VOAL

VOAL

UGSHPD proteston ndaj dënimit të gazetares bjelloruse Ksenia Lutskina dhe kërkon lirimin e saj të menjëhershëm

September 29, 2022
blank

Komentet

blank

Mbyllet protesta e opozitës, protestuesit përcjellin Berishën deri te selia e PD. Nga sulmi ndaj Berishës, te mesazhet e forta, çfarë ndodhi në 120 minuta

LIVE

Mbyllet protesta e opozitës. Protesta që zgjati rreth 120 minuta nisi nga sheshi “Skënderbej” dhe e përfunduar në Bulevardin “Dëshmorët e Kombit”, por pa thyer perimetrin e sigurisë të vendosur nga policia për samitin BE-Ballkani Perëndimor.

Protesta nisi me tensione, teksa një incident i fortë dhe i paprecedentë e shënoi ditën e sotme. Përkundër protestuesve paqësorë me thirrje drejtuar Europës, një 31-vjeçar ka sulmuar kryeopozitarin Sali Berisha.

Kreu i PD-së Sali Berisha dhe kreu i Partisë së Lirisë Ilir Meta kanë marshuar nga selia e PD drejt bulevardit, teksa Berisha është qëlluar nga një person me grusht. Mësohet se Berisha është gjakosur në fytyrë, madje edhe është rrëzuar. Ndërkohë, ndërhyrja e truprojës të tij dhe simpatizantëve të tjerë ka qenë e menjëhershme duke neutralizuar autorin.

 

Në pamjet live të transmetuara nga News24, agresori është gjakosur në fytyrë.

 

VIDEO/ Berisha në tokë pas grushtit në fytyrë, protestuesit i sulen agresorit, kush janë dy personat që tentojnë t’i largojnë
Një moment frike, ankthi dhe tensioni në protestën e opozitës. Pak minuta pasi ka dalë nga selia e PD së bashku me kreun e Partisë së Lirisë Kreu i PD-së Sali Berisha është goditur nga një 31-vjeçar me grusht në fytyrë dhe lideri i opozitës është rrëzuar përtokë.

 

Veprimi ka irrituar protestuesit e tjerë të cilët kanë reaguar duke rrethuar agresorin dhe duke e qëlluar me grusht.

Por dy persona kanë ndërhyrë duke mos i lejuar ta qëllojnë, janë truproja i Berishës dhe ish-drejtuesi i policisë Erzen Breçani.

 

Bën grushtat gati dhe futet mes turmës, ja kur agresori i shpëton truprojave dhe godet Berishën (Video)
Ka arritur t’i shpëtojë truprojave dhe i është afruar me shpejtësi kreut të PD-së Sali Berisha duke e goditur me grusht në fytyrë.

Me qëllim të qartë 31-vjeçari nga Tepelena i identifikuar si Gert Shehu, shihet teksa bën grushtet gati pa hyrë mes turmës, më pas çan protestuesit dhe qëllon Berishën.

“Një bastard politik”, deputetja Zhupa: Duam të shkojmë në Europë me dinjitet! I themi ‘Po’ BE-së dhe ‘Jo’ Edi Ramës

Deputetja Ina Zhupa është treguar e ashpër në qëndrimin e saj ndaj kryeministrit Edi Rama. Në protestën e opozitës të zhvilluar sot në Bulevardin Dëshmorët e Kombit, tha se kryeministri Rama e ka çuar vendin drejt korrupsionit dhe varfërisë.

“Një bastard politik. Grushti ishte ndaj nesh, ndaj lirisë, demokracisë. Ia garantojmë se përgjigjen do ta marrë mbrapsht 100 fish. Jemi këtu sot sepse jemi të qartë për demokracinë. Jemi këtu sepse në zërin tonë ne themi; ‘E duam Shqipërinë si gjithë Europa’. Vend të lirë, demokratik, me mirëqenie. Si mund t’i rikthehemi ne emigrimit me gomone. Duhet të jemi qytetarë europianë që shkojmë në Europë me dinjitet. BE ne e dimë se i ka thënë jo amnistisë fiskale. BE sot i thotë jo pasaportave të arta, ndërsa Rama i thotë të vijnë të gëzojnë në Shqipëri.”, tha Zhupa.

Protesta e opozitës, Alizoti: Kryeministri nuk ikën me këngë e recitime, Rama shporret! Demokracia fitohet me forcë
Në fjalën e tij në protestën e opozitës, Tomor Alizoti reagoi ashpër ndaj kryeministrit Edi Rama.

Ai theksoi se kryeministri nuk ikën nga pushteti me këngë e valle, por ai duhet të shporret.

“Demokracia fitohet me forcë me energji. Rama nuk ikën, por kapet dhe çohet diku larg. Mos i nënvlerësoni demokratët. Njerëzit tanë vdiqën për këtë ditë”, duke shtuar: “Rama nuk ikën me këngë e me recitime. Rama shporret”, ka thënë ai.

