VOAL

Në Wuhan të Kinës konfirmohet vetëm një rast me koronavirus

March 17, 2020

Në qytetin Wuhan të Kinës ku shpërtheu epidemia e koronavirusit të ri (Covid-19) në 24 orët e fundit u konfirmua vetëm një rast pozitiv, transmeton Anadolu Agency (AA).

Në njoftimin e Komisionit Kombëtar të Shëndetësisë së Kinës, thuhet se në 24 orët e fundit janë konfirmuar 21 raste të reja në mbarë vendin prej të cilëve një në Wuhan. Ndërsa, 45 persona mbahen nën vëzhgim me dyshim të koronavirusit.

Ndërkohë, kanë vdekur edhe 13 persona prej të cilëve 12 në provincën Hubei ku bën pjesë edhe qyteti Wuhan, ndërsa një tjetër në provincën Shaanxi.

Me këto shifra numri i të vdekurve është rritur në 3.226 ndërsa numri i të prekurve në 80.881. Gjithashtu, 68.679 persona janë shëruar dhe liruar nga spitalet.

Rënia e rasteve me koronavirus në qytetin Wuhan, ku është zbuluar për herë të parë Covid-19, me vetëm një rast, nënkupton se përpjekjet për të vënë nën kontroll epideminë kanë arritur sukses.

Koronavirusi i njohur zyrtarisht si Covid-19 për herë të parë u shfaq dhjetorin e kaluar në Wuhan të Kinës dhe deri më tani është përhapur në rreth 150 vende dhe territore.

Nga Organizata Botërore e Shëndetësisë (OBSH) thonë se numri i rasteve jashtë Kinës ka arritur në 83 mijë që do të thotë se ka tejkaluar shifrën e rasteve në Kinë.

OBSH-ja, e cila shpalli epideminë si një emergjencë ndërkombëtare shëndetësore, së fundmi përditësoi nivelin e rrezikut global në “shumë të lartë”.

Deri tani nga virusi në mbarë botën kanë vdekur 7.174 persona.

twitter
Follow
facebook
linkedin

Fjalë kyçe: COVID-19, rast pozitiv, Wuhan

Komentet

Cancel reply

Lajme të ngjashëm

G7 midis luftës dhe efekteve të saj

Foto në grup: duke filluar me Joe Biden në drejtim të akrepave të orës Boris Johnson, kryeministri japonez Fumio Kishida, Presidentja e Komisionit Evropian Ursula von der Leyen, Presidenti i Këshillit Evropian Charles Michel, kryeministri kanadez Justin Trudeau, presidenti francez Emmanuel Macron dhe kancelari gjerman Olaf Scholz , mikpritës

Në Bavari në tavolinë ideja e sanksioneve ndaj arit rus, por edhe shqetësimet për energjinë dhe ekonominë

VOAL- G7 dhe NATO “duhet të qëndrojnë së bashku” tha presidenti amerikan Joe Biden teksa u takua me kancelarin gjerman Olaf Scholz të dielën, në hapjen e samitit të ekonomive kryesore të botës, liderët e të cilëve janë mbledhur në Alpet bavareze. Nga samiti dhe ai i Aleancës Atlantike që do të pasojë në ditët në vijim, Kievi tha se priste premtimin për furnizime të reja me armë dhe sanksione të mëtejshme kundër Rusisë. Presidenti ukrainas Volodymyr Zelensky do të flasë përmes videokonferencës të hënën.

Olaf Scholz në bisedë me Joe Biden

Sinjali i parë u dha nga Mbretëria e Bashkuar, Shtetet e Bashkuara, Kanadaja dhe Japonia, të cilat njoftuan një embargo ndaj importeve të arit rus, një burim kapitali nga i cili Moska mblodhi 15 miliardë euro në vitin 2021. Franca, Gjermania dhe Italia duhet të rrinë së bashku.

Në një konferencë për shtyp në Kështjellën Elmau, vendi i takimit të izoluar nga qindra policë, Presidenti i Këshillit Evropian Charles Michel tha në lidhje me këtë se “sot dhe nesër do të vazhdojmë të flasim për këtë, për të arritur një vendim unanim. Por mbi sanksionet brenda njëzet e shtatë të BE-së mbizotëron nevoja për t’u thelluar. Ato “duhet të kenë ndikim në aftësitë e Rusisë për të bërë luftë, por ne duhet të marrim parasysh edhe interesat tona ekonomike”.

Kujdesi i Michel ka të bëjë veçanërisht me propozimin e SHBA për të vendosur një tavan për naftën, duke pasur parasysh shpërthimin aktual të çmimeve që Rusia po përfiton. Ekziston frika se masa mund të ketë pasoja negative.

Michel tha gjithashtu se ai mbështetej në një marrëveshje që do të lironte eksportet e grurit ukrainas.

Kaq shumë probleme në tapet

Frika për ekonominë

Konflikti dhe pasojat e tij do të mbizotërojnë diskutimet në Gjermani, të cilat janë planifikuar të zgjasin deri të martën. Scholz dhe kryeministri britanik Boris Johnson kanë bërë thirrje që “të mos braktiset Ukraina” tani që diskutimet për një armëpushim duken ende të largëta. Në të vërtetë, Sekretari i Përgjithshëm i NATO-s Jason Stoltenberg paralajmëroi se lufta “mund të zgjasë me vite”. Megjithatë, në të njëjtën kohë, retë e zeza po mblidhen mbi të ardhmen e afërt të ekonomive perëndimore dhe joperëndimore, mes kërcënimeve të mungesës së ushqimit, inflacionit galopant dhe krizës energjetike.

