VOAL

VOAL

Please Wait ...
0%

Washington Post: Moska po përgatit ofensivë ndaj Ukrainës

December 4, 2021
blank

Komentet

blank

Kina peshon rreziqet e përplasjes SHBA-Rusi mbi Ukrainën

VOA

 

Kina po vëzhgon me interes ndërsa Rusia dhe Perëndimi përballen për Ukrainën. Pekini është i angazhuar në mosmarrëveshjet e veta territoriale dhe ka ofruar mbështetje politike për Moskën. Por siç njofton korrespondenti i Zërit të Amerikës Henry Ridgwell, Kina gjithashtu ka investuar miliarda dollarë në Evropën Lindore dhe Azinë Qendrore, të cilat mund të jenë në rrezik në rast të ndonjë konflikti.

Vendet perëndimore kanë kërcënuar me sanksione të paprecedenta ekonomike kundër Moskës, nëse ajo pushton Ukrainën. Nëse ndahet nga Perëndimi, a mund të shikojë Rusia nga lindja për ndihmë, tek Kina?

“Kina ka të ngjarë të bëjë gjithçka që mundet për të ndihmuar rusët të përballen me sanksionet ekonomike, që Shtetet e Bashkuara dhe evropianët mund të vendosin ndaj Rusisë. Megjithatë, mendoj se lidhjet ekonomike midis Rusisë dhe Kinës nuk janë mjaft të forta për të zëvendësuar ndërprerjet e lidhjeve ekonomike midis Rusisë dhe Evropës”, thotë Steve Tsang, drejtor i Instutit për Kinën në Universitetin e Londrës.

“Ky koordinim i politikës së jashtme patjetër do të rritet, sepse nga perspektiva ruse, intensifikimi i partneritetit ushtarak midis Rusisë dhe Kinës është pikërisht një nga dhimbjet kryesore që Rusia mund t’u shkaktojë Shteteve të Bashkuara dhe NATO-s”, thotë Dmitry Suslov me Universitetin për Hulumtime Kombëtare të Rusisë.

Ndërkohë, Kina po vëzhgon nga afër reagimin e NATO-s dhe Amerikës ndaj çdo pushtimi rus.

“Edhe pse ka dislokime trupash në shtetet e Evropës Lindore, asnjë shtet nuk po flet për dërgim trupash në Ukrainë për ta mbrojtur atë. Dhe sigurisht, Kina po e vëzhgon këtë, ndërsa ka mosmarrëveshjet e saj territoriale në zonat e veta”, thotë Julie Norman, analiste e sigurisë.

Tajvani është mosmarrëveshja më e madhe territoriale e Kinës – dhe ekziston rreziku i llogaritjes së gabuar teksa Pekini shikon zhvillimet në Ukrainë, thotë Steve Tsang.

“Kinezët i shohin amerikanët dhe evropianët që flasin shumë, por nuk bëjnë asgjë, gjë që do t’i trimëronte ata në lidhje me Tajvanin dhe ndoshta t’i bënin llogaritë gabim rreth përgjigjes amerikane ndaj një krize mbi Tajvanin”.

Pavarësisht se i bashkon rivaliteti me Shtetet e Bashkuara, interesat e Kinës dhe Rusisë nuk përputhen gjithmonë. Nisma prej triliona dollarësh e Pekinit “Një Brez Një Rrugë” kalon nëpër disa shtete të ish-bllokut sovjetik – përfshirë Ukrainën. Një linjë direkte hekurudhore dhe trageti, që lidh Kinën me bregun e Detit të Zi të Ukrainës nëpërmjet Gjeorgjisë, Azerbajxhanit dhe Kazakistanit – duke anashkaluar Rusinë, u hap në vitin 2016.

Kina ka financuar gjithashtu projekte infrastrukturore, duke përfshirë një linjë të re metroje për Kievin. Nëse Rusia pushton Ukrainën, a mund të rrezikohen investimet e Pekinit në rajon?

