“Rail Force One”, ky është treni që brenda natës e çoi presidentin amerikan Joe Biden në një tur vizitash diplomatike, nga Przemysl Główny në Poloni në Kiev për vizitën e tij historike në Ukrainë, disa orë përvjetorit të parë të pushtimit rus të vendit.

Udhëtimi 10-orësh brenda natës ishte një sfidë sekrete, e sigurisë së lartë për Ukrzaliznytsia, operatorin shtetëror të rrjetit hekurudhor të Ukrainës.

Teksa linjat ajrore komerciale në Ukrainë janë të anuluara dhe qiejt tepër të rrezikshëm për të kryer fluturime brenda dhe jashtë Ukrainës, rrjeti hekurudhor është bërë autostrada diplomatike e vendit. Mbi 200 misione diplomatike të huaja kanë mbërritur në vend duke përdorur linjën hekurudhore deri më tani.

Udhëheqësit botërorë, nga Justin Trudeau, Rishi Sunak, Emmanuel Macron dhe Giorgia Meloni, të gjithë kanë marrë trenin për në Kiev. Në fakt, kryeministri japonez Fumio Kishida është i vetmi lider i G7 që nuk e ka vizituar vendin me tren ende.

Presidenti i Ukrainës Volodymyr Zelensky është një përdorues i rregullt i rrjetit hekurudhor në misionet e tij diplomatike jashtë vendit, por ka më shumë për hekurudhat sesa “Rail Force One”, treni që shoqëroi kreun e Shtëpisë së Bardhë.

E ndërtuar për herë të parë në kohët para-sovjetike, Ukrzaliznytsia është transportuesi i gjashtë më i madh hekurudhor i pasagjerëve në botë, dhe i shtati për mallrat.

Teksa forcat ukrainase kanë shkatërruar lidhjet ndërkufitare me Rusinë, rrjeti hekurudhor ende lidhet me vendet e tjera, megjithëse matësit e ndryshëm nënkuptojnë se trenat në përgjithësi nuk mund të kalojnë kufirin. Për t’u marrë me këtë, gjatë vitit të kaluar ata kanë rindërtuar seksione të linjave të zhdukura më parë në vendet fqinje, duke përfshirë Moldavinë, Poloninë dhe Rumaninë, duke rregulluar infrastruktura në 11 pika kufitare.

Kjo nuk ka të bëjë vetëm me lehtësimin e udhëtimeve të pasagjerëve, pasi është thelbësore edhe për transportin e mallrave dhe për pjesën më të madhe të botës, e cila mbështetet në prodhimet e Ukrainës, me në krye grurin.

Në vitin 2022, 28.9 milionë tonë drithë u transportuan përmes hekurudhave. Në total, rreth 60 milionë tonë mallra u eksportuan nga Ukraina, sipas Ukrzaliznytsia, ndërsa në total kompania transportoi 17.1 milionë pasagjerë nëpërmjet trenave në distanca të gjata gjatë vitit 2022.

“Para luftës, ne kishim aeroplanë, makina, autobusë dhe trena”, tha kreu i Ukrzaliznytsia, Alexander Kamyshin për CNN Travel. “Tani kemi trena dhe makina, nuk kemi aeroplanë. Ne jemi një vend i madh. Pra, për të shkuar nga Kievi në perëndim, jug ose lindje të Ukrainës, trenat me fjetje janë mënyra më e mirë për ta bërë këtë. NJë person shkon në tren në mbrëmje vonë, udhëton gjithë natën dhe në mëngjes mbërrin në qytetin që duhet të jetë.

“Ishte një metodë komode dhe e sigurt para luftës, dhe vijon të jetë e tillë. Trenat janë shumë të rëndësishëm”, u shpreh ai.

Ukrzaliznytsia deklaron se ka ndihmuar rreth katër milionë refugjatë ukrainas të largohen nga vendi që nga fillimi i konfliktit në 24 shkurt të vitit të kaluar, ku një e katërta e tyre ishin fëmijë.

Disa trena u rikonfiguruan gjithashtu si objekte mjekësore. Rreth 2,500 civilë u evakuuan për trajtim mjekësor me hekurudhë vitin e kaluar, ndërsa rrjeti hekurudhor transportoi gjithashtu rreth 336,000 ton ndihma humanitare.

Është një përgjegjësi e madhe për Kamyshin, i cili e themeloi kompaninë vetëm gjashtë muaj përpara se Rusia të niste pushtimin.

Sigurisht, politikanët nuk udhëtojnë në klasin e tretë. Kamyshin nuk dëshiroi të zbulojë detaje për shërbimin që figurat e shquara marrin, por tha për CNN se “mysafirët e diplomacisë së hekurt”, siç i quan ai, “zakonisht kalojnë më shumë kohë në tren sesa në qytet”.bw