Scholz, Biden, presidenti francez Macron dhe Johnson gjithashtu kanë shqetësime në frontin e brendshëm. Popullariteti i të parit po bie te gjermanët, i dyti është i shqetësuar për efektet e ekonomisë në zgjedhjet e ardhshme afatmesme dhe vendimet e Gjykatës së Lartë për të drejtat civile, si aborti. Macron doli i goditur nga zgjedhjet e fundit dhe Johnson paguan çmimin e “Partygate”.

Një aksion i Greenpeace të shtunën në mbrëmje në malet përreth Garmisch

Nga ana tjetër, duket se nuk ka shumë hapësirë për çështje të tjera, siç është ajo mjedisore. Mijëra njerëz demonstruan për masat klimatike të shtunën në mbrëmje në Mynih. rsi-eb

Çfarë bisedoi Macron me Putinin, 4 ditë para nisjes së luftës në Ukrainë

Pak ditë para sulmit rus në Ukrainë, tensioni mes Vladimir Putin dhe Emmanuel Macron është i dukshëm. Këtë e dëshmon transkripti i negociatave mes dy liderëve gjatë një interviste telefonike.

Presidenti francez përpiqet më kot të shtyjë drejt një de-përshkallëzimi dhe i propozon një takim me Biden, homologut të tij rus.

‘Të jem i sinqertë, doja të shkoja të luaja hokej, po flas me ty nga palestra, duhet të filloj disa ushtrime, por fillimisht do të thërras këshilltarët e mi’, është përgjigjja e Putinit.

Katër ditë më vonë, pas kësaj bisede më 24 shkurt, Rusia pushtoi territorin ukrainas.

Telefonata 9-minutëshe/ Transkripti i bisedës telefonike, një nga të shumtat mes Macron dhe Putin para shpërthimit të armiqësive, është pjesë e një dokumentari televiziv që do të transmetohet të enjten e ardhshme në televizionin publik France 2. Bëhet fjalë për një bisedë 9 minutëshe mes dy krerëve të shtetit, e cila u zhvillua më 20 shkurt.

Në qendër të diskutimit janë marrëveshjet e Minskut, të nënshkruara mes Kievit dhe separatistëve prorusë në kryeqytetin e Bjellorusisë, pas pushtimit rus të Krimesë dhe përplasjeve në Donbas. Marrëveshjet e nënshkruara në shtator 2014 dhe shkurt 2015 në prani të përfaqësuesve të OSBE-së, Rusisë dhe disa vendeve perëndimore.

Sulmi ndaj Zelensky-t – ‘Ti dhe kancelari Scholz më thatë se Zelensky është gati të bëjë një gjest, se ai kishte një projektligj të gatshëm për të zbatuar marrëveshjet e Minskut … në fakt, kolegu ynë i dashur z. Zelensky nuk bën asgjë. Ai të gënjen’,-akuzon Putin.

Sulmi ndaj Macron-‘Ju thatë se duhet të rishikojmë marrëveshjet e Minskut’. Akuzës së Putinit, presidenti francez i përgjigjet: ‘Kurrë nuk e kam thënë Vladimir, kam thënë se duhen zbatuar, se duhen respektuar dhe nuk kam të njëjtin lexim si ju ditëve të fundit’.

‘Nuk na interesojnë propozimet e separatistëve’-Më pas diskutimi ndizet mbi ‘separatistët’, të pa legjitimuar nga Macron për të ‘bërë propozime për ligjet e Ukrainës’. Dhe duke lexuar marrëveshjet e Minskut, ai shton dozën: ‘Nuk e di ku e ka mësuar ligjin juristi juaj ekspert’.

Putin ngurtësohet dhe drejton gishtin nga Kievi: ‘Nuk është një qeveri e zgjedhur në mënyrë demokratike, ata morën pushtetin me një grusht shteti, kishte njerëz të djegur të gjallë, ishte një gjakderdhje dhe Zelensky është një nga ata që janë përgjegjës’.

Macron në këtë pikë e mbyll fjalimin: ‘Nuk na interesojnë propozimet e separatistëve’. Putini përgjigjet: ‘Më dëgjoni me kujdes. A më dëgjoni? Po jua përsëris, ata që ju i quani separatistë reaguan ndaj propozimeve të autoriteteve ukrainase. Më pas, përgjigjet e tyre nuk u ndoqën’.

‘Faleminderit zoti President’-‘Faleminderit gjithsesi Vladimir, nëse ka diçka më telefono’, rekomandon Macron mbylljen e bisedës. Për të cilën Putini përgjigjet përzemërsisht në frëngjisht: ‘Je vous remercie Monsieur le président’.

syri.net

VIDEO- Kryepatriarkun e Rusisë nuk e mbajnë këmbët, rrëshqitje spektakolare në dysheme pas pagëzimeve me ujë të shenjtë

Patriarku rus Kirill është bërë pjesë e një incidenti të pakëndshëm gjatë një shërbimi në kishën e Novorossiysk.

Kreu i Kishës Ortodokse ruse ka rrëshqitur prej shkallëve, për shkak të dyshemesë së lagur me ujë të shenjtë gjatë pagëzimit.

Në një video që po qarkullon në rrjet mund të shihet Kirill që rrëshqet nga foltorja dhe përplaset në tokë, ndërsa televizoni rus e ndryshon me shpejtësi pamjen, duke shfaqur imazhe jashtë kishës.

Sipas mediave nuk raportohet për ndonjë dëmtim të rëndë të kreut të Kishës Ortodokse Ruse.

