Një video e publikuar në rrjetet sociale tregon momentin kur kryeministri Edi Rama është përballur me protesta edhe në Bruksel, ku ndodhej sot.
Protestuesit thërrasin drejt tij “Rama në burg” disa herë, ndërsa kreu i qeverisë shqiptare kthen kokën, por pa reaguar.
Kjo nuk është hera e parë që Rama përballet me protesta ndaj tij edhe gjatë vizitave zyrtare jashtë Shqipërisë, me shqiptarët që kanë protestuar ndaj tij në disa vende evropiane, si edhe në SHBA. bw
Në ditën e 22 të bojkotit të universiteteve, studentë dhe pedagogë kanë vijuar rezistencën e tyre për të kërkuar dorëheqjen e Edi Ramës dhe qeverisë së tij.
I pyetur nga gazetarja e Syri Tv, Fjona Çela, një pedagog ka theksuar se bojkoti vijon dhe se ata nuk do të reshtin së kërkuari dorëheqjen e kryeministrit, sepse kjo është një diktaturë shumë më e sofistikuar se ato të shkuarat. Ai u ka bërë thirrje studentëve të rezistojnë, mediave që të lëshojnë këtë pushtet të korruptuar dhe të kthejnë kamerat nga ajo çfarë po ndodh për të mirën e të gjithë shqiptarëve.
“Ne vazhdojmë bojkotin për aq kohë sa shumë çështje nuk janë zgjidhur, sidomos çështja kryesore, dorëheqja e kryeministrit Rama. Nuk do të reshtim së kërkuari këtë lloj të drejte. Në këtë pikë ku ka vajtur e gjitha po tregon edhe më qartë një lloj diktature që po vendoset. Ne e qasim me diktaturat e vjetra, por kjo është shumë herë më e sofistikuar. Kështu që mendoj se kjo protestë i ka nxjerrë në pah të gjitha këto gjëra. I bëj thirrje të gjithë studentëve që të rezistojnë në këtë gjë që kanë nisur. I bëj thirrje gjithë pedagogëve t’i mbështesin studentët. I bëj thirrje të gjithë qytetarëve që të hapin sytë dhe të shohin se çfarë po ndodh dhe të ndërgjegjësohen për këtë gjë. I bëj thirrje mediave se është koha që të lëshojnë pushtetin e kalbur, të korruptuar dhe të marrin një tjetër lloj ndërgjegjeje brenda tyre dhe të jenë më transparentë dhe të kthejnë kamerat nga ajo që po ndodh. Është koha të bashkohemi të gjithë”,- tha ai.
Studentët kanë ironizuar kryeministrin Edi Rama në lidhje me kërkesën e tij për dialog, ndërsa ata i kërkojnë dorëheqjen.
Mbi disa karrige tek Universiteti Politeknik, studentët kanë vendosur disa fotografi të dhunës policore ndaj të rinjve, krahas së cilave kanë vendosur edhe disa letra në të cilat është shkruar: ”Diktator”.
Kujtojmë që edhe sot kryeministri bëri thirrje për dialog, por të rinjtë janë shprehur të vendosur se kërkesa e tyre për dorëheqje mbetet e panegiueshme. Panorama
Studentët kanë nisur këtë mëngjes marshimin në universitetet e kryeqytetit, duke vijuar protestën kundër qeverisë dhe duke kërkuar bojkotimin e procesit mësimor.
Pas Politeknikut, marshimi ka nisur drejt Universitetit të Arteve, ndërsa më pas të rinjtë pritet të vijojnë në fakultetet e tjera të Tiranës, ku do t’u bëjnë thirrje studentëve që t’u bashkohen protestave dhe të braktisin auditorët.
“Protestë deri në dorëheqjen e Ramës”, është mesazhi që shoqëron lëvizjen e tyre, ndërsa studentët theksojnë se nuk do të tërhiqen deri në plotësimin e kërkesave.
Ata bëjnë me dije se kanë zhvilluar diskutime dhe kanë vendosur bashkëpunim me grupe studentësh në universitete të ndryshme, përfshirë edhe studentët e Mjekësisë, me synimin për të zgjeruar bojkotin dhe për të bashkuar zërat e të rinjve.