“Ndikimi më i menjëhershëm për nismën Një Brez Një Rrugë do të ishte në fakt ndërhyrja ushtarake ruse në Kazakistan. Dhe qeveria kineze ka treguar se është mjaft e qetë dhe e mbështet atë. Për ta, është më e rëndësishme të mbështeten shtetet autoritare dhe autokratët për të qëndruar në pushtet, sesa që disa prej tyre të jenë më afër Rusisë sesa Kinës, për momentin. Në një afat më të gjatë, gjërat mund të ndryshojnë”, thotë Steve Tsang.

Në një periudhë afatshkurtër, thonë analistët, Kina është e prirur të qëndrojë larg tensioneve të ndezura për të paktën javët e ardhshme, ndërsa përgatitet të mirëpresë Lojërat Olimpike Dimërore.

blank

Rusia thotë se nuk do të fillojë luftë me Ukrainën

Marrë nga Associated Press

Kryediplomati rus Sergei Lavrov tha të premten se Moska nuk do të fillojë luftën kundër Ukrainës, por paralajmëroi se nuk do ta lejojë Perëndimin të dëmtojë interesat e saj sigurisë.

Presidenti amerikan Joe Biden paralajmëroi të enjten udhëheqësin e Ukrainës Volodymyr Zelenskyy se ekziston një “mundësi reale” që Rusia të ndërmarrë veprime ushtarake kundër Ukrainës në muajin shkurt.

“Nuk do të ketë luftë për sa i takon Federatës Ruse, ne nuk duam luftë,” tha Ministri i Jashtëm Lavrov në një intervistë me disa radio ruse. “Por ne nuk do të lejojmë që të shkelen me arrogancë dhe të injorohen interesat tona.”

Tensionet janë rritur javët e fundit lidhur me Ukrainën, ndërsa Moska ka grumbulluar më shumë se 100,000 trupa pranë fqinjit të saj. Shtetet e Bashkuara dhe aleatët e tyre të NATO-s janë të shqetësuar se Rusia mund të jetë duke u përgatitur për sulm.

Rusia ka mohuar në mënyrë të përsëritur të ketë ndonjë plan të tillë, por ka kërkuar që NATO-ja të premtojë se Ukraina nuk do të lejohet kurrë të anëtarësohet dhe që aleanca të tërheqë trupat dhe pajisjet e saj ushtarake nga Evropa Lindore.

SHBA dhe NATO i hodhën poshtë zyrtarisht këto kërkesa këtë javë, megjithëse Uashingtoni propozoi fushat të mundshme për të cilat mund të ketë bisedime, duke ofruar shpresë se mund të gjendet një mënyrë për të shmangur luftën.

Përgjigjia zyrtare e Rusisë ndaj propozimeve amerikane do të vijë nga Presidenti Vladimir Putin, por Kremlini ka thënë se ka “pak hapësirë për optimizëm”.

“Përderisa ata thonë se nuk do të ndryshojnë qëndrimet e tyre, as ne nuk do t’i ndryshojmë tonat,” tha zoti Lavrov. “Unë nuk shoh hapësirë për kompromis këtu.”

Presidenti Putin hapi sot takimin javor të Këshillit të tij të Sigurimit, duke thënë vetëm se aty do të trajtoheshin çështje të politikës së jashtme. Zëdhënësi i Kremlinit, Dmitry Peskov tha se udhëheqësi rus mund të diskutojë për reagimin e tij ndaj refuzimit të Shteteve të Bashkuara për kërkesat kryesore ruse edhe me presidentin francez Emmanuel Macron gjatë një bisede që do të bëjë me të po të premten.

blank

Renault dhe Nissan do të investojnë 26 miliardë dollarë në automjetet elektrike

Tokio

Aleanca francezo-japoneze e automjeteve Renault-Nissan planifikon të investojë 23 miliardë euro (26 miliardë dollarë) në teknologjinë e automjeteve elektrike gjatë 5 viteve të ardhshme, njoftuan kompanitë sot, transmeton Anadolu Agency (AA).

Pjesë e aleancës është dhe prodhuesi më i vogël japonez i automjeteve Mitsubishi Motors Corp., me të cilën do të ndajë kërkimet, pjesët e automjeteve dhe teknologjinë për të ulur kostot dhe për të prodhuar 35 modele të reja automjetesh elektrike deri në vitin 2030, duke synuar tregjet në mbarë botën.

