Një raport i Programit për Zhvillim të Kombeve të Bashkuara, vë në pah që 79 për qind e shqiptarëve të anketuar besojnë deri diku se pajtimi ndëretnik është i mundshëm, ndërsa vetëm 47 për qind e serbëve e besojnë një gjë të tillë.
Sipas anketimit të kryer përgjatë vitit 2019, mbi 60 për qind e shqiptarëve dhe serbëve në Kosovë thonë se marrëdhëniet në mes të dy komuniteteve vazhdojnë të jenë të tensionuara edhe 20 vjet pas përfundimit të luftës, ndërsa pajtimin e shohin si diçka të domosdoshme rreth 88 për qind prej tyre, me të vetmin përjashtim në Mitrovicën e Veriut ku 60 për qind e banorëve nuk e shohin pajtimin si të nevojshëm.
Sipas rezultateve nga anketa me titull “Pajtimi dhe bashkëjetesa në Kosovë, perceptimet e komuniteteve etnike”, 41 për qind e serbëve besojnë se arsyeja kryesore e tensioneve është mungesa e përpjekjeve nga shqiptarët sa i përket integrimit të tyre në shoqërinë e Kosovës, ndërsa vetëm 3 për qind e shqiptarëve e besojnë të njëjtën. Shqiptarët kanë më shumë gjasa të flasin për ndikimin e Beogradit, rreth 30 për qind, qëndrimin e liderëve serbë rreth 24 për qind ose mosgatishmërinë e vet serbëve për t’u integruar rreth 26 për qind, si shkaqet kryesore të marrëdhënieve të tensionuara ndëretnike.
Përfaqësuesja e përhershme e Programit të Kombeve të Bashkuara në Kosovë, Maria Suoko, tha se kërkohet komunikim më i madh në mes të dy komuniteteve për ta kuptuar dhe pranuar njëri tjetrin.
“Një pengesë të cilën ne duhet të ndihmojmë që të tejkalohet është pengesa e gjuhës. Të rinjtë në Kosovë nuk e flasin gjuhën e njëri tjetrit, dhe derisa gjuha angleze përdoret si gjuhë e përbashkët, mos komunikimi në gjuhën e njëri tjetrit është një pengesë”, tha ajo.
Sipas të gjeturave të këtij raporti vetëm 5.2 për qind e shqiptarëve dhe vetëm 1.4 për qind e serbëve të Kosovës vlerësojnë se marrëdhëniet në mes të të dyja palëve nuk janë aspak të tensionuara. Ndërsa rreth 70 për qind e tyre e shohin si të rëndësishëm përfshirjen e komunitetit ndërkombëtar në procesin e pajtimit në mes tyre.
Christina Davis, nga Agjencia për Zhvillim Ndërkombëtarë e Shteteve të Bashkuara në Kosovë, e vlerësoi si shqetësuese nevojën për përfshirjen e faktorit ndërkombëtar.
“Derisa ndihma ndërkombëtare mund të ndihmojë në krijimin e mundësive për komunikim ndëretnik, më duket mjaft shqetësuese që 78 për qind e të anketuarve e shohin ende përfshirjen e komunitetit ndërkombëtar si shumë të rëndësishme. Kjo mund të tregojë se Kosova është ende shumë e varur nga komuniteti ndërkombëtar për të arritur pajtimin. Pajtimi fillon me individët”, tha ajo.
Të dhënat e këtij raporti tregojnë se derisa 79 për qind e shqiptarëve deri diku besojnë se pajtimi është i mundshëm, vetëm 47 për qind e serbëve e besojnë të njëjtën. Ndërkaq më shumë se 50 për qind e shqiptarëve besojnë se pajtimi nënkupton edhe kërkim faljen, derisa vetëm 14 për qind e serbëve pajtohen me një gjë të tillë.
Siguria ndërkombëtare dhe sistemi financiar, të ndërtuara dhe të drejtuara nga Shtetet e Bashkuara pas Luftës së Dytë Botërore i kanë bërë ballë Luftës së Ftohtë, luftërave rajonale, krizave ekonomike dhe madje edhe një pandemie botërore. Por, sipas një ish-këshilltareje të presidentit amerikan, Donald Trump, – që tashmë është një nga kritiket më të mëdha të tij – ndoshta nuk do t’i mbijetojnë mandatit katërvjeçar të Trumpit.
“Ky është fundi i sistemit ndërkombëtar, siç e njohim ne”, tha Fiona Hill, ish-këshilltare e Trumpit për Rusinë dhe tani eksperte në Institutin Brookings. Intervista e Hillit për Radion Evropa e Lirë, është pjesë e një serie me tri pjesë, e quajtur Ndryshimet e Politikës së Jashtme të Amerikës. “Sinqerisht, ka qenë duke u shembur që një kohë të gjatë”.
