Shume mirë, po i vjen fundi koha që politikës së mbrapsht, të infektimit në staza të gjata, i rrezikshem si Koronavirusi .Po mos të ishte kjo gjendje emergjente, që na kthyen në gjendje të jashtëzakonshme politikanet pa fije turpi, do ti kishim punët më mirë në Kosovë .

Sigurisht edhe pyetni si ndodhën këto gjera më kaq shpejtësi ?Infektimi psikologjik njeriun mund të dërgon në spitalin psikiatrikë, ndoshta shpëton pa vdekur.Apo pyetja tjetër, si u bë që kjo klasë politike na doli me kaq shumë të këqija ?Njeriu i ynë sikur është mësuar më barra të rënda që nuk i ban as kali! Se mos të flasim për luftën dhe viktimat e mëdha që na I solli pushtuesi i eger serbë ?! I harruan gjithë ata njerëz që ranë për lirinë tonë ?! Dhe, ne daqi mos më mbani për fjale.Por kur gjithëqka një ditë kur të pushon dhe të mendohet esëll, për dikënd që i ka bërë dëme të mëdha shtetit dhe kombit do të jetë shumë vonë pendesa.Do të jetë vonë për viktimat që ranë nga epidemia , e këta mbajtën tubim për rrëzimin e qeverisë ?!

Ndoshta edhe dikujtë ka mundësi ti kthjellët truni pas karantinës , por që dëmin që ia shkaktuan popullit nuk ju hiqet për jetë e mot.Kush veq pak ka ndjenja njerëzore , do të ishte mirë që të kthjellët, të dalë nga ërrësira ku është katandisur . Së si do të veprojnë na mbetet të shohim. Hajde të gjithë të shikojmë së çka po punohet dhe si po veprohet, në këtë gjendje lufte në dy frontesh , me koranavirusin në njërën anë dhe më frontin e luftës politike për pushtet në anën tjetër. Sigurisht së e para është duke funksionuar mirë, por që shumë e prishën këta të dytët më prurjën e vendimit më të quditshem dhe më të habitshëm për mocion , kur e gjithë bota po lufton më pandeminë. Na errësuan tokën dhe qiellin, na bën përrallën e Zotit para botës demokartike , që as adoleshentët nuk e kishin bërë një gjë të tillë .

Kushdo që të ishte në pushtet në këtë rast, po të kishte pak moral, dashuri ,njerëzillëk ishte dashur të përkrahët. Është apsurditet më i ndejtë gaditur Grenelit pse ashtu ju ka tekur?!Ai nuk është Amerika?! Është koha e mobilizimit të përgjithshem . Kjo puna e Serbisë tek e fundit nuk është asgjë more burra.Ne kemi shtetin tonë ata kan shtetin e tyre.Kjo logjikë duhet të mbretëron. Jo more jo, kësaj I thonë diletantizëm në politikë. Po, nuk është punë e ngutshme bisedimet më Serbinë. Ne e kemi primare për të dalë faqebardhë nga situata e krijuar nga kjo fatkeqësi e madhe natyrore si e gjithë bota. Të gjitha këto të liga një ditë do tu përplasën fortë për fytyrë atyre që i përgatitën . Sado që dikush edhe të punon mirë për shtet të vet, nuk i falën dot gabimet e mëdha, sikur nuk ju kan falur shumë burrshtetaseve të mëdhenjë të botës edhe pse I kan fituar luftërat. Dihet së problemet e shtetit janë të lidhura më liderë shtetëror.Kur këta nuk janë të dijshem , apo bijne ndesh me ligjin , duhet kërkuar përgjegjësi morale e ligjore, para së të shkojnë në shtëpi. Mjaftë kemi luftuar për të drejtat tona deri sa e fituam lirinë. Kjo tash që po na ndodhë , të luftojmë për të drejtat tona në shtetin tonë , kjo i kalon suazat e normalës ! Kjo për shqiptarët është dënimi më i madh…?!

Si zakonisht, para rrëzimit të një qeverie beteja politike në Kuvend bëhet mes partive në pushtet dhe atyre opozitare. Mirëpo, kësaj radhe beteja për rrëzimin e qeverisë u bë vetëm në mes partnerëve në pushtet.
Është hera e parë në Kosovën e pas luftës që mocionin për shkarkimin e qeverisë e merr partia në pushtet. Është poashtu hera e parë që partitë opozitare nuk patën nevojë të shpenzojnë energji për rrëzimin e qeverisë.

Qytetarët e Kosovës më optimist kanë qenë 21 vjet më parë gjatë periudhës së luftës çlirimtare, përkatësisht gjatë bombardimeve të NATO-s ndaj caqeve serbe, atëherë kur më afër e kanë pasur vdekjen se jetën, sesa tani pas rënjes së qeverisë së shpresës.
Vënja e interesave partiake dhe klanore para interesave shtetërore e liderëve partiak, ka bërë që qytetarët e vendit të harrohen dhe nëpërkëmbën nga të gjitha qeveritë e pas 17 shkurtit 2008.
Dallimi mes politikanëve dhe simpatizantëve politik është i madh. Politikanët nuk i mbajnë qendrimet dhe parimet e tyre politike, ndërsa simpatizantët politik i mbrojnë ato dhe nuk tërhiqen lehtë nga ndjenja e brendshme shpirtërore.
Përderisa simpatizantët partiak janë të gatshëm që të prishin miqësi e fqinjësi për mbrojtjen e qendrimeve dhe parimeve të liderëve partiak, këta të fundit, përveq që nuk prishen mes tyre, shkelin parime dhe premtime.
Për dallim nga simpatizantët partiak që sakrifikohen për interesat e liderëve partiak, liderët partiak i harrojnë simpatizantët dhe elektoratin për interesat e tyre, duke i ndërruar qëndrimet më shpesh sesa këmishat e djersitura që u kundërmojnë erë korrupsioni dhe kriminaliteti ekonomik.
Problemi është, se politikanët e papërgjegjshëm, monstrumët dhe matrapazët politik janë njerëz pa ndjenja, pa moral njerëzor që jetojnë mbi kurrizin e qytetarëve.

Kuvendi maskave, kuvend i turpit dhe marrëzisë politike

Për aq gjatë sa do të mbahet në mend pandemia botërore “Covid-19”, aq do të mbahet mend edhe kuvendi i maskave, kuvendi i turpit dhe marrëzisë politike në kushte dhe rrethana të jashtëzakonshme.
Jo pse është mbajtë në mes të epidemisë, por për arsyen e mbajtjes!
Ka edhe parlamente të vendeve perëndimore që janë mbajtur me maska në këtë kohë pandemie, por ato janë mbajtur me qëllimin e mirë, të nxjerrjes së masave të nevojshme dhe të domosdoshme në parandalimin e përhapjes së virusit dhe nxjerrjes së vendimeve urgjente në funksion ndihmës për popullatën në zonat e prekura nga pandemia botërore.
Sigurisht që edhe në ato vende ka kundërthënje e mos pajtime politike, por të gjithë i kanë ulur flamujt partiak dhe janë vënë në shërbim të vendit dhe qytetarëve.
Ndërsa tek ne ndodhi e kundërta, paradoksalisht partitë në pushtet e shkaktuan krizën qeveritare, bënë thirrjen e seancës së kuvendit me të vetmën pikë të rendit të ditës “Mocioni për votëbesimin e qeverisë”, duke shkarkuar vetëvetën dhe shkaktuar njëkohësiht krizën institucionale në pikun e krizës së pandemisë botërore, duke i lënë qytetarët e vendit në mëshirën e Zotit.

Për ta njohur dikë mirë, duhet mësuar gjërat që ai fshehë e jo ato që tregon

Citatin e mësipërm, po e argumentoj me dy fjali të shkëputura nga deklaratat e dy liderëve të ish koalicionit qeverisës një ditë pas rënjes së qeverisë.
E para,”Ishte kjo një rënie e domosdoshme për ngritjen e nevojshme” (A.K.).
E dyta,”Vendimet e LDK-së, si gjithmonë, janë në të mirë të LDK-së, dinjitetit të saj” (I.M.).
Janë këto dy deklarata që vërtetojnë qëllimet e vërteta të dy liderëve partiak që u fshehen prapa justifikimeve të pa qëndrueshme për prishjen e koalicionit qeverisës.
Nga kjo shihet qartë se përtej presionit amerikan për heqjen e taksës pa kushte dhe arritjen e marrëveshjes me Serbinë, janë edhe kalkulimet partiake ato që quan në rrezimin e qeverisë.
Prishja e koalicionit shpresës, përkatësisht thyerja shpresave të qytetarëve në rrethanat më të pazakonta të izolimit total dhe rrezikut të paparë deri më tani për njerëzimin në përgjithësi, përveqse papërgjegjësi politike, paraqet precedanin më të keq para botës së qytetëruar.
Pas rënjes së qeverisë së shpresës, qytetarëve të vendit u ka mbetur të besojnë vetëm në të padukshmën në horizont, apo siq e kanë thënë pleqt nga kohët më të vjetra, për ta mbajtur gjallë optimizmin; “Ishalla na mbanë ajo që nuk e shohim”, duke aluduar në Zot dhe shpresuar në mrekullinë që zbret nga qielli!
Ndryshimet politike në vend, sikurse që janë proces i pandalshëm, duhet të jenë edhe mision i së cilit politikan, në të kundërtën, ata që nuk janë të zotët t’i çojnë përpara proceset politike është mirë që t’u lëshojnë rrugë të tjerëve që mund ta bëjnë një gjë të tillë.

