VOAL

VOAL

Please Wait ...
0%

Në fokusin e piktorit: Ali Podrimja

By | September 2, 2016
blank

Komentet

blank

Elbasani, Durrësi, Saranda, Gjirokastra dhe degët e Tiranës, ata që po dalin me emra kundër Bashës

Shkallët e selisë së PD janë shndërruar në platformën e transparencës ku delegatët e kuvendit po publikojnë me emër dhe mbiemër vullnetin e tyre kundër kryetarit të partisë që qëndron në zyrën sipër. Fillimisht Elbasani, pastaj Durrësi, Gjirokastra dhe Saranda duke përfshirë pothuasje të gjitha degët e PD-së në Tiranë, po thonë pa frikë se i janë bashkuar nsimës së ndërmarë nga foltorja e Sali Berishës.

Ky procesi që u fillua nga deputeti i Tiranës, Agron Shehaj i cili verifikoi në zyrën e Edi Palokës se 98% të firmave të atyre që kishte verifikuar ai në dy degët e PD-së ishin të sakta, po vijon me shpalljen e emrave ditë pas dite.

Sipas një llogarie të thjeshtë që Lapsi.al ka bërë deri më tani janë rreth 1200 delegatë, pra afro 15% e tërësisë së Kuvendit Kombëtar që kanë pranuar të shfaqin publikisht pozicionimin e tyre (shiko poshtë, në fund të faqes). Ndonëse kjo shifër është ende larg numrit minimal që duhet për të mbledhur forumin më të lartë të PD (1800 delegatëë) dhe shumë më larg sigurimit një shumice për të marrë vendime (mbi 50%), ajo ka rëndësi sepse krahu i PD-së zyrtare që nuk e njeh vërtetësinë e firmave nuk ka kontestuar askënd nga emrat e bërë publike dhe të lexuara përpara selisë. Pra këta rreth 1200 që janë bërë publikë deri tani, kryesisht nga Tirana dhe Elbasani mund të shërbejnë si një kampion për vertetësinë e nënshkrimeve që gjenden në kasafortën e Edi Palokës.

Që kur Berisha shpalli se ai kishte arritur të mbledhë mbi 4200 delegatë rreth vetes, Lapsi.al një një qëndrim editorial, kërkoi me forcë transparencë për publikun, sepse askush në një parti politike legale nuk mund ti mbajë ilegalë mbështetësit e vet (linku poshtë).

Por edhe disa ditë më pas shpalljes krerët e foltores hezituan të bëjnë transparencë. Në deklaratat që ata bënin për Lapsi.al pretendohej se dalja me emër dhe mbiemër i bënte vulnerabël delegatëët ndaj presionit të trefishtë të PD-së zyrtare, të qeverisë, por po ashtu edhe të persionit që u bëhet në emër të ambasadës amerikane. “Ka shumë njerëz që frikësohen me shprehjen nuk do të marësh vizë për USA, nëse shkon në kuvendin e 11 dhjetorit” tha një burim që kërkoi të mbetej anonim.

Me sa duket, presioni publik për transparencë ka bërë të vetën. Po ti shtosh këtyre instrumentalizimin nga selia qëndrore të ndonjë kazusi si i ai i Freskida Rapos, delegates që pretendoi se i është fallcifikuar firma, pasi ajo nuk kishte nënshkruar, apo ndonjë gjysëm investigim si ai i Fiks Fare, kuptohet që “Foltorja” ka qenë e dënuar të japë prova.

Dhe kjo tashmë po ndodh para syve tanë dhe në shkallët e selisë së partisë më të madhe të opozitës. “Këto shpallje publike do të vazhdojnë deri një ditë para kuvendit për të bindur edhe më skeptikët se ne i kemi firmat dhe se ata që do të mblidhen në datë 11 janë të vetmit delegatë të ligjshëm” tha për Lapsi.al një burim nga “Foltorja”.