“Dyshemeja është e bukur, mund ta shihni veten në pasqyrë, është kaq e shndritshme dhe e lëmuar. Por kur uji bie mbi të, edhe nëse është ujë i shenjtë, janë ligjet e fizikës që mund të rrëshqasësh. Fatkeqësisht, rashë në këtë dysheme të bukur, por me dëshirën e Zotit pa asnjë pasojë”, tha Kirill më vonë gjatë predikimit. bw

Mbretëria e Bashkuar, SHBA, Kanadaja dhe Japonia do të ndalojnë importet e arit rus

Mbretëria e Bashkuar, SHBA, Kanadaja dhe Japonia do të ndalojnë importet e arit rus në fazën e fundit të përpjekjes për të gjymtuar ekonominë e Rusisë në përgjigje të luftës në Ukrainë, raporton Association Press.

Eksportet e arit ishin me vlerë 15.2 miliardë dollarë në Rusi në vitin 2021 dhe rëndësia e tyre është rritur që nga pushtimi i Ukrainës nga Vladimir Putin, pasi oligarkët kanë nxituar të blejnë shufra ari ose argjendi për të shmangur ndikimin e sanksioneve, tha Downing Street.

Zyrtarët besojnë se për shkak se Londra është një qendër kryesore e tregtisë së arit, sanksionet e Mbretërisë së Bashkuar do të kenë një ndikim të madh në aftësinë e Putinit për të mbledhur fonde për të financuar përpjekjet e tij të luftës.

Ndalimi do të hyjë në fuqi së shpejti dhe do të zbatohet për arin e sapo nxjerrë ose të rafinuar. Ai nuk do të ndikojë në arin me origjinë ruse që është eksportuar më parë nga Rusia , shtoi qeveria britanike. Express

Rusia i premton Bjellorusisë raketa me kapacitet bërthamor

Sistemi raketor, Iskander-M.

Rusia do t’i dërgojë aleates së saj, Bjellorusisë, sisteme raketore me rreze të shkurtër, por me kapacitet bërthamor, ka thënë presidenti rus, Vladimir Putin.

Ai ka thënë se sistemet Iskander-M “mund të nisin raketa balistike dhe lundruese, si konvencionale, ashtu edhe të llojit bërthamor”.

Sistemet mund të përshkojnë deri 500 kilometra.

Tensionet në mes të Rusisë dhe Perëndimit janë përshkallëzuar, prej kur Putin ka marrë vendim për të pushtuar Ukrainën më 24 shkurt.

Putin ka bërë disa herë referenca për armët bërthamore prej atëherë.

Disa i kanë interpretuar deklaratat e tij si paralajmërim për shtetet e Perëndimit që të mos përfshihen në luftë.

Duke folur në Shën Petersburg, Putin ka thënë se Rusia do të ndihmojë në modifikim të aeroplanëve luftarakë bjellorusë SU-25, në mënyrë që ata të mund të bartin armë bërthamore.

Putin i ka bërë këto deklarata si përgjigje ndaj kërkesës së liderit autoritar bjellorus, Aleksandr Lukashenka.

Raketat Iskander tashmë janë pozicionuar në Kaliningrad, një enklavë e vogël ruse mes anëtareve të NATO-s, Lituanisë dhe Polonisë.

Të dy liderët kanë diskutuar edhe vendimin e Lituanisë për të parandaluar bartjen e disa mallrave nga dhe drejt Kaliningradit – një hap që ka zemëruar Moskën.

Lukashenka ka thënë se vendimi i Lituanisë “ka qenë një lloj deklarate e luftës” dhe hap “i papranueshëm”.

Çeliku dhe disa mallra ruse janë nën sanksionet e Bashkimit Evropian, të vëna ndaj Rusisë, pas nisjes së luftës.

Lituania ka thënë se masat që ka marrë ajo, prekin vetëm 1 për qind të transitit të mallrave ruse, duke hedhur poshtë deklaratat ruse për “bllokim” të Kaliningradit.

Severodonjecku në duart e Rusisë

Ndërkohë në Kiev është raportuar për disa shpërthime në mëngjesin e së dielës, sipas kryetarit të qytetit, Vitali Klitschko.

“Ambulancat dhe ekipet e kërkim-shpëtimit janë angazhuar. Në dy ndërtesa është duke vazhduar kërkimi dhe evakuimi”, ka shtuar ai.

Agjencia e lajmeve, AFP ka raportuar se është goditur një kompleks residencial.

Të shtunën, Ukraina ka thënë se forcat ruse kanë “pushtuar plotësisht” qytetin kyç lindor Severodonjeck, pas disa javëve të luftimeve të ashpra.

Marrja e qytetit nënkupton që Rusia tani kontrollon gati gjithë rajonin Luhansk dhe një pjesë të rajonit fqinj, Donjeck – të dyja rajonet njihen si Donbas.

Në adresimin e tij ditor, presidenti ukrainas, Volodymyr Zelensky është zotuar për kthim të “të gjitha qyteteve tona” të pushtuara nga Rusia.

Mirëpo ai ka thënë se lufta me Rusinë ka hyrë në një fazë të vështirë emocionale, dhe ai nuk e di edhe sa shpërthime dhe vdekje tjera do të ketë.

Të premten në mbrëmje, Rusia ka nisur një mori raketash me shënjestra në veri dhe perëndim të Ukrainës.

Të paktën tre njerëz janë vrarë dhe më shumë mund të kenë mbetur nën rrënoja në qytezën Sarni, në perëndim të Kievit, ka thënë një zyrtar lokal.

