shitja e tokës, 38 503 euro.

Kredi nga Banka e Shqipërisë për blerje apartament banimi, gjendja e detyrimit 8 065 484 lekë.

Krijuar subjekti tregtar, person fizik ‘Ardian Fullani’, 383 256 lekë.

Vajza Fiona Fullani, të ardhura nga paga, 718 341 lekë.

***

Këto pasuri të  luajtshme dhe të paluajtshme, i vunë brenda një viti kalendarik, konkretisht brenda vitit 2016. /Shqiptarja.com/