VOAL

VOAL

Please Wait ...
0%

“Urgjente, të ndihmojmë vëllain tonë Kosta Grillo”! Gazetari në gjendje të rëndë nga Covid-19, kolegu: Situata është kritike!

By | August 17, 2021
blank

Komentet

blank

‘Nuk pranova ‘republikën’ e Sorosit’- Berisha-Ramës: Do përballesh me demokratët!

Nga Foltorja e Dibrës, Sali Berisha rezervoi një tjetër mesazh ndaj kryeministrit Edi Ramës.

“I them Edi Ramës, që ato daulle nuk janë dasme, por beteje dhe vetëm beteje. Do përballesh me demokratët për të gjitha këto që ke bërë,” tha Berisha, duke entuziazmuar sallën. “Ju kërkoj ndjesë që gjatë këtyre viteve nuk kam ngritur problemet me të cilat përballej PD-ja.  Në vitin 2017, duhej të vendosja të rikthehesha, që Rama të mos merrte një mandat siç e kemi sot,” tha Berisha.

Ai tha se vendimi në SHBA ndaj tij u mori pasi ai doli kundër ‘republikës së Sorosit’.

“Sot drejtësia shqiptare është më e kapur se kurrë. Sapo u emërua në drejtim të Inspektoratit të Lartë të Drejtësisë, vëllait të ministres i doli regjistrimi për 500 mijë euro që kishte bërë një takim me një mafioz që tani nuk ndjehet më. Ku është kjo çështje? E zhduku sapo u emërua. Janë tre gjykatës në Gjykatën e Lartë me veting top-sekret. Atë nuk mund ta shihni ju, nuk mund ta shohin qytetarët sepse janë të krimbur. Por ata janë gjykatësit e partisë që janë marrë peng nga Edi Rama.

Dvorani u shpall kampion i luftës kundër korrupsionit në botë, i cili pasi mori 17 mijë euro, dha 11 vendime në favor të Albtelekomit. Ky është kampioni i antikorrupsionit? Ky është mega-korruptor. Të gjitha këto vepra janë të lidhura me miliarderin Soros, një armik i demokracisë dhe të djathtës shqiptare. Nëse askush nuk ngrinte zërin, këtu do bëhej republika e Sorosit.

Ish-kreu i PD, në vend që të rreshtohej me republikanët amerikanë, ministri në hije i tyre e quajti vendimin ndaj meje një akt hakmarrës politik ndaj të djathtës shqiptare, por këto nuk kishin vlerë për ish-kreun e PD-së. Për të kishin vlerë kurthi dhe intrigat kundër Sali Berishës nga Soros dhe Rama. Që ditën e parë, iu drejtova gjykatës në Paris dhe padita për shpifje personin që më dizenjoi non-grata. Thashë që të sjellin çdo fakt dhe çdo provë. Por kurrë nuk pranoj fajësinë pa faj. Unë aq sa jam i përulur para të vërtetës, aq jam i pathyeshëm para mashtrimeve. Unë mbroj dinjitetin tuaj, mbroj dinjitetin e atyre që më kanë votuar dhe besuar. Unë kurrë nuk e pranoj një gjë që nuk e kam kryer. Mbetem përjetësisht mbrojtës i dinjitetit njerëzor,” tha Berisha.

blank

Berisha në Dibër: Mbi dy të tretat e delegatëve kanë firmosur për thirrjen e Kuvendit

Lideri historik demokrat, Sali Berisha deklaroi nga Foltorja e Dibrës, se mbi dy të tretat e delegatëve të këtij qarku kanë firmosur për thirrjen e Kuvendit Kombëtar.

“Kam ardhur sot këtu, me një kënaqësi të veçantë, për të falënderuar të gjithë demokratët dhe demokratet e Dibrës për mbështetjen që i kanë dhënë PD-së që nga themelimi i saj deri sot.

Unë dua gjithashtu të falënderoj të gjithë delegatët e Kuvendit Kombëtar, të Peshkopisë, Bulqizës dhe Matit, që kanë firmosur tashmë mbi dy të tretat vendimin e tyre për të mbledhur në një moment historik për PD-në dhe vendin, Kuvendin Kombëtar të PD-së, Kuvendin e ringritjes së kësaj force politike në lartësinë e idealeve dhe parimeve të saj si opozita më e fuqishme e vendit, e vendosur të ecë e sigurt drejt fitores që meriton. Kuvendin e thirrur nga mijëra e mijëra delegatë të PD-së, e thërret më shumë se kushdo tjetër koha, e cila kërkon nga ne, të ngrihemi, t’u përgjigjemi sfidave që kemi përpara.

Situatës kritike të krijuar në vend nga një regjim i Edi Ramës, i cili në mënyrë tmerrësisht të dëmshme për Shqipërinë dhe shqiptarët, ndërtoi në këto tetë vite, në vend të shtetit ligjor, ai ndërtoi shtetin e krimit dhe drogës, narkoshtetin e parë në Europë. Ky regjim në këto 8 vite jo vetëm nuk përparoi standardet e demokracisë dhe nivelin e jetesës, por përkundrazi çbëri një shumicë të madhe prej tyre, dhe shqiptarët realisht i zhyti në varfëri dhe mjerim,” tha Berisha.

blank

Dibranët i kërkojnë që t’i udhëheqë- Berisha: Do ‘votojmë’ me protestat masive

Foltorja e Dibrës u mbyll sërish me kërkesën e demokratëve që Sali Berisha të kthehet në drejtimin e partisë.

Një prej tyre madje tha se është gati të dorëzojë dokumentin që mban emrin e Lulzim Bashës. “Dokumentin me emrin e Lulzim Bashës dua ta dorëzoj. Nuk mund të mbaj dokumentin me emrin e një tradhtari,” tha ai.

Por Berisha insistoi se partia duhet të bashkohet. Edhe më herët ai tha se nuk duhet të ketë ndarje në bashistë dhe berishistë.

“Dokumentet siç janë të vlefshme, edhe ai duhet të mendojë për këtë. Atë e kanë marrë peng, por ju nuk mund t’ju marrin peng. Do jemi më lart se në vitin 1990 se dimë 10 herë më shumë se në atë vit. Do e bëjmë partinë më të fortë, më të lirë,” tha Berisha.

“Atyre që nuk kanë ardhur, u them duke përdorur fjalët e kryetarit të degës së PD të Hasit, i cili ia tha Lulzim Bashës: kryetar, po erdhi Sali Berisha për Foltoren, unë do jem aty. Do të jem sepse unë nuk jam të nesërmen kryetar më. Dmth baza ime është e tëra me të. Unë i ftoj këta. Secili që mendon ndryshe, do dëgjohet dhe do respektohet. Ne jemi bashkë,” theksoi Berisha.

“Qytetarët, të cilëve Edi Rama iu dhunoi dhe rrëmbeu votën, do të votojnë në sheshet dhe rrugët e Shqipërisë në protestat më të fuqishme që vendi ka njohur. Do votojnë me protestat e tyre,” paralajmëroi Berisha.

“Edi Rama më 25 prill përdori 130 milionë euro para të thata duke shpërndarë në zonat e tërmetit, me dokumenta të thesarit të shtetit. Përdori 990 mijë dokumenta personale të qytetarëve në sistemin antikushtetues me të dhëna personale me patronazhistët. Përdori bandat dhe paratë e drogës për të blerë vota. Çdo kryetar i lirë absolutisht mbushte sheshin të nesërmen. Ose përmbyste zgjedhjet, ose nuk lëvizte njeri nga sheshi. Doli bëri një deklaratë pa sens ‘fituam’ a se ç’tha dhe u zhduk një javë. E thirra dhe i them duhet të bëhen përpjekje të jashtëzakonshme që të vendosen sanksione ndërkombëtare për Edi Ramën. Po, më tha. I tregova shembull terrorin me patronazhistët. Po, po, tha. Por ishte tradhëti e madhe e tij. Nuk nxori asnjeri në shesh”.

blank

Berisha: Baton Stanishiçi është bërë avokati i ‘kundërshtarëve’ Rama dhe Basha

Lideri historik demokrat, Sali Berisha, bëri thirrje nga Dibra që demokratët të bashkohen. Ai tha se ata duhet të kuptojnë se ata që bëjnë avokatinë e Edi Ramës, po bëjnë edhe avokatinë e Lulzim Bashës. Berisha përmendi sidomos rastin e analistit Baton Haxhiu.

“Ju bëj thirrje demokratëve që të bashkohemi. Ne nuk kemi asnjë problem me ata që mendojnë ndryshe nga ne. I garantoj se do respektohet mendimi i tyre plotësisht. Ekstremi i kësaj është vota. Ne bashkohemi te vota. Votojmë dhe vendosim së bashku. PD ka humbur shpirtin e saj, ka humbur votën e lirë. Lidershipi i saj ka humbur besimin masiv të anëtarësisë së saj. Ne do i rikthejmë këto me transparencë.

I ftoj edhe ata që nuk kanë ardhur këtu të vijnë e të flasin hapur mendimet e tyre. Ne jemi të vendosur të respektojmë statutin, të respektojmë parimet, shtyllat mbi të cilat jemi ndërtuar. Në Kuvend do paraqesim edhe një program, quajeni si të doni, edhe rithemelim, unë e quaj ringritje, por ajo do marrë fizioniminë që meriton.

Flitet ‘berishist’ dhe ‘bashist’, por të gjithë jemi demokratë. Një gjë u them këtyre që përpiqen t’u paraqesin demokratëve disfatën si të ardhme; mbi Lulzim Bashën rëndojnë katër disfata. Ju mund të mos e doni Berishën dhe jeni të lirë ta shprehni mendimin tuaj, por a mund t’i shprehet besimi një njeriu që kalon nga humbja në humbje?

Hidhni sytë te ekranet televizive, ju jeni të mençur dhe ju e dini se avokati i Lulzim Bashës dhe Edi Ramës është Baton Stanishiçi. Miqve demokratë të mi u bëj thirrje të mendojnë për një moment se çfarë përfaqëson Dushani i ri, një njeri i dokumentuar nga Gjykata e Hagës si bashkëpunëtor i Jovica Stanishiçit. Por si mund të jetë avokat i dy kundërshtarëve?! Unë e di pse ndodh, por ky është turp e faqja e zezë për ne. Ish-kryetari ynë ka për avokat, avokatin kryesor të Edi Rarmës. Pra, ne jemi katandisur në këtë gjendje. Ndaj dhe ftoj miqtë tanë të mendojnë se në këtë mënyrë ne ecim nga disfata në disfatë.

Çështja është ta merrni ju në dorë dhe të vendosni ju,” tha Berisha.

blank

Berisha: Mbledhja e Kuvendit është jetike për interesin e PD-së, të qëndrojmë të pamposhtur përballë këtij regjimi

“Foltorja” e ish-kryeministrit Sali Berisha është ndalur ditën e sotme në qytetin e Dibrës.

Gjatë fjalës së tij, Sali Berisha ka falenderuar delegatët e Partisë Demokratike që sipas tij kanë votuar mbi 2/3 vendimin e tyre për mbledhjen e Kuvendit Kombëtar. Ai ka vazhduar me akuza ndaj qeverisë dhe kryeministrit Rama duke nisur nga kriza e energjisë, pandemia, çmimet e karburanteve.

Më tej ai ka vijuar edhe me akuzat ndaj kryedemokratit Basha që sipas tij e ka katandisur Partinë Demokratike nga aktet e papërgjegjshme të tij.

“Kam ardhur sot këtu me një kënaqësi të veçantë për të falenderuar demokratët e Dibrës për mbështetjen ndaj Partisë Demokratike. Po ashtu edhe delegatët e Kuvendit Kombëtar të cilët kanë firmosur tashmë mbi 2/3 vendimin e tyre për të mbledhur Kuvendin Kombëtar Ky Kuvend duhet të mblidhet në përgjigje të një regjimi të Edi Ramës. Ky regjim në këto 8 vite zhbëri një shumicë të madhe dhe shqiptarët i shyti në varfëri dhe mjerim. Sot shqiptarët marrin rriga 30% më të ulta në Kosovë. Sot kafshata e bukës është 87 herë më e shtrenjtë se në BE. Sot shqiptarët paguajnë naftën me njësoj me qytetarët e Zvicrës. Pse kjo? Sepse qeveria në vend të mendojë për qytetarët mendon për veten. Sot vjedhja monstruozë në të gjitha fushat ka bërë që arka e shtetit të jetë bosh. Qeveria del në treg për të marrë 700 milionë euro borxh në një kohë kur thotë që rritja ekonomike është 18%. Këto janë përralla me mbret. Kjo qeveri e krijoi vetë krizën energjitike me vjedhje. Duke ndarë lekët me njëri-tjetërin kanë shitur energjinë me 40-50 euro këv. Kjo është katastrofë e krijuar nga qeveria. Ne numërojmë 16 800 jetë të humbura gjatë pandemisë, më shumë se çdo vend tjetër në Europë. Këta vjedhin mbi të vdekur dhe të sëmurë. Ky Kuvend dhe ringritja e PD-së është interes jetik shqiptar. Çfarë ka ndodhur këto 8 vite? Ylli ynë polar duhet të ishte integrimi në BE.Rama ndërmori nismat e Vuçiç, është përfshirë në projekte antikombëtare për ndarjen e Kosovës. Rama refuzon rezolutën për genocidin. E keqja s’ka fund dhe një pjesë e të keqes është gjendja që është katandisur PD-ja nga kryetari i saj. Rama ka vrarë shpresën e shqiptarëve, pork u është opozita? Opozita i bëri fresk qeverisë pasi nuk ishte e aftë t’i imponojë asnjë nismë tjetër. A kemi ne përgjegjësi për këtë? Po, ndaj edhe ne marrim përsipër të ngrihemi fuqishëm për të qëndruar si opozitë e pamposhtur ndaj këtij regjimi që po spastron Shqipërinë nga shqiptarët. Partia Demokratike është sot e goditur rëndë nga aktet e papërgjegjshme nga udhëheqja pothuaj inekzistente e saj”-tha Berisha.

blank

ENEMO: Zgjedhjet lokale të qeta, pavarësisht situatës tensionuese dhe pasigurisë në veri të Kosovës

“Zgjedhjet lokale të vitit 2021 u mbajtën në një mjedis të qetë, pavarësisht situatës tensionuese në veri dhe pasigurive dhe mundësisë së shtyrjes së zgjedhjeve për shkak të COVID-19”, tha shefi i ENEMO-s, Peytier

Prishtinë

Misioni Ndërkombëtar i Monitorimit të Zgjedhjeve në Kosovë (ENEMO) për zgjedhjet lokale të 17 tetorit ka mbajtur konferencë për media lidhur me mbarëvajtjen e procesit e djeshëm të zgjedhjeve, raporton Anadolu Agency (AA).

Ky mision me punën e tij ka monitoruar dhe vlerësuar mjedisin e përgjithshëm politik dhe elektoral, respektimin e të drejtave të njeriut dhe të drejtave të votuesit, sjelljen e organeve të menaxhimit të zgjedhjeve, fushatën, barazinë gjinore, mediat e të tjera.

Shefi i ENEMO-s, Pierre Peytier tha se ky mision ka pasur një gamë të gjerë të vëzhgimeve dhe monitorimeve duke u bazuar në standardet ndërkombëtare të zgjedhjeve.

“Zgjedhjet lokale të vitit 2021 u mbajtën në një mjedis të qetë, pavarësisht situatës tensionuese në veri dhe pasigurive dhe mundësisë së shtyrjes së zgjedhjeve për shkak të COVID-19. Megjithatë, vonesat e vazhdueshme në kryerjen e reformave zgjedhore kanë çuar deri në pikën ku rregullat janë të paqarta dhe konfliktuale gjë që ndikon edhe në sigurinë juridike”, tha Peytier.

Zëvendës-Shefja e Misionit, Elene Nizharadze tha se situata e qasjes së personave me aftësi të kufizuar në procesin e votimit ka qenë problematike edhe në këto zgjedhje, sikurse herëve të kaluara.

“Legjislacioni parasheh rregulla për pjesëmarrjen e personave me aftësi të kufizuara në zgjedhje. Normat ekzistuese ligjore nuk janë të mjaftueshme as për të siguruar informacion lidhur me procesin zgjedhor në vazhdimësi për personat me aftësi të kufizuara në formatin e përshtatur për nevojat e tyre dhe as nuk kontribuojnë në pjesëmarrjen e tyre të pavarur në zgjedhje. Qasja fizike në vendvotime është pengesë kryesore për persona me aftësi të kufizuara”, tha Nizharadze.

ENEMO ka vendosur gjithsej gjashtë ekspertë të ekipit qendror, prej të cilëve pesë janë vendosur në Prishtinë që nga mesi i shtatorit.

 
blank

Përfundon numërimi i votave në Kosovë, 21 komuna shkojnë në balotazh, ‘Vetëvendosja’ përballet me dy parti të mëdha më 14 nëntor

Ka përfunduar procesi i numërimit të votave të rregullta të zgjedhjeve lokale të zhvilluara me 17 tetor.

Sipas rezultateve preliminare të shpallura nga Komisioni Qendror i Zgjedhjeve, në 17 komuna janë shënuar fitore të kandidatëve me mbi 50% të votave, ndërsa 21 komuna do të shkojnë në balotazh.

Bazuar në rezultatet preliminare të KQZ-së, PDK ka fituar katër komuna pa balotazh, Aleanca për AAK dhe LDK nga dy komuna, kurse Lëvizja Vetëvendosje nuk ka arritur fitore pa balotazh.

PDK ka fituar në Mitrovicë të Jugut, Ferizaj, Hani i Elezit dhe Skenderaj.

LDK ka fituar në Pejë dhe Lipjan.

AAK ka fituar në Deçan dhe Suharekë.

Ndërkaq, Lista Serbe ka fituar në Leposaviq, Mitrovicë të Veriut, Novobërdë, Shtërpcë, Zubin Potok, Zveçan, Graçanicë, Ranillug dhe Partesh.

Mirëpo përballja te shumica e komunave do të jetë në raundin e dytë, përfshirë edhe kryeqytetin.

LVV dhe LDK në balotazh do të përballen në pesë komuna: Prishtinë, Gjilan, Podujevë, Viti dhe Fushë Kosovë.

LVV dhe PDK në balotazh do të përballen në tri komuna: Prizren, Shtime dhe Kaçanik.

PDK dhe LDK në balotazh përballen në dy komuna: Vushtrri, Dragash.

LVV dhe AAK në Balotazh përballen në dy komuna: Gjakovë dhe Rahovec.

LDK dhe AAK përballen në balotazh në dy komuna: Istog dhe Junik.

PDK dhe AAK përballen në balotazh në Klinë.

Po ashtu në raundin e dytë do të ketë edhe disa përballje tjera:

Kamenica (Partia Socialdemokrate -LVV), Malisheva (Nisma-PDK), Mamusha (Partia Demokratike Turqve të Kosovës –KDTP dhe partia e Drejtësisë e Turqve të Kosovës – KATP), Gllogoci (PDK dhe Demokratët për Drenasin – DD), Kllokoti (Lista Serbe- Iniciativa qytetare Harmonia Popullore Serbe – GI SNS), Obiliqi (Iniciativa Qytetare për Obiliqin – IQO dhe LVV).

blank

Presidenti Meta pret në takim Zëvendëskryeministren e Kosovës Donika Gërvalla

Presidenti i Republikës Ilir Meta priti sot në takim Zëvendëskryeministren dhe Ministren e Punëve të Jashtme dhe të Diasporës së Republikës së Kosovës, Donika Gërvalla.

Presidenti Meta e uroi Ministren Gërvalla për detyrën e rëndësishme, që ushtron në Qeverinë e Kosovës, në këto momente mjaft të rëndësishme për vendin e saj.

Presidenti Meta i përgëzoi institucionet e Republikës së Kosovës për zhvillimin me korrektësi dhe në mënyrë demokratike të zgjedhjeve lokale, që u mbajtjen dje.

“Zhvillimi i zgjedhjeve lokale, nxjerrja si dhe pranimi i rezultateve paraprake nga të gjitha palët në proces është një shembull për të gjithë rajonin se si duhet të zhvillohen dhe administrohen zgjedhjet”, – theksoi Presidenti Meta.

Kreu i Shtetit theksoi së Shqipëria dhe Kosova duhet të bashkëpunojnë ngushtësisht në lehtësimin e çdo pengese, që ekziston në zhvillimet në fushën politike, kulturore, ekonomike, tregtare dhe të gjitha sferat e tjera të jetës.

Gjithashtu, Presidenti Meta theksoi se të dyja vendet tona, së bashku duhet të punojnë edhe më ngushtësisht, për forcimin dhe konsolidimin e subjektivitetit ndërkombëtar të Kosovës, si dhe për përshpejtimin e proceseve të integrimeve europiane.

blank

Shpërthejnë protestat- Fermerët: Do bllokojmë rrugët kombëtare

Vendi duket se është mbërthyer nga një valë protestash në këtë fillim jave.

Fillimisht ishin studentët që paralajmëruan se do të hidhen në protesta për shkak se nuk po lejohen në auditore nëse nuk janë të vaksinuar.

Më pas ishte shërbimi urban që përgjysmoi numrin e autobusëve që lëvizin në Tiranë në shenjë proteste për mosplotësimin e kërkesave.