Marshimi vjen në ditën e 22-të të protestës, e cila tashmë po shtrihet edhe në ambientet universitare, përmes thirrjeve për bojkot të mësimit dhe mobilizim të studentëve. bw
Studentët vijojnë protestën e tyre, ndërsa përmes pankartave kanë përcjellë mesazhe të forta kundër akuzave për ndikime të huaja dhe largimit të të rinjve nga vendi.
“Nuk na solli Rusia, nuk na solli Greqia, nuk na solli Veliaj, nuk na solli Partia, na thirri Shqipëria”, shkruhet në një prej pankartave të mbajtura nga protestuesit.
Me këtë mesazh, të rinjtë kundërshtojnë pretendimet se lëvizja e tyre nxitet nga faktorë të jashtëm apo interesa politike, duke theksuar se protesta buron nga shqetësimet dhe kërkesat e tyre.
Një tjetër pankartë përcjell shqetësimin për emigrimin e të rinjve: “Diploma nuk është biletë emigrimi”, ndërsa studentët vijojnë t’u bëjnë thirrje kolegëve të tyre të bojkotojnë mësimin dhe t’i bashkohen protestës.
Përmes këtyre mesazheve, studentët kërkojnë që zëri i tyre të dëgjohet dhe që e ardhmja e të rinjve të mos lidhet me largimin nga Shqipëria. bw
Protesta ditën e sotme ka nisur në dyert dhe sallat e universiteteve.
Studentë të Politeknikut janë mbledhur dhe kanë marshuar fillimisht tek Fakulteti i Historisë dhe Filologjisë, ku janë futur brenda me thirrjet “bojkotoni mësimin”.
Ata kanë kaluar në çdo sallë, duke hyrë dhe duke bërë thirrje për t’iu bashkuar.
Të njëjtën gjë e kanë bërë edhe tek fakultetin e Ekonomisë dhe Gjuhëve të Huaja, teksa së fundmi po drejtohen tek Juridiku.
Ndërkohë, raportohet se Universiteti i Mjekësisë po kryen rregullisht mësim.
Pas marshimit ata u rikthyen në Universitetin e Mjekësisë./balkanweb
Studentët kanë nisur protestën e 21-të kundër kryeministrit Edi Rama. Ata hynë në ambientet e Universitetit të Arteve, duke bërë thirrje që t’u bashkohen atyre në revoltë.
Me thirrjet “Rama jepe dorëheqjen”, “Rama në burg, Berisha në burg”, ata dolën nga Universiteti i Arteve dhe janë nisur drejt Drejtësisë.
Ata hynë në ambientet e Fakultetit të Drejtësisë, me të cilët u bashkuan edhe studentët që studiojnë në këtë institucion
Të rinjtë kanë refuzuar dialogun me kryeministrin Edi Rama, duke theksuar se kërkesa e tyre për dorëheqje mbetet e panegociueshme. Panorama
Demokratët Europianë kanë reaguar lidhur me protestën e zhvilluar një ditë më parë në Tiranë, duke shprehur shqetësimin për pretendimet e organizatave kundër torturës mbi përdorimin e tepruar të forcës, keqtrajtimin dhe ndalimet arbitrare të protestuesve.
Në reagimin e tyre, ata dënojnë dhunën ndaj efektivëve të policisë dhe grave, por theksojnë se shteti nuk mund t’i përgjigjet dhunës me abuzim apo torturë.
Demokratët Europianë i kanë kërkuar qeverisë së Edi Ramës të garantojë hetime të pavarura për pretendimet e ngritura, të vendosë para përgjegjësisë personat përgjegjës për shkeljet dhe të sigurojë që policia të përdorë forcë proporcionale gjatë menaxhimit të protestave.
Në mesazhin e tyre, ata theksojnë se respektimi i të drejtave të njeriut dhe ndalimi i torturës janë parime që nuk mund të shkelen në asnjë rrethanë.
“Tortura nuk ka vend në Europë”, përfundon reagimi i Demokratëve Europianë.
Reagimi i plotë:
“Dje në Shqipëri, organizatat kundër torturës ngritën akuza serioze për përdorim të tepruar të forcës, keqtrajtim dhe ndalime arbitrare gjatë protestave.