Disa prej raketave janë nisur nga Bjellorusia, ka thënë Ukraina.

Bjellorusia i ka ofruar mbështetje logjistike Rusisë, mirëpo ushtria e saj nuk është përfshirë zyrtarisht në konflikt.

Shërbimi i inteligjencës në Ukrainë ka thënë se sulmet me raketa janë pjesë e përpjekjeve të Kremlinit për të përfshirë Bjellorusinë në luftë.

Marrja e kontrollit të Severodonjeckut nga forcat ushtarake ruse vjen në kohën e një jave të ngjeshur të diplomacisë.

Presidenti amerikan Joe Biden udhëton në Gjermani për Samitin e shtatë vendeve më të industrializuara (G7), të përcjellë më pas nga bisedimet me NATO-n.

Në muajt e fundit, aleanca perëndimore ka treguar shenja të tendosjes dhe lodhjes, mirëpo të shtunën, kryeministri britanik, Boris Johnson, ka thënë se Ukraina mund të fitojë betejën kundër Rusisë.

“Tani nuk është koha për t’u dorëzuar për çështjen e Ukrainës”, ka thënë ai.

Të shtunën, presidenti i Indonezisë, Joko Widodo, i cili pritet të marrë pjesë në G7, ka thënë se lideri ukrainas dhe ai rus, duhet të nisin dialogun.

“Lufta duhet të përfundojë dhe zinxhiri i furnizimit me ushqim duhet të riaktivizohet”, ka thënë ai.

Rusia dhe Ukraina janë të dyja furnizuese kyçe të drithërave, dhe konflikti i vazhdueshëm vetëm ka vënë në pah brishtësinë e zinxhirit global të furnizimit me ushqime, kur dy shtetet kryesore janë jashtë tregut.

Më 2021, Rusia dhe Ukraina janë renditur si lidere globale në eksport të elbit, misrit, luleve të verdha për vajra, farave të lulediellit dhe vajit të lulediellit.

Së bashku, ato eksportojnë pothuajse 30 për qind të furnizimeve me grurë në botë. Rusia eksporton 17 për qind të grurit në nivel botëror, ndërsa Ukraina rreth 20 për qind të luleve të verdha për vajra.

Përgatiti: Krenare Cubolli

Ky nxitim i frikshëm i Vladimir Putinit duhet marrë seriozisht

Nga Filipp Piatov, BILD

Kur Rusia pushtoi Ukrainën në shkurt, shumë politikanë gjermanë deklaruan njëzëri: Ne gabuam për Putinin!

Kjo nuk duhet të ndodhë më.

Sado konfuze të tingëllojnë fjalimet e Putinit, sa më absurdë të jenë propaganduesit e tij- ne duhet t’i dëgjojmë me kujdes. Dhe ta marrim seriozisht rrezikun.

Pothuajse çdo ditë, agjitatorët televizivë të Putinit kohët e fundit po bëjnë thirrje për një sulm ndaj Gjermanisë.

Ata pyesin se si është mbrojtja kundërajrore në kryeqytetin gjerman dhe kërkojnë një sulm ushtarak ndaj Republikës Federale.

Luftënxitja e Rusisë kundër Ukrainës dikur dukej po aq e çmendur. Derisa Putini papritmas e vuri në veprim propagandën e tij.

Lufta brutale e Putinit po shpërthen në Ukrainën lindore. Gazetari i BILD, Paul Ronzheimer u qëllua nga trupat ruse në Donbas të mërkurën.

Nëse nuk e ndalojmë forcën ushtarake ruse atje, Putini nuk do ndalet kurrë.

syri.net

Kina e quan krizën në Ukrainë, “një alarm për njerëzimin”

RFE/RL

Konflikti në Ukrainë është “një alarm për njerëzimin”, deklaroi të mërkurën lideri kinez Xi Jinping, ndërsa Kina vazhdon të mbajë një pozicion neutraliteti duke mbështetur aleatin e saj, Rusinë.

Kina ka refuzuar të dënojë luftën e Rusisë në Ukrainë apo edhe t’i referohet asaj si një pushtim të Moskës, ndërkohë që dënon sanksionet e vendosura nga SHBA-ja dhe Evropa ndaj Rusisë dhe akuzon Perëndimin për provokimin e Moskës.

“Kriza në Ukrainë ka dhënë sërish alarmin për njerëzimin. Vendet me siguri do të përfundojnë në vështirësi nëse ata besojnë verbërisht në pozicionet e tyre të forcës, zgjerojnë aleancat ushtarake dhe kërkojnë sigurinë e tyre në kurriz të të tjerëve”, citon agjencia zyrtare e Lajmeve Xinhua mbi fjalimin e Xi.

Xi, i cili nuk propozoi asnjë zgjidhje, foli në hapjen e një forumi virtual të biznesit të vendeve “BRICS” – Brazili, Rusia, India, Kina dhe Afrika e Jugut.

Në komente të tjera, Xi tha se vendosja e sanksioneve mund të veprojë si një “bumerang” dhe një “shpatë me dy tehe” dhe se komuniteti global do të vuajë nga “politizimi, mekanizimi dhe armatimi” i tendencave ekonomike globale dhe flukseve financiare.

Presidenti brazilian Jair Bolsonaro mbajti një qendrim të pazakontë diplomatik në fjalimin e tij të shkurtër të regjistruar në forum, duke lartësuar rezultatet e administratës së tij pa përmendur asnjë vend tjetër.

