Mirëmëngjesi, i mbarë prilli,
U ardhtë në pragun e derës.
Kur mbret i këngës bilbili
Ndez orkestrën e pranverës.

Mirëmëngjesi e prill i mbarë
Tek qesh e shpërthen pranvera,
Të dehur si në ekstazë
Për bukurira të tjera.

Prilli, princi më i lumtur
Që Zoti i fali tokës,
Na bën në shpirt më të bukur,
Më të bukurit e botës!

Prilli, princi i pranverës,
Stina mbretëreshë – Pranvera,
Harbuar rrymat e erës
Sjellin mesazhe të tjera.

Për Shqiponjat, fjala vjen,
Për 10 Shqipet e Tërbaçit,
Galaktika Jonë i njeh
Me këngë e me valle kaçi…

Vlorë, e hënë, 1 Prill 2024