Në fakt, statistikat dhe përqindjet e delegatëve të bërë publikë ditët e fundit përkojnë edhe me dy anketa të opinionit publik, një në Euronews dhe një në Ora News lidhur me avantazhin që ka Berisha kundrejt Bashës.

Pra dallohet qartë se mbështetësit e liderit historik kanë vendosur ta gryejnë përditë dhe dalë ngadalë targetin e tyre, duke i publikuar ditë pas dite emrat e atyre që më shumë se pro Berishës duket se kanë firmosur kundër tij.

©Lapsi.al

 

Delegatët që jane bëre publikë sipas degëve (e përditësuar)

Sarandë, kane firmosur 100 delegatë nga 140 gjithsej.

Gjirokastër kane firmosur 100 delegatë nga 151 gjithsej.

Durrës, kane firmosur 207 delegatë nga 275 gjithsej.

Elbasan, kane firmosur 272 delegatë nga 409 gjithsej.

Dega 1 Tirane kane firmosur 75 delegatë nga 90 gjithsej.

Dega 3 Tirane kane firmosur 77 delegatë nga 86 gjithsej.

Dega 4 Tirane kane firmosur 97 delegatë nga 111 gjithsej.

Dega 5 Tirane kane firmosur 70 delegatë nga 100gjithsej.

Dega 6 Tirane kane firmosur 65 delegatë nga 82 gjithsej .

Dega 7 Tirane kane firmosur 46 delegatë nga 86 gjithsej.

Dega 9 Tirane kane firmosur 70 delegatë nga 91 gjithsej.

Dega 11 Tirane kane firmosur 88 delegatë nga 117 gjithsej.

blank

Vjosa Osmani: Si presidente, do të kujdesem që t’i ruaj dhe kultivoj trashëgiminë dhe miqësitë që i krijoi Ibrahim Rugova

Presidentja Vjosa Osmani ka përkujtuar presidentin historik të Kosovës Ibrahim Rugova në ditëlindjen e 77-të të tij.

Presidentja Osmani ka shkruar se si shefe e shtetit do të kujdeset maksimalisht që trashëgimia politike e Ibrahim Rugovës e sidomos miqësia me ShBA-në të kultivohet edhe më tej, raporton Gazeta Express.

“Si presidente e vendit do të kujdesem maksimalisht që trashëgimia e tij politike, miqësitë që i krijoi për ne, sidomos ajo me Shtetet e Bashkuara të Amerikës, por edhe me vendet e BE-së dhe vendet e tjera demokratike anekënd botës, të ruhen e të kultivohen më tej.Kosova do t’i jetë përherë mirënjohëse këtij kolosi të dijes, të kulturës e të politikës”, ka shkruar ajo.

Osmani poashtu ka thënë se sot është ditëlindja e ideatorit të Republikës së pavarur të Kosovës.

“Sot është ditëlindja e ideatorit të Republikës sonë të mosvarme, Presidentit historik të Kosovës, dr. Ibrahim Rugovës. Në çdo ditëlindje të tij, ne e kujtojmë atë me mallin e respektin që bijtë e bijat e vendit e tregojnë për atin themelues të shtetit të tyre. Por e kujtojmë edhe si njeri model, skajshmërisht të butë në pamje e në komunikim, por po kaq këmbëngulës e të vendosur në vizionin e tij për ta realizuar ëndrrën e brezave për të jetuar të lirë”, ka shkruar Osmani.

blank

Revista prestigjioze ‘Forbes’ rendit Valbonën mes 5 bukurive natyrore të Ballkanit

Bukuritë e Valbonës janë pa diskutim mahnitëse, bukuri që i kanë ‘tërhequr’ vëmendjen edhe revistës prestigjioze amerikane ‘Forbes’ që e kanë renditur mes 5 bukurive mahnitëse natyrore të Ballkanit Perëndimor që duhen vizituar.

Sipas ‘Forbes’, Lugina e Valbonës nuk është vetëm shtëpia e njerëzve, por në të shfaqet plotësisht edhe biodiversiteti i pasur i Ballkanit Perëndimor.

