VOAL

Please Wait ...
0%

Emisioni ‘Okruzenje’ – Rama dhe Vuçiç, duet televiziv më 27 gusht

By | August 8, 2015

Komentet

“Dosja e re në prokurori” – Habilajt, në 4 vite xhiruan rreth 300 milionë euro

Nga dosja sekrete e mbërritur në Prokurorinë e Krimeve të Rënda, mësohet se grupi kriminal i Moisi Habilajt ka dërguar në brigjet italiane nga vitit 2013-2017 rreth 30 tonë drogë kanabis sativa, raporton “Abc News”.

Grupi krimanal i drejtuar dhe i organizuar nga vëllezërit Habilaj kanë trafikuar nga brigjet shqiptare drejt atyre Italiane rreth 30 tonë kanabis sativa.

Në këtë konkluzion kanë dalë hetuesit italian, ku ky aktivitet criminal ishte kryer në harkun 2013-2017. Gjatë biseda të përgjuara dhe të bëra publike tashmë nga gjykata e Katanias, anëtar të këtij grupi shqetësohen për mjetet të siguruar mjete të shpejta lundruese me tre motor, të cilët konsiderohen edhe si gomone oqeanike. Vetëm në dy aksionet e fundit të kryera në Itali e në Shqipëri, grupit që udhëhiqej nga Moisi Habilaj e Florian Habilaj dhe anëtarve të tjerë, Nezar Seiti, Meriadian Suluaj e Armando Sulaj, iu sekuestruan në total rreth 8 tonë drogë.

Fillimisht, në zonën e Brindisit u kapën rreth 3.5 tonë kanabis dhe ishte dërguar nga banda e Habilaj me mjete lundrues gjatë muajit shtator. Por vijimi i aksionit edhe në territorit shqiptar çoi në zbulimin edhe të 4 tonëve të tjera drogë të magazinuar dhe e gatshme për transport detar, në zonën e Babicës së Vogël në qytetit e Vlorës. Por ky aksion diskret, solli edhe përplasjen ndërmjet policisë dhe Prokurorisë së Krimeve të Rënda, ku deri në momentin e kryerjes së operacionit, uniformat blu u mbajtën larg nga frika e donkonsperimit.

Gjithashtu, ABC News ka mësuar në dosjen e cila mbahet sekret nga organi qendror i akuzës se, gjatë vitit 2014-2015, grupi kriminal i Habilajve ka dërguar në Itali ngarkesa me drogë edhe në rrugë ajrore, konkretisht në zonën e Akrenisë, po në Vlorë. Për këtë aktivitet kriminal, Prokuroria e krimeve të rënda në bashkëpunim me homologët e Katanias, të cilët kanë kryer përgjimet edhe në territorin Shqiptar, prangosjen e Deputetit Saimir Tahiri. Emri i ish-ministrit të Brendshëm ka dalë gjatë biseda me anëtarët grupit si edhe i ka ndihmuar këta të fundit të jenë të paprekshëm në qarkun e Vlorës. Aktualisht fati i deputetit Tahiri mbetet në dorën e ligjvënësve nëse do t’ia heqin apo jo mandatin e deputetit. Prokuroria kërkon burgosjen e Tahirit, pasi ai akuzohet për “trafik të narkotikëve e kryer në grupin e strukturuar kriminal” dhe “korrupsioni pasiv i zyrtarëve të lartë”.

MË 27 TETOR PËRUROHET NË TROPOJË SHTATORJA E AZEM HAJDARIT

VOAL – Më 27 tetor 2017, ora 11.00 në sheshin me të njëjtin emër në qytetin Bajram Curri, përurohet shtatorja e dëshmorit të kombit, heroit të demokracisë Azem Hajdari.

Janë të ftuar deputetët e Kuvendit të Shqipërisë, deputetë ndër vite, studentë të Dhjetorit ’90, si dhe miq,  dashamirë e simpatizantë dhe të gjithë ata që e kanë njohur, dhe të gjithë ata që kanë dëshirë të marrin pjesë për të nderuar emrin, kujtimin e veprimtarinë e Heroit të Demokracisë e Lirisë, Azem Hajdarit.