“Presidenti Trump më nuk do që të paguajë për këtë [rendi ndërkombëtar] apo ta mbështesë, madje as në aspektin e udhëheqjes politike dhe kjo vlen edhe për institucionet vendore që janë të lidhura me projeksionin e ndikimit dhe fuqisë së SHBA-së jashtë vendit”, tha ajo.
I ashtuquajturi rend ndërkombëtar, i bazuar në rregulla – term i përdorur nga Uashingtoni për kornizën globale të pasluftës – mbështetet mbi parimet si integriteti territorial, siguria kolektive, të drejtat e njeriut dhe tregtia e lirë. Institucionet sikurse Kombet e Bashkuara, Fondi Monetar Ndërkombëtar dhe Gjykata Ndërkombëtare Penale – gjykatë në të cilën SHBA-ja nuk është anëtare – u krijuan për të mbrojtur dhe zbatuar këto vlera.
Por, që kur është kthyer në Shtëpinë e Bardhë, Trump thotë se ky sistem nuk funksionon më për Shtetet e Bashkuara dhe për punëtorin amerikan, duke theksuar veçanërisht humbjen e vendeve të punës ndaj Kinës dhe shteteve të tjera, që kanë tregje në zhvillim, çka sipas tij ka boshatisur qytete e komunitete në të gjithë vendin dhe ka çuar në një deficit të madh tregtar.
Pavarësisht mangësive të tij, disa ekspertë argumentojnë se sistemi aktual ndërkombëtar i udhëhequr nga SHBA-ja ka sjellë një periudhë të paprecedent paqeje dhe mirëqenieje botërore. Nëse ky sistem do të mbijetojë në një formë apo tjetër, atëherë do të jetë falë Evropës dhe Azisë, tha Hill.
“Ky është një moment vendimtar”, tha ajo për vendet në këto rajone, përfshirë Kinën. “Çfarë vlerësojnë në të vërtet? Sa shumë i vlerësojnë këto institucione? Nëse i vlerësojnë, atëherë, domosdo do të duhet të jenë ato që ndërmarrin hapa për t’i mbështetur”.
Hill është një studiuese e njohur për Rusinë dhe biografe e presidentit rus, Vladimir Putin. Ajo e ka vëzhguar udhëheqësin e Kremlinit nga afër gjatë angazhimeve ndërkombëtare dhe e ka shoqëruar Donald Trumpin në samitin e tij me Putinin në Helsinki në vitin 2018, një takim që u përmbyll me një konferencë për media të cilën Hill më vonë e përshkroi si “poshtëruese” për Shtetet e Bashkuara.
Presidenti amerikan, Donald Trump, dhe ai rus, Vladimir Putin, gjatë takimit në Helsiniki më 16 korrik 2018.
Hill gjithashtu dëshmoi para Kongresit gjatë procesit të parë të shkarkimit të Trumpit në vitin 2019. Që prej largimit nga Qeveria, ajo ka qenë një kritike e zëshme dhe e spikatur e Trumpit, dhe në mars, administrata Trump ia hoqi autorizimet e sigurisë dhe qasjen në informacione të klasifikuara.
Në një bisedë me Radion Evropa e Lirë, Hill tha se SHBA-ja duket se po ndjek trajektoren e Rusisë nën Putinin dhe të Hungarisë nën kryeministrin Viktor Orban, pasi Trump po përpiqet të anashkalojë institucione si Kongresi dhe gjykatat që kanë ofruar kontroll dhe balancë ndaj pushtetit ekzekutiv – një akuzë që është ngritur nga kritika të tjerë të shquar të Trumpit.
“Nuk e kam menduar kurrë që do ta shihja Shtetet e Bashkuara që afrohen me Rusinë në këtë mënyrë. Ka shumë përputhje, por nuk është drejtimi që njerëzit mendonin se do të ishte pas vitit 1989”, tha ajo, duke iu referuar revolucioneve demokratike që rrëzuan liderët autoritarë në Evropën komuniste Lindore.
Hill tha se ankesat për pabarazinë në Shtetet e Bashkuara, që ndihmuan Trumpin të vijë në pushtet dy herë, janë reale dhe të ligjshme, por shtoi se shumica e amerikanëve nuk votuan për një presidencë hiper të personalizuar dhe për shkatërrimin e institucioneve.
Strategjia e SHBA-së dhe paqja në Ukrainë
Teksa Trump po shtyn përpara nismën e tij për mbrojtje nga ajri, të quajtura “Kupola e Artë”, dhe po lëviz që të rikthejë prodhimin në SHBA, Hill tha se sheh një ndryshim më të gjerë strategjik: një tërheqje nga angazhimi global pas një “SHBA-ja si fortesë”.
Në thelb të këtij vizioni është përfundimi i luftës në Ukrainë si pjesë e një marrëveshje më të gjerë me Rusinë, një rival i fuqishëm bërthamor që gjithashtu po kërkon të ndryshojë rendin ndërkombëtar të udhëhequr nga SHBA-ja. Që nga kthimi në Shtëpinë e Bardhë, Trump ka bërë përfundimin e konfliktit – tani në vitin e tij të katërt – prioritet kryesor dhe në mars kërkoi një armëpushim të menjëhershëm 30-ditor.
Kievi ka pranuar propozimin e ndërmjetësuar nga SHBA-ja. Por, presidenti rus, Vladimir Putin, e ka zvarritur procesin, duke mbajtur në avantazh trupat e tij dhe duke fituar momentum në fushëbetejë. Sipas Hillit, kjo vonesë, e ka vendosur Trumpin në një pozicion të vështirë.
“Ai do të kërkojë dikë për të fajësuar. Nuk do të dojë që ta fajësojë Putinin”, tha ajo.
Trump, shtoi ajo, i konsideron vetëm Putin dhe presidentin kinez, Xi Jinping, si homologë të vërtetë dhe ka pak durim për atë që ai e sheh si mosrespekt ose mospërfillje nga liderët që i konsideron të barabartë.
“Ai mund të zemërohet gjithnjë e më shumë me Putinin dhe gjithashtu mund të bëhet më i interesuar për të sulmuar Ukrainën, sepse nuk do të dojë të duket i dobët”, tha ajo.
Ky tension u shfaq hapur gjatë takimit në shkurt në Shtëpinë e Bardhë, kur Trump e akuzoi presidentin ukrainas, Volodymyr Zelensky, se nuk ka interes të vërtetë për paqe, sipas burimeve që janë të informuara me diskutimet e zhvilluara.
Hill tha se lufta ka pak gjasa të përfundojë nëse Putini nuk bindet se fitoret e mëtejshme në fushëbetejë janë të paarritshme. Kjo, sipas saj, do të kërkojë mbështetje të qëndrueshme nga Perëndimi – ushtarake, financiare dhe politike – për Ukrainën, pavarësisht nëse Shtetet e Bashkuara përfshihen apo jo.
Në terma afatgjatë, tha ajo, Ukraina duhet të integrohet në çfarëdo arkitekture të sigurisë evropiane që del pas luftës. Se çfarë roli do të luajë SHBA-ja në të ardhmen, megjithatë mbetet e paqartë, teksa Trumpi vazhdon politikën e tij të tërheqjes strategjike.
Në ndërkohë, Hill paralajmëroi se përshkallëzimi i sulmeve të Trumpit ndaj institucioneve botërore dhe atyre vendore – të kontrollit dhe balancës – janë duke dëmtuar aleancat dhe po prishin imazhin e Uashingtonit në skenën botërore.
“SHBA-ja e ka humbur besueshmërinë në nivel botëror”, tha ajo. “Shumë nga kjo është e pakthyeshme. Do të duhet shumë kohë që SHBA-ja të rindërtojë atë që ka humbur”.
Mësimi, tha ajo, është i dhimbshëm:
“Ajo që ndërtohet për një shekull, mund të shembet për 100 ditë.”
*Kjo është pjesa e parë e një serie prej tri pjesësh lidhur me ndryshimin e politikës së jashtme të Amerikës. Intervista e radhës, që do të publikohet më 16 maj, do të jetë me Clifford D. May, themelues dhe president i Fondacionit për Mbrojtjen e Demokracive.
Pas gati dy orë ngujim në zyrën e tij personale-elektorale, kandidati socialist për deputet në Qarkun e Tiranës, Erion Braçe ka publikuar ‘provat’ kriminale, një pako me kokoshka, ndërsa patronazhistët e tij të larguar më herët, nuk janë asgjë dtjetër veçse shokë të tij.
Në një prononcij për mediat, tejet i nervozuar dhe arrogantë në sjelljen e tij me gazetarët, Braçe e ka justifikuar zyrën e fshehtë të tij elektorale, me faktin se ditët e fundit ka pasur një tentativë nga ‘banda kriminale’ pë rtë ngujuar në shtëpi socialistët për të mos u angazhuar në zgjedhjet e 11 majit.
Si duket Erion Braçe kur flet për struktura kriminale dhe banda, e ka fjalën për atë që ndodh në zyrat e tij të fshehta elektorale, për të cilën përpiqet të fajësojë të tjerët.
