Protestat e shqiptarëve prej ditësh kanë kaluar tashmë kufijtë e Shqipërisë, duke u shtrirë në shumë vende të botës ku jeton diaspora shqiptare. Revolta e nisur në Tiranë ka gjetur jehonë edhe jashtë vendit, me tubime dhe protesta të organizuara nga shqiptarët në qytete të ndryshme.

Një protestë e madhe është zhvilluar së fundmi në New York, ku qindra shqiptarë janë mbledhur për të shprehur pakënaqësitë e tyre dhe për të kërkuar dorëheqjen e kryeministrit Edi Rama dhe të qeverisë së tij.

Gjatë protestës, pjesëmarrësit kanë ngritur shqetësime lidhur me situatën politike dhe sociale në Shqipëri. Në fjalimet e mbajtura u përmend edhe oligarku i Ramës, Gjergj Luca, pas publikimit të një videoje ku ai shihet se përdor të miturit duke i shfrytëzuar ata për punë të rënda.

Sipas prtoestuesve, qytetarët nuk duhet të qëndrojnë indiferentë ndaj zhvillimeve që ndikojnë në të ardhmen e vendit. Ata u bënë thirrje shqiptarëve brenda dhe jashtë vendit që të vazhdojnë të ngrenë zërin dhe të kërkojnë largimin e Ramës e qeverisë.