“Ndërsa majat e larta të maleve të kujtojnë majat e thepisura në Zvicër apo Austri, ky vargmal është në fakt pjesë e Bjeshkëve të Nemuna, një formacion që quhet edhe Alpet Shqiptare. Nuk mungojnë fshatrat idilike për t’u eksploruar në të gjithë Luginën e Valbonës, duke filluar nga Dragobia në Valbonë. Ky park ikonik është shtëpia e shumë më tepër sesa thjesht njerëzve. Biodiversiteti i pasur i gadishullit të Ballkanit Perëndimor shfaqet plotësisht këtu, me arinj të murrmë, dhi të egër dhe rrëqebull që të gjithë e quajnë parkun shtëpi”, shkruan ‘Forbes’.

Po ashtu në listë renditet edhe Parku Kombëtar Una në Bosnje, i njohur për veçoritë e tij ujore, Parku Kombëtar Tara në Beograd, Parku Kombëtar Pirin në Bullgari dhe Parku Kombëtar i Liqenit të Kerkinit në Greqi./ dita

blank

Mbyllet ‘Foltorja’, Berisha: Armiqtë dhe kundërshtarët e mi i kanë tmerr vizitat e mia në Tropojë

“Detyra jonë të përmbysim narkoshtetin”. 

U shpreh ish-kryeministri Sali Berisha në mbyllje të ‘Foltores’ së Tropojës, një takim mjaft entuziast dhe energjik i liderit historik të PD në vendlindjen e tij.

“Ju i dërgoni sot demokratëvve një mesazh të shkëlqyer”, tha Berisha.

“Armiqtë dhe kundërshtarët e mi i kanë tmerr vizitat e mia në Tropoj딓, përfundoi Berisha.

Foltorja e Berishës vijon të premten në Devoll.

Mbi 5 mijë delegatë kanë firmosur për mbledhjen e Kuvendit Kombëtar të PD në 11 dhjetor ku do të bëhen ndryshime statutore dhe do të përcaktohet e ardhja e aksionit politik të Partisë Demokratike.

blank

‘E çoi PD drejt zhdukjes’ Berisha-Bashës: Futu në qeveri si tradhtar me Ramën, por do ju përmbysim bashkë me të

Nga ‘foltorja’ e Bajram Currit ish-kryeministri Sali Berisha i ka drejtuar një mesazh Bashës, duke e akuzuar për presione dhe premtime postesh ndaj delegatëve në qeverinë e Ramës.

Po mundohet të mbledhë firma duke ofruar poste drejtorash zëvendës ministrash në kabinetin e Edi Ramës. Ky është akti i tyre i fundit i turpi të tyre dhe po u themi futuni në qeveri si tradhtar me Ramën por do ju përbysim bashkë me të në një kohë sa më të shkurtër’, theksoi Berisha nga Bajram Curri.

Berisha: Në tetë vite peng kryetari na çoi nga dështimi në dështim një kampion humbjesh dhe dështimesh. Faktikisht me qëndrimet e tij defaktorizoi PD dhe e çoi atë në para alternativës të jetë a të mos jetë. Dy vitet e fundit, peng kryetari me një grusht vasalësh dedirmenësh etj. po mundohet të mbledhë firma duke ofruar poste drejtorash zëvendës ministrash në kabinetin e Edi Ramës. Ky është akti i tyre i fundit i turpi të tyre dhe po u themi futuni në qeveri si tradhtar me Ramën por do ju përbysim bashkë me të në një kohë sa më të shkurtër.

Berisha falënderon delegatët e Malësisë së Gjakovës: Firmat tuaja historike! Më 11 dhjetor bëhemi opozitë e vërtetë

Nga foltorja e Bajram Currit ish-kryeministri Sali Berisha i ka premtuar se pas 11 dhjetorit PD do kthehet në një opozitë të vërtetë dhe do garantojë qëndrimet e saj.