‘Pas 60 ditësh e gjeni në KQZ, s’jeni interesuar për 6 mln euro, interesoheni për një zyrë pune. Pas 60 ditësh në KQZ e keni, ua deklaroj unë. Prisni rezultatin tani ju e gjithë Belindat.
Janë gjetur këto, kokoshkat. Të gjithë njerëzit që u larguan kush janë? Janë të gjithë shokët e mi. Doni ca kokoshka?!
Është një përpjekje e një bande kriminale dhe strukture kriminale që është shfaqur në të gjithë territorin e Bashkisë Tiranë këto 3 ditët e fundit. Është pjesë e strukturës kriminale që kanë dashur të mbyllin socialistët në shtëpi.
E pyeta Këlliçin nëse ka një pretendim nëse kam blerë votë, jo më tha. Për ditë të dielë s’ka punonjës shteti’, u shpreh Braçe. sn
Momentet e fundit përpara mbylljes së votimeve shënuan një skandal të rëndë.
Deputeti socialist, Erion Braçe, ushtroi dhunë ndaj gazetares së SYRI TV, Ambrozia Meta.
Por ndërkohë, Braçe fshihej pas një personi që hiqej si truproja e tij.
Ai është Genc Lulja, një person me rekorde të theksuara kriminale.
Që në vitin 2002, ai u arrestua pasi plagosi me bajonetë një 23-vjeçar.
Më pas Lulja, i njohur si pjesë e çunave të Bales, u arrestua edhe në vitin 2011.
Ai akuzohet për vepra të ndryshme, përfshi këtu dhënie e lekëve me fajde.
Këta janë patronazhistët e dhunshëm të PS-së, me rekorde që datojnë për dekada, por që kanë vazhduar të ushtrojnë presion dhe të manipulojnë vullnetin e shqiptarëve. sn
Syri tv zbulon zyrën e patronazhistëve PS te ‘rruga e Kosovarëve’
Kamera zbuloi ku zyrën ku punonin patronazhistë të PS-së. Zyra nuk kishte logo dhe asgjë ndërsa brenda në mure ishin vendosur harta, dhe në tavolinë ishin laptopë dhe dukej që ata po punonin fshehurazi.
Në momentin kur mbërritën gazetarët e Syri Tv ata mbyllën derën dhe më pas u larguan me vrap, duke vendosur kapucë në kokë për të mos u identifikuar.
Në muret e zyrës kishte harta të vendosura por me tu zbuluar nga Syri Tv ata u larguan duke i marrë me vete të gjitha, edhe laptopët. Ata kishin dhe lista votuesish me vete.
Unioni i Gazetarëve Shqiptarë Profesionistë të Diasporës me statusin vëzhgues si Organizatë media pranë KQZ për zgjedhjet politike të 11 majit 2025, denoncon se deri në ora 15.00 të ditës 11 maj 2025 janë 2100 zarfe emigrantësh të kthyer mbrapsht pranë KQZ.
Ato figurojnë se nuk janë tërhequr nga emigrantët që janë regjistruar si votues nga jashtë pranë KQZ
2100 zarfet priten të rriten në numër pasi gjatë ditës së sotme 2 avionë të tjerë DHL me votën e emigranëve do të mbërrijnë në Rinas.
Një prej tyre është nisur nga Greqia e avioni tjetër nga Lajpcingu i cili është vendi i grumbullimit dhe i shpërndarjes së dërgesave të DHL.
Zarfet e kthyera pas për të cilat UGSHPD ka sjellë pamje ekskluzive, pasi skanerizohen nga punonjësit e DH, regjistrohen e protokollohen nga operatorët e KQZ.
Më pas ato kyçen përmes kodeve të caktuara e pozicionohen në një vend të dukshëm brenda Parkut të Komitetit Olimpik Kombëtar Shqiptar ku është ngritur dhe qendra për votuesit nga jashtë.
Posta private DHL është paguar 3.2 milionë euro për menaxhimin e mbulimin e procesit të votës së diasporës.
Kosto e një zarfi për vajtje ardhje është 37.52 Euro.
Numri i përgjithshëm i votuesve i regjistruar si Diasporëështë245,935, numri i zarfeve të tërhequt nga emigrantët është 227.097 dhe numri i zarfeve të mbërritur në KQZ është 187.916.
Pas sinjalizimit të vëzhguesve të Unionit të Gazetarëve Shqiptarë Profesionitë të Diasporës, mbi anomalitë e zarfeve me probleme, në portalin e KQZ janë shfaqur sot dhe të dhënat mbi numrin e tyre.
Sot deri më ora 12.00 numri i zarfeve me probleme, të kategorizuar në kuti të posaçme me gërmën B e të ndara sipas 12 rretheve ka shkuar në 2502.