“Konteksti aktual ndërkombëtar është një arsye për shqetësim për shkak të rreziqeve ndaj tregtisë dhe flukseve të investimeve për stabilitetin e zinxhirëve të furnizimit me energji dhe investimeve,” tha ai. “Përgjigja e Brazilit ndaj këtyre sfidave nuk është të mbyllet në vetvete. Përkundrazi, ne kemi kërkuar të thellojmë integrimin tonë ekonomik.”

Xi tha gjithashtu se Kina do të përpiqet të zvogëlojë dëmet në zinxhirët e furnizimit ndërkombëtar të shkaktuar nga pandemia COVID-19, të cilën ajo e ka përballuar me një politikë të linjës së ashpër të bllokimeve dhe karantinave, pavarësisht nga një numër në rënie të rasteve dhe kostoja ekonomike në rritje.

Politika e jashtme gjithnjë e më bindëse e Kinës dhe nxitja për të dominuar tregjet globale kanë shkaktuar një reagim të ashpër në SHBA, Evropë dhe gjetkë, duke përfshirë thirrjet për të zëvendësuar furnizuesit kinezë dhe për të reduktuar varësinë nga ekonomia kineze.

Xi bëri thirrje që kombet të punojnë së bashku për çështje të tilla, duke thënë se përpjekjet për të “ndërtuar një oborr të vogël me mure të larta” nuk ishin në interesin e askujt.

“Globalizimi ekonomik është një kërkesë objektive për zhvillimin e forcave prodhuese dhe një prirje historike e parezistueshme”, tha Xi.

“Të shkosh prapa në histori dhe të përpiqesh të bllokosh rrugën e njerëzve të tjerë, në fund vetëm do të bllokojë rrugën tënde”, tha ai.

Pas kërcënimeve ndaj Lituanisë, Finlanda s’i frikësohet Putinit: Jemi gati për luftë!

Perëndimit duket se i ka sosur durimi me Moskën dhe deklaratat me gjuhë të ashpër që vijnë nga rrethi i Valdimir Putin, ku bëhet thirrje për goditje me armë bërthamore të vendeve anëtare të NATO-s dhe BE-së.

Në një lëvizje të fundit vendet perëndimore kanë reaguar ashpër kundër Putinit, me Finlandën të parën që paralajmëron Rusinë se është e gatshme të luftojë me ta, ndërsa SHBA deklaron mbështetjen ‘e hekurt’ të NATO-s për Lituaninë pas tensionit në rritje për bllokadën e enklavës së Kaliningradit.

Me fantazmën e Luftës së Tretë Botërore që shfaqet mbi Perëndimin, Finlanda e ka sqaruar sot se është gati për betejë në çdo rast.

Shefi i forcave të armatosura finlandeze, gjenerali Timo Kivinen tha se vendi ka qenë duke u përgatitur për një sulm rus për dekada dhe do të bënte rezistencë të ashpër nëse ndodh diçka e tillë.

“Vendi ka ndërtuar një arsenal të konsiderueshëm, por përveç pajisjeve ushtarake, një faktor vendimtar është që finlandezët të jenë të motivuar për të luftuar. Linja më e rëndësishme e mbrojtjes është mes veshëve, siç dëshmon lufta në Ukrainë për momentin”, tha Kivinen në një intervistë.

Ndërkohë, Shtetet e Bashkuara thanë sot se çdo sulm ndaj Lituanisë do të “përbënte një sulm ndaj të gjithë anëtarëve të NATO-s”.

Kjo vjen pasi Moska kërcënoi fqinjin e saj me ‘pasoja serioze’ për bllokimin e mallrave të sanksionuara nga BE për të arritur në enklavën ruse të Kaliningradit.

Duke shtuar tensionet e rritura globale, forcat e armatosura franceze kryen një stërvitje ushtarake të befasishme në Estoni, anijet luftarake kineze dhe ruse lundruan pranë brigjeve japoneze dhe Gjermania paralajmëroi Rusinë të mos kërkonte hakmarrje mbi Lituaninë. bw

Rusët që janë kundër luftës përballen me gjoba, burg dhe mbyllje psikiatrike

Demonstruesit brohorasin sllogane gjatë një aksioni kundër sulmit rus ndaj Ukrainës në Shën Petersburg, Rusi, më 27 shkurt 2022.

Më 24 shkurt, gjithçka ndryshoi për Irina Bystrovan.

Pronarja e një studioje arti në qytetin verior rus të Petrozavodskit, Irina Bystrova, tha se tashmë kishte tërhequr vëmendjen e autoriteteve ruse duke iu bashkuar demonstratave në rrugë, si ato në mbështetje të politikanit opozitar, Aleksei Navalny.

Ajo, gjithashtu, kundërshtoi zëshëm aneksimin e gadishullit të Krimesë të Ukrainës në vitin 2014.

Kur dëgjoi që presidenti rus, Vladimir Putin, shpalli pushtimin e Rusisë ndaj Ukrainës, Bystrova tha se shpërtheu në lot. Ajo e nxori zemërimin e saj në punë, duke i vënë një mbishkrim fotografisë së Putinit, ku shkruhej “Digju në ferr!” dhe e postoi në llogarinë e saj në rrjetet sociale.

Një muaj më vonë, llogaria e saj u bllokua dhe oficerët e policisë dhe Shërbimit Federal të Sigurisë i trokitën në derë. Ata kontrolluan banesën e saj dhe konfiskuan kompjuterë, telefona celularë dhe gjësende të tjera.

