VOAL

VOAL

Please Wait ...
0%

WikiLeaks: Al-Qaeda ishte në Kosovë (VIDEO)

By | March 11, 2017
blank

Komentet

blank

11 Dhjetori- Sekretari i PD Elbasan lexon 272 emrat e delegatëve: Kanë firmosur të gjithë me vullnet të lirë!

Dega e Partisë Demokratike të Elbasanit ka bërë transparente sot përpara selisë së PD-së, emrat e delegatëve që kanë firmosur për thirrjen e Kuvendit më 11 Dhjetor, thirrur nga lideri historik Sali Berisha.

Nga Dega e PD-së në Elbasan kanë firmosur 272 delegatë, emrat e të cilëve janë lexuar një për një publikisht para mediave për qëllim transparence dhe me vullnetin e plotë të tyre.

blank

VOA- Berisha: Jo parti të re. Kuvendi ka të drejtë të shkarkojë Bashën

Intervistoi: Armand Mero

Në Shqipëri, ish kryeministri dhe drejtuesi i Partisë Demokratike, Sali Berisha përjashton në mënyrë kategorike, krijimin e një force të re politike. Në një intervistë për Zërin e Amerikës, ai shprehet i bindur se kuvendi i thirrur prej tij dhe mbështetësve të tij më 11 dhjetor do të shënojë një rithemelim të kësaj partie të cilën synon ta drejtojë sërish. Zoti Berisha nuk sheh si pengesë për të ardhmen e Partisë Demokratike faktin që është shpallur “non grata” nga Shtetet e Bashkuara, pasi këmbëngul se është një vendim i pabazuar në fakte dhe prova. Zoti Berisha mohon që lëvizja e ndërmarrë prej tij, për të eleminuar zotin Basha, të jetë një hakmarrje personale ndaj kryetarit demokrat për largimin nga grupi parlamentar, si pasojë e vendimit të Departamentit amerikan të Shtetit.

Zëri i Amerikës: Zoti Berisha, së pari ju falenderoj për mundësinë e kësaj interviste. Ju keni ndërmarrë një fushatë të ashpër kundër kryetarit të Partisë Demokratike, e paprecedentë kjo lëvizje, brenda partisë tuaj. Por ajo për të cilën dua t’ju pyes është kësaj force, pse sot demokratët apo qoftë dhe opinioni publik, duhet të besojnë se lëvizja që ju keni ndërmarrë nuk është thjesht një hakmarrje personale ndaj zotit Basha pas vendimit për largimin tuaj nga grupi parlamentar, për shkak se departamenti i Shtetit ju shpalli non grata?

Z. Sali Berisha: Në këtë lëvizje nuk ka absolutisht asgjë personale. Ka dy probleme themelore, për të cilat unë gjykoj se Lul Basha nuk duhet të qëndrojë më asnjë minutë, por duhet të kishte dhënë dorëheqjen si kryetar i Partisë Demokratike. Problemi i parë dhe më themelor, janë katër humbje elektorale njëra pas tjetrës. Humbje të cilat shënojnë pas 8 vitesh qeverisje skandaloze, disfatë të plotë të kësaj partie, Partisë Demokratike. Në 2021 PD ka marrë 74 mijë vota më pak, po të bëhet sipas koalicioneve, krahasuar me vitin 2013.

Lulzim Basha erdhi më 25 prill 2021, si lider që u votua vetëm nga 19 përqind e elektoratit të PD, pra erdhi si lider i thyer dhe nuk premton në mënyrë absolute fitore.

Së dyti, problemin e shpalljes non grata nga Departamenti i Shtetit, unë e mbajta krejtësisht një çështje private, një betejë abosolutisht private. Dhe për këtë qëllim unë zgjodha dy linja të betejës sime, së pari gjyqësore, që në fillim ju drejtova gjykatës në Partis, së dyti, unë informova, mora një fushatë të gjerë informative, pranë miqve të mij, por jo vetëm miqve të mij, për shembull çdo senatori, çdo kongresmeni të SHBA-ve duke mos kërkuar asgjë prej tyre, veçse duke informuar se është abuzuar me ligjin e Kongresit dhe se unë i jam drejtuar gjykatës. Pra çështja ime u mbajt personale pa u përfshi në asnjë rast PD, dhe duke i thënë kryetarit që partia nuk duhet të përfshihet në këtë rast. Ne jemi parti proamerikane, properëndimore dhe ne nuk përfshihemi në një debat të tillë.

Zëri i Amerikës: Më falni që ju ndërpres zoti Berisha. Që nga maji kur doli vendimi i Departamentit deri në shtator kur zoti Basha ishte mjaftuar me shprehjen e keqardhjes, marrëdhëniet mes jush nuk duket se kishin ndryshuar. Ndërkhë që në këtë periudhë kohore pati zhvillime të rëndësishme në PD, pati një garë për kryetar e cila u zhvillua me shumë debate dhe kritika nga kandidatë, pati një kuvend, në të cilin u fiksua përqafimi juaj me zotin Basha, ditën e votimit për kryetar ju qëndruat mbi një orë në zyrën e zotit Basha. Dhe nuk i ngritët çështjet që shtroni sot…

Z. Sali Berisha: Shumë e drejtë. Në datën 20 maj, në konferencën e shtypit në hotel Rogner kam bërë një deklaratë në të cilën jam shprehur se vendimi im largim pa kthim merr fund. Unë do rikthehem dhe do luftoj për çdo funksion dhe post në harkun kushtetues të Republikës së Shqipërisë. Dhe këtë Lulzim Basha sigurisht e lexonte shumë mirë, dhe kjo nënkuptonte së pari rikthimin tim në PD. A do të pranoja unë Lulzim Bashën kryetar të PD, pas katër disfatave elektorale. Jo kurrë. Unë do përpiqesha brenda PD të grumbulloja mbështetje që ai të largohej.

Por a duhej unë të futesha në garë, pasi në mënyrën më të padrejtë dhe pa asnjë, fakt, dokument, argument shpallem non grata? Ajo nuk ishte në dinjitetin tim, se ajo tregonte sikur unë po kërkoj strehë tani në një garë partiake, apo ombrellë, nuk kisha qëllim unë ombrellën…

Zëri i Amerikës: Po ku është ndryshimi, pas tre muajsh?

Z. Sali Berisha: Tani po, shumë e drejtë. Lulzim Basha shkeli në mënyrën më flagrante statutin dhe sovranitetin e PD. Çfarë ndodhi? Këtu në gusht, erdhi zoti Philip Reeker, me të cilin kisha bashkëpunuar gjatësisht në vitet e pushtetit dhe ai i kërkon këtij që unë të mos jem në parlament. Pse bëhet kjo? Kjo bëhet meqenëse në dosje nuk ka asnjë fakt, argument, provë, që unë të rëndohesha politikisht dhe të triumfonte shpifja mbi mua. Basha më thotë, që më kërkoi këto zoti Reeker. I them kategorikisht jo! Kjo është çështje sovraniteti. Sa të jemi një vend i lirë, Sovran, anëtar i NATO-së, Këshillit të Europës, vetëm ligjet dhe zgjedhësit shqiptarë do përcaktojnë se kush do futet në parlament dhe askush tjetër.

Pas kësaj, ambasadorja bëri deklaratën e njohur të “barit” dhe unë ju përgjigja. Dhe pas deklaratës, u bënë përpjekje të mëdha, deri në idenë e votimit të një ligji, gjë të cilën, kreu i qeverisë, që qëndron pas kësaj dosje, siç thotë vetë Sekretari Shtetit në raportet e tij, nuk pranoi të bënte një ligj për të përfshirë përcaktimin në ligjin për dekriminalizimin. Atë që nuk pranoi ta bënte kreu i Qeverisë e pranoi ta bëjë kryetari i PD, i cili ka marrë pjesë aktive në procesin e “përcaktimit”. Në ç’kuptim?

Kur doli dosja Muzin, miqtë e mi në SHBA, më informuan se kryetari i PD-së mund të ndiqet penalisht për shkelje të rënda ligjore që ka bërë me transfertat e parave në SHBA, tek Nick Muzin. Unë besoja gjithnjë, jo variantin që më serviri miku im, apo dhe që më serviri ambasadori Donald Lu, por atë që më servirte Lulzim Basha, i cili më thoshte se nuk kam bërë asnjë shkelje ligjore.

Së dyti, po këto burime më informojnë se ky i thotë ambasadores, dhe jo vetëm ambasadores, se të gjitha vendimet i merr Sali Berisha, mi dikton Berisha, ndërkohë që ai ju thoshte ju gazetarëve se unë marr çdo vendim vetë. Të njejtën gjë më informon dhe një burim tjetër brendshëm, shumë i besueshëm që ky deklaron se vendimet nuk janë të miat, në një kohë kur vendimet ishin krejtësisht të tijat.

Pra unë këto ja kisha thënë Lulzim Bashës, se ai në bisedë e sipër më kishte informuar se ambasadorja i thotë atij se ne e kemi paralajmëruar Berishën. I them se zotëri, mua kurrë një paralajmërim, përveç Edi Ramës, që më tha në vitin 2019, në janar më duket, se nuk mund të kalosh Atlantikun, se ke bërë konspiracion kundër politikës së jashtme të SHBA-ve, për kundërshtimin e ndryshimit të kufijve, kjo ishte teza e Xhorxh Sorosit.