Dhuna ndaj efektivëve të policisë dhe grave duhet të dënohet me vendosmëri dhe pa asnjë ekuivok. Por asnjë shtet nuk mund t’i përgjigjet dhunës me abuzim apo torturë.
Qeveria e Edi Ramës duhet të garantojë hetime të pavarura, vënie para përgjegjësisë dhe përdorim proporcional të forcës nga policia.
Tortura nuk ka vend në Europë.”
bw
Protesta e 19-të e studentëve në Tiranë u shndërrua të shtunën në një përballje të fortë me policinë, me kosha mbeturinash në flakë, gurë e bomba molotov, gaz lotsjellës dhe ujë me presion.
Qëndresa nisi në mesditë përpara Ministrisë së Arsimit, vijoi me marshimin drejt Kryeministrisë dhe përfundoi me shpërndarjen e protestuesve në rrugët e kryeqytetit, ku pati përplasje të tjera me forcat e rendit.
Të rinjtë u mblodhën për të 19-ën ditë radhazi, duke kërkuar dorëheqjen e kryeministrit Edi Rama dhe duke përsëritur thirrjet kundër qeverisë. Mes sloganeve që u dëgjuan në bulevard ishin “Rama, dorëhiqu!” dhe “Pa rini nuk ka Shqipëri!”. Tubimi nisi në mënyrë paqësore, por situata u tensionua pas djegies së disa koshave të mbeturinave dhe hedhjes së gurëve në drejtim të efektivëve të policisë.
Refuzimi i PD-së dhe thirrjet kundër të dyja palëve politike
Një tjetër zhvillim i protestës ishte qëndrimi i studentëve ndaj përpjekjes së Partisë Demokratike për t’iu bashkuar tubimit. Demokratët nisën marshimin nga Kryeministria drejt Ministrisë së Arsimit, por deputetët e PD-së nuk u mirëpritën nga protestuesit, të cilët kërkuan që lëvizja të ruante karakterin e saj të pavarur.
Të rinjtë artikuluan thirrjen “Opozita jemi ne!”, ndërsa në bulevard u dëgjuan edhe slogane kundër të dyja forcave kryesore politike: “Rama në burg, Berisha në burg!”. Studentët u shprehën se nuk duan që protesta të përvetësohet nga partitë dhe se kërkesa e tyre për ndryshim nuk drejtohet vetëm kundër qeverisë, por edhe kundër klasës politike.
Gurë, molotovë dhe autobotët e ujit në veprim
Përplasjet e para u shënuan pranë Ministrisë së Arsimit. Disa protestues hodhën gurë, sende të forta dhe bomba molotov në drejtim të policisë dhe autobotit të ujit. Disa prej molotovëve përfunduan pranë mjetit të ujëhedhjes, duke shkaktuar shpërthime dhe flakë.
Policia reagoi me ujë me presion dhe gaz lotsjellës, ndërsa në terren ishin dislokuar forca të shumta të FNSH-së, Shqiponjave dhe efektivë të tjerë. Për mbarëvajtjen e protestës ishin angazhuar mbi 2 mijë punonjës policie, ndërsa në gatishmëri ishin vendosur edhe autobotë të shumtë.
Pavarësisht ndërhyrjes së policisë dhe reshjeve të dendura të shiut, protestuesit nuk u tërhoqën. Ata marshuan përgjatë Bulevardit “Dëshmorët e Kombit”, duke kaluar edhe pranë selisë së Partisë Socialiste, ku policia kishte vendosur efektivë për të garantuar sigurinë e godinës, dhe vijuan drejt Kryeministrisë.
Droni lëshon gaz nga ajri, policia ndërhyn me forca të shumta
Tensionet u përshkallëzuan edhe më tej përpara godinës së Kryeministrisë. Policia përdori autobotë me ujë me presion dhe gaz lotsjellës për të shpërndarë protestuesit. Një nga zhvillimet më të pazakonta ishte përdorimi i një droni të Policisë së Shtetit, i cili dyshohet se lëshonte gaz lotsjellës nga ajri. Gjatë ndërhyrjes, droni u rrëzua mbi protestuesit, ndërsa efektivët u afruan menjëherë në zonë.
