I vetmi i dalë pa lagur dhe me “merita” prapashpinë duket Ministri i Turizmit, Kulturës dhe Sportit, Blendi Gonxhe. Propaganda e tij për karrierë ngul thika në këtë situatë emergjente ku thuajse mbarë ministrat e tjerë të kabinetit Rama në mandatin e ri, i janë nënshtruar terrenit për mbikëqyren e dëmeve dhe përballimin e dëmeve nga përmbytjet.

Ironia vetë qëndron në titujt e propagandës së ATSH-s, kur nga njëra anë para dy ditësh Ministri i Mbrojtjes, Pirro Vengu nga Sheqerasi-Maliq, deklaronte se  : –“Janë dëmtuar 15 ura, 1500 ha tokë bujqësore nën ujë”.

Kjo intrigë i mjaftoi Blendi Gonxhes për të notuar në bregun tjetër të emergjencës me titullin “Gonxhja publikon urat e restauruara: Monumentet përballojnë prurjet e mëdha të lumenjve”. Një profesionalizëm intrigash që e harruan këtë të fundit me thesin e lagur të ngjarjes e 27 Shtatorit, 2002 kur zëvendësoi Ramën kryebashkiak gjatë një vizite në Pekin. Tani pas zgjedhjeve të 11 Majit, Gonxhe është deputeti rilindës më i votuar i dalë nga qyteza Vorës ku kishte mbi dhjetë herë diferencën me kandidatët e tjerë të njohur të Partisë Socialiste.

Por, çfarë ka mbetur ende pa dalë në sipërfaqe nga kjo përmbytje që ka zhytur në krizë qeverinë Rama është posti i zv/kryeministres.

Ajo sigurisht është plaga e korrupsionit ku Balluku është marrë e pandehur me shkeljen e barazisë në tendera  dhe lidhet me hetimet e tunelit të “Llogorasë” në Vlorë dhe “Unazës së Madhe” në Tiranë, dy nga veprat ku shiritat e përurimit i ka prerë vetë kryeministri Rama.

I treti për nga rradha mbetet Aeroporti i Vlorës i cili për çudi nuk gjendet në asnjë pamje të ATSH-s, në asnjë media pranë dhe për qeverinë, me përjashtim të trajtimeve të ndonjë gazetari apo media të guximshëm që i janë afruar rrethimit apo kanë fluturuar ndonjë dron mbi atë hapësirë.

Në thelb po kujtojmë se standardi trans-oqeanik i aeroportit të Vlorës, më i madhi në  Ballkan i ndërtuar në një Zonë të Mbrojtur Mjedisore duke shkatërruar gjallesën më të larmishme të Mesdheut për shpendët migratorë jo vetëm nuk po rezulton i tillë, por edhe i parashikuar në përballimin e emergjencave të trafikut ajror, pra siguria kombëtare, ai u vërtetua se mbetet një investim nën ujë, i rrezikshëm dhe i ndërtuar për grabitje fondesh dhe propagandë.

Shumë kush do të pyes se ç’hyn këtu Gonxhja?

Pra suksesi i urave monumentale të restauruara të ndërtuar qindra vite më parë nga shqiptarë gurë punues.

Përgjigja del vetë sa herë që veprat e korrupsionit kthehen në skandale dhe dorëzohen përpara drejtësisë. Me Rilindjen Socialiste ka ndodhur rëndom se kur dikush nga ministrat e Ramës mbytet për paaftësi dhe korrupsion, ka të tjera figura të gatshme të ruajtura që i ngjisin shkallët për të mbuluar imazhin e keq dhe mbajtur pushtetin.

Gonxhes i ka ardhur rasti të shpërthejë.

Në qoftë se zgjedhjet e Tiranës u shtynë, posti i zv/kryeministrit sigurohet nga votat e marra prej zgjedhjeve të 11 Majit, 2025.

25 Nëntor, 2025