Instituti Kombëtar i Shëndetësisë Publike ka bërë të ditur se të rinjtë e moshave nga 20 deri në 29 vjeç janë prekur më së shumti nga koronavirusi i ri në Kosovë.

Nga 88 personat e infektuar me këtë sëmundje, 20 prej tyre i përkasin kësaj moshe, ndërkohë që vetëm 9 persona të prekur janë të moshës mbi 70-vjeçare.

Sa i përket gjinisë, 53 e meshkujve janë prekur nga sëmundja Covid-19 që shkakton koronavirusi, në krahasim gratë që përbëjnë 47 për qind të numrit të të infektuarve.

Malisheva është qyteti i goditur më së keqi nga kjo sëmundje në Kosovë, me 32 raste të regjistruara, i ndjekur nga Gjilani me 15 raste dhe Prishtina më 11 raste tjera.

Sipas të dhënave të publikuara, më 23 mars është raportuar për numrin më të madh të të prekurve me këtë sëmundje, 23 brenda 24 orëve.

Përveç 88 personave të infektuar në Kosovë deri më tani ka vdekur edhe 1 pacient nga kjo sëmundje.

Me qëllim të parandalimit të përhapjes së koronavirusit të ri, Qeveria në largim e Kosovës ka shpallur gjendje emergjente për shëndetin publik.

Lëvizja Vetëvendosje po i kërkon Presidentit Thaçi që të mendojë datën e zgjedhjeve në vend se të kërkojë emra për kryeministër të ri. Nga Zyra për Media e VV-së kanë thënë për Gazetën Express se posa të përfundojë pandemia e Covid-19, Kosova duhet të hyjë në afatin kushtetues dhe të shpallen zgjedhjet e reja.

Lëvizja Vetëvendosje i ka dërguar porosi Presidentit Hashim Thaçi të mos mendojë opsion tjetër përpos zgjedhjeve të reja pas përfundimit të pandemisë botërore me koronavirus që ka prekur edhe Kosovën,

Zyra për media e partisë fituese të zgjedhjeve të fundit ka thënë se Qeveria në detyrë është e fokusuar në luftën e koronavirusit e më vonë për zgjedhje të reja. E, jo për të dërguar emër të ri për Shef të Qeverisë.,

“Tash për tash të gjithë ne së bashku me Qeverinë jemi të fokusuar rreth Pandemisë së Coronavirusit. Sapo të kalojmë këtë pandemi menjeherë duhet të shkojmë ne zgjedhje të reja. Kësisoj Presidenti Thaçi nuk ka çka kërkon emra për kryeministër të ri, por le të mendoj rreth datës së zgjedhjeve porsa të mbaroj çështja urgjente e Covid19”, kanë deklaruar nga VV.

Një ditë më parë, Presidenti Thaçi tha se prej të hënës do t’i nisë bisedimet për partitë për themelimin e Qeverisë së re. Tha se kërkon një Qeveri me bazë të gjerë.

Siipas Kushtetutës, Shefi i Shtetit së pari duhet të kërkojë nga partia fituese e zgjedhjeve të certifikuara emrin e mandatarit

Por nga Lëvizja Vetëvendosje po shprehen kundër dërgimit të emrit të ri për kryeministër.

Qeveria e Kosovës u rrëzua me votat e më shumë se 2/3 e deputetëve pasi LDK organizoi mocion mosbesimi.

Negociatat për koalicion mes VV-së dhe LDK-së kishin zgjatur më shumë se 3 muaj, kurse qeverisja mes tyre vetëm 50 ditë./GazetaExpress/

Qeveria në detyrë e Kosovës ka reaguar pas deklaratës së zyrtarëve amerikanë, në të cilët thuhet se s’ka plan sekret për shkëmbim territoresh.

Përmes një komunikate drejtuar mediave, ZKM’ja thotë se kjo paraqet një mbështetje dhe inkurajim për Qeverinë në detyrë, por se për ta mbeten kërcënim “thirrjet e vazhdueshme të Presidentëve Thaçi dhe Vuçiq (korrigjim kufijsh me kompromis të dhimbshëm, veriu si dhuratë e Rankoviqit)”.

“Kjo paraqet një mbështetje dhe inkurajim për Qeverinë në detyrë. Por, për ne thirrjet e vazhdueshme të Presidentëve Thaçi dhe Vuçiq (korrigjim kufijsh me kompromis të dhimbshëm, veriu si dhuratë e Rankoviqit, razgraničenje, etj.) vazhdojnë të jenë kërcënim, dhe që nga gushti i vitit 2018, ato janë përsëritur nga dy presidentët të cilët kanë vendosur lidhje të shkurtër me njëri-tjetrin pa ndërmjetësim ndërkombëtar, thuhet në komunikatë.

Sa i përket tarifës, thuhet se me heqjen e tarifës për lëndën e parë është bërë një hap i rëndësishëm, derisa për dialogun thuhet se duhet të udhëhiqet nga Qeveria.

“Dialogu në mes të Kosovës dhe Serbisë duhet të udhëhiqet nga Qeveria, përkatësisht Kryeministri i Republikës së Kosovës, sipas parimeve kushtetuese të Republikës së Kosovës. Dialogu duhet të rifillojë i përgatitur mirë, të ketë qëllim njohjen e ndërsjelltë si dy shtete sovrane dhe me integritet territorial, për marrëveshje të qëndrueshme si garant për normalizim të marrëdhënieve bilaterale dhe paqe e siguri në rajon”, thuhet në komunikatë./Gazeta Express

Komunikata e plotë:

Qeveria në detyrë e Republikës së Kosovës e vlerëson Deklaratën e Përbashkët nga i dërguari i posaçëm presidencial, Richard Grenell, përfaqësuesi i posaçëm për Ballkanin Perëndimor, Mattheë Palmer, dhe ambasadori amerikan, Philip Kosnett, si rikonfirmim se Shtetet e Bashkuara të Amerikës do të vazhdojnë të jenë pranë popullit të Kosovës, dhe se ato mbështesin angazhimin e institucioneve tona shëndetësore për tejkalimin e situatës me COVID-19. Në të njëjtën kohë, thirrjet e tyre për t’u respektuar Kushtetuta, çmohen po aq lart.

Mbi çështjen e tarifës, me vendimin e Qeverisë së datës 20.03.2020 kemi bërë një hap të rëndësishëm duke liruar nga tarifa 100% produktet e lëndës së parë të cilat importohen nga Serbia dhe Bosnjë-Hercegovina.

Për Qeverinë në detyrë të Republikës së Kosovës është tejet i rëndësishëm fakti se në Deklaratën e Përbashkët thuhet se nuk ekziston një plan i fshehtë për ripërcaktim kufijsh dhe se i dërguari i posaçëm presidencial, Richard Grenell, nuk e ka parë dhe as diskutuar një plan të tillë.

Kjo paraqet një mbështetje dhe inkurajim për Qeverinë në detyrë. Por, për ne thirrjet e vazhdueshme të Presidentëve Thaçi dhe Vuçiq (korrigjim kufijsh me kompromis të dhimbshëm, veriu si dhuratë e Rankoviqit, razgraničenje, etj.) vazhdojnë të jenë kërcënim, dhe që nga gushti i vitit 2018, ato janë përsëritur nga dy presidentët të cilët kanë vendosur lidhje të shkurtër me njëri-tjetrin pa ndërmjetësim ndërkombëtar.

Dialogu në mes të Kosovës dhe Serbisë duhet të udhëhiqet nga Qeveria, përkatësisht Kryeministri i Republikës së Kosovës, sipas parimeve kushtetuese të Republikës së Kosovës. Dialogu duhet të rifillojë i përgatitur mirë, të ketë qëllim njohjen e ndërsjelltë si dy shtete sovrane dhe me integritet territorial, për marrëveshje të qëndrueshme si garant për normalizim të marrëdhënieve bilaterale dhe paqe e siguri në rajon.​

Presidenti i Kosovës, Hashim Thaçi ka takuar të premten ambasadorin amerikan në Prishtinë, Philip Kosnett në një takim të mbyllur, në të cilin është thënë të ketë pasur “shkëmbim të hapur pikëpamjesh”.

Në një komunikatë për media është thënë se të dy zyrtarët kanë diskutuar mocionin e mobesimit për rrëzim të Qeverisë, të mbajtur të mërkurën.

“Presidenti Thaçi dhe ambasadori Kosnett janë pajtuar që procedurat e mëtutjeshme për formimin e një qeverie të re duhen bazuar plotësisht në Kushtetutën e Kosovës, duke njohur rolin vital të Gjykatës Kushtetuese në këtë proces”, është thënë mes tjerash në komunikatë.