Ndërkohë tani janë edhe fermerët që bëjnë një paralajmërim të fortë.

Fermerët kanë njoftuar një protestë që do të organizohet ditën e nesërme në vendet e tyre të punës lidhur me situatën aktuale ku ndodhen. Ata thonë se janë totalisht të papërkrahur nga qeveria dhe se çmimet e drithërave janë rritur në mënyrë të papërballueshme.

Sipas deklaratës së përfaqësuesit të tyre, ditën e nesërme 400 fermerë do protestojnë për mos-përkrahjen nga ana e qeverisë e cila shënohet ndër më të ulëtat krahasuar me vendet e tjera në rajonin e Ballkanit.

Më tej ata thonë se nëse situata nuk përmirësohet, do të ketë përshkallëzim të protestave, deri në bllokim të rrugëve nacionale. syri.net

blank

Tensione në universitete, studentët paralajmërojnë protesta

Ashtu siç edhe ishte paralajmëruar, mëngjesi i kësaj të hëne është shoqëruar me përplasje në dyert e universiteteve, ku në Tiranë, në shumicën e fakulteteve nuk janë lejuar që të hyjnë studentët e pavaksinuar.

Rreth orës 10 ata pritet që të nisin grumbullimin përpara kryeministrisë ku do të kundërshtojnë vendimin për t’u lënë jashtë auditoreve. Ata shprehen se e drejta e arsimit është një e drejtë kushtetuese, dhe nuk mund të tjetërsohet nga asnjë vendim qeverie.

Prej mëngjesit të sotëm në të gjithë vendin, universitetet janë duke mbajtur qëndrime të ndryshme sa i takon futjes së studentëve të pavaksinuar në auditore. Në Elbasan, Gjirokastër, Korçë, Durrës lejohen të hyjnë në auditore dhe studentët e pavaksinuar. Ndërkohë që në Vlorë, Shkodër dhe në Tiranë, studentët e pavaksinuar nuk do të lejohen që të hyjnë në auditore.

Studentët që nuk janë vaksinuar kundër Covid-19 kanë nisur nënshkrimin e një peticioni për sigurimin e testeve PCR falas për ta.

blank

Kosova voton

RFE/RL

  • Më 17 tetor, qytetarët e Kosovës zgjedhin kryetarët e rinj të 38 komunave dhe anëtarët e asambleve komunale.
  • Sipas të dhënave të Komisionit Qendror të Zgjedhjeve (KQZ), për kryetarë të komunave të Kosovës janë certifikuar 166 kandidatë. Në garën për asamblistë në kuvendet e të gjitha komunave janë certifikuar 5,198 kandidatë.
  • Në këto zgjedhje, qytetarët mund të votojnë për kryetarin e komunës dhe një asamblist.
  • Qendrat e votimit hapen në ora 07:00 dhe pritet të mbyllen më 19:00.
  • Këtë vit do të hapen 883 qendra votime me gjithsej 2,477 vendvotime.
  • Sipas KQZ-së, numri i qytetarëve me të drejtë vote brenda Kosovës është 1 milion e 885 mijë e 448 votues.
  • Ky institucion ka pranuar 5,649 pako të supozuara me fletëvotime nga jashtë Kosovës.
  • Kësaj here, të drejtën e votës për herë të parë mund ta shfrytëzojnë 41,012 persona.
  • Në zgjedhjet e kaluara lokale, të mbajtura më 2017, më së shumti komuna pati fituar Lidhja Demokratike e Kosovës, në total tetë, Aleanca për Ardhmërinë e Kosovës, shtatë, Partia Demokratike e Kosovës, pesë, Lëvizja Vetëvendosje tri, ndërsa Nisma Socialdemokratike dhe Aleanca Kosova e Re nga një komunë.
  • Nga komunitet joshumicë, më së shumti komuna pati fituar Lista Serbe, 10 të tilla, derisa Partia Demokratike Turke, një komunë.
  • Dy komuna janë udhëhequr nga kandidatë të pavarur.

Voton presidentja Osmani

Presidentja e Kosovës, Vjosa Osmani, ka thënë të dielën se zgjedhjet lokale përbëjnë një proces të rëndësishëm për jetën e qytetarëve.

“Sot, qytetarët tanë, pa asnjë dallim, në çdo cep të vendit tonë, votojnë për kualitetin e jetës së tyre, votojnë për komunat e tyre, për udhëheqësinë, e cila do ta determinojë sesi në katër vjetët e ardhshëm do të jetë jeta në komunat ku ata jetojnë”, ka thënë Osmani pas votimit.