Berisha falënderoi nga zemra kryerarin e degës dhe deputetët e Malësisë së Gjakovës, për firmat historike të delegatëve në rithemelimin e PD.

Berisha: Jemi në prag të një momenti të rëndësishëm dhe ngjarje historike të pashembullt në histroinë e një vendi, të rithemelimit të PD, firmat e anëtarëve të saj, sepse udhëheqja është marrë peng i shumëfishtë. Rithemili i pluralizmi sepse pa PD dhe opozitë të fortë nuk ka pluralizëm në Shqipëri. Zoti kryetar dhe zoti deputet ju falënderoi nga thellësia e zemrës se për delegatët dhe delegatët e Rrethit të Malësisë së Gjakovës për firmat e tyre historike. Firmosën për rithemelimin madhështor të PD. E para që do realizoj do jemi të vërtetë dhe do jemi opozitarë të vërtetë. Rasti i vitit 1997 kur ne humbëm dhe njerëzit u larguan në masë. Ato ditë një grusht njerëzish vinin në PD dhe unë dilja dhe flisja sikur të ishin 5 mijë vetë. E kisha detyrim ndaj tyre. Ishim të vendosur të ngriheshim aty ku ndoheshim. Dhe shumë shpejtë u ngritëm në lartësinë që na takonte. Një ambasador i dashuruar të pakufishme për PS dhe shkruante se tonin e jetës në Shqipëri ja jep opozita. Nano çmendej dhe i thoshte përse e thua këtë. Dhe ai i thoshte se kjo është e vëtetë, pra ne ishim të vërtetë. Dhe në 11 dhjetor ne do jemi të vërtetë.

blank

Qytetari-Berishës: Je burrë krenar që duhet të prijë, do jemi ortek që do përmbysim regjimin

Një prej qytetarëve të pranishëm në Foltoren e Sali Berishës në Bajram Curri në Tropojë, foli për situatën aktuale që po kalon vendi.

Qytetari theksoi se Berisha është një burrë krenar, që nuk mund të jetë i korruptuar.

Ai tha se shpallja non grata e Berishës është bërë nga hijenat e Tiranës.

Qytetari shtoi se demokratët në mbarë Shqipërinë do të bëhen ortekë, që do të përmbysin regjimin.

“Ka ardhur koha që një burrë i madh si Berisha të prijë për zhvillimin e vendit. Rama ka bërë deklaratë skandal, ka thënë se presidenti amerikan është turpi i njerëzimit, janë hijenat e Tiranës bënë këtë lobim, për të krijuar atë precedent që krijuan.

Një njeri krenar si ti Berisha, nuk mund të jetë i korruptuar. Do jemi ortek për të përmbytur regjimin. Me anë të këtij revolucioni demokratik, do arrijmë suksese të mëdha për Shqipërinë dhe shqiptarët”, deklaroi qytetari.

Berisha dy mesazhe Ramës: Pengun bëje ministër po të duash! Ne nuk ngulim çadra, jemi ortek

Ish-kryeministri Sali Berisha i përcolli dy mesazhe kryeministrit Edi Rama nga ‘Foltorja’ e Tropojës. 

Berisha i bëri thirrje kreut të qeverisë që të mos tentojë të bllokojë në bashkëpunim me Lulzim Bashën revolucionin paqësor siç e quajti ai.

Duke iu drejtuar Ramës, Berisha i tha me jo pak ironi që pengun e tij, Bashën, ta marrë dhe ta bëjë ministër po të dojë, ndërsa shtoi se demokratët do të mbushin sheshet në protesta.. Ne nuk ngulim çadra, tha Berisha, ne jemi ortek, vijoi ai.

