VOAL- Presidenti i Republikës, z. Bajram Begaj, ngushëllon familjen e poetit të madh Hamit Aliaj:

Tiranë, më 8 mars 2023

E nderuar familja Aliaj,

Me pikëllim mësova për ndarjen e parakohshme nga jeta të poetit të mirëjohur Hamit Aliaj, Mjeshtër i Madh.

Sot poezia shqipe është në zi për humbjen e njëri prej zërave më origjinalë të saj.

Hamit Aliaj solli në poezinë shqipe epikën e veriut dhe modernitetin e kohës.

Ai do të kujohet gjithmonë për tekstet e këngëve të tij, disa prej të cilave u bënë burim frymëtimi për UÇK dhe luftën çlirimtare të Kosovës. Ato do të jenë frymëzim edhe për brezat e ardhshëm.

Në këto momente pikëlluese, ju lutem pranoni ngushëllimet e mia të sinqerta!

Bajram Begaj

—————–

– Familjes së Hamit Aliajt

LAPRAKË, TIRANË