Në bulevard u panë autoblinda dhe mjete të shumta policie, përfshirë autobotë të rinj ujëhedhës. Forcat e rendit ndërhynë për të shpërndarë turmën, ndërsa protestuesit u larguan nga zona e Kryeministrisë drejt rrugëve dhe rrugicave përreth. Edhe në këto zona u raportuan përplasje të tjera, ndërsa policia vijoi ndjekjen e grupeve të protestuesve.
Kështu, dita e 19-të e revoltës studentore u mbyll me një tjetër përshkallëzim të situatës në kryeqytet. Pas gati tri javësh protestash, studentët vijojnë të kërkojnë largimin e kryeministrit Edi Rama, ndërsa qëndrimi i tyre kundër përfshirjes së partive politike mbeti një nga mesazhet kryesore të tubimit. bw
Kryeministri i Kosovës dhe kryetari i Lëvizjes Vetëvendosje, Albin Kurti, ka komentuar protestat e zhvilluara në Shqipëri, duke shprehur habi për përpjekjet për të lidhur partinë që ai drejton me protestat dhe përplasjet e dhunshme.
Gjatë mbledhjes së 64-t të Këshillit të Përgjithshëm të Vetëvendosjes, Kurti deklaroi se partia e tij tashmë është forcë qeverisëse dhe jo protestuese, duke theksuar se nuk pranon të instrumentalizohet nga askush.
“Kam parë me habi se si zëra të ndryshëm janë përpjekur t’ia faturojnë edhe Vetëvendosjes këto protesta, por ne sot jemi forcë qeverisëse dhe jo forcë protestuese. Edhe kur kemi qenë forcë protestuese, protestave u kemi dalë në ballë vetë dhe kurrë nuk kemi ndenjur anonimë”, u shpreh Kurti.
Ai theksoi se zhvillimet në Shqipëri ndiqen me shqetësim dhe përgjegjësi, duke e cilësuar përparimin demokratik të vendit si një përgjegjësi historike kombëtare.
Sa i përket përplasjeve gjatë protestave, kreu i qeverisë së Kosovës dënoi dhunën dhe lëndimet ndaj qytetarëve, ndërsa nënvizoi se krahas përgjegjësive penale duhet të analizohen edhe shkaqet që çojnë në përshkallëzimin e situatave.
“Rendi publik dhe liria e protestës duhet të mbrohen njëkohësisht”, deklaroi ai.
Kurti u ndal edhe te marrëdhëniet mes Kosovës dhe Shqipërisë, duke theksuar se dy vendet nuk janë dhe nuk do të jenë rivale. Ai shprehu mbështetjen për avancimin e Shqipërisë drejt Bashkimit Europian dhe për thellimin e bashkëpunimit në fusha si ekonomia, infrastruktura, arsimi dhe siguria.
“Shqipërinë e duam gjithmonë dhe pavarësisht rrethanave. Ajo është pjesë e pandashme e qenies sonë kombëtare. Prandaj, zhvillimet atje i përcjellim me shqetësim, kujdes, përgjegjësi dhe dashuri. Përparimi demokratik i Shqipërisë është edhe përgjegjësi historike kombëtare. Është e rëndësisë jetike që ne shqiptarët t’ia dëshmojmë vetes se dimë të ndërtojmë demokraci që i qëndron trysnisë së kapitalizmit dhe qeverisje që nuk i përkulen oligarkisë. Ne nuk kemi patur rastin të flasim për to, të zënë siç kemi qenë me fushatën dhe zgjedhjet e qershorit e më pas me tensionin pothuaj dramatik që na shoqëroi deri te zgjedhja e presidentes. Kam parë me habi se si zëra të ndryshëm janë përpjekur t’ia faturojnë edhe Vetëvendosjes këto protesta, por ne sot jemi forcë qeverisëse dhe jo forcë protestuese, e edhe kur kemi qenë forcë protestuese, protestave u kemi dalë në ballë vetë dhe kurrë nuk kemi ndenjur anonimë. Nuk e kemi vlerësuar kurrë si të denjë taktikën e ‘hedhjes së gurit dhe fshehjes së dorës’ dhe i kemi ndenjur larg instrumentalizimeve, as nuk kemi pranuar të na instrumentalizojë kush, as nuk kemi instrumentalizuar të tjerët. Ne jemi në krye të Qeverisë Republikës së Kosovës, e Kosova nuk është dhe nuk do të jetë kurrë rivale e motrës së saj. Ne gëzohemi për avancimet e Shqipërisë drejt Bashkimit Europian, apo për arritjet e ekonomisë dhe turizmit të Shqipërisë. Ne me gjithë zemër duam dhe dëshirojmë që këto arritje të Qeverisë së Shqipërisë e të popullit shqiptar të konsolidohen dhe të zgjerohen edhe me projekte të përbashkëta mes Kosovës dhe Shqipërisë, infrastrukturore, ekonomike, arsimore, ushtarake e jo vetëm”, ka deklaruar kryeministri i Kosovës, Albin Kurti. bw
Mijëra studentë e qytetarë janë bërë bashkë në protestë te Ministria e Arsimit.