Këto zarfe, pasi janë hapur nga operatorët e KQZ, kanë rezultuar se kanë mungesë të zarfit B, ose kanë vetëm një zarf A, janë të grisur, të palexueshëm në barkod ose të hapur.
UGSHPD sinjalizon se Tirana vijon të jetë qarku me numrin më të madh të kutive të posaçme (pra zarfe me probleme).
Nëse për rrethet e tjera janë ende në mbushje 1 kuti, për Tiranën ka nisur mbushja e kutisë së tretët me zarfet gri.
Vendimi mbi këto kuti do të merret nga komisionet numëruese të qarqeve përkatëse.
Çdo zarf gri ka proces verbalin përkatës firmosur nga operatorët e KQZ.
Preokupimi e sinjalizimi i UGSHPD është se këto kutia vijojnë të qëndrojnë të hapura dhe gjatë natës pavarësisht telekamerave të sigurisë.
300 lekë të vjetra është kosto e punës dhee metoda e zgjedhur nga DHL për të paguar operatorët e punësuar part time për menaxhimin e procesit të përgatisjes së zarfeve me skedat e votimit për votuesit shqiptarë jashtë kufirit.
Kjo metodë pagesë është përdorur gjatë fazës së parë të dërgimit të zarfeve në adresat e emigrantëve shqiptarë nëpër botë.
Për cdo zarf që mbyllej e dixhitalizohej me barkodin përkatës operatori merrrte 300 lekë të vjetra.
Sa më shumë zarfe të kryente aq më shumë mund të paguhej në ditë.
Ky proces nuk është se ishte pak i rëndësishëm, përkundrazi barkode duhet të përqasej me emrin e emigrantit të regjistruar si votues nga jashtë.
Burime të Unionit të Gazetarëve Shqiptarë Profesionistë të Diasporës informojnë se fillimisht ky proces nisi të kryhej me kujdes me kohën e duhur që të përputhej nominativi i emigrantit me barkodin e dixhitalizuar mbi zarf.
Por më pas afati kohor i limituar e dëshira për t’u paguar sa më mirë, çoi që shpesh mjaftonte vetëm skanerizimi i barkodit pa u kontrolluar përputhshmëria me emrin e emigrantit.
Burime për vëzhguesit e UGSHPD që ndjekin me vëmendje këtë proces, thonë se ka pasur operatorë që kanë arritur mbi 100 mijë lekë të vjetra në ditë.
Ky proces më shumë se sa një metodikë e kujdeshsme përpunimi korrekt i zarfeve të adresuara në diasporë i ngan një metodologjie pune prodhuese me normë, ku sa më shumë prodhon aq më shumë paguhesh.
Shqetësimi tjetër që ngrejnë Gazetarët Shqiptarë Profesionistë të Diasporë është se sa ëshë respektuar ligji i punësimit për operatorët e punësuar part time nga posta private.
UGSHPD vijon të ndjekë më vëmendje këtë proces e pritshmëria ndaj forcave politike ndaj këtyre problematikave është zhgënjyese.
Janë mbi 240 mijë votues me postë nga Diaspora vota e të cilëve do ishte e mjaftueshme për disa vende deputetësh në Parlament.
