Kryeministri Edi Rama ka treguar edhe njëherë tjetër në sy të botës se nuk ka lidhje me seriozitetin dhe përgjegjësinë si kryeshtetari i Shqipërisë.

Një video e publikuar nga kryeredaktorja e Euroactiv, Aneta Zachová, tregon se si kryeministri i Shqipërisë Edi Rama ka treguar një shfaqje skandaloze në publik, duke sulmuar kryeministren e Italisë Giorgia Meloni gjatë takimit në Moldavi.

‘Arrita të kap se si kryeministri shqiptar Edi Rama ‘sulmoi’ kryeministren italiane Giorgia Meloni’, shkruan Aneta Zachová në Twitter.

— Aneta Zachová (@AnetaZachova) June 1, 2023

 

Të paktën 484 fëmijë janë vrarë dhe 992 janë plagosur që nga fillimi i pushtimit rus në gjithë Ukrainën, tha Zyra e Prokurorit të Përgjithshëm të enjten ndërsa Ukraina shënoi Ditën Ndërkombëtare të Fëmijëve.

“Zyra e Prokurorit të Përgjithshëm ofron udhëzime procedurale në procedurat për më shumë se 2,900 krime të lidhura me luftën kundër fëmijëve: vrasje dhe plagosje, dhunë seksuale, sulme në institucione dhe objekte për fëmijë, dëbim, zhvendosje të detyruar, rrëmbim,” thuhet në një deklaratë.

Ukraina dhe shumica e vendeve të tjera postkomuniste të Evropës Lindore shënojnë 1 qershorin si Ditën Ndërkombëtare të Fëmijëve.

Qytetet, shkollat ​​dhe grupet e komunitetit shpesh organizojnë ngjarje të përqendruara te fëmijët si ditë sporti dhe panaire argëtuese.

Zonja e parë e Ukrainës Olena Zelenska shkroi të enjten:

“Dita e Fëmijëve duhet të jetë për fëmijërinë e sigurt, verën, jetën… Por sot bëhet fjalë për krimet e reja të [Federatës Ruse] kundër fëmijëve ukrainas. Një vajzë 9-vjeçare u vra në granatimet e Kievit dhe një tjetër është tani në spital”.

Më shumë se 2,500 institucione arsimore u dëmtuan, duke përfshirë 256 të shkatërruara plotësisht, tha gjithashtu Zyra e Prokurorit të Përgjithshëm në deklaratën e saj të së enjtes.

Ai shtoi se më shumë se 19,500 fëmijë ukrainas janë dëbuar me forcë në Rusi ose në territoret e pushtuara përkohësisht.

“Por këto janë vetëm rastet që janë regjistruar zyrtarisht”, tha ai, duke paralajmëruar se numri mund të jetë më i lartë.

Krimet e luftës: Në mars, Gjykata Penale Ndërkombëtare (ICC) lëshoi ​​një urdhër arresti për Presidentin Vladimir Putin dhe zyrtaren ruse Maria Lvova-Belova për një skemë të dyshuar për të dëbuar fëmijët ukrainas në Rusi.

Akuzat e ICC, të cilat lidhen me një praktikë të supozuar për të cilën CNN dhe të tjerë kanë raportuar , ishin të parat që u ngritën zyrtarisht kundër zyrtarëve në Moskë që kur ajo filloi sulmin e saj të paprovokuar ndaj Ukrainës vitin e kaluar.

Presidenti i ICC, gjykatësi Piotr Hofmanski i tha CNN në mars se të gjitha vendet nënshkruese janë “të detyruara të ekzekutojnë urdhër-arrestet e lëshuara nga gjykata”, që do të thotë se “ka 123 shtete — dy të tretat e shteteve në botë — në të cilat ai (Putin ) nuk do të ruhet.”

Kremlini i cilësoi veprimet e ICC-së si “të egër dhe të papranueshme” dhe tha se Rusia nuk e njeh juridiksionin e gjykatës. syri.net

Kryetari i opozitës, Sali Berisha, postoi sot një mesazh ku shkruante se vizita e fshehtë e drejtores së Shërbimit Inteligjent të Shqipërisë në Beograd është një kërcënim për sigurinë e Kosovës, Shqipërisë, rajonit dhe NATO-s.

“Kjo vizitë e saj në Beograd për kohën që zhvillohet, por dhe background-in e shkarkimit të saj nga autoritetet e Kosovës, dëshmon se ajo u emërua në atë post si një urë lidhëse konfidenciale midis Ramës dhe sivllaut të tij Vuçiç, në bashkërendimin e veprimtarive të tyre kundër Kosovës dhe jo vetëm,” shkruante Berisha, duke iu referuar lajmeve të medieve kosovare për shkarkimin e Hysenit në Kosovë për shkak të lidhjeve të dyshuara për Serbinë.

