VOAL

VOAL

Please Wait ...
0%

Rusia: Anëtarësimi në NATO i vendeve të Ballkanit, rrezik për sigurinë

By | April 23, 2018
1 Comments
  • author avatar
    james garry 4 months ago Reply

    Përshëndetje,
    A jeni një burrë apo grua biznesi? A jeni në ndonjë stres financiar apo keni nevojë për fonde për të filluar biznesin tuaj? A keni nevojë për kredi për të shlyer borxhin apo për të paguar faturat dhe xmasin dhe hua për vitin e ri? A keni një rezultat të ulët të kreditit dhe keni vështirësi të merrni kredi nga bankat vendore dhe institucionet e tjera financiare? Dëshiroj t’ju informoj se ne ofrojmë të gjitha llojet e kredive me normë interesi të ulët prej {3%} nëse jeni të interesuar të merrni një hua nga Kompania e Investimeve të Financimit, NA KONTAKTONI NGA EMAIL: {access.funding2014@gmail.com}

Komentet

Dy milionë myslimanë pritet të nisin Haxhin javën e ardhshme

Pelegrinët myslimanë gjatë Haxhit.

Është vlerësuar se rreth 2 milionë myslimanë do të bashkohen javën e ardhshme për Haxh në Arabinë Saudite.

Këtë vit do të marrin pjesë edhe pelegrinët nga Irani, autoritetet e të cilit kishin bojkotuar këtë ngjarje në vitet e fundit pasi një shtyerje e turmës më 2015, kishte lënë të vdekur qindra iranianë.

Një nga pesë shtyllat e fesë që po rritet më së shpejti në botë, Islamit, është edhe Haxhi, i cili këtë vit nis më 19 gusht dhe mbaron më 24 të po këtij muaji.

Secilit mysliman i kërkohet të kryejë Haxhin të paktën një herë në jetë.

Deri më 16 gusht, më shumë se 1.6 milion persona veçse kanë arritur në Arabinë Saudite.

Shumë pelegrinë janë parë me anëtarë të familjeve të tyre, disa kanë telefonuar të afërmit dhe disa të tjerë kanë blerë pije të ftohta për të përballuar temperaturën mbi 40 gradë Celsius.

Për shumë pelegrinë kjo është hera e parë që largohen nga shtëpia.

Këtë vit, sauditët kanë lansuar aplikacione, ashtu që t’iu ndihmojnë pelegrinëve me të gjitha procedurat, duke nisur nga udhëtimi e deri te kujdesi shëndetësor. rel

Brazil, Lula da Silva nga burgu kandidon për zgjedhjet presidenciale

Rreth 10 mijë brazilianë kanë dalë në rrugë dhe kanë ecur deri te ndërtesa e Gjykatës së Lartë Zgjedhore (TSE) për të mbështetur kandidaturën e ish-presidentit

Partia Punëtore e Brazilit (PT) zyrtarisht ka kandiduar ish-presidentin Luiz Inaci Lula da Silva, i cili ndodhet në burg, për zgjedhjet presidenciale të cilat do të mbahen në tetor të këtij viti.

Rreth 10 mijë brazilianë kanë dalë në rrugë dhe kanë ecur deri te ndërtesa e Gjykatës së Lartë Zgjedhore (TSE) për të mbështetur kandidaturën e ish-presidentit.

Me maska në fytyrë ata kërkuan lirimin e ish-presidentit brazilian. Prokuroria kërkoi nga TSE të mos pranojnë kandidaturën e tij.

Ish-presidenti i Brazilit, Luiz Inacio Lula da Silva, u dënua me burgim 12 vjet e 1 muaj për korrupsion.

Lula da Silva ka hedhur poshtë akuzat me të cilat ngarkohet. aa

Një studim parashikon ditë jashtëzakonisht të nxehta deri më 2022

Ngrohja globale e shkaktuar nga njeriu dhe një rritje e temperaturave në sipërfaqen e Tokës do të bashkojnë forcat për të kthyer pesë vjetët e ardhshme në ditë jashtëzakonisht të nxehta, është thënë në një studim të publikuar më 14 gusht, transmeton AFP.