Të vëmi thekse së çka janë gjendje të prodhojnë krizat politike, krizat institucionale që i patem për 20 vite , dhe kriza e fundit politike duke mos i formuar institucionet e dala nga vota e lirë.Produkt i këtyre krizave janë edhe fenomenet e shfaqura fill pas lufte si krimi i organizuar , korrupcioni, klientelat etj. Kosova u përballë në vazhdimësi më kriza politike-institucionale.Patem qeveri të tilla që gadi kurrë nuk hartuan projekte afagjate zhvillimore, por ju shkuan punëve ad hok. Nuk u miratuan strategji as demokrafike , të cilat mbeten pas asnjë efekt.Nuk morën këto qeveri kurrë më thelbin e problemit.Kjo shkaktojë një varg krizash të tjera, të cilat bënë që të rinjet tanë të marrin rrugën e migrimit, në Evropë dhe në Amerikë.Pse ndodhi kjo në këto përmasa të mëdha të një vendi të vogël, që ka pasur mundësi të jetë situata shumë më ndryshe, më pozitive në të gjitha drejtimet e saja?Nuk eshte natyrishtë krejtë paraja në pyetje , por mungesa e përspektivës të krijuar për të jetuar dhe vepruar në vendlindje.Aty ku lulëzon krimi e korrupcioni sigurishtë së nuk është befasi në zbrazjën masive të vendit, që është shqëtësuese për secilin komb.Nuk krijuam shtet si duhet , deri sa fillojw pwr sw mbari nw të këto 4 vitet e fundit të qeverisjës më vendin.U krijuan banalitete, mungoj në masë edhe sundimi i rendit dhe ligjit, ku u veprua sipas kutit të më të fortit. Këto veprime të pamatura të pushteteve , cënuan edhe liritë elementare njerëzore e civile.Populli ynë që po largohet nuk dëshiron të jetë popull i nëpërkëmbur, I varfëruar dhe I izolur, por dëshiron të jetë pjesë e Bashkimit Evropian.Ata duan një vend të suksesit , e jo të shohin përditë njerëzit e cirkucit në Kuvendin e Kosovës , të veshur më petkun e kuvendarit.Ky mos formim i organeve të reja , po krijon iritim dhe shetësim të masat e gjëra.Si mund të jetojë dikush vetëm me iluzione se një ditë do të bëhët mire? Të gjitha sistemet e nuk u ndërtuan si duhet ,ato funksionuan më defekte të mëdha, sidomos në fushën e arsimit, të kulturës dhe të shëndetësisë, por edhe të organeve të drejtësië.Është vështirë të jetosh në nje vend kur pakica në pushtet shijon çdo gjë , kurse në anën tjetër kemi një shumicë që nuk po jetojnë mirë.Është e vështirë të qëndrosh në një vend ku çdo përvetësim i ndershëm i kompetencave është i pakuptimtë. Përveç klientelizmit, nepotizmit dhe fenomeneve të ngjashme kancerogjene, korrupsioni është sigurisht një nga arsyet kryesore pse po sabotohet sundimi i ligjit këtu. E gjithë kjo ndikon në mënyrë drastike në demografi, është e vështirë të shikosh plaçkitjen që u bë për vite të tëra dhe të qëndrosh në vend.Është gjithashtu e vështirë të qëndrosh në një vend me krizë të përhershme politike, paqëndrueshmëri dhe pasiguri. Në të cilën merremi vazhdimisht me të ashtuquajturat çështje “parapolitike” – tema nga fusha e kushtetutshmërisë . Po përballemi vazhdimisht me pyetjet absurde se kush e braktisi besimin e paraardhësve ? Për ata që nuk duan të zhyten në baltën e krijuar nga politikat e pa përgjegjshme të realitetit politik, e vetmja zgjidhje është të largohen.Mos vallë po e deshiron dikush këtë më të madhe?Nuk u krijuan strategji të zvillimit që do të bënin punë të mira për zgjedhjen e problemit të ekzodit, duke u marrë vertetë më integrimin në BE dhe gjithqka që ai përfishin.Dihet së Evropa nuk pranon në gjirin e saj, shtetin i cili nuk e lufton korrupcionin , krimin e organizuar , sundimin e rendit dhe ligjit dhe shqetësimet të ngjashme Luftimi i këtyre dukurive negative do të kishte një efekt pozitiv për frenimin e ekzodit, duke u krijuar kështu kushtet për një jetë më të mirë në Kosovë…
Bandat e rilindjes dhe të partive simotra apo të paguar nga rilindja janë shpërndarë si grerzat në të gjithë Shqipërinë për të blerë vota.
Duke e parë situatën dëshpëruese në të cilën janë pasi shqiptarët me shumicë do të votojnë PD dhe aleatët ata nuk po lënë mjet pa përdorur që të ndryshojnë rrjedhën votës së shqiptarëve.
Pak më parë njoftuam se në fshatin Pilafe në Peshkopi janë ndaluar 2 mjete nga simpatizantët e PD.
Në vend ngjarje është edhe kandidati i opozitës Xhemal Gjunkshi dhe drejtuesi politik i PD Xhelal Mziu.
Dyshohet se personat në këto mjete po shpërndanin para për të blerë votën për PS.
Është njoftuar policia. Ndërkohë Syri ka siguruar videon nga vendngjarja.
Njoftimi:
Dibër/Informacion paraprak
Rreth orës 20.25 shtetasi Xh.Gj., (kanditat për deputet i subjektit politik Partia Demokratike), ka telefonuar në sallën operative të Drejtorisë Vendore të Policisë Dibër, i cili pretendonte se në fshatin Pilafe, njësia Administrative Tomin, kanë ndaluar një shtetas që dyshohej se shpërndante para në këmbim të votave.
Gjithashtu shtetasi Xh.Gj., paraprakisht ka pretenduar se një person teksa është larguar ka qëlluar njëherë me armë zjarri në ajër.
