Petro Marko në librin “Intervistë me vetveten”, ka një episod ku përballet me përbindëshin, Gestapon: “Mora guxim e i thashë gjeneralit: “Luftë është, tani vdes unë, nesër ju. Sa për gjermanë, unë njoh, madje dhe me emra.” Ai u ngrit më këmbë, i gëzuar më buzëqeshi dhe më tha: “Cilët janë?” Unë iu përgjigja: “Njoh Gëten dhe Shilerin!” Atij i ndryshoi menjëherë shprehja e fytyrës. Më tha: “Po ti ç’je?” “Jam një poet shqiptar. Po, që të bindeni se unë jam shqiptar dhe informatori juaj ju ka mashtruar, ju lutem i telefononi ministrit tonë Ernest Koliqi, që më njeh, që e di se kush jam e pastaj më vrisni.” Ia thashë numrin togerit, i cili e mori menjëherë. Unë u shqetësova, se Koliqi, duke dëgjuar zërin e Gestapos, ndoshta do t’u thoshte se cili isha unë: luftëtar në Spanjë e të tjera.

-Na falni për shqetësimin, kemi këtu një… që pretendon se ju njeh. Quhet Petro Marko… M’u drejtua mua: -Ku e keni njohur dhe çfarë ka botuar Koliqi?- Unë i flisja dhe ai përsëriste në telefon:-Në Vlorë, e kishit nxënës, keni botuar “Hija e maleve”, “Gjurmët e stinëve”… Ju ka kushtuar dhe një vjershë në “Leka”…-Ju faleminderit shumë e na falni për shqetësimin në këtë orë! Më vështroi në sy dhe tha shkurt: -Falendero Gëten dhe Shilerin.” Po emrin e informatorit të Gestapos a e njihni? Ai është “përbindëshi i mëkatit”…

Fatbardh Amursi