VOAL- Charles III ka publikuar një mesazh audio, shoqëruar me një fotografi me ngjyra të Elizabeth II, për të përkujtuar përvjetorin e parë të vdekjes së nënës së tij, që bie sot.

Elizabeth II vdiq më 8 shtator të vitit të kaluar në moshën 96-vjeçare në Kalanë Balmoral, disa muaj pas jubileut platin që shënonte 70 vjetorin e mbretërimit të saj. Në mesazh, mbreti kujton “shërbimin e përkushtuar të Mbretëreshës së ndjerë dhe gjithçka që ajo do të thoshte për kaq shumë prej nesh”. Imazhi me ngjyra, i papublikuar më parë, që sovrani zgjodhi për t’i bërë homazhe asaj daton në vitin 1968.

Charles III më pas falënderoi kombin. “Unë jam gjithashtu thellësisht mirënjohës për dashurinë dhe mbështetjen që më është treguar mua dhe gruas sime” gjatë këtij viti të parë në fronin britanik, “pasi bëjmë çmos për t’ju shërbyer të gjithëve”.rsi-eb