Rritja e dyfishtë e ndryshimeve klimatike dhe ndryshimet natyrore do të rrisin mundësinë e “motit tejet të nxehtë” në ujërat e oqeaneve, gjë që do të rrezikojë krijimin e uraganeve dhe tajfunëve, është thënë në studimin e publikuar në revistën, Nature Communications.

“Faza e motit të nxehtë është duke nxitur ndryshim klimatik afatgjatë”, ka thënë shkencëtari për klimë në Universitetin Brest në Francë, Florian Sevellec.

“Kjo fazë pritet të zgjasë për të paktën pesë vjetët e ardhshme”, ka shtuar ai.

Temperatura mesatare e Tokës gjithnjë ka pasur luhatje.

Mirëpo ndryshimet klimatike të shkaktuara nga miliarda tonelata të gazrave serrë në atmosferë, kryesisht gjatë shekullit të kaluar, janë cilësuar arsyeja kryesore e këtyre ndryshimeve.

Irani prezanton raketë të re balistike teksa refuzon negociatat me SHBA-në

Irani ka prezantuar një gjeneratë të re të raketave balistike me rreze të shkurtër dhe ka premtuar se do të vazhdojë të rrisë kapacitetet, duke sfiduar kërkesat e Shteteve të Bashkuara për të ndalur zhvillimin e këtyre armëve të sofistikuara.

Mediat shtetërore iraniane kanë raportuar më 13 gusht se raketa, Fateh-e Mobin, apo “Pushtuesi i Ndritshëm” ka “kaluar me sukses të gjitha testet” dhe mund të sulmojë caqet në tokë dhe det.

“Ashtu siç u kemi premtuar njerëzve tanë, ne nuk do të ndalojmë përpjekjet tona për të rritur kapacitetet raketore dhe do të rrisim fuqitë tona raketore në baza ditore”, ka thënë ministri iranian i Mbrojtjes, Amir Hatami.

“Asgjë nuk mund ta ndalojë këtë raketë për shkak të shkallës së lartë të fleksibilitetit”, ka thënë Hatami, duke shtuar se version i ri i kësaj rakete “ është 100 përqind prodhim vendor”.

“Sigurohuni se sa më shumë ka presion dhe luftë psikologjike kundër nesh, popullit fantastik të Iranit, aq mq shumë do të rriten fuqitë tona të mbrojtjes në të gjitha fushat”, është shprehur ai.

Hatami nuk ka përmendur rrezen e veprimit të raketës së re, mirëpo versionet paparake kanë pasur rreze veprimi 200 deri në 300 kilometra, bazuar në organizatën me seli në Uashington, Qendra për Studime Strategjike dhe Ndërkombëtare.

Zyrtarët amerikanë kanë thënë për Fox News se “raketa Fateh-100”, është testuar në Iran, javën e kaluar.

Një gjeneral amerikan i ka cilësuar testimet si mesazh, teksa Uashingtoni përgatitjej për zbatim të valës së parë të sanksioneve kundër Iranit më 7 gusht, pas tërheqjes së SHBA-së nga pakti bërthamor, që Teherani ka me fuqitë botërore.

Presidenti amerikan, Donald Trump i ka bërë thirrje Iranit të negociojë paktin e ri bërthamor, i cili do t’i jepte fund kapacitetit bërthamor të Iranit, si dhe zhvillimit të raketave balistike.

Njoftimi i Iranit për raketa ka ardhur në po të njëjtën ditë që lideri suprem i këtij vendi, Ayatollah Ali Khamenei, ka kundërshtuar zyrtarisht thirrjet e Trumpit për bisedime direkte me Uashingtonin rreth paktit të ri bërthamor.

Në po të njëjtën kohë, Khamenei ka hedhur poshtë idenë e përfshirjes në luftë me Shtetet e Bashkuara.

“Së bashku me sanksionet, amerikanët kanë ngritur dy çështje tjera: luftën dhe bisedimet”, ka thënë Khamenei në një deklarim televiziv.