Berisha u sulmua gjatë marshimit, Këlliçi mesazh të fortë: Uroj që pas këtij incidenti të mos fshihet Rama…

Belind Këlliçi ka mbajtur fjalën në protestën së opozitës. Gjatë fjalës së tij Këlliçi u ndal edhe tek incidenti i ndodhur ndaj kreut të PD Sali Berisha i cili u qëllua me grusht. Këlliçi u shpreh se uron që pas këtij incidenti të mos fshihet kryeministri Edi Rama. Po ashtu theksoi se sot qytetarët janë bërë bashkë për të dhënë mesazh të qartë liderëve europianë.

“Është momenti që ta dëgjojnë të gjithë Europianët që janë në Samit me Edi Ramën. “Rama ik”, këto janë shqiptarët e vërtetë. Uroj që pas incidentit të sotëm të mos jesh t’i. Në 12nëntnor je shpallur armik në shesh para shqiptarëve. Uroj që pas incidentit të mos jesh ti apo levat e t ua. Për këtë që ka ndodhur sot do ti shkojmë deri në fund”, tha ai.

Goditi me grusht Berishën duke e gjakosura, ja kush është agresori (EMRI)
Personi që shihni është agresori që sulmoi me gusht kryetarin e PD-së, Sali Berisha, i cili po marshonte drejt protestës në Bulevardin Dëshmorët e Kombit.

Personi në fjalë goditi rrufeshëm Berishën, duke e gjakosur afër syrin dhe duke e rrëzuar.

Ndërkohë, që agresori u neutralizua nga truproja dhe u gjakos në fytyrë. Gazetari Igli Celmeta ka sigruar per BalkanWeb se behet fjale per shtetasin Gentian Shehu, nga Kukesi.

Shoqërohet nga policia personi që goditi me grusht liderin e opozitës Sali Berisha

Gazetari Igli Çelmeta raportoi për “BalkanWeb” se menjëherë pas aktit dhe përplasjes me protestuesit e tjerë të cilët bashkë me truprojat i dolën në mbrojtje kreut të PD-së, autori, i identifikuar si Gentian Shehu nga Kukësi është marrë nga policia.

Protesta e opozitës, ja momenti kur Berisha qëllohet me grusht nga një person
Ky është momenti kur kreu i PD Sali Berisha qëllohet me grusht nga një person.

Siç u pa dhe nga pamjet, pati kaos dhe tension që në fillim të marshimit dhe nuk u kuptua se çfarë ndodhi.

 

Më pas kamerat e News24 kanë filmuar momentin kur një person shkëputet nga turma dhe godet Berishën me grusht, më pas neutralizohet nga truproja e Berishës.

Në pamjet live të transmetuara nga News24, Berisha shihet i gjakosur në fytyrë dhe po ashtu dhe agresori.
Berisha mbulohet nga protestuesit me një flamur.

I gjakosur në fytyrë, Berisha nuk ndalet, jep mesazhin e parë pas goditjes
Kryetari i Partisë Demokratike, Sali Berisha ka qenë i pari që e mori fjalën nga podiumi i protestës së opozitës.

Pasi u sulmua nga një qytetar në mënyrë krejt të rrufeshme me një grusht poshtë syrit, madje lideri demokrat u rrëzua, Berisha nuk i kurseu mesazhet nga protesta.

“Poshtë Edi Rama. Rroftë opozita shqiptare. Kundër regjimit të kriminelëve. Nder përjetë protestuesve.”, ka thënë Berisha.

Teksa sot Tirana do të presë 27 liderë europianë për samitin e BE-Ballkani Perëndimor, opozita nuk është tërhequr, duke i mëshuar me forcë protestës së saj, për të cilën kanë nënvizuar disa herë se do të jetë paqësore.

Ndërkohë që kryetari i Partisë Demokratike, Sali Berisha njoftoi dje në një konferencë për mediat se opozita do të protestonte në bulevardin Dëshmorët e Kombit, ndonëse është një zonë ku është vendosur perimetri i sigurisë nga policia për shkak të samitit. “Është kjo parti e cila në tre dekada qëndroi lokomotivë e vërtetë e procesit të integrimit të Shqipërisë në BE. Samiti është një mbështetje e madhe për demokratët sepse është kjo parti në qeveri e cila firmosi marrëveshjen e stabilizimasociimit, liberalizoi vizat… në këtë aspekt në historinë e PD Samti i nesërm përbën mbështetjen më të madhe për aspiratat, idealet demokratike të saj, por nesër ne populli opozitar, do të mbushë rrugë dhe sheshet e Tiranës në një shenjë proteste të fuqishme, pikërisht në mbrojtje të vlerave europiane.

Tmerrësisht të rrezikuara dhe kërcënuara nga Rama dhe regjimi i tij. Çdo shqiptar që e do këtë vend, lirinë, dinjitetin, të bashkohet nesër në shesh me ne për t’i dëshmuar lidershipit europian se ne jemi në një betejë me armikun e votës së shqiptare, Edi Rama”, tha ai.

Policia e Shtetit nga ana tjetër nuk i ka dhënë leje Partisë Demokratike për të protestuar nga ora 12:00 deri në orën 16:00. Pavarësisht këtij fakti, Partia Demokratike nuk është tërhequr nga protesta dhe vendi, ndërsa i kanë bërë thirrje qytetarëve që t’i bashkohen protestës.

(BalkanWeb)

blank

Berisha: Ne nuk mund të pranojmë që ky samit të konsiderohet si një mbështetje për Edi Ramën

Kryetari i Partisë Demokratike Sali Berisha ka folur nga podiumi i protestës së organizuar në Bulevardin Dëshmorët e Kombit kudër qeverisjes së Edi Ramës në ditën Samitit të BE me Ballkanin Perëndimor.  

Berisha ka theksuar se ‘ne nuk mund të pranojmë që ky samit të konsiderohet si një mbështetje për Edi Ramën’

Berisha: Të gjithë shqiptarët, të gjithë ne sa jemi këtu, shqiptarët sado që janë ju jemi mirënjohës me nderin e madh që i bëni Shqipërisë.

Por njëkohësisht ne jemi fatkeqë sepse ne përfaqësohemi në këtë samit, me njeriun, që me të gjitha kodet e botës, duhet të ishte sot para drejtësisë, jo i ulur sot aty me ju.

Ne ndjehemi fatkeqë sepse pushteti i atij që na përfaqëson, qëndron mbi krimin elektoral, votën e vjedhur, korrupsionin dhe drogën dhe të zezat e këtij vendi.

Sot është dita kur Europa dhe bota mund të njihen me të vërtetat e Shqipërisë.

Ndaj siç e kërkon tradita jonë, miqve do u themi të vërtetën. Ne jemi këtu në një protestë, me qëllimin më madhor, që sot të jehojë para liderëve, medieve, edhe zëri i popullit të opozitës shqiptare.

Ne nuk mund të pranojmë që ky samit të konsiderohet si një mbështetje për Edi Ramën dhe qeverinë e tij, si më të korruptuarat në planet.

Berisha: Sot zotohemi se pa votën e lirë, nuk ka dhe nuk do ketë stabilitet në Shqipëri

Kreu i selisë blu, Sali Berisha është zotuar para protestuesve demokratë në Bulevardin Dëshmorët e Kombit se pa votën e lirë, nuk ka dhe nuk do ketë stabilitet në Shqipëri.

Berisha u bëri thirrje edhe udhëheqësve politikë të Europës, se Edi Rama është i padenjë të qëndrojë në atë samit, pasi Shqipëria është në rrezik të vërtetë ekzistencial.

Ndaj nga ky shesh, të zotohemi ne se pa votën e lirë, nuk ka dhe nuk do ketë stabilitet në Shqipëri.

Ju ftoj të brohorasim: poshtë stabilokracia dhe vota e vjedhur, rroftë vota e lirë.

U them udhëheqësve politikë të Europës, se Edi Rama është i padenjë të qëndrojë në atë samit.

Shqipëria është në rrezik të vërtetë ekzistencial. Këto kohë të gjithë jeni dëshmitarë se si shqiptarët pas 31 viteve u shfaqën kanaleve të La Manshit duke kaluar sirianë dhe afganë dhe kryeministri i Shqipërisë fajësoi qeverinë britanikë.

Por kjo është vetëm maja e dramës së shpopullimit. 740 mijë shqiptarë kanë emigruar gjatë kësaj qeverisje, mbi 500 mijë janë të rinj dhe fëmijë.

Cila është e vërteta? Çfarë do të thotë kur shkollat mbyllen, kur bizneset ulin qepenat?

Kombi po ikën, po i vjedhin të ardhmen e tij. Nuk është e nevojshme të jem mjek për të kuptuar që këto shifra flasin për një trup në vdekje e sipër. Mbi shqiptarët po bëhet spastrim etnik në proporcionet e një gjenocidi. Shqipëria është në rrezik, ne do e shpëtojmë atë’, u shpreh Berisha.

Berisha: Mesazhi im për liderët e BE është ky, në Shqipërinë e vërtetë, në pushtet është mafia

Kryetari i Partisë Demokratike Sali Berisha ka dhënë një mesazh për liderët e BE që ndodhen sot në Tiranë për Samitin me Ballkanin Perëndimor.

Në fjalën e tij nga tribuna, Berisha theksoi se në Shqipërinë e vërtetë në pushtet është mafia.

Berisha: Mesazhi im për BE-në është ky: Liderët që gjenden në Shqipëri i falënderoj, raportet e tyre kanë bërë një punë të çmuar për të ekspozuar monizmin e Edi Ramës.

Por Edi Rama ua shet samite dhe konferenca të sotme si mbështetje ndaj tij.

Ai mbahet në pushtet duke thënë se ka mbështetje ndërkombëtare. Unë nuk e besoj se ka një lider evropian që mbështet arkitektin e shpopullimit, që mbështet kryeministrin e lidhur me krimin dhe mafia. Në Shqipërinë e vërtetë, në pushtet është mafia. Sepse qeveria është e lidhur me krimin, drogën, e faktuar në përgjimet e shumta. Në Shqipëri është ndërtuar narkoshteti i parë në Europë. Tre ministrat e Brendshëm të kësaj qeverie, janë të lidhur me drogën. Një prej tyre është dërguar në Shtëpinë e Bardhë, një tjetër merret me samitin, në mos qoftë brenda.

Antimafia na ndihmoi, por ne kemi nevojë për ndihmën tuaj që këta kriminelë të marrin vendin që u takon.

Shqipëria në të gjitha vlerësimet, vlerësohet si vendi më i korruptuar në Europë. E vërteta është se Edi Rama dhe nomenklatura e tij, janë më të korruptuarat, kurse shqiptarët e thjeshtë janë më të vjedhurit në Europë.

Këtë javë një skandal i ri ka shpërthyer. Edi Rama me arabin e tij Alabar po krijon parajsën e tij, ndaj i duhet të mbledhë para nga Europa dhe bota dhe t’i investojë në Portin e Durrësit.

Sulmi/ Berisha: Lirojeni atë fatkeq, autori i vërtetë është Edi Rama, i ulur në samit si kryekriminel i Ballkanit dhe Europës

Në fund të fjalës së tij, kryetari i Partisë Demokratike, Sali Berisha ka bërë thirrje që të lirohet personi që e sulmoi me grusht në protestë.

Berisha tha se autori i vërtetë i sulmit është Edi Rama, i ulur në samit si kryekriminel i Ballkanit dhe Europës.

‘Së fundmi, le t’i themi policisë; liroje fatkeqin, liroje.

Sepse, ai është një mjeran, që ka shitur veten.

Dhe përpiqen sot, ta lidhin meqenëse është një samit, e vërteta e pamohueshme, liderë të krishterë, me bishta që çojnë nga Turqia apo ndonjë vend tjetër. Nuk kanë asgjë të përbashkët. Ka vetëm një autor, ky është Edi Rama. Ka vetëm një arkitekt, është Edi Rama. Atë lirojeni dhe mos shpërndani dokrra dhe përralla, se autori i vërtetë është i ulur në samit si kryekriminel i Ballkanit dhe Europës’, tha kryedemokrati Sali Berisha në fund të fjalimit të tij.

blank

‘Skizofren, orkestrove sulmin’/ Meta akuza Ramës: Koha për të vepruar

Kreu i Partisë së Lirisë Ilir Meta hodhi akuza ndaj kryeministrit Edi Rama gjatë fjalës së tij në protestën e opozitës.

Meta u shpreh se Rama orkestroi sot ngjarjen ku sot u sulmua Sali Berisha dhe nuk hezitoi atë ta quante një skizofren.

‘Nuk do të doja të flisja gjatë se pata fatin ta bëja këtë gjë para jush disa javë më parë,  por sot besoj se është shuam e qartë:

Koha e fjalëve dhe e fjalimeve duhet t’i lërë vendin kohës ë veprimeve të organizuara për t’i treguar vendin, pjellës më bastarde të kësaj toke, që organizoi sot në ditën e Samitit evropian, një ngjarje të denjë për një kryeministër skizofren, delikuent dhe tradhtar.

Për zbatuesin e platformës së spastrimit etnik që e ndjen sot çdo familje shqiptare, përmes instalimit të nj regjimi mafioz.

Prandaj, të gjithë me poezinë e Havzi Nelës ‘Liri a vdekje’, për t’i treguar vendin këtij regjimi mafioz! Përshëndetjet më të përzemërta të gjithë juve dhe liderit të PD-së, Prof. Dr. Sali Berishës!’, tha kreu i PL-së, Ilir Meta.

blank

“Një bastard politik”, deputetja Zhupa: Duam të shkojmë në Europë me dinjitet! I themi ‘Po’ BE-së dhe ‘Jo’ Edi Ramës

Deputetja Ina Zhupa është treguar e ashpër në qëndrimin e saj ndaj kryeministrit Edi Rama. Në protestën e opozitës të zhvilluar sot në Bulevardin Dëshmorët e Kombit, tha se kryeministri Rama e ka çuar vendin drejt korrupsionit dhe varfërisë.

“Një bastard politik. Grushti ishte ndaj nesh, ndaj lirisë, demokracisë. Ia garantojmë se përgjigjen do ta marrë mbrapsht 100 fish. Jemi këtu sot sepse jemi të qartë për demokracinë. Jemi këtu sepse në zërin tonë ne themi; ‘E duam Shqipërinë si gjithë Europa’. Vend të lirë, demokratik, me mirëqenie. Si mund t’i rikthehemi ne emigrimit me gomone. Duhet të jemi qytetarë europianë që shkojmë në Europë me dinjitet. BE ne e dimë se i ka thënë jo amnistisë fiskale. BE sot i thotë jo pasaportave të arta, ndërsa Rama i thotë të vijnë të gëzojnë në Shqipëri.”, tha Zhupa.bw

blank

Protesta e opozitës, Alizoti: Kryeministri nuk ikën me këngë e me valle, Rama shporret!

Në fjalën e tij në protestën e opozitës, Tomor Alizoti reagoi ashpër ndaj kryeministrit Edi Rama.

Ai theksoi se kryeministri nuk ikën nga pushteti me këngë e valle, por ai duhet të shporret.

“Rama nuk ikën me këngë e me valle. Rama shporret”, ka thënë ai. syri.net

blank

Interesi i lartë/ ‘Zëri i Amerikës’ transmeton live protestën e opozitës

Interesi i medieve të huaja për protestën e opozitës është shumë i lartë.

Qindra gazetarë të huaj kanë mbërritur në Tiranë për shkak të samitit, por tani po raportojnë edhe për protestën masive të opozitës.

Ndërkohë Zëri i Amerikës po e transmeton live protestën e opozitës shqiptare.

“Protesta e përkrahësve të ish-kryeministrit Sali Berisha për të denoncuar korrupsionin qeveritar pak metra larg sallës së takimit të nivelit të artë Bashkimi Europian – Ballkani Perëndimor,” raporton VOA. syri.net

blank

LIVE/ Tensione që në nisje të protestës së opozitës, goditet me grusht Berisha, autori neutralizohet nga truprojat. Kryetari i PD vijon protestën

LIVE

Nis me tensione protesta e opozitës. Kreu i PD-së Sali Berisha dhe kreu i Partisë së Lirisë Ilir Meta kanë marshuar nga selia e PD drejt bulevardit, teksa Berisha është qëlluar nga një person me grusht. Mësohet se Berisha është gjakosur në fytyrë, madje edhe është rrëzuar. Ndërkohë, ndërhyrja e truprojës së Berishës dhe simpatizantëve të tjerë ka qenë e menjëhershme duke neutralizuar autorin.

Në pamjet live të transmetuara nga News24, agresori është gjakosur në fytyrë.

Teksa sot Tirana do të presë 27 liderë europianë për samitin e BE-Ballkani Perëndimor, opozita nuk është tërhequr, duke i mëshuar me forcë protestës së saj, për të cilën kanë nënvizuar disa herë se do të jetë paqësore.

Ndërkohë që kryetari i Partisë Demokratike, Sali Berisha njoftoi dje në një konferencë për mediat se opozita do të protestonte në bulevardin Dëshmorët e Kombit, ndonëse është një zonë ku është vendosur perimetri i sigurisë nga policia për shkak të samitit. “Është kjo parti e cila në tre dekada qëndroi lokomotivë e vërtetë e procesit të integrimit të Shqipërisë në BE. Samiti është një mbështetje e madhe për demokratët sepse është kjo parti në qeveri e cila firmosi marrëveshjen e stabilizimasociimit, liberalizoi vizat… në këtë aspekt në historinë e PD Samti i nesërm përbën mbështetjen më të madhe për aspiratat, idealet demokratike të saj, por nesër ne populli opozitar, do të mbushë rrugë dhe sheshet e Tiranës në një shenjë proteste të fuqishme, pikërisht në mbrojtje të vlerave europiane.

Tmerrësisht të rrezikuara dhe kërcënuara nga Rama dhe regjimi i tij. Çdo shqiptar që e do këtë vend, lirinë, dinjitetin, të bashkohet nesër në shesh me ne për t’i dëshmuar lidershipit europian se ne jemi në një betejë me armikun e votës së shqiptare, Edi Rama”, tha ai.

Policia e Shtetit nga ana tjetër nuk i ka dhënë leje Partisë Demokratike për të protestuar nga ora 12:00 deri në orën 16:00. Pavarësisht këtij fakti, Partia Demokratike nuk është tërhequr nga protesta dhe vendi, ndërsa i kanë bërë thirrje qytetarëve që t’i bashkohen protestës.bw

blank

Mesazhi i fortë i presidentes së Kosovës nga samiti i BE: Vuçiç vazhdimësi e mendësisë së vjetër, Serbia s’ka pranuar krimet e luftës

Mesazhe të forta vijnë nga presidentja e Kosovës, Vjosa Osmani nga samiti i BE që do të mbahet në Tiranë.

