Unioni i Gazetarëve Shqiptarë Profesionistë të Diasporës me statusin vëzhgues si organizatë media pranë KQZ në zgjedhjet politike të 11 majit, ngren shqetësimin mbi të drejtën e munguar të votës së rreth 100 mijë emigrantëve shqiptarë që kërkuan të jenë pjesë e votimit përmes sistemit postal si votues nga jashtë.

Në bazë të të dhënave të analizuara nga UGSHPD., më 6 mars 2025 në ditën e afatit të regjistrimit pranë platformës PER të KQZ, ishin 294,155 kërkesa të emigrantëve.

Unioni i Gazetarëve Shqiptarë Profesionsit të Diasporës verifikoi se vetëm 245 935 mijë prej tyre u pranuan duke lënë jashtë 48 220 emigrantë që kërkuan të votojnë,

Kërkesa e tyre nuk u pranua.

Pse nuk u mundësua?

Mjaft emigrantë denoncuan këtë fakt, si dhe përpjekjet e vazhdueshme të tyre për t’u regjistruar në këtë platformë me dokumente shqiptare qoftë dhe të skaduara, siç u këshillonte informacioni i shpërndarë nga të gjitha forcat politike.

Në fazën e dytë të procesit të dërgimit të zarfeve me skedat e votimit në adresat e emigrantëve shqiptarë, UGSHPD dokumenton se  nga 245.935 zarfe të dërguara nga Komisioni Qëndror i Zgjedhjeve, 227.097 u morën në dorëzim nga emigrantët e 18 838 prej tyre nuk mbërritën kurrë në adresat e tyre. Pra, në këtë fazë të dytë janë totalisht 51 056 zarfe dhe emigrantë që për motive të panjohuara nuk u mundësuan në votim.

Pse u privuan nga kjo e drejtë?

Kush mban përgjegjësi për këtë anomali e mohim të së drejtës së tyre kushtetuese?

Duke mbledhur numrin e zarfeve të pa mbërritur kurrë në shtëpitë e emigrantëve, dhe numrin e emigrantëve që u privuan nga vota për motive të paqarta nga sistemi i regjistrimit, figurojnë totalisht 99 276 votues shqiptarë të diasporës që iu mohua kjo e drejtë.

Por nuk mbaron këtu.

Në fazën e tretë të mbylljes së procesit të dorëzimit të zarfeve me votë pranë Qendrës së KZAZ për votuesit nga jashtë, UGSHPD, dokumentoi me fotografi e video se 2657 zarfe mbërritën në këtë qendër numërimi me probleme si mungesë skede votimi, mungesë zarfi A o zarfi B, zarfa të lagur, zarfe të grisura, zarfe të hapura o zarfe jo të emigrantëve por të adresuar diku tjetër.

E duke mbledhur shumën e mëparshme të emigrantëve të regjistruar  që nuk iu dha e drejta e votës me numrin e zarfeve të kthyer pas apo me probleme, janë gjithsej 104 433 emigrantë e vota e tyre e munguar nga jashtë në zgjedhjet e 11 majit 2025.