Thirrjet “Rama në burg”, “Belinda në burg”, “ju erdhi fundi”, dëgjohen në protestën e studentëve.
Forca policia janë vendosur gardh para Ministrisë së Arsimit. Protesta e studentëve vijon prej 19 ditësh dhe kërkojnë largimin e qeverisë Rama.
Gjithashtu te Kryeministria u mbajt protesta e organizuar nga PD në mbështetje të studentëve.
Pas protestës para Kryeministrisë, demokratët iu bashkohen studentëve që po protestojnë para Ministrisë së Arsimit.
Deputeti i Partisë Demokratike, Flamur Noka, ka përcjellë një mesazh të fortë për kryeministrin Edi Rama nga protesta e opozitës para Kryeministrisë, e thirrur në mbështetje të studentëve.
Noka kërkoi largimin e Ramës nga pushteti, ndërsa deklaroi se PD do të mbështesë kërkesat e studentëve dhe se protesta e opozitës do të vijojë në krah të tyre.
“Edi Rama, largohu! Nuk e mban dot pushtetin. Askush nuk të mbështet më. Me dhunë policore e kanë tentuar edhe diktatorë të tjerë, por ti e di se si u vjen fundi. Kërkesat e tyre duhet të respektohen. Zëri i tyre duhet të dëgjohet. PD do të mbështesë kërkesat e studentëve. Ne u mblodhëm këtu për të filluar protestën, tashmë protesta jonë do të vijojë te studentët.
Çaushesku tentoi që të mbijetonte me masa represive, por ky popull e theu murin e egër të diktaturës në vitin 1990. Nuk e ndal njeri vrullin e shqiptarëve. Shqiptarët kërkojnë sot shtet!”, deklaroi Flamur Noka. bw
Në këto momente të vështira të jetës sime, ku pas një dhimbjeje të madhe po përballem edhe me një sfidë tjetër të rëndësishme për shikimin e syrit, dua të shpreh mirënjohjen time më të sinqertë për të gjithë.
Një falënderim i veçantë për të gjithë shokët, miqtë, familjarët dhe shqiptarët kudo që ndodhen në botë, që më kanë qëndruar pranë me mesazhe, telefonata, fjalë të ngrohta dhe lutje. Çdo fjalë e juaja më ka dhënë forcë, shpresë dhe kurajë për të vazhduar përpara.
Në një moment kur zemra ka nevojë për mbështetje, ju më treguat se nuk jam vetëm. Solidariteti, dashuria dhe respekti që më keni dhuruar kanë një vlerë të jashtëzakonshme për mua.
Faleminderit të gjithë shqiptarëve, kudo që jeni, që më keni treguar se zemra shqiptare është gjithmonë pranë njëri-tjetrit, në ditët e mira dhe sidomos në ditët e vështira.
Dhe mbi të gjitha, falënderoj Zotin për forcën, për jetën dhe për shpresën që më jep çdo ditë. Lutem që kjo sfidë të kalojë me sukses dhe që të gjithë të kemi shëndet e bekime.
Zoti ju shpërbleftë secilin për dashurinë dhe mbështetjen tuaj!