Nderojnë me pjesmarrjen e tyre ish Presidenti e ish Kryeministri i Shqipërisë, Sali Berisha; kryetari i Partisë Demokratike të Shqipërisë, Lulzim Basha; ish Presidenti i Shqipërisë, Bujar Nishani; përfaqësues nga Qeveria e Kosovës dhe nga institucione të ndryshme të rëndësishme në Maqedoni, Malin e Zi, Lugina e Preshevës, Diaspora; nga Trupi Diplomatik i  Huaj i akredituar në Shqipëri; etj;,

Ekskluzive e voal.ch Dritan Zagani i përgjigjet Saimir Tahirit: Mos shpif, isha i pastrehë dhe nuk disponoj asnjë pronë në Orikum!

Lidhur me shpifjen e fundit te z.Tahiri se une kam bere deklarimet e mia si i shitur per nje cope toke nga politika e djathte qe qeveriste deri dje, ndjehem vertete i zhgenjyer nga ish ministri im, sepse edhe pse e di mire qe eshte nje njeri i lidhur koke e kembe me trafikun e droges, perseri e mendoja nje njeri me te zgjuar nga ana juridike si jurist qe e pretendon veten.

Edhe pse eshte jurist me shkollë nate, perseri eshte e pafalshme per nje te tille qe te mos kuptoje efektin e dokumentave qe provojne komplet te kunderten e asaj qe shpif, dhe kjo ne daç ne aspektin kohor se kujt kohe i perkasin keto fakte (dokumenta shteterore dhe jo partiake si ato që ai i paraqet),ashtu edhe sa i perket faktit se ato dokumenta demostrojne qarte, kuptueshem edhe per nje jurist i kalibrit te tij se ajo qe ai pretendon nuk eshte as me pak e as me shum se shpifja e tij e radhes ne perpjekje per te mbuluar zullumet qe ai dhe shefi i tij Rama kane bere keto kater vite pushtet se bashku, duke kriminalizuar shoqerine shqiptare deri ne qelize me politiken e tyre te droges, deri sa arriten te na vene emrin e ri “Kolumbia e Ballkanit”.

Pra se pari, une ju them per gjithe skeptiket qe me mendojne akoma ashtu sikur Tahiri shpif (flas per pjesen e shendoshe te bashkeatdhetareve te mi, jo per ata milatante qe nuk duan as uje e bukë para partise dhe droges se rilindjes) qe une disponoj te gjithe dokumentacionin e nevojshem ligjor te shtetit shqiptar dhe jo te partise dje apo sot, qe ajo cope toke e dhene me VKM nr 159,date 13/06/2013 (lehtesisht e verifikueshme ne internet nga kushdo), provon te kunderten e asaj qe Tahiri pretendon, sepse aty nuk ka nje dhuratë per mua personalisht, por ka nje vendim te qeverise te shtetit shqiptar per nje numer te caktuar punonjesish te shtetit qe perfitojne objekte apo terrene edifikabile, per arsye te të qenit te pastrehe dhe si funksionare te shtetit ne baze te ligjit gezojne te drejten e pasjes banese per familjet e tyre. Pra i nderuari Tahiri ne asnje moment kur shpif nuk ben prezent faktin e vertete qe ajo nuk eshte asgje me shumë se nje vendim qeverie i bazuar ne ligj per shume punonjes shteti si puna ime, biles edhe ne ate terren ku figuron emri im, qe eshte rreth nje mije meter katror, une nuk jam i vetem si perfitues, por jam me nje koleg te nderuar timin qe per ironi te fatit eshte edhe patriot i Tahirit qe ai rastesisht as e ka vene re qe ta publikoi, dhe as qe e thote se ne ate VKM eshte nje liste me objekte apo terrene e shtrire ne gjithe teritorin e vendit,ku ka perfitues punonjes te pa strehe si puna ime nga e gjithe vendi,qe nga Korça, Tirana Durresi Vlora etj.