I them, Lul nuk më ka thënë mua njeri se po dezinjohesh, por çfarë më kanë thënë mua, më kanë thënë se ti i ke thënë ambasadores dhe jo vetëm ambasadores, se prapa të gjitha vendimeve është Berisha dhe se Berisha kontrollon totalisht çdo vendimmarrje në PD. Këtë ja kisha thënë dhe unë nuk mund të merresha me problemet e tij, për çështje personale.

Pse u mora pastaj? U mora se në shkelje flagrante të statutit të partisë, përjashton Sali Berishën nga grupi parlamentar, një ditë përpara nisjes së parlamentit, nën presionin, siç tha ai, e tmerrshëm të ambasadores Yuri Kim dhe kërcënimeve që ai rreshtonte në fantazinë e tij nëse nuk do ndodhë ky përjashtim.

Atëherë vetkuptohet kisha dy çështje. Së pari do mbroja sovranitetin e PD. Partia Demokratike nuk mund të marrë kurrë vendimet të diktuara nga askush përveç nga anëtarësia e saj. Së dyti do të mbroja kushtetutën e PD. Statuti i PD, nuk jep asnjë kompetencë në masa disiplinore kryetarit. Që të gjitha i ka Këshilli Kombëtar dhe me dy të tretat. Lulzim Basha i komunikoi publikut një vendim që është zero dhe sot, pa asnjë konsultim me asnjeri. Më tha mua 20-30 minuta përpara. I thashë që do të kundërvihem me të gjithë forcën time për të mbrojtur statutin dhe ligjshmërinë. Dhe kjo ndodhi. Pra unë nuk po mbroj asgjë personale. Përkundrazi, po mbroj kushtetutën e Partisë dhe sovranitetin e forcës politike, pasi një forcë jo sovrae nuk vjen kurrë në pushtet. Është fasadë, fiksion dhe jo realitet

Zëri i Amerikës: Sapo përmendët çështjen Muzin, apo siç e keni quajtur dosjen përvëluese të Lulzim Bashës, keni përmendur dhe çështjen Toyota Yaris. Por po të kthehemi pas në kohë, ju keni qenë ndër mbrojtësit e tij më të flaktë për rastin Muzin. E po kështu, keni përshendetur denoncimin e tij për Toyota Yaris. Tani kujt qëndrimi duhet t’i besojmë?

Z. Sali Berisha: Jua shpjegoj. Ambasadori Donald Lu më erdhi në zyrë dhe më solli disa dokumenta të cilat në mënyrë absolute nuk faktonin se si është bërë transferta e parave. Se gjithshka te dosja Muzin është te transferta e parave. Donald Lu m’u shpreh se janë para ruse. Dhe unë e sigurova se nuk janë para ruse. Dhe sot e them. Nuk janë para ruse. Por na të kohë, Lulzim Basha më shpjegoi se paratë u mblodhën nga biznesmenë shqiptaro-amerikan të SHBA. Nuk kishte se si të mos e besoja. Ai më gënjeu. Dhe më vonë kur Nick Muzin ra në një tjetër hetim, ai pranoi të flasë dhe të thotë të vërtetën.

Raporte të huaja të rrjedhura në mediat në Tiranë, tregojnë se prokurorja e Tiranës e cila hapi çështje për Lulzim Bashën, kërkoi në rrugë zyrtare dëshminë e Nick Muzin. Sipas këtyre raporteve ajo erdhi në ambasadë dhe nuk u dorëzua në Prokurori, por u përdor për të marë peng të themi Lulzim Bashën. Sigurisht këto do sqarohen me kohë. Por unë nuk e dija se Lulzim Basha ka bërë transfertë absolutisht të kundërligjshme. Më vonë zërat janë të qarta. Por unë i kam besuar plotësisht atij. I kam besuar dhe jam gënjyer.

Vijmë të dosja Toyota Yaris. Është pak më ndryshe kjo dsoje. Siç e dini ju, në qiell të hapur, ngrihet një ditë në parlament dhe i thotë Taulant Ballës se do të të vijnë ty, me një seri Toyota-sh 5 milion euro.Janë në adresë tuaj. Kjo ishte e çuditshme. Ishte diçka konkrete. Do vijnë me Toyota Yaris dhe do vijnë 5 milion. Po si mund të thuhet kjo, të premten për të shtunën, kohë kur ata që do vinin mund të devijonin rrugën dhe mund të mos vinin fare. Dhe kjo ishte si të dështoje ardhjen e tyre. Dhe unë e pyes, më thuaj pak, ç’është kjo, kush ta ka thënë ty? A rrezikon kjo që të mos vijnë tani? Se kjo është e dhënë shërbimesh, o shërbimesh kriminale, o shërbimesh inteligjente e të antidrogës. Si qenka kaq e saktë kjo gjë? Më thotë që më mori në telefon një kamarier, nga një restorant i huaj, gjëra të tilla. Po i them ata mund të kthehen e nuk kapen. Eshtë t’i ndihmosh ata. Jo më tha, se ndiqen me GPS. Një “giallo” e vërtetë. Për çudi, ata nuk e devijuan fare rrugën, ndonëse e morrën vesh lajmin, erdhën direkt në Durrës. Jo me 5 milion, por me 3.5 milion. Gjë e cila ishte një habi e madhe, se si ata as i njoftoi kush dhe ata nuk u trembën dhe erdhën drejt e në port. I thashë çfarë ndodhi kështu? Nuk e di tha, por tha erdhën.

Marr vesh që vijnë hetuesit belg. I them, çfarë do u thuash?. Duhet të flasësh, i them unë, se kjo ngre shumë dyshime se mos janë klane rivale që njëri klan të njoftoi ty për të dëmtuar klanin tjetër dhe ti je bërë palë, dashje pa dashje në një intrigë kriminale, ose pastaj ngre dyshime se mos ti ke afera me Taulantin. Jo tha, nuk flas me ta.

Si përfundim kanë çuar 4 ose 5 letër porosi hetuesit belg, dhe zotëria nuk u përgjigjet. Kjo përbën një gjë shumë të rëndë për mua. Dhe thotë tani, ma përmend dhe Rama. Rama ja përmend se e mban peng, se Rama i di të gjitha, se unë kaq di, nuk di më shumë. Por di që ai duhet të zbardhë këtë çështje se nuk e futa unë në këtë çështje, u fut vetë nga detyrime apo qëllime të caktuara.

Zëri i Amerikës: Siç shihet dhe nga ato që ju tregoni. Ju duket që keni patur kontakte të vazhdueshme me zotin Basha. Përsa kohë ndodhën disa humbje, përse ju nuk ndërhytë më parë?

Z. Sali Berisha: Së pari në 2017-2n unë I kam kërkuar atij të japë dorëheqjen dhe ai me tha që nuk e jap, Të shkoja më tutje do të duhej të rikthehesha. Isha i vendosur të mos rikthehesha. Bëri një garë sic e bëri. Kaloi në disfata të tjera elektorale. Erdhëm te zgjedhjet e 2021.

Unë kam punuar ngushtë me kompaninë e konsulencës që zoti Basha kishte marrë. Një kompani shumë e mirë. Çfarë e këshillova kompaninë? I kërkova duke i thënë se Lulzim Basha është një lider i thyer, dhe ua shpjegova se çfarë kuptoj unë me lider i thyer. Dhe ata nuk e kundërshtuan mendimin tim. U thashë se ju dhe mund ta ngjisni. Jeni arkitektë për këtë punë. Dhe uroj që ta ngjisni. Por nëse 4 muaj para zgjedhjeve ai nuk është ngjitur, se dilte në Poll-e nën PD-në, vazhdimisht, atëherë ju lutem, lereni kryetarin, të ngjisim partinë. Të ndjekim modelin francez të François Hollande, i cili u tha francezëve “unë jam zotëria normal”, se i dilte Sarkozy lider, dhe ai nuk dilte. Dhe fitoi zgjedhjet në atë formë.

Lulzim Basha gjer ditën e fundit, bëri gjithshka që të liderizohej. Dhe përfundoi në greminë me vetëm një të pestën e zgjedhësve të PD-së ta njohin për lider. A ja kam thënë unë këto gjatë fushatës Lulzim Bashës. Që të gjitha, pa përjashtim, në mënyrë të përsëritur.

Doli me tezën se “kam anëtarësuar Shqipërinë në Nato”. I them, thuaje sa të duash, por publiku do të përqeshë dhe gazetarët do të të telendisin. Dhe e mbajtën 24 minuta me këtë deklaratë. Nuk mund t’u themi njerëzve gjëra që s’janë. Mirëpo ai vazhdonte idenë e liderizimit.

Unë çfarë kam bërë? Duke dyshuar shumë se ky mund të bojkotonte zgjedhjet, për shkak të mosmarrëveshjeve që mund të gjente për Kodin zgjedhor. Kërkesa ime e prerë, për ata që merreshin me teknalitetet, ka qenë që PD duhet të marrë pjesë në zgjedhje patjetër. Dhe aty e bëra të qartë, se nuk mund ta imagjinoja që pasi dogjëm mandatet mund të mos merrnim pjesë në zgjedhje. Dyshoja se ishte i gatshëm. Dyshoja

Zëri i Amerikës: Ju, sipas asaj që ka thënë dhe zoti Basha, e keni mbështetur djegien e mandateve?