“Lufta nuk do të ndodhë dhe ne nuk do të nisim bisedime direkte”.

Khamenei ka thënë se deklaratat e fundit të Uashingtonit kanë rritur “mundësinë e luftës me Iranin”.

“Ne nuk kemi nisur kurrë luftë dhe ata nuk do të përballen me Iranin ushtarakisht”, është shprehur ai.

Mirëpo, “tërheqja e Amerikës nga marrëveshja bërthamore është dëshmi e pastër se Amerikës nuk duhet besuar” kur është fjala për negociata rreth ndonjë pakti të ri.

“Unë ndaloj të gjitha bisedimet me Amerikën”, ka deklaruar lideri suprem.

Shtetet e Bashkuara dhe aleatët evropianë kanë kundërshtuar programin e Iranit për zhvillim të raketave, sepse sipas tyre i njëjti përbën kërcënim tek aleatët Perëndimorë në rajon siç janë Arabia Saudite dhe Izraeli.

Mirëpo Irani në anën tjetër ka insistuar se programi i raketave ka vetëm qëllime të mbrojtjes.

Përgatiti: Krenare Cubolli

Kina ndalon korrespondentin e Zërit të Amerikës

Feng Yibing, Korrespondent në Pekin për Shërbimin Kinez të Zërit të Amerikës

Korrespondenti i Shërbimit Kinez të Zërit të Amerikës si dhe një video-gazetar që po punonte për Zërin e Amerikës u ndaluan të hënën në mbrëmje nga policia kineze kur po përpiqeshin të intervistonin një profesor kinez në pension, i cili ishte arrestuar dy javë më parë gjatë një interviste të drejtpërdrejtë me Zërin e Amerikës.

Korrespondenti Yibing Feng dhe kontraktori i Zërit të Amerikës Allen Ai u morën nën arrest në Kinan, në provincën Shandong pasi folën me profesor Sun Wenguang, duke i drejtuar pyetje nga jashtë, ndërsa ai fliste pas derës së mbyllur të apartamentit. Profesori dha hollësi mbi arrestimin e tij dhe falenderoi Zërin e Amerikës që i kishte dhënë mundësi të shprehej lirisht gjatë transmetimit.

Autoritetet në korridorin e ndërtesës ishin përpjekur disa herë të ndërprisnin intervistën dhe i kishin dhënë urdhër gazetarit Feng dhe ndihmësit të tij të largoheshin. Më pas ata ishin arrestuar kur po dilnin nga ndërtesa. Besohet se ata janë ende nën arrest.

“Është revoltuese që dy gazetarë të ndalohen për asgjë më tepër se thjesht kryerjen e detyrës,” tha drejtoresha e Zërit të Amerikës, Amanda Bennett. Ajo bëri thirrje për lirimin e tyre të menjëhershëm.

Profesor Sun Wenguang, i cili u ndalua në fillim të muajit, u lejua të kthehet në shtëpi pak ditë më parë, nën kontroll të fortë.

Chinese police broke into the home of Wenguang Sun, a retired Shandong University professor who is critical of China's human rights record as he was expressing via a telephone interview his opinions on the Voice of America (VOA) Mandarin television show.
Chinese police broke into the home of Wenguang Sun, a retired Shandong University professor who is critical of China’s human rights record as he was expressing via a telephone interview his opinions on the Voice of America (VOA) Mandarin television show.

Të hënën, ai thërriste pas portës së mbyllur të apartamentit, duke iu përgjigjur pyetjeve të gazetarëve mbi ndalimin e tij. Ai shpjegoi se ishte dërguar në vende të ndryshme nën kontroll të vazhdueshëm.

“Këtu në Kinë nuk kemi liri të shprehjes,” tha profesori. “Autoritetet kanë bllokuar dhe shtypur lirinë e shprehjes. Autoritetet kineze kanë vënë barriera ndaj tregtisë dhe shtypit. Përse gazetarët kinezë mund të veprojnë lirisht në SHBA, por gazetarët amerikanë nuk kanë të njëjtat liri në Kinë?”