Ajo tha se BE duhet të lëvizë nga fjalët te veprat sa i takon çështjes së liberalizimit të vizave për Kosovën.blank

 

“Është sipërmarrje e rëndësishme qoftë nga BE dhe Ballkani Perëndimor. Do të shfaqim këtë përbashkësi drejt BE për një proces. Jam këtu si udhëheqësja e një nga vendet më pro europian. E kemi treguar këtë në veprime kur vjen fjala për veprimet pro BE. Kemi dënuar agresionin rus. Na duhet që BE të lëvizë nga fjalët në vepra, siç është dhe liberalizimi i vizave për BE. Ky është një takim mes BE dhe Ballkanit Perëndimor, dhe jo negociata mes Kosovës dhe Serbisë. Është proces ne që besojmë te njohja e ndërsjellët. Ajo se çfarë po ndodh është se Maqedonia dhe Shqipëria po ecin me ritmin për t’u integruar në BE. Ne do lobojmë për të ecur para për të përçuar mesazhe të forta të Ballkanit Perëndimor. Ose je krah Rusisë ose krah Ukrainës, dhe kjo duhet të vlerë. Ky është sinjali që BE do i dërgojë mesazh të qartë Ballkanit Perëndimor. Të jemi në krahun e duhur të historisë, kjo duhet pritur. Vuçiç është vazhdimësi e një mendësie të vjetër. Ajo çfarë po tregon Kosova këto ditë, është e kundërta e asaj që tregon Vuçiç, shtrin dorën për dialog. Edhe pse ata nuk kanë kërkuar falje për krimet.”, tha ajo.bw

blank

FOTOLAJM- Me snajper të kalibrit të rëndë, Tirana blindohet si për luftë

Në prag të samitit mes Bashkimit Europian dhe Ballkanit Perëndimor, Tirana është blinduar plotësisht.

Fotoreporteri ynë, Feliks Bilani sjell këto pamje nga Pallati i Kongreseve ku do të mbahet takimi.

Një snajper i kalibrit të rëndë është vendosur në çati. syri.net

blank

Sulmet në Bruksel, 10 veta në gjyq

Pjesërisht ata janë të njëjtët që tashmë janë dënuar për masakrat e vitit 2015 në Paris. Ata do të duhet të përgjigjen për vdekjen e 32 personave (340 të tjerë u plagosën)

 

VOAL- Pas pak orësh do të marrë jetë gjyqi për sulmet e 22 marsit 2016 në aeroport dhe metronë e Brukselit, ku mbetën të vrarë 32 persona (përveç tre sulmuesve) dhe 340 të plagosur.

Dhjetë të pandehur në gjyq, pjesërisht të njëjtët të dënuar tashmë për sulmet e Parisit të nëntorit 2015 në Bataclan dhe vende të tjera. Megjithatë, gjyqi mund të hedhë dritë mbi disa aspekte ende të paqarta të atyre muajve të tmerrshëm.

Seanca e parë teknikisht ishte më 12 shtator, kur të pandehurit dhe mbrojtësit e tyre protestuan kundër kutive që pengonin komunikimin konfidencial me avokatët. Si rezultat, 10 garazhet individuale, të cilat kushtojnë 250 mijë franga, u shndërruan në një garazh të vetëm kolektiv, me çmimin e 230 mijë të tjerave.

Më pas ishte emërimi i jurive popullorë, maksimumin e mundshëm: 12 plus 24 zëvendësues, për një proces që premton të jetë i gjatë (të paktën gjashtë muaj) dhe i paparashikueshëm.

Tani procesi mund të hyjë në thelb, me leximin e aktakuzës, 468 faqe, në dhomën e bunkerit të krijuar brenda selisë së vjetër të NATO-s, në atë që deri në vitin 2018 ishte salla e mbledhjeve të këshillit të Atlantikut.

Është gjyqi më mbresëlënës në historinë e vendit, madje më i lartë se gjyqi i Dutroux, i cili u mbajt në Arlon – në Luksemburgun belg – nëntëmbëdhjetë vjet më parë dhe në të cilin ishin katër të pandehur. Vetëm garantimi i sigurisë nuk është një detyrë e lehtë dhe në fakt seancat dëgjimore ndoshta do të pezullohen gjatë samiteve ndërkombëtare: sepse ka një maksimum që mund të bëjë policia belge.

Nëse protagonistët kryesorë – Salah Abdelslam dhe Mohamed Abrini – do të dënoheshin me burgim të përjetshëm në Paris, megjithatë gjyqi mund t’u përgjigjej pyetjeve shumë më tepër sesa fajit të tyre: roli i luajtur nga të tjerët në organizimin e qelisë dhe në prodhimin e armëve që nuk janë gjetur kurrë. përsëri, rrugët e radikalizimit në burg (një temë që është ende në mënyrë dramatike aktuale në Belgjikë), por edhe gabimet e policisë dhe inteligjencës në vëzhgim dhe në interpretimin e shenjave paraprake të sulmeve.

Nga dhjetë të pandehurit, nëntë janë në gjyq. Në mungesë gjykohet vetëm Osama Attar, i lindur në vitin 1984 në Laken të Belgjikës, nga një familje marokene dhe konsiderohet si një nga organizatorët kryesorë të sulmeve. Shefi i inteligjencës së ISIS-it, ai ndoshta u vra më 17 nëntor 2017 në një sulm ajror perëndimor në Siri, por prova e pakundërshtueshme e vdekjes së tij nuk u gjet kurrë. rsi-eb

blank

Financial Times: Zelensky është “Njeriu i Vitit”

Gazeta vlerësoi “shfaqjen e jashtëzakonshme të lidershipit” të ish-aktorit, duke e quajtur atë një Churchill të ditëve moderne. Kufiri i çmimit për naftën ruse është vendosur

 

VOAL- Gazeta britanike Financial Times e ka emëruar presidentin ukrainas Volodymyr Zelensky “Njeriu i Vitit” 2022: vetë FT e raporton këtë në edicionin e saj online të hënën. Gazeta ia atribuoi vendimin “shfaqjes së jashtëzakonshme të lidershipit dhe guximit” të kreut të shtetit të Kievit, duke e quajtur atë “një Churchill për epokën e mediave sociale”.

