VOAL

VOAL

Copyright © 2022

VOAL

Prishtinasit kërkojnë ajër të pastër

January 31, 2018

Disa qindra qytetarë të Prishtinës, me moton “Duam ajër të pastër”, kanë protestuar sot në sheshin “Skënderbeu” dhe para objektit të Kuvendit të Kosovës, me qëllim të sensibilizimit të opinionit dhe institucioneve të vendit për nivelin alarmant të cilësisë së ajrit në kryeqytet.

Ditët e fundit, cilësia e ajrit, sipas matjeve zyrtare, është e rrezikshme për shëndetin e njerëzve.

Komuna e Prishtinës dhe Qeveria e Kosovës kanë marrë masa të caktuara, në përpjekje për ta ulur nivelin e ndotjes së ajrit.

Protestuesit në Prishtinë kanë vendosur para Kuvendit të Kosovës pankartat me mesazhe kundër ndotjes së ajrit.

“Helm”… “U ngufatëm”…”Kontrollo cilësinë e naftës”…” Ajër”,, ishin disa nga mesazhet nga parullat që mbanin në duar protestuesit.

Në emër të qytetarëve që kanë protestuar ka folur Vullnet Krasniqi, i cili ka thënë se përgjegjësinë kryesore për cilësinë e ajrit në Prishtinë, e bartin institucionet e vendit, për shkak të shpërfilljes që i kanë bërë këtij problemi për vite të tëra.

“Sot jemi mbledhur për të protestuar për diçka elementare, sikur ajri. Bash sot, pas 17 vjetësh që nuk kanë bërë asgjë, sot e kanë gjetur që të organizojnë një mbledhje të jashtëzakonshme për ajrin. Por, është mjaft. Nuk duam më t’ju dëgjojmë duke folur. Ju kemi dëgjuar qe 17 vjet. Tash duam ajër, ajër të pastër”, theksoi Krasniqi.

Ai ka shtuar se kërkesa e protestuesve është që të furnizohen shkollat dhe qendrat mjekësore me maska për mbrojtje nga ajri i ndotur.

Në anën tjetër, në koordinim me autoritetet qendrore të vendit, autoritete komunale të Prishtinës kanë nisur sot zbatimin e disa masave për uljen e nivelit të ndotjes së ajrit.

Ato kanë ndaluar shitja e thëngjillit brenda territorit të Prishtinës, si dhe qarkullimi i të gjitha automjeteve brenda qytetit të Prishtinës nga ora 6 deri në orën 22, përveç atyre të transportit publik, automjeteve emergjente, të policisë, të misioneve diplomatike, të Forcës së Sigurisë së Kosovës, të EULEX-it, inspeksionit, taksive të licencuara.

Në rrugët e Prishtinës janë angazhuar pjesëtarët e Policisë së Kosovës për kontrollimin e trafikut dhe patrullat policore janë parë në të gjitha rrugët që qojnë drejt qendrës së qytetit.

Megjithatë, disa qytetarë të Prishtinës, të cilët kanë marrë pjesë në protestë, i kanë vlerësuar masat e autoriteteve si të pamjaftueshme.

Arbnora Ademi nga Prishtina, thotë se për cilësinë e ajrit duhet të vetëdijesohen edhe institucionet, por edhe vetë qytetarët.

“Jo, nuk mendoj që janë masat e duhura dhe korrekte. Por, duhet po aq sa Qeveria edhe ne si popull me qenë të kujdesshëm. Nuk janë vetëm veturat, por ka edhe ndotje tjera më të vogla dhe që krijojnë diçka më të madhe”, tha Ademi.

Fatmir Curri, po ashtu nga Prishtina, thotë se tash e disa vite, sidomos në stinën e dimrit, ajri në Prishtinë është i ndotur. Por, sipas tij, ditëve të fundit është shpërfaqur vetëdijësimi më i madh i qytetarëve për gjendjen alarmante të ajrit.

“Këto masa që i ka marrë sot Komuna nuk janë të mjaftueshme, sepse e dimë që ndotësi kryesorë është Obiliqi, pastaj djegësit e qymyrit, por edhe për veturat po thuhet që po marrin pjesë. Ajo që mungon është një analizë e vërtetë se cilët janë shkaktarët e më pas të merren masat e duhura”, theksoi Curri.

Të dhënat që ditë më parë ka ofruar Ambasada e Shteteve të Bashkuara të Amerikës në Kosovës tregojnë se vlerat e PM 2.5 janë disa herë jashtë normales, duke arritur edhe mbi 400 grimca, sipas kësaj matjeje.

  • 16x9 Image

    Bekim Bislimi

    Bekim Bislimi ka lindur më 20. 03. 1968 në Vërban të Vitisë. Prej muajit dhjetor të vitit 2001 e deri më tash punon si korrespondent i Radios Evropa e Lirë, për shërbimin në gjuhën shqipe.