Në fillim të muajit, profesor Sun u arrestua gjatë një interviste të drejtpërdrejtë me telefon për emisionin e shërbimit kinez të Zërit të Amerikës. Tema dhe Opinione, pasi ai po kritikonte politikat kineze dhe strategjinë e Pekinit në Afrikë. Gjatë intervistës ai i tha Zërit të Amerikës se autoritetet po i hapnin derën me forcë për të mos e lejuar të fliste kundër qeverisë.

Nata e vrasjes së poetëve! – Nga David J. Krajicek

 

Ähnliches Foto

Burgu Lubianka (lubyanka), Moskë, Rusi, (Sovfoto / UIG nëpërmjet Getty Images)

Në verën e vitit 1952, një grup shkrimtarësh dhe poetësh të shquar të prozës dhe poezisë Yiddish të Bashkimit Sovjetik jetuan ditët e tyre të fundit në errësirën e burgut Lubjanka të Moskës, të kapur nga ingranazhet e mekanizmit të sigurisë së shtetit të Jozef Stalinit.

Shkrimtarët u arrestuan në fund të viteve 1940 gjatë spastrimeve anti-semite të Stalinit, të cilat në mënyrë specifike synonin eleminimin e gjuhës yiddish. Regjimi i Stalinit mbylli gazetat jidishtese, Shtëpitë Botuese dhe i dëboi intelektualët kryesorë letrarë nëpër gulagë e fabrika. Një grup prej 15 vetash u mbajtën të izoluar thellë brenda Lubjankas.

“Ky nuk ishte një provokim i rastit”, shkroi më vonë Joel Sprayregen, një avokat dhe aktivist i Çikagos. “Stalini besonte se ai mund t’i shtypte hebrenjtë e Rusisë me një vrasje masive në errësirën e një nate të Moskës duke shkatërruar kulturën dhe gjuhën e tyre “.

Kjo natë ishte 66 vjet  më parë si sot, më 12 gusht 1952, përkujtuar si “Nata e Poetëve të Vrarë”.

Një gazetën e New York-ut tha se viktimat “përbënin lulen e kulturës letrare jidshiane në Bashkimin Sovjetik”.

 

 

Ata përfshinë David Bergelson, i cili është krahasuar me Anton Çekhovin dhe u konsiderua si romancieri kryesor jidish në Bashkimin Sovjetik.

Një tjetër ishte poeti Peretz Markish, një studim i rastit njerëzor nga pabesia poshtër e erërave politike sovjetike.

Markish ishte një poet i njohur yiddish krijimtaria e të cilit daton në fillim të viteve 1920. “Gang”, titullohet një vëllim i tij botuar në Paris më 1924, ilustruar nga Marc Chagall. Atij iu dha Urdhri i Leninit në vitin 1939 dhe çmimi Stalin në vitin 1946. Ai ishte anëtar i partisë komuniste sovjetike, që kishte shkruar një ode epike për Stalinin, përfshirë War- Lufta një poemë me 20 mijë fjalë.

Në fakt, shumica e të arrestuarve jidishë ishin komunistë besnikë që kishin denoncuar fashizmin gjerman gjatë Luftës së Dytë Botërore. Por, për Stalinin, përkatësia etnike e mposhti ideologjinë.

Një tjetër nga viktimat ishte poeti Leib Kvitko, i cili u dëbua nga puna e tij në një revistë sovjetike kur filloi spastrimi.

Kvitko kishte filluar të shkruante vargun si një adoleshent në një qytet ukrainas.

“Nuk erdha nga një shkollë hebraike ose nga ndonjë mësim privat, por nga ajri që më rrethonte që pulsonte me sekrete, masakra, kaos dhe ngjarje të tmerrshme interesante”, shkroi ai.

Ai mori përsipër subjekte serioze, duke përfshirë një koleksion të poezive pogrom, “1919”, botuar në Berlin. Ai gjithashtu shkroi vëllime të poezisë popullore që lidhej me rrënjët e tij  – poezi që “zbuluan trishtimin e botës”, siç e thoshte një admirues.