Sali Berisha: Absolutisht e kam mbështetur në këtë formë që dhe është bërë publike. Ky mendoi se përmes djegies së mandateve shoqëria shqiptare do polarizohej deri në atë shkallë sa të rrëzonte Edi Ramën. Në atë mbledhje I kam thënë se mund të shkojmë në fitore, por mund të përfundojmë dhe në greminë. E dyta, me komunitetin ndërkombëtar do të kemi problemet më serioze. E ndihmoi Edi Rama, se po të mos ekzekutonte vendimin brenda 24 orëve Edi Rama, PD ose hynte në parlament, duke anulluar vendimin, ose përjashtohej nga EPP-ja. 100 përqind kjo që them. Mirëpo Edi Rama nuk i dha askurrkujt kohë që të bënte ndërhyrjen më të vogël se e ekzekutoi vendimin dhe ky më pas thonte nuk e anulloj dot vendimin e Edi Ramës.

Zëri i Amerikës: Zoti Berisha, ju keni thirrur një kuvend të demokratëve më 11 Dhjetor. Jeni shprehur se kjo nismë synon rikthimin tuaj për drejtimin e PD. Çfarë të ardhme i ofrohet një force politike, drejtuesi i së cilës është i shpallur “non grata”, që ka pra një llogari të hapur me Shtetet e Bashkuara, partnerin kryesor të Shqipërisë?

Sali Berisha: Një force politike që ka liderin të përcaktuar non grata nga Shtetet e Bashkuara bazuar në prova, fakte dhe dokumente të vërteta ka problemet më serioze, nëse ajo ka një lider të tillë. Por një forcë politike, që ka të dezinjuar kryetarin e saj krejtësisht për motive politike non grata, pra, pa asnjë provë, fakt dhe dokument, ajo forcë politike i bën një shërbim të madh vendit të saj dhe të vërtetës universale në tërësi, sepse qëndron në anën e të vërtetës.

Që në momentin kur Departamenti i Shtetit të nxjerrë një provë të vetme, në të cilën të faktojë se Sali Berisha ka keqpërdorur fondet publike, ka ndërhyrë në procese publike për pasurimin e tij, të bashkëshortes së tij, fëmijëve të tij dhe të aleatëve, ka përdorur retorikën për të mbrojtur veten e tij, fëmijët e tij dhe aleatët nga hetime anti-korrupsion, unë i pranoj që të gjitha të mirëqena, të marrë çdo vendim. Por nuk ka ekzistuar dhe nuk ekziston kurrë një provë e vetme e keqpërdorimit, por përkundrazi ka marrë lavdërimet më të madhe në luftën kundër korrupsionit. Nuk ka ekzistuar kurrë një proces kundër familjarëve të mi, ose Sali Berishës, që të mund të përdoret në retorikën për mbrojtje. Nuk ka ekzistuar kurrë një proces publik që unë të kem ndërhyrë për pasurimin tim apo të familjarëve të mi. Çfarë është kjo? Kjo është mirrëfilltas e bazuar në lobimin e Edi Ramës dhe Xhorxh Sorosit, të cilin unë e kam dënuar që në fillim. Sali Berisha është i vetmi person në planet që është ndëshkuar me non grata tetë vite pas ka hequr dorë nga çdolloj lidershipi dhe çdo funksion ekzekutiv. Ai nuk ka firmosur, përveç borderosë së tij, në asnjë dokument tjetër zyrtar të këtij shteti në tetë vite. Sali Berisha është rast unik, sepse ndëshkohet me këtë masë në një kohë kur kurrë në jetën e tij 53 vite, përfshirë edhe vitet e

diktaturës, nuk ka patur një akuzë të vetme, asnjë padi të vetme nga një qytetar apo institucion për korrupsion apo keqpërdorim fondesh. Sali Berisha është i vetmi person, i cili ndëshkohet tre javë pasi partia e tij humbi zgjedhjet, me qëllimin makabër për të mposhtur tërësisht nga Edi Rama opozitën shqiptare. Cilido që gjen një rast të njëjtë me Sali Berishën unë do ia pranoj. Por ky rast nuk ekziston. Ky u bë unik vetëm e vetëm pse unë që në vitin 2017 e në vazhdim kam kërkuar shpalljen non grata të multimiliarderit Xhorxh Soros. Dhe unë prapë kërkoj dhe do të kërkoj që Kongresi i SHBA-ve dhe Parlamenti Europian të bëjnë ligj për të ndaluar veprimtarinë e tij politike në demokracitë e brishta. Imagjino për një moment sikur Xhef Besos apo Tim Kuk apo Elon Mask të vendosin të përdorin miliardat e tyre për të blerë demokracitë, nuk do të ngelej harta e demokracive veçse një grusht vendesh të dikurshme, ndërsa demokracitë e reja do të shuheshin nga këto veprime.

Zëri i Amerikës: Por ju e njihni shumë mirë politikën amerikane. Ju e dini shumë mirë që vendimet që merren nga Departamenti nuk janë vendime personale që merren nga një apo dy persona?

Z. Sali Berisha: E tha zoti Blinken se është bazuar në raportet e NGO-ve, siç është Delina Fico, një emër që e kanë nxjerrë të tjerë, se unë nuk e dija, por ajo qenka, të sponsorizuara tërësisht nga Soros. A ju kujtohet ju historia ime me Bankën Botërore, se si e mashtruan Bankën Botërore dhe ajo prodhoi një raport kryekëput të pavërtetë dhe erdhi këtu dhe kërkoi publikisht të falur pas një viti në një konferencë shtypi zëvendës presidenti i saj? Vepër e ngo-ve të Sorosit ishte ajo. Ishte, thotë Blinken, nga mediat të cilat fabrikojnë dhe u morën një vit rresht me fabrikime, për të cilat janë në gjyq sot me personat që kanë shpifur ndaj tyre të anturazhit tim, si raportet investigative anti-korrupsion të qeverisë.

Më thoni ju, se ju jeni këtu, një raport të vetëm që qeveria shqiptare ka bërë publik një raport të saj për korrupsionin e Sali Berishës. Ka dërguar në prokurori për shqyrtim Engjëll Agaçi me dhjetëra vendime qeverie dhe janë rikthyer që të gjitha korrekt me ligjin. Unë kam zbatuar gjithë jetën time ligjin, ligjin dhe vetëm ligjin.

Ndaj edhe është siguria ime absolute se ky vendim është kryekëput politik, i diktuar nga lobimi korruptiv Rama – Soros për shkak të denoncimeve që unë i kam bërë Xhorxh Sorosit për dy arsye themelore, siç i dini ju: Së pari paraqitjen me petkun e tij të OSF-së së Beogradit të projektit për shkëmbimin e territoreve dhe ndarjen e Kosovës de facto, të cilin Milosheviçi e sillte pothuajse çdo tre muaj përmes ndërmjetësve të rajonit dhe që refuzohej në mënyrë kategorike jo vetëm nga unë por edhe nga qeveria e Shteteve të Bashkuara para së gjithash. Natyrisht ai projekt qe shumë I rrezikshëm. Jam shumë mirënjohës që presidenti Biden përcaktoi me dekrete të tij sanksione për ata që promovojnë më këtë projekt. Në fakt kishte në administratë nga Methju Palmer tek Xhon Bolton, të cilët ishin për këtë projekt, siç dihet. Dhe sigurisht zemërimi i tyre ndaj Sali Berishës ishte shumë i madh, për arsye se projekti ishte paraqitur si i ujdisur me të gjitha forcat politike në Kosovë dhe në Shqipëri, ndërkohë që ai ishte i ujdisur vetëm midis dy personave, Hashim Thaçit dhe Edi Ramës.

Zëri i Amerikës: Atëherë pse e njejta administratë, vë sanksione ndaj atyre që janë për ndryshimin e kufijve në Ballkan, dhe merr këtë vendim ndaj jush, që ju thoni se është marrë pikërisht sepse ju kundërshtonit ndryshimin e kufijve?

Z. Sali Berisha: Sepse ishte i njejti person, Xhorxh Soros. Kjo fakton pikërisht atë që them unë: Ishte pikërisht multimiliarderi Soros që i dogji shumë djegia e projektit. Duke lënë modestinë mënjanë, unë isha efiçient në kundërshtimin e tij, sepse njëri pas tjetrit udhëheqja politike e Kosovës, pas prononcimit tim, u prononcua dhe e kundërshoi projektin.

Së dyti, ishte reforma në drejtësi. Unë u kam thënë shqiptarëve të vërtetën dhe vetëm të vërtetën. Reforma në drejtësi, e ideuar, e sponsorizuar, e hartuar nga truri i ekspertëve të formuar nga Xhorxh Soros, solli një katastrofë të vërtetë në Shqipëri. Ata nuk guxojnë ta thonë, por po e them unë: Poll-i i fundit i EuroNews-it nxori se vetëm 6 për qind e shqiptarëve besojnë se kostoja e saj ishte e vlefshme për t’u ndërmarrë. 14 për qind e shqiptarëve që nuk votojnë thonë se kjo reformë ishte e mirë ndërsa 32 për qind thonë se kjo reformë ishte një shkatërrim. 25 për qind e të gjithë shqiptarëve pranojnë se kjo reformë ishte sukses, pjesa tjetër se kjo reformë ishte katastrofë ose nuk shprehen për të.