Përveç çështjeve politike, përgjatë takimit është thënë të jenë respektuar përpjekjet e institucioneve të Kosovës për luftim të koronavirusit të ri.

Aktualisht në Kosovë është raportuar për 86 persona të infektuar me Covid-19, sëmundje që shkakton koronavirusi i ri.

Deri tani një pacient ka vdekur me koronavirus në këtë shtet.

Përpara rrëzimit, Qeveria ka shpallur gjendje emergjente për shëndetin publik.

Ajo po ashtu ka marrë vendim edhe për kufizim të lëvizjes brenda disa orëve në ditë, masë me të cilën nuk është pajtuar presidenti i Kosovës, Hashim Thaçi, i cili ka kërkuar interpretim kushtetues të këtij vendimi.

Qeveria e Kosovës është rrëzuar të mërkurën me 82 vota për 32 kundër dhe një abstenim. rel

Mediat gjermanishtfolëse i kushtojnë vëmendje krizës politike në Kosovë e rrëzimit të qeverisë pas mocionit të mosbesimit. Thuhet se që me krijimin e qeverisë shpërtheu një luftë e ashpër pushteti mes Thaçit e Kurtit.

Gazeta “Neue Zürcher Zeitung” në një artikull me titull “Rrëzohet qeveria e Kosovës – SHBA marrin situatën në dorë” nënvizon se që të rrëzohet një qeveri në mesin e krizës së coronës, konsiderohet edhe në Ballkan si veprim i marrë. “Motivi që doli në krye ishte një grindje për menaxhimin e duhur të krizës së Coronës. Kreu i qeverisë, Kurti refuzoi të shpallë gjendjen e jashtëzakonshme, si e kërkonte presidenti Thaçi. Por realisht që me krijimin e qeverisë ka shpërthyer një luftë e ashpër pushteti mes të dyve, që e pengon edhe më shumë aftësinë vepruese të shtetit të brishtë në një situatë krize.”

“Neue Zürcher Zeitung” thekson armiqësinë mes Thaçit e Kurtit që nga fundi i luftës për pavarësi në vitin 1999. Por kjo luftë për pushtet ka edhe një dimension ndërkombëtar, analizon gazeta zvicerane. “Këtu bëhet fjalë për zgjidhjen e çështjes së Kosovës, që edhe 20 vite pas luftës ende përmban potencial të madh konflikti. Po kaq gjatë kanë qenë të një mendimi edhe SHBA e Europa në çështjet kryesore.[…] Parë më me hollësi ka qenë Uashingtoni, ai që ka ecur përpara në politikën e Kosovës. Dhe europianët i kanë shkuan pas mbas një farë kohe. A është edhe tani ky rast?…Thaçi mbështetet nga i ngarkuari i posaçëm i Shtëpisë së Bardhë dhe i afërt me Trumpin, Richard Grenell. Ambasadori amerikan u shpreh i gëzuar për zhvillimin e mocionit të mosbesimit të mërkurën.[…]Nga ana tjetër kemi BE-në që me shumicë është e mendimit, që qeveria e Kurtit duhej të vazhdonte punën.”

Kurse gazeta gjermane “taz” -“Die Tageszeitung” në një artikull me titull “Kosova sërish pa qeveri” thekson se vërtet ndodhi. Qeveria e Albin Kurtit u rrëzua, e me këtë dështoi një eksperiment, me të cilin do duhej të ndërmerreshin shumë projekte për reforma. Taz e sheh arsyen e rrëzimit të qeverisë tek presioni i madh i qeverisë amerikane për një marrëveshje mes Serbisë dhe Kosovës. “Kosova duhej të hiqte tarifat 100% të doganave. Këtu Kurti do të bënte lëshime. Por në sfond bëhet fjalë për një shkëmbim territoresh me Serbinë mbi bazën etnike. Këtë e refuzon Kurti dhe një masë e madhe e opinionit në Kosovë. Presidenti Trump kërkon në vitin zgjedhor, pas një serie dështimesh në politikën e jashtme, të paktën në Europë një sukses në politikën e jashtme. Një vendim paqeje mes Serbisë dhe Kosovës mund t’i nevojitej Trumpit.”

Kurse të enjten (26.03) ishte gazeta gjermane “Frankfurter Allgemeine Zeitung” që i kushtoi vëmendje zhvillimeve në Kosovë. “Formalisht pretekstin për mocionin e mosbesimit e ofroi një grindje për mënyrën e veprimit në krizën e Coronës. Presidenti Hashim Thaçi doli si forca nxitëse.[…]Thaçi mbështetet nga Richard Grenell, ambasadori amerikan në Gjermani, që u zgjodh edhe i dërguar i posaçëm për Serbinë dhe kosovën. Grenell kërkon prej javësh që Kosova të heqë tarifat e doganave pa kushte.[…]Kurti ishte kundër kësaj, Kosova mund t’i heqë doganat, nëse edhe Serbia heq barrierat e saj tregtare. Kjo bëri që të ashpërsohej toni mes Shtëpisë së Bardhë dhe qeverisë kosovare. Donald Trump Junior kërcënoi me atë që amerikanët mund të mbyllin edhe kampin Bondsteel, bazën e tyre ushtarake në Kosovë.”/DW

Deputeti i Lëvizjes Vetëvendosje, Mefail Bajqinovci, ka deklaruar se kreu në detyrë i Qeverisë, Albin Kurti, nuk tha se amerikanët kanë një plan sekret që përfshijnë shkëmbimin e territoreve, raporton Gazeta Express.

Bajqinovci ka deklaruar se Kurti dhe Vetëvendosje kurrë nuk do të mund të paraqiten si antiamerikanë.

“Albini e asnjë deputet i LVV nuk ka thënë se Grenell apo dikush nga administrata e SHBA ka plan sekret. Kemi thënë se ka plan e marrëveshje jo transparente, pra sekrete ndërmjet dy presidentëve Thaçi-Vuçiç”, ka shtuar ai.

Deputeti i Vetëvendosjes ka shkruar se kreu i LDK-së, Isa Mustafa, s’do të duhej më të provonte ta fshehë faktin se e ka shkrirë LDK-në te presidenti Hashim Thaçi. /GazetaExpress/

 Deputetet e Kuvendit tw Kosovës në orët e vona dhë të liga për Kosovën e turpëruan dhë lënduan rëndë tempullin e demokracisë dhe të lirisë.E përdhosën votën e sovranit në kohë kolere. E përdhosën votën e lirë për interesa meskine, për interesa përsonale , për interesa të atyre që moti e kan shitur shpirtin . E keni kthyer per nje moment te keqen e madhe qe menduam të gjithë qe e lame mbrapa, qe Kosova mos te shkaterrohet perfundimisht.Grusht te rend i keni dhene ju deputete me maska te koronavirusit, por krejte të zhveshur nga turpi që nuk ua lanë as deti.Ju jeni do hiqa e kurkusha , do gjysem analfabet e matrapazë politike ,qe për ju Kosova dhe kombi nuk paraqesin asgje hiq.Jeni mësuar me vjedhë dhe plaqkite popullin tuaj, dhe e rrëzuat qeverine e shpreses per ti vazhduar avazet antiKosove aty ku I keni lënë .E futët vendin në krizë tjetër institucionale dhe ekonomike, e prut vendin buzë zhbërjës.

Jeni mesuar qe të vjedhni gjithëqka para veti, nuk keni faj! Kurti nuk ua lejojë këte .Nuk është këtu në pyetje Amerika dhe as taksa , por është në pyetje kthimi i juve qe e keni humbur pushtetin më vote, për ti vazhduar mariftetet e pista, edhe për ti shitur sërish territoret shqiptare , e tash Serbise. Dhe, këtë edhe mund ta bëni po qe nuk do tju funksionon gjate ,se populli është sovrani, nuk do ta lejon që të humben aq shume territore të vendit dhe ato me kryesoret ,për pushtet dhe për ta shpëtuar bythen nga Gjykata Speciale . Kjo seancë do të mbetet si tubimi me i turpshem ne historine e nje shteti , kur njerëzit po vdesin e ju nuk e latë pa e mbajtur tubimin antiKosovë .

Ju po kamumfloheni prapa takse , e shkarkimit te Veliut, thua se ky fare veliu na qenka Kosova! Ju qe po veproni ne një situate të tillë jeni argatet e djalllit, ju nuk jeni zëri i popullit . Kurti e ka te drejten dhe popullin mbrapa veti.E shkarkuat si hijenat e natës vonë , por kurrë nuk keni mundesi ta rrezoni zërin e arsyues qytetare, i cili pas kalimit te Koronavirusit do tua kthej përgjigjen e merituar me voten e lire.Në menyrë tinzare e hileqare e frikacake e shfrytëzuat epideminë , që mos të kan mundësi qytetarët ti mbushin sheshet në përkrahje të qeverisë së shpresës , të cilën jua morët serish, por mos mendoni për shumë gjatë .Kalon edhe kjo fortunë të cilën e prodhuat , dhe do të ndesheni më votën e sovranit e cila përfundimisht ka më ju qitë përtoke dhe ka më ju gjuajtur në bërllogun e historisë . Atje edhe e keni vendin.Ju do te zbritni nga skena politike të cilën e turpëruat aq gjate, për të mos u kthyer kurre më në pushtet…Albini e Vjosa e humbën betejën nga Ata qe nuk kan legjitimitet , por do të fitojnë luftën…?!