Menjëherë është ngritur grupi hetimor i Drejtorisë Vendore të Policisë Dibër dhe nën drejtimin e Spak dhe të Prokurorisë të Juridiksionit të Përgjithshëm Dibër po kryejnë hetimet për zbardhjen e rastit.
Ish-këshilltarët e fushatës së Presidentit Donald Trump janë duke punuar për një fushatë të re në Ballkan, duke shpresuar të ndryshojnë peshoren për udhëheqësin e krahut të djathtë të Partisë Demokratike Sali Berishën. Ish-menaxheri i fushatës së Trump Chris LaCivita, menaxheri i fushatës Trump 2016 Paul Manafort dhe strategu dhe anketuesi Tony Fabrizio plotësojnë ekipin që mbështet Berishën, sipas Associated Press.
“LaCivita, shkruan Beth Bailey në Fox News”, ka krahasuar Trump dhe Berishën, duke thënë se të dy janë “të ndjekur penalisht dhe të persekutuar padrejtësisht nga një qeveri që nuk ka respekt për Demokracinë”. Kur u pyet nga Cim Peka i Syri TV se pse zgjedhjet në Shqipëri janë të rëndësishme për botën, LaCivita tha se “një nga gjërat që shumë prej nesh e dinë në Shtetet e Bashkuara është se familja Soros është shumë aktive në politikë në të gjithë globin, dhe nuk është vetëm politikë e rregullt, është politikë destabilizuese”. LaCivita tha se familja lulëzon “në një mjedis ku qeveritë janë të pasigurta dhe për fat të keq ata gjetën shtëpinë e përsosur në Shqipëri, dhe gjetën kryeministrin e përsosur tek Edi Rama”.
Më poshtë artikulli thotë se, “LaCivita shpjegoi se kritika ndaj përfshirjes së Sorosit ishte e rëndësishme “sepse ka një ndikim në të ardhmen e Shqipërisë”. Ai tha se fushata e Berishës është “për popullin shqiptar”, duke shpjeguar se “dëshira e tyre më e madhe është të jenë në gjendje të punojnë, të jetojnë dhe të rrisin një familje dhe të kenë një të ardhme dhe kështu sa herë që ka individë ose organizata që duan të krijojnë një atmosferë që e bën këtë të vështirë, për mua ata janë armiku i vërtetë dhe këta janë njerëzit që ne zhvillojmë fushata për t’i mposhtur në të vërtetë”. Fondacionet e Shoqërisë së Hapur të George dhe Alex Soros kanë qenë shumë të përfshira në Ballkan dhe kanë investuar mbi 131 milionë dollarë në Shqipëri në një periudhë prej 18 vitesh. Kërkesat e dërguara përfaqësuesve të Shoqërisë së Hapur të Soros nuk kthyen Pëgjigje deri në kohën e publikimit te artikullit. Kur Fox News Digital foli me Berishën në prill në lidhje me pengesat që hasi në zgjedhjet e 11 majit, ai përmendi sanksionet e vendosura kundër tij nga administrata Biden për akuzat për korrupsion në vitin 2021. “Nuk jam në gjendje të takohem me shqiptaro-amerikanët, të cilët janë kaq të shumtë, dhe në këto zgjedhje, për herë të parë, ata kanë të drejtë të votojnë për partinë dhe kandidatin që preferojnë në vendin e tyre të origjinës”, shpjegoi Berisha.
Media e madhe amerikane citon kreun e opozitës shqiptare…Berisha i tha Fox News Digital se akuzat ishin produkt i ligjit të ngritur kundër tij nga Rama dhe Soros. Berisha nuk është i vetmi kandidat i opozitës që është përballur me akuza në prag të zgjedhjeve. Ish-presidenti shqiptar Ilir Meta u arrestua gjithashtu.
Ndërkohë media e madhe amerikane ka cituar edhe deklaratat e ish-ambasadorit të Shqipërisë në Shtetet e Bashkuara dhe në Kombet e Bashkuara, Agim Nesho, I cili kishte folur për Fox News Digital se “zgjedhjet e 11 majit po zhvillohen nën presion të madh nga Partia Socialiste në pushtet, e cila ka qëndruar në pushtet për më shumë se 12 vjet. Regjimi akuzohet për burgosjen e udhëheqësve të opozitës me akuza të sajuara, armëzimin e institucioneve shtetërore dhe heshtjen e disidencës në një vend ku qytetarët kanë gjithnjë e më shumë frikë të flasin lirisht”.