Pra, u sponsorizua një reformë, në krye të të cilës u vendosën si kurrë më parë militantë të Partisë Socialiste, ish ministra të Partisë Socialiste, ish prokurorë të diktaturës komuniste në krye të institucioneve të reja të drejtësisë. U bë një vetting dhe unë e kam ngritur disa herë. Cili është vettingu i Sokol Sadushit? I Ervin Pupës? I Ilir Pandës? Njerëz të Gjykatës së Lartë? Askush nuk e di. Në të njëjtën kohë Kushtetuta kërkon që vettingu duhet të jetë publik, i publikuar. Vettingu i tyre mbahet sekret, sepse ata mbahen peng, siç u faktua me dosjen Tahiri. Dosja Tahiri iu hoq një trupe dhe iu dha pikërisht kësaj trupe, në mënyrë që të shpërbënin dosjen. I kërkova kryetarit të Partisë Demokratike ta denoncojmë, se ne opozitë jemi. Ti nuk mund të mbash të fshehur vettingun e disave, ndërkohë që të tjerët i dërgon për ndjekje penale për të njëjtat mëkate. Kryetari i opozitës, duke patur problemet e veta, nuk e bëri kurrë atë.

A mund të shpallet Ardian Dvorani kampion botëror në luftën kundër korrupsionit në një kohë kur në dosjen zyrtare të tij ka këto të dhëna: 1. Kur ishte anëtar i bordit të Albtelekomit, Albtelekomi i blen një apartament, porosit një apartament për të. Dvorani, në proces e sipër paguan gjysmën e tij, ndërsa 17 mijë euro ia paguan Albtelekomi kur u privatizua. Çfarë ndodhi prapa? Janë 9 vendime gjykatash kundër institucioneve shtetërore në favor të Albtelekomit të dhëna nga Ardian Dvorani, gjykatës i lartë. Për të mos thënë harresën e 82 mijë eurove të padeklaruara. A nuk është ky një mashtrim i bërë Departamentit të Shtetit për një figurë të tillë, i cili e ka vendin në burg për këto veprime dhe jo të shpallet kampion botëror në luftën kundër korrupsionit?

Kam konstatuar se ndikimi i Sorosit në diplomacitë lokale është jashtëzakonisht i madh. Kam bindjen se qëndrimi i dyfishtë e dëmton politikën e SHBA-ve. Se ka një politikë Soros, të cilën, pa diskutim, që ka diplomatë që angazhohen në zbatimin e saj, sikundër ka një politikë tjetër të Departamentit të Shtetit, e cila është për paqen, stabilitetin dhe mirëkuptimin. Unë do të marr si shembull vetëm Ballkanin e Hapur. Sot kjo është një aleancë trilaterale Beograd – Shkup -Tiranë. Ballkanin e Hapur nuk e pranojnë, e refuzojnë, me të drejtë a me të padrejtë, Bosnja,Kosova dhe Mali i Zi. Çfarë ndodh në çdo takim? Treshja Vuçiç – Rama – Zaev lëshojnë rrufe kundër boshnjakëve, kosovarëve dhe malazezëve. A i shërben kjo paqes, stabilitetit dhe mirëkuptimit në rajon? Absolutisht jo. Unë e kam lexuar deklaratën e plotë të Departamentit të Shtetit, e cila është shumë e drejtë, e cila përcakton që Ballkani i Hapur duhet të funksionojë me gjashtë vendet dhe me disa kritere, i kishte të rreshtuara, të Bashkimit Europian. Por kur kjo nuk ndodh, Ballkani i Hapur është i dëmshëm. Emisarët europianë, Angela Merkel, Ursula von der Leien, kanë qenë shumë të qartë se nuk mbështesin Ballkanin e Hapur, por mbështesin Procesin e Berlinit. I thashë këto shembuj, se unë gjykoj se nuk janë në linjë të zhdërvjelltë me politikën e Shteteve të Bashkuara të Amerikës.

Zëri i Amerikës: Të kthehemi pak te Kuvendi Ii datës 11. Çfarë do të ndodhë. Sepse kemi në anën tjetër zotin Basha që thotë se nuk e njeh…

Z. Sali Berisha: Kuvendi i datës 11 dhjetor mblidhet në përputhje të plotë me normat statutore.

Statuti i Partisë Demokratike parashikon të drejtën e ¼ të delegatëve të PD-së për të mbledhur Kuvendin. Nuk janë mbledhur 2 mijë firma, por janë mbledhur 4 mijë e 200 firma të dorëzuara, por deri tani po shkojnë drejt 5 mijë firmave, në mënyrë që Kuvendi të ketë jo vetëm firmat për t’u mbledhur por të ketë edhe maxhorancën. Arritja e maxhorancës e tmerron zotin Basha. Ai e di se aty ka humbur çdo dava, ndaj ai ka zgjedhur mohimin e firmave.

Ai ka ndërprerë çdo komunikim me anëtarësinë, e tani së fundi mbylli për komente edhe Facebook-un edhe Twitter-in e tij, një akt që nuk e kisha dëgjuar kurrë. Nuk mund t’i bëhen më komente dhe i bllokoi nga frika e komenteve.

Në rast se në një asamble, Kuvendi thirret jo nga përfaqësia por nga anëtarësia, atëherë përfaqësia shndërrohet vetvetiu thjesht në anëtarësi. Zoti Basha është i ftuar, se është anëtar Kuvendi, është i mirëpritur, po të dëshirojë të vijë, po të mos vijë, mungon dhe nuk ka ndonjë pasojë. Natyrisht Kuvendi do të marrë të gjitha masat për të rikthyer votën e lirë në Partinë Demokratike, për të rikthyer organet funksionale të Partisë Demokratike dhe jofiktive, për të rikthyer pushtetin tek anëtarët e Partisë Demokratike, primaret e vërteta dhe jo primaret me seleksion negativ, që vendosi Lulzim Basha.

Zëri i Amerikës: Zoti Berisha, jemi përballë këtij realiteti, ju do mblidhni një Kuvend më 11 dhjetor. Zoti Basha në 18 dhjetor. Si ju do arrini të impononi vendimet që do merrni?

Z. Sali Berisha: Ai është një anti-Kuvend. Atë nuk e bëri Ramiz Alia në vitin 1990. Është një nga aktet më të turpshme në historinë e një vendi. Mund të garantoj që Lulzim Bashës masivisht po i refuzojnë firmosjen e një formulari që ka shpërndarë, i cili të rikujton sistemin e patronazhistëve të Edi Ramës.

Zëri i Amerikës: Po atëherë kjo do të shkojë në çështje gjyqësore, si do ndahet?

Z. Sali Berisha: Jo nuk do të shkojë në çështje gjyqësore. Kuvendi ka të drejtë të shkarkojë kryetarin. Në rast se Kuvendi shkarkon Lulzim Bashën, nuk ka gjykatë në botë që e rikthen atë

në krye të Partisë Demokratike.

Zëri i Amerikës: Po a e parashikon statuti? Mesa kam lexuar parashikon shkarkimin me propozim të Këshillit Kombëtar…

Z.Sali Berisha: Absolutisht jo. Me propozim të Këshillit Kombëtar në qoftë se Këshilli Kombëtar thërret Kuvendin. Por këtë Kuvend nuk e ka thirrur Këshilli Kombëtar, e ka thirrur anëtarësia. Në këtë rast Kuvendi ka të drejtë të zgjedhë një këshill kombëtar të ri, ka të drejtë të plotë të zgjedhë një kryetar të ri, ka të drejtë të shkrijë partinë. Kuvendi i Partisë Demokratike ka të drejtë të shpallë të shkrirë Partinë Demokratike, sipas statutit që ka formuluar dhe votuar vet Lulzim Basha. Nuk ekziston asnjë nen, asnjë klauzolë, që të detyrojë 2 mijë firmëtarë që të depozitojnë pranë Sekretarit të përgjithshëm, apo pranë dikujt tjetër, firmat e tyre.

Zëri i Amerikës: Por ka një rregullore, zoti Bardhi ka thënë se është një rregullore e vitit 2009 e miratuar në kohën tuaj

Z. Sali Berisha: Është një trillim i tyre. S’ka asnjë vlerë. Regulloret janë nënakte. Po ra kushtetuta bie çdo nënakt.

Zëri i Amerikës: Kushtetuta ende nuk ka rënë.

Z.Sali Berisha: Totalisht Ai ka depozituar në gjykatë Statutin e vitit 2018. MUnd të shkoni në gjykatë e ta merrni, kurse ndërtimin e ka bërë me Statutin e vitit 2021. Por Statuti i vitit 2018 ka rrëzuar gjithçka para saj. Është njëlloj sikur unë të përdor ligjet e diktaturës komuniste apo të një sistemi tjetër. Basha ndërtoi Kushtetutën e vet (Statutin e ri), dhe në Kushtetutën e vet nuk ka shkruar asnjë fjalë, nuk ka bërë asnjë rregullore për këtë çështje.

