15:32
Trump thotë se SHBA do të jetë 100% përkrah NATO-s, por s’e di nëse aleatët do t’ia “kthejnë favorin”
Trump tani e kthen vëmendjen te lufta në Ukrainë, duke thënë se NATO-ja do të ndihmojë për ta ndalur atë.
“Duhet ta ndalojnë atë luftë, sepse po vdesin shumë njerëz, po vdesin pa nevojë”, thotë ai, duke shtuar se presidenti rus Vladimir Putini dhe ai ukrainas Volodymyr Zelensky duan të arrijnë marrëveshje.
Trump thotë se SHBA-ja do t’i ndihmojë Evropën dhe NATO-n në këtë drejtim dhe se e vetmja gjë që ai po kërkon është “një copë akulli”, duke iu referuar Grenlandës.
Ai e quan këtë kërkesë të vogël krahasuar me atë që SHBA-ja i ka dhënë NATO-s.
Ai thotë se SHBA do të jetë 100% përkrah NATO-s, por nuk është i sigurt nëse aleatët do t’ia kthejnë favorin.
15:13
Trump: Vetëm SHBA-ja mund ta sigurojë Grenlandën
Trump thotë se asnjë vend në botë përveç Shteteve të Bashkuara nuk mund ta sigurojë Grenlandën.
Ai thekson para liderëve botërorë në Davos së Shtetet e Bashkuara kërkojnë bisedime të menjëhershme për ta përvetësuar Grenlandën.
Trump këmbëngul se “nuk kam nevojë ta përdor forcën, nuk dua ta përdor forcën, nuk do të përdor forcën”.
E vetmja gjë që SHBA-ja po kërkon, thotë ai më pas, është “një vend i quajtur Grenlandë”.
15:06
Trump kthen vëmendjen kah Grenlanda tani
Trump po flet tani për Grenlandën, ishullin gjysmautonom të Danimarkës.
Ai thotë se “unë kam respekt të madh për Grenlandën dhe popullin e saj”.
Më shumë rreth kësaj së shpejti
Të gjithë sytë te Trumpi
Përveç liderëve botërorë, në sallën ku po mban fjalim Trumpi shihen edhe shefi i gjigantit Apple, Tim Cook, presidenti i kompanisë tjetër të madhe NVIDIA, Jensen Huang dhe shefja e Bankës Qendrore Evropiane, Christine Lagarde.
Çfarë tha Trumpi në fjalimin e tij?
Për ju që sapo na jeni bashkuar: Presidenti i Shteteve të Bashkuara, Donald Trump, e mbajti një fjalim të gjatë para udhëheqësve botërorë në Forumin Ekonomik Botëror në Davos të Zvicrës.
Trump iu tha atyre se nuk e ka ndër mend ta përdorë forcën për Grenlandën, por gjithashtu dha një sërë arsyesh se pse Shtetet e Bashkuara duhet ta zotërojnë këtë ishullin gjysmautonom të Danimarkës.
Ai tha se po kërkon “bisedime të menjëhershme” për ta blerë Grenlandën nga Danimarka.
“Janë vetëm Shtetet e Bashkuara ato që mund ta mbrojnë këtë copë gjigante akulli”.
Por, duke e quajtur këtë si deklaratën e tij më të madhe, Trump tha se nuk do ta përdorte forcën.
“Nuk kam nevojë të përdor forcë. Nuk dua të përdor forcë. Nuk do të përdor forcë”.
Ai i hodhi poshtë pretendimet se duke e përvetësuar Grenlandën do ta dëmtonte NATO-n, duke shtuar:
“Ne japim aq shumë dhe marrim shumë pak në këmbim”.
Trump theksoi se SHBA-ja do të jetë 100% përkrah NATO-s, por nuk është i sigurt nëse aleatët do t’ia kthejnë favorin.
Në fillim të fjalimit të tij, Trump e kritikoi Evropën se “nuk po shkon në drejtimin e duhur”, për shkak të “rritjes së vazhdueshme të shpenzimeve qeveritare, migrimit masiv të pakontrolluar dhe importeve të pafundme të huaja”.
Duke thënë se Evropa po pranon “popullsi krejtësisht të ndryshme nga toka të largëta”, Trump shtoi:
“Disa vende në Evropë, sinqerisht, nuk mund t’i njohësh më”.
Ndërkohë, lidhur me Ukrainën, Trump tha se “jemi afër një marrëveshjeje”.
“Po merrem me presidentin Putin dhe besoj se ai dëshiron të bëjë një marrëveshje. Po merrem me presidentin Zelensky dhe mendoj se edhe ai dëshiron të bëjë një marrëveshje”.
“Besoj se jemi në një pikë ku ata mund të bashkohen dhe ta bëjnë marrëveshjen. Dhe, nëse nuk e bëjnë, janë budallenj”.
Ai tregoi se do të takohet me presidentin ukrainas, Volodymyr Zelensky, në Davos.
Trump foli gjithashtu edhe për ekonominë amerikane, duke thënë se ajo po “lulëzon”.
SHBA-ja po përjeton një “mrekulli ekonomike” nën presidencën e tij, pretendoi Trump, duke thënë se inflacioni ka rënë, me rritje ekonomike që “ndoshta asnjë vend nuk e ka përjetuar ndonjëherë më parë”.
16:24
Trump: Jemi afër një marrëveshjeje për t’i dhënë fund luftës në Ukrainë
Duke iu përgjigjur pyetjeve Trump thotë se “jemi afër” një marrëveshjeje për t’i dhënë fund luftës mes Rusisë dhe Ukrainës.
Ai tregon se do të takohet me presidentin ukrainas, Volodymyr Zelensky, më vonë gjatë ditës.
“Besoj se jemi në një pikë ku ata mund të bashkohen dhe ta bëjnë marrëveshjen. Dhe, nëse nuk e bëjnë, janë budallenj”, thekson Trump, duke iu referuar liderëve të Rusisë dhe Ukrainës.
15:52
Trump e përfundon fjalimin
Trump sapo e mbaroi fjalimin e tij që zgjati rreth një orë.
Ai tani do t’iu përgjigjet pyetjeve në forum.
