VOAL

VOAL

Presidenti Bajram Begaj takon kryeministrin Albin Kurti

August 15, 2022

Komentet

Hapet baza e Nato-s në Kuçovë, ulen dy avionët e parë

Dy avionë ushtarakë italianë Eurofighter që u ulën sot në bazën e Kuçovës

VOA

Në Shqipëri, nga dita e sotme, baza ajrore e Nato-s në Kuçovë është në funksion të plotë. E ndërtuar në vitet ’50, duke strehuar dhjetra avionë ushtarakë, fillimisht të prodhimit sovjektik e më pas kinezë, baza e cila prej vitesh ishte e papërdorshme, u rikonstruktua falë një investimi prej më shumë se 50 milionë eurosh të Nato-s, dhe 5 milionë të tjera të qeverisë shqiptare, për të qenë një bazë taktike dhe operacionale e Aleancës.

Për inaugurimin e bazës, sot në Kuçovë, u organizua një ceremoni e posaçme me praninë e atoriteteve më të larta të vendit, ministrave të Mbrojtjes të disa prej vendeve të Ballkanit Perëndimorë, dhe të Italisë, si dhe përfaqësuesë të Aleancës, mes të cilëve Gjeneral Lejtnant Pablo Sánchez de Lara, komandanti i Qendrës së operacioneve ajrore të kombinuara të NATO-s, në bazën ajrore të Spanjës.

Kjo bazë do të luajë një rol të rëndësishëm për t’iu përgjigjur kërcënimeve që vijnë nga kufiri lindor dhe jugor i Aleancës, njëkohësisht edhe rritjes së aftësive tona të mbrojtjes kolektive, duke promovuar ndërveprimin midis forcave aleate dhe duke mundësuar një përgjigje të shpejtë dhe efektive ndaj çdo sfide që mund të lindë. Gjithashtu baza ajrore Kuçovë, e vetmja e këtij lloji në Ballkanin Perëndimor, do të kontribuojë në mundësimin e planit rajonal jugor-lindor në mbështetjen e operacioneve dhe stërvitjeve të Aleancës, patrullimin e hapësirës ajrore, mbështetjen logjistike si kapacitet i vendit pritës apo edhe për qëllime e situata të tjera”, shpjegoi gjatë fjalës së tij Shefi i Shtabit të Përgjithshëm të ushtrisë shqiptare Gjeneralmajor Arben Kingji.

Dy avionë amerikanë F-16 fluturuan sot mbi bazën e Kuçovës, ndërsa dy Eurofighater italianë, ishin të parë avionë të Nato-s që u ulën në pistën e saj.

Për presidentin Bajram Begaj “Nato, nëpërmjet këtij investimi, tregon se Shqipëria ka një rëndësi strategjike për aleancën. Është një investim për të forcuar kapacitetet, planet, burimet dhe infrastrukturën e aleancës. Ky investim merr një rëndësi të veçantë sidomos më kushtet kur siguria në hapësirën euroatlantike është e rrezikuar”.

Edhe kryeministri Edi Rama vuri në dukje se baza taktike e Nato-s, ka “një rëndësi që i tejkalon kufijtë e Shqipërisë. Një bazë e cila është një tjetër element sigurie për rajonin tonë të Ballkanit Perëndimor i cili e dimë mirë se është një rajon jo i pa rrezikuar nga kërcënimi dhe ambiciet neo-imperialiste të Federatës Ruse”.

Baza e Kuçovës, nuk do të shërbejë vetëm për qëllime ushtarake. “Ajo ka kapacitetin e nevojshëm për të mbështetur përpjekjet tona të përbashkëta në përballje me fatkeqësitë natyrore. Pozicioni gjeografik i favorshëm mund ta kthejë këtë vend në një nyjë lidhëse të vlefshme për të gjitha vendet e rajonit tonë”, u shpreh ministri i Mbrojtjes Niko Peleshi

Baza e Kuçovës do jetë dhe qendra kryesore për forcat ajrore shqiptare, flota e së cilës pritet të pasurohet me helikopterë të tjerë amerikanë Black Hawk, apo dhe dronët Bayraktar, të blerë në Turqi, të cilët u ngritën sot për herë të parë nga kjo bazë.

UGSHPD: LIGJIIN E SAPOVOTUAR PËR ZONAT E MBROJTURA LËVIZJA MJEDISORE DHE QYTETARËT E CILËSOJNË MASAKËR 

 

Në më pak se dy javë ligji mbi “Zonat e Mbrojtura” i votuar me 22 Shkurt, 2024 po provon propagandën dhe forcën e kartonit në Kuvendin e Shqipërisë të deputetëve e Rilindjes Socialiste për të mbrojtur interesat në troje pronash dhe lidhje me investime të elitës partiake. Nuk ka shprehje më të theksuar njëanshmërie kur në një studio-tv që ATSH nuk i përmend as emrin si burim ndërtohet e gjithë tregimi propagandistike që do të thotë demagogji dhe “pyetje të pambukta”, Ministre e Turizmit dhe Mjedisit Mirela Kumbaro për 45 minuta (në News-24 Albania Kjo Javë me Nisida Tufa),u mbrojt  duke u shprehur se çfarë ka bërë mirë kjo qeverisje për këta dhjetë vjet dhe që do të bëjë edhe për dhjetë të tjera për të mirën e Shqipërisë. Sipas saj nga 2013 deri sot treiqeverisjet e Rilindjes Socialiste kanë qenë shtrim politikashmaterializimi tyre dhe rezultat për kohën ku jemi ndërsa për të ardhmen shihen zhvillimi dhe përfitimi. 