  • twitter
  • facebook
  • linkedin
Fjalë kyçe: , ,

Komentet

Lajme të ngjashëm

Berat- Kandidati i pavarur Pavlo Shkarpa: Mesazh publik për Ervin Cecën dhe KM-Rama

VOAL- Kandidati i pavarur për kryetar bashkie të Beratit, Pavlo Shkarpa, nëpërmjet një mesazhi në prag të votës së 9 nëntorit, ia kujton kundërshtarit Ervin Ceca, ushtrues i detyrës në krye të bashkisë, se në podcastin e Kryeministrit ai u paraqit tejet të pasigurt, i rezervuar dhe dukshëm i intimiduar. Z. Shkarpa ia kujton gjithashtu kundërshtarit se Berati meriton drejtim me integritet, guxim dhe dashuri të sinqertë për qytetin:
Ervin,
Në podcastin e Kryeministrit, të pashë tejet të pasigurt, të rezervuar dhe dukshëm të intimiduar. Me keqardhje, po ta them hapur: ti po vepron më shumë si marionetë, sesa si kryetar që mbron me dinjitet qytetin e Beratit.
Mungesa jote e përgjigjes ndaj thirrjes sime për dialog tregon frikë dhe mungesë guximi për t’u përballur me mua, me qytetarët dhe me realitetin e Beratit. Je i ri, por i mbyllur në mënyrën e të menduarit dhe ajo që të mungon më shumë është pavarësia.
Unë nuk jam larg qytetit; jam në zemër të tij.
Veprimet e mia flasin vetë: kam lobuar për futjen e Beratit në UNESCO, kam themeluar grupin e këngës popullore “Shyqyri Fuga”, dhe kam kontribuar konkretisht për kulturën, traditën dhe komunitetin tonë. (Fotot më poshtë e dëshmojnë, me intelektualët e mirënjohur Xhorxh Zallemi, Myslym Otova dhe dirigjentin Ermir Dizdari, të shoqëruar atëkohë nga Dekani i Trupit Diplomatik, Shpëtim Caushi, Sekretari i Përgjithshëm të Këshillit të Europës, z. Terry Davies, në Strasbourg).
Po ti, Ervin, çfarë ke bërë për Beratin?
Deklarata bosh, mungesë prezence dhe qëndrime të varura nga lart. Në duart e tua, Berati rrezikon të shkatërrohet, sepse ti je thjesht një figurë e komanduar, jo një drejtues me vizion.
Ti del në qytet me patronazhistë dhe me lekët e qytetarëve; unë kam ecur në çdo lagje dhe fshat me djersën dhe mundin tim. Ndaj, kur të flasësh për mua, laje mirë gojën.
Sa për ju, Edi Rama dhe qeveria juaj, jeni bërë si ulkonja që ha këlyshët e vet pushteti juaj do të shembet nga brenda, nga padrejtësitë që vetë ushqeni.
Unë jam gati të përballem hapur, të flas dhe të dëshmoj për punën time të vërtetë në shërbim të qytetit. Sepse Berati nuk njihet nga fjalët, por nga veprat. Dhe veprat e mia janë aty, të prekshme, për t’u parë nga të gjithë.
Berati meriton më shumë se retorikë politike.
Berati meriton drejtim me integritet, guxim dhe dashuri të sinqertë për qytetin.🇦🇱

Deputeti i PD Blendi Himçi: Kandidati për bashkinë e Cërrikut, Amarildo Hoxha është pushuar nga puna

Dje në Kuvendin e Shqipërisë, deputeti i PD  Blendi Himçi denoncoi se kandidati për bashkinë e Cërrikut, Amarildo Hoxha është pushuar nga puna për shkak se kandidon për bashkinë e Cërrikut.

Blendi Himçi: Jo më shumë se sa sot me  një vendim nga Drejtoria e Shërbimeve Sociale të Shtetit ka ndërprerë marrëdhëniet e punës për kandidatin e pavarur për kryetar bashkie Cërrik, Amarildo Hoxha. Ndërkohë që ai është në fushatë dhe ndërpritet marrëdhënie për ta bërë formë presioni. Nuk ka model më të keq se gjatë fushatës t’i ndërpriten marrëdhëniet e punës kandidatit vetëm se po konkuron për kryetar bashkie.
Një këshill për Taulantin, shyqyr që më në fund pas shumë vitesh kur vendose partinë mbi Shqipërinë, sot ka kthyer mendje dhe ka vendosur Shqipërinë mbi partinë.

Taulant Balla: Nuk e di rastin. Natyrshëm dënoj rastin e çdo lloj rast të kësaj natyre, por nuk jam i informuar. Meqënë se kandidati juaj kandidon për kryetar bashkie dhe do zgjidhet pse e keni merkaun se do ngelet pa punë të hënën? Pra a kandidon ky të bëhet kryetar bashkie? Shife çik këtu shife, 5 me 0 dilni të dielën. 5 me 0 të dielën. Të vetmen garë që kemi ne është kush nga bashkitë do ketë rezultatin më të thellë, do e ketë Berati apo Tepelena, do e ketë Vlora, apo Cërriku, apo Burreli. 5 me 0 të dielën, shifemi të hënën.

© Panorama.al

“Pesë me zero ”, Balla ironizon PD për zgjedhjet e pjesshme: Gara jonë është se cila bashki do ketë rezultatin më të thellë

  Kryetari i Grupit Parlamentar i Partisë Socialiste, Taulant Balla, ka ironizuar sot në Kuvend opozitën.

 

Balla iu drejtua demokratëve se rezultati në zgjedhjet e pjesshme që do të mbahen në 5 bashki të vendit në 9 nëntor do të jetë 5 me 0 në favor të PS-së.

“Shife çik këtu shife, 5 me 0 dilni të dielën. 5 me 0 të dielën. Të vetmen garë që kemi ne është kush nga bashkitë do ketë rezultatin më të thellë, do e ketë Berati apo Tepelena, do e ketë Vlora, apo Cërriku, apo Burreli. 5 me 0 të dielën, shifemi të hënën”, tha Balla.