Rama: I lumtur që jetoj në një shtet demokratik

Kandidati i Lidhjes Demokratike të Kosovës për kryetar të Prishtinës, Përparim Rama, ka thënë pas votimit se është i lumtur që jeton në një shtet demokratik dhe secili ka të drejtë të votojë dhe të marrë përgjegjësi për të ardhmen e qytetit.

Kandidati i LDK-së për Prishtinën, Përparim Rama.

Kandidati i LDK-së për Prishtinën, Përparim Rama.

Mandl: Kontributi më i mirë në demokraci, përmes votës

Shefi i Misionit të Bashkimit Evropian për Vëzhgim të Zgjedhjeve, Lukas Mandl, ka thënë të dielën se është shumë i lumtur që blloku evropian mund të kontribojë me 100 vëzhgues në zgjedhjet lokale të Kosovës.

“Ekzistojnë mënyra të ndryshme për të kontribuar në demokraci, mirëpo mënyra më e mirë është përmes votës. Prandaj mesazhi im i parë sot është që të inkurajoj secilin që të votojë”, ka thënë Mandl.

Sipas tij, procesi zgjedhor është duke u realizuar në mënyrë të qetë.

Ambasada amerikane: Vendimet e kryetarëve janë të rëndësishme

Ambasada amerikane në Prishtinë ka thënë se vendimet e kryetarëve të komunave janë të rëndësishme, andaj edhe u ka bërë thirrje qytetarëve të Kosovës që të votojnë në zgjedhjet lokale të 17 tetorit.

“Vendimet (e kryetarëve) qofshin ato duke u dhënë prioritet shkollave, transportit publik, mbledhjes së mbeturinave apo projekteve tjera, ndikojnë në kualitetin e jetës së përditshme”, ka thënë kjo Ambasadë përmes një postimi në Twitter.

blank

Kurti takim me përfaqësues të PE: Hyjmë në dialog me Serbinë vetëm nëse njeh Kosovën, nuk ka alternative tjetër

Kryeministri i Republikës së Kosovës, Albin Kurti së bashku me zëvendëskryeministrin për Integrime Evropiane, Zhvillim dhe Dialog, Besnik Bislimi, pritën në takim një delegacion të Parlamentit Evropian të udhëhequr nga përfaqësuesja për Kosovën në parlament, Viola von Cramon.

Liberalizimi i vizave për Kosovën,  zgjedhjet lokale që mbahen të dielën, operacioni i Policisë së Kosovës në veri të vendit dhe dialogu Kosovë-Serbi ishin disa nga temat kryesore të bisedës.

Kurti falënderoi europarlamentarët për angazhimin për njohjen e pavarësisë së Kosovës edhe tek pesë vendet mos njohëse, për përkrahjen dhe votimin për liberalizimin e vizave dhe për mbështetjen me vaksina përmes COVAX.

“Zgjedhjet parlamentare kanë sjellë stabilitet institucional dhe legjitimitet demokratik që ka rezultuar me rritje të besimit në institucione e për rrjedhojë edhe zhvillime tjera pozitive sikurse rritja ekonomike, rritja e të hyrave dhe e investimeve, tregues të qartë të efekteve pozitive të ndryshimeve demokratike që erdhën nga zgjedhjet e 14 shkurtit, tha Kurti.

Ai shprehu besimin që edhe zgjedhjet lokale nesër do të zhvillohen paqësisht dhe me pjesëmarrje sa më të madhe të qytetarëve.

Lidhur me operacionin e policisë së Kosovës në veri, Kurti shpjegoi se ishte operacion kundër kontrabandës dhe kriminalitetit dhe përfshinte 26 lokacione të ndryshme në gjithë territorin, 5 nga to në Mitrovicën Veriore.

“Ky ishte një operacion normal  dhe i nevojshëm i policisë, e cila ka kryer punën në mënyrë profesionale dhe sipas procedurave ligjore”, tha ai.

Lidhur me interesimin e eurodeputetëve për bisedimet me Serbinë tha se nuk kanë alternativë, por duhet kuptuar se as njohja e pavarësisë së Kosovës nga Serbia nuk ka alternativë.


blank
blank
blank
blank
blank
blank
blank
blank
blank
blank
blank
blank
Send this to a friend