Në qoftë se besojmë dhe e marrim të mirëqenë këtë që thuhet dhe miratohet me një ligj të ri me 77 vota në Kuvend dhe vetëm nga 1 forcë politike dhe pa pjesëmarrjen e publikut dhe këshillat e BE, kjo është një propagandë e mirëfilltë që ju mbush mendjen vetëm juve, klientëve tuaj dhe elitës në pushtet. Pyetjet e pambukta nuk janë transparencë me publikun. Ne qoftë se  juve do ta respektonit transparencën me publikun atëherë në po të njëjtën studio apo kudo tjetër ballafaqohuni me publikun, me opozitën dritëshkurtër siç e quani, me shoqërinë civile, me BE dhe përfaqësinë e dhjetëra organizatave joqeveritare mjedisore që të kuptohen qartë problematikat dhe sa thellë i keni hyrë zhvatjes së Shqipërisë.  

Do të duhej të ndaleshim sigurisht me shifra dhe fakte për dhjetëra raste për mjedisin dhe natyrën pa numëruar si “matësit e ujit dhe të energjisë” hyrjen e mbi 10 milion turistëve gjatë vitit 2024 ku shpesh uji dhe energjia mungon, ajri i ndotur nga ndërtimet, automjetet dhe fushat e plehrave, atje ku shkrepësja shkreton pyllin për të filluar me betonin dhe tjetra e kthyer në normë si kudo ku hidhen themelet, sheh investitorëve strategjikë që kanë lidhje me familjarë të pushtetit që juve vetë prekeni për transparencën e investimeve duke e bërë mendimin kritik anatemues të biznesit që rrezikon me investimet në Shqipëri. 

Dilni përpara publikut sot qoftë si Ministri e Turizmit dhe e Mjedisit dhe qoftë si kabinet qeveritar përpara opinionit publik, opozitës, BE dhe organizatave mjedisore dhe jo vetëm për Lagunën e Nartës, por për Lumin Vjosë, për pyllin Pishë Poro të sapo djegur, për Lagunën e  Karavastasë, për Kune-Vainë, për Liqenin e Ohrit, për Malin e Dajtit, për pellgun ujëmbledhës të Sakavicës, për Butrintin dhe do të rreshtoheshin edhe dhjetëra të tjera për të treguar se administrata e mjedisit që ju mbuloni në mbarë territorin paguhet pa bërë punë pasi shqetësimet vijnë nga denoncimi qytetar dhe burimet e tjera të ndërgjegjësuara për mbrojtjen e natyrës, gjallesës, dhe mjedisit. 

Ju mund ta merrni personale dhe në ekip përgjegjësinë sot përpara publikut sepse nuk provoni dot atë që shprehni në ekran, apo që edhe ATSH-ja ju shpalos me propagandë se jeni njerëzit e duhur dhe të punës kur: “Por realitetin duhet ta ndjekim nga pas për të gjetur balancën e duhur midis nevojës për zhvillim në disa zona me kritere të forta dhe mbrojtjes së mjedisit. Këto kritere do të kalojnë në katër filtra, agjencia e mjedisit, ministria e Turizmit dhe Mjedisit, Këshilli Kombëtar i Territorit dhe më pas qeveria”. 

Duke i shtuar katër filtrave që juve përmendni më lart dhe dy tre pika të tjera të forta si fuqia e kartonit në kuvend, vendimet e Gjykatës Kushtetuese dhe dekretin e presidentit dhe kur shoqëria civile dhe publiku janë anashkaluar historikisht dhe qëllimshëm gjatë viteve të qeverisjes së Rilindjes Socialiste diçka mbetet fare e qartë. Rekordi juaj në foltoren e kuvendit vetëm për çështjen e Lagunës së Nartës më 22 Korrik, 2022 ishte “projekti i aeroportit të Vlorës është propozuar të kryhet as më shumë e as më pak, por në gjurmën ekzistuese të ish-aeroportit ushtarak, të ndërtuar në fillim të viteve ‘20 dhe ka qenë funksional deri në vitin 1970″.  

Sa tokë është rrëmbyer?

Zj. Ministre, dilni përpara publikut pasi përfaqësoni edhe votën e tij për ta zhvilluar Shqipërinë dhe jo për ta ënjtur me propagandë, me fotografi peizazhesh të bukurisë natyrore të vendit ndërkohë që zhvillimet tuaja turistike po përzënë nga pronarët, po i shpopullojnë zonat nga vështirësia ekonomike dhe varfëria.

Po sot ku jemi dy vite më pas?

Kjo është gënjeshtra dyvjeçare që po provohet sot dhe me këtë mënyrë makinacioni  ju po tregoni se si funksionon sistemi i juaj i përfitimit. Shqiptarët dhe ndërkombëtarët  e shohin qartë se sa po e duron vendi  rrjepjen e Zonave të Mbrojtura prej kësaj qeverisje të korruptuar që fare pa një dhimsuri copëton dhe masakron gjallesën dhe natyrën dhe po me propagandë dhe arrogancë po projekton vazhdimësinë e elitës përtej 2030.

3 Mars, 2024 

Unioni i Gazetarëve Shqiptarë Profesionistë  Diasporës (UGSHPD) 

Verband Albanischer Berufsjournalisten der Diaspora (VABD) 

Union of Professional Albanian Journalists of Diaspora (UPAJD) 

L’Union des journalistes professionnels albanais de la diaspora (UJPAD) 

Unione dei Giornalisti Professionisti Albanesi della Diaspora (UGPAD) 

  

Kurti: Anëtarësimi ynë në strukturat evropiane si përgjigje ndaj kërcënimeve nga Serbia

Kryeministri i Kosovës, Albin Kurti, tha se shtetit të tij duhet t’i jepet shtysë drejt integrimit evropian, si përgjigje ndaj “kërcënimeve të sigurisë”, që sipas tij, vijnë nga Serbia.

Gjatë konferencës “Diplomacia Parlamentare për Sigurinë Rajonale dhe Integrimin Euroatlantik”, Kurti tha se sa i përket Serbisë, që e cilësoi si “regjim autokratik”, duhet të përdoret qasja e njëjtë që Bashkimi Evropian dhe NATO kanë përdorur ndaj Rusisë pas nisjes së pushtimit rus të Ukrainës më 2022.