Interesant është fakti se SHISH nuk e ka përgënjeshtruar kurrë këtë vizitë.

Në mënyrë indirekte, ky lajm u konfirmua nga SHISH dhe mediat e Edi Ramës, të cilët shpërndanë një ‘fake news’ për të zhurmuar deklaratën e Sali Berishës.

Kryetari demokrat, Sali Berisha nuk deklaroi kurrë se vizita ka ndodhur prej dhjetë ditësh, por kjo ishte një shpikje e medieve të Ramës për të mbuluar saktësinë e lajmit.

Portali kosovar ‘Nacionale’ dhe më pas televizioni i Ramës, Top Channel dhe një seri portalesh shqiptare të qeverisë si Tema e Dita, raportuan se vizita nuk ka ndodhur për shkak se me 22 maj, Vlora Hyseni ka qenë në Shqipëri në një ceremoni të organizuar për stërvitjen Defender 2023. Madje publikuan edhe disa pamje për këtë gjë, pa asnjë lidhje me faktin e denoncuar nga Berisha. Kryetari demokrat shkruan në komentin e tij se drejtoresha e SHISH e ka nisur punën e saj me një vizitë sekrete në Beograd, pa përmendur 10 ditët e fundit.

Por nga ana tjetër, lajmin për vizitën e Hysenit në Beograd gjatë dhjetë ditëve të fundit e kanë shpërndarë para pak ditësh disa portale të gazetarëve pro-qeveritarë si Pamfleti dhe Prapaskena.

Ky është një tjetër konfirmim se vizita ka ndodhur, por më e rënda në këtë histori është përpjekja e qeverisë përmes medieve të saj për të hedhur një ‘fake news’ në qarkullim kundër kreut të opozitës.

Kujtojmë se Vlora Hyseni u shkarkua nga posti i nëndrejtoreshës së agjencisë së inteligjencës në Kosovë pas dyshimeve për lidhje me Serbinë.

Katapultimi i saj në krye të SHISH në Shqipëri ishte një lajm i rëndë që vinte në kohën kur Rama e kishte vendosur nën kontroll këtë institucion përmes një këshilltari personal.

Albin Kurtit po i faturohet një krizë të cilën ai do ta zgjidhë –drejt ose gabim- duke e konsumuar në të gjithë shtrirjen e saj, por nuk e ka prodhuar vetë. Këmbëngulja e tij për të shkrirë konfliktin e ngrirë të veriut të Kosovës, disave iu duket trimëri e të tjerëve marrëzi.

Edhe trim edhe i marrë bashkë, Kurtit nuk po i njihet edhe një përmasë tjetër, mençuria për të prodhuar, si me trimërinë si me marrëzinë, një rezultat zhbllokues për vendin e tij.

Rrënjët e krizës janë thellë, por leja që në veri të Kosovës të krijohen enklava serbe, përkundër parimit kushtetues të vendit dhe monitorimit të rreptë ndërkombëtar të cilësive të një republike multietnike, i ka siguruar një fitil të ardhmes konfliktuale. Rrënjët më tej janë shtrirë në atë që, përgjatë viteve të fundit, mund të konsiderohet si një appeasment policy ndaj një Beogradi gjithnjë e më cinik, nga një Perëndim dygjuhësh kur vjen fjala te kërcënimi rus dhe variablat e tij ballkanike.

Në këtë kuptim përshtypja që lind kur vrojton raportin bizar të Perëndimit me Serbinë është jugonostalgjia. Serbia ka konturuar idiomën politike të një mini-Jugosllavie, mosangazhimi i hapur i së cilës me kundërshtarin mjafton që të trajtohet si aleate. Gjuha e konservatorëve amerikanë ‘either with us or against us” është futur në millin e cancel culture-it të ri majtist i cili kërkon ta shtyjë përpara botën dhe historinë me një të vetëm kusht: duke mos parë mbrapa!

Licensa për këtë të mes të artë ka riprodhuar një Serbi tekanjoze të cilën e udhëheq Aleksandër Vucic, ish-ministri i Slobodan Miloshevicit. Ai nuk është krejtësisht anti-perëndimor, siç as nuk është krejtësisht panrus, por çka është me siguri, tashmë dihet: një vjelës i vileve të pasigurisë perëndimore që, ashtu të shtrydhura, prodhojnë për Serbinë një raki që ngroh gjoksin e nacionalizmit permanent serb.

Ajo çka Albin Kurti bën gabim, nuk është kokëfortësia, por butësia, ngashnjimi para iluzionit të mbështetjes ndërkombëtare për futjen e Republikës së Kosovës në enklavat serbe në veri, në fillim me anë të soft power-it të zgjedhjeve, dhe më pas me hard power-in e forcës policore. Kryeministri Kurti ka gabuar kur e ka lënë veten politike të shtyhet nga një PO e ndërkombëtarëve, të cilët e kanë luksin që ta analizojnë një ngjarje pasi ka ndodhur. Ajo “Po” për zgjedhjet në disa komuna, ku morën pjesë rreth 2-4 përqind e elektoratit, është shndërruar sakaq në “Jo” apo variant të saj (zgjedhjet mund t’i bësh, por jo ta ushtrosh verdiktin e tyre). Kryetarët e pakicës nuk janë ilegjitimë se nuk do të drejtojnë komunat nga zyrat e paracaktuara për këtë qëllim, por se ata kanë iluzionin se mund të ushtrojnë sovranitet pa legjitimitet dhe pa koherencë.

Kurti, bashkë me ta, mund të jenë sovranë me kushtetutë të Kosovës dhe me konventa ndërkombëtare, por nuk janë legjitimë dhe koherentë. Kryeministri kosovar e ka quajtur ‘naiv’ sekretarin Blinken, por po ai vetë ka treguar naivitet kur ka pranuar mbështetjen e tij për të funksionalizuar institucionet e ngrira të veriut nëpërmjet një palë zgjedhjesh, që kanë kuti, por nuk prodhojnë zgjidhje.

Të mosllogariturit e gatishmërisë serbe për të prodhuar dhunë dhe antidotin e çdo zgjidhjeje që vjen nga Prishtina, dhe jo nga Beogradi, nuk i shkon një politikani që ka kaluar nga dhuna e burgjeve të Serbisë te katakombet e politikës së Republikës më të re në botë.

Edhe pse zyrtarët ndërkombëtarë përdorin gjuhë të dyfishtë, që fajëson ushtruesin e dhunës dhe pësuesit njëheri, edhe pse Kurti është marrë përdore në atë shteg të pakrye nga çka mund të quhet international goodwill, ai duhet ta kuptojë që, për hir të Kosovës, është më mirë të presësh me amerikanët këtej urës së Ibrit, se ta kalosh urën pa ta dhe të futesh në një territor, i cili që prej vitit 1389 kullon pasiguri dhe ankth antishqiptar.

Kosova u detyrohet amerikanëve, jo vetëm kur ata kanë të drejtë, por edhe kur gabojnë.

Pasë ditur këtë, nxitimi këtu në Tiranë për ta trajtuar Albin Kurtin si anti-amerikan është një poshtërsi politike dhe kombëtare. Nuk është qëndrim dhe as lexim realist gjeopolitik, por hakmarrje me mjete të tjera për një kryeministër në Prishtinë, që ka dëshmuar fibrën e një integriteti shtetëror që në Tiranë ka humbur prej kohësh, në dalldinë e basteve me delirin e madhështisë.

Projektimi i një Kurti sovranist dhe përjetimi i kësaj si tradhëti e euroatlantizmit, nga thuajse e njëjta farë që rrjedh nga dega e vjetër e atyre që për Traktatin e Varshavës dhe izolimin shkëmbgraniti përbetoheshin në të gjitha gjuhët e Lindjes, është një krusmë që duhet ta durojmë.

Pavarësimi i Prishtinës, si nga Tirana, si nga fuqi edhe më të mëdha, dëshmon se shteti i Kosovës, me rrënjë të njoma dhe kryelart, po sheh nga Perëndimi.

Sepse, të dashur miq dhe armiq, zonja dhe zotërinj, nuk ka gjë më oksidentale se guximi për të thënë “Jo”, dhe e drejta për të kuptuar se nënshtrimi ndaj kërcënimit të dhunës është legjitimim i tij./Politiko.al

Kryetari i Partisë Demokratike Sali Berisha, shkruan se bandidët serbë janë duke goditur edhe mediat në veriun e Kosovës.

Berisha shkruan, se pas ushtarëve të KFOR-it, bandidët serbë kanë sulmuar edhe mediat e Kosovës, Shqipërisë dhe vendeve të tjera.

