I Ftuar në emisionin e mëngjesit KAFE SHQETO në Syri tv ka qenë Analisti dhe gazetari Genc Burimi i cili ka komentuar reportazhin bombë të medias evropiane që tregon të vërtetat e regjimit të Edi Ramës. Ai në bisedë me moderatorin Flavio Qarri është shprehur se ishte një reportazh që bënte një autopsi pa koncesion të regjimit të fundit të këtij lloji, pra diktatorial apo autoritar në Evropë.

Genc Burimi: Një emision që për mua përbën një autopsi pa koncesion të një regjimi të këtij lloji, diktatorial, autoritar që ngelet sot në Evropë dhe që përfaqësohet nga Edi Rama. Është një reportazh rrëqethës. Aty ke gjithçka brenda. Por e shof tani të vështirë kësaj here që Edi Rama të marrë telefonin siç e bëri më RAI dhe të telefonojë gjermanët. E shof shumë të vështirë. Këtu si do të,mbrohet ai. Ky që e vë Edi Ramën në një pozitë mjaft, mjaft të papërballueshme nga ana e marketingut politik në fushatë. Çdo kapitull i reportazhit përbën një akt akuzë madhore me vete. Në çdo kapitull. Kapitulli politik, ku Rama ka kapur gjithçka. Kapitulli ekonomik. Serbia një regjim diktatorial, ekonomikisht është shumë fuqishëm.

Shikoni vetëm në mbrojtje sa kanë fuqi të investojnë. Në kapitullin ekonomik për Shqipërinë, thoshte në një moment se vjedhjet që janë bërë fondeve evropiane për bujqësinë janë dyfishi i të gjithë vjedhjeve të fondeve evropiane që u janë bërë në të gjithë Ballkanin Perëndimor. 60 për qind e shqiptarëve sot jetojnë me bujqësi. Tek kapitulli i mediave. Ai thotë që vërtet mediat janë gjithnjë e më pak të lira për të thënë të vërtetën. Kap kapitullin e dhunës politike. Ajo skenë që unë se kisha parë, vërtet, e grushtit që hante Strazimiri në korridoret e parlamentit. Je në një parlament Irakian.

Kam përshtypjen se aq shumë është denigruar imazhi, saqë edhe opozita të vijë në pushtet do ketë shumë punë për ta riparuar këtë imazh. Reportazhi është dhënë në Arte këtu në Francë dhe , ky kanal është kanal elitar francez. Kam arritur edhe në këtë pikë sa edhe fëmijëve të mi e kam të vështirë t’ua tregoj këtë reportazh. Kaq i rëndë është…..