Ai tha se BE-ja dhe NATO-ja iu përgjigjën drejt pushtimit rus të Ukrainës duke pranuar në aleancë Finlandën dhe Suedinë dhe duke i dhënë statusin e vendit kandidat Ukrainës, Moldavisë dhe Gjeorgjisë.

“Kërcënimet e sigurisë në Ballkanin Perëndimor nga Serbia duhet të trajtohen duke përdorur të njëjtën qasje, pra duke i dhënë Kosovës statusin e vendit kandidat për Bashkimin Evropian dhe anëtarësimin në Këshillin e Evropës”, tha Kurti.

Kryeministri Kurti tha se gjatë dy vjetëve të qeverisjes së tij, Serbia solli katër herë ushtrinë e saj në kufi me Kosovën, “sponsorizoi terroristë dhe vazhdimisht shpërndanë gënjeshtra dhe narrativë të rremë për të justifikuar aktet agresive ndaj Kosovës dhe rajonit”.

Këto deklarata të Kurtit janë referencë për tensionet e rritura në disa raste mes Kosovës dhe Serbisë, përfshirë ngritje barrikadash në veriun e Kosovës nga serbët lokalë për shkak të disa vendimeve të Qeverisë në Prishtinë, por edhe për një sulm të armatosur të një grupi serbësh ndaj Policisë së Kosovës. Sulmi në Banjskë të Zveçanit në shtatorin e kaluar la të vrarë një polic të Kosovës dhe gjatë përleshjeve u vranë edhe tre sulmues serbë.

Kosova për sulmin në Banjskë, që e cilëson terrorist, e ka fajësuar Serbinë, por Serbia ka thënë se nuk ka gisht në të.

Gjatë konferencës, Kurti foli për integrimin evropian dhe atlantik të Kosovës dhe tha se ky rrugëtim nuk mund të bëhet pa mbështetjen e miqve të saj ndërkombëtarë, por as pa reforma të brendshme.

Kosova ka aplikuar për anëtarësim në Këshillin e Evropës më 2023 dhe për në BE në fund të vitit 2022.

Megjithatë, në asnjërën prej këtyre proceseve integruese nuk është shënuar përparim dhe Kosova është vendi i vetëm në Ballkanin Perëndimor që nuk ka statusin e vendit kandidat.

“Mungesa e përparimit në anëtarësimin e Kosovës në BE dhe Këshillin e Evropës nuk kanë të bëjnë me mungesën e demokracisë dhe mbrojtjes së fortë të të drejtave të minoriteteve dhe të drejtave të njeriut, por në sjelljen e një regjimi autoritar sepse Serbia nuk është e interesuar për anëtarësim në NATO apo BE. Ajo kërkon të bllokojë përparimin e gjithë rajonit, duke frenuar të gjithë rajonin”, tha Kurti.

Kurti këto deklarata i bëri pasi presidenti serb, Aleksandar Vuçiq, një ditë më herët akuzoi shtetet perëndimore se po intensifikojnë presionin ndaj Serbisë që të njohë de facto dhe de jure Kosovën, të vendosë sanksione ndaj Rusisë dhe të ndryshojë qëndrimin ndaj Kinës.

Serbia, aleate e Rusisë, nuk i ka vendosur sanksione Moskës për shkak të luftës së nisur ndaj Ukrainës, pavarësisht thirrjeve të komunitetit ndërkombëtar. Ndërkaq, javë më parë Beogradi tha se mbështet politikën e Pekinit se ishulli vetëqeverisës i Tajvanit është pjesë e Kinës.

Sipas Vuçiqit, qëllimi përfundimtar i shteteve perëndimore është që në Serbi të vijë një “regjim kukull” e Perëndimit sepse sipas tij, “një Serbi e lirë dhe e pavarur nuk është e popullarizuar në Evropë.

Gjatë një adresimi televiziv, Vuçiq foli edhe për ndalimin e përdorimit të dinarit serb në Kosovë. Ai tha se rregullorja e Bankës Qendrore të Kosovës që vetëm euroja të jetë valuta për pagesa me para të gatshme, ka përkeqësuar situatën në Kosovë.

“Ne do të detyrohemi të marrim vendime të ndryshme me të cilat do të veprojmë ose do të gjejmë zgjidhje alternative për t’i paguar para popullit tonë në ‘Kosovë dhe Metohi’”, tha Vuçiq.

Serbët në Kosovë që nga përfundimi i luftës së fundit kanë përdorur dinarin serb.

Shteti serb ndan miliona euro për serbët në Kosovë pasi ua paguan atyre në dinarë – përmes një sistemi paralel – rrogat, pensionet dhe ndihmën shtesë.

Komuniteti ndërkombëtar i ka bërë thirrje Kosovës të shtyjë vendimin, i cili është në fuqi që nga 1 shkurti, duke argumentuar se ai nuk merr për bazë ndikimet negative te komuniteti serb. Radio Evropa e Lirë

https://www.evropaelire.org/a/kurti-statusi-i-vendit-kandidat-serbia-kercenime-/32846948.html

Përurohet baza ajrore e NATO-s në Shqipëri

Në Kuçovë të Shqipërisë më 4 mars u përuruar baza ajrore taktike e Organizatës së Traktatit të Atlantikut Verior (NATO).

Ministri i Mbrojtjes së Shqipërisë, Niko Peleshi, tha se baza në Kuçovë do të jetë një pikë strategjike në mbrojtjen e paqes dhe operacioneve të NATO-s.

“Gjithçka pritet nga fronti i lindjes. Dhe ne duhet të jemi të përgatitur të mbrohemi me të vetmen formulë fituese në tavolinë: bashkimin e forcave dhe kapaciteteve tona mbrojtëse”, tha Peleshi.

