Dje u shënua protesta e 34 qytetare kundër qeverisë, e cila mbushi sërish sheshin para Kryeministrisë dhe rrugët e kryeqytetit.

Që nga dita e parë ajo që e ka bërë të veçantë këtë protestë kanë qenë pankartat që ironizojnë dhe kritikojnë sistemin politik duke e bërë përgjegjës për situatën ekonomike të vështirë, shpopullimin apo plagë të tjera sociale.

Edhe ditën e djeshme qytetarët kanë thumbuar autoritetet për dhunën e përdorur nga plicia në protestën para Kuvendit.

Sot do të mbahet protestë e madhe kombëtare ku pritet që në kryeqytet të mbërrijnë një numër i lartë protestuesish nga diaspora. bw

Protesta e 28-të radhazi për dorëheqjen e kryeministrit Edi Rama dhe largimin e qeverisë u zhvillua dje në Tiranë, ku qindra qytetarë marshuan drejt godinës së Kryeministrisë, duke përsëritur thirrjet e tyre kundër qeverisë.

Një nga elementët që i dha më shumë ngjyra dhe simbolikë protestës ishin pankartat e vendosura në muret e Kryeministrisë, ku protestuesit renditën mesazhe dhe akuza ndaj qeverisë.

Mes pankartave që tërhoqën më shumë vëmendje ishin:
“Dita e 28-të, jemi ende këtu sepse demokracia nuk pret.”
“Kafshatë që s’kapërdihet është vetëm abuzimi! Mjaft është mjaft! Mbro veten dhe natyrën.”
“Ju keni pushtetin e krimit, ne kemi forcën e së vërtetës.”
“Meritojmë një vend nga ku nuk na duhet të arratisemi.”
“Frika është arma e pushtetit, guximi është arma e qytetarëve.”

Protestuesit deklaruan se do të vijojnë mobilizimin deri në plotësimin e kërkesave të tyre, duke theksuar se nuk do të ndalen derisa të ketë ndryshim politik.

Ndërkohë, organizatorët kanë njoftuar se sot do të mbahet protesta e 29-të radhazi.

Grumbullimi i qytetarëve është parashikuar të nisë në orën 19:00 në Sheshin “Skënderbej”, ndërsa më pas marshimi do të vijojë drejt godinës së Kryeministrisë, ku protestuesit pritet të shprehin sërish kërkesën për dorëheqjen e kryeministrit Edi Rama dhe largimin e qeverisë. bw

Një formë kreative proteste është shfaqur në tubimin e mbrëmshëm para Kryeministrisë nga qytetarët e shumtë që mbushën bulevardin për të kërkuar largimin e Edi Ramës.

Protestuesit kanë zgjedhur të vendosin kryeministrin Rama, ish-zv/kryeministren Belinda Balluku dhe figura të tjera si Sali Berisha, Flamur Noka, Taulant Balla, apo edhe Zegjine Çaushi, në një kënd të quajtur “Wanted” (të shpallur në kërkim).

Ata akuzojnë hapur personat në fjalë për shkelje të kushtetutës, marrje të vendimeve antishqiptare dhe të tjera, duke kërkuar arrestimin e tyre. bw

Protesta e 25-të radhazi kundër kryeministrit Edi Rama u karakterizua jo vetëm nga pjesëmarrja e qytetarëve, por edhe nga pankartat kreative dhe mesazhet ironike që shoqëruan marshimin në rrugët e Tiranës.

Mes humorit, satirës dhe kritikave politike, protestuesit shpalosën dhjetëra pankarta që shprehën pakënaqësitë e tyre ndaj qeverisë, klasës politike dhe institucioneve ndërkombëtare.

Një nga pankartat që tërhoqi më shumë vëmendje mbante mbishkrimin në anglisht: “Ndaloni së votuari të njëjtat fytyra të vjetra. Rama apo Berisha? Provoni demokracinë”, apo “Tirana digjet, Rama krihet”, një mesazh satirik që, sipas protestuesve, pasqyronte shkëputjen e qeverisë nga problemet me të cilat përballen qytetarët.

Mesazhet iu drejtuan edhe Bashkimit Evropian dhe partnerëve ndërkombëtarë. “Europe is a standard, not a flag” (“Evropa është standard, jo flamur”) dhe “Qeveria jonë është pengesa”.