Në një intervistë për revistën, lideri ukrainas deklaroi se ishte “më shumë i përgjegjshëm se sa i guximshëm… Unë i urrej njerëzit zhgënjyes”. Dhe pastaj: “Unë thjesht dua të kap një krap në lumin Dnipro”. Për Financial Times, Zelensky “mishëron qëndrueshmërinë e popullit të tij dhe është bërë një flamurtar i demokracisë liberale”.

Ndërkohë, të hënën ka pasur një sulm të rëndë nga ushtria e Moskës kundër Kryvyi Rih, vetë vendlindja e Presidentit Zelensky, që ndodhet në jug të vendit. Këtë e ka bërë të ditur në Telegram shefi i administratës ushtarake Oleksandr Vilkul. “Kryvyi Rih. Disa shpërthime të fuqishme tronditën qytetin. Mos filmoni dhe mos postoni asgjë në rrjetet sociale”, ka shkruar Vilkul pa specifikuar nëse ka të lënduar apo viktima. Bombat dhe raketat ruse goditën gjithashtu Kostiantynivka në rajonin e Donetsk, si dhe Zaporizhya dhe disa vende të tjera të Ukrainës.

Në frontin e kundërt, gjithashtu të hënën një dron kamikaz goditi pistën e bazës ajrore ruse të Engels-1, në rajonin e Saratovit, rreth 600 km nga kufiri me Ukrainën, duke dëmtuar dy bombardues strategjikë TU-95, të përdorur shpesh për të bombarduar civilë. objektivat në Ukrainë: raporton Ukrainska Pravda, duke shtuar se të paktën dy ushtarë u plagosën dhe u shtruan në spital.

Sulmi me dron në bazën ajrore Engels-1 në rajonin e Saratovit pason shpërthimin e një cisterne karburanti të hënën në një aeroport ushtarak pranë qytetit Ryazan, në juglindje të Moskës, i cili rezultoi në tre të vdekur dhe të paktën pesë të plagosur.

“Tavani i çmimit” për naftën ruse është në fuqi

I miratuar nga BE, vendet e G7 dhe Australia, kufiri i çmimit të naftës ruse, i cili hyri në fuqi sot, të hënën, synon të kufizojë të ardhurat e Kremlinit, por në të njëjtën kohë të lejojë që ai të vazhdojë të furnizojë tregun global. Aktivizimi i një “tapi të çmimit” përkon me hyrjen në fuqi të një embargoje të BE-së ndaj naftës ruse në det – disa muaj pas vendimit të ngjashëm të zbatuar tashmë nga Shtetet e Bashkuara dhe Kanadaja.

Megjithatë, Rusia është eksportuesi i dytë më i madh në botë i naftës së papërpunuar dhe, pa këtë kufi të vendosur politikisht, Moska do ta kishte të lehtë të gjente blerës të rinj me çmime më të larta të tregut. Prandaj, mekanizmi i miratuar parashikon që nafta ruse mund të vazhdojë të shpërndahet, por vetëm nëse shitet me një çmim të barabartë ose më pak se 60 dollarë për fuçi. Dhe përtej këtij kufiri, kompanitë me bazë në vendet e BE-së, G7 dhe Australisë do të ndalohen të ofrojnë shërbime që lejojnë aktivitete detare që lidhen me naftën bruto të Moskës (tregti, transport, sigurime, pronarë anijesh, etj.).

Perëndimi ka miratuar, me 60 dollarë, një nivel çmimi shumë më të lartë se kostoja aktuale e prodhimit të naftës në Rusi, në mënyrë që Moska të ketë një nxitje për të vazhduar pompimin e naftës së papërpunuar – pasi kjo do të vazhdojë t’i sigurojë asaj të ardhura, edhe nëse kjo e fundit do të jetë kufizuar nga çmimi “i kufizuar”.