Se dyti per ta iluminuar pak z.Tahiri dhe ata qe i besojne verberisht, jo per ata qe duan ta besojne si militante,une dhe kolegu im patriot i Sajes jemi te vetmit nga ajo liste perfituese sipas VKM-se akoma dhe sot nuk jemi perfitues real sipas ligjeve te shtetit dhe kjo sepse pas marrjes se vendimit qe na njeh ne si pronare sipas VKM-se ne ju drejtuam zyres se regjistrimit te pasurise Vlore, ashtu se dhe ligja e parashikon, por aty kemi marre nje pergjigje te çuditshme ku ai terren figuronte i regjistruar si prone ne emer te nje tjeter shtetasi shqiptar qe pas verifikimeve tona rezultonte i vdekur dhe me pas ca trashegimtare te tij e e kishin kaluar mbi pronesi si trashegimi( kete e provojne shumë qarte dokumentat qe une disponoj). Dhe ne keto kushte ne si perfitues nga ligji ne bashkepunim me zyren e regjistrimit te pasurive na lindi e drejta te bejme nje padi prane gjykates se shkalles se pare Vlore,per keta persona qe kishin pervetesuar toka shteterore ne menyre të paligjeshme, dhe ashtu u be ne fillim, ne me ane te nje avokati te pajtuar privatisht, ne nje kohe qe eshte vete shteti qe duhej ta bente se shtetit i ishin vjedhur pronat me dokumenta false, beme padi ne gjykaten e shkalles pare Vlore, e cila pas disa muajsh gjoja hetime gjyqesore u detyrua ta “ngrije”, ta pushojë çeshtjen sepse zyra e shtetit ne sherbim te qytetareve,pra zyra e regjistrimit te pasurive nuk u paraqit asnjehere te bente detyren ligjore qe ka dhe qe paguhet nga taksat e shqiptareve ne seancat ligjore per kete qellim, dhe kjo e gjitha pas prononcimit tim publik lidhur me faktet e implikimit te shtetit e ministrit Tahiri me trafikantet e droges, pra me pak fjale une isha shpallur armiku i partise shtet dhe ne keto kushte shteti ne asnje menyre nuk duhet te zbatonte ligjet e tij per mua “armikun e popullit”, pra si rezultat i kesaj sot e kesaj dite une nuk jam pronar i ligjshem i asaj toke qe Saja thote per kete qe ju thashe me lart, duke demtuar pa te drejte dhe kolegun tim te nderuar oficer policie dhe nga me te nderuarit ne drejtorine e Policise Vlore qe akoma edhe sot jeton ne banese me qera sepse nuk ka mundur te marre te drejten qe shteti i tija dhe i imi e ka vendosur me ligje.

Per gjitha sa po them jane dokumentat autentike ne zyren e avokatit tone te nderuar prane gjykates se shkalles se pare Vlore, si dhe une disponoj kopiet e tyre.

Ky eshte realiteti dhe i provuar me dokumenta autentike ligjore, ndaj dhe une i perseris Saimir Tahirit shprehjet brilante qe ai i ka aq per zemer se “Nuk ke pare asgje akoma”,,,si dhe “SUKSESE NE JETE “.

 

Me respekt per kedo qe ka sy e veshe te kuptoje te verteten Dritan Zagani.

Date 22/10/2017

Dokumentat i disponon edhe redaksia e voal.ch

Prokuroria në alarm: Politika po dekonspiron hetimet ndaj Saimir Tahirit

Prokuroria e Krimeve të Rënda deklaron me shqetësim se politikanët brenda Këshillit të Mandateve, ku diskutohej për fatin e Saimir Tahirit, kanë rrjedhur informacion që përbën sekret hetimor dhe ia kanë dorëzuar medias.

Përmes një deklarate për shtyp, prokuroria shprehet se provat e sjella për përfshirjen e Saimir Tahirit janë bërë dhe po vijojnë të bëhen publike në media, duke vënë kështu në rrezik serioz persona që kanë dijeni për rrethanat e hetimit. Prokuroria i referohet rastit të një dëshmitareje (efektive e policisë) e cila është marrë në mbrojtje nga prokuroria pasi ka dijeni për lidhjen midis Habilajve dhe Saimir Tahirit.