Donika Gërvalla i ka dalë në krah Vjosa Osmanit, në lidhje me atë që po ndodh në politikën kosovare.

Gërvalla shkruan se zonja Osmani po drejton një politikë parimore, duke shtuar se iu ka qëndruar vlerave, pavarësisht presioneve që ka pasur.

“Nëse ka një politikan të vetëm në Kosovë, i cili iu ka qëndruar konsistent qëndrimeve të tij parimore dhe të drejta, me gjithë presionin e pamasë, ai e ka emrin Vjosa Osmani”, nënvizon Gërvalla.

Dje, në Kuvendin e Kosovës u votua nocioni i mos-besimit ndaj qeverisë së Kurtit, duke rrëzuar qeverinë e tij.

Albin Kurti ka shkruar një natë pasi u rrëzua nga pushteti që e mbajti për 50 ditë. Kurti nis shkrimin e tij duke thënë se “ishte rënie e domosdoshme për ngritjen e nevojshme”.

Kryeministri në detyrë, Albin Kurti, i rrëzuar me 82 vota pro, shkruan se “ne do të fitojmë” dhe “e ardhmja është e jona”.

Ai thotë se kuptimi i mosbesimit ishte porosia e emisarit të SHBA’së për dialogun Kosovë – Serbi, Richard Grenell. Sipas kryeministrit në detyrë, me votimin dje, u kuptua se 80 deputetë janë të gatshëm për një marrëveshje për shkëmbim të territorit të Kosovës, që Kurti beson se është arritur mes Presidentit të Kosovës dhe të Serbisë.

Shkrimi i plotë:

Ishte kjo një rënie e domosdoshme për ngritjen e nevojshme. Pa rënë qeveria si përbërje nuk bëhet dot qeverisja si përmbajtje. Jo se e kemi ditur, gjithsesi e morëm vesh.

Mbledhja e djeshme e kuvendit do të ishte mirë të mbahej mend gjatë. Mirëpo, nuk do të ndodhë kështu, sepse ne do të fitojmë. Pra, e ardhmja është e jona, ndërkohë që do ta humbim një tragjedi.

Ky kuvend nuk e beson këtë qeveri sepse i nënshtrohet qeverisë si të tillë. Qeveria jonë nuk e beson këtë kuvend sepse e dashuron kuvendin si të tillë.

Saktë e kishte thënë mbrëmë Prof. Enver Hasani: mosbesimi ishte koniunktural. Kur përfaqësimi demokratik bie në koniukturë politike, tjetërsimi bëhet normë.

Qëllimi i mosbesimit nuk ishte rrëzimi i qeverisë sa dobësimi i qeverisjes. Ndërkaq kuptimi i mosbesimit ishte porosia ambasadorit Grenell: në Kosovë janë mbi 80 deputetë të gatshëm të rrezikojnë edhe jetët e qytetarëve vetëm që të kalojë shkëmbimi presidencial.

Do të vazhdojmë si qeveri në detyrë. Jemi qeveri me detyra dhe jo qeveri e detyruar.

Para së gjithash, duhet ta luftojmë bashkë pandeminë Covid-19. Mbi të gjitha, le t’i rrimë popullit afër se Kosova është shtëpia jonë.

Në Kuvendin e Kosovës ka nisur seancën për të shqyrtuar mocionin e mosbesimit ndaj Qeverisë së Republikës së Kosovës, që është iniciuar nga partia në koalicionin qeverisës, Lidhja Demokratike e Kosovës.

Kryeministri i Kosovës Albin Kurti tha se ky mocion i mosbesimit ka ardhur për për shkak siç thotë ai, pazareve të presidentit të Kosovës Hashim Thaçi për shkëmbim territorial me Serbinë.

“Jam i bindur që ka marrëveshje praktikisht këtë ma ka konfirmuar edhe presidenti në takim që ishim”, tha Kurti.

“Ky mocion mosbesimi synon ta lë popullin pa qeveri, atë qeveri që ata e kanë votuar. Për bindjen time të fuqishme motori për të shkakruar qeverinë nuk ka të bëjë as shkarkimin e minstrit Veliu e as me tërheqjen e trupave amerikane, por ka të bëjë asgjë më pak me një marrveshje të gatshme për shkëmbim territorial midis Kosovës dhe Serbisë, ky është motorri që po e shkakton këtë nxitim në Kosovë”, tha Kurti

Kurti shtoi se ‘ky pazar presidencial e kërkon rrëzimin e qeverisë’.

“Motori i kësaj është si të largohet kjo qeveri në mënyrë që t’i hapet shpalljes së gjendjes së jashtzakonshme dhe pazarit të gatshëm për shkëmbim territorial”, tha Kurti.

Arben Gashi nga Grupi Parlamentar i LDK-së në arsyetimin e tij për mocionin e mosbesimit tha se kryeministri Kurti me veprimet e bëra vendosi siç ishte edhe shkarkimi i ministrit të Punëve të Brendëshme Agim Veliu, t’i jep fund koalicionit qeverisës

Mocioni për mosbesim të Qeverisë të udhëhequr nga Grupi Paralamentar i Lidhjes Demokratike të Kosovës është mbështetur nga partitë opozitare Partia Demokratike e Kosovës, Aleanca për Ardhmërinë e Kosovës, Nisma Socialdemokrate dhe Lista Serbe.

Kriza qeveritare, për shkak të mospajtimeve ndërmjet dy partive të koalicionit, Lëvizjes Vetëvendosje dhe Lidhjes Demokratike erdhi në kohën kur e gjithë bota, përfshirë edhe Kosova, po ballafaqohet me luftën kundër koronavirusit të ri.

Mospajtimet të mëdha mes LDK-së dhe Vetëvendosjes dolën në shesh në lidhje me shfuqizimin e tarifës 100 për qind ndaj importeve nga Serbia dhe Bosnje e Hercegovina, masë kjo që ishte vendosur nga qeveria e kaluar e Kosovës, e ish-kryeministrit Ramush Haradinaj.

Finalja e kësaj krize nisi me një deklaratë të ministrit të Punëve të Brendshme dhe Administratës Publike, Agim Veliu pasi ai doli në favor të dekretit të presidentit të Kosovës, Hashim Thaçi për shpalljen e gjendjes së jashtëzakonshme, masë kjo që u kundërshtua nga kryeministri Kurti.

Kuvendi i Kosovës po shqyrton mocionin e mosbesimit ndaj Qeverisë së Republikës së Kosovës, propozuar nga Grupi Parlamentar i Lidhjes Demokratike të Kosovës, perkatesisht të 44 deputetëve.

Albin Kurti mori pjesë në seancë dhe mbajti fjalën e tij, ku renditi arritjet e qeverisë së drejtuar nga ai, përfshi këtu masat për minimizimin e përhapjes së koronavirusit.

ARBEN GASHI NGA LDK: MJAFT MË ME VENDIME TË NJËANSHME, NDALU

Arben Gashi nga LDK-ja në replikë me Albin Kurtin deklaroi:
“Mjaft më ndalu! Ky parlament ju ka zgjedhur, ky ju shkarkon. Sa të ketë Kuvend dhe parlamentarizëm duhet t’i nënshtroheni vendimarrjeve kolegjiale. S‘mund të shkohet me teka personale”,- tha ai.

ALBIN KURTI: MUA NUK MË DHIMBSET VETJA E QEVERIA. PO I HAPET RRUGË MARRËVESHJES PËR SHKËMBIM TERRITORI ME SERBINË

Në Kuvend, Albin Kurti tha se shkarkimi I tij vjen si pasojë e një marrëveshje të errët të gatuar nga Presidenti Hashim Thaci për shkëmbimin e territoreve të Kosovës me Serbinë.

“Mua nuk më dhimset qeveria dhe vetja njerëzit populli. Ky mocion synon ta lëjë popullin pa qeverinë që ka votuar, qeverinë reformatore që e lufton korrupsionin. Po doni ta lini pa qeveri mu në mes të pandemisë së koroanvirusit në një kohë që ne po japim një shembull të mirë për menaxhimin e kësaj pandemie. Populli e di që unë nuk e kam mbështetjen tuaj, por ju të gjithë e dini që kjo qeveri ka mbështetjen e qytetarëve se padrejtësisë ndaj tyre iu shtua edhe rreziku nga korona. Motori i këtij nxitimi s’ka të bëjë me ministrin e shkarkuar, as me tërheqjen e trupave të SHBA, por me një marrëveshje të gatshme për shkëmbim territori me Serbinë. Ky pazar presidencial e kërkon dorëheqjen e qeverisë”,- tha ai.

Kurti tha se vetë Thaci në takim me të ia ka përmendur ekzistencën e kësaj marrëveshje.

