Portat e mbyllura të Vatrës në Ditën e Pavarësisë së Kosovës i ngjajnë Shqipërisë komuniste që i linte bijtë e vet më të mirë përtej kufijve duke i shpallur tradhëtarë dhe Kosovën e ndante nga shqiptarët ndërsa kosovarët nga Shqipëria amë.

Është e dhimbshme në fakt kur portat e Vatrës mbyllen, një herë, dy herë…disa herë.

Akoma më e dhimbshme është kur në data historike, kur paqja flet përmes historish të përgjakshme dyert e kujtesës i mbyllen medias, gazetarëve, aktivistëve , individualiteteve, vatranëve.

Kush po e kyç Vatrën?

Kush po i shpall armiq dhe kriminel kontributorët të cilët e mbajtën hapur atë derë historike që bëri histori?

Pse po përçahen e ndahen shqiptarët përsëri si dikur , në armiq imagjinarë etj, etj.

Anës Vatrës , pas portave të mbyllura të saj u thirr përsëri për liri e pavarësi . Është ditë pavarësie Kosove dhe kush ka luftuar për liri ia din fort mirë vlerat asaj. E kundërta ndodh me dhunuesit e lirisë …ata veç dhunojnë. Anës Vatrës mund të thërrasësh për liri sepse Vatra është gjenerator lirie, si e tillë u krijua, ashtu historikisht veproi e prej lirisë do të mbijetojë .

Gëzuar Idriz Lamaj , ish -gazetar i Zërit të Amerikës!

Gezuar drejtues të Albanian Culture TV, një vatër e Vatrës dhe çdo shqiptaro -amerikani që çmon lirinë.

Gëzuar vëllezër e motra që dy Pavarësitë i konsideroni si themele të kombit tonë .

Marjana Bulku

17 Shkurt 2024