Ai ka të drejtë të caktojë njerëzit dhe të vijë e të verifikojnë një për një delegatët, numrin e atyre që e kanë thirrur, kuorumin në Kuvend, të sjellë sekretarin organizativ dhe të verifikojë një për një firmat e atyre që kanë firmosur. Nëse ne nuk i bëjmë dot publik, se nuk na lejon Kushtetuta dhe ligji për të dhënat personale, as Konventa Europiane për të Drejtat e Njeriut, por nuk na pengon asgjë për të bërë transparencën. Edhe ju, ekipi juaj jeni të ftuar të verifikoni çdo firmë që është vendour aty.

Zëri i Amerikës: Zoti Berisha, ju flisni për ndryshime statutore, për parimin e votës, megjithatë, dy javë më parë deklaruat se nisma juaj synon ndër të tjera, dhe po ju citoj rikthimin e Sali Berishës si kryeministër i ardhshëm i Shqipërisë. Atëherë ku është gara, ku janë primaret, kur ju e shpallni që tani që do jeni ju drejtuesi…

Sali Berisha: Çfarë synon Sali Berisha? Synon të sigurojë kushte për një garë të ndershme dhe të vijë cilido demokrat dhe të garojë për kryetar të Partisë Demokratike.

Zëri i Amerikës: Por a duhet t’i garantojë statuti dhe jo ju?

Z. Sali Berisha: Sigurisht statuti i garanton dhe i ka të garantuara, por do t’i garantoj edhe unë, që nuk do të përdoret autoriteti im për të pushtuar hapësirën e rivalit tim, apo rivalëve të mi. Kjo është garancia ime, se garancia ligjore është në statut. Nuk mund ta mohoj se unë kam një autoritet në këtë forcë politike dhe ai nuk do të përdoret. Domethënë të gjitha kushtet që do të përcaktojnë rivalët në një garë unë do t’i pranoj me kënaqësi.

Zëri i Amerikës: Ju flisni për një Kuvend të bashkimit. Zoti Basha po ashtu për një Kuvend të bashkimit, ndërkohë që si po rrjedhin ngjarjet vetëm te bashkimi duket se nuk po shkohet. Dhe duket madje se e vetmja zgjidhje, i vetmi përfundim do të jetë çarja e PD…

Z. Sali Berisha: Ne flasim për një kuvend bashkimi dhe nëse ju ndiqni foltoret, ju mund të shihni aty bashkimin si realitet, ku po afrohen nga themeluesit e Partisë Demokratike deri te anëtarët më të rinj të saj. Dhe kjo është e vërteta. Por nga ana tjetër, nuk e mohoj se ka një përqindje që ende nuk ia kanë hequr besimin Lulzim Bashës. Ç’po ndodh? Kjo përqindje po zvogëlohet në progresion gjeometrik çdo ditë. Të dhënat e poll-it të fundit ishin katastrofale. Po shkonte drejt 10 për qindshit. Ju garantoj që gjer në Kuvend ai do të shkojë drejt 1 për qindshit. Megjithatë, për mua edhe ai 1 për qind ka vlerë dhe e ftoj të vijë. Ai ka një rënie në pikiatë, një rënie të lire. Kjo ndodh se shumica e demokratëve, sipas atij Poll-i, besojnë se Lulzim Basha po kombinon me Edi Ramën. E besonin, e ndjenin. Sot, shumica, 80-90 për qind e demokratëve shohin se me të nuk fitohen zgjedhjet.

Zëri i Amerikës: Zoti Berisha a është një opsion për ju një forcë e re politike?

Z. Sali Berisha: Kurrë jo. Përkundrazi, rithemelim i Partisë Demokratike, shndërrimi i saj në një opozitë të vërtetë, për të cilën ka nevojë jetike vendi. Gjithë kjo gjë që u bë, ndëshkimi i Sali Berishës tre javë pasi humbi zgjedhjet, nuk kishte qëllim tjetër, vetëm për të ndihmuar Edi Ramën dhe për të shndërruar opozitën në një fasadë opozitë, por kjo dështoi në mënyrë përfundimtare.

blank

Demokrati në Kuçovë: ‘Çadrën e lirisë’ Basha e ktheu në ‘Çadër të tradhtisë’

Qytetari fshin foton me Bashën: Lulushi do ikë. Berisha: Bëre mirë, flamuri e besëprerja nuk rrinë bashkë!

Një qytetar në Foltoren e Kuçovës, tregoi foto me Lulzim Bashën.

Qyetari e fshiu fotografinë me Bashën, duke thënë se Lulushi duhet të ikë.

Berisha i tha qytetarit se bëri mirë, sepse jemi afër Festës së Flamurit e se flamuri e besëprerja nuk qëndrojnë bashkë.

Qytetari: Kam një fotografi me Bashën para disa kohësh. Do ta heq foton me Lulushin. Lulushi do ikë.

Sali Berisha: Në prag të festës së Flamurit, bëre shumë mirë. Kjo sepse flamuri dhe pabesia nuk bëhen kurrë palë.

Demokrati në Kuçovë: ‘Çadrën e lirisë’ Basha e ktheu në ‘Çadër të tradhtisë’

Një nga demokratët e Kuçovëës, Gaz Kokoshi, në fjalën e mbajtur në Foltoren e Sali Berishës, deklaroi se Lulzim Basha e ktheu “Çadrën e lirisë” në “Çadër të tradhtisë”.

Demokrati theksoi se ai dhe të djathtët e Shqipërisë kanë qenë e janë me Sali Berishën dhe Partinë Demokratike.

“Ne nga Kuçova rrinim natën në çadër. Ku ishin Ervin Salianji, Gazmend Bardhi e këta? Grida, lëri ata këngë se ka ikur koha. Më ka poshtëruar dhe pushkatuar ajo që sot është nënkryetare, ndrikulla Felaj.

Sa mori pushtetin, tha ti Gaz Kokoshi nuk duhet të punosh, edhe pse i thashë jam djalë punëtor. Doktor, na prij doktor. Do të them një fjalë të Bac Bajramit, delegatët nuk i ka lidhur as krajl e as mbret, veçse njëherë nëna në djep. Përjetësisht me ty Berisha. Unë si Gaz, derisa të vdes, Berisha do thërras dhe PD do thërras”, deklaroi Berisha.

blank

Berisha flet sot për ‘Zërin e Amerikës’: Nuk Krijoj forcë të re politike. Kuvendi i 11 dhjetorit do të shënojë rithemelimin e PD-së

TIRANË

Ish-kryeministri Sali Berisha përjashton në mënyrë kategorike, krijimin e një force të re politike. Në një intervistë për Zërin e Amerikës, e cila pritet të transmetohet në rubrikën ‘Ditari’, Berisha shprehet se PD-se i nevojitet një rithemelim.

“Kuvendi i datës 11, mblidhet në përputhje të plotë me normat statutore. Statuti i PD, parashikon të drejtën e ¼ të delegatëve të PD-së për të mbledhur Kuvendin. Nuk janë mbledhur 2000 por janë mbledhur 4200 të dorëzuara, por tani po shkojnë drejt 5 mijë firmave në mënyrë që Kuvendi të ketë jo vetëm firmat për t’u mbledhur, por të ketë edhe maxhorancën. Tani arritja e maxhorancës e tmerron z.Basha. E di z. Basha se aty ai ka humbur dhe ai ka zgjedhur mohimin, mohimin e firmave,” -shprehet Berisha në një video të publikuar në facebook nga Zëri i Amerikës.

Ndër të tjera ai shprehet i bindur se kuvendi i thirrur prej tij dhe mbështetësve të tij më 11 dhjetor do të shënojë një rithemelim të kësaj partie të cilën synon ta drejtojë sërish.

blank

Një pjesë e anëtarëve të PD në njësitë 6 dhe 3 verifikojnë formularët për mbajtjen e Kuvendit Kombëtar më 11 dhjetor: 80% kanë votuar pro, i kemi me emra dhe firma!

Një përfaqësi e anëtarëve të PD, në njësitë 6 dhe 3 në Tiranë, kanë lexuar formularët e firmosur për mbajtjen e Kuvendit Kombëtar më datë 11 dhjetor.

Sipas tyre, 80% e delegatëve në këto 2 njësi kanë firmosur për mbajtjen e Kuvendit dhe sipas verifikimeve të tyre, delegatët janë 100% dakord për thirrjen e saj.

“Jemi një pjesë të anëtarëve të njësisë 6 dhe 3, e do të verifikojmë firmat për mbledhjen e kuvendit të datës 11 dhjetor. 80% të delegatëve kanë firmosur, ata kanë kërkuar të jenë publik. Te njësia 6 janë 65 formularë, ne lexuam 58 emra, sepse personat e tjerë nuk duan të bëhen publikë. I kemi telefonuar të gjithë dhe kanë rezultuar 100% të vërteta”, tha anëtarja.

blank

Takimi në Ministrinë e Brendshme: Yuri Kim largohet nga salla sapo merr fjalën Ilir Beqja

Takimi Konsultativ i Ministrisë së Brendshme me donatorët, shërbeu edhe për prezantimin e Ilir Beqjas si drejtues i agjencisë që merret me ndihmat e donatorëve.
Në takim ishte e pranishme edhe ambasadorja amerikane Yuri Kim, e cila duket se nuk e ka mirëpritur ndryshimin e axhendës.