”E takova Thacin dhe nuk u kuptuam, më tha hiqe taksën të heqim qafe Serbinë dhe të shkojmë bashkë në Uashington. Ideja është me heq tarifën, me publiku marrëveshjen, por këto pazare presidenciale janë të dëmshme dhe me mua kryeministër nuk shkojnë”.

Është ndarë nga jeta aktorja Leze Qena.

Është shuar ikona e aktrimit kosovar, Leze Qena, në moshën 85 vjecare, mëngjesin e sotëm, konfirmon T7.

Ajo ka vdekur vetëm pak minuta më parë në Mjekimin Intenziv në QKUK.

Aktorja ishte pjesë e shumë filmave, serialeve vendore dhe përtej saj. Së fundi ishte pjesë e serialit “Çka ka shpija”.

Leze Qena ishte lindur në Prizren, më 1 mars të vitit 1935.

Në Prizren kreu edhe shkollën fillore dhe të mesme, ndërsa më pas vazhdoi shkollimin e lartë në Prishtinë.

Aktorja më pas filloi edhe karrierën si aktore, ku takoi edhe bashkëshortin e saj, aktorin Xhevat Qena, me të cilin kaloi shumë vite bashkë.

Ata kishin një histori shumë të bukur dashuria dhe treguar se dashuria triumfon mbi gjithçka. Lezja tregonte se mjaftonte dëshira për një darkë që ata të shkonin në Zagreb e të ktheheshin pastaj në punë. Ndërsa në disa raste, Xhevati ishte treguar xheloz kur ishte në publik me Lezen, tregonte aktorja për bashkëshortin e saj, pa të cilin i ra të jetonte edh shumë vjet pas vdekjes së tij.
Xhevat Qena e Leze Qena

Lezja ishte aktore shumë e dashur dhe me vlerë për Teatrin Kombëtar të Kosovës, ku ka aktruar në shumë shfaqje, deri në vitet e fundit të jetës së saj. Madje ministri i atëhershëm i Kulturës në Kosovë, kishte thënë se “angazhimi i saj në skenën e teatrit është një thesar i çmuar për historikun e teatrit kosovar”.

Ajo njihet për shumë role në shfaqje, filma e seri të shumta televizive shqiptare, si “Po e zëm, po e zën”, “I ikuri (Fidani)”, “Qesh e ngjesh”, e “Të gjithë me ne ndër të tjera”, në të cilat është shfaqur që nga vitet 1070.

Ndërsa që nga vitet 2000, Lezja ka qenë pjesë e ekranit televiziv në shumë serialet komedi të dashura për publikun shqiptar, duke filluar me “Mahmutovitët e Rexhepovitët”, më pas për rolin e ‘Gjyshes’ në serialin “Familja Moderne”, “Kombinati” dhe së fundi në komedinë “Çka ka shpija”.

Të gjithë ata që e njohin, miqtë e bashkëpunëtorët e kolegët që i ka rënë rasti të punojnë me të, gjithmonë kanë thënë se Lezja ishte ajo që i ndriçonte ditën sa herë që ishte në punë.

Leze Qena ka vdekur në mëngjesin e sotëm në QKUK, vetëm pak ditë pasi ka mbushur 85 vjet./Gazeta Express/

Ish- kryetari i Gjykatës Kushtetuese së Kosovës, Enver Hasani ka folur çfarë ndodh nëse kalon mocioni i LDK-së kundër Qeverisë Kurti.

Hasani ka theksuar se nëse rrëzohet qeveria, presidenti ia kërkon Lëvizjes Vetëvendosje, si parti që ka dalë e para në zgjedhje, emrin e kandidatit për kryeministër brenda 15 ditësh.

Sipas tij, kandidati i tretë mund të caktohet në bashkëpunim me partitë, dhe ai kandidat i cili i ka edhe votat në Kuvend.

Nëse dështon edhe kandidati tjetër, sipas Hasanit vendi shkon në zgjedhje të parakohshme parlamentare.

Në një intervistë në RTV 21, ai ka theksur se opsion do të ishte edhe një qeveri teknike, deri në mbajtjen e zgjedhjeve të reja.

Ai ka dalë kundër idesë për shkëmbimin e territoreve, derisa ka kërkuar transparencë në këtë proces.

Ndryshe, sot nga ora 11:00, pritet të mbahet seanca e Kuvendit ku do të diskutohet dhe votohet mocioni i inicuar nga LDK për rrëzimin e Qeverisë Kurti.

(Reporteri.Net)

Vjosa Osmani u bën thirrje deputetëve që të mos e votojnë nesër rrezimin e Qeverisë së Albin Kurtit. Ajo thotë se nuk do të mund të bëhet një qeveri tjetër legjitime me partitë që LDK’ja ka premtuar se nuk do të bashëpunojë. Thotë se edhe shtetet e QUINT’it kërkuan funksionalitetin e Qeverisë.

Kryeparlamentarja Vjosa Osmani thotë se seanca për mocionin e mosbesimit ndaj Qeverisë është caktuar me votat e shumicës së kryesisë së Kuvendit, ndërsa ajo ka votuar kundër mbajtjes së seancës të cilën e ka kërkuar LDK’ja.

Osmani përvec kësaj thotë se është kundër rrezimit të Qeverisë dhe beson se pas saj nuk do të mund të krijohet një qeveri tjetër legjitime.

“Natyrisht që unë kam shprehur qendrimin tim kundër këtij mocioni, sepse unë kam besuar se nga 6 tetori por edhe para 6 tetorit se e vetmja mënyrë që vendit tonë t’i sigurojmë qeveri me legjimitet, qeveri që në vetëvete ka të përfshirë njerëz që jo vetëm që nuk janë të korruptuar po edhe që në mënyrë efektive e luftojnë krimin dhe korrupsionin”, është thënë kryeparlamentarja, transmeton Gazeta Express.

Osmani ka thënë para mediave se është kundër rrezimit të Qeverisë dhe se beson që nuk mund të formohet një qeveri legjitime me partitë që, sipas saj, LDK’ja ka premtuar që nuk bashkëpunon.

“Kam besuar për krjimin e një qeverie të tillë dhe i kam dhënë përkrahjen time maksimale. Tani keqkuptimet brenda qeverisë e kam vështirë t;i kuptoj sepse nuk jamë pjesë e saj por përkudër të gjithave unë kam besuar dhe akoma besoj që ka pasur hapësirë mes partnerëve të gjendet një zgjidhje që në vecanti në këtë kohë tepër të rëndë për qytetarët mos të shtohet edhe bara e krizës politike… Pra, absolutisht nuk e përkrahi këtë mocion dhe i bëjë thirrje të gjithë deputetëve të mos e përkrah, sepse as nuk është në kohën e duhur, por mbi të gjitha nuk do t’i prodhojë Kosovës Qeveri tjetër që ka legjimitet. Kosova s’ka dhe e cila do të përfsijë parti me të cilat LDK’ja ka dhënë premtim se nuk do të hyjë me to”, është shprehur ajo.

Ndërkaq Osmani beson se pozita e saj nuk mund të preket përkundër formimit të ndonjë qeverie tjetër.

“Një qeveri teknike nuk mund ta përfshijë postin e kryeparlamentares, pra nuk mund të jetë pjesë e pazareve. Sic e dini prpozimimi i kryeparlamnetares sipas aktgjykimit të Kushtetueses i takon vendit të parë.

Kryesia e parlamentit të Kosovës vendosi që të mërkurën në orën 11 të mbahet seanca për mocionin e votëbesimit për qeverinë e kryeministrit Albin Kurti.

Lidhja Demokratike e Kosovës, që është pjesë e koalicionit qeverisës, dorëzoi mocionin katër ditë më parë. Mocioni pasoi shkarkimin e ministrit të Brendshëm nga radhët e saj, Agim Veliu nga ana kryeministrit Albin Kurti dhe siç është thënë mos heqjen e tarifave ndaj mallrave serbe.

Kryetarja e parlamentit, Vjosa Osmani, tha se para mbledhjes së kryesisë është këshilluar me autoritetet shëndetësore lidhur me sigurinë e mbledhjes së seancës në kohë pandemie, dhe ka marrë një sërë rekomandimesh të cilat administrata e parlamentit, siç tha ajo, nuk është në gjendje t’i plotësojë.

Pavarësisht kësaj, tha ajo, mbajtja e seancës u votua nga katër përfaqësues të partive politike, ndërsa u kundërshtua nga dy anëtarë. Zonja Osmani përsëriti qëndrimin e saj kundër mocionit për rrëzimin e qeverisë, duke i bërë jehonë thirrjes së diplomatëve perëndimorë për ruajtje të unitetit institucional në këtë kohë të vështirë për popullin e Kosovës, si dhe ruajtje të integritetit dhe funksionaliteti të qeverisë dhe institucioneve tjera.

Ajo tha se beson që ka pasur hapësirë për gjetjen e një zgjidhjeje në mes të partnerëve të koalicionit qeverisës, ashtu që në kohë krize shëndetësore të mos shtohet edhe barra e krizës politike, duke u bërë thirrje të gjithë deputetëve që të mos e mbështesin këtë mocion.

Mocioni është mbështetur nga opozita ndërsa është kritikuar nga diplomatë, vëzhgues e analistë që e cilësojnë këtë zhvillim politik si shumë të dëmshëm në një kohë kur vendi po përballet me pandeminë e virusit COVID-19.

Ambasadorët e Gjermanisë dhe Francës i kërkuan me herët gjatë ditës Lidhjes Demokratike e Kosovës të rishqyrtojë vendimin për mocionin e mosbesimit.

Të dy ambasadat i kanë nisur një letër proteste zëvendëskryeministrit Avdullah Hoti, që të kërkojë nga kryetari i partisë së tij, të qëndrojë në qeveri.

“Ambasadorët e Gjermanisë dhe Francës i kanë nisur kërkesë të përbashkët zëvendëskryeministrit Avdullah Hoti që të njoftojë kryetarin e LDK-së, Isa Mustafa mbi shqetësimet e dy kryeqyteteve tona. Gjermania dhe Franca qëndrojnë përkrah me popullin e Kosovës në këtë krizë. E ftojmë LDK-në të rishqyrtojë vendimin për mocionin e mosbesimit dhe ta mbajnë qeverinë të besueshme dhe të qëndrueshme për t’u përballur me sfidat”, shkruan ambasadat gjermane e franceze në rrjetet sociale.

Qeveria e koalicionit ndërmjet lëvizjes Vetëvendosje dhe Lidhjes Demokratike është formuar në fillim të muajit shkurt dhe është gjetur nën trysni për të hequr tarifat ndaj mallrave serbe që u vendosën në nëntor të vitit 2018, duke çuar në pezullimin e bisedimeve për normalizimin e marrëdhënieve me Serbinë.

Lidhja Demokratike nuk është pajtuar me qëndrimin kryeministrit Kurti për heqjen e kushtëzuar të tarifave, duke kërkuar që ato të hiqen tërësisht sipas kërkesës së Shteteve të Bashkuara, të cilat tashmë kanë pezulluar programe dhe kanë paralajmëruar sanksione të tjera nëse kjo nuk ndodhë. zëri i amerikës

Ministria e Financave dhe Transfereve e Kosovës ka marrë vendim për lirimin e përkohshëm nga pagesa e Tatimit mbi Vlerën e Shtuar (TVSH) për të gjitha importet e grurit dhe miellit.

Njoftimi vjen në kohën kur Kosova – si edhe vendet e tjera të botës – po përballet me përhapjen e një koronavirusi që shakton sëmundjen COVID-19.

Aktualisht, në Kosovë janë 61 persona të infektuar, ndërsa një pacient ka humbur jetën.

Ministria e Financave dhe Transfereve tha se vendimi i saj për lirim nga TVSH-ja të importeve të grurit dhe miellit hyn në fuqi nga dita e sotme dhe se për zbatimin e tij obligohet Administrata Tatimore e Kosovës dhe Dogana e Kosovës.

Më herët, Ministria e Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike në Kosovë i ka siguruar qytetarët se i ka marrë të gjithë hapat e nevojshëm për furnizimin e rregullt të tregut me drithë dhe miell.

Sipas ministers Rozeta Hajdari, institucionet e Kosovës kanë mjete financiare dhe burime të duhura për të siguruar furnizimin me mallrat esenciale.

Ditëve të fundit, në Kosovë janë vërejtur blerje të shtuara nga qytetarët, sidomos të produkteve ushqimore. rel

Zëvendësdrejori rajonal i Policisë së Kosovës, Besim Hoti, ka konfirmuar për Radion Evropa e Lirë se pak pas orës 13:00 ka marrë thirrje telefonike përmes të cilës policia është njoftuar për sulmin fizik ndaj ekipit të Gazetës Blic, në kryqëzimin e rrugëve, Ivo Lola Ribar dhe Princi Milosh, në Mitrovicë të Veriut.

“Njësitet policore kanë reaguar në vend të ngjarjes. Nga gazetarët kemi kuptuar se derisa ishin duke e bërë një xhirim për një rrëfim lidhur me koronavirusin, atyre u është afruar së paku një i dyshuar, i cili u ka kërkuar të mos xhirojnë dhe i ka sulmuar fizikisht”, tha Hoti.

Sipas tij, hetuesit e Policisë së Kosovës kanë ndërmarrë të gjitha masat në vendin e ngjarjes, në kërkim të të gjitha provave të mundshme, pëfshirë edhe kamerat e sigurisë dhe dëshmitarët e rastit, për të identifikuar kryesin e veprës.

Hoti tha se prokurori kujdestar është njoftuar me rastin.

Ndaj sulmit të ekipit të gazetarëve të Gazetës Blic ka reaguar Asociacioni i Gazetarëve të Kosovës, i cili ka thënë se në këtë ekip kanë qenë gazetarët Nebih Maxhuni, Diamant Bajra dhe kameramani Arsim Rexhepi.

Sipas AGK-së, gazetari Maxhuni është duke u trajtuar në spitalin e qytetit të Mitrovicës.

“Sulmi i tillë ndaj gazetarëve është akt i shëmtuar dhe skandaloz i cili nuk përkon me një shoqëri të lirë dhe demokratike”, thuhet në reagimin e AGK-së.

Sulmin ndaj gazetarëve të Gazetës Blic, e ka dënuar edhe presidenti i Kosovës, Hashim Thaçi.

“Dënoj sulmin ndaj gazetarëve, Nebih Maxhuni, Diamant Bajra dhe Arsim Rexhepi në Mitrovicë të Veriut. I bëj thirrje të gjithëve të qëndrojnë të qetë dhe të përmbahen nga aktet e dhunës. Gazetarët duhet të jenë në gjendje ta bëjnë punën e tyre pa frikë dhe presion. Të gjithë jemi së bashku në luftën kundër COVID-19”, ka shkruar në Twitter presidenti Thaçi. rel

Shtatëmijë teste për koronavirus janë porositur nga Ministria e Shëndetësisë e Kosovës dhe ato pritet të arrijnë në Kosovë brenda pak ditësh, thanë zyrtarë të këtij institucioni.

Faik Hoti, drejtor i Departamentit për Informim në këtë ministri, tha se ofertuese e testeve ëshë një kompani vendore, por nuk dha më shumë detaje për të.

Hoti po ashtu tha se është porositur terapi klorokine (Chlorochuine), por theksoi se për përdorimin e saj do të vendosin profesionistët e fushës.

“Brenda pak ditësh do t’i kemi edhe dozat e para të produktit klorokine. Por, duhet përmendur se akoma nuk ka një medikament, i cili është treguar i suksesshëm në trajtimin e kësaj sëmundjeje”, tha Hoti.

Për medikamentin tjetër azitromycine, me të cilin thuhet se mund të trajtohen pacientët e prekur me koronavirus, në kombinim me të parin, Hoti tha se është në listën esenciale të barnave dhe se ka në stoqe.

Aktualisht, vaksinë kundër sëmundjes që shkakton koronavirusi, COVID-19, nuk ka.

Kosova ka 33 raste të konfirmuara me koronavirus, ndërsa një pacient ka humbur jetën të dielën. rel

Kryeparlamentarja Osmani po pret opinion profesional nga Instituti Kombëtar për Shëndetin Publik, nëse Kuvendi mund ta mbajë seancën, të cilën e kërkon LDK-ja për rrëzim të Qeverisë. Për këtë opinion, të zëshëm kanë qenë zyrtarë të Vetëvendosjes, të cilët kanë thënë se s’ka kushte për t’u thirrur seanca

Kryeparlamentarja Vjosa Osmani ka thirrur për nesër, në orën 14:00, mbledhjen e Kryesisë së Kuvendit, ku do të diskutohet për mocionin e mosbesimit ndaj Qeverisë Kurti, të cilin e ka iniciuar LDK-ja.

Ndërkaq, ajo po pret mendim nga Instituti, i cili ka caktuar masat mbrojtëse, që urdhërohen të ndiqen në situatën e krijuar nga virusi Covid-19.

Këtë e ka konfirmuar për Gazetën Express këshilltari i kryeparlamentares, Faton Peci.

“Është kërkuar opinion profesional nga IKSHPK-ja, ndërkaq mbledhja e Kryesisë, ku trajtohet mbajtja e seancës mbahet nesër”, ka thënë ai.

LDK-ja të premten ka mbledhur dhe ka dorëzuar mbi 40 nënshkrime të nevojshme për të thirrur seancën, ku pritet të votohet mocioni i mosbesimin ndaj Qeverisë.

Sipas Kushtetutës së Kosovës, mocioni i mosbesimit duhet të vihet në rendin e ditës së Kuvendit jo më herët se dy ditë, e jo më vonë se 5 ditë pas parashtrimit.

Lëvizja Vetëvendosje vazhdimisht është deklaruar se seanca, ku votohet për rrëzim të Kurtit, nuk mund të mbahet, pasi, sipas tyre, një gjë e tillë ndalohet sipas vendimeve të marra për t’u mbrojtur nga koronavirusi.

Nënkrytarja e LVV-së, Fatmire Kollçaku, të premten ka shkruar se nuk ka kushte për mbajtje të seancës, e aq më pak për debat parlamentar.

Ajo thotë se duhet të presë seanca deri në pezullimin e gjendjes emergjente.

“Shto kësaj rreth 150 komplete uniformash e maskash specifike mbrojtëse, e që sot janë më se të nevojshme për punëtorët shëndetësorë. Mirëpo edhe me marrje të të gjitha masave, NUK KA KUSHTE PËR DEBAT! E kemi një Qeveri të përgjegjshme, ta lejojmë të veprojë. Të gjitha të tjerat mund të presin deri në pezullimin e gjendjes emergjente. Mos po doni me rrëshqitë në diktaturë”, ka shkruar ajo.

Analisti Blerim Vela ka shkruar sot se Kuvendi nuk mund të thërrasë seancë, kur një nga masat elementare është mbajtja e distancës dymetërshe mes vete.

Megjithatë, ai citon rregulloren e Kuvendit, ku thuhet se seanca mund të mbahet në hapësira tjera. Sipas Velës, mbetet të shihet nëse do të arrihet të realizohet një seancë me qindra veta, duke u respektuar masat që cilësohen si jetike, në situatën e krijuar nga koronavirusi.

Mocionin e rrëzimit të Qeverisë Kurti, e cila u votua më 3 shkurt, e kanë përkrahur partitë opozitare.

LDK-ja kërkoi rrëzimin e Qeverisë, pjesë e të cilës është edhe vetë, për shkak të vendimit të kryeministrit Albin Kurti për ta shkarkuar ministrin e Punëve të Brendshme, Agim Veliu. Sipas tekstit të nismës së rrëzimit të Qeverisë, LDK-ja përmend “rrezikimin e raporteve me Shtetet e Bashkuara të Amerikës nga kryeministri Kurti”, si arsyen kryesore të prishjes së marrëveshjes me Lëvizjen Vetëvendosje. /Express/

Hashim Thaçi, përmes kërkesës për shpalljen e gjendjës së jashtëzakonshme në Kosovë, kishte zgjedhur si rastin më të volitshëm, për ta provuar prishjen eventuale të Qeverisë Kurti dhe rikthimin e tij përsëri në pushtet. Hashimi e dinte se gjendja me Coronavirusin në Kosovë, nuk ishte aq e rëndë, për shpalljen e gjendjes së jashtëzakonshme. Por siç e dimë deri me sot, Hashimin e kanë rekrutuar emisarët e huaj, për hesape të Beogradit. Dhe Hashimi, do provonte që përmes gjendjes së jashtëzakonshme, ta këtë nën kontrollin e tij të plotë situatën në Kosovë, pavarësisht se si do zhvillohej, nëse eventualisht do vinte deri tek protestat! A.Kurti dhe I.Mustafa, duhet ta kenë të qartë, se Qeveria nuk guxon të bije, populli do ju denojë, i keni borxh.

Binomi Vjosa dhe Albini, edhe pse rival në fushatën zgjedhore, ata shpallën aleancën qeverisëse, pavarësisht nga kush do të kryesohej qeveria në ardhje. Fitorja e kësaj aleance ishte entuziaste, për shumësinë e popullit të Kosovës dhe të shqiptarëve të kudondodhur, ngaqë ishin lodhur nga krimi i organizuar, korrupsioni masiv, haraçi i dhunshëm dhe prepotenca e vrazhdët pushtetare. Për largimin nga pushteti shumëvjeçarë të Hashim Thaçit me aleatë, meritorë kryesorë janë LDK-ja dhe Vetëvendosje, përkatësisht, Vjosa Osmani dhe Albin Kurti.

Qasja për krijimin e koalicionit qeverisës, hezitimi dhe mosbesimi reciprok, i LDK-VV, ishte skajshëm provokativ dhe zhgënjyes. Megjithatë angazhimi i Vjosa Osmani, si promotore, për të tejkaluar pengesat, më shumë subjektive se sa objektive, arriti qëllimin. Vjosa e dinte se koalicioni me VV-në, nuk ishte zgjidhje ideale, por i domosdoshëm gjithësesi. Sepse, për rrethanat e spektrit politik në Kosovë, nuk kishte rrugë të dytë. Me krimin në shtet e pushtet, nuk mund të vazhdohej. Rrjedhimisht, ishte Vjosa që LDK-ja ishte bashkëfituese e zgjedhjeve, krahas Vetëvendosjes. Prandaj ajo meriton vlerësimin e duhur dhe kundërshtimi nga ajo i Mocionit, është në pajtueshmëri me kontributin e saj. Andaj, edhe nisma për rrënimin e Kështjellës, të ngritur me shumë mund e djersë, është e dhimbshme për Vjosën, elektoratin e subjekteve LDK-VV dhe të shumicës absolute të shqiptarëve.

 Merrnu vesh si burrat e vërtetë, duke respektuar në detaje ligjet dhe vazhdoni bashkëqeverisjen. Nëse lejoni rikthimin në pushtet të atyre, të cilët deri dje e drejtuan vendin dhe plaçkitën pamëshirshëm pasurinë tonë të përbashkët, atëherë, ligjërisht, përgjegjësia bie mbi supet e juaja VV-LDK! Ka mjaftë fakte se Agim Veliu, nuk e ka merituar postin e Mininstrit të Brendshëm, por këtë e ka kërkuar dhe, siç kemi mësuar, janë detyruar të ia japin! LDK ka mjaft kuadro të përgaditura me biografi shumë të pastër, prandaj do duhej dikush tjetër ta gëzonte postin e Ministrit të Mbrendshëm.
Isa Mustafa ka bërë një mal gabime, nuk po i përmendi të gjitha, vetëm një, mjafton votimi-zgjedhja për president të vendit tonë,Hashim Thaçin, këtë dhe të  gjitha të tjerat opinioni i dinë.
Na kujtohet në vitin 2014 incidenti, kur ish-Ministri i Transportit dhe PosTelekomunikacionit, Fatmir Limaj u përplasën me Zëvendës Ministrin nga radhët e LDK-së, Naser Osmani, ish-Kryemnistri H.Thaçi, edhe pse fajtorë ishin te dy, Hashimi e shkarkoj Naserin, por jo edhe Limajn! LDK e kundërshtoi shkarkimin e Naserit, Prof.Fatmir Sejdiu, e quajti të ligjshëm largimin e tij.
Albin Kurti, pavarësisht se është i zgjuar, duket qartë se në politikë dhe diplomaci ende është i pa pjekur, në aspektin e ngutësisë dhe kokëfortësisë. Kosova ka Kushtetutë Parlamentare, shkarkimi aq i shpejtë i Ministrit të Brendshëm, Agim Veliu, i përngjante ish shteteve të një mendësie politike komuniste. Sepse paraprakisht nuk ishte konsultuar me partnerin, LDK-në dhe siç është shprehur vet Albini në media, vetëm një gjysmë ore, para se ta shkarkonte A.Veliun, e kishte njoftuar kryetarin e LDK-së I.Mustafën! Njësoj si Albini ishte i shpejtë në reagimin e tij, edhe Isa Mustafa për prishjen e bashkëqeverisjes! Kjo na bënë të mendojmë shumë, se, si Albini edhe Isa, nuk e paskan pasur me zemër largimin e Hashimit me shokë nga pushteti!
Po sjell një tregim nga baba im i ndjerë, Osman Leci. Njëri e kishte pyetur një burrë:” Kush je ti?” Ai përgjigjet: “Jam belaxhinj!” Ky me shpejtësi ia kthen: “Menzi që pres!” Edhe Albini e Isa menzi paskan pritur apo jam gabim?

Për ata që duan të mësojnë për rregullat e demokracisë, dëshmojmë me shkarkimin e dy ministrave të Bundestag-ut gjerman, pa asnjë problem:

1.-Shkarkimi i Ministrit të Mbrojtjes Rudolf Scharping, për aferën e tij, në vitin 2001, për fotografinë e tij të bërë në një revistë, kur ai po bënte pushime në Mallorca. “Fotot u shfaqën kur ai dërgoi ushtarë të Bundeswehrit gjerman në Maqedoni.

   2.- Ministri i zhvillimt  Dirk Niebel kërkoi falje në Bundestag, për importin e papaguar të taksave të një qilimi-tepihu, të falur në Afganistan. Vet kërkon shkarkimin në vitin 2012.

Wendlingen, 22.03.2020

Kryetarja e Kuvendit të Kosovës, Vjosa Osmani, njëherësh nënkryetare e Lidhjes Demokratike të Kosoves ka ftuar akterët politikë që të lënë ndasitë dhe të bëhen bashkë në luftimin e koronavirusit.

Osmani, në profilin e saj në Facebook ka shkruar se ‘ne nuk mund të lejojmë që në këtë kohë tmerri të triumfojë virusi i përçarjes dhe jo forca e bashkimit ndaj së keqes’.

“E sotmja është kohë e solidarizimit të plotë, jo e ndarjeve; është kohë e betejës ndaj virusit vdekjeprurës, prandaj heshtat tona duhet t’i drejtojmë kundër pandemisë dhe jo kundër njëri-tjetrit”, ka theksuar Osmani.