Nesho pretendoi se “popullit shqiptar po i mohohen të drejtat themelore demokratike për t’u organizuar, votuar dhe kundërshtuar qeverinë pa frikë. Ky sistem shtypjeje, thonë kritikët, mbështetet – qoftë në heshtje ose drejtpërdrejt – nga elementë të administratës Biden dhe aktorë globalë si Alex Soros, të cilët kanë punuar për të minuar opozitën dhe për të parandaluar zgjedhje të lira dhe të ndershme, njësoj si persekutimi politik i parë në Shtetet e Bashkuara kundër ish-Presidentit Donald Trump”. Duke thënë se “zgjedhjet mund të shënojnë një pikë kthese”, ndërsa “një lëvizje e vërtetë bazë po ngrihet – e gatshme për të sfiduar korrupsionin shtetëror dhe për të rivendosur rrugën e Shqipërisë drejt lirisë, zhvillimit dhe vetëvendosjes demokratike”, Nesho i bëri thirrje “administratës Trump që të monitorojë nga afër këto zgjedhje dhe t’i dërgojë një mesazh të qartë Tiranës: Amerika po vëzhgon”.
Nesho tha se “Shtetet e Bashkuara duhet të qëndrojnë fort në anën e demokracisë dhe sundimit të ligjit. Populli shqiptar meriton zgjedhje të lira, jo një tjetër rezultat të manipuluar të imponuar përmes frikës dhe burgosjes politike”. Politico raportoi se, ndërsa Partia Socialiste e Ramës duket se është përpara në sondazhe, ndikimi i lejimit të votës për herë të parë tek shqiptarët që jetojnë jashtë vendit dhe mungesa e besueshmërisë në të dhënat e sondazheve mund t’i lënë ende hapësirë Berishës për të siguruar fitoren dhe për t’u rikthyer në detyrë si kryeministër. sn
Sa ka shkuar numri i votave të emigrantëve mbërritur pranë KQZ?
Unioni i Gazetarëve Profesionistë Shqiptarë të Diasporës me statusin e vëzhguesit pranë KQZ, si organizatë media për zgjedhjet politike të 11 majit 2025, informon se sot më 10 maj 2025 në Qendrën e KQZ, për Votuesit nga jashtë, e pozicionuar pranë parkut të Komitetit Olimpik Kombëtar Shqiptar, kanë mbërritur 8000 zarfe vota të diasporës.
Numri i përgjithshëm i zarfeve të mbërritura ka shkuar më 181.609 nga 245.935 të dërguar e 227.097 zarfe të marra nga zgjedhësit nga jashtë.
UGSHPD informon se gjatë ditës së nesërme 11 maj 2025, në Qendrën e KQZ, për votuesit nga jashtë, priten të mbërrijnë dy automjete të DHL, me zarfet e votës së diasporës.
Afati i fundit i mbërritjes së tyre është ora 19.00 data 11 maj,
Procesi i umërimit të votës së diasporës do të nis në të njëjtin moment kur nis dhe procesi i kutive të votimit të qarqeve përkatëse për votuesit shqiptarë.
Deri sot zarfe të mbërritura në KQZ, sipas shteteve janë:
Unioni i Gazetarëve Shqiptarë Profesionistë të Diasporës, UGSHPD, me statusin e vëzhguesit të KQZ si organizatë media për zgjedhjet politike të 11 majit 2025, informon se deri më sot 10 maj 2025, janë mbi 2000 zarfe me probleme të mbërritura nga votuesit shqiptarë në diasporë.
Këto zarfe kanë mbërritur të grisura, të lagura, me probleme leximi të barkodit, pa zarfin B i cili sipas rregullit duhet të përmbante brenda zarfin A, vetëm zarfi A, vetëm skedë votimi pa zarf A e B, apo dhe zarfe që nuk janë të emigrantëve shqiptarë por të nisura diku tjetër.
Këto zarfe, pamjet dhe fotografitë e të cilave UGSHPD i sjell eskluzivisht, janë pozicionuar në një zonë të rrethuar me shirtin e verdhë.
Zarfet me probleme janë futur në zarfe gri e për secilin prej tyre është mbajtur një proces verbal nga operatorët e KQZ.
Zarfet janë të ndara në kutitë sipas 12 qarqeve teritoriale, etiketa mbi të cilat mban siglën B me emërtimin “Kuti e Posaçme”.
Ndërsa kutitë me zrafet e rregullta kanë siglën A dhe rrethin përkatës.
UGSHPD ka mësuar se numërimi i votave në kutitë e posacme me zarfet me probleme e vendimi përkatës për secilin prej tyre, do të kryhet në momentin e fundit pasi të mbarojë numërimi i kutive të rregullta.
Me shumë gjasa deri në mbylljen e mbërritjes së thasëve të fundit me zarfe nga Diaspora, numri i atyre me probleme, duke ndjekur dhe trendin dokumentues të këtyre ditëve, pritet të shkojë rreth 3000 zarfe.
Komentet