Rreth 1/4 e së drejtës së emigrantëve të regjistruar si votues nga jashtë nuk arriti në kutinë e votimit.

Kjo votë e munguar ka një dëm financiar rreth 1.9 milionë euro.

Unioni i Gazetarëve Shqiptarë Profesionistë të Diasporës me statusin vëzhgues si organizatë media pranë KQZ në zgjedhjet politike të 11 majit 2025 sjell esksluzivisht të dhënat analitike mbi votën e emigrantëve shqiptarë.

Janë 51 056 zarfe me votën e diasporës të cilat u dërguan për shqiptarët jashtë kufirit, të regjistruar si votues nga jashtë pranë portalit të KQZ, por që nuk u tërhoqën nga ata e as nuk u kthyen në KQZ.

Kosto e një zarfi të dërguar është 37.52 euro e në përllogaritjen matematikore janë 1.915.245 euro të cilat shkuan dëm në këtë proces votimi.

Bazuar në të dhënat e KQZ, Unioni i Gazetarëve Shqiptarë Profesionistë të Diasporës, dokumenton se 18 838 zarfe votë rezultojnë të pa marra nga emigrantët dhe pse janë dërguar nga KQZ.

32 208 zarfe votë janë të pa kthyera pas e totalisht janë 51 056 zarfe vota të shkuar dëm gjatë këtij procesi.

Unioni i Gazetarëve Shqiptarë Profesionit të Diasporës informon se janë 2657 zarfe me probleme të pozicionuar në kutitë të posacme e rreth 2500 zarfe të kthyera pas.