“Rusia duhet të ruajë interesin për të shitur naftën e saj,” përndryshe ajo mund të reduktojë furnizimet botërore dhe të rrisë çmimet, shpjegoi një zyrtar evropian, i cili nuk beson kërcënimet e Kremlinit për të ndaluar dërgesat në vendet që miratojnë kufirin maksimal në naftën e saj të papërpunuar. Sipas mendimit të tij, Rusia do të shqetësohet për ruajtjen e gjendjes optimale të infrastrukturës së saj të naftës, e cila do të dëmtohej në rast të ndalimit të prodhimit, dhe për ruajtjen e besimit të klientëve të saj kryesorë të naftës, ndër të cilët dallohen Kina dhe India.rsi-eb

blank

Noel Malcolm, i zhgënjyer nga Perëndimi: Nuk kanë një strategji për Kosovën

Për pak muaj, 18 shkurtin e 2023-shit, Kosova shënon 15 vjet nga shpallja e Pavarësisë. Serbia, jo vetëm nuk e ka njohur ende si shtet, por përtej disa marrëveshjeve të firmosura e pak të zbatuara, e gjithë përpjekja e saj është përqendruar se si të mos ketë një marrëveshje finale, si të zhbëjë njohjet e Kosovës dhe se si të pengojë anëtarësimin e saj në organizmat ndërkombëtarë.

Sir Noel Malcolm, një prej studiuesve më të zëshëm të historisë së Ballkanit, autor i librit ‘Kosova, një histori e shkurtër’, e sheh në faj Perëndimin për këtë situatë ku ndodhet sot Kosova.

“Ajo që do thosha është se që nga 1998-a, trajtimi i Kosovës nga palë të jashtme, ka qenë kryesisht zhgënjyes. Sigurisht ka pasur dukshëm momente të mira: çlirimi i Kosovës nga forcat e NATO-s, mbështetja finale për shpalljen e Pavarësisë në2008-ën, diçka ekstremisht e rëndësishme asokohe. Por në aspekte të tjera ishte zhgënjyese që Perëndimi asnjëherë nuk qe i koordinuar në një strategji për Kosovën”.

Me shpalljen e pavarësisë, Malcolm shënon një mungesë edhe në sjelljen e vendeve të rajonit tonë.

“Një shembull i vogël, por që nuk është dhe aq i vogël. Duhej që të gjitha vendet e rajonit të dilnin në një deklaratë të përbashkët, ku të thuhej: ne e mirëpresim këtë zhvillim dhe ky është një hap i vërtetë dhe jo kërcënim për stabilitetin në rajon, përkundrazi e shkuara ishte e tillë. Kjo deklaratë e përbashkët e vendeve të rajonit do të kishte pasur ndikim të madh në opinionin botëror. Ata nuk e bënë këtë dhe lanë palë të tjera si Rusia që ta konsideronin çështjen e Kosovës si një manipulim të vendeve të Perëndimit për interesat e tyre”.

Historia që nga miratimi i planit Ahtisari dhe deri sot, tregon sipas zotit Malcolm, se Serbia asnjëherë nuk është vënë në presion të barabartë me Kosovën, kur flitet për arritje dhe zbatim marrëveshjesh.

“Planin Ahtisari vendosën që ta zbatojnë në mënyrë selektive. Ai plan kishte një aneks në të cilin thuhej se dosjet me çështje të trashëgimisë kulturore në arkivat e Beogradit do duhej të ktheheshin në Prishtinë. A kanë bërë ata ndonjëherë një përpjekje që kjo të ndodhë? Aspak. Ajo thjesht ka rënë ose përfshirë në çështjet ku të dy vendet duhet të arrijnë kompromis. Por në fakt kur thonë që të dy palët duhet të arrijnë kompromis, përshtypja ime është që ushtrojnë dyfish presion mbi Kosovën se sa mbi Serbinë. Në kuadër të planit Ahtisari, Kosova ka bërë shumë lëshime sa u përket të drejtave të serbëve që jetojnë në territorin e saj dhe ndaj Prishtinës vazhdojnë të kërkojnë lëshime, duke e lejuar Beogradin që të bëjë dhe më shumë kërkesa”.

Por nëse i japim të drejtë shprehjes që çdo e keqe e ka një të mirë, Malcolm shpreson që ky të jetë rasti i mësimeve nga lufta në Ukrainë.

“Nëse ka një ngushëllim… një ngushëllim të vogël nga lufta e tmerrshme në Ukrainë, është që Perëndimi të jetë zgjuar; të jetë në alert tashmë ndaj strategjisë ruse në Ballkan. Shpresoj në rikthimin e vëmendjes së amerikanëve në Kosovë, një vëmendje e larguar pas 2008-ës. Po shpresoj që vendet perëndimore të jenë më të përqendruara në rajon”.

Sir Noel Malcolm është gazetar, historian, akademik filozof dhe analist politik në Angli. Si gazetar spikati në pasqyrimin e me realizëm të situatës në ish-Jugosllavi, aty ku ndodhën dhe konfliktet e përgjakshme në Bosnjë dhe Kosovë. ‘Kosova – një histori e shkurtër’ është libri që ‘New York Times’ e quajti si udhëzuesin më të mirë për hapat që duhen marrë ndaj një katastrofë fatale. Përveç këtij libri dhe tre agjentëve perandorakë, Malcolm ka shkruar edhe studimin mbi historinë e shqiptarëve, rebelët, besimtarët, të mbijetuarit./A2CNN


Send this to a friend