Bystrova tani përballet me akuza penale të “thirrjes për terrorizëm” dhe “diskreditimit të forcave të armatosura ruse”. Akuza e saj është e fundit, në numrin në rritje të rasteve në gjithë Rusinë, të autoriteteve që targetojnë njerëzit që flasin kundër luftës.

Ndërsa akuza e thirrjes për terrorizëm është përdorur për vite me radhë për të targetuar aktivistët anti-qeveritarë, akuza për diskreditimin e forcave të armatosura ruse është e re. Disa ditë pas fillimit të luftës në Ukrainë, Parlamenti rus përditësoi Kodin Penal, në të cilin përfshiu një sërë veprash të reja që lidhen me veprimtarinë ushtarake ruse.

Që nga 24 shkurti shumë se 15,000 njerëz janë arrestuar në të gjithë Rusinë për demonstrata kundër luftës, sipas vëzhguesve të organizatës OVD-Info.

Disa forma të protestës janë po aq të padëmshme sa fotografia e mbishkrimit të Bystrovës, ndërsa të tjerat marrin një qëndrim më provokues si artistja e Shën Petersburgut, e cila u lye me bojë të kuqe dhe këndoi “Zemra ime rrjedh gjak” përpara legjislaturës së qytetit.

Një tjetër aktiviste u akuzua pasi zëvendësoi fshehurazi etiketat e çmimeve në raftet e një supermarketi me mesazhe kundër luftës.

Aktivistët thonë se aktet e protestës, të mëdha dhe të vogla, ka të ngjarë të bëhen gjithnjë e më të zakonshme teksa lufta po vazhdon pa fund, gjithnjë e më shumë ushtarë të vdekur kthehen në shtëpi dhe rusët e zakonshëm fillojnë të vënë në dyshim justifikimin e Putinit për pushtimin e Ukrainës.

Në ditët e fundit, gjykatat në qytetet ruse Novokuznetsk dhe Yugorsk shqiptuan gjoba me akuzën e diskreditimit të forcave të armatosura ruse, tha organizata OVD-Info. Në të dyja rastet, individët kishin postuar video në internet që shprehnin kundërshtimin e luftës.

Bystrova tha se kur dëgjoi Putinin të shpallte pushtimin e Ukrainës, atë ditë të shkurtit, ajo ishte duke u larguar nga studioja e saj.

“Lotët më rridhnin dhe unë thjesht nuk mund t’i ndalja”, tha ajo për North Realities të Radios Evropa e Lirë. “E kuptova se diçka e tmerrshme kishte ndodhur dhe nuk mund të bëja asgjë. Dhe, më vjen turp të them se jam ruse”.

Prokurorët nuk iu përgjigjën pyetjeve të Radios Evropa e Lirë në lidhje me bazën e rastit kundër Bystrovës, por zyrtarë të afërt me hetimin thanë se shkak ishin postimet në mediat sociale.

Autoritetet i dorëzuan Bystrovës më 24 mars, një kopje zyrtare të akuzave të saj, një ditë pasi banesa e saj u kontrollua. Ajo përballet me deri në shtatë vjet burgim për akuzën e terrorizmit dhe deri në tre vjet burgim për diskreditimin e forcave të armatosura ruse.

Javën e kaluar, një gjykatë në Shën Petersburg urdhëroi që një artist dhe aktivist vendas të shkonte në një klinikë psikiatrike për një vlerësim të detyruar nga gjykata. Ky ishte dënimi për Aleksandra Skochilenkon, e cila kishte zëvendësuar fshehurazi etiketat e çmimeve të supermarketeve me detaje rreth luftës së Ukrainës.

Një nga etiketat, të cilën ajo e vendosi në fund të një shkopi ngjitës në dyqan, shkruhej: “Inflacioni javor ka arritur një nivel të ri të paparë që nga viti 1998 si rezultat i veprimeve tona ushtarake në Ukrainë. Ndaleni luftën”.

Rreth 2,400 kilometra në lindje të Petrozavodskut, Konstantin Gamershmidt, një ish-student 22-vjeçar i teologjisë, po përballet me raste të shumta dhe gjoba të shumta për qëndrimin e tij kundër luftës.

Ditën e pushtimit, ai dëgjoi nga një mik për sulmin dhe ai u përgjigj me një postim në VK, gjigantin rus të mediave sociale, ku shkruante: “Jo luftës”.

“Sigurisht, kjo nuk e ndihmoi Ukrainën në asnjë mënyrë, por unë thjesht doja të bëja diçka”, tha ai.

Në prill, ai filloi të postonte video në kanalin e tij në YouTube për problemet sociale në Tyumen, një qytet i madh siberian. Më 18 prill, Gamershmidt xhiroi një video të tij të veshur me një këmishë tradicionale popullore ukrainase dhe ishte duke folur kundër luftës. Ai e quajti Putinin një “xhuxh bunker”.

“Nuk mund ta imagjinoja që xhuxhi bunker do të fillonte të vriste vëllezërit e mi – ukrainas që mbrojnë tokën e tyre dhe rusë, të cilët [agjencitë e sigurisë] i hedhin pa mëshirë në një mulli mishi”, tregoi ai.

Në një intervistë të publikuar më 16 qershor me Realitetet Siberiane të Radios Evropa e Lirë, Gamershmidt tha se ai është gjobitur me 70,000 rubla (1,200 dollarë) deri më tani dhe pret një gjobë të tretë prej 50,000 rubla (900 dollarë) në ditët në vijim.