Në momentin që Ilir Beqja ka marre fjalën në takim, gjë që nuk ishte parashikuar në axhendë, ambasadorja amerikane duket teksa mbyll dosjen. Në pamjet e ofruara nga regjia qendrore e Ministrisë së Brendshme, nuk fokusohet momenti kur ambasadorja Yuri Kim në shenjë demonstrative është larguar nga salla pak sekonda pasi Beqja ka nisur fjalimin e tij. Por burime diplomatike konfirmojnë se ambasadorja pasi ka mbyllur dosjen është ngritur nga karrigia dhe ka lënë sallën.

Gjate gjithë fjalës se Ilir Beqjas në pamje nuk fokusohet në asnjë moment ambasadorja e SHBA-ve dhe as karrigia e saj e boshatisur. Madje edhe në mbyllje të takimit, në planin e madh që fokusojnë kamerat shfaqen vetëm donatorët dhe jo paneli i të ftuarve që ishin ulur pranë ministrit Çuçi dhe ambasadores Yuri Kim.bw

blank

Shaip Kamberi në Parlamentin e Serbisë citon vargjet e himnit shqiptar

Deputeti shqiptar, Shaip Kamberi, ka cituar pak vargje nga himni kombëtar gjatës seancës së sotme në Parlamentin e Serbisë, ku e ka ritheksuar betejën për përdorimin e simboleve kobëtare, raporton Gazeta Express.

Kamberi e pyeti kryeministren e Serbisë, Ana Bërnabiq se ” kur do të krijohen kushtet për përdorim të lirshëm, publik dhe zyrtar të simbolit kombëtar Shqiptar?”.

“Unë këtu mund vetëm të përmend vandalizmin ndaj flamurit shtetëror shqiptar, por detyra ime qenësore në këtë Kuvend është të pyes pse Shqiptarët e Luginës së Preshevës, rrespektivisht ata që jetojnë në Serbi, nuk munden lirshëm, publikisht dhe zyrtarisht të përdorin simbolin e tyre kombëtar, simbol ky që përfaqëson në thelb një pjesë të identitetit të tyre”, tha Kamberi ndër tjerash.

Derisa theksoi se si Serbia glorifikon kriminelët e luftës, Kamberi në fund të fjalës së tij kujtoi se “angazhimin tonë të pandalshëm për identitetet dhe simbolet na obligojnë edhe rreshtat e himnit tonë”, duke cituar disa vargje nga ai.

Fjalimi në shqip i Shaip Kamberit në Parlamentin serb:

Angazhimi jonë për simbolet identitare nuk do të pushojë. Në këtë betejë as nuk mund të nënshtrohemi as të dorëzohemi.

Z. Kryetar,

Zonja dhe zotërinjë deputet,

Mirëdita – dobar dan

Pyetja ime sot i dedikohet Kryeministres së Republikës së Serbisë dhe është:

• Kur do të krijohen kushtet për përdorim të lirshëm, publik dhe zyrtar të simbolit kombëtar Shqiptar?

Ka kaluar një vit nga fjalimi im për nevojën e përdorimit të lirë, publik dhe zyrtarë të simbolit tonë kombëtar, ndërkohë që Republika e Serbisë po vazhdon të mbetet vendi i vetëm në rajon i cili, me ligj, i pamundëson pakicave nacionale që të përdorin lirshëm simbolet e tyre “nëse janë identike me simbolet e shteteve tjera”.

Se sa është në Serbi shkalla e mosdurueshmërisë ndaj simbolit nacional shqiptarë na ka treguar edhe sjellja e huliganëve, të cilët kanë hequr flamurin shqiptar në vende të shumta në Beograd ku ishte i vendosur si pjesë e protokollit shtetëror për vizitën e Kryeministrit të Republikës së Shqipërisë, z. Edi Rama.

Huliganët janë kryerësit e drejtëpërdrejtë të këtij akti vandal, por duhet të theksohet që ata janë produkt i diskursit i cili mbështetë dhe ushqen stereotipet antishqiptare, armiqësinë dhe hasmërinë ndaj tyre.

Një diskurs të ktillë, autori i veprës “Shqiptari imagjinarë”, Aleksandar Pavloviq, e quan “shqiptarizëm” duke u mbështetur në konceptin e “ballkanizimit” të Marija Todorovës, i cili e përshkruan diskursin i cili krijon stereotipe për Ballkanin dhe politikën e cila është në mënyrë organike e lidhur me këtë diskurs.

Në këtë atmosferë, mosdurimi, urrejtje të hapur dhe paragjykimeve ndaj shqiptarëve dhe ndaj gjithçkaje që lidhet me shqiptarët, duke shtuar këtu diskriminimin në të drejta fundamentale, jeta e shqiptarëve të Luginës së Preshevës, por edhe e shqiptarëve që jetojnë në mbrendësi të Republikës së Serbisë, është e vështirë.

Në atmosferën e krijuar në të cilën mohohen krimet e luftës, glorifikohen kriminelët, muralet e të cilëve i ruan vet policia dhe nëse marrim parasysh Raportet e Organizatave ndërkombëtare që Serbia ka ngecje serioze dhe kthimt mbrapa në demokraci, atëherë, ndoshta nuk duhet të habitemi pse ndaj një akti vandal si ai i heqjes së flamujve shqiptar në Beograd shteti nuk ndërmerr asgjë.

Pushtetarët heshtin me krenari.

“E bukur kjo ndjenja e krenarisë” do të thoshte Mesha Selimoviq, “na mbron nga pendimi”.

Për shumëkend me të drejtë shtrohet dilema nëse ky nakt vandal ndaj flamurit të Shqipërisë është pjesë e projktit “Open Balkans” apo e atij të “Botës serbe” të Aleksandar Vulinit.

Të nderuar kolegë,

Unë këtu mund vetëm të përmend vandalizmin ndaj flamurit shtetëror shqiptar, por detyra ime qenësore në këtë Kuvend është të pyes pse Shqiptarët e Luginës së Preshevës, rrespektivisht ata që jetojnë në Serbi, nuk munden lirshëm, publikisht dhe zyrtarisht të përdorin simbolin e tyre kombëtar, simbol ky që përfaqëson në thelb një pjesë të identitetit të tyre.

Të gjithë ne, besoj, që synojmë anëtarësimin në Unioni evropian. Pikërisht ajo Evropë të cilën po e synojmë është e njohur për “aftësitë e integrimit e jo të shkatërrimit ose eliminimit të diversitetit”.

Si vend i cili pretendon të jetë pjesë e BE-së, (edhe pse sot me të drejtë mund të shtrohet pyetja nëse Republika e Sërbisë me të vërtetë dëshiron anëtarësimin), ky shtet duhet të eliminojë ligjet e veta diskriminuese.

Njerzit janë shpirtërisht të lidhur me simbolet e tyre identitare. Njerzit shpeshherë, përgjatë historisë, edhe kanë vdekur për ato simbole.

Prandaj, pa marrë parasysh ligjet aktuale, situatën negative politike, e cila mohon simbolet tona, unë mund të them që ne nuk do të heqim dorë nga simbolet tona identitare.

Ne, me durim do të angazhohemi dhe do të presim kur e drejta jonë identitare mbi përdorimin e lirë, publik dhe zyrtarë do të realizohet.

Besojmë në një zgjidhje të këtillë sepse kjo çështje në vendet e rajonit është kryer që moti në dialog me pakicat. Deri atëherë ne as nuk do të dorëzohemi as nuk do të nënshtrohemi.

Në fund të fundit angazhimin tonë të pandalshëm për identitetet dhe simbolet na obligojnë edhe rreshtat e himnit tonë:

Se Zoti vetë e tha me gojë
Që kombe shuhen përmi dhe,
Po Shqipëria do të rrojë;
Për të, për të luftojmë ne!

Faleminderit.

blank

VIDEO – “Ballkani i Hapur i intereson Serbisë”, Murati: Pse SHBA po e mbështet nismën e Vuçiç

Shaban Murati, “Mjeshtër i Madh” në diplomaci, i ftuar këtë mbrëmje në “Log” me Endri Xhafon ka komentuar pozitën e Shqipërisë mes Serbisë dhe Greqisë.

Murati i cili ka botuar së fundmi dy libra, “Deti midis Shqipërisë dhe Greqisë” si dhe “Vetëvrasja Diplomatike e Kosovës dhe Shqipërisë”, duke komentuar zhvillimet e fundit në Ballkan e ka cilësuar nismën e “Ballkanit të Hapur”, “Ballkani i Kapur”.

Diplomati i njohur pranoi se boshti diplomatik i vendit tonë këto vitet e fundit ka lëvizur drejt trekëndëshit Tiranë-Beograd-Turqi.

“Problemi është që avancimi ose krijimi i marrëdhënieve personale të kryeministrit me Vuçiç kanë qenë një shtytje për një strategji të caktuar. A është personale apo është e ndikuar nga qarqe të tjera këtë nuk mund ta them. Kemi një zhvendosje negative të interesit shtetëror dhe kombëtar.”