Reagimi i kryetarit të PD-së, Sali Berisha:

Banditë serb godasin mediat në veri të Kosovës.

Të dashur miq, pas ushtarëve të KFOR-it, objekt sulmesh kryesor këto ditë kanë qenë gazetarët, kameramanët dhe automjetet e ekipeve të mediave të Kosovës, Shqipërisë dhe vendeve të tjera që përmbushnin detyrën e tyre të informimit.

Ato u sulmuan, goditën dhe u keqtrajtuan sepse me raportimet dhe filmimet e tyre paraqitën sulmet kriminale të këtyre bandave kundër policisë së Kosovës dhe ushtarëve të KFOR-it. Përveç kësaj, filmimet e tyre bënë të mundur identifikimin në këto sulme, anëtarët e bandës famëkeqe të Belivukut, kriminelit të lidhur me Aleksandër Vuçiç, banda e të cilit vriste dhe bluante njerëz në brigjet e Danubit. Këta banditë kanë përdorur kundër  gazetarëve dhe ekipeve të mediave dhe automjeteve të tyre, gurë, shkopinj dhe eksplozivë.

Dënoj me ashpërsinë më të madhe sulmet kriminale dhe banditeske nga banditë serb lokal dhe të ardhur nga Beogradi, ndaj gazetarëve dhe ekipeve të mediave në veri të Kosovës dhe ju bëjë thirrje policisë së Kosovës dhe forcave të KFOR-it të garantojnë jetën dhe veprimtarinë e gazetarëve në veriun e Kosovës.

Rrjeti amerikan Fox News raporton se Alex Soros, djali i miliarderit majtist, George Soros, e ka vizituar Shtëpinë e Bardhë të paktën 17 herë që kur Joe Biden mori postin.

Sipas Fox News, ky është një tregues se Alex Soros ka ruajtur aksesin në nivelet më të larta të Shtëpisë së Bardhë duke përfituar shpesh nga këto kanale.

Sorosi i ri, i cili kryeson bordin e drejtorëve për rrjetin e Fondacioneve të Shoqërisë së Hapur të babait të tij, e ka vizituar Shtëpinë e Bardhë të paktën 17 herë që nga viti 2021, sipas regjistrit të vizitorëve.

Vizitat më të fundit të Alex Soros përfshijnë tre takime mes 8 dhe 10 shkurtit. Ai është takuar me Jon Finer, zëvendëskëshilltar kryesor për Sigurinë Kombëtare, Jordan Finkelstein, asistent i posaçëm i presidentit dhe Mariana Adame, këshilltare e presidentit.

Megjithatë, takimet e tij janë sërish të paqarta për shkak se këta persona mund ta kenë dërguar atë të takojë zyrtarë të tjerë brenda Shtëpisë së Bardhë.

“Ndërsa i riu Soros ka përfituar nga lidhjet e Bidenit, ai ka mbajtur gjithashtu kontakte të ngushta me ligjvënësit demokratë, për të cilët ai shpesh mburret dhe poston në mediat sociale,” shkruan Fox News.

Në mesin e zyrtarëve të lartë demokratë me të cilët ai është takuar dhe ka pozuar janë Chuck Schumer apo Nancy Pelosi.

Në vitin 2020, Alex Soros dhuroi 700 mijë dollarë për Fondin e Fitores së Biden, duke qenë kështu një nga donatorët kryesorë.

Ndërkohë, Alex Soros është një lidhje e ngushtë e kryeministrit shqiptar, Edi Rama, me të cilin takohet shpesh. Të dy e referohen njëri-tjetrit si ‘vëlla’. syri.net

Peroviq: Nuk kam bërë asgjë të padrejtë

*Video: Anketë e REL-it me qytetarë në Kosovë e Serbi lidhur me trazirat në veri

Dëshmitë e gazetarëve që ishin në kafene

Sipas saj, gazetarët që kanë raportuar atë ditë në Zveçan, kanë qenë në rrezik të madh. Ajo, po ashtu, kujton se në përleshjet e asaj dite është lënduar edhe një gazetar i agjencisë serbe të lajmeve, Tanjug.

“E bëri që gazetarët të ishin të sigurt”

NUNS: “Një gjest normal njerëzor”

Thirrje nga komuniteti ndërkombëtar për shtensionim të situatës

Bashkimi Evropian, i cili ndërmjetëson bisedimet për normalizimin e marrëdhënieve Kosovë-Serbi qysh nga viti 2011, bëri thirrje për shtensionimin e menjëhershëm të situatës.

Kontribuan Nadie Ahmeti, Luljeta Krasniqi