Automjetet do të përdorin një nga 5 platformat e zakonshme, pjesët kryesore mbi të cilat janë ndërtuar automjetet.

Nissan Motor Co do të angazhohet në zhvillimin e një baterie të gjeneratës së ardhshme për automjetet elektrike ndërsa Renault do të angazhohet në zhvillimin e elektronikës dhe softuerit.

Prodhuesit e automjeteve në mbarë botën po përpiqen të kursejnë shpenzimet dhe të krijojnë aleanca. Problemet e fundit rreth furnizimit që lidhen me COVID-in, të cilat po paraqesin problem në prodhim dhe shqetësimet në rritje për ndryshimet klimatike, e kanë bërë një koordinim të tillë më urgjent se kurrë.

Tesla është shfaqur si një konkurrent i fuqishëm dhe jashtëzakonisht fitimprurës. Në treg po hyjnë dhe aktorë të rinj si Sony Corp., prodhuesi i video lojërave PlayStation, së fundmi ka shfaqur një prototip të një makine elektrike. Prodhuesi më i mirë japonez i automjeteve Toyota Motor Corp. ka njoftuar një plan energjik për automjetet elektrike.

Renault zotëron 43.4 për qind të Nissan ndërsa Nissan zotëron 15 për qind të Renault. Nissan, me qendër në qytetin port të Yokohama, zotëron 34 për qind për qind të Mitsubishi me bazë në Tokio. Qeveria franceze zotëron 15 për qind të Renault.

Aleanca ishte ide e Carlos Ghosn, të cilin Renault e dërgoi në vitin 1999 për të ngritur Nissan-in pothuajse të falimentuar. Ghosn e bëri atë një nga grupet më të suksesshme të automjeteve në botë. Por ai u arrestua në Japoni në vitin 2018 me akuzat për shkelje financiare.

Ai la kaucionin dhe iku në Liban në fund të vitit 2019. Libani nuk ka traktat ekstradimi me Japoninë. Ghosn thotë se është i pafajshëm.

Arrestimi i Ghosn-it dhe zhvillimet e lidhura me të shkaktuan tensione brenda aleancës.

blank

Princi britanik Andrew kërkon gjykim nga juria në padinë civile për abuzim seksual në SHBA

Londër

Princi britanik Andrew ka kërkuar një gjyq nga juria për të pastruar emrin e tij nga akuzat për abuzim seksual, sipas një dokumenti ligjor, raportuan mediat britanike, transmeton Anadolu Agency (AA).

Në dokumentin prej 12 faqesh, i cili përfaqëson përgjigjen e parë zyrtare të Princit Andrew ndaj padisë civile amerikane të Virginia Robert Giuffre kundër tij, ai përfshiu një përgënjeshtrim paragraf për paragraf të 73 pretendimeve të saj kundër tij, duke mohuar “çdo keqbërje”.

Princi Andrew, 61-vjeç, renditi 11 arsye pse çështja duhet të refuzohet, përfshirë statusin e vendbanimit të Giuffre dhe “sjelljen e saj të gabuar”.

Në fund të dokumentit thuhet se: “Princi Andrew kërkon një gjykim nga juria për të gjitha shkaqet e veprimit të deklaruara në ankesë”.

Princi Andrew hodhi dyshime rreth fotos tashmë famëkeqe të tij me krahun rreth belit të Giuffre si dhe mohoi të ishte mik i ngushtë i trafikantit të seksit të dënuar së fundmi, Ghislaine Maxwell.

Giuffre, (38), paraqiti ankesën e saj në SHBA gushtin e kaluar, ku pretendonte se ishte abuzuar seksualisht ose përdhunuar nga Princi Andrew në tri raste të ndara midis viteve 2000 dhe 2002. Ajo ishte nën moshën 18-vjeçare në atë kohë. Tani ajo e padit atë për dëmshpërblim.

Princi Andrew ishte përpjekur që çështja të hidhej poshtë nga gjykata, por një gjykatës amerikan lejoi që çështja të vazhdonte. Menjëherë pas kësaj, Mbretëresha i hoqi atij rolet e nderit ushtarak dhe mbrojtjen mbretërore.

