Lideri historik i demokratëve, Sali Berisha nga Fieri, ku po festohet 31 vjetori i krijimit të degës së PD-së, është shprehur se Lulzim Basha është farë e keqe në PD.
‘Ai nuk u bë kurrë lider i besueshëm dhe jo se ne të gjithë nuk punuam që të ishte një lider i besueshëm për demokratët shqiptarë, por e thotë populli me mençuri të jashtëzakonshme: fara e keqe e tillë mbetet! Farë e keqe’, tha lideri historik i PD-së, Sali Berisha.
Pjesë nga fjala e liderit historik të PD, Sali Berisha:
Të dashur demokratë dhe demokratë të Fierit në këtë sallë dhe kudo që jeni në këtë ditë, në Shqipëri, emigracion e kudo.
Më lejoni që siç e do hierarkia, t’ju uroj ortodoksëve të Fierit dhe gjithë Shqipërisë për këtë ditë të bekuar se është një koincidencë e mrekullueshme që ne bashkë me ta festojmë ditëlindjen e parë të PD, partisë që këtu në Fier dhe mbarë në Shqipërinë ndau epokat, përmbysi rendin më tragjik ndofta që ka njohur historia e njerëzimit, diktaturën komuniste dhe solli Fierin në epokën e lirisë dhe demokracisë.
Sot ne këtu kemi shumë detyrime për të shprehur mirënjohje të thellë ndaj atyre grave dhe burrave të Fierit, intelektualëve, punonjësve të qytetit, që themeluan më 6 janar 1991, në Fier, Partinë e parë opozitare në një kohë kur e vërteta është që diktatura e llogariste Fierin një bastion të sajin.
Kohërat e fillimit për fillestarë nuk kanë qenë të lehta. Terrori, e vërteta është se, terrori i kuq na shoqëronte nga një komunë në tjetrën, nga një fshat në tjetrin, por ashtu siç ishin dhe idealet e demokratëve dhe demokrateve të Fierit, ne qëndronim në të drejtën tonë të vendosur në rrugë dhe mjete paqësore të realizonin qëllimet tona.
Nuk ishin të rralla rastet kur në kalim e sipër na qëllonin me gur, na bllokonin rrugën dhe ne anë të vetme kishim tolerancën dhe përpiqeshim me vendosmëri të fitojmë zemrat dhe mendjet e njerëzve.
Së shpejti vijnë këtu ditët pas 20 shkurtit. Fieri është një vendet që diktatura e përgjaku. Gjaku i pafajshëm skuqi dhe Gjanicën, por përsëri ata qëndruan të pamposhtur dhe vazhduan rrugën deri në fitoren e madhe.
Por dega e PD Fier që nga themelimi i saj deri sot ishte dhe mbetet njëra nga degët më kryesore të një rëndësie të jashtëzakonshme për PD dhe fatet e saj.
Unë mund t’u them juve se në rast se degët e tjera, apo qendra e PD do të kishte funksionuar siç keni funksionuar ju do të kishte dëshmuar vendosmërinë dhe guximin tuaj, por edhe standardet tuaja morale. Me standardet tuaja morale, PD do të ishte prej kohësh në pushtet dhe do të kishte shënuar arritje të tjera në transformimin e Shqipërisë.
Drejtimi i kësaj partie dëshmoi dobësi dhe mjaft probleme të tjera. Njeriu që demokratët i besuan drejtimin solli forcën tonë politike nga humbja në humbje. Ai dështoi në çdo nismë që ndërmori në 8 vite. Ai nuk u bë kurrë lider i besueshëm dhe jo se ne të gjithë nuk punuam që të ishte një lider i besueshëm për demokratët shqiptarë, por e thotë populli me mençuri të jashtëzakonshme: fara e keqe e tillë mbetet! Farë e keqe.
Berisha: Basha është humbja, ai nuk është e ardhmja
Lideri historik i demokratëve, Sali Berisha nga Fieri, ku po festohet 31 vjetori i krijimit të degës së PD-së, është shprehur se Lulzim Basha është veç humbja dhe jo e ardhmja.
‘Pasi kaloi nga humbja në humbje në 8 vite rresht u thoshte shqiptarëve sot më ndiqni se jam e ardhmja!!! Në fakt ai është vetëm humbja, humbja, humbja’, tha gjatë fjalës së tij lideri historik i demokratëve, Sali Berisha.