Por ai njihej më së shumti për rituale të fëmijëve jidish dhe për poezinë e fëmijëve, e cila zbuloi një lidhje me Dr Seuss të Amerikës, i cili botoi librin e tij të parë të fëmijëve (“Nëse isha në kopshtin zoologjik”), ndërsa Kvitko u burgos.

Ashtu si Seuss, Kvitko përdori përralla të kafshëve duke folur për të dhënë mësime të jetës – për shembull, sëmundjet e grykësisë dhe moderimin e lavdive.

Kvitko u bë një nga shkrimtarët më të shitur të librave  të fëmijëve – në përkthim nga jidish, me emrin e tij të parë rus nga Leibi në Lev. Shumë fëmijë thuhet se kanë mësuar të flasin rusisht nëpërmjet fjalëve të përkthyera të Kvitko.

Megjithatë, poeti u arrestua në dhjetor 1948, së bashku me Bergelson dhe të tjerët.Markish dhe një grup tjetër iu bashkuan atyre një muaj më vonë. Të gjithë u akuzuan për spiunazh dhe tradhëti. Dëshmitarët thanë se u rrahën pa mëshirë derisa të bënin shpifje të rremë.

Pas disa vitesh burgim, 12 burrat dhe tre gra dolën në gjyq në maj të vitit 1952 përpara një paneli prej tre gjyqtarësh. Gjyqi zgjati dy muaj – një përjetësi mes padrejtësive të zakonshme të shpejta e të pambarim sovjetike. Disa thonë se gjyqtari kryesor e zhvilloi gjyqin ngadalë sepse loboi në Kremlin  privatisht për t’i shpëtuar, por ai dështoi.

Në atë natë të tmerrshme të gushtit, 13 të pandehur u përballën me një skuadër pushimi në bodrumin e Lubyanka. Ata varionin në moshë nga Emilia Teumin, 47 vjeçe, një botuese fjalorësh tek Solomon Lozovsky, 74 vjeç, ish-drejtor i Byrosë Informative të Bashkimit Sovjetik.

Emilia Teumin lindi në Bernë të Zvicrës

 

Dëshmitarët vunë në dukje vetëm fjalët përfundimtare të romancierit Bergelson: “Toka, o tokë, mos e mbulo gjakun tim”.

Kvitko la një poemë, “Romance Prison, 1952”, e shkruar në muajt e tij të fundit. Fillon: “Jo, miku im i dashur / Ne nuk jemi të destinuar të takohemi / I ftohti  ka kapluar qoshet e derës sime / Dhe është e vështirë të çlirohemi, më besoni …”

Stalini vdiq nga një hemorragji cerebrale në vitin 1953, tetë muaj pas ekzekutimeve.Shkrimtarët u “rehabilituan” zyrtarisht në vitin 1955 dhe shpallën viktima të ndjekjeve staliniste.

Kultura jidisht i ka mbijetuar kulturës sovjetike por ka mbetur e paralizuar, tha Zackary Berger, një mjek nga Baltimore, poet dhe përkthyes jidish.

Holokausti, spastrimi i Stalinit, asimilimi hebre dhe dominimi zyrtar i gjuhës hebraike në Izrael “bashkëpunuan në mënyrë të përkryer për t’i dhënë fund kulturës letrare jidish me rrënjët e saj në Evropën Lindore , e cila sot është vetëm një hije e vetes së saj,” i tha Berger Justice Story.

Sot, bota ka vetëm 2 milionë jidishfolës, një rënie drastike krahasuar me 13 milionë përpara Luftës së Dytë Botërore. Një grup i vogël poetësh të Evropës Lindore vazhdojnë të shkruajnë në jidish, gjuhë që një shkrimtar dikur e përshkruante si “një batanije të ngrohtë”. /Përktheu dhe përgatiti për botim Elida Buçpapaj

 

*Yiddish, Jidish është gjuha e vjetër e folur nga diaspora hebreje rreth fundit të mileniumit të parë.