“Ftoj delegatët, të vini në 11 dhjetor, edhe ndonjë që nuk ka firmosur, se këtu me sa di unë kanë firmosur 100%, të rithemelojmë PD dhe t’i japim mesazhin e duhur Edi Ramës. Ia them që këtu, Edvin, ky është revolucion paqësor, por ti me pengun tënd po përpiqet ta bllokosh. Mjerimin do të marrësh nëse tenton të bllokosh një revolucion paqësor të pandalshëm. S’ka forcë në botë që e ndal këtë revolucion. E dyta, Edvin pengun merre dhe strehoje ku të duash, bëje ministër ose ç’të duash, por ne do të të themi këtu para këtyre zonjave e burrave, se para se të vimë te kutitë e votimit do të votojmë njëherë me këmbët dhe duart tona me protesta, derisa të përmbysim narkoshtetin tënd. Harroje se mund të ngulim çadra, ne jemi ortek, s’kemi punë me çadra ne”, u shpreh Berisha.

blank

Primaret, neni ‘Basha’ dhe Azem Hajdari/ Berisha flet për ndryshimet statore në PD

Përpara mijëra demokratëve të Bajram Currit lideri historik i PD zbuloi disa nga ndryshimet statutore që pritet të miratohen në Kuvendin Kombëtar të 11 dhjetorit. 

Berisha foli për organizimin e PD, duke deklaruar rikthimin e primareve, vendosjen e nenit ‘Basha’ në statut si dhe dekorimin e Azem Hajdarit si President i Përhershëm i Partisë Demokratike.

“Me statutin e ri do të vendosim primaret. Zgjedhjet në parti do të bëhen me votat e të gjithë anëtarëve të saj. Zgjedhja e kandidatëve për deputetë do të bëhet me votim, me garë. Ai që merr më shumë vota, ai do të jetë përfaqësuesi juaj. Kemi 1001 arsye që të shndërrojmë PD-në në shtëpinë e lirisë. Statuti do të sanksionojë, kryetari po humbi zgjedhjet largohet pa asnjë diskutim, ky nen do të quhet neni ‘Basha’. Është negativ, por le të na bëhet mësim sot e përgjithmonë që të mos përsëritet historia si kjo. Por statuti do të ketë edhe një nen të ri në të cilën themeluesi i kësaj partie, tribuni legjendar Azem Hajdari do të shpallet president i përhershëm i PD”, u shpreh Berisha.

blank

Delegatja-Berishës: Kemi firmosur 100% për Kuvendin e 11 dhjetorit

Ish-kryeministri Sali Berisha ka mbajtur Foltoren e radhës në qytetin e Bajram Currit, në Tropojë.

Delegatja Bukurie Doçaj, deklaroi se është sekretare e grup seksionit të qytetit dhe se në Tropojë, 100 përqind e delegatëve janë firmosur për Kuvendin e 11 dhjetorit.

Bukurie Doçaj: Përshëndetje doktor. Jam sekretare e grup seksionit të qytetit Bajram Curri. Të falënderoj nga zemra për ardhjen në Tropojë.

Tropoja ka nxjerrë ndër vite burra e gra shumë me vlera, por ju jeni diamanti. Unë jam një nga firmëtarët e 100 përqindëshit të delegatëve të Tropojës, që kanë firmosur për Kuvendin e 11 dhjetorit.

blank

Berisha ‘shpërthen’ kundër Vuçiçit: S’do ta prekësh kurrë më Kosovën, harroje! Edhe ti ke kryer masakra

Nga Malësia e Gjakovës ish-kryeministri Sali Berisha i përcolli një mesazh të drejtpërdrejtë presidentit serb Vuçiç, të cilin e quajti mik të Edi Ramës. 

Berisha tha se pasardhësi i Millosheviçit nuk do të guxojë kurrë të prekë më Kosovën, ndërsa i kujtoi gjenocidin dhe masakrat serbe ndaj shqiptarëve.

Berisha e paralajmëroi kreun e shtetit serb se nëse do të tentojë të vijë në Tiranë për “Ballkanin e Hapur”, ai do të ndeshet me shqiptarët në rrugë.

Nisma ‘Open Balkan’, tha Berisha, është projekt serbo-rus dhe e kthen Shqipërinë në vasale të Serbisë dhe kjo nuk do të ndodhë kurrë. Nëse Beogradi do raporte me shqiptarët, shtoi Berisha, kusht duhet të jetë njohja e gjenocidit serb dhe dënimi i masakrave çnjerëzore.

“Edi Rama njëlloj si Enver Hoxha në 45-46, imarrë peng si argat i Beogradit, po bën gjithçka për ta vënë Shqipërinë nën dominimin Serbisë, me një projekt serbo-rus. Në takimet që bën lëshon rrufe drejt udhëheqjes politike të Kosovës. Në 8 vite Shqipëria nuk ka bindur një vend të vetëm që të njohë Kosovën. Por është përpjekur me çdo kusht që të mbështesë akuzat e Sllobodanit të ri, Aleksandër Vuçiç ndaj saj. Ballkani i hapur ka vetëm një qëllim, ndarjen e Kosovës, shndërrimin e Maqedonisë dhe Shqipërisë në zona të hegjemonizimit serb. Ndaj dhe nga kjo platformë do t’i çoj një mesazh Sllobodanit të ri, hiqe nga mendja se do të kalojë Ballkani i Hapur në Shqipëri me firmën e Edi Ramës. Mendohu mirë, mendohu shumë herë, para se të mësysh Tiranën si mik i Edi Ramës, sepse një popull i tërë do të jetë në rrugë kundër teje. Ne jemi dhe do të punojmë për marrëdhënie normale, por jo kurrë në kurriz të Kosovës. Ai kërcënon Kosovën.

E dini ju që ditën që parlamenti i tij duartrokiste Zografin Bis për fjalën anti-shqiptare që mbajti, puthej Vuçiç me Putin dhe cila ishte tema e diskutimit, Kosova e Veriut, armët dhe tanket. Sigurisht Kosova është në mbrojtjen e NATO-s dhe çdo përpjekje e tij do t’ia kthejë ushtrinë në kocka dhe tanket në hekurishta. Por prap duhet t’i themi harroje se mund të prekësh Kosovën, jemi një komb dhe vetëm një komb. Kurrë më. Kurrë më unk do të mund të prekësh një pjesë të territorit të saj. Nëse do bashkëpunim në radhë të parë duhet të njohësh gjenocidin ciklik që ke shkaktuar ndaj shqiptarëve. Shko vizito muzeumin e masakrave serbe ti pasardhës i Millosheviçit e të kërkosh falje për krimet monstruoze ku je pjesëmarrës edhe ti”, u shpreh Berisha.

blank

Berisha përlotet në Tropojë: Jam i bekuar që linda dhe u rrita në Malësinë e Gjakovës

blank

Pallati i Kulturës nuk i nxë të gjithë, mijëra mbështetës të Berishës e ndjekin jashtë

Ish-kryeministri Sali Berisha mban Foltoren në Tropojë, në Pallatin e Kulturës në Bajram Curri.

Ajo që vihet re në këto pamje është se Pallati i Kulturës nuk i nxë të gjithë.

Kjo sepse mbështetësit e Sali Berishës në Tropojë janë të shumtë.

Edhe pse është ftohtë jashtë, me mijëra mbështetës të Berishës presin jashtë.

Interesimi i tropojanëve dhe demokratëve të Tropojës për Sali Berishën është shumë i madh.

blank

Berisha përlotet në Tropojë: Jam i bekuar që linda dhe u rrita në Malësinë e Gjakovës

Atmosfera e zjarrtë në ‘Foltoren’ e Tropojës përloti ish-kryeministrin Sali Berisha, në takimin e tij me demokratët në vendlindje. 

Berisha tha se ishte me fat dhe i bekuar që kishte lindur dhe ishte rritur në Malësinë e Gjakovës.

Që në fëmijëri, tha Berisha, u kultivua me dashurinë për atdheun dhe Kosovën, pavarësisht se regjimi komunist i kishte zhdukur nga tekstet shkollore trevat shqiptare të mbetura jashtë kufijve.

“Përulem me nderimin më të madh për rolin dhe kontributin tuaj në Shqipërinë demokratike, por edhe në të gjtiha kohërat për çështjen kombëtare, për çështjen shqiptare. Duke ardhur në Malësinë e Gjokës më kishte pushtuar një ndjenjë e veçantë, me erdhi në mend një fjalë një filozof gjerman thotë se “njeriu i lirë është fëmija i natyrës”. Në fakt, duke perifrazuar këto fjalë të Niçes vetëvetiu i thash vetes se “njeriu i lirë në vendlindjen e tij është dy herë fëmija i natyrës”. 

Floriana Garo më pyeti si ishte udhëtimi në Tropojë, gjysmë qiellor dhe gjysmë tokësor iu përgjigja unë asaj. Unë shpesh vij me mendjen time më shpesh se kudo në botë, vij në vendlindjen time, por edhe më shpesh se çdo gjë tjetër i përsërsis vetes time çfarë fati të madh që pata dhe sa i bekuar që isha, që linda në Malësinë e Gjakovës. 

Pas dekadash janë saj, pas degadash në Tiranë, e qindra udhëtimesh në botë, në vendlindjen time unë kreva universitetin më të rëndësishëm të jetës time, unë mora diplomën e të gjitha diplomave të jetës sime. Në fillimet e memories time, në familjen time si dhe qindra e mijëra familjet e Malësisë së Gjakovës, Nikajt, Mërturit, Dukagjinit, të gjithë këtyre trevave ekzistonin odat e burrave. Nuk kishte radio, nuk kishte televizor, por e gjithë jeta jonë kalonte nga shkolla te oda dhe anasjelltas, mirëpo cila ishte e vërteta, e vërteta ishte se në odë unë e bashkëmoshatarët e mi mëkoheshim me një dashuri të pakufijshme për vendin, për Kosovë, Kosova për ata burra ishte toka e shenjtë.

Kurse shkolla dhe librat e kishin ndaluar Kosovën, nuk flitej një fjalë për një qytetet të saj, artist, shkrimtar të saj. Kosova nuk ekzistonte për Enver Hoxhën sepse e kishte shitur. Prandaj i vuri emrin Malësisë së Gjakovës, rrethi i Tropoës, Tropoja ishte qëndra, por kjo trevë është Malësia e Gjakovës. Në odë mora eleksirin e jetës time, dashuri e pakufijshme për vendin, dashuri e pakufijshme për Kosovën”.

 

blank

Foltorja e Tropojës- Mesazhi i Sali Berishës për Floriana Garon: Udhëtim gjysmë qiellor, gjysmë tokësor

Lideri historik i demokratëve Sali Berisha, ndodhet në qytetin e Bajram Currit ku do të zhvillojë ‘Foltoren’ me qytetarët.

Pritja e rezervuar nga qytetarët për ish-kryeministrin Sali Berisha ka qenë madhështore.

Ndërkaq në një mesazh të shkurtër për Drejtoreshën e Komunikimit të ‘Foltores’, Floriana Garo, lideri historik i demokratëve, Sali Berisha ka përshkruar udhëtimin e tij.

‘Në një udhëtim gjysëm qiellor, gjysëm tokësore. Shihemi në Foltore’, – është shprehur ish-kryeministri Sali Berisha për Floriana Garon.

 

FOTO/ ‘Foltorja’, Sali Berishës i bashkohet deputeti Isuf Çela dhe ish-kryebashkiaku

Një kafe spontane në qytetin e Bajram Currit ku lideri historik i PD-së, Sali Berisha u prit nga qindra demokratë entuziastë.

Mes tyre ishte edhe deputeti i PD-së Isuf Cela dhe ish-kryetari i bashkisë, Besnik Dushaj.

Me shume emocion për rikthimin në vendlindje dhe Foltoren sot në mbremje, Sali Berisha tha se ‘udhëtimi për këtu është gjysëm qiellor, gjysëm tokësor’.

blank

blank

blank

VIDEO LAJM- ‘Foltorja’ Tropojë, Sali Berisha pritet në vendlindje me këngë e valle

Lideri historik i demokratëve Sali Berisha ka mbërritur në vendlindjen e tij në Tropojë.