Përmes mesazheve vizuale, protestuesit zgjodhën të shprehin qëndrimet dhe pakënaqësitë e tyre në një formë që tërheq vëmendjen e publikut dhe është bërë prej 25 ditësh një nga elementët më të spikatur të tubimit. bw

Tirana u bë sërish mbrëmë skenë e një proteste masive, e 18-ta me radhë, ku mijëra qytetarë u mblodhën për të kërkuar dorëheqjen e kryeministrit Edi Rama dhe qeverisë së tij.

jatë tubimit, protestuesit shpalosën pankarta me mesazhe të forta politike dhe sociale, duke shprehur pakënaqësinë ndaj situatës në vend dhe duke bërë thirrje për ndryshim. bw

Edhe në ditën e 14 të protestës, qytetarët përcollën mesazhe të forta kundër qeverisjes përmes pankartave. 

“Kur diktatura është fakt, revolucioni është detyrë!”, “Kur populli flet, revolucioni troket”, “Pa ndryshim të politikës nuk ka të ardhme”, “Kur të hyjë në BE, a do të na ketë mbetur Shqipëria?”, ishin disa nga mesazhet që ata përcollën përmes pankartave.

Qytetarët shprehën sërish shqetësimet e tyre, duke i dhënë “zë” kërkesave për ndryshim në qeveri dhe një të ardhme më të mirë. gsh

Zëdhënësja për shtyp e Shtëpisë së Bardhë, Karoline Leavitt, është bërë nënë për herë të dytë më 1 maj. 28-vjeçarja ndau lajmin e gëzueshëm në rrjetet sociale, duke zbuluar se vajza e saj quhet Viviana, ose shkurt Vivi.

“Është perfekte dhe e shëndetshme, ndërsa vëllai i saj i madh po përshtatet me shumë gëzim me jetën pranë motrës së vogël. Po shijojmë çdo moment në flluskën tonë të lumtur me të porsalindurën. Falënderoj të gjithë ata që më dërguan lutjet e tyre gjatë shtatzënisë, i ndjeva vërtet gjatë gjithë kësaj eksperience. Zoti është i mirë”, shkroi 28-vjeçarja krahas një fotografie ku shfaqet duke mbajtur në krahë foshnjën.

Edhe pse dita e saj e fundit në Shtëpinë e Bardhë para lejes së lindjes ishte planifikuar për 24 prill, Leavitt mori pjesë në darkën tradicionale të korrespondentëve të Shtëpisë së Bardhë dhe u rikthye sërish në detyrë pas një incidenti me armë.

Ajo zhvilloi edhe një konferencë të papritur për shtyp më 27 prill, ku dënoi dhunën politike dhe kritikoi moderatorin Jimmy Kimmel, përpara se të rikthehej në lejen e lindjes.

Leavitt është gjithashtu nënë e një djali 21 muajsh, Nikos. Ajo kishte bërë publike shtatzëninë e dytë në dhjetor të vitit të kaluar përmes Instagram-it.

Në fotot e publikuara, ajo pozonte pranë pemës së Krishtlindjes duke mbajtur barkun e rrumbullakosur.

“Dhurata më e bukur e Krishtlindjes që mund të kërkonim ndonjëherë, një vajzë që do të vijë në maj 2026. Bashkëshorti im dhe unë jemi shumë të lumtur që familja jonë po zgjerohet dhe mezi presim të shohim djalin tonë të bëhet vëlla i madh.

Zemra ime është plot mirënjohje ndaj Zotit për bekimin e mëmësisë, që sinqerisht besoj se është gjëja më e afërt me Parajsën mbi tokë”, kishte shkruar ajo.

Nicholas Riccio dhe Karoline Leavitt u fejuan gjatë Krishtlindjeve të vitit 2023 dhe mirëpritën djalin e tyre, Nicholas Robert Riccio, më 10 korrik 2024.

