Në Çikago u hap ekspozita me fofografi dhe shkrime të shtypit amerikan për luftën në Kosovë- Nga Skënder Karaçica

February 15, 2026

 

Në Çikago,shqiptarët po festojnë pavarësinë e Kosovës me programe të shumta kombëtaro-kulturore, në përkujtim të kohës së luftës së UÇK-së kundër regjimit ushtarko-policor për tokën e djegur të Kosovës dhe shfarosjen  shqiptare deri në shkallë të gjenocidit nga regjimi i Serbisë në vitet (1998-1999).

 

Për ngjarjet me pamje të rënda të vrasjeve,të refugjatëve,të flakës së zjarreve  të shtëpive të shqiptareve,duke i larguar  më dhunë në vijën e Vardarit për në Maqdedoninë e Veriut dhe për në Shqipëri më se pesëqind mijë shqiptarë,ishte tema bosht e ekspozitës që u hap në Vjosa Cafe Events në Çikago.

 

Ekspozitën kishin ardhur për të parë nga afër veprimtarë,intelektualë,biznismenë dhe në mesin e tyre poeti i burgologjisë komuniste Visar Zhiti, Drilon Zogaj,konsull dhe Fatmir Rrahmanaj,sekretar i parë në  Konsullatën e Kosovës në Iowa.

 

Të pranishmit i përshëndeti Edon Shaqiri,kryetar i KSHA-së në Çikago,që për kohën e luftës në Kosovë,shtypi i shkruar dhe elektronik i pati kushtuar vemendje të veçantë kur lajmet që vinin nga lufta,ato botoheshin në faqet e para të shtypit të kohës.Për festën e ditës së pavarësisë së Kosovës,Drilon  Zogaj,konsull,foli për festën e lirisë së Kosovës dhe,koha kur populli shqiptar është rreshtuar për të ndertuar vlera të demokracisë dhe të paqes në Ballkan,ku shteti i Kosovës,është bërë shembull se si duhet të ruhen vlerat e lirisë dhe fryma e shtetit demokratik e ligjor.

 

Atmmsoferën e këtij manifestimi kulturor të ekspozitës,e freskoi me recitimin e tij monolog me titull,,Unë jam Adem Jashari,,të aktorit të skenës Pajazit Murtishi.Për ngjarjet e luftës në Kosovë,skenarët e vdekjes me shenjën e gjenocidit, shtypi amerikan,evropian e botëror,qendronte me korrespodentë të akredituar në Kosovë,që i treguan botës se çfarë po bënë logjistika ushtarako-policore e paramilitare të Serbisë,kundër shqiptarëve të pa mbrojtur,pati rrëfimin e tij profesor Skënder Karaçica.

Një ngjarje renqethëse për të pranishmit,profesor Karaçica,përmendi kohën kur në fillim të marsit 1998,forcat ushtarako-policore me tërë teknologjinë luftarake,ku mungonin vetëm aeroplanët luftarak,herët në mëngjes ia kishin mësyer familjes së Shaban Jashari në Prekaz të Drenicës për të rrethuar e për t`i zënë të gjallë komandantin e UÇK-së Adem dhe Hamëz Jashari.Përkitazi me këtë ngjarje,Karaçica theksoi se në mëngjesin e hershëm,i kam njoftuar bashkëpunëtorët e presdentit të Ibrahim Rugova,veprimtarët Xhemail Mustafa dhe Enver Maloku,të vrarë pas luftës  në Prishtinë.

 

Bashkë me ekspozitën,në ekranin e sajuar shfaqej dokumentari nga televizionet emerikane ,,The Walley,,i siguruar nga (Raporting House)të muzeut historik në Prishtinë me temën e përjetimeve të shqiptarëve në kohën e luftës në Kosovë.

 

Skënder Karaçica

• twitter

  Follow
• facebook
• linkedin

Fjalë kyçe: Skënder Karaçica