Mirënjohje pafund, U shtofshin Shqiptarët e mirë 
Bregu i Diellit – bregu i pavdekësisë- Nga ARIF EJUPI
JETA NUK MERRET NË EMËR TË MOSBESIMIT DHE URREJTJES- Nga ARIF EJUPI
Idealist e guximtar- Nga ARIF EJUPI
Një prej themeluesve të Akademisë së Shkencave, Luan Omari, i biri i Bahri Omarit, ndahet nga jeta në moshën 101-vjeçare
Peter Lang boton studimin e ri të historianit Romeo Gurakuqi mbi mbijetesën dhe rindërtimin e shtetit shqiptar pas Luftës së Parë Botërore
HOROSKOPI I MUAJIT NËNTOR 2026
Demokratët marrin kontrollin e të dyja dhomave të Kongresit
Këndi i humorit: Ia sjell mendjen vërdallë babait
Aforizmi i ditës- 4 nëntor 2026
HOROSKOPI E MËRKURË 4 NËNTOR 2026
Çfarë jete kjo e avokatit! Nga Av Dorian Matlija
Kush spiunonte kë? Hungaria hap nesër më 4 Nëntor 2026 dosjet sekrete të komunizmit pas 37 vitesh
Sa iu kam simpatizuar o Jozefinë. Madje më je dhimbsur se të sulmonin shumë. Më befasove. Jo për qëndrimin kundra, por për atë që vërtetë na e paske quajtur vehten si njësh, si shejëreshë, si të pazevendësueshme në PD. Jooo o Joz shenjtëreshë jo ti. Nës qeësohesh edhe vetë i gjen ca gjynahe që nuk të lënë të bëhesh shenjtëreshë. Madje nëse shenjtërit do kishin qëndrime të tilla do t’i urreja. Ty nuk do të urej. Do të lutem ta gkërkosh e ta gjesh qetësinë, t’i thërasësh mendjes. Gjëja më minimale që duhet të bësh në këto momente është që të ngrihesh kundra atyre që u përpoqën e po përpiqen të shpërbëjnë PD. Nuk dua të besoj se deri tani, dashje pa dashje, edhe ty në atë gruppo iu etiketonjë demokratët, ato demokratë që të kan ndjekur pas pa interes pa pretendime për ndonjë post. Ata që iu besojnë krahëve të ve e jo kolltukut që ua japin të tjerët. Koltuku nuk është i përjetshëm.
Ma zi i msumi se i deshirumi . Kush eshte msuar e vuan keq. Kjo gje eshte per te gjitha llojet e orekseve
Sa me shume flet Jozefina Topalli dhe kori i privilegjhumburve aq me shume bindesh cfare llumi ka grumbulluar Partia qe njehere e njekohe ishte shpresa e shqiptarve.
Ta bej te qarte qe ne fillim Basha me ka zhgenjyer shume qe me reformen territoriale qe nuk beri asgje si kryetar opozite duke e cuar ate ne zgjedhjet e 2015s si cjapi te kasapi.
Basha pati 2 vjet kohe fill pas ketyre zgjedhjeve te ndertonte nje kauze per ndryshimin e kodit elektoral dhe Rama nuk mund te justifikohej per mungese afatesh per votimin elektronik. Por e verteta eshte qe nuk e deshi ate ndryshim por bente vetem retorike duke e ditur qe kjo nuk behej dot 2 muaj para zgjedhjeve.
Basha nuk u distancua prere nga gabimet qe kishte bere PD dhe Berisha duke filluar me mjelesit e pushtetit te PD duke perfshire edhe Jozin qe mbushi ambasadat me famijaret e saj.
PD ja e Bashes nuk u dostancua nga Ligji Kriminal 7501;
PD ja e Bashes nuk ju kerkoi falje shqiptareve per trajtimin skandaloz te shtreses se te perndjekurve. Shqiperia eshte I vetmi vend qe nuk ka pastruar qelizat e saj nga sigurimsat qe ju kane sherbyer rregjimit famekeq dhe sherbimeve te huaja. Basha nuk i ka permendur dosjet.
Basha nuk eshte distancuar nga gabimet skandaloze qe ka bere PD e Berishes me servilosjet ndaj Greqise duke lejuar varreza te ushtareve (pushtues) greke ne token shqiptare dhe duke flirtuar me nje sharlatan si Vasil Bollano ne Himare duke e shpallur kete te fundit praktikisht minoritet kur historigrafia shkencore e mirefillte deshmon te kunderten.