Sipas Muratit me politikat e ndjekura nga kryeministri Rama, Italia është hequr nga trekëndëshi i mëparshëm diplomatik ndërsa shton se vendi ynë ka bërë partner strategjik “ kë ka dalë rugës, pa pasur një koncept të vërtetë se çdo të thotë partner strategjik.”

“Me Serbinë, vështirë të gjesh një lëvizje, që e afroi me Shqipërinë në masën që mund ta konsiderojmë partneritet strategjik.”

Duke u kthyer tek “Open Balkan”, “Mjeshtër i Madh” në diplomaci thekson se konkretisht kemi të bëjmë me një grupim rajonal mes Serbisë, Maqedonisë së Veriut dhe Shqipërisë. Po ashtu, diplomati thekson se iniciativa e Ballkanit të Hapur është në interes të Rusisë, e cila nëpërmjet Serbisë kërkon të shtrijë ndikimin ne rajon.

“Marrëdhënia speciale Serbi-Rusi, kushtëzon rolin e Serbisë si instrument kryesor i përhapjes së ndikimit rus në rajon.  Me 25 nëntor Vuçiç shkon në Moskë për takim me Putin, edhe projekti i Ballkanit të Hapur, është një projekt që i intereson Rusisë në planin diplomatik.”

Por përse po e mbështesin Shtetet e Bashkuara të Amerikës këtë nismë?

Murati shpjegon se SHBA-ve u intereson që të mbështesin Serbinë për ta frenuar në “vrapin drejt Rusisë.” Pra sipas tij, në thelb mbështetja është për Serbinë, një lloj joshjeje kjo për ta “mbajtur në shina”.

“Çdo shtet i madh që ka një politikë globale, në një rajon të caktuar bën gjithmonë marrëveshje me shtetin me të fuqishëm të rajonit.” /abcnews.al/

blank

Berisha: Yuri Kim të mos sillet si guvernatore. Të respektojë konventat ndërkombëtare të diplomacisë

Ish-kryeministri Sali Berisha, në fjalën e mbajtur në ‘Foltoren’ e Burrelit, deklaroi se ambasadorja Yuri Kim duhet të mos sillet si guvernatore.

Berisha thekson se Kim duhet që të respektojë konventat ndërkombëtare të diplomacisë.

“Ambasadorja Yuri Kim do bënte mirë të konsideronte në mënyrën më serioze konventet ndërkombëtare dhe rregullat e një vendi. Të mos shfrytëzojë krimet dhe mëkatet e narkosve shqiptarë për të bërë guvernatoren, në një vend, që ka 108 vite i pavarur. Ju e dini, ndaj meje është marrë një vendim, që është unik në botë. Kjo sepse nuk ka njeri në botë që të jetë shpallur non grata dhe që nuk ka në jetën e vet qoftë një akuzë më të vogël apo proces gjyqësor. Nuk ka njeri në botë që të jetë shpallur non grata, tetë vjet pasi është larguar nga çdo lloj funksioni politik që mbante.

Nuk ka njeri në botë që është shpallur non grata, tre javë pasi partia e tij humb zgjedhjet. E gjitha është vepër korruptive e mafies që bashkëpunon mes Ramës dhe Soros. Ndaj unë, pa lëkundur besimin tek SHBA, po bëj betejën time. Sa të jetë në atë post sekretari Blinken, unë nuk do shkel në atë vend. Por, koha ndryshon. Por, shumë shtete të Europës nuk besojnë atë vendim, e quajnë të padrejtë. Ata nuk besojnë se dosja e Sali Berishës ka fakte a dokumente. Ky akt kishte qëllim shkatërrimin e opozitës shqiptare për llogari të Ramës, sepse Edi Rama është bir shpirtëror i Soros, për të cilin kam kërkuar të shpallet non grata e kur PD të fitojë, Soros do shpallet non grata”, deklaroi Berisha.

blank

Berisha-Bashës: Kam denoncuar 26 herë Suel Çelën dhe banditët e Elbasanit, kurrë s’e shave Ramën

Ish-kryeministri Sali Berisha në Foltoren e mbajtur përpara grave dhe vajzave të LDG, i është përgjigjur akuzave të Bashës, për lidhjet e mundshme me krimin.

Berisha theksoi se ka denoncuar 26 herë Suel Çelën dhe banditët e Elbasanit, duke shtuar se Basha në fjalimet që mbante, kurrë s’e shante Edi Ramën.

Sali Berisha vlerësoi se me Foltoren, do të jetë opozita e vërtetë dhe jo peng opozita.

‘Sali Berisha ka 26 statuse ku denoncon me emër Suel Çelën dhe banditët e tjerë. Ata nuk më kanë kërcënuar kurrë mua, por qytetarët e Elbasanit.

Nuk gjen një status të Lulzim Bashës, që të ketë denoncuar këtë bandit a tjetër. Madje, thërriste mitingun në bulevard, pa përmendur njëherë të vetme emrin e kryebanditit të kombit shqiptar Edi Ramën.

E pyesja si ka mundësi, thoshte unë kështu e kam, kështu e ke ti, por nuk është opozita kështu. Në këtë kontekst, ne kthehemi fuqishëm opozitë e vërtetë.

Do ridemensionohet në të gjiha instancat roli i grave dhe vajzave, anëtarë të PD-së qoftë në drejtim të kësaj partie, qoftë nesër në pushtet. Anëtarët e Foltores janë shumë më të mirë në fjalime se Basha. Ne me Foltoren, të bashkuar do fitojmë’ – deklaroi Berisha.

blank

VIDEO- Bloomberg: Ndragheta investon në Tiranë, fondet e investimeve janë të dyshimta

Pastrimi i parave të pista në sektorin e ndërtimit në Tiranë, ka qenë në fokus të një artikulli të prestigjozes ekonomike Bloomberg. Sipas medias amerikane, raportet e organeve ligjzbatuese ndërkombëtare e rendisin Shqipërinë si vend të preferuar për kriminelët që duan të investojnë paratë e tyre. Ndërtimi është sektori i preferuar, aq sa tashmë çmimet e pronave njohin vetëm rritje, ndërsa bëhen të pabërballueshme për qytetarët.

Prestigjozja Bloomberg i ka kushtuar hapësirë shqetësimeve për pastrimin e parave të pista në Tiranë përmes sektorit të ndërtimit. Media amerikane i referohet raporteve të ndryshme të agjencive të huaja, që e rendisin Shqipërinë si një parajsë për pastrimin e  parave të krimit.

Sipas një numri ekspertësh, Shqipëria është bërë një vend i preferuar për kriminelët ndërkombëtarë për të pastruar paratë e tyre. Prokurorët antimafia në Itali zbuluan se sindikata e krimit ‘Ndrangheta e shihte ndërtimin e ri të Tiranës si një mundësi pastrimi. Task Forca e Veprimit Financiar, një mbikëqyrës global i pastrimit të parave, e ka vendosur Shqipërinë në “listën gri”, që do të thotë se konsiderohet me rrezik të lartë për pastrim parash për shkak të dobësive në sistemet e saj dhe ka caktuar pasuritë e paluajtshme si një sektor preokupimi të veçantë. Edhe Zyra e Drejtorisë së Përgjithshme të Parandalimit të Pastrimit të Parave në Shqipëri thotë se ka vëzhguar “investime të konsiderueshme në pasuri të paluajtshme me burim të panjohur fondesh”, të cilat i klasifikoi si “të dyshimta”.

Në artikull veçohet fakti se kryeqyteti shqiptar po i  nënshtrohet një ndryshimi dramatik, duke veçuar faktin  se të gjitha këto ndryshime nuk janë konsultuar më parë me publikun apo specialistët përkatës.

Por me rrokaqiejt që mbijnë si kërpudha nëpër qytet dhe disa ndërtesa kyç historike tashmë të shkatërruara, kritikët e planit shqetësohen se qyteti po iu shitet ndërtuesve pa u konsultuar më parë me publikun, në një proces që mund ta ndryshojë aq sa të mos njihet më shtëpinë e tyre. Arkitektë, akademikë e aktivistë thonë se shkatërrimet po çojnë në humbje të historisë, rritje të çmimeve të banesave dhe ndoshta shërbejnë edhe si operacione pastrimi parash për krimin e organizuar.

Nga ana tjetër artikulli thekson faktin se ndonëse ekonomia shqiptare ka pësuar rënie gjatë vitit 2020, çmimi i pronave të paluajtshme ka pësuar rritje me rreth 6%, ndërsa thekson se kjo rritje e çmimeve e bën të papërbaulleshme blerjen e shtëpive. syri.net

blank

Librazhd – Berisha paralajmëron protesta: Sheshet s’do të na zënë më, revolucioni nuk do të ndalet

blank

‘Foltorja’/ Qindra demokratë presin Berishën në Librazhd, ja kush e shoqëron ish-kryeministrin

Një pritje entuziaste i kanë rezervuar qindra demokratë librazhdiotë ish-kryeministrit Sali Berisha në foltoren e tij të radhës, për një PD më të hapur, më të fortë dhe më të bashkuar.

Nga pamjet e transmetuara në SYRI TV dallohet se si qytetarët e duartrokasin ish-kryeministrin Berisha duke shprehur hapur mbështetjen ndaj tij.

