URËS

-Ana veriore Mitrovicë-

Urës nuk ia  sosa unë miden

Sa ia sosi ai tjetri,

Parmaket e ardhmërisë.

Diellit as që  i vënë mendja

Njësoj  për te dy  anët

veç  kanibalizmi

pa droje i ndërron teoritë.

Ardhmërija e parmakeve

Hija.

NE QILAR

Ne qilar

maza

Se bashku me mykun

Për t’i mahisë  plagën

Qe më lë ai tjetri,

Po dera u prapëtua

krahu tjetër

Ne të  kundërten e saj

Ikte dielli.

Mes kahjeve  tjera

Vinte Çehre dylltë.

NE KREVAT

Hëna rrëzelliste  rreptë

tej pishe

Dola nga fetuesi

Zgjedhjet janë

Këto ditëshme

Po disi po më

Prapështohet udha.

Fetusi s’ish pa ombrellë

fetuesi

ish kërpudha

Plenci qelbet

Sa e ftohet udha.

ME FARFURITJE KRISTALESH

Ti bije ka fafosi
Duhet te marr burim
Energjie te akulumatorit
Ose helme zinkimi
Për ta projektuar mbijetesën
Po i rashë
Kah bairi
Drojë shembet
Varri i kanxhallozit rus
Ka han vetveten
Pse më e shurdhët
I rri urdhëresa vrastare.

Për ti dal ne krye
Autostradës se re
Shkup e deri ne Toplik
Me farfuritje kristalesh

More deshe o nuk deshe
Me ari do t’i kemi edhe strehët  tona.

MALLI QË ME DJEG

Bijes sime Veneres dhe nipit Miltonit

Dera sapo hapur

Me sjell  pranverën

Kur e shoh

Time bije Venerën.

Retë s’duken

Qiellit,

Kur Miltoni

Ligjëron më

Zë  bilbili.

Udhët tjera

Kanë shteg.

Pa u pjek  me ta

Zjarri më djeg.

Dielli i qiellit

Po zhuritës malli

Si prushi i hirit….

TRAKTATI I VJETËR

Ne katin  e dytë nuk  është  e domosdoshme te jem atje

As te zbresë  me kushedi  ç’farë urdhëri  pagan

Te me lejohet te shikoj vransirën e fytyrës se qiellit njeri

Dhe dara nofull ne shtrengim te ri.

S’është urdhër deomos te rri ne  përdhesë  me  kaki te ndezur

Mund te flas si një njeri apo lypës  i gjithë universit

Se gjethet  kërleshën si stuhi dhe nuk bie shi

Prapë gjej  rehati  ne  kulinari llafeve

Dhe rri  me shumicën   bajate po i vetmuar

Se zogjve  stina u ka përfunduar

Me tej  nuk rri as ne katin e parë  para llogaridhenjëve   djallëzore

Pse a nuk është  pa obligim  detyrimi  zyrtar  kapricoz

Bari veç  ka vë rrethoja  hardall  e ujrat e zeza   fluturim ne truall

Pema moti  shikon me habi   traktain  e vjetër

Merr poza gaditu  si urdhër ushtaraku   ne kazermat si kerma

Loja vazhdon lojen ,  dhe  prronjët  buqasin   ne festën  e kaqave

Kaqave  qe  janë  gjembaqe  dhe  ruajn iriq

Nuk është  çdo here   derë  e hapur  për hyrje   qe përthurën këmbet

E për kaptiell  I ruajmi dhëmbet

Se leqeve na thyen  udhën  e shtruar e kishin lëmën

Nuk  është e domosdoshme  qiellit

Me fytyrë njeriu  t’ia fshehim rrëngun…

ORROSPI

Ne gjetsha kallamin e misrit  pa kokrra

Do ta hudhi   mbeturinave

Assesi ne  kopshtin tim.

Ne gjetsha  rrepën e sheqerit  boshe

Do ta  hedhi  kalldremëve  te kujave

Assesi   ne itenerarin tim

Tutje gjithçka  e përthekon  natyra

Dhe varri e ruan pa  vazion…

ARABAXHIU

Kush po I vë  hunjët

Tej përtej përroit

Shtegun po ma

Lë  në terr.

Tjetra fushë

Ariuxhiu sherr

Tepsinë  e blerë

Qeder.

Përroit hunjët dikush po I krasit

Si shtaga krecke po shembën për ditë.

Veç tash veç

Arixhiu ka ikë….

KËRPUDHË   E MËNUJEVE

Skilja këmishbardhë  u ngjitë  salloneve

Me delikatesë joshese

Kërpudhë  qe begaton mënyjen

Prej qilles  pik si yll.

Matan  sallonit në një  tjetër  aheng

Tundet shalet për poete

Qershizëqe dekoron tortën

Ah bre sytë  I vëzllijnë

Dhe prapë  ne sallon

Lulet e dekorimit janë  aq te hijshme

Po jo  sa buzëqeshja e saj  dekadente

Ta dini rri  maramë ne dorën  e kamarjerit

Për  ti fshirë njerzimi  fytyrat dhe durët.

Ah bre sytë I mbyllën

Prej kënaqësisë …

LIRSHËM MUND TE LËVIZIM …

Mund te levizim I lirshëm  ne Plluzhinë e Ticë  me lashtësi Arkeologjie

A po ne Rezallë   as ndër varre s’përmendet gjakmarrja  assesi plaga

Dhe ne Likovcin e UÇk –së   tashë  u vëhen emrat e luftëtarëve fëmijëve

Dhe ne Murgën e moçme sa vet  bota

Po nuk mund te kalosh rrepësisht është e ndaluar

Deviqi  I përgjakur qe  e dëgjoi  tërë  bota

Aty verdikt japin popat .

Mund te Kalosh lirshëm Radishëven heroike te Shotës

Po s’mund te lëvizësh ta zëmi ne Banjë te  Runikut

Ku bozhoviqet e përtrinjë  sehirin

Ne Kuqicë  lëvizë  lirshëm  deri te Kishë  e jona ,kisha e Prekocit

Ligjet na I vë rrënja e Zubin Potokut

Po s’guxojmi ti prekim dardhat e  Dobrit

Dhe në MItrovicë , ne veri  krismat bëjnë dekorin

Lirshem po lirshem mund te lëvizim

Nuk nuk na pengon maçorri….