Komenti i Ballës erdhi pasi, demokrati Blendi Himçi tha se kandidati për bashkinë e Cërrikut, Amarildo Hoxha është pushuar nga puna për shkak se kandidon për bashkinë e Cërrikut./Panorama

Struktura e punësimit 2003-2023, Shqipëria në vendnumëro për profesionet e kualifikuara

Rritja e vendeve të punës me aftësi të larta në Shqipëri ka qenë më e ngadaltë dhe më e dobët se në Rajon nga 2002-2023 referon një studim i Bankës Botërore për Rajonin e Europës Juglindore dhe Azisë (ECA).

Për Shqipërinë, të dhënat tregojnë për një zhvendosje të dukshme nga punët manuale drejt punëve që kërkojnë aftësi më të ulëta në sektorin e shërbimeve, pa pasur rritje domethënëse të profesioneve të kualifikuara. Punët me aftësi elementare janë zgjeruar me 15% ndërsa ato më aftësi që kërkojnë arsim të lartë vetëm 5 % në dy dekada.

Grafiku i mëposhtëm tregon Shqipëria ka pësuar rënien më të madhe të vendeve të punës manuale rutinë, pra, të punëve fizike tradicionale që nuk kërkojnë shumë kualifikim, si në bujqësi apo industri të lehta. Këto zhvillime përkojnë me tranzicionin e ekonomisë shqiptare nga bujqësia drejt shërbimeve pas viteve 2000.

Në të njëjtën kohë, është vërejtur rritje e vendeve të punës në profesione me aftësi të ulëta, që kupton shtim të punëve në tregti, pastrim, kujdes personal apo transport, pra në sektorë me produktivitet të ulët dhe paga të ulëta.

Nga ana tjetër, vendet e punës për profesionistë apo menaxherë kanë pasur një rritje shumë të vogël, çka tregon se ekonomia shqiptare nuk ka arritur të krijojë në masë vende pune të kualifikuara, edhe pse është zhvendosur nga bujqësia. Për kategorinë e “teknikëve” dhe punëve rutinë ” (si administratë apo punë zyre), rritja është e kufizuar jo më shumë se 5% përgjatë 2002-2023.

Analiza tregon se Shqipëria ka kaluar nga një ekonomi bujqësore në një ekonomi të bazuar te shërbimet me intensitet të ulët aftësish, pa arritur ende fazën e modernizimit që karakterizon vendet më të zhvilluara të rajonit. Rritja e punëve të thjeshta, duke zëvëndësuar punët manuale tregon për një transformim strukturor ende të paplotë dhe me potencial të pashfytëzuar të produktivitetit dhe pagave.

Profesionet që kërkojnë arsim të lartë, aftësi analitike dhe përgjegjësi menaxheriale pothuajse nuk ka ndryshuar gjatë periudhës 2002–2023 dhe është më e ulët se në vende si Rumania, Polonia, Serbia apo Kroacia, ku pjesa e këtyre profesioneve është zgjeruar dukshëm gjatë dy dekadave të fundit.

Teksa vendet e tjera të rajonit kanë përjetuar një transformim drejt ekonomive të bazuara në dije, ku rritet pesha e profesioneve menaxheriale, të IT-së apo të sektorit financiar, Shqipëria ka mbetur kryesisht në fazën e shërbimeve të ulëta dhe të punëve rutinë, me shumë pak krijim të vendeve që kërkojnë arsim të lartë.

Ndryshimi i strukturës së punësimit në dy dekada tregon se, tranzicioni i Shqipërisë drejt ekonomisë së shërbimeve është zgjeruar në numër punonjësish , por jo në cilësi apo nivel aftësish.

Rumania, Polonia dhe Turqia kanë pasur rritje të dukshme të punëve për profesionistë dhe teknikë, pra të sektorëve me produktivitet të lartë.

Kroacia, Maqedonia e Veriut dhe Serbia kanë ndjekur një model të ndërmjetëm, me ulje të punëve manuale por shtim më të kufizuar të profesioneve të kualifikuara.

Shqipëria, Bosnja dhe Bullgaria ndodhen në grupin e vendeve që kanë përjetuar rënie të fortë të punëve rutinë-manuale, por pa e kompensuar këtë humbje me shtim të punëve me aftësi të larta.

Struktura e vendeve të punës në Shqipëri u zhvendos në sektorë me kosto të ulët dhe produktivitet të kufizuar, si tregtia, turizmi dhe transporti. Krahasuar me vendet e rajonit, progresi teknologjik dhe rritja e aftësive profesionale janë ende të ngadalta.

Ky model i ndryshimit të strukturës së punësimit tregon nevojën për politika arsimore dhe ekonomike që nxisin punësimin në sektorë me vlerë të shtuar, si teknologjia, shërbimet profesionale, arsimimi dhe inovacioni./ Monitor

UGSHPD: CV-të “MULTITASK” TË ATYRE QË QEVERISIN


Përse ATSH-ja nuk ka kohë ose i ka rralluar prurjet për këndin e imazhit të kryeministrit në krye-lajmet e ditës?
Për shembull përse këto ditë mungon “AI”mirëmëngjesi nga ndonjë kantier ndërtimi apo edhe nga ndonjë prerje shiriti i veprave me beton dhe asfalt?
Përse mungon shikimi nga zyra “sy m’sy” dhe podcast-i “Flasim” për një temë si drejtësia dhe korrupsioni?
Por as e shohim dhe vetën heshtim sepse Rama i përket Evropës.
Përse janë rralluar shkrepjet nga ndonjë skaj i mrekullive të natyrës ashtu sikurse shpesh ishin mësuar edhe ministrat/et e mandateve të mëparshme me statuset e hedhura në rrjetet sociale?
Pra përse po mungon kjo “multitask”-ë?