“Thelbi i akuzës është se kam diskredituar ushtrinë ruse. Për të qenë specifik, në videot në kanalin tim në YouTube them, ‘Lavdi Ukrainës’, ‘Rroftë Bjellorusia’, ‘Rusia do të jetë e lirë’ dhe ‘Jo luftës'”, tha ai.

“Epo, unë gjithashtu them atje se Putini është një bishë”, shtoi ai.

Pasi u thirr në Ministrinë e Brendshme për të biseduar me hetuesit, dy oficerë shkuan në shtëpinë e tij më 9 maj dhe e morën në pyetje për pesë orë. Hetuesit paraqitën protokollet penale, duke e vënë atë në dijeni për akuzat dhe gjobat me të cilat përballej.

Ai tha se nuk do të pajtohet me akuzat.

“Unë do të flas më me kujdes tani, sepse mendoj se lufta do të vazhdojë edhe për tre muaj të tjerë, kështu që nëse më fusin [në burg] nuk do të kem ndonjë dobi”, tha ai.

“Do të më duhet ta mbaj gojën e mbyllur, por jo sepse kam frikë, por sepse tani është e nevojshme strategjikisht”.

Në Petrozavodsk, Bystrova po lufton për të shmangur vlerësimin psikiatrik të urdhëruar nga gjykata.

“Unë jam paqësore. Dhe i dua fëmijët; kur vdesin fëmijët, është e tmerrshme. Në familjen time, pesë njerëz vdiqën në Luftën e Madhe Patriotike, por unë nuk vrapoj rreth e rrotull duke bërtitur: ‘Mund ta bëjmë përsëri”, tha ajo, duke iu referuar Luftës së Dytë Botërore.

“Përkundrazi, siç thonë në Evropë: Kurrë më”, tha ajo. “Pse nuk kam frikë? Nëse do të kisha frikë, kush përveç meje do t’u dilte në mbrojtje? Nëse të gjithë kanë frikë, ne nuk do të mund të bëjmë kurrë asgjë”.

“Nuk ka asgjë për t’u frikësuar. Nuk mund të bëhet më keq”, tha Bystrova.

Përgatiti: Erjonë Popova

Sullivan: sulmi i Rusisë në Ukrainë, një akt agresioni masiv

Ambasadori amerikan në Moskë thotë se sulmi i Rusisë në Ukrainë ishte një “akt agresioni masiv”. I sapoardhur nga Moska në Uashington për të marrë pjesë në konferencën e përvitshme të ambasadorëve të Shteteve të Bashkuara, Ambasadori John Sullivan tha në një intervistë për shërbimin në gjuhën ruse të Zërit të Amerikës se gjithçka i atribuohet vendimit të një personi, Presidentit rus Putin, për të filluar këtë luftë.

“Sapo u ktheva javën e kaluar nga Moska për këtë konferencë dhe është e habitshme se si bota është përmbysur që nga lufta e Rusisë, agresionit që filloi në fund të muajit shkurt. Është subjekti i kësaj konference të ambasadorëve amerikanë nga e gjithë bota, për t’u siguruar se bota e di dhe i përgjigjet këtij akti agresioni masiv dhe lufte të dhunshme në kontinentin evropian, me predha artilerie dhe raketa që bien mbi qytete të lashta në Evropë, pamje që menduam se i lamë pas në shekullin e 20-të, me të pafajshëm që vriten, gra dhe fëmijë, spitale dhe shkolla. Të gjitha këto për shkak se qeveria ruse dhe Presidenti Putin vendosën të fillonin një luftë agresioni, në përpjekje për të pushtuar një vend të pavarur dhe sovran, ose pjesë të tij, një vend anëtar të OKB-së”, tha Ambasadori Sullivan.

Ndërsa në Rusi vazhdon shtypja ndaj aktivistëve opozitarë dhe mediave të pavarura, Ambasadori Sullivan u takua rishtazi në ministrinë e jashtme ruse për të protestuar ndaj kërcënimeve për gazetarët që punojnë në agjencitë amerikane të lajmeve në Rusi.

“Kam qenë në Moskë për mbi dy vite e gjysëm tashmë, dhe që nga dita kur mbërrita, ka qenë një ortek i pandalshëm shtypje graduale ndaj të drejtave të njeriut, shoqërisë civile, gazetarëve, shoqatave joqeveritare. U miratua një ligj, për individë dhe organizata, që përcaktohen si agjentë të huaj, apo ekstremistë dhe njerëzit janë shtrënguar të largohen nga vendi. Këta janë rusë besnikë, që kanë jetuar në atdhe gjatë gjithë jetës së tyre, që e duan vendin e tyre dhe që nuk janë dakord me veprimet, që ka ndërmarrë qeveria e tyre. Detyrohen të largohen nga vendi, nëse janë me fat. Nëse jo, i dërgojnë në kampe pune për ca kohë”, tha Ambasadori Sullivan.

Për të diskutuar situatën me aleatët, Presidenti Joe Biden do të udhëtojë këtë fundjavë drejt Gjermanisë për takimin e G-7ës dhe në vazhdim drejt Madridit për takimin e NATO-s. Ambasadori Sullivan thotë se pritshmëritë janë të larta.

“…në çdo moment, Shtetet e Bashkuara, aleatët dhe partnerët, kanë demonstruar unitet të jashtëzakonshëm. Kam besim tek rezultati i takimit të G-7ës dhe i takimit të udhëheqësve të NATO-s. Ishte gabimi i qeverisë ruse dhe i Presidentit Putin që nënvlerësoi unitetin e aleancës së NATO-s, Shteteve të Bashkuara dhe partnerëve tanë në BE. Ishte një gabim, pasi ne jemi të bashkuar, dhe do t’i rezistojmë këtij agresioni”, tha ai.