Basha perkundrazi futi ne listat e PD se Vangjel Dulen qe i quan camet fashiste njelloj si Agimi i Arte ne Greqi dhe la jashte listave nje personalitet si Sulejman Gjana i lindur ne Bruksel prej nje familjeve patriote shqiptare e arratisur prej bandave te Enver Hoxhes.
Basha nuk ka dhene asnje shenje qe partia qe ai drejton ka ndermend te distancohet nga oligarket qe shqiptaret i njohin me emer e mbiemer por askush nuk i permend se kane frike pasi ata kontrollojne gjithcka qe nga pushteti legjislativ ai ekzkekutiv nepotist, media visuale dhe e shkruar.
Basha me gjysme zeri filloi te mermerise te verteten e George SOROS ne Shqiperi dhe pergundoi duke futur ne listat e partise se tij listen e nje sharlatani nga fshatrat e Elbasanit qe drejton ndermarrjen SOROS ne Shqiperi. Kjo nuk eshte politike e nje opozite por politike e neveritshme qe te ngjall krupen por jo shpresen.
Politika duhet te jete konsekuente qe te ngjalle shprese dhe besim.
MEGJITHATE Basha i ka bere vetem nje te mire Partise Demokratike duke lene jashte listave Jozefina Topallin dhe grupin e privilegjhumburve.
Jozi ju tregoi shqiptareve se sa brume ka si politikane kur doli pas nje tavoline druri me Arben Imamin qe pas bemave te tij ne vitin zi NENTEDHJETE E SHTATE duhet te ishte jo ne PD sic e ktheu Berisha por ne burg bashke me shume te tjere qe kishin kontribuar ne vdekjen e se paku kater mije shqiptareve ne ate vit. Biles ky Gjenerali ofendoi pa piken e turpit nenat shqiptare duke i krahasuar me kafshet ….kane pjelle nga tre kater femije – tha ai ne nje television direkt dhe asnje nga Partia Demokratike nuk u distancua nga fjalori i tij, asnje nga mediat e KAZANIT (ka te drejte Rama) nuk e tha asnje fjale. A e imagjinon cdo te kishte ndodhur ne Perendim nese nje politikan do te bente nje deklarate te ngjashme? Zonje juve e para si grua, si Nené duhet te kishit reaguar prere dhe qarte. Ne se grate dhe nenat shqiptare nuk i mbron nje ish kryetare Kuvendi si ju, kush do ti mbroje? Ju heshtet. Kjo eshte e turpshme. A ka ndonje te aferm ajo zonje qe ta keshilloje te pakten se keto gabime jane me shume se foshnjarake.
Zonje do te te bej nje pyetjes permes ketij komenti ne kete portal te nderuar. Je shprehur se Basha u katapultua pa asnje merite ne PD ne vitin dymije e pese, po cfare merite patet ju qe Berisha te beri deputete ne vitin rrumpalle nentedhjete e gjashte?
Demokratet e vertete nuk e duan Bashen se nuk e ka kthyer PDne ne shinat ku duhet te jete, Demokratet nuk e duan Selamin se ka qene nje zhgenjim shume i madh keto kater vjet te shkuar dhe ka fjetur gjume kater vjet ne radhe, por Demokratet e vertete nuk duan te ju a shohin bojen as te jua degjojne zerin juve karrigehumburve. Sinqerisht ju a them ju keni humbur cdo lidhje me realitetin shqiptar.
Partia per ju eshte sa permasat e vitheve tuaja, Shqiperia per juve eshte eshte sa permasat e karrigeve tuaja.
Demi me I madh qe I keni bere asaj partie nuk eshte vetem tkurrja e saj por fakti qe i keni bere shqiptaret te mendojne se Edi Rama ne keto kushte eshte e keqja me e vogel kur ne cdo shtet tjeter serioz edhe sa Maqedonia apo Mali i Zi do ta kishin rrezuar nga pushteti dy vite te shkuara dhe jo ta votonin perseri kete vere. Per hir te Zotit te pakten heshtni, ky do ishte nje favor qe do I benit publikut.
Kamqënë i këtij mendmi.Ju prkrah me forcën e shpirtit.Edhe në parinë e punës nuk pati kaq llum ose ky llum u angazhua në PD që sengriti dhe ska përtangritur kurrë kokën.Mendoj të quaj PS emokratë dhe PD stan me lepuj.