Reagimi i Osmanit vjen në kohën e mosmarrëveshjeve për shpallje të gjendjes së jashtëzakonshme midis presidentit Thaçi dhe partnerëve të koalicionit qeverisës.

Presidenti i Kosovës, Hashim Thaçi, përmes një postimi në Facebook, të dielën theksoi se në rast nevoje, institucionet duhet të jenë të gatshme që menjëherë të shpallin Gjendjen e Jashtëzakonshme.

Edhe kryetari i LDK-së, Isa Mustafa ka mbështetur shpalljen e Gjendjes së Jashtëzakonshme dhe ka akuzuar partnertin e koalicionit për mosveprim. rel

Po e jetojmë një kohë të pa kohë, kur gënjeshtrat dhe mashtrimet kanë ngulfatur të vërtetën. E vështirë është të gjendet e vërteta në mesin e shumë lajmeve të ditës në rrjetet sociale dhe mediat elektronike të kontrolluara nga partitë politike dhe grupet e ndryshme të interesit. Si rezultat i kësaj, në tregun e kontaminuar mediatik qarkullojnë dezinformata dhe teori të pa imagjinueshme konspiracioni.

Në këtë ambient të ndotur mediatik bëhet akoma më e vështirë thënja e së vërtetës. Pak ka rëndësi, e kritikon apo lavdon dikë. Po e kritikove një subjekt politik apo lider partiak, duhet të jesh i gatshëm të përballesh me mbështetësit dhe militantët partiak. E njëjta gjë ndodhë edhe po i nxore në pah sukseset e një subjekti apo meritat e një lideri të caktuar partiak, menjëherë të kritikojnë për anim partiak apo përtej kësaj, brenda ditë të bëjnë “pjesë” të atij subjekti politik.
Të qenurit apartiak dhe i paanshëm, gjegjësisht i pavarur nga konjukturat partiake dhe i pa ndikuar nga grupet e interesit, është armë e fuqishme në thënjen e së vërtetës dhe përballimin me sulmeve të ulëta të injorantëve dhe qëllimkëqinjëve të nxitur nga bosët partiak apo nëntokat e tyre kriminale.

Menaxhimi i keq i situatës

Atë që e kam thënë në shkrimet paraprake, se rrëziku i ‘Qeverisë Kurti’ nuk vjen nga opozita, por nga taksa dhe dialogu me Serbinë po dalin të jenë plotësisht të vërteta, sikurse që doli i sakt konstatimi im, se shkaku i mos menaxhimit të mirë të situatës pas kërkesës së presidentit Thaçi për aplikimin e gjëndjes së jashtëzakonshme pas përhapjes së “Coronavirusit”, u përdor si pretekst për përçarjen e madhe të koalicionit qeverisës pas vendimit të ngutshëm dhe pa analizuar mirë të kryeministrit Kurti me rastin e shkarkimit të Ministrit të Punëve të Brendshme, Agim Veliu.
Edhe përkundër papërgjegjësisë së lartë të ministrit Veliu, kryeministri Albin Kurti është dashur ta ruaj balancin qeveritar, për të vazhduar rrugën e nisur mbarë të pastrimit të institucioneve nga korrupsioni dhe krimi i organizuar.
Shkarkimi i ministrit Agim Veliu, ishte vetëm një pretekst i liderit të LDK-së për faktorizimin e tij politik, i cili do të përdoret edhe si alibi për luftimin e kundërshtarëve politik dhe zërave ndryshe brenda subjektit që ai drejton. Që në start po vërehen qartë rreultatet e para, të neutralizimit të zërave ndryshe në LDK.
Bashkërendimi i menjëhershëm i veprimeve të liderit të LDK-së me liderët e partive opozitare e dëshmon personalitetin e tij të dyfisht dhe pabesinë ndaj partnerit qeverisës, në këtë rast LVV-së.
Në anën tjetër kryeministri Albin Kurti nuk po ia del dot të menaxhoj si duhet krizen qeveritare. Mos përmbushjen e deklarimit dhe qëndrimit personal për heqjën e pjesshme të taksës më 15 mars, të cilën e arsyetoj duke fajësuar partnerin e koalicionit qeverisës, e realizoi pesë ditë më pas pa votat e ministrave nga radhët e LDK-së.
Poashtu, edhe liderët opozitarë po e shpërfaqin hipokrizinë e tyre. Bie fjala, lideri i AAK-së, Ramush Haradinaj (aplikues i takses) në njërën anë kërkon të mos anulohet taksa, ashtu siç bëri Albin Kurti, ndërsa në tjetrën e përkrahë i entuziazmuar mocionin për shkarkimin e tij.
Apo liderët e PDK-së dhe NISMA, Kadri Veseli (iniciator i taksës) dhe Fatmir Limaj (i pavendosur rreth takses) që e prishën koalicionin e PAN-it shkaku i mos heqjes së taksës, ndërsa tani po e mbështesin heqjen e taksës dhe natyrisht mocionin për shkarkimin e ‘Qeverisë Kurti’ pa llogaritur fare pasojat për vendin.

Çdo e keqe, e ka të mirën mbrapa

Fatkeqësia bëhet akoma më e madhe me politizimin e situatës emergjente, ku si rezultat i abuzimit të klasës politike me gjendjen e krijuar nga “Covid-19” për arritjen e qëllimeve politike, qytetarët e vendit po ndjehen të rrezikuar, akoma më të dëshpruar dhe të pashpresë.
Në vend që gjendja e krijuar pas përhapjes së virusit vdekje prurës të shfrytëzohet për mobilizim dhe unifikim të spektrit politik në shërbim të qytetarëve në parandalimin dhe tejkalimin e kësaj situate të rëndë dhe të pazakontë, kusarët politikë paturpërisht po e bëjnë të kundërtën e saj.
Kjo turbulencë e krijuar nga politikanët e papërgjegjshëm në kohë krize e fatkeqësie të popullit, pas tejkalimit të krizës së “Coronavirusit”, duhet të kthehet në mobilizm të përgjithshëm popullor për t’i larguar tërësisht nga skena politik të gjitha këto parti sa të papërgjegjshme, po aq zhvatëse dhe plaçkitëse në pushtet dhe opozitë, përkatësisht të gjithë politikanët mashtueses e intrigant që rropën e ç’rropën Kosovën sikur të ishte plaçkë lufte e jo atdhe i tyre për dy dekada rresht.

Koha për një alternativë të re politike

Për këto dy dekada nga përfundimi i luftës i provuam të gjitha partitë dhe politikanët në qeverisjen e vendit. Kush më pak e kush më shumë, të gjithë e treguan veten.
Ka ardhur koha për një alternativë të re politike, me njerëz të rinjë, shpirtëra të virgjër dhe padjallëzuar, që e duan me shpirtë e zemër atdheun e tyre-Republikën e Kosovës.
Shpëtimi më i mirë për vendin do të jetë largimi i politikanëve injorantë dhe hipokrit, zhvatës dhe hajdut, matrapaz dhe tradhëtarë të interesave kombëtare dhe zavëndësimi i tyre me politikanë të rinjë të shekullit 21, me kuadro të specializuara në Kosovë dhe vendet evro-perëndimore, pa anashkaluar asnjëherë atdhetarët dhe veprimtarët e dëshmuar në tridhjet vitet e fundit të rezistencës dhe luftës për çlirim të Kosovës nga vargonjët serbosllav.

Këtë shkrim dëshiroj ta përmbyllë me një rrëfim të një bisede që e zhvillova mbrëmë me mikun timin nga Vushtrria, derisa cakërronim nga një gotë raki nga largësia…,nga dëshprimi në klasën politike, miku i nderuar u shpreh kështu: “Do të ishte mirë mi nxjerr një ligj që ua ndalon pjesëmarrjen në jetën politike të gjithë politikanëve të pasluftës”!
Dëshirës së mikut ju përgjigja në këtë mënyrë: “Do të mjaftojë një iniciativë e shëndoshë e forcave progresive në Kosovë dhe Diasporë e cila do të mbështetet fuqishëm nga të gjithë qytetarët e vendit pa dallim rajoni apo religjioni, subjekti apo ideologjie për ta larguar përfundimisht këtë klasë kusarësh dhe matrapazësh politik”.

Në Kosovë u konfirmua të dielën viktima e parë nga koronavirusi.

Instituti Kombëtar i Shëndetit Publik njoftoi se viktima është një pacient 82 vjeç nga Dumnica e Podujevës.

“Pacienti i lindur më 1938, fshati Dumnicë, Komuna e Podujevës, është pranuar në Klinikën Infektive më 16.03.2020, në ditën e 6 të sëmundjes me shenja të infiltrimit pulmonar dhe pneumonisë masive majtas”.

“Pacienti ka pasur edhe sëmundje shoqëruese kronike: kardiake dhe sëmundje kronike mushkërore”, thuhet në njoftim.

Deri tash, në Kosovë janë shënuar 31 raste me virusin COVID-19.

Prishtinë