Kreu i Grupit Parlamentar të Partisë Demokratike, Gazment Bardhi, ka reaguar në rrjetet sociale, duke akuzuar Belinda Ballukun dhe Bledian Dalipajn për përfshirje në aktivitete të paligjshme elektorale në qarkun e Fierit. Në postimin e tij, Bardhi ka deklaruar se banda elektorale e Belinda Ballukut në Fier po përpiqet të nënshtrojë qytetarët me paratë e korrupsionit, por kjo do të jetë e dështuar.

Bardhi ka akuzuar gjithashtu Bledian Dalipajn, duke e quajtur atë një nga anëtarët më të zëshëm të bandës elektorale të PS në Fier, duke shtuar se ai mund të fshihet përkohësisht pas numrit spanjoll për të dhënë porosi për krime elektorale. Ai theksoi se për Partinë Demokratike, Dalipaj është “Mr. 944”, duke i bërë thirrje Prokurorisë së Posaçme të mos e lërë strategjinë e goditjes së krimeve elektorale vetëm në letër.

Bardhi e përfundoi postimin duke deklaruar se Fieri është 24 orë një skemë krimi elektoral, duke kërkuar një veprim të shpejtë dhe të vendosur nga autoritetet ligjore për të parandaluar dhe goditur krimet zgjedhore.

Postimi i plotë:

Banda elektorale e Belinda Ballukut në qarkun e Fierit gënjen veten kur mendon se me paratë e korrupsionit do të nënshtrojë qytetarët e Fierit. Bledian Dalipaj, një nga anëtarët më të zëshëm të bandës elektorale të PS në qarkun Fier, mund të fshihet përkohësisht pas numrit spanjoll për të dhënë porosi për krime elektorale, ndaj vartësve dhe punonjësve të administratës, por e garantoj se për Partinë Demokratike ai është Mr. 944, dhe rrugën e ka të shtruar për atje ku e ka çdo bandit.
Gjej rastin të apeloj edhe njeherë Prokurorinë e Posaçme që strategjinë e goditjes së krimeve elektorale të mos e lerë vetëm në letër. Këto janë ditët që ndajnë nëse strategjia është bërë si mjet propagande për të shpërlarë korrupsionin zgjedhor të Edi Ramës, Belinda Ballukut dhe bandave të tyre elektorale, apo është vullnet real i prokurorëve të posaçëm për të parandaluar dhe goditur krimet zgjedhore. Fieri është 24 orë një skemë krimi elektoral!sn

Gjatë takimit në Shkodër, kryetari i Partisë Demokratike Sali Berisha u ka bërë thirrje të gjithë banorëve që të mos e çojnë asnjë votë për Tom Doshin apo njerëzit e Lulzim Bashës.

Sipas liderit të opozitës, çdo votë e dhënë për ta, është votë që shkon direkt për Edi Ramën.

Pjesë nga fjala e kreut të PD, Sali Berisha:

Ne kemi një projekt transformues, ndaj dhe ftoj qytetarët e Shkodrës në këtë betejë të votojnë PD-në dhe koalicionin për Shqipërinë Madhështore.

Asnjë votë Tom Doshit.

Tomë, ja ku po ta them para këtyre burrave dhe grave, në qoftë se ka një njeri në Shqipëri që ka punë me Zotin, je ti dhe Vilma Nushi.

Ju jeni të dy në origjinën e të gjitha dhimbjeve, e të gjithë sëmundjeve që nuk mjekohen nga ilaçet e skaduara që shiten në treg.

Ju jeni mamuthët e tregut.

Dhe aq më keq, të them mos shtro iftar me paratë e vjedhura. Askërkund!

3500 tendera fiton në vit ai. E kuptoni ju vetë. Bashkë me Vilma Nushin i fshinë ilaçet, nuk ka më në Shqipëri vetëm ilaçet e tyre, ilaçet e tyre janë si ato.

Ndaj dhe hiq dorë nga kjo fushatë. Njeriu që shkon e blen partinë e tjetrit.

Kjo është e vërtetë.

Tani dy fjalë për ata ish-pro amerikanët e mi. Ramiz, Fatmir, etj, hiqni tani, e morët vesh se ku shkoi Donaldi, po po shkon edhe Kimi, mos vazhdoni gënjeshtrën e Lulzim Bashës se nuk ka gjë më turp që t’u gënjejë Lul Basha nga mëngjesi gjer në darkë.

Se po të uleni dhe të mendoni gënjeshtrat, ju nuk jeni të zotë t’i numëroni.

Kthehuni, mos vazhdoni betejën për Edi Ramën.

Çdo votë për ta, është votë për Edi Ramën.

Çdo votë për këto partitë kundër opozitës është votë për Edi Ramën.

Ndaj dhe shkodrane e shkodranë, njerëz të mençur, bura dhe gra asnjë votë për ta, votoni Aleancën për Shqipërinë Madhështore, votoni për PD-në.

PD ka një rikthim madhështor.

PD u dëshmua forca e idealeve tuaja, forca e Shqipërisë dhe shqiptarëve.

Rrofshi, rroftë Shkodra, rroftë Shqipëria.

Kryetari i Partisë Demokratike, Sali Berisha ka nisur nga Shkodra prezantimin e kandidatëve të koalicionit PD-Aleanca për Shqipërinë Madhështore.

Në nisje të fjalës së tij, Berisha u shpreh se, ka zgjedhur Shkodrën për të nisur betejë, që të shembë diktaturën e dytë.

‘Kjo është një betejë çlirimtare’, theksoi kreu i PD-së, Sali Berisha.

Pjesë nga fjala e kreut të PD, Sali Berisha:

Demokrate e demokratë, të dashur kandidate e kandidatë për deputete e deputetë të ardhshëm, përfaqësues të qytetarëve dhe banorëve të këtij rrethi, një falënderim dhe mirënjohje të pakufishme për këtë mikpritje të zjarrtë.

Në Shkodër, në Rozafën e lirisë, njeriu ndjehet më i lirë se kudo tjetër në Shqipëri, se kudo tjetër në botë.

Të dshur miq, askush nuk mund të thotë, nuk mund të shkruajë më shumë për Shkodrën se sa ka thënë historia për këtë qytet.

Ajo histori që shkodranët e kanë shkruar vetë me guxim, me mendje të ndritur, me zemër, me dashuri, me djersë dhe gjak për qytetin e tyre të bekuar në ditët më të vështira të tij,

Shkodra ka qenë dhe mbetet në histori qyteti i pikënisjes së epokave për kombin shqiptar.

Këtu në Shkodër nisi epoka e demokracisë dhe shembja e diktaturës komuniste ndaj dhe unë zgjodha Shkodrën për të nisur betejën për shembjen e diktaturës së dytë dhe ndërtimin kësaj here të Shkodrës madhështore, të Shqipërisë madhështore.

Të dashur miq, ne jemi në prag të një fushate elektorale që do shënohet në historinë ndoshta fushata më e rëndësishme zgjedhore e 34 viteve të fundit.

Sepse në këtë fushatë ne nuk kemi kundër një parti politike, ne kemi kundër një organizatë të tmerrshme kriminale që ka pushtuar Shqipërinë në 12 vite dhe që duhet rilindje.

Ne kemi përballë narkoshtetin e parë dhe të vetëm në Europë, tashmë të faktuar me dokumente themelore ndërkombëtare.

Prandaj kjo fushatë është në fakt një fushatë çlirimtare për Shqipërinë dhe për Shkodrën.

Por mbi të gjitha, kjo fushatë është çlirimtare për Shkodrën, sepse po të shohësh sot këtë qytet të bekuar, ndjen dhimbje, keqardhje të thellë.

Edi Rama, që i premtoi Edenin Shkodrën, u solli Brajat, Bajrët dhe Brajoviçët.

Edi Rama i solli qytetit vrasje, shpërthime,atentate, masakra, djem të rinj që vriten, qytetarë ët pafajshëm që vdesin nga plumba qorrë.

Shkodra e bukur, Shkodra e kulturës, Shkodra e artit, Shkodra e përjetshëm u shndërrua këto kohë si një qytet sicilian i viteve ’50 sepse Edi Rama u ka dhënë fuqi absolute bandave të narkoshtetit si të vetmen mënyrë që të sundojë Shkodrën e lirë.

Ambasadori Lamberto Zannier do të kryesojë misionin e vëzhguesve të OSBE/ODIHR për zgjedhjet parlamentare të 11 majit në vendin tonë.

Me datën 1 prill, Zannier dhe stafi i tij do të ketë takime në Ministrinë për Evropën dhe Punët e Jashtme dhe Komisionin Qendror të Zgjedhjeve.

Kush është ambasadori Lamberto Zannier?

Ambasadori Lamberto Zannier mori postin e Sekretarit të Përgjithshëm të OSBE-së më 1 korrik 2011. Në korrik 2014, ai nisi mandatin e tij të dytë trevjeçar.

Zannier iu bashkua Ministrisë së Jashtme italiane si diplomat karriere në vitin 1978.

Nga qershori 2008 deri në qershor 2011 ai pati postin si Përfaqësues Special i OKB-së për Kosovën dhe Shef i Misionit të Administratës së Përkohshme të Kombeve të Bashkuara në Kosovë (UNMIK).

Nga viti 2006 deri në vitin 2008 ai ishte Koordinator për CFSP dhe ESDP (tani CSDP) në Ministrinë e Punëve të Jashtme Italiane, duke u marrë ndër të tjera me çështjet e politikës së jashtme të BE-së dhe me pjesëmarrjen e Italisë në operacionet e BE-së, civile dhe ushtarake.

Nga viti 2002 deri në vitin 2006, ai ishte Drejtor i Qendrës për Parandalimin e Konflikteve të OSBE-së, i fokusuar në çështjet politiko-ushtarake, si dhe menaxhimin e krizave dhe përgjegjës për menaxhimin e operacioneve në terren të OSBE-së.

Më parë, ai ka shërbyer në Romë, Abu Dhabi dhe Vjenë, kryesisht i specializuar në çështjet shumëpalëshe dhe të sigurisë. Ai është autor i disa publikimeve mbi çështjet e sigurisë, parandalimit të konflikteve dhe menaxhimit të krizave.

Zannier është diplomuar për juridik, gjithashtu ai ka një diplomë nderi në “Shkenca Ndërkombëtare dhe Diplomatike” nga Universiteti i Triestes, Itali.  sn

24 orë pas zgjedhjes në krye të Kishës Orthodokse të Shqipërisë, Kryepeshkopi Joan ka marrë një telefonatë nga ana e kryeministrit grek, Kyriakos Mitsotakis.

Përmes një postimi në platformën ‘X’, Shefi i Athinës zyrtare shkruan se Kisha e Shqipërisë është një pikë uniteti dhe mirëkuptimi reciprok mes dy popujve.

“Ne do të vazhdojmë të punojmë drejt këtij qëllimi, duke nderuar kujtimin dhe veprën e të bekuarit Anastas. Kam kontaktuar Fortlumturinë e Tij Kryepeshkopin e Tiranës, Durrësit dhe Gjithë Shqipërisë Ioannis dhe e përgëzova për zgjedhjen.

Besimi ynë i përbashkët është se Kisha e Shqipërisë është një pikë uniteti dhe mirëkuptimi reciprok mes dy popujve. Ne do të vazhdojmë të punojmë drejt këtij qëllimi, duke nderuar kujtimin dhe veprën e të bekuarit Anastas”, shkruan Mitsotakis.

Zgjedhja e Kryepeshkopit Joan u bë ditën e djeshme nga Sinodi i Shenjtë i Kishës Ortodokse, pas Liturgjisë Hyjnore të së dielës, që për besimtarët ortodoksë përkon me të dielën e dytë të Kreshmës. sn

Kryedmeokrati Sali Berisha nga SPAK ka sfiduar prokurorët e Posaçëm për bandat kriminale në Elbasan dhe lidhjet kriminale të socialistit Taulant Balla me këto banda.

Në një deklaratë për mediat jashët dyerve të SPAK, Berisha bashkëlidhur ka publikuar edhe bisedën e përgjimeve të dala mes Ballës dhe Suel Çelës, i dyshuar për nëj sërë veprash penale, se si Suel Çela bën pazare me ligjvënësin e PS me dosjet e SPAK.

Tani vazhdojmë përsëri me personazhin më të inkriminuar pas Edi Ramës në Shqipëri dhe ky është Taulant Bego Yaris.

Taulanti është një personazh unik.

A e dini ju të nderuar gazetarë që ai është edhe hajdut xhepash në kuptimin që nuk ngurron t’u kërkojë mbushmani kartën e telefonit, hidh ca mbushje në kartën time të telefonit.

Pra, ky është njeriu që përfaqëson Edi Ramën në Tiranë.

Në janar të vitit 2021, Sueli, kapoja i bandës së Elbasanit është në diskutim me pinin D787BO, e gjeni vetë ju ku është, por edhe unë do përpiqem, në lidhje me një çështje kundër tij, të nisur nga OFL.

Dosja ndodhet në SPAK.

Pini D787BO thotë se ‘do ta kthej dosjen nga Spaku në OFL’.

E shihni pra se si bëhen pazaret dhe pastaj më thonë pse thua ti organizatë kriminale. Po çfarë është kjo apo jo? A nuk është pazar që më hiqni dosjen dhe çojani edhe njëherë policisë.

Pini D787BO thotë se do ta kthejmë dosjen nga SPAK në OFL dhe shpresoj te kushtet.

E kuptoni pra se si shpëtohen kriminelët duke bërë dosjet top futbolli nga Spaku tek OFL dhe duke i nxjerrë jashtë afateve ligjore të gjykimit.

Tani në fund thuhet se ‘Tao është plotësisht i vetëdijshëm për këtë’.

Domethënë do ta bëj se nuk ka ku të shkojë.

Pra, kjo ishte sot për Taon dhe për redaktorin.

Aktivistja Sevim Arbana në emisionin ‘Profil’ në Euronews, bëri një rrëfim të ndjerë për jetën e saj. E rritur pa baba por me nënën dhe motrat, aty ndjeu për herë të parë feminizmin të cilin nuk e njihte si nocion por e ktheu në mision.

E patrembur në luftën e saj për të drejtat e njeriut është gati të shkoj në gjyq me këdo…madje dhe me Kryeministrin e vendit.

“Aktualisht sot jam në një gjyq qesharak me Ramën të cilin nuk e ka fituar as ai , as unë. Gjykata nga 10 milionë lekë që kërkoi Rama më ka detyruar mua vetëm 200 mijë lekë të vjetra. Ndërkohë ka pranuar vetëm pjesërisht padinë e Ramës kundër meje, pasi shprehet se Arbana është zë publik dhe ka të drejtë të flasë në kontekstin e shoqërisë civile.

Në anën tjetër e ka kaluar më një ofendim që kam bërë unë kur kam thënë se 20 vjeç ishte psikopat, tani është superpsikopat. Unë kam parë kur na ftoi Rama për strategjinë e fëmijëve, që kur një nga deputetet seç i thotë dhe ky e pickon. E unë kam thënë që ai është autokrat nuk i pëlqen mendimi i të tjerëve. Kjo ka ndodhur në janar, në 1 gusht të 2019 mua më vjen dosja, padia nga Rama”, tha Sevim Arbana. sn