Pjesë nga fjala e liderit historik të PD, Sali Berisha:
Dje më pyeste një mik si ka mundësi ky njeri?! Absolutisht që ishte një farë e keqe që ne nuk e kuptuam.
Në 31 vite asnjë njeri nuk ka shfaqur standardet e ulëta politike të këtij njeriu, asnjë njeri, askush. Ky dëshmoi se është zhveshur nga çdo parim dhe se është i gatshëm për karrigen e tij të bëjë gjithçka. Pasi kaloi nga humbja në humbje në 8 vite rresht u thoshte shqiptarëve sot më ndiqni se jam e ardhmja!!! Në fakt ai është vetëm humbja, humbja, humbja.
Tetë vite ju e mbajtët PD! Ju e sollët PD përsëri një forcë madhore politike, tetë vite lumenjtë e djersës së derdhët ju dhe trashëgimia e saj janë shkaqet themelore që u ngrit me shpejtësi të rrufeshme si feniksi dhe ja ku është sot opozitë e vërtetë, opozitë e vërtetë që po dridh nga themelet narkoshtetin e Edi Ramës, opozitë që në harkun tremujor i dha vendit në kulmin e vështirësive të vendit, ato mrekulli që shqiptarët dhe Shqipëria nuk i kishin parë kurrë më parë: Kuvendin e lirisë me firmat e anëtarëve, referendumin e lirisë me firmat e anëtarëve, u tregoi shqiptarëve dhe botës e liria nuk vdes kurrë në zemrat tona.
Jemi dhe do te qëndrojmë të pamposhtur në mbrojtje të vlerave te saj.
Berisha: Basha peng i dosjeve, është partner me Ramën në Portin e Durrësit
Lideri historik i demokratëve, Sali Berisha nga Fieri, ku po festohet 31 vjetori i krijimit të degës së PD-së, është shprehur se Lulzim Basha është peng i disa dosjeve.
Berisha u shpreh se siç po del tani, Basha është edhe partner me Edi Ramën në ndërtimin e portit të Durrësit.
Pjesë nga fjala e liderit historik të PD, Sali Berisha:
Liria nuk vdes kurrë në zemrat tona. Shkelmimi i këtij parimi është themeli i çdo diktature. Ndaj njerëzisht kërkoj arsyetimin dhe vëmendjen tuaj po në mënyrë të veçantë të atyre anëtarëve dhe mbështetësve të PD që nuk u bënë pjesë që në fillim të këtij procesi, të bashkohen me ne.
Nuk është këtu çështje e karriges së atij apo tij personi, por e ekzistencës së demokracisë. Një minutë: çfarë na tha ky njeri dy muaj përpara. ‘Mua nuk më shkarkon Kuvendi se më ka zgjedhur anëtarësia’. Mirë. Ne e mblodhëm Kuvendin dhe u shkarkua sipas statusit që ka vendosur vetë por ne vendosëm mençurisht ta sjellim tej ju që kishin votuar në qershor, të vendosnit ju përveç Kuvendit për shkarkimin tuaj. Dhe kur ju me firmën tuaj 44 mijë firmosët shkarkimin e tij, ai harroi gjithçka dhe deklaroi se nuk e njoh Kuvendin!!! Nuk e njoh Referendumin!!! Në të cilin votuan dhjetëra mijëra demokratë më shumë se për zgjedhjen e tij në qershor.
Asnjë standard dhe normë morale për të bindur shqiptarët se ai është bërë famoz në problemet e matematikës kur thotë se 1958 që nuk ishin as çereku delegatë, në Pallatin e Kongreseve, ishin 5004 delegatë!!!!
Shumë kanë shtruar problemin nëse është ky zotëri me probleme madhore të shëndetit mendor. Unë them jo. Ky njeri është me çështje madhore të moralit njerëzor. Ky është peng në afera korrupsive, peng i dosjes së Nik Muzinit, peng i dosjes së ‘Tojota Jaris’ dhe është lidhur siç po duket edhe në afera biznesi në portin e Durrësit me vetë Edi Ramën.
Pra kemi një farë të keqe të moralit njerëzor.