Bildergebnis für David Bergelson, Peretz Markish, Leib Kvitko, Solomon Lozovsky

 

http://www.nydailynews.com/features/ny-fea-justice-story-murdered-poets-20180812-story.html

Pesë shtete arrijnë marrëveshje për statusin ligjor të Detit Kaspik

AKTAU – Kazakistani, Azerbajxhani, Rusia, Irani dhe Turkmenistani kanë arritur marrëveshje për statusin ligjor të Detit Kaspik.

Në Samitin e 5-të të Vendeve të Kaspikut të zhvilluar në qytetin Aktau të Kazakistanit, morën pjesë presidenti i Kazakistanit Nursultan Nazarbayev, presidenti rus Vladimir Putin, presidenti i Azerbajxhanit Ilham Aliyev, presidenti iranian Hasan Ruhani dhe presidenti i Turkmenistanit Gurbanguli Berdimuhammedov.

Në samitin ku u diskutuan çështjet për ekonominë, transportin, mjedisin, sigurinë dhe fusha të tjera të bashkëpunimit, palët nënshkruan një marrëveshje që përcakton statusin ligjor të Kaspikut.

Gjithashtu përveç çështjeve për transportin, tregtinë, bashkëpunimin ekonomik, u nënshkruan edhe marrëveshje dhe parandalimin e ngjarjeve në Detin Kaspik si dhe protokollet për të parandaluar krimin e organizuar, luftën kundër terrorizmit dhe bashkëpunimin e institucioneve të sigurisë Kufitare të Kaspikut.

Në një fjalim në samit presidenti i Kazakistanit Nazarbayev, duke bërë të ditur se disa ekspertë vërejnë me dyshim procesin e përcaktimit të statusit ligjor të Kaspikut, ai tha se “Sot në praninë e gjithë botës si rezultat i punimeve të përbashkëta në Aktau arritëm të sigurojmë një qasje të ndërsjellë”.

Nuk ka qenë e lehtë arritja e një ideje të përbashkët në lidhje me statusin e Kaspikut, ku negociatat kanë zgjatur më shumë se 20 vite ka shprehur Nazarbayev, duke nënvizuar se Kaspikun e kanë shndërruar në një det të miqësisë, sigurisë dhe bashkëpunimit të ndërsjellë.

“Në këtë kuptim nënshkrimin e marrëveshjes duhet ta pranojmë si një fillim të bashkëpunimit në kushte të reja mes vendeve tona”, njoftoi Nazarbayev, duke shtuar se marrëveshja do të hapë një faqe të re në historinë e bashkëpunimit të pesë vendeve.

Presidenti rus Putin gjithashtu theksoi se marrëveshja garanton të drejtat dhe përgjegjësitë e vendeve për fatin e Detit Kaspik dhe vendos rregulla të qarta për përdorimin kolektiv të detit.

“Është e rëndësishme që marrëveshja të sigurojë në mënyrë të hapur ndarjen e nevojshme, çështjet detare dhe peshkimin, çështjet ndikuese ushtarake dhe politike të vendeve pjesëmarrëse, përdorimin e Kaspikut vetëm për qëllime paqësore dhe mospraninë e forcave ushtarake përveç fuqive rajonale”, tha Putin.

Ndërkohë edhe presidenti i Azerbajxhanit Aliyev duke bërë të ditur se bashkëpunimi dypalësh dhe multilateral është një faktori i stabilitetit dhe sigurisë në rajonin Kaspik, ai tha se “Përcaktimi i statusit ligjor të Kaspikut, do të sigurojë përfundimin e ndarjes së detit dhe sipërfaqes së tij në përputhje me ligjin dhe normat ndërkombëtare”.

Presidenti i Turkmenistanit Berdimuhammedov tha se protokollet e nënshkruara në fushën e sigurisë do të forcojnë besimin midis vendeve, duke vënë në dukje se koordinimi kryesor i përpjekjeve të vendeve të Kaspikut për të luftuar aktivitetet e paligjshme është një faktor kyç për sigurimin e stabilitetit dhe sigurisë në rajon.

“Deti Kaspik duhet të jetë përgjithmonë zonë paqeje, fqinjësisë së mirë, mirëkuptimit dhe besimit reciprok”, shprehu pikëpamjen e tij, Berdimuhammedov.

Edhe presidenti iranian Hasan Ruhani gjithashtu konsideroi nënshkrimin e marrëveshjes si një hap të rëndësishëm drejt rritjes së aleancës së bashkëpunimit mes vendeve bregdetare në Detin Kaspik.

Marrëveshja që përcakton statusin ligjor të Kaspikut

Sipas marrëveshjes, thellësia dhe zonat nëntokësore, zonat detare, sipërfaqja detare, zonat e peshkimit dhe përdorimit të burimeve të Detit Kaspik, si do të ndahet sipas parimeve.

Në Detin Kaspik, të cilit do ti jepet statusi i veçantë, nuk do të mund të zbatohet marrëveshja detare e Kombeve të Bashkuara e vitit 1982 dhe thellësia e ujit do të përcaktohet bazuar në principin e liqenit.

Marrëveshja gjithashtu përcakton ndalimin e pranisë ushtarake të huaja në Detin Kaspik, me përjashtim të pesë shteteve bregdetare.

Ndërkohë që theksohet se do të vazhdojnë konsultimet mbi përdorimin e hapësirës ajrore të Detit Kaspik.

Irani, Rusia, Azerbajxhani, Turkmenistani dhe Kazakistani kanë negociuar që nga viti 1996 për të marrë më shumë pjesë nga Kaspiku, i cili është një det i plotë energjetik. Bisedimet bllokoheshin në pikën nëse Kaspiku ishte një det apo një liqe.

Parashikohet se në Kaspik ndodhen 50 miliardë fuçi naftë dhe 9 trilion metra kub rezerva të gazit natyror.

Konventa për Kaspikun pritet të nënshkruhet më 12 gusht

Nënshkrimi do të jetë “ceremonia kryesore” e samitit, në të cilën do të marrin pjesë presidentët e Azerbajxhanit, Iranit, Kazakistanit, Rusisë dhe Turkmenistanit, është thënë në një deklaratë të lëshuar nga Kremlini më 10 gusht.

Debatet nëse Kaspiku është det apo liqen kanë nisur prej rënies së Bashkimit Sovjetik më 1991, duke lënë pesë vende me dalje në det, në vend të dy sa kanë qenë më parë, Bashkimit Sovjetik dhe Iranit.

Këto shtete kanë qenë duke punuar për arritjen e një marrëveshjeje prej vitit 1996, është thënë në deklaratën e Kremlinit.

Kaspiku njihet për pasuri të madhe të naftës dhe rezerva të gazit.

Në një draft të marrëveshjes të siguruar nga Radio Evropa e Lirë, shihet se shtetet do të pajtohen që Kaspiku është det.

Nëse nënshkruhet kjo marrëveshje, pesë vendet në fjalë do t’i shënojnë ujërat territoriale të tyre dhe burimet do t’i shfrytëzonin sipas dëshirës së vet, derisa nëse klasifikohet si liqen atëherë burimet do të ndahen njëjtë mes shteteve.

Drafti i marrëveshjes ndalon prezencën e ndonjë force ushtarake, përveç forcave bregdetare të shteteve përkatëse.

Trumpi i dërgon letër Putinit përmes senatorit Paul

UASHINGTON – Senatori republikan Rand Paul thotë se i ka dërguar letër presidentit rus, Vladimir Putin në emër të presidentit amerikan, Donald Trump. Paul ka qëndruar në një vizitë zyrtare në Moskë.

“Kam qenë i nderuar që t’ia dërgojë letrën e presidentit Trump administratës së presidentit Vladimir Putin”, tha sot Paul përmes një postimi në Twitter.

“Letra theksonte rëndësinë e angazhimit të mëtejmë në fusha të ndryshme, duke përfshirë luftën kundër terrorizmit, rritjen e dialogut legjislativ dhe rifillimin e shkëmbimeve kulturore”, tha senatori republikan.

Agjencitë e lajmeve ruse, kanë cituar zëdhënësin e Putinit, Dmitry Peskov të ketë konfirmuar se letra “është pranuar përmes kanaleve diplomatike”.