Në seancën e sotme në Kuvendin e Shqipërisë, drejtuesi i Prokurorisë për Krime të Rënda, z. Besim Hajdarmataj, tërhoqi vëmendjen e Këshillit për të ruajtur sekretin e të dhënave hetimore.

Por, pavarësisht se materialet, të konsideruara sekret hetimor u paraqitën pas nënshkrimit të deklaratës përkatese për “ruajtjen e sekretit hetimor” nga ana e anëtarëve të Këshillit, sërish rezulton se të dhëna të ndryshme janë bërë publike. Është e rëndësishme të theksohet se nxjerrja e sekretit hetimor përbën vepër penale dhe ndëshkohet sipas parashikimeve ligjore.

…konstatohet se publikimi i të dhënave “sekret”, sidomos mbi ekzistencën e personave që kanë dijeni për rrethanat e hetimit, cënon rënde të gjithë procesin hetimor që është në vijim, si edhe intimidon e cënon integritetin fizik të këtyre personave.”– shkruhet në njoftim.

Prokuroria deklaron se shumë persona të vënën nën hetim dhe me lidhje me grupin kriminal të Habilajve qëndrojnë ende të lirë në Shqipëri, e kësisoj mund të bëhen rrezik serioz për personat që kanë dijeni dhe informacion për këtë dosje.

NJOFTIMI I PLOTE I PROKURORISË

Prokuroria për Krime të Rënda konstaton me shqetësim se, prova dhe fakte të paraqitura prej saj në Këshillin e Mandateve dhe Imuniteteve, në Kuvendin e Shqipërisë, janë bërë dhe po vijojnë të bëhen publike.

Rasti me flagrant është shënuar ditën e sotme (e Shtunë), kur, nga brenda Këshillit, gjatë paraqitjes së provave në seancë me dyer të mbyllura, janë publikuar të dhëna të cilat, jo vetëm cënojnë hetimin, por edhe vënë në rrezik serioz persona që kanë dijeni për rrethanat e hetimit.

Prokuroria për Krime të Renda rikujton se, në seancat në Kuvendin e Shqipërisë, janë shqyrtuar të dhëna hetimore për një grup të strukturar kriminal, me rrezikshmëri shumë të lartë shoqërore.

Disa nga personat në hetim janë në kërkim. Ata qëndrojnë të fshehur dhe rezulton se ende nuk ka asnjë rezultat për kapjen dhe vënien e tyre para përgjegjësisë ligjore, e për këtë arsye, ata përbëjnë rrezik serioz për jetën e personave që kanë dijeni për veprën penale.

Në seancën e sotme në Kuvendin e Shqipërisë, drejtuesi i Prokurorisë për Krime të Rënda, z. Besim Hajdarmataj, tërhoqi vëmendjen e Këshillit për të ruajtur sekretin e të dhënave hetimore.

Por, pavarësisht se materialet, të konsideruara sekret hetimor u paraqitën pas nënshkrimit të deklaratës përkatese për “ruajtjen e sekretit hetimor” nga ana e anëtarëve të Këshillit, sërish rezulton se të dhëna të ndryshme janë bërë publike. Është e rëndësishme të theksohet se nxjerrja e sekretit hetimor përbën vepër penale dhe ndëshkohet sipas parashikimeve ligjore.

Përfaqësues të Prokurorisë për Krime të Rënda, në respekt të Kushtetutës dhe legjislacionit, u paraqitën para Keshillit të Mandateve dhe Imuniteteve, duke prezantuar qëndrim korrekt, procedurial dhe institucional.

Por, konstatohet se publikimi i të dhënave “sekret”, sidomos mbi ekzistencën e personave që kanë dijeni për rrethanat e hetimit, cënon rënde të gjithë procesin hetimor që është në vijim, si edhe intimidon e cënon integritetin fizik të këtyre personave.