Vetëm pak kohë pas lindjes së djalit të parë, Leavitt iu rikthye fushatës presidenciale të Donald Trump për zgjedhjet presidenciale të vitit 2024. gsh

MARGARET THATCHER – LIDERJA E DJATHTË QË PAJTOI KONSERVATORIZMIN ME LIBERIZMIN

E Hënë, 04.08.2013, 03:53pm (GMT+1)

Voal-online – Margaret Thatcher nga viti 1975 deri në vitin 1990 ishte edhe lidere e Partisë Konservatore Angleze. Rryma e saj politike është njohur si “thatcherism”, dhe mishëronte shkrirjen e ideve konservatore dhe liberizmit.

E zgjedhur tri mandate të njëpasnjëshme (asnjë kryeministër britanik nuk e ka arritur ndonjëherë këtë objektiv) me emrin e saj është e lidhur lufta në Falkland, konflikt që përfshiu mes marsit dhe qershorit 1982 Argjentinën dhe Mbretërinë e Bashkuar për kontrollin e ishujve me të njëjtin emër, të Gjeorgjisë së Jugut dhe të ishujve jugorë Sandwich, situatë me të cilën u muar personalisht kryeministrja; operacioni ushtarak ishte një sukses dhe frymëzoi një valë patriotizmi në Mbretërinë e Bashkuar.

Në ekonomi ka hyrë në histori për politikën e saj ultraliberiste, çka e reduktoi thellësisht ndërhyrjen e shtetit në ekonomi nëpërmjet një numri priivatizimesh: mes kompanive që ai privatizoi janë British Airways (kompania kombëtare ajrore), British Gas (kollosi energjetik britanik), British Telecommunication (kompania kryesore e telekomunikacionit) dhe ndërmarrjen më të rëndësishme të prodhimit të çelikut, British Steel. E kundërshtuar nga e majta britanike dhe ndërkombëtare dhe ndërkohë e brohoritur nga mbështetësit e zjarrtë të liberizmit Margaret Thatcher ra në fatkeqësi politike pas futjes së një takse kundërthënëse për shtetësine, të ashtuquajturën poll tax të përllogaritur në bazë të numrit të popullsisë dhe të njëjtë për të gjithë shtetasit – , çka shkaktoi një opozitë të dhunshme dhe e afroi perëndimin e saj politik në vitin 1989.

Ka qenë kundërshtare e vendosur e regjimit të aparteidit në Afrikën e Jugut dhe për sa i përket  raporteve me BRSS në kohën e Luftës së Ftohtë ishte shumë pranë me presidentin amerikan Ronald Regan. Në takimin e parë me Mikail Gorbaçovin (Mikhail Gorbachev), më 1984, Margaret Theçer (Margaret Thatcher) i thotë: “Unë jam aleate e SHBA. Ne besojmë tek të njëjtat gjëra, ne besojmë me pasion për të njëjta beteja idesh dhe ne do t’i mbrojmë idetë tona deri në fund. Asnjëherë mos u përpiq të më ndash prej tyre”./ELIDA BUÇPAPAJ

ELIDA BUÇPAPAJ

Qindra besimtarë të krishterë katolikë, të të gjitha moshave, janë mbledhur mbrëmjen e sotme në sheshin “Nënë Tereza” në Tiranë, ku po zhvillohet riti i “Rrugës së Kryqit”.

Ky rit, që mbahet në prag të Pashkës Katolike, po udhëhiqet nga Arqipeshkvi i Dioqezës Tiranë-Durrës, Imzot Arjan Dodaj.

“Mos të kushtëzohemi nga zhurmat, nga gjërat e tjera. Sepse Zoti është me ne. Dhe kështu braktisim me të çdo dhimbje e vuajtje. Braktisim familjet më shumë në vështirësi. Braktisim te Zoti ata të rinj dhe të reja që ndodhta ndihen të bullizuar, të paragjykuar dhe shkurajuar.

Braktisim këtë mbrëmje te Zoti shumë vëllezër e motra që në mënyrë të tepruar banojnë në burgje. Thuajse burgu është çelësi i zgjidhjes së problemeve. Drejtësia represive pa përgjigje e mbyt të ardhmen, të fut frikën”, tha Dodaj.

Gjatë ceremonisë realizohen 14 ndalesa, të cilat përshkruajnë vuajtjet e Jezu Krishtit pas dënimit me vdekje në kryq, duke rikujtuar momentet kryesore të sakrificës së tij.