“Ne presim që administrata e presidentit ta pranojë atë (letrën) së shpejti”, tha Peskov.

Shtëpia e Bardhë nuk ka komentuar menjëherë për këtë letër.

Senatori Paul ka qëndruar në Rusi për disa ditë. Udhëtimi i tij atje, vjen në një kohë mjaft të ndjeshme të marrëdhënieve SHBA-Rusi.

Presidenti Trump vazhdimisht është shprehur se dëshiron marrëdhënie të mira me Rusinë, veçanërisht me Putinin.

Gjatë vizitës në Rusi, senatori Paul pati deklaruar se ai ka ftuar ligjvënësit rusë që të takohen me homologët e tyre amerikanë në Uashington.

Temperaturat ekstreme në Japoni shkaktuan vdekjen e 138 personave

ANKARA – Për shkak të temperaturave ekstreme të larta në Japoni, në 3 muajt e fundit kanë humbur jetën 138 persona.

Sipas raportit të përgatitur nga Agjencia Kombëtare e Fatkeqësisë, që nga 30 prilli deri tani kanë humbur jetën 138 persona.

Në vend 71 mijë e 266 persona u trajtuan për shkak të sëmundjeve të lidhura me temperaturat e larta ekstreme.

Sipas raportit, rastet e sëmundjeve të lidhura me temperaturat e larta ekstreme në vend ka arritur nivelin më të lartë në histori.

Këtë vit temperaturat kanë vijuar mbi 40 gradë celsius, ndërsa 58 mijë e 729 persona kanë marrë trajtim mjekësor në vitin 2013. aa

Izrael – një grua emërohet komandante e një skuadrilje avionësh

VOAL – Për herë të parë në historinë e aviacionit izraelit, një grua është emëruar komandante e një skuadrilje avionësh. Njoftimi erdhi sot nga komandanti i aviacionit ushtarak, gjen. Amikam Norkin, i cili i ka besuar skuadrës 122 ‘Nachson’ tek zonja G., 34 vjeçe, e cila tani do të jetë në gjendje të arrijë nivelin më të lartë. Oficerja, specifikon zëdhënësi ushtarak, ka dhënë dëshmi të mirë për veten në pozita të ndryshme të pilotimit dhe në vitet 2015-7 tashmë është zëvendëskomandante e skuadriljes 122. Emërimi do të hyjë në fuqi për dy muaj. “Është një privilegj i madh dhe një përgjegjësi e madhe për mua”, tha G., cituar nga zëdhënësi ushtarak. Tani angazhimi i vërtetë më pret. Jam krenare për të shërbyer në aviacionin izraelit “.

Shkon në 131 numri i të vdekurve nga tërmeti në Indonezi

XHAKARTA – Numri i personave që kanë humbur jetën nga tërmeti shtatë ballësh i cili goditi ishullin Lombok në lindje të Indonezisë është rritur në 131.

Zëdhënësi i agjencisë kombëtare për menaxhim me rreziqet nga katastrofat natyrore (BNPB), Sutopo Purwo Nugroho, deklaroi se është rritur në 131 numri i personave që kanë humbur jetën. Ai ka shtuar se janë lënduar rreth 1.477 persona si dhe mbi 156 mijë të tjerë në të gjithë vendin janë evakuuar në zona të sigurta.

Nugroho ka theksuar se si pasojë e tërmetit janë dëmtuar edhe rreth 43 mijë ndërtesa duke përfshirë edhe shtëpi, shkolla dhe xhami.

Autoritetet teksa vazhdojnë punimet e kërkim shpëtimit kanë bërë thirrje për donacione për të prekurit nga tërmeti kryesisht për sigurimin e ushqimeve dhe ujit të pijshëm.

Agjencia për Meteorologji, Klimë dhe Gjeofizikë e Indonezisë, më herët tha se tërmeti është regjistruar në një thellësi prej 15 kilometrash, 27 kilometra në verilindje nga Lomboku, ndërkohë që ka ndërprerë edhe alarmin për një cunami të mundshëm. aa