Pritja që i ishte rezervuar ish-kryeministrit ka qenë entuziaste.

Sali Berisha është pritur me këngë e valle në qendër të qytetit të Bajram Currit.

blank

Takim me strukturat në Has, kreu i degës së PD në krah të Berishës (fotot)

Ish-kryeministri, Sali Berisha ka zhvilluar këtë të mërkurë një takim me strukturat e PD në Has.

Ai po ashtu u prit me entuziazëm nga qindra përkrahës të PD.

Të pranishëm në këtë takim ishin edhe kryetari i degës së PD-së në Has, Miftar Dauti dhe Sekretarja e degës, Nazlie Laçi, Kryetarja e LDG Has, Flutura Aliaj si dhe kryesia e delegatët e zonës.

“Në fokus të takimit ishin zhvillimet e fundit brenda Partisë Demokratike si dhe situata politike në vend,” thuhet në një njoftim zyrtar.

Takimi vjen vetëm pak orë para zhvillimit të Foltores: Për një Parti Demokratike më te bashkuar, më të fortë, më të hapur që do të zhvillohet këtë të mërkurë, datë 1 dhjetor, në ora 16:30, në ambientet e Pallatit të Kulturës “Dardania”, në Bajram Curri, Tropojë.

blank

blank

blank

blank

blank

Berisha poston VIDEON: Drejt vendlindjes! Rroftë Malësia e Gjakovës

Lideri historik demokrat, Sali Berisha, postoi një video në prag të Foltores së Tropojës.

“Drejt vendlindjes! Rroftë Malësia e Gjakovës”, shkruan Berisha.

Foltorja e Tropojës mbahet sot në orën 16:30 në Pallatin e Kulturës të qytetit.

Në videon që e shoqëron, Berisha shkruan se Foltorja e shpresës vjen në vijim të rrugës drejt Kuvendit të 11 dhjetorit.

blank

VIDEO – Foltorja në Has, Berisha: Ju ftoj në Kuvendin e rithemelimit të PD

Rrugës për në Tropojë, lideri historik demokrat, Sali Berisha, u ndal edhe në Has. Në qytetin e Krumës ai u prit me entuziazëm nga qindra demokratë.

Duke improvizuar Foltoren përpara tyre, Berisha tha se Hasi është dhe do jetë gjithmonë demokrat.

“Hasi është dhe mbetet gjithmonë demokrat dhe i pamposhtur, i vendosur të mbrojë vlerat e demokracisë, të mbrojë interesin kombëtar. Askush nuk ka luajtur rolin që ju, Kukësi dhe Tropoja, luajtën gjatë luftës çlirimtare në Kosovë. Bijtë e bijat e Kosovës janë të vendosur t’i dalin zot vendit më shumë se kurrë”.

“Miqtë e mi, ju falënderoj me shumë mirënjohje për këtë mikpritje të zjarrtë, për këtë Foltore kaq të zjarrtë dhe frymëzuese për mbarë shqiptarët,” tha Berisha.

“Kur Beogradi dhe Tirana punonin për shuarjen e PD-së, demokratët në mbarë Shqipërinë, u zgjuan në një lëvizje të fuqishme, lëvizje që kërkon t’i shndërrojë ata, të shndërrojë PD-në në gardiane të interesave tuaja kombëtare dhe familjare,” shtoi Berisha, duke e quajtur Edi Ramën një vasal të Aleksandër Vuçiç.

“Ftoj demokratët e Hasit në Kuvendin e rithemelimit të PD. Të rikthejmë edhe njëherë PD-në në shtëpinë e lirisë, ashtu siç e themeluan ata që ne bashkërisht, në dhjetor të vitit 1990 i quajtëm ‘engjëjt e demokracisë’,” tha Berisha.


blank
blank
blank
blank
blank
blank
blank
blank
blank
blank
blank
blank
Send this to a friend