Në këtë takim, ish-kryeministrin e kanë shoqëruar një sërë figurash politike të PD, si ish-presidenti Bujar Nishani, deputeti Luçiano Boçi, deputeti Edmond Spaho, ish-deputetja Arbiola Halimi, si dhe ish-deputeti Rrahim Çota, Nënkryetari i degës Ndriçim Lila si dhe anëtar të kryesisë së degës.

blank

‘I tha Ramës më hap derën se më shajnë njerëzit’/ Berisha-Bashës: Mjeran, jep dorëheqjen

Nga Librazhdi, ish-kryeministri Sali Berisha i kërkoi Lulzim Bashës të japë dorëheqjen nga kryetar i PD. 

Berisha tha se Basha i ka kërkuar Ramës t’i hapë derën pas PD-së ku futet në Parlament, se e shajnë njerëzit kur futet nga dera kryesore.

“Kryetari i PD u dëshmua një peng i turpshëm në krye të opozitës shqiptare. Ai sot jeton në katër mure, i lutet dhe përshpirtet pengmarrësit të tij, më hap i kishte thënë këto ditë këtë ditë, se po më shajnë njerëzit kur futem nga dera kryesore. Ik, mjeran, jep dorëheqjen, ne jemi parti e dinjitetit njerëzor, part e idealeve më të larta njerëzore, s’ke punë me ti, ik dhe ik sa më shpejt. 8 vite 4 humbje, secila më e hidhur, më e dhimbshme se tjetra. Ju derdhët lumenj gjaku, sakrifikuat çdo gjë për fitoren e PD, kurse ai kishte një agjendë tjetër, jo se si të fitoni ju dhe PD, por si të bëhej ai që nuk mund të ishte kurrë, si të bëhej lider duke u sjellë nëpër Shqipëri, i pashoqëruar nga asnjë prej jush, sepse mendonte se në këtë mënyrë do të barazohej”, tha Berisha.

blank

Dosja ‘Muzin’ dhe ‘Toyota Yaris’, Berisha: Basha do shkojë në SHBA si Saimir Tahiri

Sali Berisha komentoi nga Librazhdi deklaratën e Lulzim Bashës se do të shkojë së shpejti në SHBA. 

Berisha tha se Basha do të shkojë atje me dy dosje të nxehta, atë ‘Muzin’ dhe ‘Toyota Yaris’.

Ndaj, tha Berisha, Basha nuk shkoi në SHBA tre vite më parë se mund të arrestohej për skandalin e lobimit me Muzin.

“Sot tha se do të shkojë në SHBA. Ti shkon aty jo me 1, por me 2 dosje po kaq të rënda, me dosjen ‘Muzin’ dhe ‘Toyota Yaris’. Këtë të dytën e ndan me Taulant Ballën, ua them unë. Tre vite më parë do nisej në SHBA, por nuk shkoi, do arrestohej thanë. Dosja ‘Muzin’ është e nxehtë për peng Bashën. Edhe Tahiri shkoi me dosjen Habilaj por ja tek është nga gjykata në gjykatë“, deklaroi ish-kryeministri.

blank

Berisha: Kuvendi në 11 dhjetor, numri i firmave po shkon 5 mijë

Lideri historik i PD, Sali Berisha iu përgjigj nga ‘Foltorja’ e Librazhdit akuzave të Lulzim Bashës edhe për vlefshmërinë e firmave të delegatëve. 

Berisha njoftoi se numri i atyre që kanë firmosur për Kuvendin Kombëtar të 11 dhjetorit po shkon 5 mijë.

“Firmat jo vetëm janë 4200, por po shkojë 5 mijë. Pse nuk i publikojmë? Ka tre pengesa ligjore. Të dhënat personale, Gjykata Kushtetuese, konventa Europiane e të Drejtave të Njeriut. Një gjë të tillë nuk e bëjnë ata që i besojnë shtetit ligjor. Një gjë të tillë e bëjnë vetëm zuzarët, që s’kanë ligj e moral. Ne në pushtet kemi ngritur një komisioner për mbrojtjen e të dhënave personale. Ne nuk përsërisim Edi Ramën, nuk prodhojmë patronazhistët e Edi Ramës“, tha ish-kryeministri.

Berisha i bëri sërish thirrje Bashës që të shkojë dhe t’i verifikojë firmat 5 metra larg zyrës së tij, te kryetari i Këshillit Kombëtar të Edi Paloka.

blank

Demokrati: Erdha nga Belgjika për ‘Foltoren’, nuk iki pa ardhur PD në pushtet

Të shumtë janë demokratët në foltoren e Librazhdit e të cilët duan të shprehin mllefin e tyre kundër uzurpimit të PD nga Lulzim Basha dhe të tijët.

Sekretari Organizativ i PD Librazhd, Arben Kurti, ka theksuar se ka ardhur nga Belgjika për foltoren dhe se në 11 dhjetor do jetë në Kuvendin Kombëtar për të firmosur ndryshimin dhe fitoren e PD.

Kurti: Jam Arben Kurti, Sekretari Organizativ i PD Librazhd, mirëseerdhe në Librazhd zoti Berisha!

Kam ardhur nga Belgjika për ‘foltoren’ dhe do rri këtu deri sa PD të vijë në pushtet. Në këtë sallë me njerëz të mirë, të mrekullueshëm, me familjarë të zotë, njerëz me vlera, janë këta në këtë sallë që i japin vlerë PD. Asnjëherë PD nuk i ka vlerësuar njerëzit. Nuk i ka marë në konsideratë njerëzit, vetë propozo, vetë voto, poshtërsi.

Sot jemi te foltorja për të mbështetur 100 % jo vetëm unë me familjen time por të gjithë demorkatët. Ne jemi më të mirët, më sinqertët më të zotët prandaj ne do fitojmë zoti Berisha. Kam ardhur dhe kam firmosur vetë me dorën time, askush nuk më ka detyruar. Sot jam këtu dhe në 11 dhjetor do jem në Kuvend për të firmosur ndryshimin dhe fitoren e PD. Do ju ndjek hap pas hapi. Basha le ta fillojë me përjashtimet nga unë i pari në Librazhd si pozicion por jo nga PD pasi nuk më solli ai në PD. Zoti Basha nuk e ka sjellë nga Holanda partinë por unë nuk e ndjek më atë.

blank

Berisha: Basha më lutej që të mos i përmendja emrin Suel Çelës, merrni tabulatet

Sali Berisha akuzoi nga Librazhdi Lulzim Bashën se i ka kërkuar të mos e denoncojë emrin e Suel Çelës. 

Duke iu përgjigjur kryetarit aktual të PD i cili tha se Suel Çela ka mbledhur firmat e Foltores, Berisha tha se Basha e ka mbrojtur emrin e të inkriminuarit.

“Peng Basha foli së fundi bëri fjalë edhe për lidhje me krimin të miat dhe Foltores. Tani do t’u them ju këtu, cilido të vijë këtu tek unë dhe të shkruajë emrin në librarinë digjitale timen. Suel Çela dhe do të dalin këtu 26 statuse në Facebook-un tim, e kam denoncuar më shumë se të gjitha mediat. Merrni Facebook-un e Lulzim Bashës po ia ka përmendur emrin njëherë. Merrni tabulatet telefonike të Sali Berishës me Lulzim Bashës kur thoshte aman mos ia përmend emrin, por natyrisht unë nuk ndikohesha prej tij”, u shpreh Berisha.

Lideri historik i PD iu përgjigj akuzave të Bashës edhe për vlefshmërinë e firmave.

Berisha njoftoi se numri i atyre që kanë firmosur për Kuvendin Kombëtar të 11 dhjetorit po shkon 5 mijë.

“Firmat jo vetëm janë 4200, por po shkojë 5 mijë. Pse nuk i publikojmë? Ka tre pengesa ligjore. Të dhënat personale, Gjykata Kushtetuese, Konventa Europiane e të Drejtave të Njeriut. Një gjë të tillë nuk e bëjnë ata që i besojnë shtetit ligjor. Një gjë të tillë e bëjnë vetëm zuzarët, që s’kanë ligj e moral. Ne në pushtet kemi ngritur një komisioner për mbrojtjen e të dhënave personale. Ne nuk përsërisim Edi Ramën, nuk prodhojmë patronazhistët e Edi Ramës”, tha ish-kryeministri.

blank

Berisha paralajmëron protesta: Sheshet s’do të na zënë më, revolucioni nuk do të ndalet

sh-kryeministri Sali Berisha paralajmëron protesta për largimin e Edi Ramës nga pushteti. 

‘Foltoret’, tha Berisha, krijuan frymë dhe entuziazëm, duke bashkuar demokratët, ndërsa shtoi se sheshet nuk do t’i zënë më qytetarët të cilët do të ngrihen në revolta kundër keqqeverisjes.

“Sot jemi në sallë, por sa do të jemi nesër në shesh? Sheshet nuk do të na zënë më. Revolucioni ynë nuk ka të ndalur. Ne do të fitojmë”, u shpreh Berisha.

Lideri historik i PD paralajmëroi ndryshime edhe PD, duke rikthyer votën te demokratët të cilët do të zgjedhin kandidatët për deputetë, kryetar bashkie dhe këshilltarët e pushtetit lokal.


blank
blank
blank
blank
blank
blank
blank
blank
blank
blank
blank
blank
Send this to a friend