I përmendëm këto pasi në dy ditët e njëpasnjëshme media ndërkombëtare ka patur jo jashtë fokusit edhe kryeministrin e Shqipërisë Rama. Përkatësisht ishin dy tre tituj që ende nuk i ka bërë jehonë as ATSH, por as edhe mediat edhe televizionet të cilëve nuk u shpëton gjë.
Në të vërtetë thirrja në SPAK e zv/kryeministres Balluku me peshë të autorizuar firme sikurse edhe kryeministri për daljen e VKM-ve tronditi dhe duket sikur po shoqëron edhe ditët e zisë së heshtur të ndarjes nga jeta të ish kryetarit të PS Fatos Nano.
Megjithatë tre titujt që e kanë humbur përkohësisht vemendjen ishin  për Inteligjencën Artificiale, Budallallëkun* e Luftës në rastin e sulmit të Rusisë ndaj ndonjë vendi Evropian (23 prej 27 vendeve BE-së janë anëtare në NATO), apo “A mund ta çojë ministrja e inteligjencës artificiale e Edi Ramës Shqipërinë në rrugën drejt anëtarësimit në BE?”*, e deri tek më e fundit “Bisedimet për zgjerimin e BE-së deri 2030”, sponsorizime tematike që nuk e vënë asnjëherë dorën tek korrupsioni.
Ndërsa jeta e zakonshme e shqiptarëve duke pranuar të vërtetën dhe vështirësitë tregon ndryshe.

Në çdo ditë të zakonshme me korrupsion qeverisja duke ushtruar propagandën e saj sa të pa fre dhe të pa maskuar tashmë e ka shndërruar në normalitet dhe gati të pranueshme për shoqërinë atë se një post zyrtar sot i bën njëherësh shumë gjëra ose i njohur në të përditshmen e zotërimit të teknologjisë me multitask*. Pra punën e shtetit, jetën politike me partinë, një ose disa aktivitete private për të ndihmuar rrogën, e të tjera pas tyre sikurse edhe përballjen me drejtësinë kur ja lyp nevoja.

Kur njihesh me gjendjen dhe të thuhet për të bërë durim që të marrësh drejtësi përllogaritja e pritjes së një çështje gjyqësore me procedurë të zakonshme i kalon 12 vitet.
Me këtë të fundit, drejtësinë çështja ka të njëjtin rritëm.
“Përparësinë” sikur të ishte një një shtetas i zakonshëm.
Për shembullin, qytetari në qoftë se afati i një çështjeje gjyqësore me procedurë të zakonshme zgjidhet nga drejtësia mesatarisht nga 12 deri në 15 vjet (në të tria shkallët), atëherë ja dhe ku janë tre mandatet. Vetëm premtime dhe korrupsioni vazhdon.
Në ditët përpara 11 Majit, 2025 për shembull kur fushata e qeverisjes rilindase (e gjithë administrata), u ndez pa program, por ama që i referohej me shifra ditore numrit të turistëve që për 2025 duhej me doemos të arrinin  numrin e 15 milion vizitorëve (jo ditë/netë qëndrimi sepse as me ujë dhe as me ushqime nuk do të përballoheshin), ky bum-ekonomik, një potencial i sezonit të verës u shoqërua nga kryeministri me bum-in e shpërthimeve dhe me hedhjet e kontrolluara në erë të atyre pak sipërmarrjeve private. Me bumin e aksionit dhe zhurmën e fadromave për të çliruar hapësirat publike.
Por po ta shohësh me përparësi korrupsionin situata do të ishte shumë më ndryshe sepse do të flitej për të vërtetat.
Megjithëse propaganda e maskon realitetin me sponsorizime gazetash dhe me tituj artikujsh jo vetëm çdo ditë, por dhe dy-tre herë në ditë nga televizionet kombëtare, koha prag zgjedhjeve të 11 Majit kur shkrimet dhe fotot që veç “Giro d’Italia” Shqipëria bregdetare dhe malore për shkakun e çmime të favorshme krahasimet bëheshin me Maldivet, me alpet e Evropës dhe deri tek kuzhina mesdhetare, në të cilat Shqipëria me mikpritjen e njerëzve të saj të pakësuar si popullatë ofronte shumë zbavitje, sot e njëjta shtytje propagande bëhet në pragun e zgjedhjeve të pjesshme për 6 bashki.

Në shënimet e mëparshme UGSHPD i ka trajtuar subjektet e turizëm-propagandës aq shpesh sa që sot kur korrupsioni ka shpërthyer duke spërkatur edhe institucionet e specializuara të drejtësisë
mund të themi se artikuj të kësaj natyre si dhe reportazhe nga media botërore harrohen të vihen si tituj kryesorë në mediat e lidhura me pushtetin dhe televizionet kombëtare. Ky është mekanizmi i makinerisë shtetërore për të konfuzuar popullatën dhe për të mos ndalur korrupsionin bashkë me agjendat progresiste dhe globaliste të interesave të korruptuara.