Data tetë është datë historikë për Shqipërinë dhe kombin shqiptar se për herë të parë në historinë e këtij kombi e të një force politike, vendimin supreme të referendumit dhe anëtarësisë e zbaton në një protestë festive paqësore vetë anëtarësia e PD.
Berisha: Nëse Basha do ishte kryeministër, nuk do e dorëzonte kurrë pushtetin
Lideri historik i demokratëve, Sali Berisha nga Fieri, ku po festohet 31 vjetori i krijimit të degës së PD-së, është shprehur se nëse Lulzim Basha do të ishte kryeministër, ai nuk do e njihte kurrë faktin se mund të humbte dhe nuk do dorëzonte pushtetin.
‘Sikur të ishte produkt i zyrave sekrete terroriste, sikur të ishte produkt i grupeve terroriste, kthehet dhe blindon PD’, tha Berisha gjatë fjalës së tij.
Pjesë nga fjala e liderit historik të PD, Sali Berisha:
Shumë mesazhe kam marrë këto ditë. Disa prej tyre më thonë:
Doktor! Ky njeri po të kishte qenë Kryeministër me këtë që tregon, ky s’do ta kish pranuar kurrë humbjen e zgjedhjeve! Ky do të kishte blinduar ndërtesat dhe çdo gjë tjetër për të mos dorëzuar pushtetin!
E vërteta është që këto shenja e tregojnë. Në aktin më të turpshëm, që tejkalon çdo imagjinatë, sikur të ishte produkt i zyrave sekrete terroriste, sikur të ishte produkt i grupeve terroriste, kthehet dhe e blindon selinë e PD dhe e shndërron atë siç kanë qenë dikur degët e Punëve të Brendshme të Enver Hoxhës apo shpellat e grupeve terroriste në botë.
Në 31 vjetorin e saj, përzuri si armike gazetën e fjalës së lirë, Rilindjen Demokratike, që për meritën e madhe të kryeredaktorit dhe gazetarëve gjatë gjithë kësaj periudhe qëndroi organ i fjalës së lirë.
Ndaj dhe kemi arsye të festojmë ditën e shtunë më datën 8.
Protesta, Berisha mesazh Ramës: Siç merremi me pengun, merremi dhe me pengmarrësin
Lideri historik i demokratëve Sali Berisha ka bërë jë paralajmërim për Edi Ramën, në lidhje me protestën që pritet ditën e shtunë 8 janar.
‘Hiq dorë se absolutisht ne merremi njëlloj si me pengun dhe me pengmarrësin’, tha lideri historik i demokratëve Sali Berisha.
Pjesë nga fjala e liderit historik të PD, Sali Berisha:
Kam një mesazh kam për Edi Ramën. Hiq dorë nga skenarët e thurur bashkë me pengun tënd kundër demokratëve. Hiq dorë se absolutisht ne merremi njëlloj si me pengun dhe me pengmarrësin. Ne nuk mposhtemi nga asgjë. Ne kërkojmë asgjë tjetër, asgjë tjetër veçse Shtëpinë tonë të uzurpuar , Shtëpinë tonë të shndërruar në një burg të vërtetë që s’futet dot asnjëri prej jush.
Ta shndërrojmë si duhet të jetë në Shtëpinë e demokratëve dhe qytetarëve shqiptarë. Kështu që duke iu uruar edhe njëherë nga zemra gëzuar këtë ditë dhe falënderuar me mirënjohjen më të thelle demokratët e Fierit që nga ata që e themeluan dhe drejtuan në Shqipëri, që këto 8 vite qëndruat të pamposhtur, qëndruar të pamposhtur. Me protestat tuaja ju u bëtë zëri i vetëm i qytetarëve në Shqipëri në luftën kundër megaferave më të mëdha korruptive të kohës. Qëndruat dhëmbë për dhëmbë ndaj falangave të krimit.
Shpreh mirënjohjen time më të thellë ndaj udhëheqjen aktuale Luan Baçi dhe gjithë anëtarëve të kësaj dege që firmosën ngritjen në këmbë të opozitës shqiptare. T’ju uroj gëzuar dhe njëherë 31-vjetorin e themelimit të PD, partinë me dy ditëlindje.
Rroftë Partia Demokratike, rrofshi ju, rroftë Shqipëria!
Po e ndaj me ju këtë bisedë dhe shpërfaqje kujtimesh me Veton Surroin.
Ju siguroi se është kënaqësi të bisedosh njëherësh
me Vetonin si gazetar,
me Vetonin si veprimtar dhe
me Vetonin si protagonist ngjarjesh historike e dramatike bashkë.
Kjo bisedë është vetëm një faqe që përmbledh ëndërrat, përpjekjet, zhgënjimet… dhe shpresat e një brezi me fat, sepse shumica e tij e panë Kosovën e lirë.
Por kënaqësinë që ia solli Liria brezit tonë, shpesh’herë e sërpikun dhimbja e pikëllimi për ata që nuk e patën këtë fat,
sepse në rrugën e mundimshme drejt Lirisë ranë e u vranë për të jetuar gjithmonë në altarin dhe në kujtesën e një kombi.
Të gjithë ata që më sulmojnë në publik si anti-UÇK, duhet të maten fort mirë, sepse mund t’ju dalë që historia t’ju tregojë që kur unë kam kontribuar në luftën çlirimtare si person dhe si strukturë, disa të tjerë ende kanë qenë duke pi qumësht.
Policia e Shtetit vijon të mbajë të rrethuar ambientet e News24. Dhjetëra uniforma prej 2 orësh mbajnë të bllokuar hyrjet për në redaksi, siç duket edhe nga pamjet.
Për më tepër, policia ka ndërprerë furnizimin me energji elektrike, duke paralizuar aktivitetin normal të medias dhe duke penguar në mënyrë flagrante ushtrimin e lirë të punës së gazetarëve.
Ky veprim rikthen edhe njëherë momentet kritike për lirinë e shtypit në vend. BW
Kush jemi ne? Më 6 Qershor 2021, 12 profesionistë të medias shqiptare me banim në Zvicër, Itali, Francë, Kroaci, Kanada dhe SHBA ishin nismëtarë për të formuar shoqatën tonë si një organizatë jofitimprurëse për lirinë e fjalës dhe shtypin e lirë. UGSHPD u themelua më 8 Korrik, 2021.
Qëllimet tona:
-Të ndihmojmë debatin publik për të vërtetën duke synuar një shkallë të lartë profesionalizmi në gazetari përmes një etike të lartë dhe standardeve profesionale. -Të promovojmë gazetarinë në gjuhën shqipe kudo ku jetojnë shqiptarë.
-Të mbrojmë interesat profesioniste të anëtarëve të saj, të krijojë dhe të mbajë marrëdhënie me autoritetet, organizatat homologe të vendeve ku jetojnë e veprojnë anëtarët, në mënyrë që të lehtësojë veprimtarinë profesioniste të gazetarëve të diasporës shqiptare kudo në botë.
-Të mbështesim dhe të promovojë drejtësinë sociale duke denoncuar rastet e racizmit, intolerancës, paragjykimeve e diskriminimeve ndaj minoriteteve.
Anëtarët e Bordit të UGSHPD
Skënder Buçpapaj President
Alba Kepi-Sekretare e Përgjithshme
Artan Kutra- zv/president
Rafaela Prifti-Zëdhënëse
Genc Burimi-Auditor
Elida Buçpapaj- Arkëtare
Ardian Murraj- Komisioni i Etikës
Unioni i Gazetarëve Shqiptarë Profesionistë të Diasporës (UGSHPD)
Verband Albanischer Berufsjournalisten der Diaspora (VABD)
Union of Professional Albanian Journalists of Diaspora (UPAJD)
L’Union des journalistes professionnels albanais de la diaspora (UJPAD)
Unione dei Giornalisti Professionisti Albanesi della Diaspora (UGPAD)
Erisa Xhixho në “Ftesë në studio” Unioni i Gazetarëve Shqiptarë Profesionistë të Diasporës në statusin e vëzhguesit pranë KQZ si organizatë media, ka nisur një cikël bisedash me liderë të forcave politike në Shqipëri, nën titullin “7 pyetje”.
Për herë të parë në historinë e zgjedhjeve parlamentare, diaspora shqiptare ka të drejtën e votës për të zgjedhur deputetët e ardhshëm në legjislaturën e XI të Kuvendit të Shqipërisë. Në fokusin e zgjedhjeve politike të 11 majit 2025, UGSHPD sinjalizon me preokupim se prej vitit 2015 asnjë proces zgjedhor në Shqipëri nuk i ka përmbushur standardet perëndimore të zgjedhjeve.
I themeluar dhe i regjistruar në Bernë të Zvicrës në vitin 2021, UGSHPD (Unioni i Gazetarëve Shqiptarë Profesionistë të Diasporës), i përfaqësuar nga profesionistë të medias shqiptare që jetojnë dhe punojnë në Zvicër, Itali, Francë dhe SHBA, të përkushtuar për lirinë e fjalës, shtypit të pavarur, mbrojtës të së vërtetës që sigurojnë komunikimin e informacionit publik me standardet profesionale të gazetarisë. Mbi këto qëllime dhe të ardhmes pluraliste të politikës shqiptare ky union përmes anëtarëve të saj
Ju fton të na ndiqni.
Aleanca “Shqipëria Madhështore”, veçanërisht Partia e Lirisë, vjen në këto zgjedhje politike me plot të rinj e të reja të talentuar. Sa e ndjeni ju peshën e këtyre momenteve historike vendimtare? Cili do ishte ligji i parë që do kërkonit në Kuvend në rast fitoreje? C’ndodh nëse Ilir Meta zgjidhet deputet por i pamundësohet betimi deri në humbje të mandatit? Zonja Xhixho, së pari, ju faleminderit që pranuat ftesën tonë. Po ndaj me ju një shqetësim shumë legjitim kur kam parasysh se kryeministri është mjeshtër i madh për tjetërsimin e votës përmes shkeljes së ligjit diktuar nga ai që ka nën urdhra gjithë shtyllat e shtetit. Si do ta mbroni votën kur gjendeni përballë një perfeksionisti kleptokrat që përdor të gjitha mjetet për të qëndruar në pushtet, që një foto me Obamën ia paguajnë 80 mijë $, që komprometon ish shefin e FBI-së, që përpara kamerave i bën thirrje policisë së shtetit të bëjë fushatë për PS, pronën e tij, që e ka shpërfytyruar se nuk ka lënë asnjë nga socialistët e njohur, që regjistrohet me zë duke kompromentuar zyrtarë të organeve ligj zbatuese të manipulojnë votën e sovranit permes blerjes, intimidimit etj. që e përdor drejtësinë si mjet për të eliminuar kundërshtaret politikë. Nuk po e zgjas më se lista vijon. Problemi është si do të mbroni votën? Partia juaj, Parti e Lirisë qe është parti e qendrës se majtë është serish në koalicion për këto zgjedhje me Partinë Demokratike, parti e djathte. Përveç temave të përbashkëta a ka pika në programin tuaj qe ju dallojnë nga aleat si PD? Cili është vendi dhe roli i Partisë së Lirisë në ASHM për zgjedhjet e 2025? Reforma në drejtësi e korrupsioni janë dy fushat më preokupuese për Shqipërinë. Sistemi socialist vuri në masë arrestimi dy liderë te forcave kryesore opozitare. Cili është programi i PL për efikasitetin e pavarësinë e drejtësisë në Shqipëri? Ku sipas forcës politike që ju përfaqësoni duhet ndërhyrë në mënyrë emergjente?
Funerali i Papa Françeskut ka nisur me një antifon – një këngë të shkurtër muzikore – dhe psalm. Ashtu si shumica e shërbimit sot, teksti është në latinisht.
“Requiem aeternam dona ei, Domine, et lux perpetua luceat ei”, kënduan kori dhe kongregacioni. (Pushim i përjetshëm jepi atij, o Zot, dhe le të shkëlqejë mbi të drita e përjetshme.)
Kolegji i Kardinalëve po del nga bazilika në Sheshin e Shën Pjetrit.
Ata po ecin sipas radhës së vjetërsisë, të paraprirë nga një Libër i zbukuruar i Ungjijve dhe do të puthin altarin përpara se të shkojnë në vendet e tyre.
Personi i fundit që do të hyjë në shesh do të jetë festuesi, Kardinali Giovanni Re.