Ai po ashtu shprehu gatishmërinë e Shqipërisë, shtetit anëtar të NATO-s, që të vë në dispozicion të aleancës ushtarake perëndimore edhe portin në Durrës, Porto Romano, që siç tha Peleshi, së bashku me “Korridorin 8”, që lidh Shqipërinë përmes rrugëve tokësore dhe hekurudhore me Maqedoninë e Veriut dhe Bullgarinë, i siguron aleancës aksin më të shkurtër të kalimit nga brigjet e Detit Adriatik në Detin e Zi.

Ndërkaq, kryeministri shqiptar Edi Rama, tha se po punohet me aleancën që sa më shpejt të bëhet gati edhe baza e re detare e NATO-s në Porto Romano.

Ai theksoi se kjo bazë është një elemet tjetër i sigurisë për rajonin e Ballkanit Perëndimor ” i cili e dimë mirë se është një rajon jo i parrezikuar nga kërcënimi dhe ambiciet neo-imperialiste të Federatës Ruse”.

“Riaktivizimi i këtij aeroporti ushtarak është njëkohësisht edhe pjesë e ripërtëritjes dhe rritjes së mëtejshme cilësore të flotës sonë ajrore. Dy helikopterët e rinj Blackhawk si dhe dronët Bayraktar janë pjesë e një rritjeje që do të vazhdojë”, theksoi Rama.

Ndërkaq, sipas presidentit të Shqipërisë, Bajram Begaj, në situatën globale, që ai tha se është e paqëndrueshme, vendi duhet të jetë i gatshëm të mbrojë veten dhe të kontribuojë për aleancën.

“Baza e Kuçovës ka një mision mbrojtës dhe shkurajues, një qendër e rëndësishme për operacionet e NATO-s për të përballuar kërcënimet e sotme dhe të nesërme”, tha presidenti Begaj.

Në ceremoninë inauguruese morën pjesë përfaqësues të aleancës, ministrat e Mbrojtjes së Turqisë dhe Italisë, përfaqësues të Ambasadës amerikane në Tiranë dhe ata të institucioneve shqiptare.

 

Përfaqësuesi i NATO-s, gjenerali Juan Pablo Sanchez De Lara, gjatë ceremonisë tha se Shqipëria është më e gatshme se kurrë që të marrë përgjegjësi për të mbrojtur sigurinë dhe paqen.

I dërguari i Shteteve të Bashkuara, David Wisner, ndërkaq e konsideroi bazën në Kuçovë “arritje të madhe për sigurinë e rajonit”.

Përurimin e kësaj baze e mirëpriti edhe presidentja e Kosovës, Vjosa Osmani, e cila tha se kjo bazë e NATO-s do të kontribuojë në rritjen e sigurisë në rajonin e Ballkanit Perëndimor.

Punimet për rikonstruksionin e bazës në Kuçovë nisën në janar të vitit 2022. Nga NATO janë të investuara afërsisht 50 milionë euro dhe më shumë se 5 milionë euro janë investuar nga qeveria shqiptare.

Për autoritetet shqiptare përzgjedhja e bazës së Kuçovës lidhet sa me pozicionin gjeostrategjik të vendit, si dhe të vetë aeroportit të Tiranës, aq dhe me besueshmërinë që Shqipëria ka krijuar në gjirin e aleancës ushtarake.

Baza ajrore e Kuçovës është ndërtuar në vitet 1950.

Pak ditë para inaugurimit, në këtë bazë u dërguan edhe tre dronët Bayraktar, që Shqipëria ka blerë nga Turqia.Radio Evropa e Lirë

https://www.evropaelire.org/a/baza-nato-shqiperi-/32847049.html

Publikohet logo e shënimit të 26-vjetorit të Epopesë së UÇK

Ministria e Kulturës, Rinisë dhe Sportit ka publikuar logon për shënimin e 26-vjetorit të Epopesë së Ushtrisë Çlirimtare të Kosovës.

“26 vjet lavdi, Epopeja e Ushtrisë Çlirimtare të Kosovës 5, 6, 7 Mars 2024”, thuhet në logon e prezantuar nga MKRS-ja.

Aty janë përdorur edhe figurat historike Shaban, Adem e Hamëz Jasharit bashkë me shqiponjën pas tyre.

Manifestimi gjithëpopullor “Epopeja e Ushtrisë Çlirimtare të Kosovës” fillon më 5 mars dhe përfundon me 7 me ndezjen e zjarreve në Prekaz.sn

Osmani: Rusia synon ta zgjerojë konfliktin, Serbia dorë e zgjatur e saj

Presidentja e Kosovës, Vjosa Osmani, në Forumin Diplomatik në Antalia të Turqisë, ka thënë se Rusia nuk do të ndalet vetëm me luftën në Ukrainë, teksa ka alarmuar se Ballkani Perëndimor është ndër rajonet e rrezikuara. Ajo e ka quajtur Serbinë dorë të zgjatur të Rusisë për të destabilizuar rajonin.

Osmani ka bërë thirrje që të gjendjet një zgjidhje për përfundimin e luftës në Ukrainë. Sipas saj, po që se nuk përfundon me paqe, pasojat do të zgjerohen edhe në Ballkanin Perëndimor.

“Për çdo ditë që kalon dhe kjo u konfirmua edhe nga presidenti Zelenskyy, Rusia po e sheh Ballkanin si vend ku duan ta hapin front të ri kundër Perëndimit. Një prej rreziqeve më të mëdha të luftës është përhapja ose zgjerimi i konfliktit. Mu për këtë ne vazhdimisht e themi se ajo që ndodh në Ukrainë nuk ndodh vetëm brenda Ukrainës dhe se rezultati i kësaj lufte nuk do të jetë vetëm rezultat për Ukrainën. Mënyra se si përfundon kjo luftë do të vendosë precedent sepse nëse nuk përfundon në mënyrën e duhur, nëse nuk flasim për paqe të drejtë, ky do të jetë shembull i tmerrshëm, jo vetëm për shtetet baltike, Moldavinë e Gjeorgjinë, por edhe për Ballkanin Perëndimor. Sepse Rusia e thotë shumë haptas, nuk do të ndalem vetëm në Ukrainë. Rusia është krejt transparente për qëllimin e saj, duan që ta zgjerojnë konfliktin”, ka deklaruar Osmani, raporton televizioni publik.

Teksa ka akuzuar Serbinë si dorë të zgjatur të Rusisë, Osmani ka thënë se Rusia historikisht ka tentuar të gjejë terren për të zgjeruar luftën.

“Përtej faktit që jemi fqinjë me Serbinë, që fatkeqësisht jo vetëm tash së voni por për një kohë të gjatë, është bërë një dorë e zgjatur e Rusisë në përpjekje për të destabilizuar rajonin. Nuk mund të gjejmë ndonjë ndikim rus brenda Kosovës, e kjo na ka ndihmuar edhe në luftën tonë ndaj propagandës ruse, e cila është e stërmadhe në rajonin tonë. Historikisht Rusia është përpjekur të gjejë teren ku do të mund të zgjeronin konfliktin. Gjithmonë e kanë parë Ballkanin Perëndimor si një prej këtyre tokave pjellore për konflikt. Kemi pasur krizë pas krize në rajon për shkak se interesi rus ka qenë që ta kthejë rajonin tonë në të 90-at kur ka pasur luftëra e konflikte”, ka thënë ajo.

Në kuadër të forumit me temën “Avancimi i diplomacisë në kohë trazirash”, Osmani ka thënë se Kosova ka shumë plagë të hapura nga lufta. Ajo ka thënë se Kosova ka qenë viktimë e gjenocidit, teksa ka vlerësuar ndihmën e partnerëve ndërkombëtarë. E ka quajtur Kosovën shembullin më të mirë të demokracisë në rajon. sn

580-vjetori i Kuvendit të Lezhës

Më 2 mars 1444 u mbajt Kuvendi i Lezhës, i organizuar nga Gjergj Kastrioti.

Kuvendi i Lezhës krijoi një aleancë politike dhe ushtarake të fisnikëve shqiptarë kundër pushtuesve osmanë. U bë i pari bashkim politik në shkallë mbarëshqiptare që njihet në historinë e vendit.

Në kuadrin e këtij Kuvendi, të njohur ndryshe në historiografi me termin “Besëlidhje”, fisnikët shqiptarë ruajtën të gjitha të drejtat që kishin mbi zotërimet e tyre.

Skënderbeu, si kryetar i Besëlidhjes, nisi të organizonte ushtrinë që përbëhej nga forcat e përhershme dhe nga forcat që do të mobilizoheshin në rast lufte.

Forcat e përhershme u formuan nga repartet e sundimtarëve shqiptarë, sipas kuotës së caktuar nga Kuvendi i Lezhës.

Në ushtrinë prej 8000 kalorësish dhe 7000 këmbësorësh, një të tretën e përbënte garda e Skënderbeut.

Në dokumente paraqiten disa të dhëna lidhur me zhvillimin e këtij Kuvendi.

ImageImage

UGSHPD: PRESIDENTIT BEGAJ: SHKËLQESI, ËSHTË KOHA QË SHQIPËRIA TË SHËROHET

 

Shkëlqesisë së Tij Presidentit të Republikës së Shqipërisë Bajram Begaj,

Me nderimin “Shkëlqesi” ju janë drejtuar shumë krerë shtetesh për t’ju uruar dhe dhënë juve besimin se çfarë roli vendimtar juve keni në unitetin e popullsisë dhe mbarëvajtjen e çështjeve të shqiptarëve që në ditën e parë të betimit tuaj si President më 24 Korrik, 2022. Një nderim të tillë do të mund ta bënte  për juve edhe UGSHPD (Unioni i Gazetarëve Shqiptarë Profesionistë të Diasporës), në rast së institucioni juaj nuk nëpërkëmbet nga interesat e mbrapshta të qeverisë shqiptare e cila ka hyrë seriozisht në rrugën e kontrollit të gjithë jetës së vendit me një arrogancë ku juve vetë ndjeheni të anashkaluar, nën hije dhe nën presion të vazhdueshëm. Është koha që presidenca të mbrojë Shqipërinë duke forcuar shtyllën kurrizore dhe të mbaj qëndrim për zhvillimin e vendit. Ju kujtojmë një pjesë nga fjala juaj gjatë betimit se: “Shqipëria ka hyrë në një rrugë të pakthyeshme europiane. Shqipëria europiane, sot premtim dhe nesër realitet është kurora e ëndrrës më të bukur të popullit shqiptar” dhe  se “e njeh, mbështet dhe respekton punën e qeverisë dhe se dëshiron nga opozita ‘të mos shihet konflikti’ para bashkëpunimit”

Kjo është aq e vërtetë dhe therëse sot pasi në Shqipëri gati një vit përpara zgjedhjeve po shkatërrohet pluralizmi. Opozitës nuk i jepet hapësira dhe veç kësaj pamje politike gjeografikisht Shqipëria po parcelizohet përmes interesave të klientelës “investime strategjike” apo marrëveshje ku sovraniteti i territorit mbulohet me hapësira ligjore të cilat ritmikisht po kalohen në parlament me vlerën e kartonit 74 vota. Pas katër raundesh 78 vota ju deshën juve të siguronit presidencën dhe ca më keq sot kuvendi po kalon ligje të tjera pa pjesëmarrjen e opozitës dhe fuqia e kërkuar e kartonave prej 84 votash do të jetë precedenti i shitblerjes së interesave për çdo ligj që qeveria do të bëjë deri sa vendi do t’i drejtohet ditës së zgjedhjeve ( të planifikuara apo të parakohëshme qofshin ato).

