Policia e Kosovës ka mohuar raportimet e sotme që Njësia Speciale e PK-së, nuk është lejuar të shkojë në Leposaviç nga KFOR-i.

Zëdhënësi i PK-së, Baki Kelani i ka thënë Telegrafit se të gjitha njësitë policore janë duke kryer detyrat e tyre në teren.

“Ju informojmë se të gjitha njësitet policore të planifikuara dhe të caktuara në detyrë zyrtare, janë duke kryer detyrat e tyre në terren”, ka thënë Kelani.

Sot në media është raportuar se ushtarët e KFOR-it, kanë ndaluar Njësinë Speciale për të shkuar në Leposaviq, dhe se një bllokadë e tyre është vendosur tek baza e “Nothing Hill” në hyrje të Leposaviçit./Telegrafi/