Kori i Kapelës Sistine – grupi prestigjioz prej 20 burrash dhe 30 a më shumë djemsh që janë kori personal i Papës – thekson Psalmin 64: “Te decet himnus, Deus, në Sion; et tibi reddetur votum në Jerusalem”. ( Të takon lavdërimi në Sion, o Perëndi. Ne i përmbushim betimet tona në Jeruzalem .)bw
Unioni i Gazetarëve Profesionistë Shqiptarë të Diasporës – UGSHPD – në statusin e vêzhguesit pranë KQZ si organizatê media, ka nisur një cikël bisedash me liderë të forcave politike në Shqipëri, nën titullin “7 pyetje”.
Për herë të parë në historinë e zgjedhjeve parlamentare, diaspora shqiptare ka të drejtën e votës për të zgjedhur deputetët e ardhshëm në legjislaturën e XI të Kuvendit të Shqipërisë.
Në fokusin e zgjedhjeve politike të 11 majit 2025, UGShPD sinjalizon me preokupim se prej vitit 2015 asnjë proces zgjedhor në Shqipëri nuk i ka përmbushur standardet perëndimore të
zgjedhjeve.
I themeluar dhe i regjistruar në Bernë të Zvicrës në vitin 2021, UGSHPD (Unioni i Gazetarëve Shqiptarë Profesionistë të Diasporës), i përfaqësuar nga profesionistë të medias shqiptare që jetojnë dhe punojnë në Zvicër, Itali, Francë dhe SHBA, të përkushtuar për lirinë e fjalës, shtypit të pavarur, mbrojtës të së vërtetës që sigurojnë komunikimin e informacionit publik me standardet profesionale të gazetarisë. Mbi këto qëllime dhe të ardhmes pluraliste të politikës shqiptare ky union përmes anëtarëve të saj Ju fton të na ndiqni.
Intervista e parë u zhvillua me kryetarin e Partisë Republikane zotin Fatmir Mehdiu i cili iu përgjigj 7 pyetjeve të UGSHPD.
Dhjetëra mijëra persona u mblodhën të shtunën në qendër të Beogradit kundër presidentit Aleksandar Vuçiç dhe qeverisë së tij, e fundit në një seri protestash kundër korrupsionit që kanë tronditur kontrollin e tij të fortë 13-vjeçar mbi pushtetin.
Protesta është planifikuar për në orën 16:00 para ndërtesës së Kuvendit të Serbisë.
Tashmë mund të thuhet se kjo është një nga demonstratat më të mëdha, nëse jo më të mëdhatë, antiqeveritare në dekadat e fundit, raportojnë mediat serbe.
Ndonëse protesta pritet të jetë si prova më e madhe e pushtetit të tij, Vuçic u shoreh dje se “nuk ka frikë nga asgjë” dhe se nuk do të lejojë që protestat në rrugë të ndryshojnë qeverinë.
“Nuk do të ketë qeveri tranzitore sa të jem gjallë. Unë nuk pajtohem me shantazhe dhe presione, unë jam president i Serbisë dhe nuk do të lejoj që rruga të përcaktojë rregullat në këtë vend”, tha ai.
Qindra oficerë policie të pajisur plotësisht u vendosën në dhe përreth Parkut Pioneer, të rrethuar nga traktorë. bw
I pyetur nga Çim Peka nëse ishte kontaktuar nga Edi Rama për të drejtuar fushatën e tij, pasi siç tha moderatori, kryeministri shqiptar është nga më të pasurit në Europë, njeriu që do drejtojë fushatën e Berishës tha se nuk ishte kontaktuar nga Rama drejtpërdrejt, por gjithësesi, unë nuk punoj për komunistët.
Pjesë nga intervista:
Çim Peka: Chris, kryeministri shqiptar është një persona mjaft i pasur. Shpenzimet e tij janë marramendëse. Ndoshta ai bën jetën e luksit më brilante të çdo lideri në Europë, se në Shqipëri po e po. A ju ka kontaktuar? Në rast se do ju kontaktonte një kryeministër kaq i pasur që nuk ka llogaridhënie, nuk e fsheh luksin e tij, çfarë do bënit?
LaCivita: Ai nuk më ka kontaktuar ndonjëherë. Dhe unë nuk punoj për komunistët. Apo për produkte të komunizmit. Megjithatë ngjashmëritë ndërmjet garës këtu në Shqipëri dhe garës në Shtetet e Bashkuara, janë fakti se opozita politike ndaj partisë në pushtet, në mënyrë të padrejtë, është përndjekur dhe është ndjekur penalisht ose janë ngritur dyshime ndaj saj dhe ne kemi mundësi të përforcojmë t’i rijetëzojmë demokracinë. Dhe të kemi nga pas edhe një Amerikë të fuqishme, e cila punon me Donald Trump-in. Dhe prandaj njerëzit duhet të zgjedhin këtë si model, si shembull dhe të votojnë për të ardhmen, dhe vota për të ardhmen është vota për Berishën dhe opozitën.
Çim Peka: Ju nuk punoni për komunistët, por miku im Rich Grenell, Ivanka Trump, Jared Kushner, janë takuar disa herë me kryeministrin, ata kanë ardhur për të bërë biznes në Shqipëri, që është gjëja më normale, por kryeministri Rama është munduar ta shesë si blerje influence në Shtëpinë e Bardhë. Çfarë mendimi keni që familja e presidentit po bën biznes në një vend ku drejtohet nga komunistët dhe trafikantët?
LaCivita: Nuk mund të flas për këtë çështje sepse nuk jam i përfshirë në aspektet e biznesit, se çfarë bëjnë disa anëtarë të familjes…megjithatë e kuptoj se çfarëdolloj biznesi në Shqipëri është në të mirë të popullit shqiptar, çfarëdolloj zhvillimi, tani apo në të ardhmen, patjetër që do të sjellë fitime për njerëzit. Megjithatë ajo që është me rëndësi është fakti që gjithçka të organizohet me transparencë, në mënyrë të drejtë, të kuptohet se në çfarë forme funksionojnë. Megjithatë është e vështirë mendoj që që njerëzit të kenë besim te qeveria e tyre në qoftë se opozita fute në burg dhe i ndalohet të marrë pjesë në zgjedhje…dhe kjo është një prej arsyeve pse ne duhet t’i ndryshojmë gjërat.
Kryetari i partisë Demokratike ka ndarë në faqen e tij në facebook një montazh video ku jepen shumë qartë sjelljet e Edi Ramës dhe qeverisë së tij ndaj shqiptarvëe.
Eshte koha për ndryshim thuhet në fund të kësaj videoje, ku bëhet thirrje për protestën e neserme të opozitës shqiptare.
“Nesër, në ora 17:00, e gjithë Shqipëria në protestë”, shkruan Berisha në postimin e tij në rrjetet sociale.
Aktori i njohur Mehdi Malkaj, i është bashkuar protestës së opozitës këtë të premte, para Bashkisë së Tiranës.
Duke i bërë thirrje qytetarëve për t’iu bashkuar protestës, ai thotë se qeveria e Ramës e ka bërë atdheun të ndrysur.
“Ju zonja dhe zotërinj që jeni nëpër makina, po të jeni vërtet qytetarë të mirë i fikni makinat dhe bashkoheni me ne. Ne nuk protestojmë vetëm per veten, por për të gjithë. E keni vënë re që kemi një atdhe të ndryshur? E dini pse është bërë atdheu i ndrysur? Sepse ky qelbësira i ka braktisur, i ka zhdukur të gjithë rininë, s’ka si të jetë atdheu i gëzuar. I ka zhdukur.
E keni vënë re që atdheu është i rrudhur? Pse është i rrudhur? Sepse ky i ka shitur copë-copë atdheun, s’ka si të jetë i tëri. I rrudhur do të jetë. Çfarë do të bëjmë zonja dhe zotërinj? Çfarë do të bëjmë? Rinia, ajo që ka mbetur këtu. Çfarë do të bëjmë? do të rrimë, do të bëjmë sehir, të shohim si copëtohet atdheu?
Shit detin, jepi detin Greqisë, 12 milje det. Jemi këtij tjetrit, Trump, një ishull të tërë, sikur të kenë vdekur Shqiptarët.
Unë nuk besoj që jam shqiptari më i mirë, por besoj që jam shqiptar i mirë, këtë nuk e diskutoj. Dhe unë e dua atdheun tim dhe do flas për atdheun tim. O qelbësira, që jeni mbyllur atje nëpër zyra. Dilni këtu, ballafaqohuni. Na mbushni mendjen që ju e keni mirë dhe ne jemi gabim. Ju martë mortja ju martë, të gjithëve!”, tha aktori Malkaj. sn
Komentet