Pra janë më pak se dy vite kohë që juve drejtoni shtetin dhe firma juaj përmes dekretimit të ligjeve do t’ju sjellë në histori si një nga figurat shtetërore që përmes Institucionit të Presidencës u lëshuat përballë presionit të kapjes plotësisht të shtetit nga një qeverisje e zhytur në korrupsion. Zhvillimet e muajve të fundit shprehin pakënaqësinë mbarë popullore për fatet e Shqipërisë ku juve keni një pjesë të rëndësishme të përgjegjësive. Do të përmendnim vetëm pak fakte nga kohët e fundit ku juve po ju kërkohet në mënyrë të përsëritur nga qytetarët dhe opozita që të mos i dekretoni ndryshimet ligjore që lidhen me “Zonat e Mbrojtura”. Para syve tuaj, ndodhet harta natyrore e zonave si pasuri vendore dhe ndërkombëtare dhe ku rreshtohen  Butrinti, Karavastaja, Mali i Dajtit, Liqeni i Ohrit, në të cilat do të vazhdohet me intensitet ngritja e shesheve të ndërtimeve dhe betonizimi, pa harruar shembullin e asfaltit dhe betonit që sot ka pushtuar  Lagunën e Nartës, Portin e Durrësit dhe Skavica në pritje si një pellg ujor përmbytës pranë rrethit të Dibrës. Këta tre të fundit njihen si njëri për fluturime, tjetri për lundrime jahtesh, dhe i treti për energji hidrike.

Ky copëtim që po i ndodh Shqipërisë duhet të na shqetësojë të gjithëve dhe mendojmë se mund t’ju ndihmojmë për t’ju sensibilizuar së pari për përgjegjësitë tuaja si kreu i shtetit, si një figurë përfaqësuese e të gjithë shqiptarëve, por edhe si kreu i forcave të armatosura në mënyrë që ta përfaqësoni me dinjitet Shqipërinë.

Përse ju Zoti President Bajram Begaj nuk duhet të nderoheni me pjesëmarrje fizike në takimet ndërkombëtare që mbahen shpesh në kryeqytetin e vendit tuaj?

Në rastin më të fundit edhe pse vetëm disa dhjetra metra përballë institucionit tuaj të presidencës nuk mundët të përfaqësonit si i ftuar shtetin me nderimin e simboleve përkatëse. Por më 28 dhe 29 Shkurt, shqiptarët dhe mbarë bota panë se asnjë flamur dhe simbol kombëtar nuk u shqua në Samitin Ukrainë-Europa Juglindore. As i Shqipërisë, as i Kosovës, as i BE-së dhe as i vendeve pjesëmarrëse dhe ku hapësira juaj ishte vetëm një mesazh telegrafik në platformat “X” dhe “Facebook”. Kjo hapësirë e juaja nuk shihet më as në ATSH (median e propagandës qeveritare), që prej muajit Tetor 2023 si një nga figurat qendrore të Republikës. Kjo është lënia në hije dhe mos respektimi që ka projektuar për ju forca politike e Rilindjes Socialiste e cila ju zgjodhi dhe po ndërhyn me “bypass-in” institucional të kapjes së pushteteve, një prej të cilëve është dhe institucioni i juaj i presidencës.

I nderuar Presidenti i Republikës Shkëlqesia Juaj Bajram Bega, është e qartë se qeverisja e sotme shqiptare e elitës së Rilindjes Socialiste nuk mund të mposhtë zemërimin popullor, anija e tyre e çpuar dhe e biruar nga korrupsioni synon firmat e institucionit tuaj për të mbuluar keq qeverisjen. Është dita që Ju të mbani qendrim dhe të prapësoni me dekretet tuaja parcelizimin dhe mbrojtjen e territoreve dhe burimeve natyrore duke personifikuar verdiktin e popullit shqiptar. Është vendi dhe koha që të mbrohet demokracia, populli të ketë besimin në shtetin e së drejtës  që vepron dhe është plotësisht koha e mjaftueshme që institucioni i presidencës të mbetet i pavarur. Vetëm këto qendrime ju bëjnë juve që si presidentit i vendit të meritoni respektin edhe përpara miqve të dukshëm dhe përpara atyre “miqve të padukshëm” të kryeministrit Rama me përfaqësuesit të “Shoqërisë së Hapur” si Aleksandër Sorros, ku në çdo rast duket i materializuar më së miri interesi pas një autokrati dhe po gjen zbatim shprehja se: “kur një kontinent përfshihet nga kaosi, hapen oportunitetet për të përfituar”.

 

29 Shkurt, 2024

Unioni i Gazetarëve Shqiptarë Profesionistë të Diasporës (UGSHPD)

Verband Albanischer Berufsjournalisten der Diaspora (VABD)

Union of Professional Albanian Journalists of Diaspora (UPAJD)

L’Union des journalistes professionnels albanais de la diaspora (UJPAD)

Unione dei Giornalisti Professionisti Albanesi della Diaspora (UGPAD)

Kurti: Nuk mund të isha në konferencën “Plani i Rritjes dhe Konvergjenca”, por mora pjesë me një videomesazh

VOAL- Kryeministri i Republikës së Kosovës Albin Kurti, në faqen e tij në facebook, sqaron pse nuk mundi të ishte i pranishëm fizikisht në Tiranë, në konferencën “Plani i Rritjes dhe Konvergjenca”, në të cilën ai mori pjesë me një videomesazh:
Përgatitjet dhe dakordimi për vizitën në Mbretërinë e Bashkuar dhe Irlandë ishin bërë në vitin e kaluar dhe për këtë arsye e kisha të pamundur të merrja pjesë në takimin e radhës të liderëve të Ballkanit Perëndimor Gjashtë (BP6), në Tiranë.
Megjithëkëtë, në konferencën e sotme në Tiranë me titull “Plani i Rritjes dhe Konvergjenca”, isha pjesëmarrës virtualisht përmes një videomesazhi ku theksova mbështetjen dhe solidaritetin e Republikës së Kosovës me Ukrainën dhe popullin e saj; bashkëpunimin dhe integrimin Rajonal përmes Procesit të Berlinit bazuar në rregullat dhe vlerat e BE-së; përkrahjen dhe përkushtimin për Planin e Rritjes të Bashkimit Evropian që mundëson lidhjen graduale me Tregun Unik të BE-së; përkushtimin në reforma dhe pritjet për samitin e radhës të Procesit të Berlinit dhe Planin e Ri të Veprimit të Tregut të Përbashkët Rajonal (TPR).

Pentagoni: “Nëse Kievi bie, NATO do të hyjë në luftë”

Kështu deklaroi Lloyd Austin në një fjalim në Dhomën e Përfaqësuesve të SHBA-së, ku u diskutua për ndarjen e fondeve për Ukrainën.

VOAL- Shpërndarja e fondeve për Ukrainën është thelbësore, tha shefi i Pentagonit Lloyd Austin, duke theksuar se nëse Ukraina humbet luftën, vendet e NATO-s do të duhet të luftojnë kundër Rusisë.

“Ne e dimë se – tha Austin, në një fjalim në Dhomën e Përfaqësuesve të SHBA-së të cituar nga mediat ukrainase – nëse Putini është i suksesshëm, ai nuk do të ndalet. Ai do të vazhdojë të jetë më agresiv në rajon.” Liderë të tjerë në mbarë botën, autokratë të tjerë, vazhdoi ai, “do ta shikojnë këtë. Dhe ata do të inkurajohen nga fakti që kjo ndodhi pa qenë në gjendje të mbajmë një shtet demokratik”.

“Nëse jeni një vend baltik, jeni shumë i shqetësuar se mund të jeni i radhës: ata e njohin Putinin, ata e dinë se çfarë është i aftë. Dhe sinqerisht, nëse Ukraina bie, unë vërtet besoj se NATO do të hyjë në luftë me Rusinë”, shtoi shefi i Pentagonit.rsi-eb

Lutjet e së shoqes Presidentit dhe Kryeministrit shkuan kot: Ish ylli dhe Kampioni i atletikës shqiptar Klement Lutfija u nda nga jeta

Sapo është ndarë nga jeta një kampion dhe yll i atletikës shqiptare Klement Lutfija, i nderuar me tituj dhe medalje të arta për rekordet e tij në emër të Shqipërisë.

Ka tre muaj që e shoqja Linda Kalemi u kërkon ndihmë autoriteteve shqiptare dhe komunitetit për të mbështetur ish Kampionin e Shqipërisë, sportistin e dalluar Klement Lutfija pas aksidentit që ai pësoi në mes të Stambollit, kur u godit nga një makinë ndërsa ishte me biçikletë.

Linda Kalemi, balerinë e mirënjohur e Ansamblit të Këngëve dhe Valleve nuk është lodhur prej tri muajsh duke treguar situatën e vështirë që po kalonte bashkëshorti i saj, i dekoruar edhe nga Presidenti i Republikës si Mjeshtër i madh, por gjithçka ka rënë në vesh të shurdhër.

Gjithë bota i ka dëgjuar lutjet e Linfa Kalemit, veç autoriteteve shqiptare jo!

Klement Lutfija sot u nda nga jeta, duke lënë pas trashëgiminë e tij të shkëqyer si sportist shqiptar, por duke mos marrë kujdesin që i takonte në një moment shumë dramatik të jetës së tij.

Voal.ch ngushellon zonjën Linda Kalemi, dy djemtë e tyre, që të jenë krenar për babain, i cili po ashtu ishte edhe një krenari kombëtare, por mjerisht i mbetur jetim nga ky shtet atëhere kur pati nevojë.

Kryeministri i Shqipërisë Edi Rama sapo ishte në Turqi dhe do të ishte në nderin e tij ta vizitonte dhe të tregonte përgjegjshmëri përpara një qytetari të nderuar që luftonte me jetën e vdekjen.

Voal.ch po sjell apelin e zonjës Linda Kalemi bërë dje tek TV Klan i Maqedonisë, i ndërprerë shpesh herë nga ngashërimet, që shkoi kot sikur apelet dhe lutjet që ajo ka bërë gjatë këtyre muajve kalvari për yllin e atletikës shqiptare Klement Lutfinë familjen e saj .

 

 

“S’ka mjedis për zgjedhje më të lira”, Freedom House: Mungesa e transparencës dhe qeverisja jofunksionale, shqetësim në Shqipëri

VOA

 

Organizata “Freedom House” me seli në Uashington ka publikuar raportin vjetor ku vlerëson se Kosova dhe Shqipëria mbesin vende “pjesërisht të lira” pavarësisht përparimit në disa fusha për avancimin e të drejtave të njeriut dhe lirive të qytetarëve. Në raportin mbi “Lirinë në Botë”, Kosova këtë vit vlerësohet me 60 pikë nga 100 pikë maksimale, pa ndryshime nga viti i kaluar. Në të kaluarën, organizata “Freedom House” e ka cilësuar Kosovën si vend në tranzicion me një sistem hibrid qeverisjeje.

Ndërkaq, në indeksin e Lirisë Globale Shqipëria vlerësohet me 68 pikë, duke shënuar përparim me një pikë në raport me vlerësimin e vitit të kaluar. Shqipëria po ashtu konsiderohet si vend në tranzicion me sistem hibrid të qeverisjes.

Ekspertja e organizatës “Freedom House” për Ballkanin, Alexandra Karppi, thotë për Zërin e Amerikës se situata në Kosovë nuk mund të shkëputet nga dinamika e zhvillimeve ndërmjet Kosovës dhe Serbisë. “Vitet e fundit Kosova ka shënuar përparim, çka pasqyrohet tek rezultatet, sa i përket mbrojtjes së të drejtave të njeriut dhe lirive qytetare, proceseve më të dobishme politike, që u kanë mundësuar qytetarëve pjesëmarrje më të lirë, dhe shoqërisë civile veprimtari më aktive. Këto gjëra gjithsesi kanë shënuar përparim vitet e fundit”, deklaroi zonja Karppi. Viti 2023, sipas saj, ishte i vështirë për Kosovën.

