VOAL

VOAL

Copyright © 2022

VOAL

Violinisti i mirënjohur Florian Vlashi që është për 20 vjet drejtuesi e shpall të mbyllur Bienalen “Netët e Muzikës Klasike” në Durrës

June 11, 2023
Violinisti i mirënjohur shqiptar Florian Vlashi ka komunikuar përmes rrjetit social me artdashësit e muzikës klasike si më poshtë:
“Të dashur miq,
Dua të ndaj me ju një lajm me rëndësi:
Ky është programi i 20 vjetorit të Bienales Netët e Muzikës Klasike.
Janë aty dy vite punë dhe mbi 100 muzikantë pjesëmarrës.
Për fat të keq, muri i madh i indiferencës së institucioneve shtetërore e bën të pamundur realizimin e tij.
Duhet kuptuar se spektakli nuk është kulturë dhe kulturë të cunguar nuk mund të ketë.
Kultura kërkon dinjitet.
Në këtë pikë, si drejtues i festivalit dhe në respekt të kolegëve të mi dhe të publikut, e shoh të udhës të marr vendimin e vështirë për t’u tërhequr dhe për ta deklaruar të mbyllur Bienalen.
Vepra e fundit që luajtëm në Durrës,“Puthjet në Art”, paska qenë paralajmërimi i një ndarje të bukur me artdashësit.
Por, nuk do desha që këto fjalë të tingëllonin si një lamtumirë por si një falenderim për të gjithë ju qe e bëtë të mundur këtë histori dashurie me qytetin tim.”
Voal.ch beson se Bienalja e Netëve të Muzikës Klasike në Qytetin e Durrësit do të vijojë jetën e vet kulturore, si një shkëmbim i mrekullisë së artit dhe magjisë së detit, sepse që të dy janë të përjetshëm.
Florian Vlashi
  • twitter
  • facebook
  • linkedin
Fjalë kyçe: , ,

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend