VOAL

VOAL

Please Wait ...
0%

Nikoliçi në Bruksel: Nëse Kosova e pavarur nga Beogradi, atëherë Zajednica e pavarur nga Prishtina

By | February 2, 2017

Komentet

Vera në Ballkan pritet të jetë me erëra të forta, breshër dhe shi

Një shërbim amerikan i motit, ka publikuar parashikimin e tij për motin për muajt e ardhshëm. Parashikimi premton edhe më shumë nxehtësi për Evropën se sa vitin e kaluar

2018-ta ishte viti më i ngrohtë që nga fillimi i matjes së temperaturave në Zvicër në veri të Alpeve në 1864. Deri në nëntor, temperaturat ishin shumë të larta gjatë gjithë muajve.

Sipas parashikimeve të shërbimit të motit në SHBA “AccuWeather”, ky vit do të jetë edhe më i thatë dhe madje edhe më i nxehtë në shumë pjesë të Evropës.

Sipas një hartë meteorologjike të publikuar në faqen e internetit, Zvicra qëndron në mes të një zone me rrezik të lartë për zjarret në pyje dhe periudhave të gjata të nxehtësisë.

Evropa pret periudha të gjata moti të thatë. Thatësira e madhe do të thotë dështim i madh në kultura bujqësore, sepse shiu do të jetë i pakët, shkruan meteorologu i AccuWeather, Eric Leister.I këndshëm në veri

Edhe “valët e rrezikshme të nxehtësisë” më shumë se vitin e kaluar ka të ngjarë të shtrihen gjatë muajve të verës nga Portugalia në perëndim në Poloni dhe Hungari në lindje. Temperaturat mbi 38 gradë nuk do të jenë të pazakonshme. Në disa rajone, parashikohen temperatura mbi 43 gradë celcius.

Ngrohja afatgjate gjithashtu do të rrisë ndjeshëm rrezikun e zjarreve në pyje – veçanërisht në vendet perëndimore dhe në Evropën Qendrore. Veriu i Portugalisë, Spanja veriore, rajoni Alpin në Gjermani dhe Republika Çeke janë në rrezik.

Në rajonin e Ballkanit na presin stuhi të mëdha me erëra të forta, breshër dhe shi. Ndërsa Skandinavia mund të marrë frymë lirshëm, pasi parashikohet një verë normale.

Deutsche Welle – Tiranё: Protesta e gjashtё kombёtare e opozitёs kundёr qeverisё

Në Tiranë protesta e 6-të kombëtare kundër qeverisë të shtunën ( 25.05) u mbyll paqësisht, pa dhunë e sulme ndaj institucioneve si dy javë më parë. Thirrjet e ndërkombëtarëve kësaj here nuk ranë në vesh të shurdhër.

Për rreth dy orë e gjysmë, opozita e bashkuar protestoi përpara kryeministrisë. Në ndryshim nga protestat e kaluara, kёsaj here protesta kaloi pa incidente dhe ishte nё tёrёsi paqёsore. Nё prag tё protestёs ka pasur apele nga BE dhe SHBA pёr pёrmbajtje dhe distancim nga dhuna si dhe qё palёt tё bisedojnё pёr tё gjetur zgjidhje dhe tё mos e zhysin vendin nё krizё politike.

Edhe pse u përdorën shashkat në drejtim të kryemnistrisë dhe tymuesit, ato nuk ishin akte të veҫuara, jo mbizotëruese. Në vend të tyre, mbështetësit e opozitës zgjodhën të lëshonin drejt qiellit balona të bardha, në formë abazhuri, me parullën “Rama IK“ , pasi i vinin zjarrin në sajë të një mekanizmi që i bënte të ngiteshin lart, mes tymit.

Ndryshe nga protestat e tjera kombëtare anti-qeveritare ku mbizotëronte flamuri kombëtar kuq e zi, në protestën e të shtunës mbizotëronin flamuri blu i BE dhe ai i SHBA, por nuk mungonte as flamuri i Gjermanisë, që opozita e konsideron aleaten e saj të rëndësishme.

Kërkesat e opozitës dhe të mbështetësvetë saj janë të pandryshuara: largim i kryeministrit Rama, formim i një qeverie kalimtare që të organizoje zgjedhje të lira dhe të ndershme, moslejim i zhvillimit të zgjedhjeve lokale të 30 qershorit, në të cilat opozita ka deklaruar se nuk merr pjesë pasi sipas saj ato „ do të jenë një farsë“.

Element i ri në protestën e të shtunës është edhe mbajtja nga protestuesit e një tepsie prej alumini ku brenda saj ishin ngjitur parulla antiqeveritare dhe foto që stigmatizonin kryemnistrin Rama në lidhje me akuzat e opozitës për blerje votash, korrupsion dhe lidhje me krimin, të hedhura poshtë nga kryemnistri dhe qeveria e tij.

Proteste in Tirana Albanien (DW/A. Ruci)

Basha: Tani shansi për zgjidfhjen e krizës politike

Sipas një rituali të konsoliduar në protestat kombëtare anti-qeveritare të opozitës në Bulevardin „Dëshmorët e Kombit„ që nga fillimi i tyre në mesin e shkurtit të kaluar, lideri i Partisë Demokratike, Lulzim Basha, mbajti fjalimin e radhës para protestuesve.

Basha tha në fjalën e tij se „zgjidhja politike e krizës kalon vetëm përmes largimit të Rames” të cilën e quajti “shkaktar dhe pengmarrës të demokracisë“

“Tani është shansi për zgjidhjen politike të krizës. Mjerë kush e lexon si shenjë dobësie, pasi ne jemi më të fortë se kurrë. Liri a vdekje! Demokraci a vdekje! Çdo ëndërr për të imponuar me krimin zgjedhje moniste dhe çdo përpjekje për të mos u larguar por për të vijuar të qeverisë me krimin, do të marrë përgjigjen e merituar nga ky shesh”, tha Basha në fjalën e tij, që e mbylli me thirrjen drejtuar ptrotestuesve për të vijuar protestën në sheshin para Parlamentit.

Thirrjet e faktorit ndërkombëtar merren në konsideratë

Në prag të protestës  BE, OSBE dhe SHBA u bënë thirrje organizatorëve për të qëndruar larg akteve të dhunës.Delegacioni i Bashkimit Europian dhe ambasadat e vendeve anëtare vunë në duke se “dënojnë aktet e dhunës në  protestat e mëparshme dhe u bëjmë thirrje udhëheqësve të protestës si dhe autoriteteve shqiptare që të sigurojnë që demonstrata e sotme të zhvillohet në mënyrë të rregullt dhe paqësore.

Ambasada e SHBA theksoi në deklaratën e saj se “nxitja e përplasjeve fizike apo hedhja e mjeteve plasëse, bombave Molotov dhe gurëve, është jo demokratike dhe e paligjshme. Ata që përfshihen në akte dhune kryejnë një krim dhe duhen vënë përpara përgjegjësisë”.

OSBE theksoi qëndrimin e saj të vendosur kundër dhunës ekstreme në protestën e 11 majit, ku protestuesit kërcënuan edhe Ambasadorin e OSBE-së në Tirana, Bernd Bochardt për qëndrimin pa ekuivoj kunër dhunës.

“Dhuna është e papranueshme dhe  trazirat nuk mund të zëvendësojnë angazhimin politik demokratik. Deklarata mbetet po aq e vlefshme sa edhe dy javë më parë – nënvizohet në qëndrimin e OSBE ndaj protestëssë të shtunës.

„Koktejet e Molotovit, hedhja e gurëve dhe e shashkave janë të paligjshme. Përmendja e derdhjes së gjakut, pak ditë përpara protestës është e papërputhshme me demokracinë moderne dhe me protestat demokratike” – thekson OSBE në deklaratën e saj.

Radio Evropa e Lirë: Opozita në Shqipëri proteston dhe refuzon dialogun

Gresa Kraja

Mijëra qytetarë nga e gjithë Shqipëria janë mbledhur në kryeqytetin e Tiranës të thirrur në protestë nga opozita për të kërkuar largimin e Qeverisë dhe dorëheqjen e kryeministrit, Edi Rama.

Protestuesit janë mbledhur fillimisht para ndërtesës së Kryeministrisë, për të vazhduar një marshim deri te Parlamenti i Shqipërisë, ku disa prej tyre edhe shkatërruan gardhin metalik dhe hodhën gurë e tymuese në drejtim të policisë dhe institucionit.

Policia përdori autobote uji për të shpërndarë protestuesit e dhunshëm. Protesta, përveç këtij incidenti, përfundoi e qetë.

Kreu i Partisë Demokratike Lulzim Basha, duke iu drejtuar turmës së protestuesve nga selia e partisë së tij, tha se tani është koha për zgjidhje politike dhe për zgjedhje të lira.

Lideri i PD-së, Lulzim Basha, foto nga arkivi.

Lideri i PD-së, Lulzim Basha, foto nga arkivi.

“Mesazhi ynë është i qartë, ne jemi gati të sakrifikojmë gjithçka për votën e lirë. Ne jemi popull i Evropës dhe nuk do të pranojmë kurrë despotizmin anti-evropian të një qeverie banditësh dhe kriminelësh të cilët kanë marrë peng vendin, kanë kapur drejtësinë dhe kanë bllokuar rrugëtimin tonë drejt Evropës. Ne sot japim këtë mesazh të qartë e të vendosur. Evropa e dëgjoi zërin tonë dhe tani është koha për zgjidhjen politike dhe largimin e Edi Ramës, qeverisë transitore, zgjedhjeve të lira e të ndershme”, tha Basha.

Në anën tjetër, kryeministri Edi Rama, në katër ditët e fundit i ka dërguar letra të hapura kreut të PD-së duke e ftuar atë për dialog. Ai i ka thënë zotit Basha se “edhe armiqtë dialogojnë, madje edhe kur janë në llogoret e luftës prej vërteti, ata e ndalin këmbimin e zjarreve dhe i lenë një kohë këmbimit të fjalëve”.

“Ndërsa kundërshtarët në demokraci hedhin e presin shumicën e kohës, po ka gjithnjë një kohë kur ulen e flasin, sepse demokracia edhe mur edhe urë, fjalën ka”, ka shkruar kryeministri në një nga letrat e tij.

Misionet diplomatike të Bashkimit Evropian dhe Shteteve të Bashkuara i kanë bërë thirrje për dialog të dy palëve, dhe kanë shprehur gatishmëri të ndërmjetësojnë një dialog të tillë.

Ata, për protestën e së shtunës i kanë bërë thirrje organizatorëve për qetësi dhe kanë kërkuar që të gjithë pjesmarrësit të përmbahen duke qëndruar larg dhunës.

“Nxitja e përplasjeve fizike apo hedhja e mjeteve plasëse, bombave molotov dhe gurëve, është jodemokratike dhe e paligjshme. Ata që përfshihen në akte dhune kryejnë një krim dhe duhen vënë përpara përgjegjësisë”, u tha në deklaratën e Ambasadës së SHBA-së në Tiranë.

Edhe delegacioni i Bashkimit Evropian dhe ambasadat e vendeve anëtare me seli në Tiranë kanë thënë se “ne dënojmë aktet e dhunës që kanë ndodhur në protestat e mëparshme dhe u bëjmë thirrje udhëheqësve të protestës si dhe autoriteteve shqiptare që të sigurojnë që demonstrata e sotme të zhvillohet në mënyrë të rregullt dhe paqësore. Të gjitha palët e përfshira kanë përgjegjësinë për të garantuar sigurinë e atyre që janë në rrugët e Tiranës sonte. Nuk ka vend për dhunë në një protestë paqësore. Autoritetet e zbatimit të ligjit kanë përgjegjësinë për të vepruar me vetëpërmbajtje, edhe nëse provokohen”.

Protesta e së shtunës ka shënuar protestën e gjashtë kombëtare që nga mesi i muajit shkurt, kur partitë opozitare Partia Demokratike dhe Lëvizja Socialiste për Integrim, bashkë me aleatët e tyre të djathtë u larguan nga Parlamenti duke hequr dorë nga mandatet e tyre si deputetë në Kuvend.

Kërkesa kryesore e tyre është dorëheqja e kryeministrit Edi Rama dhe krijimi i një qeverie transitore që garanton organizimin e zgjedhjeve të lira e të ndershme.

Ajo ka vendosur të bojkotojë dhe zgjedhjet lokale të 30 qershorit, duke kërcënuar se nuk do të lejojë mbajtjen e tyre.

Në anën tjetër, Qeveria në krye me Edi Ramën, partia e së cilit ka shumicën e ulëseve në Kuvend dhe njihet si qeveri legjitime brenda dhe jashtë vendit, thotë se zgjedhjet vendore do të zhvillohen në datën e caktuar dhe më 30 qershor qytetarët do të zgjedhin kryetarët e bashkive të tyre.

Zëri i Amerikës: Tiranë, protestë e qetë e opozitës

Në Shqipëri protesta e thirrur të shtunën në mbrëmje nga opozita u zhvillua paqësisht, me përjashtim të disa minutave tensioni pranë parlamentit, ku protestuesit u ndalën pas qëndrimit para godinës së qevrisë. Ndërsa manifestimet e mëparshme janë mbizotëruar nga lëndët plasëse dhe tymueset që fluturonin drejt selisë së Qeverisë, sot ajo u karakterizua më së shumti nga elementë koreografikë. Fillimisht me protestues që mbanin në duar tepsi me mbishkrimin “Rama IK”, të cilat më pas u mbushën me fotokopje parash, duke simbolizuar korrupsionin qeveritar, me projektimin në fasadën e selisë së Kryeministrisë të sloganeve kundër qeverisë, ndërsa më pas drejt qiellit, ndërsa kishte nisur të binte errësira, u lëshuan balona ndriçuese, mbi të cilat gjithashtu ishte stampuar me gërma të mëdha fjala “IK” drejtuar kryeministrit Edi Rama.

Mesazhet e zoti Basha në fjalën e tij ishin po ato që kanë qenë në thelb të të gjithë qëndrimit të opozitës gjatë këtyre tre muajve që kur ajo u largua nga parlamenti. “Kjo betejë sot bëhet për Shqipërinë, kjo betejë sot bëhet për Evropën. Populli shqiptar, populli evropian në këtë shesh e kudo është i vendosur për zgjidhjen politike. Ajo kalon vetëm përmes largimit të shkaktarit dhe pengmarrësit të demokracisë u shpreh zoti Basha.

Sipas kryetarit demokrat, qytetarët me manifestimin e sotëm dhanë mesazhin se tani “është shansi për zgjidhjen politike të krizës. Mjerë kush e lexon si shenjë dobësie, pasi ne jemi më të fortë se kurrë. Liri a vdekje! Demokraci a vdekje! Le të jetë kjo mbrëmje preludi fatlum i zgjidhjes së kësaj krize, përmes diktatit të normave dhe parimeve të Evropës. Pa asnjë kompromis për parimet dhe normat euroatlantike. Le të jetë preludi i zgjidhjes politike për ti hapur rrugën Shqipërisë si e gjithë Evropa”.

Në fjalën e mbajtur në mbyllje të protestës, para selisë së Partisë Demokratike zoti Basha ishte më i drejtpërdrejtë kur tha se “mesazhi i sotëm është mesazhi i qartë dhe i prerë ndaj miqve dhe aletaëve tanë dhe ndaj kundërshtarëve dhe armiqve të demokracisë, se ne jemi gati të sakrifikojmë gjithshka për votën e lirë, se jemi popull i Europës, e nuk do pranojmë kurrë despotizmin antieuropian të një qeverie banditësh që kanë marrë peng vendin, kanë kapur drejtësinë, dhe kanë bllokuar rrugëtimin drejt Europës. Ndaj orët dhe ditët në vijim – vijoi kryetari demokrat – qofshin ditë reflektimi të thellë për ata që mendojnë se mund të vazhdojnë të mbajnë peng popullin, qeverisjen e këtij vendi, për ata që u shkon në mendje se do mbysin demokracinë”, u shpreh ai duke paralajmëruar se “kjo nuk do ndodhë, forca jonë është bashkimi, vendosmëria, qëndresa, forca jonë është përballja dhe përballje do të ketë deri në fitoren e kësaj beteje”.

Ndalesa para selisë së parlamentit, u shoqëruar me momente tensioni, ndërsa një grup manifestuesish larguan gardhin metalik në hyrje. Më pas u ndez një zjarr i vogël, e nuk munguan dhe lëshimi i gurëve dhe sendeve të forta drejt policisë. Makina ujëhedhëse e policisë, u vu në përdorim vetëm një çast. Për të sprapsur protestuesit ndërhyri Sekretari i Përgjithshëm i PD-së Gazmend Bardhi, ndërsa zoti Basha, bëri rikthim drejt selisë së Partisë Demokratike.

Komuniteti ndërkombëtar i ka paraprirë sërish këtë të shtunë, me thirrje për qetësi dhe kundër akteve të dhunshme, protestës së mbrëmjes së opozitës në Tiranë. Ambasada amerikane, përmes një deklarate u shpreh se “ju bëjmë thirrje të gjithë pjesmarrësve në protestën e sotme – si qytetarëve ashtu edhe forcave ligjzbatuese – që të përmbahen duke qëndruar larg dhunës. Nxitja e përplasjeve fizike apo hedhja e mjeteve plasëse, bombave molotov dhe gurëve, është jodemokratike dhe e paligjshme. Ata që përfshihen në akte dhune kryejnë një krim dhe duhen vënë përpara përgjegjësisë”.

Në të njejtën linjë dhe Delegacioni i Bashkimit Europian dhe ambasadat e vendeve anëtare. “Ne dënojmë aktet e dhunës që kanë ndodhur në protestat e mëparshme dhe u bëjmë thirrje udhëheqësve të protestës si dhe autoriteteve shqiptare që të sigurojnë që demonstrata e sotme të zhvillohet në mënyrë të rregullt dhe paqësore. Të gjitha palët e përfshira kanë përgjegjësinë për të garantuar sigurinë e atyre që janë në rrugët e Tiranës sonte. Nuk ka vend për dhunë në një protestë paqësore. Autoritetet e zbatimit të ligjit kanë përgjegjësinë për të vepruar me vetëpërmbajtje, edhe nëse provokohen”, vë në dukje deklarata.

Thirrje për një manifestim paqësor erdhën dhe nga drejtuesit më të lartë të OSBE-së, të cilët përsëritën qëndrimin e mbajtur lidhur me protestën e dhunshme të 11 Majit ku theksuan se “dhuna është e papranueshme dhe se trazirat nuk mund të zëvendësojnë angazhimin politik demokratik. Deklarata mbetet po aq e vlefshme sa edhe dy javë më parë – nënvizohet në qëndrimin e sotëm – Koktejet e molotovit, hedhja e gurëve dhe e shashkave janë të paligjshme; reagimi i tepruar i forcave të rendit nuk mund të pranohet. I nxitim pjesëmarrësit dhe drejtuesit e protestës së sotme të jenë të përmbajtur. Përmendja e derdhjes së gjakut, pak ditë përpara një proteste publike, është e papërputhshme me demokracinë moderne dhe me protestat demokratike” – thekson OSBE në deklaratën e saj.

Përfaqësitë diplomatike të BE-së dhe SHBA-ve ndërkohë i bënë thirrje palëve për një “dialog konstruktiv me synim për të gjetur një rrugëdalje nga situata aktuale politike si një çështje urgjente”.

Më herët gjatë ditës dhe presidenti Ilir Meta, ju drejtua opozitës duke vënë në dukje se “sa e rëndësishme është që ajo të jetë tërësisht paqësore. Në protestat e mëparshme, pavarësisht nga përkrahja qytetare, janë vërejtur disa akte dhune të papranueshme, ndaj dua t’ju kujtoj se drejtësia e kauzës tuaj, nuk duhet të cënohet nga veprime të papërmbajtura të individëve të caktuar. Është përgjegjësi e udhëheqësve të Opozitës së Bashkuar për mbarëvajtjen e protestave ku ata ftojnë qytetarët të marrin pjesë”, shprehet presidenti, duke shtuar se “vetëm në këtë mënyrë, kauza juaj për një demokraci të vërtetë, që garanton një bashkëjetesë të gjerë qytetare, legjitimitet e funksionalitet të institucioneve, do të dëgjohet më mirë brenda dhe jashtë vendit”.

Gianotta: “Rritja e së djathtës ekstreme në Evropë nuk lejon zgjerimin e BE-së”

Akademikja dhe shkrimtarja italiane Valeria Giannotta që jeton në Turqi ka deklaruar se e djathta ekstreme që është në trendin e rritjes në Evropë nuk do të lejojë zgjerimin e Bashkimit Evropian (BE).

Ajo e admiron shumë Turqinë ku erdhi për tezat e doktoraturës dhe ku që prej 10 vitesh është lektore në universitete të ndryshme në Stamboll, Gaziantep dhe Ankara. Giannotta është prononcuar për Anadolu Agency (AA) në lidhje me zgjedhjet për Parlamentin Evropian (PE), marrëdhëniet Turqi-BE dhe në lidhje me librin e saj të titulluar “Erdoğan dhe partia e tij” i cili është fitues i çmimit prestigjoz Cerruglio në Itali.

Dr. Giannotta, lektore në fushën e marrëdhënieve ndërkombëtare në Universitetin e institucionit të Aeronautikës Turke (Türk Hava Kurumu Üniversitesi) para zgjedhjeve të PE-së pasi ka tërhequr vëmendjen tek e djathta ekstreme e cila në vitet e fundit ka treguar trendin në rritje në Evropë dhe reflektimin e kësaj në politikat e BE-së për 5 vitet e ardhshme, tha se se “Rritja e partive të krahut të djathtë ekstrem në Evropë nuk lejon zgjerimin e BE-së”

Ajo thotë se mesazhet kundër Turqisë para zgjedhjeve të PE-së dhe rritja e ekstremit të djathtë, ka rritur zhgënjimin e Ankarasë.

“Ekziston një hendek (boshllëk) i gjerë mes qytetarëve dhe qendrave të pushtetit në Evropë. Ky hendek i gjerë është edhe më i dukshëm në zgjedhjet e PE-së. Nuk do të ndjeni një ndjenjë identiteti. Prandaj, ndjenja evropiane perceptohet shpesh si një abstrakt ose të paktën diçka që nuk është e afërt me nevojat e njerëzve. Prandaj, unë mendoj se pjesëmarrja në këto zgjedhje do të jetë e ulët. Problemi kryesor i Evropës është se ajo nuk mund të bashkojë qytetarët e saj në nivelin e identitetit politik dhe nuk mund të zhvillojë një projekt të ndjeshëm. Për këtë arsye, qytetarët e saj ende mbështeten në institucionet kombëtare. Kjo situatë me ndjenjat dhe mendimet nacionaliste gjithashtu shpjegon rritjen e kritikave ndaj BE-së”, tha Giannotta pasi i është rikujtuar pjesëmarrja e nivelit të ulët në vendet evropiane edhe në zgjedhjet e PE-së.

Standardi i dyfishtë i BE-së ndaj Turqisë

Nën dritën e zgjedhjeve të PE-së, Giannotta ka përmendur edhe marrëdhëniet Turqi-BE. “Nëse duhet të flasim sinqerisht tashmë marrëdhëniet Truqi-BE janë në një situatë kritike në mënyrë të pavarur nga këto zgjedhje”, thotë ajo.

“Negociatat kanë nisur në vitin 2005, por ato u pezulluan menjëherë nga disa vende. Është e pamundur hapja e shumicës së kapitujve. Kjo është një situatë me të meta që në fillim. Edhe nëse gjithçka shkon mirë, mendoj se 17 kapitujt negociues janë peng i çështjes së Qipros”, thekson akademikja Giannotta duke bërë të ditur se Qiproja u anëtarësua në BE pavarësisht se u votua “kundër” plani i Annan në vitin 2004.

Pasi ka nënvizuar se çështja për liberlaizimin e vizave për shtetasit turq mori një hov gjatë marrëveshjes për emigrantët mes BE dhe Turqisë në vitin 2016 dhe se Evropa po vepron në mënyrën “të nënshkruajmë marrëveshjen, të sjellim liberalizimin e vizave për shtetasit turq”, Giannotta, ka vazhduar më tej:

“Përderisa në marrëveshjen për emigrantët thuhej se ‘jeni duke bërë mirë çdo gjë‘, këtë herë thanë që ‘Ju duhet të ndryshoni ligjin tuaj kundër terrorizmit. Ne nuk sjellim liberalizimin e vizave për qytetarët turq pa e ndryshuar atë‘. Po flasim për një vend që jeton me kërcënimin e terrorizmit. Këtu ne shohim edhe një herë standardin e dyfishtë ndaj Turqisë. Kjo do të thotë shkelje e parimit të reciprocitetit në mes të Turqisë dhe BE-së”.

Marrëdhëniet Turqi-Itali

Në lidhje me veçantinë e marrëdhënieve Turqi-Itali, Giannotta ka shpjeguar se “Turqia është një partner i domosdoshëm për Italinë dhe për Evropën. Kjo nuk është vetëm nga aspekti ekonomik, por edhe nga pikëpamja shoqërore, kulturore, politike. Situata këtu është përtej një miqësie të veçantë”.

Përsa i përket librit të saj, Giannotta tha se përjetimet në Turqi mund të transmetohen në Evropë më së miri nga një person që jeton në këtë vend, në të kundërtën në opinionin publik mbizotërojnë komente paragjykuese.

Shkrimtarja italiane në lidhje me idenë për shkrimin e librit i cili flet për presidentin Recep Tayyip Erdoğan dhe partinë e tij gjatë kësaj periudhe tha se “Në Itali ka një problem të tillë, si paragjykimi. Ka disa paragjykime të njohura kundër Turqisë. Unë gjithashtu dëshiroja të nxjerr një foto në lidhje me objektivin e funksionimit dhe dinamikën e Turqisë dhe t’i ofroja atë opinionit publik”.

Ajo shprehu kënaqësinë e saj për interesin ndaj librit, i cili rreth një vit më parë u botua në Itali. Giannotta, tha gjithashtu se “Rreth një muaj më parë, u nderua me çmimin special Kombëtar Cerruglio. Libri im mori këtë çmim për shkak se në të prezantohen analiza të paanshme. Unë marr reagime shumë pozitive. Ai ofron një vlerësim të hapur dhe të qartë për Turqinë pa patur ndonjë vlerë paragjykuese. Këtu unë jam përpjekur të nxjerr fotografinë e përjetimeve në Turqi dhe ato të Partisë AK deri në ditët e sotme. Lexuesi arrin në konkluzionet e tij”.

Në librin e saj akademikja italiane ka përmendur edhe udhëheqjen e presidentit Erdoğan me ç’rast ka thënë: “Në librin tim unë e përshkruaj Erdoğanin si njeriun e kombit. Një parti që ka në qendër një udhëheqës, lider dhe që zhvillohet rreth këtij lideri. Është një lider i tillë që mund të mobilizojë masat, të komunikojë lehtësisht me masat dhe të sigurojë shumë gjëra, veçanërisht për t’u ofruar shërbim atyre. Erdoğan është lider unik që mund t’i ofrojë vendit të tij një vizion. Kur shikoj në shkallë evropiane, nuk mund të shoh asnjë lider në këto dimensione në Evropë në këtë moment”.

Në lidhje me nxjerrjen në shitje të librit edhe në Turqi, Giannotta tha: “Po, e kam një qëllim të tillë. Kam dëshirë që libri im të takohet edhe me lexuesit turq”.

Këtë mund ta bëjë vetëm Hashim Thaçi, shikoni si e kishte lartësuar Sali Berishën

Brenda një periudhe 6 vjeçare, miqësia e vjetër ndërmjet ish-kryeministrit të Sali Berishës dhe presidentit aktual të Kosovës, Hashim Thaçit, është shndërruar në një armiqësi të egër, të shoqëruar me ofendime e fyerje të një pas njëshme.

Derisa në vitin 2013, Thaçi i thurte lavde Berishës dhe e quante lider historik te Shqipërisë, sot pas gjithë këtyre viteve ka ndryshuar plotësisht mendim. Ai e cilëson Berishë si një ‘gërmadhë politike’, ‘fosil’, e ‘argat të Sllobodan Millosheviqit.

Por një gjë të tillë mund ta bëjë vetëm në njeri si Hashim Thaçi.