“Kemi parë rritje të dhunës në komunat veriore, çka mund të vërë në mëdyshje shumë procese, dhe mund shkaktojë trysni ndaj qeverisë që të sigurohet se po ofron mbrojtje për të gjithë qytetarët e Kosovës”, theksoi zonja Karppi. “Këto janë procese afatgjata. Kjo është një situatë e stërzgjatur sigurie.”

Sipas saj, “megjithëse ekzistojnë shqetësimeve për lirinë e mediave dhe sigurinë e gazetarëve, janë bërë përparime të mëdha në respektimin e të drejtave të minoriteteve dhe të drejtave fetare.”

“Kosova mbetet një nga vendet udhëheqëse në Ballkanin Perëndimor në disa nga shtyllat e rëndësishme dhe thelbësore të demokracisë.”. Lidhur me Shqipërinë, zonja Karppi theksoi si përmirësim procesin e vetingut, i cili, sipas saj, “ka filluar të shënojë përparim duke e detyruar Shqipërinë që ta mënjanojë korrupsionin në fushën e drejtësisë”.

Sipas zonjës Karppi, kjo do të thotë se në Shqipëri gjykatat tani janë në pozitë më të mirë që t’u shërbejnë qytetarëve dhe janë më efikase. “Kjo do të thotë se në Shqipëri po përmirësohet dukshëm qasja e qytetarëve tek sistemi i drejtësisë dhe ky përparim duhet të vlerësohet”, shtoi ajo. Ekspertja Karppi thotë se mungesa e transparencës dhe qeverisja jofunksionale vazhdojnë të përbëjnë shqetësim në Shqipëri. Ajo përmendi mbarëvajtjen e zgjedhjeve lokale, gjatë të cilave, sipas saj, “nuk është krijuar një mjedis për zgjedhje më të lira dhe më të drejta.”. “Përgjithësisht Shqipëria ka përparuar këtë vit duke u dhënë mundësi qytetarëve që serish të marrin pjesë në proceset demokratike duke iu përmbajtur angazhimeve për reforma të marra para Bashkimit Evropian”.

Raporti që vlerëson përparimin e 195 shteteve dhe 15 territoreve gjatë vitit 2023, bazuar tek vlerësimet në fushën e të drejtave politike dhe lirive qytetare, e cilësoi gjendjen e përgjithshme globale të të drejtave politike dhe lirive të njeriut si, “një situatë të përshkallëzuar gjerësisht”. Sipas organizatës “Freedom House”, të drejtat politike kanë shënuar rënie për të 18 vite me radhë. Rënie është shënuar në 52 shtete, ndërkohë që vetëm 21 vende kanë shënuar përmirësim gjatë vitit 2023. Aktualisht nga 195 vendet dhe territoret e vlerësuara, sipas raportit, shumica e popullsisë së botës, rreth 80 për qind, jeton në vende që klasifikohen si pjesërisht të lira apo jo të lira.

Në veçanti, organizata nënvizoi se zgjedhjet e manipuluara, si ato në Ekuador, Kamboxhia Poloni, Turqi dhe vende të tjera, dhe konfliktet e armatosura, disa të nxitura nga regjimet autoritare, si në rastin e Azerbajxhanit ndaj Nagorno-Karabakut dhe Rusisë ndaj Ukrainës, apo lufta ndërmjet Izraelit dhe Hamasit, që ka shkaktuar viktima të shumta civile, kanë kontribuar tek regresi i përgjithshëm gjatë vitit 2023. Organizata “Freedom House” thekson se Serbia ka shënuar rënien më të madhe në Evropë. Ajo është vlerësuar me 57 pikë, duke rënë tre pikë në kategorinë e të drejtave politike dhe lirive qytetare nga viti i kaluar. Serbia është po ashtu në listën e shteteve që, sipas organizatës, shënuan rënien më të madhe të lirisë në dekadën e fundit, me 21 pikë.

Sipas ekspertes Karppi, zgjedhjet e mbajtura në Serbi në fund të vitit 2023, të sfiduara nga partitë opozitare “ishin vetëm një nga arsyet e rënies.” Disa faktorë të tjerë, sipas zonjës Karppi, përfshijnë edhe mungesën e transparencës rreth prokurimit, projekteve në infrastrukturë dhe politikave të zhvillimit ekonomik, por edhe fushatat denigruese ndaj udhëheqësve opozitarë dhe kritikëve të regjimit të Beogradit. “Aktualisht ekziston frika e ndonjë lloj hakmarrjeje nëse kritikoni ashpër këtë qeveri. Pra, përgjithësisht, një pamje e përkeqësuar”, shtoi ajo. “Po shohim një hapësirë që sa vjen e ngushtohet për mbrojtjen e të drejtave të njeriut dhe po ashtu një zbehje të funksionimit të institucioneve demokratike”. Këtë vit, sipas raportit, rënien më të madhe e shënoi enklava e Nagorno-Karabaku-t, ku 120,000 banorë armenë u detyruan të braktisin shtëpitë e tyre nën trysninë ushtarake të Azerbajxhanit.

“Shtrirja dhe shkalla e përshkallëzimit është e gjerë dhe prek një të pestën e popullsisë së botës”, thuhet në raportin e organizatës. “Pothuajse kudo, zbehja e të drejtave është shkaktuar nga sulmet ndaj pluralizmit, bashkëjetesës paqësore të individëve me ide të ndryshme politike, fetare apo identitete etnike”. Në krye të listës së organizatës “Freedom House” renditet Finlanda me 100 pikë, pasuar nga Zelanda e Re dhe Suedia me 99 pikë.


Send this to a friend