“Përgjigja e Princit Andrew vazhdon qasjen e tij duke mohuar çdo njohuri ose informacion në lidhje me pretendimet kundër tij dhe pretendon të fajësojë viktimën e abuzimit për shkak të sjelljes së saj në njëfarë mënyre”, tha avokati i Giuffre, David Boies.

“Ne mezi presim të përballemi me Princin Andrew me mohimet dhe përpjekjet e tij për të fajësuar zonjën Giuffre për abuzimin e saj në dëshminë e tij në gjyq”.

blank

Kanadaja zgjeron misionin e saj trajnues në Ukrainë

Marrë nga Associated Press

Kanadaja zgjati me tri vite të tjera misionin e saj të trajnimit të ushtarëve ukrainas dhe planifikon të zgjerojë këtë operacion, tha të mërkurën kryeministri Justin Trudeau.

Zoti Trudeau tha se ai ka autorizuar ushtrinë të dislokojë 60 anëtarë të tjerë personeli për t’u bashkuar me 200 trupa tashmë në terren, me kapacitet të mëtejshëm për ta rritur atë numër deri në 400. Kjo është pjesë e një angazhimi kanadez për të ndarë një ndihmë prej 268 milionë dollarësh amerikanë për Ukrainën.

Kryeministri kanadez tha se Rusia po përdor fuqinë dhe peshën e saj ushtarake për të ngacmuar dhe kërcënuar një demokraci të pavarur përmes një përpjekje për të detyruar Ukrainën të përkulet para vullnetit të saj.

“Ky është një kërcënim jo vetëm për ukrainasit, por për të gjithë ne që besojmë në të drejtat e qytetarëve për të zgjedhur qeveritë e tyre dhe për të zgjedhur drejtimin e vendit të tyre”, tha kryeministri Trudeau.

“Ne po shohim tani në mbarë botën një rrëshqitje të demokracisë, një sulm ndaj parimeve demokratike në forma të ndryshme. Por kërcënimi i drejtpërdrejtë i një pushtimi rus të Ukrainës, për të hequr aftësinë e popullit ukrainas për të zgjedhur të ardhmen e tij është diçka që na shqetëson të gjithë ata që e duan demokracinë.”

Kryeministri i Kanadasë Justin Trudeau

Kryeministri i Kanadasë Justin Trudeau

Kryeministri Trudeau tha se ndihma përfshin gjithashtu dërgimin e pajisjeve në Ukrainë, ndarjen e inteligjencës dhe mbështetje për mbrojtje nga sulmet kibernetike.

Misioni kanadez synon të mbështesë forcat ukrainase në mënyrë që vendi të mund të mbrojë sovranitetin, sigurinë dhe integritetin e tij territorial, tha kryeministri kanadez.

“Ky nuk është një mision luftarak, ky është një mision stërvitor. Ushtria kanadeze do të jetë aty për të këshilluar dhe ndihmuar. Ne do të vazhdojmë stërvitjen e ushtrisë ukrainase”, tha zoti Trudeau. “Në rast të një inkursioni ose pushtimi rus në Ukrainë, ne do të sigurohemi që ushtria kanadeze të mbetet e sigurt.”

Kryeministri Trudeau tha se ministrja kanadeze e Mbrojtjes, Anita Anand do të udhëtojë në Letoni dhe Ukrainë për të vizituar ushtarët kanadezë në ditët në vijim. Zonja Anand tha se Kanadaja ka trajnuar mbi 30,000 ushtarë në Ukrainë. VOA

blank

Rusia dërgon anije luftarake në Detin e Zi ndërsa avionë në Bjellorusi

Moskë

Në kuadër të stërvitjeve të shumta ushtarake, Rusia ka dërguar anije luftarake në Detin e Zi dhe avionë luftarakë Su-35 në Bjellorusinë fqinje, transmeton Anadolu Agency (AA).

Ministria e Mbrojtjes së Federatës Ruse njoftoi se më shumë se 20 anije të marinës ruse lundruan në Detin e Zi në vendet e përcaktuara për stërvitjen ushtarake.

Paralelisht me këtë, ministria njoftoi se një numër i caktuar avionësh rusë Su-35 fluturuan në Bjellorusi për të marrë pjesë në stërvitjen ushtarake “Vendosmëria e Aleatëve 2022”. Stërvitja do të fillojë më 10 shkurt.

Më herët, Ministria ruse e Mbrojtjes njoftoi se në fund të janarit dhe gjatë muajit shkurt, forcat ruse do të raportonin një sërë stërvitjesh ushtarake për të kontrolluar dhe përmirësuar gatishmërinë ushtarake.

Stërvitjet ushtarake ruse u organizuan në mes të tensioneve të larta me Ukrainën fqinje dhe në mes të akuzave nga Perëndimi se Rusia po grumbullon trupa në kufirin ukrainas. Aleatët perëndimorë kanë paralajmëruar Rusinë se do të përballet me sanksione të ashpra në rast të një sulmi ndaj Ukrainës.

blank

Avionët luftarakë F-15 të SHBA vendosen në Estoni

Avionë luftarakë amerikanë F-15 janë vendosur në Estoni si masë paraprake kundër një aksioni të mundshëm ushtarak të Rusisë kundër Ukrainës, njoftoi NATO, transmeton Anadolu Agency (AA).

Në një deklaratë në llogarinë e Komandës Ajrore të NATO-s në Twitter, thuhet se aeroplanët luftarakë amerikanë F-15 janë ulur në bazën ajrore Amari.

Ndërkaq, avionët luftarakë danezë dhe estonezë F-16 do të vendosen nesër në bazën ajrore Siauliai të Lituanisë si përforcime për forcat në rajon, tha deklarata, duke shtuar se “patrullimi ajror është më i fortë së bashku”.

Ndërkohë, media ndërkombëtare raportoi se numri i avionëve luftarakë në fjalë është 6.

blank

Meksikë, gazetarët në protestë kundër vrasjeve të kolegëve të tyre

Mexico City

Gazetarët në Meksikë kanë protestuar kundër vrasjeve të kolegëve të tyre, raporton Anadolu Agency (AA).

Në vendin ku në dy javët e fundit janë vrarë 3 gazetarë, një numër i madh i gazetarëve dhe aktivistëve reaguan ndaj ngjarjeve të dhunës duke u mbledhur përpara ndërtesave të qeverisë.

Zv/ministri i Brendshëm i Meksikës, përgjegjës për të drejtat e njeriut, Alejandro Encinas në një postim nga llogaria e tij në Twitter tha: “Gjatë periudhës presidenciale të Andres Lopez Obrador dhjetor 2018 dhe tetor 2021 kanë qenë viktima të atentateve 47 gazetarë. Rreth 10 për qind e gjykimeve lidhur me vrasjet në këto periudha kanë përfunduar me dënime”.

Brenda dy javësh janë vrarë 3 gazetarë

Gazetarja Lourdes Maldonado më 23 janar u sulmua me armë në automjetin e saj në afërsi të shtëpisë së saj në qytetin Tijuana. Maldonado sapo kishte fituar gjyqin që ajo kishte ngritur ndaj kompanisë mediatike “Primer Sistema de Noticias” (PSN) me arsyen se ishte larguar në mënyrë të padrejtë nga puna.

Më 17 janar sërish në Tijuana u vra fotoreporteri Margarito Martinez Esquivel. Ndërsa gazetari Luis Gamboa Arenas i cili u zhduk më 12 janar në rajonin Veracruz ishte goditur për vdekje me thikë.

Komiteti për Mbrojtjen e Gazetarëve (CPJ) thotë se Meksika është një nga vendet me më shumë dhunë kundër gazetarëve dhe më shumë vdekjesh në aspektin profesional.

Që nga viti 2000 e deri më tani në vend janë vrarë 148 gazetarë.

blank

Vritet një gazetar pakistanez në Lahore

Një gazetar pakistanas është vrarë teksa ka qenë duke vozitur me makinën e tij në qytetin lindor, Lahore, ka thënë policia.

Dy personat e armatosur në një motoçikletë kanë shtënë me armë zjarri kundër makinës së Hussain Shahut, para se të iknin nga skena e sulmit, ka thënë zyrtari policor, Safdar Raza Kazmi, duke shtuar se autoritetet janë duke hetuar ende për të kuptuar se kush e ka vrarë gazetarin.

Pas vrasjes, gazetarët e zemëruar kanë marshuar në Lahore, duke dënuar sulmin dhe duke kërkuar arrestimin e vrasësve.

Sindikata Federale e Gazetarëve të Pakistanit ka shpallur protestë mbarëkombëtare.

Shefi i ministrave në Punxhabi, Usman Buzdar, ka dënuar sulmin dhe ka kërkuar hetime.

Gazetarët në Pakistan kanë qenë tash e sa kohë subjekte të sulmeve të dhunshme.

Më 2020, Komiteti për Mbrojtje të Gazetarëve e ka renditur Pakistanin në vendin e nëntë në Indeksin Global të Mosndëshkueshmërisë.

Në këtë raport analizohen shtete ku gazetarët vriten rregullisht dhe sulmuesit mbesin të lirë. rel

blank

Ukraina: Udhëheqësit perëndimorë deklarojnë unitet kundër kërcënimit të Rusisë

Presidenti i SHBA-së Joe Biden ka thënë se ka “unanimitet të plotë” me liderët evropianë lidhur me grumbullimin e trupave ruse në kufirin me Ukrainën.

Presidenti Biden zhvilloi një video-telefonatë me aleatët evropianë të hënën, ndërkohë që fuqitë perëndimore synojnë një strategji të përbashkët kundër veprimeve të Rusisë.

Mbretëria e Bashkuar ka paralajmëruar Rusinë për sanksione “të shpejta” dhe “të pashembullta” nëse ndodh një pushtim.

Rusia nuk e pranon se ka plane për të pushtuar Ukrainën, pavarësisht se ka grumbulluar rreth 100,000 ushtarë.

Të bashkuar me SHBA-në dhe Mbretërinë e Bashkuar në këtë  komunikim ishin edhe liderët e Francës, Gjermanisë, Italisë, Polonisë dhe BE-së. Gjithashtu telefonoi edhe shefi i NATO-s, Jens Stoltenberg.

“Kam pasur një takim shumë, shumë, shumë të mirë – unanimitet total me të gjithë liderët evropianë,” tha zoti Biden më pas.

Një zëdhënës i Downing Street tha se liderët “ranë dakord për rëndësinë e unitetit ndërkombëtar përballë armiqësisë në rritje ruse”.

Nëse ndodh një pushtim në Ukrainë, udhëheqësit ranë dakord se “aleatët duhet të marrin përgjigje të shpejta ndëshkuese, duke përfshirë një paketë të paprecedentë sanksionesh”.

blank

Meksikë, vritet brenda muajit gazetarja e tretë që denonconte korrupsionin

MEKSIKË – Një gazetare është vrarë në qytetin verior kufitar Tihuana, e dyta në këtë qytet brenda një jave, dhe e treta në Meksikë brenda këtij muaji.

Presidenti meksikan Andres Manuel Lopez Obrador bëri thirrje të hënën për një hetim të plotë dhe paralajmëroi kundër daljes në konkluzione të parakohshme për motivin e vrasjes së Lourdes Maldonado Lopez, një gazetare nga Tihuana që dikur i kishte kërkuar ndihmë, sipas Associated Press.

Zonja Maldonado u gjet e vrarë me armë në makinën e saj të dielën, sipas prokurorisë së zonës Baja California. Autoritetet konfirmuan se u njoftuan nëpërmjet një telefonate në numrat e urgjencës rreth orës 19:00 dhe e kanë gjetur zonjën Maldonado të vdekur. Në vitin 2019, zonja Maldonado kishte marrë pjesë në konferencën e përditshme për shtyp të zotit Lopez Obrador dhe kishte kërkuar ndihmën e tij pasi ishte e frikësuar për jetën e saj.

Zonja Maldonado ishte angazhuar në një përplasje shumëvjeçare me Jaime Bonillan, i cili një vit më vonë u zgjodh guvernator i rajonit Baja California, si kandidat i partisë së zotit Lopez Obrador, partia Morena. Ai u largua nga posti vitin e kaluar.

Zonja Maldonado kishte njoftuar rishtazi se pas nëntë vitesh kishte fituar procesin ndaj një kompanie mediatike në pronësi të zotit Bonilla.

Organizata e shtypit “Neni 19” tha përmes rrjetit social Twitter se zonja Maldonado mbulonte çështjet e korrupsionit dhe politikën në Tihuana dhe ishte përballur me agresion edhe më parë për shkak të punës së saj. Ajo ishte e regjistruar në sistemin shtetëror të mbrojtjes për gazetarët që janë kërcënuar, por nuk dihet se cilat ishin masat e sigurisë.

Të hënën, zoti Lopez Obrador tha se një hetim ishte i nevojshëm për të ditur “nëse ka një lidhje me ankesën e bërë për arsye të punës dhe për të parë se kush është përgjegjës”.

“Nuk mund ta lidhësh automatikisht një padi pune me një krim. Nuk është e përgjegjshme të nxitosh për të gjykuar. Duhet të presësh”, tha presidenti. Ai shtoi se pasi ajo erdhi në konferencën e tij për shtyp në vitin 2019, ai e ndihmoi atë, por nuk specifikoi se si.

Zonja Maldonado kishte bashkëpunuar me shumë media, njofton VOA, por kohët e fundit po bënte një emision në internet, në radio dhe televizion, “Brebaje”, i fokusuar tek zhvillimet lokale.

blank

blank

Vendet e NATO-s dërgojnë anije dhe avionë në Evropën Lindore ndërsa rriten tensionet në Ukrainë

VOA

NATO-ja tha të hënën se vendet anëtare të saj po dërgojnë më shumë anije dhe avionë luftarakë në Evropën Lindore, në përgjigje të grumbullimit ushtarak të Rusisë përgjatë kufirit të saj me Ukrainën.

Një deklaratë e NATO-s vuri në dukje vendosjen e forcave, ose shqyrtimin mundësive për dërgimin e trupave dhe pajisjeve shtesë nga vende të shumta, duke përfshirë Danimarkën, Spanjën, Francën, Holandën dhe Shtetet e Bashkuara.

“NATO-ja do të vazhdojë të marrë të gjitha masat e nevojshme për të mbrojtur të gjithë aleatët, duke përfshirë edhe përforcimin e pjesës lindore të aleancës”, tha Sekretari i Përgjithshëm i NATO-s, Jens Stoltenberg. “Ne gjithmonë do t’i përgjigjemi çdo përkeqësimi të mjedisit tonë të sigurisë, duke përfshirë forcimin e mbrojtjes sonë kolektive”, shtoi ai.

Zëdhënësi i Kremlinit, Dmitry Peskov, akuzoi Shtetet e Bashkuara dhe aleatët e tyre në NATO për përshkallëzimin e tensioneve.

Shtetet e Bashkuara dhe Britania njoftuan gjithashtu se kanë urdhëruar personelin e ambasadave të tyre dhe anëtarët e familjeve në Kiev që të largohen nga Ukraina, duke përmendur mundësinë e veprimeve ushtarake ruse.

Ministria e Jashtme e Ukrainës, shprehu pakënaqësinë më vendimet amerikane e britanike.

“Ndërsa respektojmë të drejtën e kombeve të huaja për të garantuar sigurinë e misioneve të tyre diplomatike, besojmë se një hap i tillë është i parakohshëm dhe një shembull i kujdesit të tepruar”, shkroi në rrjetin Tëitter të hënën, zëdhënësi i kësaj ministri, Oleg Nikolenko.

Shefi i politikës së Jashtme të Bashkimit Evropian, Josep Borrell, tha të hënën se BE-ja nuk po planifikon ndonjë tërheqje të ngjashme. Ai i bëri këto komente para takimit të ministrave të Jashtëm të BE-së, të cilit, Sekretari amerikan i Shtetit Antony Blinken i është bashkuar pasdite virtualisht.

“Ne nuk do të bëjmë të njëjtën gjë sepse nuk dimë ndonjë arsye të veçantë. Por sekretari Blinken do të na informojë”, tha zoti Borrell.


blank
blank
Send this to a friend