Qytetarët provuan garën pa program të pushtetit, vetëm me kartën e BE-së 2030 dhe zgjatjen e pushtetit të korrupsionit me një mandat të katërt. E njëjta gjendje vazhdon. Humbasin miliarda dhe heshtet sepse drejtësia duhet të flasë.
Por le ta shohim ndryshe përfitimin nga heshtja përmes çështjeve gjyqësore të pazgjidhura. Sipas statistikave çështjet gjyqësore të bartura u duhen nga 12 vite, në 17 vite apo edhe 22 vite kohë për t’u zgjidhur në të tria shkallët.
Çfarë bëjnë ligjvënësit?
Ku janë përparësitë?
Mes politikanëve tani as dorëheqja dhe as përgjegjësitë nuk shihen si integritet, sepse pasja e pushtetit ose e mandatit bëhet mburojë jo vetëm për korrupsionin. Madje shumë kurorat janë trend i vjetruar në ciklet e jetëgjatësisë politike. Tani më të ndjeshme janë inteligjenca artificiale, plagjarizmi  si kurse edhe më e fundit ndjesia gjinore. Le ta fusin edhe këtë në CV, para se sa ta aprovojnë dhe që qytetarët t’i vuajnë pasojat e eksperimenteve globaliste.  Parlamenti duket se nuk e ka për gjë të madhe deri sa një ditë këto norma shtyhen për t’u bërë të pranueshme.  Ato bëhen ligj duke kaluar me fuqinë e kartonit prej shumicës që ka pushtetin,. Ndërsa çështja është se aty ku të zgjedhurit duhet të kuvendojnë shqetësimin e njerëzve, fjala ka vdekur. Punon inteligjenca artificiale, madje 83 prej tyre i ndjek përkujdesi i aplikacionit “Diella”duke ja mbushur rrugës rritjen e trurit edhe boshllëqet.
Ajo që mbetet njerëzore më pas është vetëm recitimi, fuqia e kartonit dhe zgjatja e pushtetit duke i bërë ligjet për vete.

___________
*multitask– të kryerit apo përpjekja për të kryer dy ose më shumë punë ose detyra në një kohë.
*Can Edi Rama’s AI minister propel Albania on path to EU membership?-A mund ta çojë ministri i inteligjencës artificiale i Edi Ramës Shqipërinë në rrugën drejt anëtarësimit në BE?
*budallallëkun/ “completly stupid”– Rama në takimin e Berlinit BGD, Tetor 2025  për Al Jazeera. 

Nëntor, 2025

 

Unioni i Gazetarëve Shqiptarë Profesionistë të Diasporës (UGSHPD)
 
Verband Albanischer Berufsjournalisten der Diaspora (VABD)
 
Union of Professional Albanian Journalists of Diaspora (UPAJD)
 
L’Union des journalistes professionnels albanais de la diaspora (UJPAD)
 
Unione dei Giornalisti Professionisti Albanesi della Diaspora (UGPAD)

UGSHPD fton përfaqësuesit e OSBE/ODIHR të intensifikojë monitorimin në terren dhe i kërkon institucioneve shtetërore të garantojnë zgjedhje të lira

 

Unioni i Gazetarëve Shqiptarë Profesionistë të Diasporës – UGSHPD shpreh shqetësimin lidhur me situatën në Bashkinë Berat, ku po zhvillohet procesi i zgjedhjeve të parakohshme vendore të 9 nëntorit 2025.

Gjatë ditëve të fundit janë evidentuar shqetësime serioze për presione politike, përdorim të burimeve publike dhe përfshirje direkte të zyrtarëve të lartë vendorë në favor të kandidatit të Partisë Socialiste.

Sipas informacioneve, Bled Çili, nënkryetar i Bashkisë Berat e Arben Konomi, drejtor i Spitalit Rajonal kanë kryer takime elektorale në orar zyrtar me personel mjekësor dhe qytetarë, me qëllim ndikimin e votës.

Raportime nga qytetarët flasin gjithashtu për raste të mundshme të shpërndarjes së parave në këmbim të votes, që cenon rëndë integritetin e procesit zgjedhor.

Unioni i Gazetarëve Shqiptarë të Diasporës, UGSHPD, fton përfaqësuesit e OSBE/ODIHR të intensifikojë monitorimin në terren si dhe i kërkon institucioneve shtetërore të garantojnë zgjedhje të lira dhe demokratike.

Qytetarët e Beratit meritojnë një proces zgjedhor transparent, të pacënuar dhe të mbrojtur nga çdo formë presioni politik apo administrativ.

Unioni i Gazetarëve Shqiptarë Profesionistë të Diasporës-UGSHPD, me statusin Organizatë Media vëzhgues pranë KQZ në zgjedhjet parlamentare të 11 majit 2025, mbetet i angazhuar në mbrojtjen e integritetit demokratik dhe të drejtave të qytetarëve për një votë të lirë.

Unioni i Gazetarëve Shqiptarë Profesionistë të Diasporës (UGSHPD)

Verband Albanischer Berufsjournalisten der Diaspora (VABD)

Union of Professional Albanian Journalists of Diaspora (UPAJD)

L’Union des journalistes professionnels albanais de la diaspora (UJPAD)

Unione dei Giornalisti Professionisti Albanesi della Diaspora (UGPAD)

“Ngritëm flamurin, asgjësuam ushtarët rusë që nuk u dorëzuan” Çlirohet ndërtesa e këshillit të Pokrovskut

Gjatë luftimeve të ashpra në lindje të Ukrainës, trupat sulmuese të regjimentit të 425-të “Skelya” kanë arritur të dëbojnë forcat ruse nga ndërtesa e këshillit të qytetit në Pokrovsk dhe kanë ngritur flamurin ukrainas mbi godinë.

Sipas deklaratës së zyrës së shtypit të regjimentit, “rusët që nuk ikën ose nuk u dorëzuan u asgjësuan”, ndërsa operacioni është cilësuar si një fitore simbolike në betejat e vazhdueshme për kontrollin e Donbasit.

Luftimet për Pokrovskin kanë qenë ndër më të përgjakshmet në muajt e fundit, pasi qyteti ka rëndësi strategjike për linjat e furnizimit dhe mbrojtjen e pozicioneve ukrainase në rajonin e Donetskut.

Lufta në Ukrainë filloi në shkurt të vitit 2022, kur Rusia nisi një pushtim të gjerë të territorit ukrainas, pas viteve tensionesh në rajonin lindor të Donbasit, ku forcat separatiste pro-ruse kishin shpallur vetëshpallur “republika” të pavarura.

Që prej atëherë, Ukraina ka rezistuar me mbështetjen e vendeve perëndimore, ndërsa frontet në lindje kanë parë beteja të ashpra, me qytete që kalojnë herë pas here nën kontrollin e njërës ose tjetrës palë.

Operacioni në Pokrovsk shihet si pjesë e përpjekjeve të Kievit për të rimarrë territorin e pushtuar dhe për të forcuar moralin e trupave në vijën e parë të frontit. bw

Koalicioni Shqiptar Pro familjes & jetës: Tradhëti e Parlamenti ndaj qytetarëve shqiptarë ! Së bashku për fëmijët, familjen, atdheun!

 

Sot përpara Kuvendit të Shqipërisë!

Së bashku për fëmijët, familjen, atdheun!

Ju ftojmë të na bashkoheni sot, ora 09:30, në një tubim paqësor përpara Kuvendit të Shqipërisë, te rruga e Elbasanit!

Sot Kuvendi i Shqipërisë do të sjellë për votim, projektligjin antikombëtar, antifamilje dhe antifëmijë, Projektligjin Për barazinë gjinore!

Për shkak të një krimi kundër traditës shqiptare, ndryshimit me dhunë të nocioneve burrë-grua, tradhëtisë që Parlamenti ka bërë ndaj qytetarëve shqiptarë, duke futur për votim këtë projektligj që kërcënon fëmijët, familjet dhe kulturën shqiptare, duhet të mblidhemi së bashku!

Është koha të qëndrojmë për familjen!

Është koha të qëndrojmë për fëmijët!

Është koha të qëndrojmë për atdheun!

PS: Nëse është e mundur, kodi i veshjes me të zeza, sepse është vërtet ditë zie kombëtare!

Ju lutem, ndajeni këtë postim me miqtë tuaj!

 

UGSHPD: 7 Pyetje me 1 – Me Kandidatin e Pavarur e Bshkisë Mat, z.Eduart Brahilika

Alba Kepi: Atëherë përshëndetje të gjithëve. Nisim sot bisedën tonë shtatë pyetje të gazetarëve shqiptarë profesionistë te diasporës, me të ftuarin kandidatin e pavarur të bashkisë së Matit, zotin Eduard Brahilika. Kujtojmë se bashkia e Matit mbeti pa kryetar bashkie pas dorheqjes së Agron Malajt dhe zgjedhjes së tij si deputet i Partisë Socialiste në zgjedhjet e 11 majit 2025 dhe presidenti i republikës me një dekret të posaçëm vendosi dërgimin e bashkisë së Matit në zgjedhjet e parakohshme. Mirëmbrëma zoti Ibrahilika, faleminderit shumë që pranove ftesën tonë. Para se të nisim, unë doja thjesht një prezantim të bordit drejtues të Unionit të gazetarëve shqiptarë profesionist diasporës. Nisim me kryetarin tonë zotin Skënder Buçpapaj i cili lidhet nga Zvicra. Kemi zotin Artan Kutra i cili lidhet nga Franca. Kemi zonjën Elida Buçpapaj e cila lidhet nga Zvicra. Kemi zotin Ardian Murraj i cili lidhet nga Shtetet e Bashkuara të Amerikës. Kemi zotin Genc Burimi i cili lidhet nga Franca dhe jam dhe unë Alba Kepi që lidhem nga Italia. Shkurtimisht dua vetëm t’ju bëj prezantoj shoqatën tonë, që dhe ju të njiheni me ne. UGSHPD Unioni i Gazetarëve Shqiptarë Profesionistë të Diasporës, është themeluar në vitin 2021 dhe regjistruar në Bern të Zvicrës. Ne jemi përpjekur gjatë këtyre katër viteve të aktivitetit tonë të japim një profesionalizëm në përcjelljen e medias së lirë dhe të pavarur. Kemi qenë me statusin vëzhgues në zgjedhjet e 11 majit 2025 dhe kemi pasur pikërisht në fokus mbrojtjen e të drejtës së votës në një shoqëri demokratike dhe në këtë fokus kemi nisur dhe këtë cikël takimesh me kandidatët e pavarur pikërisht për t’i dhënë zë dhe për t’i dhënë mundësi që të rrëfejnë për fushatën e tyre dhe për zgjedhjen e tyre si kandidatë të pavarur.

 

 

 

UGSHPD: PREZUMIMI I SYZAVE ME SKELET TË NGJASHËM (ngjarjet që mund t’i lexosh mesazhin)

 

Në qoftë se ende nuk është hedhur firma për Nëntorin 2025,  pagesa mujore për objektin nën sekuestro të inceneratorit të Tiranës do të vazhdojë të bëhet me kontributin nga taksapaguesve të kryeqytetit ku merren çdo muaj 1.5 milion euro për shërbime të pa kryera dhe për një objekt që nuk ekziston.

Kjo çudi e madhe quhet menaxhim i kryeqytetit prej disa vitesh me një popullsi prej gati 1 milion banorësh.
Por njëkohësisht çudia mund të quhet sa mungesë e drejtësisë po aq edhe integritet i munguar i drejtuesve të pushtetit vendor të dalë nga vota e zgjedhësve kur flitet për përgjegjësitë e institucioneve.
Kush do ta zgjidhë këtë kaos financiar dhe institucional dhe kush janë përgjegjësit?
Duke monitoruar median propagandë e ke shumë të lehtë të bësh dallimin.
Me pak përmbajtje mbi zhvillimet, Z. Erion Veliaj u shkarkua nga partia e vet dhe nga këshilli bashkiak pas gati 10 muajsh, për t’i hapur rrugë drejtimit të institucionit. Veproi kryeministri dhe presidenti, por ata u prapësuan nga Gjykata Kushtetuese. I pa munguari në lajmet e ditës me dy dhe tre veprimtari me vendndodhje të ndryshme brenda dhe jashtë vendit, Z. Veliaj kishte krijuar idenë e shërbëtorit të qytetarëve në çdo orë të ditës. Tani ai vazhdon të ndodhet në paraburgim, por edhe mund ta vazhdojë mandatin. Veç se në muajt e paraburgimit deri pas daljes në Gjykatën Kushtetuese, lajmet kontradiktore rreth masës së dënimit dhe nëntë shkeljeve për korrupsion, për lajmet rreth tij ATSH-ja e shtrënguar mund të ketë prodhuar rreth 50 lajme, një shifër ndryshe nga dikur kur fokusi propagandistik e kishte në qendër kryebashkiakun e kudondodhur çdo ditë, javë dhe muaj.
U fol në media për gjithçka mbi drejtësinë dhe Velinë duke prezumuar pafajësinë, deri tek gjestet dhe gjuha e trupit në seancën dëgjimore të Gjykatës Kushtetuese të datës 31 Tetor, 2025. U arrit deri aty sa veç një shfaqje me fishekzjarrë në mbrëmjen e së Hënës, 3 Nëntor, 2025 në mjediset pranë të burgut të Durrësit ku mbështetësit gëzonin me sinjalet e pafajësisë dhe mbase edhe rimarrjen e detyrës si kryetar i bashkisë duke fundosur pikërisht atë fushatë zgjedhore që Tirana  dhe qytetarët e saj ishin në pritje të ndryshimit apo kofirmimit të 11 Majit.
Pra u fol për, vuajtjet, terrorin politik e psikologjik, për akuzat dhe mbrojtjen, u fol për pafajësinë dhe kthimin në detyrë, por nuk u fol kurrë për menaxhimin e kryeqytetit për shërbimet më jetike të tij. Por nuk u fol për ujë, rrugë, energji, taksa, ajër i ndotur, infrastrukturë dhe transport të dështuar, sheshe ndërtimi që lirohen çdo ditë dhe presin për t’u shumfishuar në lartësi katesh dhe sigurisht nuk flitet as për plehrat e papërpunuara.
U harrua edhe thirrja e zv. kryeministres Balluku nga SPAK.
E pra u fol edhe për gjuhën e trupit, hamendje të tjera sepse prezumohet pafajësia megjithëse korrupsioni shihet me sy ditën për diell.
U fol edhe për shumë të tjera pista e hamendje deri sa një foto e bërë rishtazi në Forumin e Paqes-Paris u shfaq në rrjetet sociale nga Aleksandër Soros.
Thjeshtë shihni ngjashmërinë e skeletit të syzave të tij dhe daljen e Erion Velisë me syza dhe kostum për herë të parë pas 10 muajsh në Gjykatën Kushtetuese duke u mbrojtur dhe duke prishur fushatën e kandidaturave që KQZ kishte aprovuar për Tiranën, por ende me datë të pa përcaktuar.
Ky ishte prezumimi i skeleteve të ngjashëm dhe lenteve të drejtësisë me sytë e reformës në drejtësi nga globalistët e Shoqërisë së Hapur të Fondacionit Soros.
Politikanët në Shqipëri, për hir të prezumimit të pafajësisë dhe mbrojtjes të së drejtave të njeriut i kanë ndryshuar qëndrimet vazhdimisht.
Media mund të prezumojë vetëm për pak në ngjashmërinë e këtyre fotove ende sa ka mundësi që ato të krahasohen pa u fundosur nga harresa, por e rëndësishmja është për t’i nxjerrë faktet.
Tablloja dhe zhvillimet duken të qarta nga ky prezumim.
Zgjedhje të ndërhyra dhe ndikuara nga eksperimenti global ashtu sikurse edhe ATSH-ja ka krye-lajm zgjedhjet e bashkisë së Nju Jorkut. Pa shkuar ende ora 8:00 e mëngjesit përtej Atlantikut, operativët mediatik rilindës japin sondazhe dhe epërsi…
Le t’ia lemë më tej ditës zhvillimet.
4 Nëntor, 2025