Ambasadori Sullivan është optimist edhe për sa i përket debatit për të ulur ndërvarësinë e Evropës nga furnizimi me karburant dhe gaz nga Rusia.

“Është një problem afatshkurtër që do ta zgjidhim së bashku, dhe nuk do të gabojmë sërish duke u mbështetur më shumë se ç’duhet tek një vend kaq i paqëndrueshëm, agresiv dhe armiqësor si Rusia”, thotë ai.

Megjithëse Ambasadori Sullivan është i shqetësuar prej faktit se propaganda në Rusi i ka paraqitur popullit një pamje krejt të ndryshme të luftës në Ukrainë, ai ka ndjesinë se diçka po fillon të ndryshojë.

“Mendoj se ekziston një ndjesi jo shumë e dukshme në Rusi, se diçka nuk shkon dhe se ajo që po ndodh në Ukrainë është gabim. Ata e mbështesin vendin e tyre. E duan ushtrinë e tyre. Por diçka nuk shkon, dhe ata e dinë këtë gjë; mund ta ndjesh këtë ndjesi të fshehtë. Njerëzit duan të dinë: Kur do të ndalet? Kur do të rikthehen gjërat siç ishin më parë? Dhe mesazhi është se, fatkeqësisht, nuk do të ndodhë së afërmi”, thotë Ambasadori Sullivan.

Mbante valixhet me kodet bërthamore për Putinin, qëllohet me armë zjarri në shtëpinë e tij koloneli rus

Një nga kolonelët e besuar të presidentit rus Vladimir Putin, është gjetur në shtëpinë e tij i plagosur rëndë.

The Mirror raporton se 53-vjeçari Vadim Zimin, ndodhet në kujdes intensiv por nuk ka humbur jetën.

Zimin për një kohë ta gjatë ka shërbyer si mbajtës i valixhes me kodet bërthamore të liderit rus, duke e shoqëruar këtë të fundit kudo që shkonte.

Zimin u gjet i plagosur me plagë me armë zjarri në kuzhinën e banesës së tij në Krasnogorsk, në Moskë ndërsa ngjarja ka ndodhur në një kohë që bashkëshortja e tij, mjeke, ishte larg shtëpisë duke trajtuar të plagosurit nga lufta e Putinit në Ukrainë.

I plagosuri u gjet nga i vëllai, i cili ka rrëfyer se Zimin ishte i shtrirë në tokë në një pellg gjaku dhe me një plakë në kokë. Pranë tij është gjetur edhe një pistoletë 79-9TM.

“Ngjarja vjen në një kohë kur koloneli Zimin po përballej me hetim penal për marrje ryshfeti pasi iu bashkua shërbimit doganor në një rol të lartë”, raportoi Moskovsky Komsomolets.

Pavarësisht se kishte mohuar çdo akuzë, Zimini ishte në arrest shtëpie. bw

Turqia dhe Rusia arrijnë marrëveshje mbi eksportin e grurit ukrainas

Një anije e marinës ruse patrullon në portin detar të ngarkesave të Mariupolit, Ukrainë, 12 qershor 2022.

RFE/RL

Një delegacion turk udhëtoi për në Moskë të mërkurën e 22 qershorit për të biseduar mbi mundësinë e rifillimit të eksporteve të grurit nga Ukraina përgjatë Detit të Zi.

Në takimin që zgjati disa orë në Moskë, përfaqësuesit nga Ministritë e Mbrojtjes të Turqisë dhe Rusisë arritën një marrëveshje për bashkëpunimin e mëtejshëm për kalimin e sigurt të anijeve tregtare turke dhe eksportin e grurit nga portet ukrainase në Detin e Zi.

Miliona tonë grurë dhe drithëra të tjera janë bllokuar prej muajsh në portet e Ukrainës që nga nisja e pushtimit rus, duke sjellë shqetësime mbi krizën dhe rritjen e çmimeve në të gjithë botën.

“Palët diskutuan për daljen e sigurt të anijeve tregtare turke dhe eksportin e grurit nga portet e Ukrainës, po ashtu edhe mbi lundrimin e sigurt në Detin e Zi”, thuhet në deklaratën e Ministrisë ruse pas takimit të së mërkurës.

Rusia ka mohuar në mënyrë të përsëritur bllokimin e kalimit të anijeve me grurë ukrainas, duke fajësuar sanksionet perëndimore si shkak për krizën ushqimore.

Turqia, e cila ka mbajtur marrëdhënie të mira me Moskën dhe Kievin, ka ofruar të mundësojë kalimin e anijeve nga Ukraina bazuar në një plan të OKB-së që do të garantonte korridore të sigurta në Detin e Zi.

Të mërkurën një anije mallrash e Turqisë u largua nga porti i Mariupolit, qytetit ukrainas të pushtuar nga Rusia, pas një raundi bisedimesh “konstruktive” me Moskën, thuhet në deklaratën e Ministrisë së Mbrojtjes të Turqisë, pa specifikuar nëse po transportonte grurë.

“Takimi në Moskë dha rezultatin e tij të parë konkret”, tha Ministria e Mbrojtjes e Turqisë në një deklaratë.

“Vetëm pak orë pas përfundimit të takimit, anija turke e mallrave të thata, e cila priste prej ditësh, u largua nga porti ukrainas”.

Deklarata shtoi se ‘Azov Concord’ u bë anija e parë e huaj që u largua nga porti në Mariupol – një qytet i shkatërruar nga bombardimet ruse.