Përderisa dikur Thaçi e konsideronte Berishën si një njeri që ka kontribuar edhe për pavarësinë e Kosovës, sot thotë se ish-kryeministri i Shqipërisë kishte kërkuar që Kosova të mbetej nën autonominë e Serbisë.

“Si kryeministër i shtetit më të ri ndihëm krenar që bashkë me Ju z. Berisha punuam në shumë projekte të integrimeve kombëtare dhe zhvillimore të vendeve tona dhe rajonit. Me punën dhe qëndrimin tuaj Ju do të respektoheni gjithmonë si lider i rëndësishëm historik i Shqipërisë demokratike, i tranzicionit dhe sfidave 23 vjeçare të shtetit shqiptar”, kishte thënë Thaçi në vitin 2013, shkruan Gazeta Express.

Para gjashtë vitesh, Thaçi asnjëherë nuk kishte ngurruar që ta ngritë në piedestal Berishën.

“I nderuar Kryeministër Berisha, Ju keni dhënë kontribut të pamohueshëm për fitoren e demokracisë në Shqipëri, keni mbështetur vazhdimisht aspiratat e popullit të Kosovës për liri, pavarësi, sovranitet dhe afirmim të të drejtave të shqiptarëve në rajon. Kontributi juaj do të mbetet historik për integrimin e Shqipërisë në NATO, për liberalizimin e vizave për qytetarët e Shqipërisë dhe hapjen perspektivës për integrime euroatlantike. Ju do të mbeteni përgjithmonë miku im dhe burrështetas i nderuar i popullit të Kosovës,” ishin fjalët e presidentit Thaçi për Berishën.

Përplasja rreth idesë së korrigjimit të kufijve, ka bërë që Thaçi të ndryshojë plotësisht qëndrim për Berishë, duke shfaqur edhe mos durim ndaj tij, e duke iu referuar me iniciale si S.R.B (Sali Ramë Berisha).

Tashmë presidenti thotë çdo gjë të keqe për ish-mikun e tij të dikurshëm Sali Berishën, me të cilin shtregonin duart miqësishtë, e merrnin pjesë nëpër ceremoni inauguruese autostradash.

Hiq më larg se dje, ish-kreu i PDK’së, ka shkruar një reagim të gjatë ndaj një interviste që Berisha kishte dhënë në Opinion, e ku kishte treguar se Thaçi ishte ndaluar nga autoritetet shqiptare, dhe ishte intervistuar rreth vrasjes së gazetarit Ali Uka, pasi i ndjeri Uka kishte fjetur në të njejtën dhomë me Thaçin.

Ky është reagimi i Thaçit ndaj Sali Berishës, i shkruar të premten me 24 maj.

Të gjithë ne, politikanët shqiptarë, kemi kontributet dhe gabimet tona, për të cilat marrim vlerësim, por edhe mbajmë përgjegjësi përpara qytetarëve tanë. Historia dhe gjeneratat e ardhshme, do ta trajtojnë me kujdes trashëgiminë që ne do të lëmë pas.

Askush nga ne nuk ka qenë, nuk është dhe nuk besoj se do të jetë i shenjtë.

Me keqardhje dhe pa asnjë vullnet, jam i detyruar që të merrem për ta thënë të vërtetën e hidhur për një ish politikan të tillë. Nuk më sjell asnjë kënaqësi që të merrem me një relikt të shëmtuar, duke qenë i vetëdijshëm se ky intrigant bën përpjekje dëshpëruese të ushqejë hijen e tij, duke hedhur baltë mbi çdo gjë që konsiderohet si vlerë e traditës dhe kulturës sonë kombëtare.

Nuk kam asnjë dyshim se një ndër krimet më të mëdha në rrugëtimin e S.R.B, përveç përpjekjes për puç institucional, shkatërrimin e shtetit dhe demokracisë në Shqipëri, është edhe fakti se ai i shkatërroi edhe kodet e sjelljes dhe komunikimit të Odës Shqiptare.

Pse unë po e përmend Odën?

Për arsye se ai ka dëshirë të thirret në burrëri si dhe në tiparet e malësorit, gjë të cilën nuk e ka asnjërën.

Ai punoi tërë jetën duke përçarë kombin dhe vendin.

Tiparet e malësorit i humbi duke i shërbyer bllokut në vitet e diktaturës.

Ai gjithmonë thirret në emër të veriut të Shqipërisë, edhe pse tri dekada, me politikën e tij, veriun e la në gjendje të mjerueshme dhe në izolim.

Veriun e shfrytëzoi vetëm për të nxitur konfliktin veri-jug (kujto vitin 1997).

Për shkak të krimeve të tij, ai tash e tri dekada nuk ka guxim si qytetar i lirë ta vizitojë tokën ku ai lindi, trevën në të cilën u rrit, sepse me veprimet e veta mbolli përçarje dhe vëllavrasje.

S.R.B u shndërrua në zhurmues, përçarës dhe është i pabesi numër një i kombit tash e tri dekada.

As Odat Shqiptare, e lëre më parlamentet tona, nuk i toleruan sharjet, shpifjet, ulërimat dhe kacafytjet mes burrave.

Kurrë Oda Shqiptare nuk do të mbante në sofër burra që nuk kanë frena në gjuhë dhe ekuilibër në mendje.

Kjo traditë e jona, për një kohë të gjatë ishte një kod i pashkruar edhe brenda institucioneve shtetërore andej dhe këndej kufirit. Thelbi i këtij kodi të mirësjelljes ishte respekti minimal për njëri-tjetrin, për fjalën publike, e mbi të gjitha, respekti për qytetarët tanë.

Fatkeqësisht, sot nuk kemi respektim të normave të tilla. Dikush punoi shumë fort për ta shkatërruar këtë standard.

S.R.B është ai që solli këtë fatkeqësi të madhe në sofrën tonë dhe infektoi shumë politikanë me fjalorin e tij vulgar, duke u bërë modeli më i keq.

Atë që nuk e kam kuptuar dikur, por që më neverit edhe sot, është fakti se S.R.B është tjetër njeri kur të rri përballë në bisedë, pa të shikuar kurrë në sy, dhe një tjetër njeri kur i drejtohet publikut.

Fjalorin e tij të ulët publik, ai e quan politikë, ndërsa politikën një lojë ku duhet të fitosh me çdo çmim, duke thënë gjëra që s’i beson as vetë.

S.R B nuk i beson as një sekondë akuzave që i bën në drejtimin tim, madje ai vetë e di shumë mirë se ato nuk kanë asnjë lidhje me realitetin.

Por, për S.R.B kjo është politika!

Një lojë e pistë pa rregulla dhe as kod etik.

Një turp i vërtetë, në fakt!

I jam trembur gjithnjë gjuhës së kontaminuar të S.R.B, sepse kurë nuk kam dashur që ajo të përhapet si epidemi edhe në Kosovë.

Për fat të keq, kjo epidemi preku edhe parlamentin, disa parti, media, të paguara me pare të pista nga burime të zeza, që rrjedhin nga Tirana e derdhen në Prishtinë.

E kam thënë dhe do ta them gjithnjë, se kam dhimbje kur e shoh si ka përfunduar në një gërmadhë morale dhe politike.

S.R.B sot nuk paraqet asgjë tjetër, vetëm një fosil.

Ai nuk ka qenë dhe nuk mund të ishte kurrë miku im, sepse në mes të Lëvizjes Kombëtare të Kosovës, respektivisht Ushtrisë Çlirimtare të Kosovës dhe Millosheviqit, ai zgjodhi rrugën e pasurimit personal, familjar dhe klanit të tij të ngushtë.

Ai zgjodhi t’i bënte argat S. Millosheviqit me derivate e armë. Depot e derivateve që i mbushi Salihu në Beograd, ishin caqe të NATO-s në vitin 1999. Ai armatim u përdor për gjenocid në Kroaci, Bosnje dhe Kosovë.

Nga viti 1992 deri më 1997 S.R.B, si President i Shqipërisë kudo që fliste për Kosovën, kërkonte “autonomi” për Kosovën, sepse, sipas tij, pavarësia ishte shumë dhe mund të sillte luftë.

Nuk e di nëse kjo zgjedhje e tij është bërë me dëshirë apo me dhunë. Këtë gjë duhet ta tregojë vetë S.R.B. Do të ishte vërtet e guximshme që ai të tregojë arsyet e vërteta që e bënë atë të jetë në shërbim të Millosheviqit. Por, unë nuk pres nga një qyqar-batakçi të tregojë ndershmëri dhe guxim, as tani kur ai po kalon në grahmat e tij të fundit.

Kjo është ndër arsyet kryesore që e bëri S.R.B të refuzuar që nga viti 1996 nga gjithë skena politike shqiptare.

Kosova nuk ia ka fajin për krimet piramidale të fajdeve.

Nuk ia ka fajin për trazirat civile më 1997.

As për tentim grusht shtetin e shtatorit të vitit 1998.

As për vrasjet në Gërdec.

As për vrasjet e demonstruesve paqësorë më 21 janar.

Kjo është trashëgimi e juaja S.R.B, si i amnistuar nga drejtësia shqiptare.

Megjithatë, ndiej keqardhje për të sa herë e hap gojën.

Dua ta kuptojnë të gjithë shqiptarët se unë kur flasë për S.R.B, nuk e bëj aspak për të pastruar ndonjë hesap personal.

Këtë e bëjë vetëm si shërbim të interesit publik, që njerëzit të mos shurdhohen nga kambanat e këtij ndjellësi të fatkeqësive dhe që të gjithë së bashku të reflektojmë për këtë fatkeqësi kombëtare, që shfaqet në formën e shpifjeve, sharjeve dhe sulmeve të ulëta mes shqiptarëve. HTH

Gjinushi kryetar i Akademisë së Shkencave, si u shkel ligji. Dalin votat, 17 të paligjshme (EMRAT)

Mes shumë debatesh e kundërshtish, Skënder Gjinushi është votuar në krye të Akademisë së Shkencave. I vetmi kandidat për postin e kryetarit, Gjinushi, mori votën e 35 anëtarëve nga 43 pjesëmarrës në votim.

 

Gjashtë prej tyre vendosën kundër tij, ndërsa dy abstenuan. Që në krye të herës, zgjedhjet janë shoqëruar me polemika pasi projektligji “Për reformën në Akademinë e Shkencave” është ende në proces shqyrtimi nga Kuvendi, ndërsa zgjedhjet u zhvilluan me ligjin e vjetër, të hedhur poshtë nga vetë kreu i qeverisë. Për më tepër, ligji në fuqi nuk njeh votën e akademikëve mbi 75 vjeç.

Sipas të dhënave që disponon gazeta, bëhet fjalë për 15 anëtarë që kanë festuar tashmë 75-vjetorin e lindjes. Gjithashtu, ka edhe një tjetër handikap. Bazuar në nenin 6 të ligjit, sipas të cilit janë zhvilluar zgjedhjet, mandati i një anëtari të Akademisë së Shkencave bie ndesh me funksione drejtuese në parti politike. Këtë të fundit e shkelin dy prej tyre, duke e çuar kështu në 17 numrin e votave të jashtëligjshme.

 

I pari është kryetari i sapozgjedhur Skënder Gjinushi, i njohur prej dekadash si kryetar i Partisë Socialdemokrate dhe Anastas Angjeli, aktualisht deputet i PS-së. Me pak fjalë, Skënder Gjinushi, zgjedhjen midis Akademisë e Kryesisë së një partie politike duhet ta kishte bërë me kohë.

Një tjetër çudi e kësaj zgjedhjeje është votimi me postë, i paparashikuar në asnjë nen të ligjit për Akademinë e Shkencave. Dje, 11 akademikë, mes të cilëve Ismail Kadare, Anastas Angjeli, Arian Durrësi, Bahri Beci, Jani Thomai, Efigjeni Kongjika, Marenglen Verli, Kosta Barjaba etj., zgjodhën ta jepnin votën e tyre në zarf, përmes postës.

DEBATET

Debati për reformimin e Akademisë së Shkencave në këto dy vite është fokusuar mes platformës së Artan Fugës, mbështetur nga universitetet dhe grupit të Skënder Gjinushit, mbështetur nga një grup deputetësh që mundësuan dërgimin e saj në Kuvend, duke anashkaluar kështu Ministrinë e Arsimit.

 

Të dyja palët akuzojnë njëra-tjetrën si produkt të politizimit. Fill pas rezultatit të votimeve, Skënder Gjinushi iu përgjigj zërave kundër tij, duke deklaruar se ata që baltosin akademikun, në fakt s’kanë respekt për kërkuesin shkencor. Ai mohoi ndërhyrjet e tij në Akademi në kohën kur ka drejtuar një parti politike, teksa tha se ka ardhur koha të akademizohet politika dhe jo e kundërta.

“Nuk më ka bërë politika akademik, më ka bërë matematika. Dhe gjatë kohës nuk jam përzier në punët e Akademisë, jam përfshirë dy herë para 10 vitesh. Të njëjtën gjë do të bëj edhe sot. Do të ndalim ato tendenca. Ne s’jemi pajtuar, kjo tregon qartë se jemi në pozicionin e duhur. Ne nuk do të politizojmë Akademinë, do të akademizojmë politikën”.

AKADEMIKËT QË VOTUAN

Aurela Anastasi
Anastas Angjeli funk. politik
Kosta Bajraba
Apollon Baçe mbi 75 vjeç
Gudar Beqiraj
Salvator Bushati
Floresha Dado
Albert Doja
Neki Frashëri
Nazmi Gruda
Skënder Gjinushi funk. politik
Jorgaq Kaçani
Adnan Kastrati
Anesti Kondili mbi 75 vjeç
Efgjeni Kongjika
Fatos Kongoli
Rexhep Mejdani
Arben Merkoçi
Beqir Meta
Petraq Petro
Edmond Pinguli
Bashkim Resuli mbi 75 vjeç

Xhevahir Spahiu
Vasil.S Tole
Jani Vangjeli
Merenglen Verli
Floran Vila mbi 75 vjeç
Besim Elezi
Muzafer Korkuti
Arian Durrësi
Ilirian Malollari
Gjovalin Shkurtaj mbi 75 vjeç
Shaban Sinani
Nestor Thereska
Bahri Beci mbi 75 vjeç
Bardhyl Golemi mbi 75 vjeç
Dhimitër Haxhimihali mbi 75 vjeç
Ismail Kadare mbi 75 vjeç
Ethem Likaj mbi 75 vjeç
Luan Omari mbi 75 vjeç
Emin Riza mbi 75 vjeç
Jani Thomai mbi 75 vjeç
Mark Tirta mbi 75 vjeç

Kryetari i Deçanit, i vendosur të mos ia kthejë pronën Manastirit

Taulant Qenaj

Ka tre vjet që Gjykata Kushtetuese e Kosovës kishte marrë vendim, sipas të cilit i njihet e drejta e pronësisë Manastirit të Deçanit mbi 24 hektarë tokë. Por, ky vendim nuk është zbatuar asnjëherë nga ana e kësaj komune.

Zyrtarë të institucioneve ndërkombëtare në Kosovë, në vazhdimësi kanë bërë thirrje që të respektohet vendimi i Gjykatës Kushtetuese.

Ditë më parë, Nataliya Apostolova, shefe e Zyrës së Bashkimit Evropian në Kosovë, ka theksuar se vendimet e Kushtetueses janë përfundimtare dhe duhet të zbatohen. Përmes një njoftimi, Apostolova ka kërkuar nga institucionet e të gjitha niveleve që ta zbatojnë vendimin e Kushtetueses dhe të mbështesin sundimin e ligjit.

My statement on the lack of implementation of the 19 May 2016 Constitutional Court ruling on the land dispute case in Decan/e. Decisions by Kosovo’s highest legal authority are final and must be implemented without further delay. 👉https://t.co/H2CJFjzy5D pic.twitter.com/VptlnXFusf

— Nataliya Apostolova (@ApostolovaEU) May 20, 2019

“BE-ja shpreh shqetësim të thellë për mungesën e zbatimit të vendimit të Gjykatës Kushtetuese të 19 majit 2016 mbi çështjen e mosmarrëveshjes së tokës në Deçan dhe të tjerave që ndikojnë në pronat e anëtarëve të komuniteteve jo-shumicë”.

“Vendimet nga autoriteti më i lartë ligjor i Kosovës, janë përfundimtare dhe duhet të zbatohen pa vonesa të mëtejshme. BE-ja u bën thirrje autoriteteve në të gjitha nivelet që të mbështesin fuqishëm sundimin e ligjit si një parim themelor demokratik”, ka shkruar Apostolova.

Mirëpo, Komuna e udhëhequr nga partia e kryeministrit Ramush Haradinaj, Aleanca për Ardhmërinë e Kosovës, nuk e ka ndërmend ta zbatojë vendimin e Gjykatës Kushtetuese.

Në një bisedë për Radion Evropa e Lirë, kryetari i kësaj komune Bashkim Ramosaj, tha se nuk do ta zbatojë këtë vendim edhe nëse kjo do t’i kushtojë me postin e kryetarit. Ramosaj theksoi se vendimi i Kushtetueses është një goditje për zhvillimin ekonomik të komunës së Deçanit, dhe se ai vendim, sipas tij, po e vretshpresën e qytetarëve të kësaj komune, duke i penguar të shfrytëzojnë resurset dhe potencialet që ka Deçani.

“Unë jam jurist me profesion edhe i di pasojat e mos-zbatimit të një vendimi të Gjykatës Kushtetuese që dikush mund ta ketë të drejtën që është e rregulluar edhe me ligj edhe me Kushtetutë, për të shkarkuar një kryetar komune prej postit, por pak e rëndësishme është kjo, dhe po ashtu mund të dërgohet një kryetar komune deri në penalitet, deri në burg, por edhe kjo është shumë e parëndësishme karshi efektit që mund të bëhet kur Manastiri i Deçanit, i merr 24 hektarë që janë potenciali kryesor zhvillimor”, deklaroi Ramosaj.

Për këtë këmbëngulje, Ramosaj tha se e ka edhe mbështetjen e shefit të partisë së tij, AAK-së, pra kryeministrit Ramush Haradinaj. Ai shtoi se mbyllja e këtij kontesti mund të bëhet nëse Gjykata Kushtetuese e kthen në rishqyrtim rastin ose nëse Komuna e Deçanit dhe Manastiri i Deçanit, e zgjidhin këtë kontest me mirëkuptim.

“Kam edhe mbështetjen e kryeministrit Haradinaj, sepse kjo duhet të bëhet me një lloj kompromisi, e jo të dëmtohen qytetarët e Komunës së Deçanit, dhe as Komuna e Deçanit, mirëpo që edhe Manastiri do të ishte ndier mirë. Ne jemi të gatshëm të ofrojmë këto zgjidhje, jemi të gatshëm të bashkëbisedojmë, jemi të gatshëm çdo kërkesë të tyre ta shqyrtojmë me kujdes”, theksoi Ramosaj.

Mirëpo, në zyrën e kryeministrit Haradinaj, nuk kanë komentuar fare për këtë çështje.

Për rastin e Manastirit të Deçanit, kishte folur edhe ambasadori amerikan në Kosovë, Philip Kosnett. Sipas tij, Gjykata Kushtetuese ka konfirmuar se Kisha ka pronësi mbi disa parcela të tokës dhe vendimet e gjykatave, kishte potencuar ai, “nuk u nënshtrohen interpretimeve apo edhe më pak negociatave politike”.

Igumeni i Deçanit, Sava Janjiq, tha për Radion Evropa e Lirë se është për keqardhje që edhe pas tre vjetësh, vendimi i Gjykatës Kushtetuese nuk zbatohet.

“Ne besojmë se secila shoqëri duhet të respektojë sundimin e ligjit. Për këtë arsye u jemi drejtuar autoriteteve gjyqësore të Kosovës. Thjesht, e kemi kaluar gjithë procedurën, ku është folur për të gjitha aspektet e kësaj çështjeje dhe të gjithë i kanë sjellë argumentet e tyre. Gjykata ka vendosur që ajo është tokë e Manastirit dhe gjithmonë ka qenë e Manastirit. Andaj, ne nuk kemi të drejtë e as synim të negociojmë atë që gjykata tashmë e ka vendosur”, tha Janjiq.

Sipas tij, nuk janë qytetarët e Deçanit që e kundërshtojnë vendimin e Gjykatës Kushtetuese, porse bëhet fjalë për interesa private të disa familjeve.

“E vetmja gjë, për të cilën mund të flasim është zbatimi i vendimit. Nuk jemi të gatshëm të luajmë me ligjin. Jemi gati të presim që vendimi i gjykatës të zbatohet. I takon Kosovës të tregojë nëse si shoqëri është e pjekur për zbatimin e ligjit”, tha Janjiq.

Vite më parë, Sava Janjiq, kishte dërguar në Kushtetuese dy vendime. Sipas këtyre vendimeve, pronat prej 24 hektarësh tokë që i ishin dhuruar Manastirit të Deçanit me një marrëveshje të Qeverisë së Serbisë dhe këtij manastiri në vitin 1997, lidheshin me ish-Agjencinë e Mirëbesimit dhe pasardhësen e saj Agjencinë Kosovare të Privatizimit.

Gjykata Kushtetuese e Kosovës kishte aprovuar ankesën e Manastirit të Deçanit. Vendimi i Gjykatës Kushtetuese ishte përkrahur nga Dioçeza e Kishës Ortodokse Serbe për Rashkën dhe Prizrenin, duke vlerësuar se Gjykata ka treguar gatishmërinë dhe kompetencë për të marrë një “vendim të paanshëm ,me të cilin mbrohet e drejta në pronë e Manastirit”.

Udhëheqësit e Manastirit të Deçanit, i cili mbrohet nga UNESCO-ja, nuk kanë dhënë pëlqim as për vazhdimin e rrugës Deçan-Plavë, që lidh Kosovën me Malin e Zi.

Gjykata Administrative pranon padinë për heqjen e emrit të Mehmet Shehut nga rruga e Ballshit

Rezarta Delisula – Shkalla e parë e Gjykatës Administrative pranoi kërkesëpadinë e dy djemve të tregtarit Jonuz Kaceli për heqjen e emrit Mehmet Shehu nga rruga kryesore e Ballshit. Ati i tyre është një ndër 22 viktimat e komunizmit akuzuar për incidentin në legatën sovjetike në Tiranë në 20 shkurt të vitit 1951. Në një intervistë për “Gazeta Shqiptare”, Osman Kaceli tha se: “Babain ma vrau Mehmet Shehu, nuk u hodh nga dritarja”. Kjo është dhe arsyeja kryesore e padisë së tyre, që ndiqet nga studio e avokatisë “Cakrani”. Osman dhe Mirvjen Kaceli kërkojnë shfuqizimin e vendimit të Këshillit të Bashkisë Mallakastër, nr.27, datë 29.05.2002, për emërimin e rrugës Mehmet Shehu në qytetin e Ballshit, sipas vendimit nr. 178 datë 19.09.2018 të Komisionerit për Mbrojtjen nga Diskriminimi dhe shpërblim të dëmit moral, ekzistencial dhe biologjik, sipas parashikimeve të K. Civil dhe Vendimit Unifikues të datës 12.09.2009 të Gjykatës së Lartë, në shumën e 300.000 mijë lekëve.
Çështja
Me vendim nr.27, datë 29.05.2002 këshilli bashkiak i Bashkisë Mallakastër ka vendosur që një rrugë në qytetin e Ballshit, e cila është në drejtim të kombinatit të përpunimit të thellë të naftës, të ketë emrin “Mehmet Shehu”. Të vendosur përpara kësaj situate, paditësit Osman dhe Mirvjen Kaceli, duke qenë se janë të ndikuar drejtpërdrejtë nga ky veprim ose mosveprim i këshillit bashkiak të Bashkisë Mallakastër, me anë të një ankese i janë drejtuar Komisionerit për Mbrojtjen nga Diskriminimi, ku i është kërkuar dhe shpjeguar se paditësit në fjalë, shtetasi Osman dhe Mirvjen Kaceli kanë lidhje familjare me z.Jonuz Kaceli dhe, gjithashtu, kanë një panoramë të gjerë vuajtjesh nga sistemi komunist. Në procesverbalin e Byrosë Politike të Komitetit Qendror, i bërë më datë 20 shkurt 1951, bashkëngjitur ankesës së tyre, citohet se: “Duhet të zbulohet patjetër burimi dhe njerëzit e këtij atentati, pra atentatit të z.Jonuz Kaceli. Është e nevojshme të merren masa represive pa marrë parasysh ligjet në fuqi. Unë mendoj se masa që duhet të marrim të jetë në një shkallë të tillë që elementin që përpunohet, elementin reaksionar etj., që sonte ta arrestojmë, pra, rreth 100 ose 150 vetë nga të cilët 10 ose 15 t’i pushkatojmë, duke zgjedhur ata kryesorët. Kjo masë të procedohet edhe me një masë tjetër spastrimi nga Tirana të familjeve reaksionare. Ne duhet terrorit t’i përgjigjemi me terror, i kemi përgatitur listat e arrestimeve dhe jemi dakord të veprojmë që sonte.” Në vijim të ankesës së tyre subjektet Osman dhe Mirvjen Kaceli shprehen se babai i tyre shtetasi Jonuz Kaceli është arrestuar, burgosur dhe torturuar. Me vendimin e datës 02.03.1951 për motive politike të gjithë pjesëtarët e familjes janë internuar për tre vjet. Në cilësinë e dy djemve të të ndjerit, paditësit shprehen se babai i tyre ka qenë i pafajshëm dhe se është arrestuar vrarë dhe zhdukur vetëm për arsye politike. “Emërtimi i rrugës së qytetit Ballsh me emrin e diktatorit Mehmet Shehu ka sjellë trajtim diskrimininues ndaj nesh si fëmijë më baba të pushkatuar nga diktatori”. Ata shprehen se Bashkia Mallakastër dhe këshilli i Bashkisë Mallakastër u ka refuzuar shqyrtimin e kërkesës për heqjen e emrit të rrugës dhe ndryshimin e saj, duke bërë në këtë mënyrë një trajtim diskriminues. Më pas paditësit Osman dhe Mirvjen Kaceli i janë drejtuar Komisionerit për Mbrojtjen nga Diskriminimi, Tiranë, i cili pasi ka shqyrtuar çështjen ka vendosur: Konstatim të diskriminimit të subjekteve ankuese… Në vendimin e tij ka arsyetuar se: Këshilli i bashkisë Mallakastër, është në dijeni të plotë të veprimit dhe mosveprimit për sa i përket çështjes në fjalë, veprimet e tyre që bien në kundërshtim me ligjin duke mos kthyer përgjigje dhe duke mos marrë parasysh kërkesat e here pas hershme të personave të prekur drejtpërdrejtë, tregon qartë se ata nuk kanë as më të voglin vullnet për të mbledhur këshillin e bashkisë dhe të marrin masa për heqjen e emrit të rrugës që mban emrin e kriminelit Mehmet Shehu. Ndërkaq Osman Kaceli ka shkruar në faqen e tij në “Facebook”: Njoftojmë të gjithë miqtë se shkalla e parë e Gjykatës Administrative pranoi kërkesëpadinë time dhe të vëllait Mirvjen për heqjen e emrit Mehmet Shehu nga rruga kryesore e Ballshit! Ne falënderojmë studio ligjore “Cakrani” dhe zotin Av Kujtim Cakrani, për mbështetjen e pareshtur. Falënderojmë edhe të gjithë miqtë e lobit tonë Jozef, Filip, Vali, Keda Kaceli, Ina, Avis, etj., e veçanërisht promotorin Dritan, të cilët na kanë përkrahur vazhdimisht. Një falënderim i veçantë për Komisionerin për Mbrojtjen nga Diskriminimi!

 

Historia e Jonuz Kacelit, njeriut që botoi kartolinën e parë në Shqipëri

Jonuz Kaceli, tregtar tiranas u akuzua si pjesë e grupit organizator për hedhjen e bombës në legatën sovjetike më 20 shkurt 1951. Vetëm në zonën e pazarit të ri, 4 familjeve iu morën burrat, Reiz Selfon, Manush Peshkëpinë, Pjerin Guraziu dhe Jonuz Kacelin, të cilët më pas u vranë dhe u groposën bashkë me 18 të tjerë mes të cilëve e vetmja femër, martirja Sabiha Kasimati. Gruaja e Jonuz Kacelit bashkë me 7 fëmijë u internuan jashtë Tirane. Me një shkresë të kryeministrisë shkruhej; Familja e Jonuz Kacelit të internohet në Çorovodë. T’i gjendet një strehë sa të fusin kokën dhe një punë sa të mbajnë frymën gjallë. Jonuz dhe Ali Kaceli, ishin figura të njohura në Tiranë. Ata kanë botuar dhe kartolinën e parë në Shqipëri, kartolinë e cila u shtyp në Dresden të Gjermanisë në 4 maj 1914. Jonuzi ka qenë njohës i shumë gjuhëve të huaja ndërsa biznesi i “Vllazën Kaceli” lulëzonte jo vetëm në Shqipëri, por dhe në Itali e Greqi. Pas çlirimit, duke qenë ndër tregtarët më të mëdhenj të Tiranës, dyqanin kryesor ia morën. Në kohën e ndodhisë së incidentit në legatën sovjetike, Jonuzi kishte një dyqan te rruga e Barrikadave, madje ndihmonte dhe të tjerët. Një vëlla në atë kohë e kishte në burg, i dënuar 5 vjet me grupin e deputetëve, vëllai tjetër ishte sërish i burgosur dhe internuar pasi një djalë iu arratis në Zelandën e Re, ndërsa tjetri ishte mësues dhe jo në gjendje të mirë ekonomike. Ai shiste kryesisht kartoleri, por edhe gjëra me komision. Jonuz Kaceli u ekzekutua mes 26-27 shkurtit 1951.

Pikat e nxehta të krimit të organizuar në Ballkanin Perëndimor

Harta e trafikut të drogave (marrë nga raporti i Global Initiative Against Transnational Crime)

Një raport i ri arrin në përfundimin se trafiqet ilegale që rrjedhin përmes porteve, qyteteve dhe pikave kufitare të Ballkanit Perëndimor mundësohen nga një ekonomi politike e krimit, e cila është e rrënjosur në vendet e rajonit.

Raporti i publikuar nga Observatori i Shoqërisë Civile Kundër Krimit të Organizuar në Evropën Juglindore, pasqyron pikat e nxehta të krimit të organizuar në Ballkanin Perëndimor.

Raporti thotë se në rajon marrëdhëniet e ndërthurura mes politikës, biznesit dhe elitave kriminale e kanë shndërruar aktivitetin në një sipërmarrje të përbashkët mes strukturave shtetërore dhe grupeve kriminale. Një tjetër tipar i përbashkët i rajonit të Ballkanit Perëndimor është se shumë pak raste të krimit të organizuar dërgohen në gjykata dhe edhe kur kjo ndodh, në shumë pak raste jepen dënime.

E ashtuquajtura vijë ballkanike përshkon disa vende të Ballkanit dhe mundëson trafikun e paligjshëm drejt vendeve të Bashkimit Evropian. Shqipëria dhe Kosova radhiten ndër pikat e tranzitit të heroinës, ndërsa përsa i përket kokainës, Shqipëria së bashku me Malin e Zi janë shndërruar në pika të rëndësishme hyrëse drejt Evropës të kësaj droge të ardhur nga vende të Amerikës Latine.

Shqipëria

Ballkani vazhdon të radhitet si furnizuesi kryesor i kanabisit për Bashkimin Evropian dhe Shqipëria përmended si vendi kryesor i prodhimit, megjithë një rënie të konsiderueshme të kultivimit që nga gjysma e vitit 2017, si dhe një rritje domethënëse të konfiskimit. Rajoni vazhdon të shërbejë si një territor i përshtatshëm për kontrabandën e armëve, kontrabandën e cigareve, trafikun e qenieve njerëzve dhe tashmë vihet re edhe rritja e pranisë së drogave sintetike.

Ndër pikat kufitare dhe portet hyrëse nëpërmjet të cilave zhvillohen aktivitete të shumëllojshme kriminale radhiten Shkodra, Durrësi, Vlora dhe Saranda, ndërkohë që zonat përreth Kurbinit dhe Lezhës përshkruhen si zona të nxehta të krimit të organizuar. Aktiviteti kryesor i grupeve të përqëndruara në kryeqytetin Tiranë është në funksion të aktiviteteve në vende të tjera, si në Hollandë, Belgjikë, Spanjë, Zvicër, Gjermani, Itali, Kosovë dhe Mbretëri e Bashkuar, ndërkohë që lidhjet kriminale shtrihen në Turqi dhe Amerikën Latine. Zona të tjera të nxehta janë Elbasani dhe Fieri.

Kosova

Raporti e përshkruan Kosovën si pjesë e “trekëndëshit të krizës”, zona ndërmjet Maqedonisë së Veriut dhe Serbisë Jugore, të cilat për shkak të zhvillimit të ulët ekonomik, paqëndrueshmërisë, kufijve porozë dhe qeverisjes së dobët, janë të ekspozuara ndaj krimit të organizuar. Veriu i Kosovës përmendet në veçanti si një zonë gri dhe e përshkuar nga aktivitete të paligjshme.

Nga përfundimet e raportit

Raporti arrin në përfundimin se ka shenja që popujt e Ballkanit janë të tejngopur me ndikimin e krimit të organizuar në komunitetet dhe vendet e tyre. Protestat më të fundit në disa prej vendeve të rajonit dëshmojnë për irritimin në rritje me elitat dhe korrupsionin e tyre.

Megjithatë, raporti thotë se ekonomia politike e kriminalitetit është tashmë e rrënjosur thellë. Rrjetet kriminale janë zhvilluar prej dekadash dhe ekzistojnë faktorë të jashtëm të interesuar në mbajtjen dhe shfrytëzimin e status quo-së për mundësi përfitimesh të paligjshme. Raporti thotë se do të jetë e vështirë të ndryshohet sistemi, nëse nuk krijohen institucione më efikase dhe një sistem kontrolli dhe balancimi të pushtetit për të përmirësuar llogaridhënien, transparencën dhe integritetin.

Observatori është pjesë e Iniciativës Globale Kundër Krimit të Organizuar Ndërkombëtar. Ai financohet nga Fondi për Konfliktet, Stabilitetin dhe Sigurinë i Mbretërisë së Bashkuar dhe lidh aktorët e shoqërisë civile në Ballkan.

(Teksti i plotë i raportit: https://globalinitiative.net/wp-content/uploads/2019/05/Hotspots-Report-English-16May1245-Web.pdf )

Zëri i Amerikës: Në Shqipëri Gjykata e Lartë mbetet me dy anëtarë

Në Shqipëri, Gjykata e Lartë rrezikon të mos kryejë më as funksionet më minimale, pasi që prej ditës së sotme ajo ka mbetur vetëm me dy gjyqtarë. Kolegji i Posaçëm i Apelimit (KPA) vendosi shkarkimin nga detyra të anëtarit të kësaj gjykate, Edmond Ismailaj, i cili në qershorin e vitit të shkuar kishte kaluar me sukses, filtrin e parë të procesit të verifikimit. Komisioni i Pavarur i Kualifikimit (KPK) nuk kishte gjetur asnjë problem në të tri shtyllat e procesit, si atë që lidhej me pasurinë, ashtu dhe me integritetin e tij moral dhe përgatitjen profesionale.

Por pak javë më vonë Komisioneri Publik vendosi të ankimojë vendimin e KPK-së për Islamajn. “Në vlerësimin e Komisionerit Publik, në rastin konkret, hetimi i Komisionit të Pavarur të Kualifikimit nuk është i plotë. Për rrjedhojë, faktet dhe provat e administruara në përfundim të këtij hetimi administrativ janë të pamjaftueshme për të mbështetur vendimin e Komisionit të Pavarur të Kualifikimit për konfirmimin në detyrë të subjektit të rivlerësimit”, shpjegonte në korrik të vitit të kaluar Komisioneri Publik.

Problemet për anëtarin e Gjykatës së Lartë, sipas Komisionerit, lidheshin me pasurinë e tij. Për disa seanca me radhë Zoti Islamaj u mbrojt përpara KPA-së duke theksuar se të gjitha provat janë në linjë me vendimin e marrë më parë nga KPK-ja dhe se nuk bëhet fjalë për deklarime të rreme apo fshehje të pasurisë duke qenë se një pjesë e madhe e saj, është e trashëguar.

Por në vendimin e sotëm Kolegji i Posaçëm i Apelimit, trupa gjykuese tha se sipas saj gjyqtari nuk kishte mundur të provonte se disa pasuri të paluejtshme të bashkëshortes së tij (një apartament, një lokal dhe një garazh) kishin burime të ligjshme, sikundër dhe për vlerat në cash të deklaruara prej tij. Kolegji ishte i mendimit se deklarimi i gjyqtarit nuk ishte i saktë.

Gjykata e Lartë, sipas një ndryshimi ligjor të vitit 2013 duhet të ketë 19 anëtarë. Ligji e rriti me 5 numrin e gjykatësve të saj, por përplasjet politike mes shumicës dhe ish presidentit Nishani, bënë që anëtarët shtesë të mos zgjidheshin. Përpara nisjes së Vettingu-t, 5 nga gjykatësit e Lartë dhanë dorëheqjen, pasi kishin mbushur vitet e mandatit në detyrë, ndonëse ligji parashikon se ata mund të qëndrojnë deri në momentin e zëvendësimit.

Mes 9 anëtarëve të mbetur, vetëm 4 prej tyre i rezistuan Vettingut. Njëri prej tyre Mehdi Bici, u largua pasi u zgjodh anëtar i Këshillit të Lartë Gjyqësor. Pas vendimit për gjyqtarin Islamaj, në Gjykatë mbetet vetëm kryetari i saj Xhezair Zaganjori, ndaj të cilit gjithashtu është një proces i hapur në KPA, dhe Ardian Dvorani. Disa dhjetra mijëra dosje janë grumbulluar ndërkohë, në pritje të shqyrtimit.

Video – 7 vite nga tragjedia e Himarës, klithma e fundit e shoferit: Ikëm, nuk po e ndaloj dot

Edhe pas 7 viteve nga tragjedia e Himarës, ku 12 studentë dhe drejtuesi i autobusit humben jetën në aksidentin fatal në qafën e Vishës, familjarët e viktimave luten për drejtësi. Apelet ndaj shtetit për dënimin e fajtorëve kanë qenë të përsëritura në këto vite veçanërisht nga prindërit e dy prej viktimave Joana Debinjës e Dorina Stafës, të cilët thonë se fajtorët e vdekjes së vajzave të tyre më 22 maj të vitit 2012 janë ende të lirë.

Dhimbja për ndarjen nga jeta të vajzës së tyre nuk do të shuhet kurrë, por drejtësia është e vetmja gjë që do të qetësonte shpirtin e prindërve të Dorinës, ndaj ata thonë se do të vijojnë të kërkojnë rihapjen e çështjes. 13 të vdekur dhe 22 të plagosur është bilanci tragjik i aksidentit të Qafës së Vishës në Himarë, kur autobusi me studentë të universitetit “Aleksandër Xhuvani” përfundoi në humnerë.

Gazeta shqiptare sjell në vemëndje këtë ngjarje përmes shkrimit me titull: “Klithma e fundit e shoferit: Ikëm, nuk po e ndaloj dot”, të botuar me datë 22 Maj të vitit 2012.

Klithma e fundit e shoferit: Ikëm, nuk po e ndaloj dot

Dyshimi, problem teknik i autobusit

Një grup ekspertësh po hetojnë për të hedhur dritë mbi shkaqet e aksidentit tragjik të Qafë-Vishës në Hi-marë, ku humbën jetën 11 studente të Universitetit “Aleksandër Xhuvani” në Elbasan, shoferi i autobusit dhe i dashuri i njërës prej vajzave. Burime nga grupi i ekspertëve bënë të ditur për “GSH” se shkaqet e mund-shme të aksidentit të rëndë dyshohen të jenë një defekt teknik i automjetit ose gjendje infarkti e drejtues-it të autobusit, Pëllumb Çela, i cili humbi jetën.

“Dyshimet janë që aksidenti mund të ketë ardhur si pa-sojë e ndonjë defekti në automjet. Gjithashtu, nuk përjashtojmë as faktin se shoferi i autobusit mund të ketë pësuar infarkt apo të ketë pasur humbje vëmend-jeje. Akti i ekspertimit auto-teknik dhe ai mjeko-ligjor do të zbardhin përfundi-misht shkaqet e aksidentit tragjik”, – tha një zyrtar i lartë i policisë për gazetën. Ndërkaq, më herët drejtori i Përgjithshëm i Policisë së Shtetit, Hysni Burgaj i cili mbërriti edhe në vendin e aksidentit tha se para se të binte në greminë autobusi ishte përplasur dy herë më anën tjetër të rrugës. Rrëfi-mi i kryepolicit të vendit linte të nënkuptohej fakti se shkaku më i mundshëm i  pse është ende herët për të folur për përfundime.

Megjithatë, edhe pse kanë kaluar vetëm pak orë nga ngjarja tragjike, në orët e mbrëmjes ekspertët janë fokusuar në dy drejtime për të hedhur dritë mbi shkakun e aksidentit fatal për jetën e 13 personave. Sipas të dhënave paraprake dys-hohet se shkaku më i mun-shëm i ngjarjes së rëndë automobilistike është një defekt teknik i mjetit, në sistemin e drejtimit apo atë të frenimit, çka pritet të konfirmohet nga raporti i kontrollit auto-teknik. Ekspertët pritet të rikthehen sërish sot në vendin ku ndodhi aksidenti për shkak se autobusi ndodhet ende në greminë.

Ndërkaq, humbja e vëmendjes së shoferit Pëllumb Çela, ish-basketbollist i Elbasanit në vitet ’80-të, apo një infarkt në zemër nuk përjashtohen si një sh-kak i mundshëm që solli për pasojë ngjarjen tragjike. Ekspertët e mjekësisë ligjore që po bëjnë autopsinë e viktimës priten të japin konkluzionet e tyre, çka do të çonte më tej dhe në përcaktimin e shkakut të aksidentit të rëndë. Lidhur me hetimet për aksidentin, kreu i Policisë së Shtetit Hysni Burgaj tha se është ngritur një grup i posaçëm nën drejtimin e Prokuror-isë së Vlorës dhe po bëhen të gjitha veprimet e duhura për të hedhur dritë sa më parë mbi atë çfarë ndodhi në Himarë. Deri në orët e vona të mbrëmjes policia tha se nuk ka ndonjë të shoqëru-ar për këtë ngjarje, pasi e konsideroi aksidentale.

E mbijetuara: Autobusi ecte me shpejtësi të madheShoferi po ecte me shpejtësi”.

Ticiana Hysa, një prejt tragjik të Qafë-Vishës, fajësoi shoferin si shkaktar të ngjarjes së rëndë. Vajza nga Elbasani, studente e vitit të tretë në degën e Gjuhë-Letërsisë, tha se shkak i aksidentit ishte shpejtësia e madhe me të cilën po udhëtonin. “Faji ishte i shoferit, po ecte me shpe-jtësi të madhe”, – tha studentja, e cila më pas u kujtua që të njoftonte familjarët se kishte mundur të shpëtonte nga vdekja. Për shkak të tronditjes së madhe, nga shtrati i spitalit të Vlorës ku po merrte ndihmë mjekësore, studentja nuk arriti të rrëfehej me gjatë për orët e tmerrit. Ticiana, sa veta ishit në autobus? Ticiana, sa veta ishit në autobus?Ticiana, sa veta ishit në autobus? Ticiana, sa veta ishit në autobus? Ticiana, sa veta ishit në autobus?

Nuk e di mbase 30 ose më shumë.

Çfarë ndodhi në ato momente, e mbani mend?Ishte faji i shoferit po ecte me shpejtësi.

Po ju jeni nga Elbasani?

Jam nga Elbasani, jam studente e vitit të tretë Gjuhë-Letërsi.

Aksident tragjik, vdesin 13, plagosen 25 studentë

Edhe për pak javë, ato do të merrnin në dorë dip lomat e Universitetit, por një aksident i rëndë ka ndër-prerë ëndrrat e tyre të rinisë. Deri në orët e para të mëngjesit janë shënuar 13 viktima që humbën jetën mes të cilëve  dy meshkuj, ndërsa 25 të tjera kanë marrë plagë të rënda. Rreth orës 16.15 të 21 majit, një autobus me studentë të vitit të 3-të Gjuhë-Letërsi në universitetin e Elbasanit, ka rënë në grem-inë, në qafën e Vishës, rreth 1 kilometër pa hyrë në Himarë. Mes viktimave është edhe shof-eri i autobusit, 55-vjeçari Pël-lumb Çela si dhe një djalë tjetër, ndërsa pjesa tjetër e viktimave, të gjitha studente te “Ale-ksandër Xhuvani”.

Menjëherë, drejt vendngjarjes janë nisur forca të shumta të Drejtorisë së Policisë së Qarkut Vlorë, të Repartit Del-ta Force dhe të Njësisë Rajonale të Policisë Rrugore për të dhënë ndihmën e nevojshme dhe për të menaxhuar situatën. Qytetarë të Himarës dhe të rastit kanë zbritur në rrëpirën rreth 80 metra për ti dhënë ndihmën e parë të plagosurve, ndërkohë që drejt vendngjarjes janë nisur helikopterë të Policisë së Shtetit, Ministrisë së Shëndetësisë, si dhe të Ministrisë së Mbrojtjes. Trupat pa jetë të viktimave janë transportuar në spitalin e Himarës dhe vetëm rreth orës 9.15 janë nisur me makina funerale drejt morgut të Vlorës ku u bë edhe identifikimi i tyre. Ndërkaq autoam-bulanca të nisura nga Saranda dhe Vlora i erdhën në ndihmë spitalit të Himarës në trans-portimin e të mbijetuarve.

Aksidenti ku humbën jetën studente të vitit të tretë të uni-versitetit të Elbasanit, ngriti në këmbë gjithë strukturat spitalore, të cilat për fat ishin në gjendje të mirë me furnizimet si në mjete dhe në gjak. Studentët që ndodheshin në gjendje të rëndë u transportuan në spitalin Ushtarak të Tiranës, ndërsa prej 11 vajzave që ndodheshin në spitalin e Vlorës, dy u transportuan me helikopter pasi ish-in në gjendje jo të mirë dhe kërkonin trajtim të specializuar. Drejtori i spitalit të Himarës, mjeku Jani Gjoka u shpreh se të transportuarit e parë kanë mbërritur në spitalin që ai drejton rreth orës 16.30. “Ishin 22 të plagosur me trauma, ndërsa 8 prej tyre ishin në gjendje shumë të rëndë. Ndihma erdhi shumë shpejt dhe 6 helikopterë bënë të mundur transportimin e të mbijetuarve drejt spitalit ushtarak dhe atij të Vlorës”, theksoi Gjoka ndërsa problem theksoi se ishte identifikimi pasi sipas tij studentet ishin nga rre-the të ndryshme të vendit. Sipas Jani Gjokës në spitalin e Himarës ndodheshin edhe 11 viktimat e para të tragjedisë mes të cilave 9 studente dhe dy meshkuj, një prej të cilëve ishte shoferi i autobusit.