Unioni i Gazetarëve Shqiptarë Profesionistë të Diasporës (UGSHPD)

Verband Albanischer Berufsjournalisten der Diaspora (VABD)

Union of Professional Albanian Journalists of Diaspora (UPAJD)

L’Union des journalistes professionnels albanais de la diaspora (UJPAD)

Unione dei Giornalisti Professionisti Albanesi della Diaspora (UGPAD)

Belinda Balluku e quante Ramën ‘Palloshi i gjatë’ në mesazhe”

E quante Ramën ‘Palloshi i gjatë’ në mesazhe”, Bardhi: E pandehura Belinda Balluku e mban peng kryeministrin me afera korruptive. Kandidate për banore në Burgun e Pojskës

Kreu i Grupit Parlamentar të PD Gazment Bardhi, në një reagim në rrjetet sociale ka deklaruar se zv/kryeministrja Belinda Balluku është ajo që mban peng kryeministrin Edi Rama për shkak të aferave korruptive.

Bardhi shkruan se Balluku në mesazhet që shkëmbente kishte një “pseudonim” për kreun e qeverisë, duke e quajtur “palloshi i gjatë”.

Ai shton se se Belinda Balluku ka më shumë tituj dhe pozicione politike e publike se vetë Rama.

Duke iu referuar akuzave tanimë zyrtare të SPAK, ndaj Ballukut, Bardhi shprehet se zv/kryeministrja është kandidate për banore e Burgut të Grave në Pojskë.

Postimi i plotë i Bardhit:

Belinda Balluku ka më shumë tituj/pozicione politike/publike se vetë Edi Rama.

Ajo rezulton se aktualisht është:
👉 Zëvendëse e “Palloshit të gjatë” siç e quante vetë nëpër sms në Këshillin e Punëve të Pista (ZëvendësKryeministre);
👉 Ministre e Energjisë, Tuneleve dhe Rrugëve të florinjta (Ministre);
👉 Deputete e interesit personal (Deputete);
👉 Drejtuese Politike e qarkut të “Torta Belinda” (Drejtuese Politike qarku Fier);
👉 Drejtuese Politike e qarkut ku kryetar bashkie është i korruptuari tjetër Erion Veliaj (Drejtuese Politike qarku Tiranë);
👉 Anëtare e një fisi të bukur (Bërë me paratë e shqiptarëve);
Dhe së fundmi, titulli më me shumë peshë:
👉 E PANDEHUR nga SPAK për abuzim madhor me tenderin 190 milion euro! (Kandidate për banore e Burgut të Grave në Pojskë).

Pra, praktikisht është njeriu më i pushtetshëm sot në Shqipëri! Prandaj Edi Rama e ka frikë dhe nuk guxon ta shkarkojë! Ajo e mban peng Edi Ramën me pushtetin që vetë ai i ka dhënë për të kryer aferat korruptive më të mëdha në historinë e Shqipërisë.

Shqipëria “Europiane” me Zëvendëskryeministër të pandehur për abuzime me tendera publik në të paktën 50 milion euro të vjedhura është rruga e duhur për tu bashkuar me Afrikën!

Drejt Shqipërisë 2030 në AFRIKË

© BalkanWeb

Ushtria amerikane përdor armë të reja për të ndërprerë sinjalet satelitore ruse dhe kineze

Ushtria amerikane është afër vendosjes së dy sistemeve të reja të armëve të projektuara për të ndërprerë përkohësisht sinjalet nga satelitët e inteligjencës kineze dhe ruse.

Kjo u raportua në një deklaratë nga Forca Hapësinore Amerikane.

Sistemet e reja, të quajtura Meadowlands dhe Terminalet e Ndjeshmërisë në Distancë (RMT), do t’i bashkohen Sistemit ekzistues të Kundër-Komunikimit, i cili hyri në shërbim në vitin 2020. Këto sisteme do të vendosen në të gjithë botën dhe do të synojnë të kundërshtojnë kërcënimin në rritje hapësinor kinez. Sipas Forcës Hapësinore, që nga korriku, Kina kishte më shumë se 1,189 satelitë në orbitë, nga të cilët më shumë se 510 përdoren për zbulim, mbikëqyrje dhe gjurmim. Këta satelitë i lejojnë Kinës të zbulojë transportuesit e avionëve amerikanë, forcat ekspedituese dhe njësitë ajrore.

Sistemi Meadowlands, i zhvilluar nga L3Harris, është disa vite prapa afatit, por pritet të jetë funksional këtë vit fiskal. Sistemi i dytë, RMT, është vendosur tashmë në vende të pazbuluara jashtë shtetit dhe është në “vendosje të hershme të kufizuar”, duke lejuar që ai të përdoret gjatë testimit. Pentagoni ka thënë se teknologjitë e bllokimit janë “thjesht mbrojtëse”. Por ekspertët thonë se kjo e çon numrin e “sistemeve kundër-hapësinore sulmuese të njohura publikisht” që Shtetet e Bashkuara kanë nga një në tre.bw

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend