VOAL

VOAL

Please Wait ...
0%

Sfida e ‘islamistëve’ me demokracinë – Nga Gazmend AGA

By | April 25, 2018

Komentet

Si kalonin emigrantët me dokumente false në SHBA e Britani dhe roli i polices shqiptare

Zbulimi i laboratorit në Tiranë që falsifikonte pasaporta dhe dokumente si dhe shkatërrimi i rrjetit që operonte në këtë veprimtari kriminale, ka marrë vëmendjen e mediave britanike.

Është “Daily Mail”, e cila në një artikull të zgjeruar ndalet tek rrjeti që ishte krijuar hde operonte prej vitesh, dhe që dërgonte emigrantë në vendet e BE-së dhe SHBA, me pasaporta dhe dokumente të falsifikuara, kundrejt pagesës.

Sipas “Daily Mail”, hetuesit besojnë se grupi i strukturuar ka prodhuar më shumë se 1,000 dokumente të rreme, nga të cilat deri në 800 mendohet të jenë përdorur.

Rrjeti i kalimit të klandestinëve, ishte i përbërë nga 17 anëtarë, duke përfshirë dy oficerë policie, dhe të ofronin dokumente false kundrejt shumës prej rreth 20,000 paund.

Veprimtaria kriminale mendohet se ka vazhduar me vite të tëra duke përdorur një biznes të printimit që prodhon fletushka promovuese në qendër të kryeqytetit shqiptar. Trafikantët prodhuan një sërë pasaportash të rreme franceze, italiane, hungareze, greke dhe rumune, letërnjoftime dhe patentë shoferi.

Ata ishin të specializuar  në pasaportat bullgare,  të cilat sigurojnë hyrjen në Britani të Madhe si pjeë e BE-së, dhe për këtë arsye për autoritetet britanike ishte e vështirë dallimi mes atyre që flasin gjuhën shqipe dhe bullgare.

Si kalonin në SHBA e Britani emigrantët me dokumente false, dhe këshillat që u jepte banda

Një burim i policisë shqiptare tha se dokumentet e rreme që ata krijonin ishin “gati 100 për qind të përsosur”. Kompania e shtypit kishte edhe një faqe në internet, në gjuhën shqipe dhe angleze, ku ajo mburrej me punimet e saj.

Emigrantët e paligjshëm dërgoheshin fillimisht në vende si Francë, Gjermani, Itali, Norvegji ose Greqi, para se të fluturonin në Britani të Madhe, SHBA ose Kanada duke përdorur dokumentet e tyre të rreme për të fituar hyrjen.

Të tjerë udhëtuan me rrugë tokësore në Francë, ku u takuan me një tjetër qelizë kontrabandë të njerëzve, siguroheshin që klandestinët të merrnin autobusë, makina, trena ose kamionë.

Trafikantët u siguronin klandestinëve një histori dhe i ndihmonin ata si t’i përgjigjen çdo pyetjeje nga rojet kufitare.

Banda gjithashtu i këshillonte emigrantët të udhëtonin në kohën më të ngarkuar, kur kishte radhë të gjata në pikat kufitare dhe rojet kishin më pak kohë për të kontrolluar dokumentet.

Kur nisi hetimi dhe kush është policja e arrestuar

Zyrtarët filluan hetimin e rrjetit kriminal në vitin 2016, pas kapjes së një grupi migrantësh që kishin paguar shuma të mëdha për të udhëtuar në Britani të Madhe në aeroportin e Tiranës.

Ismail Alushani, ishte një nga anëtarët e dyshuar të bandës të arrestuar. Ndërkohë efektivja e policisë Entela Çala, 43 vjeç, ishte një nga dy oficerë të dyshuar për marrjen e parave nga rrjeti kriminal.

 

Ky është suksesi i dytë brenda këtij viti, për policinë shqiptare kundër trafikut të paligjshëm të emigrantëve.

Në mars, policia shqiptare shkatërroi një rrjet që kishte bërë miliona duke kontrabanduar 750 shqiptarë në Britani pas një operacioni ndërkombëtar.

Kur të vijë Amerika ?! Nga Mariela Stefanllari

Një teto e mamasë sime, e përndjekur politike, në vitet ’84, ’85 (sidomos) dhe në vazhdim, që vinte në shtëpinë tonë dhe dëgjonin në radio “Zërin e Amerikës”, thoshte:

“Do të përmbysen këta, do të ndryshojnë gjërat, kur të vijë Amerika dhe të hapen kishat.”

Priste Amerikën… dhe erdhi në fakt…

Pas më shumë se 30 vitesh unë them thuajse të njëjtën gjë:

“Do të përmbysen këta,

do të ndryshojnë gjërat,

kur të vijë Amerika dhe të hapen dosjet

(e të gjitha llojeve, të sigurimit dhe korrupsionit).

Katër gra shqiptare, shtylla e bandës së hajdutëve në Greqi. Ishin bërë makth për pronarët

Zbulohet banda e kater grave shqiptare qe ishin bere makth e tmerr per pronaret e dyqaneve ne Greqi.

Mediat greke raportojne se ato ishin shnderruar ne frikë dhe terror te pronarëve të dyqaneve në rrethinat veriore te zones.

Kater grate shqiptare ishin mjeshtre per vjedhjen e mallrave, kryesisht veshje, mu nen hunden e punonjesve dhe bleresve. Madje kishin edhe nje rrjet te persosur te bashkepunetoreve, per dergimin e mallrave te vjedhur ne Shqiperi.

Shtylla e bandës ishin katër gra që arrinin të neutralizuar edhe masat më moderne të sigurisë kunder vjedhjeve neper dyqane.

Kjo bandë kishte shkaktuar dhimbje koke për pronarët që pesonin humbje por nuk identifikonin dot autoret.

Media greke raporton se jane dashur 6 muaj hetime për të shkatërruar këtë organizatë kriminale, qe numeron se paku 68 dyqane te vjedhura në veriun e Greqisë.

Komisioni Evropian ka konfirmuar se do t’i kerkoje Shqiperise informacion në lidhje me mjetet me timon në krahun e djathte

Dritan Dema shkruan në rrjetin social:

“Të dashur Miq Gazetarë,

Tre vjet më parë, interesi i ngushte i biznesit te tregtimit te mjeteve në Shqiperi, duke e ndjere konkurencen e  , e pakontrolluar nga ana e tyre, vendosen të perdorin “Kuvendin e Shqiperise” per te ruajtur interesat e tyre.

Dhe keshtu ndodhi, Parlamenti Shqiptar në vitin 2015 vendosi bllokimin e regjistrimit te ketyre mjeteve.

Në atë kohë asnje Gazetar i mirefillte nuk e mori iniciativen te beje nje kerkim per kete çeshtje, por u mjaftuan te benin zedhenesin e “biznesit” të çertifikuar nga Komisioni i Veprimtarise Prodhuese..

Para disa javesh Komisioni Evropian ka konfirmuar se do t’i kerkoje Shqiperise informacion në lidhje me kete çeshtje.

Bllokimi i regjistrimit te ketyre mjeteve bie ndesh me Ligjet e BE-se dhe Shqiperia nuk e ka luksin te miratoje ligje në kundershtim me BE-ne, në nje kohe kur presim me padurim hapjen e negociatave.

A mendoni se do te ishte e denje qe ta beni nje lajm, si plotesim i asaj qe nuk u be tre vite me parë, dhe t’i kerkoni Qeverise dhe Parlamentit Shqiptar heqjen e bllokades ndaj regjistrimit te ketyre mjeteve ?”

 

 

Huffington Post: Italia, dalje nga Traktati i Mastrihtit, rikthim tek Lireta

Dy partitë populiste të Italisë, të cilat fituan të drejtën që të negociojnë për qeverinë e ardhshme, duan të kthehen në kohën para Traktatit të Mastrihtit, përpara se të vendosej monedha e përbashkët europiane.

5 Yjet dhe e djathta ekstreme “Lega” kanë premtuar të shkëputen nga eurozona, por tashmë janë të përfshirë në debate të ashpra për mënyrën se si do të ndodhë ndarja e koalicionit.

Huffington Post Italy botoi këtë të Martë një version të marrëveshjes paraprake mes tyre, ku shkruhej se dy partitë do të kërkonin procedura teknike për t’u larguar nga Eurozona e për t’iu rikthyer sovranitetit monetar.

5 Yjet dhe Lega u përgjigjën duke thënë që teksti ishte i vjetër dhe që e kishin përditësuar duke i hequr masat që kërkonin largimin e Italisë nga Euroja.

Por të mërkurën partitë botuan një deklaratë të re që shpaloste qëndrimin e tyre të përbashkët në lidhje me Eurozonën, si dhe dëshirën për t’u kthyer në kohët e Liretës italiane, në vitet 1980 dhe 1990.

“Struktura e tanishme e qeverisjes ekonomike të Europës, e bazuar në mbizotërimin e tregut, dhe respekti për rregullat e rrepta që janë të pabaza nga pikëpamja shoqërore dhe ekonomike, sjell nevojën për ta rishikuar këtë strukturë me partnerët europianë”, thonë ata.

“Fryma e përbashkët është që të rikthehemi në kohën para Traktatit të Mastrihtit, kur vendet europiane kishin qëllime të sinqerta për paqe, vëllazëri, bashkëpunim dhe solidaritet”, shtojnë ata.

Traktati i Mastrihtit, që u nënshkrua në vitin 1992 dhe hyri në fuqi në vitin 1993, parashtroi strukturën e përdorimit të Euros dhe vendosjen e standardeve të përbashkëta për politikat ekonomike, që nga rregullat fiskale e deri te njësimi i monedhës së përbashkët.

Menjëherë pas kësaj deklarate, investuesit nisën të nxjerrin në shitje asetet e tyre në Itali, duke ndikuar çmimin e bonove qeveritare, ndërkohë që aksionet e bursës së Milanos ranë përkundrejt bursave europiane.

Vlera për bonot shtetërore të thesarit me afat 10 vjeçar u rritën me 6 pikë, gati në 2%. FTSE Mib, tregu italian i bursës, ra me 0.4%. Hendeku midis bonove italiane dhe ato gjermane, me afat 10 vjeçar, u zgjerua në 137.35 pikë, nga 129 që ishte të Martën.

Në deklaratën që nxorën të mërkurën, 5 Yjet dhe Lega Nord nuk iu adresuan pikave të tjera të tekstit, të cilat gjithashtu mund të ngrinin alarme midis investuesve dhe aktorëve ekonomikë.

Mes tyre ishte një kërkesë ndaj Bankës Qendrore Europiane për të fshirë një borxh 250 miliardë dollarësh që Italia duhet të paguajë për programin e blerjes së bonove, (i quajtur lehtësim sasior), një propozim që mund të bjerë ndesh me një traktat europian që ndalon financimin monetar të vendeve. Banka Qendrore Europiane ka refuzuar të komentojë.

5 Yjet dhe Lega thanë se kjo politikë do ta ulte borxhin e Italisë me 10% të PBB, që tani është në nivelin 130%, një nga vlerat më të larta në gjithë Eurozonën.

Marrëdhënia e re e Italisë me Europën ka qenë qendra e vëmendjes së marrëveshjeve midis Luigi Di Maios, kryetarit të 5 Yjeve, dhe Mateo Salvinit, nga Lega.

Edhe pse bisedimet bënë hapa pas të Hënën, kur të dy palët nuk arritën të bien dakord për emërimin e kryeministrit, Di Maio dhe Salvini ishin optimistë pas bisedimeve të së Martës.

Disa nga propozimet e tjera të marrëveshjes së të Hënës përfshinin:

Rishikim të kontributit italian në buxhetin e BE-së

“Ndarje e veprimtarive tradicionale të huadhënies nga spekulimet financiare.” Mbrojtje të bizneseve të vogla nga liberalizimi i orëve të punës, nga zgjerimi i shpejtë i bizneseve të mëdha, si dhe zbatimi i Direktivave Bolkestein të BE-së për liberalizimin e tregut të lirë.

Për sa i përket politikave të ekonomisë së brendshme, dokumenti konfirmon se do të rritet ndihma shoqërore për italianët e varfër si dhe do të ulen disa taksa. Një tjetër plan është të zhbëhet reforma e pensionit e vitit 2011, një masë me kosto të lartë, që mund të ngrejë shqetësime për financat publike.

Në politikën e jashtme, si 5 Yjet ashtu edhe Lega janë anuar vazhdimisht përkrah Kremlinit. Ata kanë bërë thirrje që të hiqen të gjitha sanksionet e BE-së kundër Rusisë.

“Ne konfirmojmë aleancën tonë me NATO-n, me SHBA-të, të cilët i shohim si aleatë të privilegjuar. Konfirmojmë edhe hapjen me Rusinë, e cila nuk duhet të shihet si kërcënim, por si partner tregtar dhe ekonomik”, thotë teksti.

Një nga veçoritë e marrëveshjes paraprake ishte caktimi i një komiteti pajtimi, i përbërë nga dy udhëheqësit e partive dhe nga kryeministri i ardhshëm. Komiteti do të merrej me zgjidhjen e çështjeve të mbetura pezull, si dhe të diskutojë se si duhet të përgjigjet qeveria ndaj situatave të paparashikuara që mund të shfaqen. /James Politi, Financial Times – Perkthimi: TCh.

Hetimi ndaj Cambridge Analytica, shqiptarët ndër personat e nënkontraktuar nga rusët për të fshehur gjurmët

Megjithëse firma e madhe e të dhënave, Cambridge Analytica, mbylli dyert e saj dhe shpalli falimentimin më herët këtë muaj, ajo e bëri këtë me zë të lartë, duke protestuar për pafajësinë.

“Është koha që të gjithë të thonë çfarë të dëshirojnë për Cambridge Analytica, Ne jemi akuzuar për çdo gjë, nga vjedhja e të dhënave në shtrembërimin e demokracisë”, shkroi kompania në një postim në Twitter.

Teksa gjatë konferencës, kur njoftuan mbylljen e aktivitetit, kompania deklaroi se ishte “subjekt i akuzave të shumta ta pabazuara në fakte”.

Vanity Fair” është përpjekur të hedh dritë në këtë situatë, duke grumbulluar prova, të cilat dëshmojnë se rusët mund të kenë përdorur të dhënat për të ndërhyrë në zgjedhjet amerikane si edhe fshehin gjurmët duke nënkontraktuar njerëz nga Shqipëria, Maqedonia ose Qipro.

Me kalimin e kohës, kur njoftimet rreth Cambridge Analytica duket se pushuan, u përhapën lajmet se Departamenti i Drejtësisë dhe FBI janë në fazat paraprake të hetimit të marrëdhënieve financiare të kompanisë, si dhe mënyrën se si ka arritur dhe ka përdorur të dhënat e marra nga Facebook.

Sipas “The New York Times”, prokurorët po kërkojnë të pyesin ish-punonjësit e Cambridge Analytica, si dhe bankat që trajtojnë biznesin e kompanisë.

Burimet bëjnë me dije, se prokurorët u kanë thënë dëshmitarëve kyç se po bëjnë një hetim të hapur, jo vetëm në Cambridge Analytica, por edhe tek “personat amerikanë që kanë bashkëpunuar”.

Çfarë është e paqartë është fakti nëse hetimi i Cambridge Alalytica ka ndonjë lidhje me Robert Muller, i cili është duke hetuar nëse fushata e Rusia është përfshirë në fushatën e Trump në zgjedhjet e 2016-ës.

Një burim deklaroi për “Times” se një takim paraprak midis të paktën dy drejtuesve të Cambridge Analytica dhe ekipit të Mueller u duk “sipërfaqësor”, teksa ka spekulime se firma e të dhënave, e cila u përdor për të punuar në fushatën Trump nga Jared Kushner, u furnizua me informacion nga Rusët dhe agjentët e tyre.

“A mund të kishin punësuar një magazinë të mbushur me njerëz në Moskë dhe të kishin lexuar çdo mëngjes blogun e Nate Silver, që të përcaktonin se cilat mesazhe do të postonin në atë demografikë? Sigurisht, teorikisht kjo është e mundur”, i tha kolegut tim Chris Smith vjeshtën e kaluar, Mike Carpenter, një sekretar i mbrojtës në kohën e Obamës, i specializuar në Rusi.

“Por, kjo nuk është mënyra sesi ata vepruan…Rusët janë të shkëlqyer në mbulimin e gjurmëve të tyre. Ata do të nënkontraktojnë njerëz në Maqedoni, ose Shqipëri apo Qipro dhe do t’i paguajnë nëpërmjet rrjeteve të errëta. Ata gjithmonë përdorin vendasit për të hartuar fushatën në mënyrë të përshtatshme.

Pyetja ime e vetme rreth vitit 2016-të është se kush po i ndihmonte ata.

“Nëse Mueller tregon një interes ndaj Cambridge Analytica, kjo mund të jetë një shenjë se pjesët e dukshme të Trumpworld janë të ndërlidhura”.

Shoqërimi i ‘Dëshmitarit X’ nga policia, Manjani: Autogol spektakolar, tri pika që vërtetojnë se audio shpreh fakt

Ylli Manjani ka reaguar sërish në lidhje me audiopërgjimin, dhe shkruan se  shoqërimi  i Albert Veliut, tregon se ngjarja ka ndodhur, se audio dhe video shprehin një fakt.

“‘Bashkepunëtorin X’ ata e kanë zbuluar ose nga video ( që do të thotë se qenka autentike); ose nga bashkëbiseduesi (që do të thotë se takimi ka ndodhur). Ndryshe skishte se si ta merrte vesh emrin e bashkepunëtorit…”, shkruan ndër të tjera Manjani.

 

Postimi i plotë

Tjetër fakt interesant.

Policia paska gjetur dhe ndaluar personin që ishte “bashkëpunëtori X”, në realizimin e audio-videos.

Shumë mirë!

Kjo do të thotë se:

1. Policia pranon se ai takim ka ndodhur. Pra audio dhe video shprehin një fakt që ka ndodhur.

2. “Bashkepunëtorin X” ata e kanë zbuluar ose nga video ( që do të thotë se qenka autentike); ose nga bashkëbiseduesi (që do të thotë se takimi ka ndodhur). Ndryshe skishte se si ta merrte vesh emrin e bashkepunëtorit…

Pra policia pranon se ky takim ka ndodhur, është real dhe se audio-video shpreh një ngjarje të vërtetë!

Kjo e nxjerr edhe më zbuluar sesa dje Kryeministrin!

Autogol spektakolar!

Faqja e zezë veçse nxihet më shumë!

Manjani ‘rrëzon’ ekspertizën që Rama i ka bërë audiopërgjimit: “Origjinali” iku në Itali, kryeministri…

Ish-ministri i Drejtësisë, Ylli Manjani ka reaguar në lidhje me deklaratat e bërë nga Rama ditën e djeshme, ku tha se  audipërgjimi nuk është origjinale pasi ai kishte bërë ekspertizën.

Për Manjanin, autenticitetin nuk mund të vërtetohet dot pasi, duhet dhe zëri origjinal dhe duhet dhe analiza e ADN-së.

“Ka vetëm një spjegim: duhet ta ketë të rregjistruar mirë në vesh e në memorie zërin e “origjinalit”… Kështu që mbase duhet duhet krahasuar zëri në audio me atë që ka në vesh Rama”, shkruan ndër të tjera Manjani.

manjani sutdi

Postimi i plotë

Mbi autenticitetin.
———-
Që një audio apo video para se të transmetohet në publik përpunohet, kjo dihet. Nëse pyetja është a është ndërhyrë në audio apo jo, përgjigja është gjithnjë PO!

Por nuk është kjo çështja. Çështja është a u verifikua zëri në audio me origjinalin?

Krahasimi i zërit të personit me atë të audios është jetik dhe shkencërisht i njëjtë me testin e ADN.

Ky verifikim nuk mund të jetë bërë sepse “origjinali” iku në Itali pa filluar proçedimi penal nga Prokuroria.

Atëherë, si Kryeministri doli në konkluzionin se nuk është autentike?!

Ka vetëm një spjegim: duhet ta ketë të rregjistruar mirë në vesh e në memorie zërin e “origjinalit”…

Kështu që mbase duhet duhet krahasuar zëri në audio me atë që ka në vesh Rama.

Faqja e zezë!

Dritan Zagani: Nje deshmitar foli publikisht per nje realitet qe te gjithe e dine se ashtu është

Dritan Zagani, polici i antidrogës që dëshmoi për Habilajt dhe ish-ministrin Tahiri pas daljes të dëshitarit shkruan në rrjetin social si më poshtë:

“Nje deshmitar foli publikisht per nje realitet qe te gjithe e dine se ashtu eshte…shume mire beri ai, por ku eshte problemi i ri qe doli,?????Kur gjithe sa tha ai e dine mbare shqiptaret me kohe,,,,e dine aqe mire se e mesuan permendesh dhe se cane koken njeri fare…po fare fare…!
Ne Shqiperine tone te dashur 3 dite zgjat, si gjithmone dhe harrohet….apo si thote nje llaf qe hahet turpi me buke,,, dhe nje gote vere me mbas e hajt tungjatjeta….!

P.s…si ishte ajo shprehja e bukur e Konices dikure….Shqiperi te kam…..etj etj se si mbaj dhe mend..!”

Dmth se faktin se të gjithë e dinin se kush ishte Agron Xhafaj, se Agron Xhafaj ishte ai që e përshkruan dëshmitari, dhe këtë gjë e dinin të gjithë!

Nuk e dinte vetëm Edi Rama!

EUObserver: Perspektiva e BE-së në Ballkanin Perëndimor kundërshtohet nga Rusia

Nisma e BE-së do të duhet të luftojë me oponencën e Rusisë në mjedisin e ri gjeopolitik. Ministri për Europën dhe Punët e Jashtme, Ditmir Bushati i cituar nga EUObserver është shprehur se, Rusia kundërshton zgjerimin e NATO-s në rajon dhe kërkon të ndërhyjë në reformat e drejtuara nga BE.

Në artikullin me titull: “Perspektiva e BE-së në Ballkanin Perëndimor e kundërshtuar nga Rusia”, EUObserver shkruan se:

Udhëheqësit e BE po përgatiten të ritheksojnë zotimet e tyre për zgjerimin e Ballkanit Perëndimor të enjten më 17 maj në Sofje.

Por sipas Shqipërisë, një nga vendet pararojë drejt pranimit në BE, samiti do të zhvillohet në një klimë me konkurrencë të shtuar të Rusisë.

Në këndvështrimin e EUobserver, në deklaratën e së enjtes liderët e BE-së planifikojnë të thonë se “BE ripohon mbështetjen e saj të qartë për perspektivën evropiane të Ballkanit Perëndimor.”

“Duke u mbështetur në progresin e arritur deri më tani, partnerët e Ballkanit Perëndimor kanë përkrahur përsëri perspektivën evropiane si zgjedhjen e tyre strategjike,” kanë për qëllim të thonë ata. Ky samit do të jetë i pari i llojit të tij që kur BE u zotua për zgjerimin e Ballkanit Perëndimor në Selanik, Greqi, 15 vjet më parë.

Takimi i Sofjes u hartua për të përshpejtuar pranimin pasi Komisioni Evropian tha se Mali i Zi dhe Serbia mund të bashkohen brenda vitit 2025. Komisioni gjithashtu ka vënë Shqipërinë dhe Maqedoninë në garë duke rekomanduar hapjen e negociatave me BE.

Deklarata me nëntë faqe e Sofjes kryesisht merret me çështje të pakontestueshme të infrastrukturës, siç janë projektet për autostrada dhe aeroporte, në vend që të bëjnë deklarata strategjike.

Nuk përmendet

Nuk përmendet aspak “anëtarësimi”, “pranimi” ose “zgjerimi” i BE-së dhe nuk përmendet Rusia, edhe pse në takimin e së enjtes krerët e BE-së planifikojnë të diskutojnë atë që një diplomat i BE-së e quajti “ndikim shkatërrues” i Rusisë.

“Ambicia jonë ishte të shkonim përtej kësaj çështje”, tha diplomati i BE-së, por gjëja kryesore ishte që “të ketë një deklaratë që mbështetet nga të 28 krerët e vendeve anëtare të BE-së”, duke përfshirë këtu edhe skeptikët për zgjerimin, si Spanja, tha ai.

Megjithatë, samiti i Sofjes “tregon gatishmërinë e BE-së për t’u angazhuar sërish në rajon, për t’u angazhuar pas një periudhave të gjatë pushimi”, tha diplomati.

Ai shtoi se ky format samiti do të përsëritet në Kroaci në vitin 2020, si rikthim më i gjerë i Ballkanit në axhendën e BE-së.

Rusia, si dhe Arabia Saudite dhe Turqia po përpiqeshin të rrisnin ndikimin e tyre në Ballkanin Perëndimor pasi BE kishte lënë “një vakum” atje, tha një diplomat i dytë i BE.

“Vendet anëtare të BE-së e kuptojnë këtë gjë më mirë se disa vjet më parë,” tha ai.

Paralajmërimi i Shqipërisë

Por sipas ministrit të jashtëm shqiptar Ditmir Bushati, ndryshe nga Selaniku, nisma e BE-së do të duhet të luftojë me oponencën e Rusisë në mjedisin e ri gjeopolitik.

“Rusia kundërshton zgjerimin e NATO-s në rajon dhe synon të ndërpresë reformat e drejtuara nga BE,” tha ai në një intervistë në EUobserver.

Moska “nuk humb asnjë rast” pa shfrytëzuar problemet rajonale, tha ai.

Bushati tha se Perëndimi duhet të ketë kujdes për ndërhyrjen ruse në vendet pararojë drejt anëtarësimit në BE si Maqedonia, Mali i Zi dhe Serbia dhe shtoi se Moska ishte e përgatitur të nxiste tensionet nacionaliste në mënyrë që të pengonte përparimin.

“Nacionalizmi është duke u ushqyer nga palë të treta (Rusia), interesi i të cilëve mund të jetë paqëndrueshmëria dhe mungesa e stabilitetit. Është një parim i rrezikshëm që ata po kërkojnë ta shfrytëzojnë”, tha ai.

“Rusia ka bërë më shumë deklarata publike për ngjarjet në Maqedoni sesa deklaratat e BE-së dhe e vendeve fqinje të Maqedonisë të marra së bashku. Ministria e Jashtme e Rusisë vëzhgon nga afër dhe është gjithmonë e para që komenton”, tha ai duke iu referuar përleshjeve politike në Maqedoni vitin e kaluar.

Ai shtoi se firma ruse Gazprom po zgjerohet në Serbi për hir të “interesave gjeopolitikë”.

Mali i Zi, i cili është anëtar i NATO-s, por që dikur ishte “një shesh lojrash për oligarkinë ruse”, është ende vulnerabël ndaj “ndërhyrjes politike të Rusisë”, tha ai.

“Edhe në Shqipëri (po ashtu një vend anëtar i NATO-s), ku mendonim se ishim imun ndaj ndërhyrjeve të Rusisë … ekziston një hetim në proces mbi pohimet se kundërshtarët tanë politik kanë marrë mbështetje financiare (ruse) në shkelje të legjislacionit tonë”, tha ministri.

Përveç lojërave politike, Rusia gjithashtu mbetet e akuzuar se po përpiqej të organizonte një grusht shteti në Malin e Zi në vitin 2016 në një operacion të projektuar për të ndaluar atë nga bashkimi me NATO-n. “Shumica e shteteve të BE-së janë të bindur se Federata Ruse ishte pas grushtit të dështuar”, tha një diplomat i dytë i BE-së për EUobserver.

Kërcënimi rus

Mali i Zi nuk është më “objektiv kryesor” për Rusinë, tha diplomati, por “me siguri, Federata Ruse ka aftësinë për të nisur operacione të tjera në rajon”.

Diplomati foli për Kremlinin gjithnjë e më të guximshëm në konfrontimin e tij me Perëndimin, duke përfshirë këtu përpjekjen e Rusisë për të vrarë një ish spiun në zemër të NATO-s, në Britaninë e Madhe, duke përdorur një armë kimike në mars.

Nëse ka paqëndrueshmëri “serioze” në Ballkanin Perëndimor, kjo gjë mund të “ndante shtetet anëtare të BE” në përkrahjen ose jo të anëtarësimit, tha diplomati i BE. Ai shtoi se “problemet në Ballkanin Perëndimor i bëjnë vendet më pak tërheqëse në sytë e disa shteteve anëtare kur flasim për perspektivat e tyre për t’u bashkuar me BE-në.”

Ministri i Jashtëm i Shqipërisë Bushati tha se anëtarësimi në NATO ndihmoi në mbrojtjen e aleatëve të vegjël nga truket e pista.

“NATO është një burim i rëndësishëm informacioni strategjik që vendet tona të vogla nuk mund të mbledhin më vete,” tha ministri.

“Solidariteti dhe mbështetja që aleatët treguan” për sulmin kimik në Mbretërinë e Bashkuar, duke dëbuar spiunë rusë dhe diplomatë, treguan vlerën e të qenit në bllokun perëndimor, shtoi ai.

“Ky realitet i ri kërkon qartësi rreth orientimit të një shteti”, tha ai para takimit të Sofjes.

“Sa më shumë vende të Ballkanit Perëndimor të jenë përfshirë në hapësirën euro-atlantike, aq më shumë stabilitet dhe paqe do të ketë për rajonin dhe Evropën në tërësi, tha ministri./ATA.

Rama: Jemi kundër ‘Shqipërisë së Madhe’, sepse jemi për një ‘Evropë të Madhe’ me të gjithë shqiptarët brenda

Kryeministri i Shqipërisë, Edi Rama ka thënë se vendi i tij e ka për obligim t’i mbrojë shqiptarët që jetojnë jashtë kufijve të shtetit shqiptar.

Duke folur për Euronews Rama ka thënë se shqiptarët në Ballkan kurrë nuk kanë qenë në pozitë më të mirë se sot.

“Në Kushtetutën tonë, ne kemi detyrimin për të mbrojtur shqiptarët jashtë vendit kudo, por në të njëjtën kohë mendoj se shqiptarët nuk kanë qenë kurrë më të mirë se sot, kudo që jetojnë. Pra, në Kosovë, ata kanë shtetin e tyre tani. Në Maqedoni, ata janë pjesë e një revolucioni të vërtetë në drejtim të ndryshimit të qasjes ndaj gjuhës shqipe dhe ndaj popullit shqiptar. Në jug të Serbisë, shpresoj se kushtet e tyre do të përmirësohen, duke u bazuar edhe në faktin se serbët në Kosovë trajtohen shumë më mirë”, ka thënë Edi Rama për Euronews, transmeton Radio Evropa e Lirë.

Rama ka thënë se është kundër krijimit të “Shqipërisë së Madhe”.

“Unë gjithmonë kam thënë se kam një ëndërr që në të bashkohemi nën një qiell të Bashkimit Evropian dhe kurrë nuk kam ëndërruar për një ‘Shqipëri të Madhe’ sepse kam ëndrra të mëdha, për një ‘Evropë të Madhe’, me të gjithë shqiptarët brenda”, është shprehur kryeministri i Shqipërisë.

Artur Zheji: Adriatik Llalla do ta “groposë” Ramën me dosjet që ka ndaj tij, do ta paguajë shtrenjtë që e ngacmoi dhe i prishi qetësinë

Artur Zheji, që nuk i bëjnë përshtypje aferat në të cilat është përfshirë Adriatik Llalla, thotë se ky i fundit do nxjerrë dosje kompromentuese për Ramën.

Të njëjtën gjë, sipas Zhejit, do të bëjnë edhe Tahiri me Xhafajn.

“Trekëndëshi i Bermudës, është një hapësirë e frikshme në Karaibe, ku cunamet dhe forcat magnetike negative, kanë krijuar një mister të trishtueshëm dhe shumë legjendar, si trekëndëshi i humbjes pa nam e nishan…

Duket sikur, në mënyrë të ngjashme edhe në politikën e sotme shqiptare, Tahiri, Xhafaj dhe Llalla, po shndërrohen në koordinatat e një furtune shkatërrimtare, që do të përcaktojë në shtatorin e ardhshëm, maksimumin e goditjes së vet.

Në të njejtën kohë, Tahiri, Xhafaj dhe Llalla, janë tre nga njerëzit më të informuar në Shqipëri, njerëzit më të specializuar dhe më të pasurit në çështje dosjesh, të cilat mund të hedhin në erë, cilindo politikan në Shqipëri, duke filluar nga jeta private dhe deri te dokumentat më komprometuese të natyrës politike dhe të natyrës ekonomike.

Lufta kundër Adriatik Llallës përshembull, do të ketë shpejt si përfundim të parë, nxjerrjen në treg të shumë dosjeve që lidhen me korrupsionin e qeveritarëve dhe ministrave të Ramës, të cilat Llalla disponon.

Nëse nuk nënshtrohet, “raprezalja” e ish- prokurorit të përgjithshëm do të mund të jetë shkatërrimtare për kryeministrin sepse do të jetë padyshim një proces jo më i kontrollueshëm.

Urtësia dhe qetësia e ish- kryeprokurorit është vetëm aparencë dhe lidhjet me shpresën se gjërat mund të marrin për mirë, që do të thotë të zgjidhen përmes kompromisit.

Tanimë Adriatiku shquhet si njeri që deri dje ka qenë besimplotë në negociatat e fshehta me të dërguarit e Ramës, që bindën të largohet urtë e butë nga posti i lartë, në pritje të një portofoli ministror si shpërblim.

Dhe shpërblimi erdhi: Llalla është sot në një pozitë shumë të vështirë për lirinë e tij personale”, shkruan Zheji.

Sipas tij, pas çështjes kundër Xhafajt, qendron pikërisht Saimir Tahiri.

“Rasti i ministrit Xhafaj, që është në shpërthim, duket qartazi që e ka burimin nga vetë kupola drejtuese e Ps dhe ndoshta edhe nga vetë Tahiri, që ka shpresën dhe iluzionin e rremë, se duke shtyrë më parë ministrin e sotëm të brendshëm, do të jetë ai, Fatmir Xhafaj pra, koka e kurbanit që do ti dërgohet në tepsi zonjës Merkel.

Dhe duket se Partia Demokratike, po i jep një dorë të mirë në këtë drejtim edhe Tahirit edhe Ramës, që mezi e duron Xhafën dhe autoritetin e tij të sponsorizuar nga amerikanët.

Mirëpo pas gjithë kësaj, në të vërtetë po gatuhen të gjitha elementët e duhur, për një shpërthim të madh skandalesh, që do të ketë një rreze shkatërrimtare 360 grade dhe që ndoshta do ta shpëtojë Shqipërinë, nga pjesa më e madhe e kësaj klase politike, që ska me se çthotë e ska më se çtë bëjë…

Pikërisht si trekëndëshi vrastar i Bermudës”, shkruan Zheji.

Do të japë dorëheqjen Fatmir Xhafaj ? Pas takimit 45 minuta me Ramën, Xhafaj njofton konferencën urgjente për shtyp

 

 

Ministri i Brendshëm Fatmir Xahafaj ka njoftuar mbajtjen e një konference pasditen e sotme. Xhafaj njofton se në orën 18:30 do të dalë në konferencë për shtyp.

“Sot ne ora 18:30, ministri i Brendshem Fatmir Xhafaj do te mbaje nje konference per media ne sallen e MB. Ju ftoj te merrni pjese!”, shkruan zyra e shtypit.

 

 

Me herët sot Ministr Xhafaj ka zhvilluar një takim koke me koke i cili ka zgjatur rreth 45 minuta me kryeministrin Edi Rama sot në Kryeministri, pas deklaratave të shefit të qeverisë i cili nuk e lëshoi në atë që e quajti “gojët e ujqërve”, teksa flitej për një shkarkim të mundshëm ose dorëheqje të ministrit Xhafaj.

Takimi vjen pasi Rama tha se ministri Xhafaj nuk ka përgjegjësi morale jo e jo por as politike ne lidhje me akuzat e bera nga PD per vellane e tij Agronin, i cili sot eshte vetedorezuar te autoritetet italiane per te kryer denimin me burg qe eshte dhene ne shtetin fqinj.