Kush është oficerja misterioze e policisë që pritet ta fundosë Saimir Tahirin

Një grua, oficere e policisë në komisariatin e Vlorës është bërë “bashkëpunëtore e drejtësisë” shqiptare duke rrezikuar kështu të fundosë ish-ministrin e Brendshëm dhe lidhjet e tij me Habilajt. Por, kjo mund të ndodhë vetëm nëse Kuvendi të mërkurën do të autorizojë arrestimin dhe hetimin e Saimir Tahirit, gjë që ka fare pak gjasë të ndodhë.

Me largimin e kamerave, gazetarëve, Tahirit dhe avokatit të tij, prokurorët u kanë treguar deputetëve të PS, PD dhe LSI se kanë marrë në mbrojtje një femër, oficere e policisë së shtetit që ka punuar edhe në Vlorë.

Ajo ka dëshmuar për trafikun e drogës nga Habilajt dhe lidhjet me ish ministrin e Brendshëm Saimir Tahiri. Dëshmia e saj u është vënë këtë të shtunë në dispozicion anëtarëve të Këshillit, Imunitetit dhe Rregullores.

Kjo oficere e policisë ka marrë tashmë statusin e “dëshmitarit të mbrojtur” nga prokuroria. Ashtu siç e bënë të qartë prokurorët edhe në pjesën publike kur kërkoi arrestimin e ish ministrit të Brendshëm, frika e tyre ishte se lënia e lirë e Saimir Tahirit, mund të ndikonte tek dëshmitarët dhe se mund të ndikonte për të prishur provat.

 

 

Vendimi për Tahirin – Rama vizitë ‘blic’ tek zyra e Fatmir Xhafajt

Pas vendimit të Këshillit të Mandatave, për hetim dhe jo arrestim të Tahirit, Kryeministri Rama është parë të shkojë tek Ministria e Brendshme për një takim me Fatmir Xhafajn.

Ende nuk bëhen të ditura detaje nga takimi mes kreut të qeverisë dhe ministrit. Takimi zgjati rreth 15 minuta, menjëherë pas përfundimit të mbledhjes së Këshillit të Mandateve ku diskutohet çështja “Tahiri”

 

Ngjela: Arrestimin e Tahirit e kërkon FBI, ja kush e ka rradhën pas ti

Avokati Spartak Ngjela shkruan se çështja e Tahirit është një skemë e Berishës për të shpëtuar vetë “Tahirin”. Në një status në Facebook ai shprehet se  arresti i Tahirit është kërkesë e FBI–së dhe pas tij frika më e madhe është arrestimi i Berishës, Ramës apo edhe i Bashës.

 

Statusi i plotë i Spartak Ngjelës. 

Bashkimi i korrupsionit shqiptar është fundi i tyte i shpejtë. Nuk shpëtoni dot, edhe të bashkuar. Saliu me tropojanët e tij mendon se mund të shpëtojë Ramën me alibinë se Tahirin e kërkon Saliu.

I patë dje tre tropojanë që paraqisnin asgjë për gjithçka?

Sigurisht skema e Saliut për të shpëtuar Ramën, dhe jo Tahirin.

Në fakt, me shpëtimin e Ramës, Saliu jep shpresën e vakët për veten.

Asgjë.

Janë ata që kanë vjedhur dhe janë kapur. Që kanë vrarë dhe janë strukur; kurse Çështjen Tahiri e kanë marrë si atentat kundër tyre edhe Rama edhe Saliu, edhe Basha.

Pse vërtet mendoni se arrestimin e kërkon Prokuroria e Krimeve të Rënda?

Naivë jeni apo budallenj! Arresti i Tahirit është kërkesë e FBI – së.

Ja kjo është edhe frika e Saliut dhe Bashës edhe e Ramës. Sepse pas tij ndoshta do kërkohet ndërkombëtarisht personi apo personat që bashkëpunuan me oficerët rusë kundër Natos në muajin prill.

Në fakt ashtu është, por as Rama dhe as Saliu nuk e dinë thesin e mbledhur kundër tyre.

Pse mor të mjerë me tre tropojanë do t”i shpëtoni ju FBI-së.

Më budalla po tregohet kryeministri që po vërtitet si një fëndyell për të fituar ca ditë.

Është krim ndërkombëtar Zotërinj!… Do të ekstradoheni, pa lërini tropojanët hajdutë të krimeve të rënda, se këto ditë kanë fundin e tyre. Alibia që i ka dhënë Saliu Ramës me tropojanët, shpejt do të shkruhet si komedi.

Il.

Kot lodheni Sali! Nuk e kapni dot ju pulsin e kësaj kohe. Janë zbardhur të gjitha. Si nuk i kuptoni; nuk keni asnjë profesionist pranë vetes që t’iu thotë që jeni të humburit e kësaj kohe.

Por i keni sjellë shumë dëm Shqipërisë dhe shqiptarëve.

Nuk keni, Sali, asnjë rrugë shpëtimi.

Çështja është shumë më e thellë sa e mendon Saliu me Ramën.

Nuk e kanë bërë vetë kërkesën tropojanët e emëruar në Prokurorinë e Krimeve të rënda nga Saliu dhe për Saliun.

Le që pas çështje ditësh ata nuk do jenë më aty; kurse krimi i lartë shtetëror nuk ka mundësi të hetohet këtu.

Megjithatë gjithçka do të shihet të hënën.

Prova e re kundër Tahirit, polici i Vlorës: Jam ulur në kafe me një nga vëllezërit Habilaj…

Zbulohet se çfarë kanë thënë tre prokurorët e prokurorisë së krimeve të rënda gjatë seancës së sotme me dyer të mbyllura.

Sipas prokurorëve ata kanë në dosjen hetimore dëshminë e një efektivi të Policisë së Vlorës.

Prokurorët nuk e kanë treguar emrin e efektivit por kanë cituar atë çfarë ai ka deklaruar përballë tyre kur është marrë në pyetje.

“Jam ulur në kafe në Vlorë me njërin prej vëllezërve Habilaj. Ai më tha se është kushëri i Sajmir Tahirit”, kështu ka deklaruar para prokurorëve efektivi policisë.

Vetëm ky pasazh i deklaratës së këtij efektivi është marrë nga prokurorët dhe i është dhënë Këshillit të Mandateve si provë sekrete gjatë seancës me dyer të mbyllura.

Nuk dihet nëse ky person që prokuroria e ka dëshmitar dhe e cilëson si provë sekrete vijon të jetë ende në policinë e Vlorës./Report TV

Fuga: Propaganda thoshte se këta po bëjnë shtet, por shteti kishte rënë më 2017 si më 1997

Profesori i njohur i gazetarisë, Artan Fuga jep një opinion në lidhje me imunitetin e ish- ministrit Saimir Tahiri dhe kërkesën e prokurorisë për arrestimin e tij.

Fuga shkruan se qe se ish-ministri ndalohet, atëherë shteti ka rënë.

Reagimi

Unë nuk e di se çfare do të ndodhë sot në Kuvend lidhur me ish-ministrin e Brendshëm. Por në parim kam dy orientime: I pari, çdokush nga funksionarët duhet të jetë përgjegjës para ligjit. I dyti, çdo njeriu si individ i dua vetëm të mirën. Kaq.

Unë nuk jam hetues, por historinë politike të Shqipërisë e njoh mirë!  Po qe se ish-ministri ndalohet, atëherë shteti njeh se gjatë vitit 2017 ai kishte rënë.

Ekonomi ilegale.

Administrate e paaftë të ndalonte kanabizimin.

Territori sipas Reformës së dështuar, i dalë krejt nga kontrolli me ose pa qëllim.

Interesat ilegale – marrë në zotërim, rendin. Kaq!

A do ta njohë sot zyrtarisht, solemnisht, unanimisht, Kuvendi këtë rezultat?!  Punë e tyre!

Mua kjo më intereson, ndërkaq për çdo njeri kam dhembshuri. Kushdo qoftë!

Pra kur propaganda na thoshte se po bëjmë shtet, shteti kishte rënë, si në ’97, ’98, ‘2011. Na dhe një në 2017!

Pse na ndodh kjo?

Kjo kërkon të dini përgjigjen, o shqiptarë! Mos u merrni me gjyqe në media, para se të nisë punën, Hetuesia! Paragjyqi mediatik është mizori.

4 herë në tridhjete vjet, një herë në 7 vjet mesatarisht, si na ka ndodhur mesatarisht që nga 28 nëntori 1912. T’i vëmë gishtin, kokës!

Foto histori: At Gjergj Fishta me fëmijët e një shkolle fillore në Shkodër

VOAL – Në këtë foto At Gjergj Fishta është në një takim me fëmijët e një shkolle fillore në Shkodër. Shkrepja ka fiksuar çastin kur fëmijët e kanë pritur me lule poetin tonë kombëtar.

Foton e ka postuar në faqen e tij në facebook Agustin Miraka, si një ripërjetim tejet të bukur, të veçantë dhe domethënës të historisë sonë, ku pasqyrohen marrëdhëniet e At Gjergj Fishtës me brezin e ri që kishte hyrë në rrugën e dijes.

Operohet me sukses aktori Ndriçim Xhepa

Aktori Ndriçim Xhepa, gjatë kohëve të fundit, po kalon probleme shëndetësore.

Prej ditësh aktori i njohur ndodhet jashtë Shqipërisë ku dhe i është nënshtruar një operacioni.  Në një prononcim të pak ditëve më parë Xhepa sqaroi se duhet të kryente një operacion në mushkri në Gjermani.

“Nuk është gjendje alarmante por një situatë që kërkon ndërhyrje të menjëhershme. Kam një ftohje të vjetër që më rikthehet herë pas here. Si pasojë mushkëria ka krijuar një masë, që duhet hequr. Por meqë këtu nuk janë mjetet e nevojshme për këtë ndërhyrje, me ndihmën e një fondi do mund të realizohet në Gjermani. Pas dhjetë ditësh do të jem sërish në Tiranë”.- është shprehur ai.
Elma Doresi, regjisore e njohur e Teatrit Kombëtar ka dhënë lajmin e mirë për të gjithë artdashësit duke treguar se operacioni të cilit i është nënshtruar aktori ka përfunduar me sukses.-shkruan Blitz.
“Një lajm i mirë për të gjithë ata që e njohin Çim Xhepën: Ndërhyrja perfundoi me sukses.
Jetë të gjatë miku ynë i vjetër!”,- shkruan një nga miqtë e aktorit.  Ne i rupjmë shërim të shpejtë Ndriçim Xhepës.

Bota sipas konsumit të kokainës, Shqipëria kryeson tabelën

“The Telegraph” ka publikuar një hartë që tregon botën sipas prevalencës së përdorimit të kokainës në bazë të përqindjes së popullsisë, bazuar në statistikat më të fundit në dispozicion në faqen e internetit të Kombeve të Bashkuara për Drogën dhe Krimin. Ato vende ose territore që shfaqen në ngjyra të errëta konsumojnë kokainën në sasi më të madhe, ato me ngjyra të lehta konsumojnë më së paku. Të dhënat korrespondojnë me një sërë raportimesh prej vitesh, kështu që nuk ofrojnë një krahasim perfekt, por janë një tregues i mirë për kombet që kanë oreksin më të madh për kokainën.

Image

Britania është një ndër përdoruesit më të mëdhenj të drogës në botë. Shifra e dhënë për Britaninë e Madhe prej 2.25 për qind i referohet konsumit në Angli dhe Uells nga ata të moshës 16-59 vjeç, siç është shënuar në Anketën e Krimit të Anglisë dhe Uellsit 2015/16. Burimet qeveritare raportojnë se përdorimi i kokainës është pak më i lartë në Skoci – rreth 2.34 për qind që nga 2014/15, ndërsa në Irlandën e Veriut është më i ulët – 1.8 për qind.

Në krye të tabelës gjendet Shqipëria. Hulumtimi i shëndetit publik nga 2014 vlerëson se 2.5 përqind e popullsisë së saj të moshës midis 16 dhe 64 vjeç përdorin drogën.

Në top 10-shen përfshihen vende të tjera si SHBA-ja, Spanja, Australia dhe Holanda, së bashku me disa vende të Amerikës së Jugut: Kilin dhe Uruguajin.